المتظاهرون يحرقون السفارة النرويجية بعد الدنماركية وصيحات للتوجه للسفارة الفرنسية - صفحة 4

yass · 07/02/2006

أتألم هذه الأيام (شأني كشأن أغلب السوريين المغتربين) عندما أرى كيف أصبحت أحداث دمشق و بيروت افتتاحية كل نشرات الأخبار و الصفحات الأولى من الصحف , حرق السفارات من قبل هذه الجماهير الغاضبة بسبب نشر كاريكاتورات الكراهية في الدانمارك .
بالله عليكم ... منذ متى يقرأ شعبنا العربي الكريم الصحف العربية حتى يقرأ الصحف الدانماركية؟
لماذا يتم التهجم على حكومة و على شعب كلنا نعرف أنه غير مسؤول عن ما ينشر في الصحف لأن الدانمارك دولة ديمقراطية تحترم نفسها و بالتالية الصحافة لديها حرية مطلقة .

لا أعني من هذا طبعا أنني موافق على نشر هذه الكاريكاتورات , أعتبرها عديمة الذوق و الاحساس , و حتى غبية .... فقط لا غير .

يا سادة !!! هل هذه هي الاهانة الكبرى التي لحقت بالاسلام؟ أدعوكم لكي تلتفتوا من حولكم و تنظروا الى الواقع الاسلامي اليوم .

هل انحط الاسلام و نبيه في فكر المسلمين الى الدرجة التي يعتبرون فيها أن مجرد كاريكاتور غبي في جريدة مغمورة في آخر ما عمر الله ( أراهن على أن 90 بالمئة من "ثوار" دمشق لا يعرفون أين تقع الدانمارك) اهانة للاسلام ...هل الاسلام في نظرهم بهذه الوضاعة حتى يهان بهذا الشكل؟ أين كان هؤلاء "المجاهدين" حين حلت الكوارث في بلاد المسلمين ؟؟ شيوخ العقيدة الذين يبثون الغضب في وجه أوروبا "الكافرة" هل تخلوا عن سيارات الكاديلاك و سجائر المالبورو و ويسكي الجاك دانيلز حين غزت أمريكا العراق ؟

ان الخاسر الأكبر في هذه القضية هو الاسلام , الاهانة الحقيقية للاسلام هي اطلاق الدموية و الهمجية و العنف من قبل بعض الجهلة , و لزق حجة الدفاع عن الاسلام لتبرير هذه الجرائم .

لا أعتقد أن كلامي سيصل بعيدا , لكنني أدعو , بل و أرجو , عدم لصق الاسلام بهذه الجرائم , الاسلام برئ, و هؤلاء المجرمون آثمون بحق الاسلام لعقيدة , و بحقنا جميعا كحضارة .

Yass

Willi · 07/02/2006

اقتباس:

أراهن على أن 90 بالمئة من "ثوار" دمشق لا يعرفون أين تقع الدانمارك

يا سيدي ولا حتى 99

\\\ · 07/02/2006

اقتباس:

بس تحطلك اسم متل اوادم وخلق وبشر ترد عليك

بس انا ماعنيتك بالكلام ولا عنيت احد ثاني عنيت فقط كريم

على العموم نضرتك خاطئه واسمي مثل الخلق تربل سلاش بسيط ماهو صعب مره

**krimbow** · 07/02/2006

اقتباس:

كاتب النص الأصلي : \\\

ايه krimbow مافيه شي اسمه حرية الرأي المطلقه

وشوف المعطيات معي واحكم بنفسك

في سوابق قضائية ودبلوماسية تؤكد أن ما يسمى "حرية التعبير" في أوروبا غير مطلقة، وأشارت إحدى الصحف السعودية إلى أن محكمة سويسرية دانت إحدى المؤسسات التجارية التي تورطت في العبث بصورة الثائر الكوبي تشي جيفارا من خلال وضع صليب على القبعة التي يرتديها في صورة معروفة له بدلاً من النجمة الشهيرة.

وكانت مؤسسة "أكوستم ديفيسيون" المتخصصة في صنع الملابس الخاصة بصور جيفارا قد أقدمت على هذا العمل دون استئذان ودون ذكر اسم المصور. أمام ذلك تمت إدانة المؤسسة وتغريمها 65000 ألف يورو مع الاعتذار لابنة المصور الكوبي.

