بين حانا ومانا.... ضاعت لحانا

[امرأة من ورق]

شكرا كتير تايغر لتجاوبك مع طلب اصلاح وضع الموضوع

[rayan]

كاتب النص الأصلي : فلسطينية الشتات

نيالكم بتاخدوا اجازات وبتروحوا تنبسطوا وبتكيفوا

انا ما عندي اجازات ولا طلعات ولا نزلات
شو اعمل ؟؟؟؟ والله طقيت من هالعيشة

مممم ليه دايما انتي يلي برد ع حكيا.....ما بعرف بس يمكن لانو انتي حياتك تعبانة وانا حياتي
تعيسة فبحس بشي شو هو ما بعرف وما فيني الك انا اسف لاني ما فيني اعمل شي
للي انتو اهل فلسطين عايشين فيو يمكن ما بيجوز الاسف بس شو بدك تعملي ازا كبارنا مو طالع بايدن شي فنحنا ... مابعرف

[rayan]

كاتب النص الأصلي : فلسطينية الشتات

سيرفر مان على راسي والله، بالنسبة الي المخيم هو فلسطين الصغيرة

صدقني مخيمنا في كل اشي فلسطيني

حتى الناس اللي بيجوا عنا من الضفة بيحكولنا كأنه بفلسطين
ما فرق كثير

لكن شعور الوطن بضل غصة بقلوبنا
***********

رايان يسعدك ويخليك ربي
وان شاء الله دايما بتكون قلوبنا على بعض ، تسلم

نشالله

[rayan]

كاتب النص الأصلي : فلسطينية الشتات

وطني يا نسمة من روح الارض داعبت غلاف القلب وشفافية العقل،
نزفت وطني وسال الدم يعبق برائحة الارض
فجبلت بدمي خصب الارض لتنبت زهرة دحنون
تعلن بقاء من نزفوا معانقين ذرات ترابك يروون اشجارك وازهارك

أي وطن، انت في القلب والروح
قيثارة عشق غنتك همسات امي على لحن العودة
وطني سنرجع يوما

.... يمكن بدكو ترجعو بس ممكن سوال ع الوضع هاد __مابدي ثبط معنوياتك__ بس فيكون ترجعو انتو لانو برايي ولادكن يلي رح يرجعو وانتي ادرا

[rayan]

كاتب النص الأصلي : TheLight

بس حبيت اسأل المغتربين وخاصة يللي موجودين بالدول الغربية يعني اوروبا واميركا
قديش بتقدروا تتحملو البقية بسوريا بس تنزلوا اجازة؟؟
يعني ما بتحسوا انو الواحد راح يطق راسو بسوريا بعد اسبوعين او تلانة من الاجازة؟؟؟

انا بدي اسالك ليش؟

[فلسطينية الشتات]

كاتب النص الأصلي : rayan

.... يمكن بدكو ترجعو بس ممكن سوال ع الوضع هاد __مابدي ثبط معنوياتك__ بس فيكون ترجعو انتو لانو برايي ولادكن يلي رح يرجعو وانتي ادرا

اكيد ما بتثبط معنوياتي ابدا، انتا بتحكي الواقع بكل ما فيه من مساوئ

الرجعة بإذن الله أكيدة، ولو مش النا، المهم حق العودة حق لا تفريط فيه تحت أي ظرف

ومهما وقعوا من وثائق تنازل، برضه حقنا ثابت لأنه مش احنا اللي وقعنا

ومثل ما حكى العظيم ناجي العلي:

لا يحق لأكبر رأس أن يوقع وثيقة تنازل عن أرض فلسطين

بالتالي احنا او اولادنا مش مشكلة، المهم الحق باقي وما يضيع ويندثر بصفحات الأيام

[rayan]

