بين حانا ومانا.... ضاعت لحانا

[فلسطينية الشتات]

سيرفر مان على راسي والله، بالنسبة الي المخيم هو فلسطين الصغيرة

صدقني مخيمنا في كل اشي فلسطيني

حتى الناس اللي بيجوا عنا من الضفة بيحكولنا كأنه بفلسطين
ما فرق كثير

لكن شعور الوطن بضل غصة بقلوبنا
***********

رايان يسعدك ويخليك ربي
وان شاء الله دايما بتكون قلوبنا على بعض ، تسلم

[لاوديسا]

كاتب النص الأصلي : امرأة من ورق

هون بدنا نحكي عن تجربتنا بالغربة وانو شو بيصير معنا مثلا كل مرة بنرجع عالبلد او لما بنرجع من زيارة البلد للغربة وهيك شغلات

ورح بلش بشغلة كتير بتغصصني وبتصعب عليي كل مرة برجع على سوريا وهيي انو دايما بكون متوقعة انو بدي شوف كلشي بسوريا متل ماتركتو قبل سنة بس للأسف بشوف كتير شغلات متغيرة..... بشوف اهلي كبرو بالعمر وختيرو..... الولاد الصغار اللي كنت بعرفون لسه مابيحكو ولابيمشو بشوفون عم يحكو وعم يمشو يعني بكلمة تانية بحس انو راحت عليي شوفتون بمرحلة كاملة وحلوة كتير من عمرون..... رفقاتي واخواتي وقرابيني اللي بعمر الشباب بشوفون ارتبطو وغالبا باشخاص مابعرفون يعني بحس انو في بدائرة معارفي وحبايبي ناس غرب بس بحس انو لازم حبون لمحبتي لشريكون بس بيضلو غرب عني
يعني رجعت على سوريا حسيت اني عايشة بين اهلي بس مو بنفس الجو اللي كنت متعودة عليه...... حسيت اني غريبة

آآآآآآآخ قديش غصصتيني والله انا صار معي هيك واكتر وخصوصي اني راجعة جديد من اجازتي اللي قضيتا بسورية
ما صدقت انو ولاد اخواتي اللي تركتن عم يرضعوا صاروا ماشاء الله كبار واكتر شي غصصني وقهرني انهن استغربوني لانن ما تعرفو عليي غير من الصور اللي كنت ابعتلن ياهن وما تعودوا عليي شوي غير لاخر الاجازة ولولا بنتي الصغيرة ما كانو قربوني
ومتل ما قلتي عن دائرة المعارف والحبايب صار وما راح ضيف شي
بس جد الحياة الاجتماعية بشكل عام عنا بسورية حسيتا ضعيفة هالمرة عن اخر مرة نزلت فيها
واكيد رغم كل شي ما كان بدي ارجع وكنت بتمنى ضل
سورية هيي حياتي بريحة بحرا و ضيوعها وجبالها وكل شي فيها

مع كل هاد وبين قوسين حسيت اني غريبة

[امرأة من ورق]

كاتب النص الأصلي : فلسطينية الشتات

هلا خلوني اسأل سؤال واحد بس

شو تعريف الغربة بالزبط ؟؟؟

انك تكون خارج حدود بلدك؟؟؟

انك تعيش في بلد مختلف بكل اشي عن بلدك واهلك ؟؟؟

الغربة الحقيقية لما تحس حالك غريب بين ناس كانوا هم اهلك وناسك وكل شي بحياتك
وفجأة صار وجودك وعدمه واحد، فقدت كل اثر الك بينهم.

هاي هي الغربة، تحس بوحدتك رغم وجودك بين الملايين

الغربة انك تعيش حالة وجودية تكون انتا الطرف الوحيد فيها.