يأتي ذلك في الوقت الذي تتذرع فيه الدنمارك بعدم اتخاذ أي إجراء قانوني ضد الصحيفة التي أساءت إلى رسول الله صلى الله عليه وسلم بعدم وجود نص دستوري يسمح للحكومة بذلك.

وأشارت صحيفة "الوطن" السعودية إلى أن حكومة النمسا قدمت اعتذاراً علنياً وصريحاً عقب رسم فنانيها لبوستر يضم صوراً شاذة لكل من الملكة البريطانية إليزابيث، والرئيس الفرنسي شيراك، والأمريكي بوش. وجاء ذلك عقب تحرك أوروبي سياسي لرفع الصور من المشروع الفني الأوروبي.

على صعيد آخر، أعلنت صحف أسترالية عدة من بينها كبريات صحف سيدني وملبورن الاثنين أنها لا تعتزم نشر الرسوم الكاريكاتورية للنبي محمد التي أثارت غضبا في العالم الإسلامي.

وقال رئيس تحرير صحيفة "ديلي تلغراف" إنه لن يكون من الحكمة نشر هذه الرسوم نظرا لأعمال العنف التي اندلعت مؤخرا بين أستراليين ولبنانيين في حي شاطىء كورنولا في سيدني.

وقال ديفيد بينبيرثي لإذاعة "آ بي ثي" إنه "من المعروف منذ زمن بعيد أن الإسلام يمنع أي صور للنبي محمد. لكن قبل أن ننشر أي رسم يسخر من يسوع المسيح نفكر مرتين أيضا"، أما رئيس تحرير صحيفة "هيرالد صن" الواسعة الانتشار في ملبورن فقد أكد أيضا أن صحيفة لن تنشر هذه الرسوم.

وقال لإذاعة تجارية "لا اعتقد أن أي صحيفة أسترالية ستنشر هذه الرسوم لأنها من القضايا التي لا نعرف النتائج التي يمكن أن تؤدي إليها".

وأكد رئيس تحرير صحيفة "سيدني مورنينغ" الان اوكلي أن نشر هذه الرسوم بحث في صحيفته لكنه رفض في نهاية الأمر. وأوضح أن صحيفته نشرت وصفا لهذه الرسوم ولا داعي لنشر الصور بحد ذاتها. وقال "لسنا مضطرين لنشر صور إباحية لنتحدث عن الإباحة".

من جانب آخر، بينت صحيفة الفيننشل تايمز البريطانية أن المقاطعة العربية للمنتجات الدنماركية وجهت ضربة موجعة للدنمارك، وقالت الصحيفة "إن شركة نستلي السويسرية اضطرت لنشر إعلان تجاري لتوضيح أن اثنين من المنتجات التي شملتها المقاطعة هي سويسرية وليست دنماركية".

وأضافت أن الشركة عمدت إلى ذلك بعد أن لاحظت وجود تراجع في مبيعاتها بالمملكة العربية السعودية ودولة الإمارات العربية المتحدة.

ونقلت جريدة "الجزيرة" السعودية عن الصحيفة البريطانية اعتبارها أن ذلك يعكس التخوف الذي يساور كبريات الشركات من خطر المقاطعة الذي بدأ يأخذ حجما كبيرا خصوصا في العاصمة المصرية القاهرة التي تعتبر أكبر الأسواق العربية بحوالي 17 مليون نسمة.

وضربت الصحيفة البريطانية مثلا عن الخسائر بشركة آرلا فود الدنماركية التي تكبدت أكبر الخسائر في سوق الشرق الأوسط التي سجلت فيها حضورا قويا دام أربعة عقود.

اول شي
حفاظا على حقوق النشر يا ريت لما تنقل شي خبر تحط مصدرو

تاني شي
بدي ياك انت ترجع تقرا الخبر بعد التلوين و تلاحظ معي ما يللي

1- اعتزار الشركة السويسرية لابنة المصور مو لجهة بتتبنى تشي غيفارا (يعني من مبدأ حقوق النشر)
2- يا ريت تجبلي مصدر الخبر تبع النمسا لأنو ما سمعنا عن هالشي ... وازا بدك كل يوم في كاريكاتور جديد لشيراك و ملكة انكلترا و بوش
2- كل الجرايد (حسب الخبر الملغوم يللي نقلتو) يللي ما رح تنشر الصور ... ولا وحدة فيهم قالت انو ما رح تنشر الصور لأنو والله حرية الرأي محدودة
و لا حتى لأنو هيك صور بتمس بالمقدسات

