بين حانا ومانا.... ضاعت لحانا
 

هاد الموضوع للشباب والصبايا اللي عايشين او عاشو بالغربة لفترة وجربو احساس انو الواحد يضيع بين بلدو وبين بلد غربتو ...... يعني بكلمة تانية هون بدنا نحكي عن تجربتنا بالغربة وانو شو بيصير معنا مثلا كل مرة بنرجع عالبلد او لما بنرجع من زيارة البلد للغربة وهيك شغلات

ورح بلش بشغلة كتير بتغصصني وبتصعب عليي كل مرة برجع على سوريا وهيي انو دايما بكون متوقعة انو بدي شوف كلشي بسوريا متل ماتركتو قبل سنة بس للأسف بشوف كتير شغلات متغيرة..... بشوف اهلي كبرو بالعمر وختيرو..... الولاد الصغار اللي كنت بعرفون لسه مابيحكو ولابيمشو بشوفون عم يحكو وعم يمشو يعني بكلمة تانية بحس انو راحت عليي شوفتون بمرحلة كاملة وحلوة كتير من عمرون..... رفقاتي واخواتي وقرابيني اللي بعمر الشباب بشوفون ارتبطو وغالبا باشخاص مابعرفون يعني بحس انو في بدائرة معارفي وحبايبي ناس غرب بس بحس انو لازم حبون لمحبتي لشريكون بس بيضلو غرب عني :cry:
واخر مرة انصدمت انو اهلي تركو المدينة اللي ربيت فيها تقريبا كل عمري وقررو يرجعو يعيشو بالضيعة ومستقرين ببيت الضيعة اللي بعمري ماعشت فيه وبعمري ماحسيتو بيتي:cry:
يعني رجعت على سوريا حسيت اني عايشة بين اهلي بس مو بنفس الجو اللي كنت متعودة عليه...... حسيت اني غريبة :cry:

مافي احلا من الضيعة
حياة بسيطة بتجنن


انو لسى ما رجعت على سوريا
بس في شي من انو الفصاعين اللي كنت بعرفون
هلق كبرو
وقرايبيني صار عندون ولاد ماني شايفون
والعالم ختيرت
وعالم تغيرت
بس يلا كلو منيح
نحن تغيرنا كمان

نحنا كمان تغيرنا ويمكن تغيرنا لسه بسرعة اكتر من اللي جوا البلد وعلى حطة ايدك وجايي بالحكي على هاد الموضوع...... كمان هاد مأساة لسه اكتر من تغيير الباقيين :cry:

شكرا ويللي:D

أأأأأأخ........كأنك بقلبي ....
منيح ما طلعت لحالي بحس هيك ....
وبيني وبينك اسوء شعور بيجيني وقت ياللي بعرف انو العمر والوقت عم يمرق بدون ما شوف هالناس ياللي بحبها ومع الاسف بدو يجي يوم وما أقدر شوفهون ...
حتى بوصل لمرحلة انو كل الحياة تافهة وبلا معنى ...
بنجي وبنتعذب وبنروح ....
ما بقدر قول اكتر من : يلعن ابو الغربة...

اي والله يلعن ابو اخت ام عم خال جد الغربة وكل سليلتها :cry:

ولي عحظي لا ترعبونا شباب....لانو انا مسسافر بيجوز بعد سنة...بطلنا:cry:

وأنا كمان بدي سب الغربة معكون..... رغم اني عايشة ببلدي.
المشكلة انو اسا شوي رح صير غريبة و ما بعرف حدا و أنا عايشة بيتي و بين اهلي.......
الكل عم يسافر...... وكل ما سافر حدا قطعة من قلبي بتروح معو......
بتصدقو يا جماعة مليت الوداع، وقلبي كل يوم بيبكي مية مرة كتر ما مشتاق....
ناس تربيت معون، اخوات و رفقات...... ناس ربوني..... كلن بعاد عني عم تمرق ايام فرح و حزن عليون و ماعم اقدر شاركون بولا شي!!!!!!!
ما تفكرو انو انتو يلي عايشين بعاد عن وطنكن بس عم تحسوا بقساوة الغربة...... ونحنا كمان (الناس يلي منحبكون) حاسين فيا لأنو عم تحرمنا منكن...