لكن الغربة إما بتجدد فينا انتمائنا وبتعزز وجودنا أو بتكسرنا وبتعزلنا عن الدنيا وما فيها

كل شي حكيتي عنو بيصح عن الغربة..... بس اذا كنت بغربة بين اهلك بيضل في اشياء بتواسيك مهما حسيت بالغربة وبالبعد...... اما لما بتعيشي ببلد غريب بكل شي يعني بالعادات والتقاليد بالاكل والشرب وحتى بشكل الوجه واللغة..... يعني بتتمني احيانا بس انو تشوفي شكل مألوف او تسمعي كلمة من لغتك الام او انو تحطي بتمك لقمة مألوفة الطعم بالاضافة لغربتك عن المجتمع بالاشياء التانية كمان

بالاضافة لانو بس ترجعي من الغربة التقليدية (اذا فينا نسميها هيك) فانا بأكدلك وعن تجربتي انو رح تحسي بالغربة وانك عم تعيشي حالة وجودية تكوني انت الطرف الوحيد فيها لانو انت بتكوني تغيرتي وكونتي افكار غريبة الى حد ما عن المجتمع اللي كنت عايشة فيه بالاصل

يعني الغربة التقليدية صدقيني انها بتضم كل انواع الغربة التانية

وشكرا كتير عالمرور

[امرأة من ورق]

كاتب النص الأصلي : GOVERMENT

ليس الغريب غريب الوطن
انما الغريب غريب اللحد والكفن

شكرا كتير حكومتنا على رأيك السديد

شو نحنا بنسترجي نحكي غير هيك

اهلين

[امرأة من ورق]

كاتب النص الأصلي : لاوديسا

آآآآآآآخ قديش غصصتيني والله انا صار معي هيك واكتر وخصوصي اني راجعة جديد من اجازتي اللي قضيتا بسورية
ما صدقت انو ولاد اخواتي اللي تركتن عم يرضعوا صاروا ماشاء الله كبار واكتر شي غصصني وقهرني انهن استغربوني لانن ما تعرفو عليي غير من الصور اللي كنت ابعتلن ياهن وما تعودوا عليي شوي غير لاخر الاجازة ولولا بنتي الصغيرة ما كانو قربوني
ومتل ما قلتي عن دائرة المعارف والحبايب صار وما راح ضيف شي
بس جد الحياة الاجتماعية بشكل عام عنا بسورية حسيتا ضعيفة هالمرة عن اخر مرة نزلت فيها
واكيد رغم كل شي ما كان بدي ارجع وكنت بتمنى ضل
سورية هيي حياتي بريحة بحرا و ضيوعها وجبالها وكل شي فيها

مع كل هاد وبين قوسين حسيت اني غريبة

آآآآآآآآآآآآآخ يالاوديسا
الله بيعين

[Government]

كاتب النص الأصلي : امرأة من ورق

شكرا كتير حكومتنا على رأيك السديد

شو نحنا بنسترجي نحكي غير هيك

اهلين

العفو ولو..............

شكرا الك انتي على مواضيعك الرائعة

[فلسطينية الشتات]

وطني يا نسمة من روح الارض داعبت غلاف القلب وشفافية العقل،
نزفت وطني وسال الدم يعبق برائحة الارض
فجبلت بدمي خصب الارض لتنبت زهرة دحنون
تعلن بقاء من نزفوا معانقين ذرات ترابك يروون اشجارك وازهارك

أي وطن، انت في القلب والروح
قيثارة عشق غنتك همسات امي على لحن العودة
وطني سنرجع يوما

[Roaa]

كاتب النص الأصلي : امرأة من ورق

هاد الموضوع للشباب والصبايا اللي عايشين او عاشو بالغربة لفترة وجربو احساس انو الواحد يضيع بين بلدو وبين بلد غربتو ...... يعني بكلمة تانية هون بدنا نحكي عن تجربتنا بالغربة وانو شو بيصير معنا مثلا كل مرة بنرجع عالبلد او لما بنرجع من زيارة البلد للغربة وهيك شغلات