كاتب النص الأصلي : فلسطينية الشتات

اكيد ما بتثبط معنوياتي ابدا، انتا بتحكي الواقع بكل ما فيه من مساوئ

الرجعة بإذن الله أكيدة، ولو مش النا، المهم حق العودة حق لا تفريط فيه تحت أي ظرف

ومهما وقعوا من وثائق تنازل، برضه حقنا ثابت لأنه مش احنا اللي وقعنا

ومثل ما حكى العظيم ناجي العلي:

لا يحق لأكبر رأس أن يوقع وثيقة تنازل عن أرض فلسطين

بالتالي احنا او اولادنا مش مشكلة، المهم الحق باقي وما يضيع ويندثر بصفحات الأيام

كل رد عم تعجبيني اكتر

[moh84]

كاتب النص الأصلي : tiger

المشكلة يا شباب اني حاسس انو الغربة خربتني ....
اي خربتني ...... من جوا وبشكل خلاني اعرف انو مستحيل ارجع نفس هداك الشخص اللي كان بسوريا...
خسرت كل احاسيسي القديمة , لذتي بالحياة , عنفواني ,.... كل حياتي الماضية ....
والمشكلة انو ما عم شوف طريقة استرجع هالامور فيها !!!
صرت اعرف انو انا تغيرت بحيث اني خسرت كل عالمي الماضي (اللي كنت اعشقه)وللأسف ............ الى الأبد ....
والله هادا اكتر شي مرعبني ....
لك ايام عم اطلع بالمراية وما عم اعرف حالي!!!
بيني وبينكم الشكل نفسو ....
لكن فرق كبير من جوا !!!!
لك ..... يلعن ابو الغربة على ابو الساعة اللي تغربت فيها

بعين الله عمي تايغر والله انا حاسس بوجعك
لاني انا كمان متغرب عن وطني بس للاسف انا عايش بوطني
يعن الغربة مش بس غربة المكان الغربة غربة الانسان عن الوجدان
وفي كتير ناس عاشت بالاوطان بس على القهر ولاذل و الجوع والنسيان

[syrvar_man]

كاتب النص الأصلي : moh84

بعين الله عمي تايغر والله انا حاسس بوجعك
لاني انا كمان متغرب عن وطني بس للاسف انا عايش بوطني
يعن الغربة مش بس غربة المكان الغربة غربة الانسان عن الوجدان
وفي كتير ناس عاشت بالاوطان بس على القهر ولاذل و الجوع والنسيان

قول الله تعال لهون وهات الاقامة يلي معك انا بطلع

[فلسطينية الشتات]

رايان وسيرفر مان ما في داعي الدم يسيل يا شباب، خلونا اصحاب الله يخليكم

رايان تسلم على المجاملة الجميلة

وسيرفر على حد علمي ما خطبتني ولا في بينا قصة حب

بعدين ما بيسوى الاهل يتقاتلو من تحت راس بنت شو ما كانت

خليكم حبايب واصحاب الله يرضى عليكم


**************

محمد الغربة ممكن تكون بأي مكان، الغربة مش غربة بالجسد بقدر ما هي غربة في الروح
ممكن انتا فعلا شاعر بغربة مع إنك لسه بفلسطين، والسبب بعدك عن مدينتك وخروجك القسري منها، لكن الغربة الأكبر، شعورك بالوطن بداخلك بدون ما يكون عندك قدرة على لمس ذرة ترابه
غربتنا إنا جينا الدنيا لقينا حالنا لاجئين ومكتوب علينا نعيش بعيد وبعيد كثير كمان.

هويتنا هي لجوؤنا ومهما طالت غربتنا لا بد بيوم من الرجعة، خلي إيمانك بالله كبير يا محمد وفلسطين مهما بعدنا عنها جسديا فهي في الروح والقلب.