ترجعولنا بالسلامة....

انو ماشي اتفقنا
الغربة كربة والغربة مو حلوة والواحد مافي احلى من بلدو



طيب ماشي
نحن شو طالعين على الغربة هيك بكيفنا
ولا طالعين مشان نتسلى ونغير جو;-)

يعني بصراحة لوكانت بلدنا معيشتنا متل العالم والخلق
ماكنا فكرنا نطلع على الغرب ولا بشكل بالأشكال
بس بلدنا هي اللي خلتنا نتغرب;-) ;-)

يعني المجمل نحن طالعين على الغربة غص بالعنا مشان
نــــــــــعـــــــيــــــــش مو طالعين بكيفنا:cry:
واللي عايش مرتاحو ببلدو ماحدا جابروا يتغرب








ملاحظة
يعني الشباب اللي مسافرين لبرا مشان يدرسو
هي مو اسما غربة هي اسما ((حكش سنان)):pos:



:D :D :D

مو بس غريبة
كل الناس ببتتغير معك حق بكل كلمة قلتيها
دبتعرفي بنصير عندهم ضيوف
نحنا ضيوف حتا بين اهلنا
الله يكون بالعون
ويلعن ابوه الغربة :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush:

المشكلة يا شباب اني حاسس انو الغربة خربتني ....
اي خربتني ...... من جوا وبشكل خلاني اعرف انو مستحيل ارجع نفس هداك الشخص اللي كان بسوريا...
خسرت كل احاسيسي القديمة , لذتي بالحياة , عنفواني ,.... كل حياتي الماضية ....
والمشكلة انو ما عم شوف طريقة استرجع هالامور فيها !!!
صرت اعرف انو انا تغيرت بحيث اني خسرت كل عالمي الماضي (اللي كنت اعشقه)وللأسف ............ الى الأبد ....
والله هادا اكتر شي مرعبني ....
لك ايام عم اطلع بالمراية وما عم اعرف حالي!!!
بيني وبينكم الشكل نفسو ....
لكن فرق كبير من جوا !!!!
لك ..... يلعن ابو الغربة على ابو الساعة اللي تغربت فيها

هيي صعبة بس كمان حلو انك تجربها :D

سلامتك من الاكتئاب :D

ماحدا بينكر انو غربتنا صعبة كمان عاللي بيحبونا وضلو بالبلد..... بس اللي بيتغرب بينشلع من كل شي ولاحظي انو كل شي بيحبو بينما اللي بيضل بالبلد وبيتغرب حدا من حبابو بيحس بفراغ من ناحية وحدة بس
يعني قطيعة على عيشتنا نحنا :cry:

هاي اكبر مشكلة بالغربة..... انو بنرجع عالبلد لنعيش غربة لسه اصعب :cry:

اول شي منشان اللي مسافرين لبرا منشان الدرس عم يصير فيون كلشي عم يصير باللي متغرب لاسباب غير.... يعني مافيك تقول غربتون حكش سنان :pos:

ومنشان سبب الغربة انو البلد مو مأمنة حياة منيحة كمان ماني معك..... او عالاقل ماني معك بكل حالات الغربة..... يعني شوف اكتر البلاد اللي مأمنة لشعبها حياة كريمة كمان بيكون عندون متغربين..... لانو بكتير حالات بيكون دافع الغربة يمكن شي من الفضول للحياة ببلاد تانية او طمع بالشي اللي لسه احسن او حب انو الواحد يجرب حياة مستقلة عن اهلو او..... او ......
يعني مافيك تلوم البلد كتير على غربتنا

:D

:cry: :cry: :cry:

ابل كل شي انتي وين مسافرة تاني شي بدي الك شغلة انو مو بس كل شي بيتغير نحنا كمان منتغير بس ما منحس؟؟؟؟؟؟؟؟؟؟؟؟؟؟؟؟؟؟؟؟؟ صح؟؟؟؟؟؟؟؟؟؟؟؟؟؟؟؟؟؟؟؟؟؟؟؟