ورح بلش بشغلة كتير بتغصصني وبتصعب عليي كل مرة برجع على سوريا وهيي انو دايما بكون متوقعة انو بدي شوف كلشي بسوريا متل ماتركتو قبل سنة بس للأسف بشوف كتير شغلات متغيرة..... بشوف اهلي كبرو بالعمر وختيرو..... الولاد الصغار اللي كنت بعرفون لسه مابيحكو ولابيمشو بشوفون عم يحكو وعم يمشو يعني بكلمة تانية بحس انو راحت عليي شوفتون بمرحلة كاملة وحلوة كتير من عمرون..... رفقاتي واخواتي وقرابيني اللي بعمر الشباب بشوفون ارتبطو وغالبا باشخاص مابعرفون يعني بحس انو في بدائرة معارفي وحبايبي ناس غرب بس بحس انو لازم حبون لمحبتي لشريكون بس بيضلو غرب عني
واخر مرة انصدمت انو اهلي تركو المدينة اللي ربيت فيها تقريبا كل عمري وقررو يرجعو يعيشو بالضيعة ومستقرين ببيت الضيعة اللي بعمري ماعشت فيه وبعمري ماحسيتو بيتي
يعني رجعت على سوريا حسيت اني عايشة بين اهلي بس مو بنفس الجو اللي كنت متعودة عليه...... حسيت اني غريبة

معك حق صرنا بنحس بالغربه حتى ببلدنا وفي شي حابه ضيفوا للموضوع انو ببلدنا ما اسمنا سوريين ولا بعاملونا على هالاساس اسمن مغتربين وبالبلد الي عايشين فيه اسمنا اجانب

شايفين شو الغربه حلوة الله لا يغرب مخلوق

[Government]

كاتب النص الأصلي : دلوعـه سوريا

معك حق صرنا بنحس بالغربه حتى ببلدنا وفي شي حابه ضيفوا للموضوع انو ببلدنا ما اسمنا سوريين ولا بعاملونا على هالاساس اسمن مغتربين وبالبلد الي عايشين فيه اسمنا اجانب

شايفين شو الغربه حلوة الله لا يغرب مخلوق

مبرووووووك المنتدى اشتغل عندك



صحيح نحن مانتبهنا لهالنقطة
انو نحن ببلدنا اسمنا مقتربين
وهون نحن اجانب
يعني من الطرفين



بس عنجد بسوريا اذا بحسو عليكي انو انتي جاي من الخليج بنهبووووووووووووكي نهب
وانا صارت معي هالشغلة كم مرة

مشان هيك كل مابنزل على سوريا مابقلن انو انا جاي من قطر
بقلن انا جاي من حماة مشان مابنهبونا

[Roaa]

الله يبارك فيك

[abosleman]

معلش اناهلئ لشفت الموضوع
وكان لازم احكي من الاول بس ظروف
على كلن انا ما صرلي زمان بالغربه يعني شغله شي 10 شهور بس
بس لحد هلئ اهلي صارو منتقلين من الشام ورجعوا على حمص وبحمص لسه ما استقرو وانتقلو شي مرتين مدري تلاته يعني انا هلئ اذا بنزل على سوريا ما بعرف بيتنا
وبس يرجع الواحد بيقول هدا الشعور بأنو غريب رح يختفي بس يوصل لبلدو
بس بيتفاجئ انو بيزيد عليه وهدا من حفاوة الترحيب
ويا سلام على الترحيب اذا راجع عن طريق البر
الله يستر نا من الرجعه

[TheLight]

بس حبيت اسأل المغتربين وخاصة يللي موجودين بالدول الغربية يعني اوروبا واميركا
قديش بتقدروا تتحملو البقية بسوريا بس تنزلوا اجازة؟؟
يعني ما بتحسوا انو الواحد راح يطق راسو بسوريا بعد اسبوعين او تلانة من الاجازة؟؟؟

[nassar4]

والله انا شايف انو الوضع بسوريا حسب زياراتي انة افضل بكثير من اول وكمالة بيتحسن للاحسن