[امرأة من ورق]

كاتب النص الأصلي : فلسطينية الشتات

اكيد ما بتثبط معنوياتي ابدا، انتا بتحكي الواقع بكل ما فيه من مساوئ

الرجعة بإذن الله أكيدة، ولو مش النا، المهم حق العودة حق لا تفريط فيه تحت أي ظرف

ومهما وقعوا من وثائق تنازل، برضه حقنا ثابت لأنه مش احنا اللي وقعنا

ومثل ما حكى العظيم ناجي العلي:

لا يحق لأكبر رأس أن يوقع وثيقة تنازل عن أرض فلسطين

بالتالي احنا او اولادنا مش مشكلة، المهم الحق باقي وما يضيع ويندثر بصفحات الأيام

بحييكي فلسطينية

واكيد فلسطين راجعة لاهلها حتى لو نحنا ماعشنا لنشوف هاليوم

[امرأة من ورق]

كاتب النص الأصلي : moh84

بعين الله عمي تايغر والله انا حاسس بوجعك
لاني انا كمان متغرب عن وطني بس للاسف انا عايش بوطني
يعن الغربة مش بس غربة المكان الغربة غربة الانسان عن الوجدان
وفي كتير ناس عاشت بالاوطان بس على القهر ولاذل و الجوع والنسيان

كلو غربة وكلو اصعب من بعضو

الله بيعين

[alickus]

يا جماعة لما قالت فيروز خدني ازرعني بارض لبنان ما كذبت
او بالاحرى كانت عم تقول كل العالم بهالكلمتين
بحياتي ما فكرت انو العالم ممكن يختصر بكلمتين
مع انو ما صرلي غير اسبوع برات سوريا
بس اليوم بالصدفة سمعت هالغنية
اااااااااااخ يلعن ابو الغربة لك انا كنت مفكر انو كلو طق وطنيات و هيك شي الحكي عن الغربة يعني
بس بحياتي ما فكرت انو الذكريات المؤلمة ممكن تحزنك بيوم من الايام او حتى تخليك تبكي هاد الاحساس اللي بيحس فيه اللي تارك ارضو نفس الاحساس بالموت ممكن اصعب لانو الاحساس بالموت ممكن يدوم يوم او تنين او شهر بالكتير بس هاد الاحساس بيضل معك طول ما انت برى سوريا

[whiterose]

حكي فاضي لا تعيش حالك بالأوهام
الصيفية الماضية سافرت كل شهر 8 ماعرفت الحزن والهم ونسيت اصلا انا وين
لوقت رجعت لسوريا بقصد وفت نزلت الطيارة بأرض المطار
اكتأبت
بلا وطنيات بلا زفت

الحنين بكون لأشخاص لأماكن لذكريات مو وطنيات
دور على مصلحتك وين ممكن تكون لو بمنغوليا

[alickus]

اي بس انت كنتي بتعرفي انو راجعة
او بتعرفي ايمتى راجعة
بس انا ما بعرف
و يمكن ضل شي خمس سنين بعدين انا ماني مشتاق لتراب انا مشتاق لاهلي لحارتي
لحياتي بسورية الجنة بلا ناس ما بتنداس

[whiterose]

اذا هيك معك حق

بس لازم تعرف انو كمان ماحدا دايملك

لا اهلك ولا حارتك ولا رفقاتك دور على مستقبلك والله يووفقك

[موجه بحر]

صحي ما جربت الغربة بس مجرد التفكير بهالموضوع بيدايق وانو ما تشوف اهلك وناسك حارتك
عنجد صعبة الله يكون بعونك بس حاول تحط ببالك انك راجع واتعلق بهالامل وحاول تنخرط بالجو اللي انت فيه وتشغل وقتك شوي حتى ما تفكر كتيييييييييير وتحن

[alickus]

اييي صرلي برى البلد عشرين يوم و لهلق ما كنت اتأقلم يا جماعة غريب انو كيف الذكريات الحلوة بتخلينا احيانا نبكي عن جد حدا بيتصور انو الذكرى الحلوة ممكن تصير مؤلمة او صورة رفيقك او اي شخص و هوي عم يتضحك ممكن تبكيك قالولي انو المصاري بتنسي بس هلق مستعد اترك الدنيا كلها و ارجع ع حضن امي