لأ و خصوصي انو في جريدة نشرت وصف عن الصور (هيك يعني " يا شباب الصور وحدة بتصور الرسول هيك و التانية بتصور الرسول هيك و التالتة بتصور الرسول هيك)

قال يعني ازا وصفوها بتمرق بدون اساءة (هيك فتاها ابن باز)

خيو .. الخبر يللي نقلتو ما فيو ولا دليل واحد انو حرية الرأي مانها مطلقة باوروبا

ليك حبيب ... الاخبار تبع الجرايد السعودية يللي بيضحكوا فيها عليكم ما بتمرق علينا معلم
3-

WHITESNAKE · 07/02/2006

بشرفي انك معلم وكلامك الأهم واللي بيشرح كلشي يا yass
شكرا كتير

MR.SAMO · 07/02/2006

ليش ياشباب معظم شعبنا السوري معه حق البضاعة الدنماركية
اللي بياكلو زبدة لورباك بينعدوا على الاصابع وجر على البضائع التانية
تحياتي

\\\ · 07/02/2006

اقتباس:

اول شي
حفاظا على حقوق النشر يا ريت لما تنقل شي خبر تحط مصدرو

هلا كريم في كل خبر مصدره وأتوقع هذا واضح

اقتباس:

يا ريت تجبلي مصدر الخبر تبع النمسا لأنو ما سمعنا عن هالشي

وأشارت صحيفة "الوطن" السعودية إلى أن حكومة النمسا قدمت اعتذاراً علنياً وصريحاً عقب رسم فنانيها لبوستر يضم صوراً شاذة لكل من الملكة البريطانية إليزابيث، والرئيس الفرنسي شيراك، والأمريكي بوش. وجاء ذلك عقب تحرك أوروبي سياسي لرفع الصور من المشروع الفني الأوروبي. ...

اقتباس:

2- كل الجرايد (حسب الخبر الملغوم يللي نقلتو) يللي ما رح تنشر الصور ... ولا وحدة فيهم قالت انو ما رح تنشر الصور لأنو والله حرية الرأي محدودة
و لا حتى لأنو هيك صور بتمس بالمقدسات

اجل وش سبب منع النشر؟

اقتباس:

ليك حبيب ... الاخبار تبع الجرايد السعودية يللي بيضحكوا فيها عليكم ما بتمرق علينا معلم
3-

الجرائد السعوديه ماهي غبيه لهذا الحد عشان يضحكون علينا بالأخبار

لأن للخبر أكثر من مصدر وإذا تم التلاعب في الخبر راح تخسر الجريده ثقتها بين قرائها..!

ليه يخربون على نفسهم عشان يعدلون في خبر ....؟؟؟

Reemi · 07/02/2006

بس سؤال ....؟!
السوويد و اسرائيل و غيرهن رجعوا نشروا الصوور...ليش ماقاطعتهوهن؟؟؟؟؟
(ليش عتبانين عالجماعه ... هنن هيك بشوفوا الاسلام ناس بتدبح ببعض و الزرقاوي بيقطع رووس يعني متل ما شافوا حطوو...الحق مو علهن الحق علي بطبق الاسلام غلط و بيعطي هيك فكرةةة) ورجوهن شي تاني هنن ما بيعملو متل هيك.... بس طوول ما هنن شايفينا متخلفين بدن يعملو هيك ........................

**krimbow** · 08/02/2006

اقتباس:

كاتب النص الأصلي : \\\

هلا كريم في كل خبر مصدره وأتوقع هذا واضح

وأشارت صحيفة "الوطن" السعودية إلى أن حكومة النمسا قدمت اعتذاراً علنياً وصريحاً عقب رسم فنانيها لبوستر يضم صوراً شاذة لكل من الملكة البريطانية إليزابيث، والرئيس الفرنسي شيراك، والأمريكي بوش. وجاء ذلك عقب تحرك أوروبي سياسي لرفع الصور من المشروع الفني الأوروبي. ...

اجل وش سبب منع النشر؟

الجرائد السعوديه ماهي غبيه لهذا الحد عشان يضحكون علينا بالأخبار

لأن للخبر أكثر من مصدر وإذا تم التلاعب في الخبر راح تخسر الجريده ثقتها بين قرائها..!