والله يحميكي يا سوريا

الله يحفظك
وان شاء الله بتصير سوريا احسن دولة بالشرق الاوسط

ياسوريا نحن رجالك يا سوريا يا حبي الكبير

[handsome]

كاتب النص الأصلي : TheLight

بس حبيت اسأل المغتربين وخاصة يللي موجودين بالدول الغربية يعني اوروبا واميركا
قديش بتقدروا تتحملو البقية بسوريا بس تنزلوا اجازة؟؟
يعني ما بتحسوا انو الواحد راح يطق راسو بسوريا بعد اسبوعين او تلانة من الاجازة؟؟؟

والله انا شخصيا اول اسبوعين بيطير عقلي فيون .. بسط على ابو جنب ..
تاني اسبوعين بتعود عالوضع بس بضلني مبسوط
وتالت اسبوعين ما بعرف ايمت رح ارجع على بيتي .. ويرجع راسي من موالي ..
واسا اكتر من هيك اجازة ما ساويت .

بس هلق انا بعتقد انو شغلة شهر شهر وشوي احلي شي بتكون الاجازة .. غير هيك بتصير تحرب شوي شوي ..

بس المشكلة انو باليوم الي بتوصل فيه على بيتك وبتكون لازم تفضي غراضك وتشوف انك لحالك وما حدي عما يساعدك . بترجع تشتاق لكل لحظة اعدتا بسوريا
يعني ببساطة انا بعتقد الي متغربين هلق خلص راحت عليون .. قعدي طويلي بالبلد صعبة كتير ..
وانو الواحد يصير يحس البلد الي قاعد فيه هوي بلدو . اسا اصعب بكتير بكتير ..
الله يلعن ابو الغربي

[امرأة من ورق]

كاتب النص الأصلي : GOVERMENT

العفو ولو..............

شكرا الك انتي على مواضيعك الرائعة

خجلتني ولو

[امرأة من ورق]

كاتب النص الأصلي : فلسطينية الشتات

وطني يا نسمة من روح الارض داعبت غلاف القلب وشفافية العقل،
نزفت وطني وسال الدم يعبق برائحة الارض
فجبلت بدمي خصب الارض لتنبت زهرة دحنون
تعلن بقاء من نزفوا معانقين ذرات ترابك يروون اشجارك وازهارك

أي وطن، انت في القلب والروح
قيثارة عشق غنتك همسات امي على لحن العودة
وطني سنرجع يوما

آآآآآآآآآآآآآآه ياوطني

شكرا كتير فلسطينية

[امرأة من ورق]

كاتب النص الأصلي : دلوعـه سوريا

معك حق صرنا بنحس بالغربه حتى ببلدنا وفي شي حابه ضيفوا للموضوع انو ببلدنا ما اسمنا سوريين ولا بعاملونا على هالاساس اسمن مغتربين وبالبلد الي عايشين فيه اسمنا اجانب

شايفين شو الغربه حلوة الله لا يغرب مخلوق

اي والله بعد الغربة صرنا غريبين هون وهون

شكرا كتير دلوعتنا

[امرأة من ورق]

كاتب النص الأصلي : abosleman

معلش اناهلئ لشفت الموضوع
وكان لازم احكي من الاول بس ظروف
على كلن انا ما صرلي زمان بالغربه يعني شغله شي 10 شهور بس
بس لحد هلئ اهلي صارو منتقلين من الشام ورجعوا على حمص وبحمص لسه ما استقرو وانتقلو شي مرتين مدري تلاته يعني انا هلئ اذا بنزل على سوريا ما بعرف بيتنا
وبس يرجع الواحد بيقول هدا الشعور بأنو غريب رح يختفي بس يوصل لبلدو
بس بيتفاجئ انو بيزيد عليه وهدا من حفاوة الترحيب
ويا سلام على الترحيب اذا راجع عن طريق البر
الله يستر نا من الرجعه

الله يستر من الروحة والرجعة
كلو عم يكون اصعب من بعضو

اهلين