ليه يخربون على نفسهم عشان يعدلون في خبر ....؟؟؟

شو هي صحيفة الوطن ؟؟؟
بدي الخبر من جريدة موثوقة
قال صحيفة الوطن قال
اي ما بلف فيها صاندويشة فلافل

بعدين عم تسأل عن سبب منع نشر الصور ؟؟
الشباب قالوا ليش
واحد قال "ليس من الحكمة نشر الصور"
و التاني قال "مشان ما تتكرر الخناقة يللي صارت ع مدري انو شط بين لبنانيين و استراليين"
و التالت قال "نتائج هيك خطوة مو معروفة" يعني اضمنولو انو ما رح تفجرولو الجريدة بينشرهم من عيونو

عموما
ولا واحد قال "حفاظا على مشاعر المسلمين"
و لا واحد قال"حرية الرأي الها حدود"

اما بخصوص انو الجرايد السعودية غبية
انا ما قلت هيك
بالعكس
هيي زكية
انتوا الاغبياء و هنن بينشرولكم يللي بيرضي غباءكم

\\\ · 08/02/2006

اخ كريم ردك الأخير كله تخبيص كلام

مافيه اي شي عقلاني

WHITESNAKE · 08/02/2006

بس سؤال واحد وللكل ورح ارجع حطو كموضوع اذا تهمش وأرجو مشاركة الباقيين سواء الأخ السعودي أو غيره

لكل المسيحيين والملحدين وباقي الناس يلي معارضة أي شي ممكن نساويه منشان موضوع نشر الصور وبأكد على أي شي ممكن نساويه
وحسب الردود يلي كانت فبتصور انو أشمل الملحدين والمسيحيين سوا هو الصحيح مع التحفظ من كم واحد مسلم يمكن واحد فقط ممكن يشمل معهم وبغض النظر عن العقيدات رح ابدا بالسؤال:

ممكن تتفضلو وتقولولنا شو بدكون بالضبط؟؟ مارح اسأل شو مدايقكم لأنو مابيهمنا
شو المطلوب ؟ اذا عم تنصحونا أخي كتر خيركم وصل المعنى لالنا ويمكن ناخد بالنصيحة ويمكن لاء هي حريتنا
بدكون تنتقدونا كمان خلصنا ووصلنا نقدكم كمان يكتر خيركم يمكن نظبط حالنا من نقدكم ويمكن لاء وهي حريتنا
بدكون تتمسخرو وتتضحكو فكمان مشكورين حبابين تسلمو وصلنا مسخرتكم والتفتو لحالكم وتركونا بحالنا اذا بكم واذا مابدكم كمان مو مشكلة والله بس انو كمان مسخرتكم وصلت وفهمنا شو بتقصدو
بدكون تعطونا حلول ؟ مابتصور سبق وصار بأي رد كانو كلهون عم ينصبو تحت خط واحد وهو انو نحن كمسلمين خطأ بنظركم بقى شو ماعملنا غلط وخصوصاً انكم بتلاقو رسولنا غلط ومابتحبو ولا بطيقو أي شي ممكن يقولو او اي شي عنو......الخ بقى أكيد انتو ممكن تكونو بأغلبية هاه وليس الكل بأغلبية مؤيدين لموضوع الصور وانها عم تحكي صح
لاتقولولي ناقش بموضوع انها طيب مو صح لأنو عبس مخكون انتو يلي مابيعرف شي غير التعند بيللي بدكم ياه وماسبق وشفت حدا اقتنع قبل (أكيد رح تقوقو لأنو مافي شي صح)

هلأ هاد كللو شي وأهم شي أنو يللي صار صار واحترقت السفارات ونحن أغبياء وبهايم بنظركم وشعب أهبل (مافي غيركم الفهمانين والمفكرين الرائعين بس ضيعانكم بهالبلد)
أخي نحن حرين نحن هيك عملنا وانتو هيك عملتو ونحن هيك حكينا وانتو هيك عم تحكو نصطفل وتصطفلو نحن مقتنعين بالشي يلي عم نساويه واذا مو مقتنعين فبيناتنا منحل قصصنا لا حدا يدحش حالو وصي علينا لأنو ذكي فنحن أغبياء عبعضنا وانشالله منعمل شي بيحقق غاياتنا كأغبياء هي حريتنــــــــــــــــــــ ـــــــــــــــــــــــــ ـــــا

شكراً لحقدكم وشكراً لتعصبكم وشكراً لمسخرتكم فهي ان دلت على شي فدلت على انو انتو ال(مابدي استخدم تعابير مش ولابد) متخوزقين وشو ماصار بيضل كلشي بقلوبنا من عقيدة او فكر او محبة لرسولنا كتل ما انتو بقلوبكم اي شي بتحبو بتدافعو عنو بشراسة ونحن هيك حاولنا نحاوركم بس يبدو انو هي نهاية الحديث انا غلط وانتة صح ورح ضللني غلط ومتخلف ومنشوف للزمن مين يلي رح يحقق الصح من الغلط مع الزمن وليس هلأ تقولولي نتائج السنين السابقة
نحن ولاد اليوم

مرة أخيرة
تحيى الحرية بالمنبر لأنو خلتني أحكي هيك بدون اي شي عقائدي

\\\ · 08/02/2006

اقتباس:

بس سؤال واحد وللكل ورح ارجع حطو كموضوع اذا تهمش وأرجو مشاركة الباقيين سواء الأخ السعودي أو غيره

لكل المسيحيين والملحدين وباقي الناس يلي معارضة أي شي ممكن نساويه منشان موضوع نشر الصور وبأكد على أي شي ممكن نساويه
وحسب الردود يلي كانت فبتصور انو أشمل الملحدين والمسيحيين سوا هو الصحيح مع التحفظ من كم واحد مسلم يمكن واحد فقط ممكن يشمل معهم وبغض النظر عن العقيدات رح ابدا بالسؤال:

ممكن تتفضلو وتقولولنا شو بدكون بالضبط؟؟ مارح اسأل شو مدايقكم لأنو مابيهمنا
شو المطلوب ؟ اذا عم تنصحونا أخي كتر خيركم وصل المعنى لالنا ويمكن ناخد بالنصيحة ويمكن لاء هي حريتنا
بدكون تنتقدونا كمان خلصنا ووصلنا نقدكم كمان يكتر خيركم يمكن نظبط حالنا من نقدكم ويمكن لاء وهي حريتنا
بدكون تتمسخرو وتتضحكو فكمان مشكورين حبابين تسلمو وصلنا مسخرتكم والتفتو لحالكم وتركونا بحالنا اذا بكم واذا مابدكم كمان مو مشكلة والله بس انو كمان مسخرتكم وصلت وفهمنا شو بتقصدو
بدكون تعطونا حلول ؟ مابتصور سبق وصار بأي رد كانو كلهون عم ينصبو تحت خط واحد وهو انو نحن كمسلمين خطأ بنظركم بقى شو ماعملنا غلط وخصوصاً انكم بتلاقو رسولنا غلط ومابتحبو ولا بطيقو أي شي ممكن يقولو او اي شي عنو......الخ بقى أكيد انتو ممكن تكونو بأغلبية هاه وليس الكل بأغلبية مؤيدين لموضوع الصور وانها عم تحكي صح
لاتقولولي ناقش بموضوع انها طيب مو صح لأنو عبس مخكون انتو يلي مابيعرف شي غير التعند بيللي بدكم ياه وماسبق وشفت حدا اقتنع قبل (أكيد رح تقوقو لأنو مافي شي صح)

هلأ هاد كللو شي وأهم شي أنو يللي صار صار واحترقت السفارات ونحن أغبياء وبهايم بنظركم وشعب أهبل (مافي غيركم الفهمانين والمفكرين الرائعين بس ضيعانكم بهالبلد)
أخي نحن حرين نحن هيك عملنا وانتو هيك عملتو ونحن هيك حكينا وانتو هيك عم تحكو نصطفل وتصطفلو نحن مقتنعين بالشي يلي عم نساويه واذا مو مقتنعين فبيناتنا منحل قصصنا لا حدا يدحش حالو وصي علينا لأنو ذكي فنحن أغبياء عبعضنا وانشالله منعمل شي بيحقق غاياتنا كأغبياء هي حريتنــــــــــــــــــــ ـــــــــــــــــــــــــ ـــــا

شكراً لحقدكم وشكراً لتعصبكم وشكراً لمسخرتكم فهي ان دلت على شي فدلت على انو انتو ال(مابدي استخدم تعابير مش ولابد) متخوزقين وشو ماصار بيضل كلشي بقلوبنا من عقيدة او فكر او محبة لرسولنا كتل ما انتو بقلوبكم اي شي بتحبو بتدافعو عنو بشراسة ونحن هيك حاولنا نحاوركم بس يبدو انو هي نهاية الحديث انا غلط وانتة صح ورح ضللني غلط ومتخلف ومنشوف للزمن مين يلي رح يحقق الصح من الغلط مع الزمن وليس هلأ تقولولي نتائج السنين السابقة
نحن ولاد اليوم

مرة أخيرة
تحيى الحرية بالمنبر لأنو خلتني أحكي هيك بدون اي شي عقائدي

اي هذا الكلام صح وعين العقل

ياخي يسلم لي تمّك وبالسعودي صح لسانك ( هههههه)

**krimbow** · 09/02/2006

اقتباس:

كاتب النص الأصلي : WHITESNAKE

بس سؤال واحد وللكل ورح ارجع حطو كموضوع اذا تهمش وأرجو مشاركة الباقيين سواء الأخ السعودي أو غيره

لكل المسيحيين والملحدين وباقي الناس يلي معارضة أي شي ممكن نساويه منشان موضوع نشر الصور وبأكد على أي شي ممكن نساويه
وحسب الردود يلي كانت فبتصور انو أشمل الملحدين والمسيحيين سوا هو الصحيح مع التحفظ من كم واحد مسلم يمكن واحد فقط ممكن يشمل معهم وبغض النظر عن العقيدات رح ابدا بالسؤال:

ممكن تتفضلو وتقولولنا شو بدكون بالضبط؟؟ مارح اسأل شو مدايقكم لأنو مابيهمنا
شو المطلوب ؟ اذا عم تنصحونا أخي كتر خيركم وصل المعنى لالنا ويمكن ناخد بالنصيحة ويمكن لاء هي حريتنا
بدكون تنتقدونا كمان خلصنا ووصلنا نقدكم كمان يكتر خيركم يمكن نظبط حالنا من نقدكم ويمكن لاء وهي حريتنا
بدكون تتمسخرو وتتضحكو فكمان مشكورين حبابين تسلمو وصلنا مسخرتكم والتفتو لحالكم وتركونا بحالنا اذا بكم واذا مابدكم كمان مو مشكلة والله بس انو كمان مسخرتكم وصلت وفهمنا شو بتقصدو
بدكون تعطونا حلول ؟ مابتصور سبق وصار بأي رد كانو كلهون عم ينصبو تحت خط واحد وهو انو نحن كمسلمين خطأ بنظركم بقى شو ماعملنا غلط وخصوصاً انكم بتلاقو رسولنا غلط ومابتحبو ولا بطيقو أي شي ممكن يقولو او اي شي عنو......الخ بقى أكيد انتو ممكن تكونو بأغلبية هاه وليس الكل بأغلبية مؤيدين لموضوع الصور وانها عم تحكي صح
لاتقولولي ناقش بموضوع انها طيب مو صح لأنو عبس مخكون انتو يلي مابيعرف شي غير التعند بيللي بدكم ياه وماسبق وشفت حدا اقتنع قبل (أكيد رح تقوقو لأنو مافي شي صح)

هلأ هاد كللو شي وأهم شي أنو يللي صار صار واحترقت السفارات ونحن أغبياء وبهايم بنظركم وشعب أهبل (مافي غيركم الفهمانين والمفكرين الرائعين بس ضيعانكم بهالبلد)
أخي نحن حرين نحن هيك عملنا وانتو هيك عملتو ونحن هيك حكينا وانتو هيك عم تحكو نصطفل وتصطفلو نحن مقتنعين بالشي يلي عم نساويه واذا مو مقتنعين فبيناتنا منحل قصصنا لا حدا يدحش حالو وصي علينا لأنو ذكي فنحن أغبياء عبعضنا وانشالله منعمل شي بيحقق غاياتنا كأغبياء هي حريتنــــــــــــــــــــ ـــــــــــــــــــــــــ ـــــا

شكراً لحقدكم وشكراً لتعصبكم وشكراً لمسخرتكم فهي ان دلت على شي فدلت على انو انتو ال(مابدي استخدم تعابير مش ولابد) متخوزقين وشو ماصار بيضل كلشي بقلوبنا من عقيدة او فكر او محبة لرسولنا كتل ما انتو بقلوبكم اي شي بتحبو بتدافعو عنو بشراسة ونحن هيك حاولنا نحاوركم بس يبدو انو هي نهاية الحديث انا غلط وانتة صح ورح ضللني غلط ومتخلف ومنشوف للزمن مين يلي رح يحقق الصح من الغلط مع الزمن وليس هلأ تقولولي نتائج السنين السابقة
نحن ولاد اليوم

مرة أخيرة
تحيى الحرية بالمنبر لأنو خلتني أحكي هيك بدون اي شي عقائدي

عال كتير
مزال القصة هيك ليش عم تحاور بالاساس ؟؟؟
طالما انت مزعوج من الحوار ليش عم تحاور ؟؟ حدا ضاربك ع ايدك ؟؟؟

و تأكد انو ما كنت عم اتمسخر ... حتى لو بالاول كنت عم اتمسخر ... بعد حرق السفارات ما عدت عم اتمسخر
الشغلة اكبر من مجرد حرق بيناية او تنتين

اساس حواري معك انو في شغلة ما عم تركب بعقلي
منطقيا في عندي حلين
يا اما الرسول الكريم شخصية عظيمة و اشرف الخلق (متل ما بتقولوا بادبياتكم) و بالتالي ما ممكن لمليار صورة انها تسيء الو
يا اما شخصيتو مهزوزة لدرجة انو كم صورة بتسيء لألو و بالتالي معكم حق تعملوا يللي عم تعملوه لحتى ما تفرط شخصيتو و ينكشف
انا من اتباع الحل الاول .. و كل حواري معك كان لوصللك انو الرسول اعظم من انو تهينو كم صورة

و بصراحة ما عم تركب بعقلي انو تقيموا القيامة مع انو الرسول ما ممكن تسيء الو هالصور
و بوكرا بوقت الحساب (ازا كان في حساب و جنة و نار و علاك مصدي) الرسام وحدو رح يخش النار ... هوي و اللحمة المشوية
بس انتوا ما رح تخشوا النار سواء دافعتوا عن الرسول و اللا لأ لأنو الله اكبر من هيك بشوي ... لأنو اساسا الرسول اكبر من انو ينهان بهيك صور
و خصوصي انو "لا تزر وازرة وزر اخرى" و ما حدا بيضرب حدا منية بهيك مسائل مصيرية
و ما حدا عم يهين الرسول غير يللي بيقتنع بعكس هالفكرة
و ازا كان في حدا بدو يفوت ع النار لأنو ما دافع عن الرسول ... فتأكد انو رح يفوت ع النار لأنو ما دافع عن فلسطين و الاقصى الشريف

اقتباس:

شكراً لحقدكم وشكراً لتعصبكم

قبل ما تتهم الناس بالتعصب ... شوف شو هوي تعريف التعصب الديني:
"أية تفرقة أو استبعاد أو تقييد أو تفضيل بسبب الديانة أو الاعتقاد يهدف أو ينتج عنه إبطال أو الحيلولة دون الاعتراف بأي حق من حقوق الإنسان أو الحريات الأساسية أو التمتع بها أو ممارستها ".
هلأ يا ريت تخبرنا وين تعصبت لما قلتلك انو الرسام عم يمارس حرية الرأي ؟؟؟؟

بتعرف شغلة خيو

ازا هيك بدنا نقضيها آخدك صد و تجيبني رد ما رح يمشي الحال

انت و انا زعلانين و مقهورين ... و على فكرة نحنا التنين زعلانين و مقهورين لنفس الاسباب
انت زعلان و مقهور ع الصورة البشعة يللي رسمها الارهابيين عن الاسلام
و انا زعلان و مقهور ع الصورة البشعة يللي رسمها الهمج عن سوريا

انت زعلان و مقهور على نتايج الصورة البشعة عن الاسلام
و انا زعلان و و مقهور على نتايج الصورة البشعة عن سوريا

ما بعرف عنك شو رح تسوي
بس من جهتي (مع اني بالعادة متشائل) كتير شايف الصورة سودا

\\\ · 09/02/2006

اقتباس:

بس سؤال ....؟!
السوويد و اسرائيل و غيرهن رجعوا نشروا الصوور...ليش ماقاطعتهوهن؟؟؟؟؟
(ليش عتبانين عالجماعه ... هنن هيك بشوفوا الاسلام ناس بتدبح ببعض و الزرقاوي بيقطع رووس يعني متل ما شافوا حطوو...الحق مو علهن الحق علي بطبق الاسلام غلط و بيعطي هيك فكرةةة) ورجوهن شي تاني هنن ما بيعملو متل هيك.... بس طوول ما هنن شايفينا متخلفين بدن يعملو هيك ........................

طيب نفرض انك دكتوره وعندك مريض مصاب بالحمى ودرجة الحراره عاليه جداً

هل انك راح تبحثين الأسباب التي أدت إلى إصابته بالحمى...؟

ام أنك راح تتخذين العلاج على طول وهو وضعه في حمام ثلج...؟

لو اخترتي الجواب الأول يمكن وقت ما أنتي تبحثين عن الأسباب يموت المريض...!!

وماراح تستفيدين شي ..!

هذا مثال بسيط على مقاطعة الدنمارك

اتمنى تكون وصلتك الفكره

**krimbow** · 09/02/2006

اقتباس:

كاتب النص الأصلي : \\\

طيب نفرض انك دكتوره وعندك مريض مصاب بالحمى ودرجة الحراره عاليه جداً

هل انك راح تبحثين الأسباب التي أدت إلى إصابته بالحمى...؟

ام أنك راح تتخذين العلاج على طول وهو وضعه في حمام ثلج...؟

لو اخترتي الجواب الأول يمكن وقت ما أنتي تبحثين عن الأسباب يموت المريض...!!

وماراح تستفيدين شي ..!

هذا مثال بسيط على مقاطعة الدنمارك

اتمنى تكون وصلتك الفكره

معلم
طبيا الجواب السليم انك تشخص الحالة، بعدين توصف الدوا او العلاج و اسأل اي طبيب ازا مو مصدق
بعدين مثلك مو زابط
لأنو بحالة المريض في احتمال انو يموت
بس بحالة الصور هي الصور انتشرت و مشي الحال

\\\ · 09/02/2006

اقتباس:

طبيا الجواب السليم انك تشخص الحالة، بعدين توصف الدوا او العلاج و اسأل اي طبيب ازا مو مصدق

طيب إحنا شخصنا الحاله وخلصنا وعرفنا انها حمى

اقتباس:

بعدين مثلك مو زابط
لأنو بحالة المريض في احتمال انو يموت
بس بحالة الصور هي الصور انتشرت و مشي الحال

مثال ضربته بالموت قاصد فيه انا ننسى االصور وننسى أنه اساء إلى نبينا.

WHITESNAKE · 09/02/2006

لاء يا كريمبو انتة عندك مشكلة انك ما بتقرا منيح يعني في رد الي طويل عريض عن آخر كم سطر الك ورح حطللك اقتباس الو بس أول بدي علق على كم شغلة
أنا والله وحياة كل الغوالي عندي وعندك انو فهمان انتة شو بتقصد وبعرف بشو عم تفكر وما نقدت فكرتك كنا عم نتناقش بالموضوع الرئيسي
ما حدا ضاربني على ايدي بس لما بحكي باحترام معك ومعو ومع التالت لازم التاني يحترمني - يعني احكي يللي بدك ياه ولو بالصميم بس بدون تجريح ومسبات وحكي استهزاء- ومنشان هيك كنت حابب ضل ناقش وقول رأيي مع الكل من مبدأ الشراكة وكلنا شباب لازم نسمع بعض بهالبلد يلي بايدنا لازم نعمرها بس في موضوع هوه التعند وعدم السماع ووفتح الاذان للطرف التاني ويمكن كون انا منهون بس انا منشان ماكون هيك رح ارجع قللك انو انا وانتة كريم منلتقى على نفس المغزى والهدف بس كل مين عطريقتو وبتمنى ترجع وتقرا الاقتباس وشكراً الك لردك الواضح والمحترم

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

هي اللينك لردي بآخر الصفحة

tweety · 09/02/2006

انا بشاركك بكتير من نقط الموضوع الي طرحته وبختلف معك ببعض التعابير الي استخدمتها
بس هالشي ما بيمنع اني قلك انو واضح عليك قديش بتحب بلدك
ونحنا كمان متلك

انا بس حبيت قلك انو كل واحد عندو طريقة بيعبر فيها عن وجهة نظره