|
المتظاهرون يحرقون السفارة النرويجية بعد الدنماركية وصيحات للتوجه للسفارة الفرنسية
اضرم المتظاهرون الغاضبون النار في مبنى السفارة النرويجية في حي المزة فيلات شرقية في دمشق بعدما كانوا قد احرقوا السفارة الدنماركية قبل ساعات احتجاجا على نشر الصور المسيئة للرسول ( ص ) والتي كانت قد نشرتها صحف اوربية ، ولم تستطع قوى الأمن مرة ثانية من منع المتظاهرين من اقتحام السفارة وحرقها
هذا وكانت دعوى للتظاهر قد تناقلها مجموعة من السوريين امس عبر الهاتف الجوال تجمع على اثرها الآلاف الذين توجهوا الى السفارة الدينماركية ظهيرة السبت ، والتي تضم سفارة المفوضية الاوربي والسفارة السويدية حيث تم حرق المبنى كاملا. وثم توجه المتظاهرون من منطقة ابو رمانة عبر ساحة الامويين الى المزة فيلات شرقية ( حوالي 10 كم ) ليقوموا بمحاصرة السفارة النرويجية والتدافع مع قوات الامن التي لم يكن عددها كاف لمنع المتظاهرين من الدخول وحرقها هي الاخرى ، حيث ما زالت اعمال الاطفاء جارية للسيطرة على النيران فيها. وترافق الحدث باطلاق الشعارات الممجدة للرسول ( ص ) وحرق الاعلام الدنماركية والنرويجية ، بينما تتعالى صيحات بين المتظاهرين حاليا لحرق للتوجه للسفارة الفرنسية .. :cry: :cry: :cry: :cry: منقول سيريا نيوز - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
هلق من شوي خبرني زين هالخبرية
للاسف نزل الشعب السوري من عيني طلع متخلف اكتر من اي شعب تاني بالعالم |
انا من دقيقة نزلت موضوع بالسياسة عن هالشي
والله عن جد انهز بدني يعني شي بيخجل كتير بكون متضايقة لما بسمع اي كلمة مو منيحة عن الشام وبصراحة الشباب الطيبة بعملتن هي خلونا علكة بلسان الناس :evil: |
بس الحكومة الجربانة وينها وين كانت؟
يعني كانو بيعرفو انو هالشي رح يصير والسفارة اخليت مشان هالشي ما يبعتو عناصر امن اكتر بالفعل شي بخجل |
والله العظيم شي بيخجل
ولك السعودية ماصار فيها هيك لحتى نحنا جايين نضربها علاوية ولك اي شو هاد لعما ماعد في مخ بنووووووووووووووووووب روحو كلو هوا وتظاهرو على شي بيفيدكون بالله بس حدا يجي يفهمني انو هالرسول شو نزل من قيمتو هالصور ؟ بطل يصير رسول يعني؟ اللي بدو يتشاطر يروح يتشاطر عاللي ساوا الصور مو على السفارات وويــــــــــــــــــــــ ـــن بالشام قلب العروبة النابض قال :lol: :lol: :lol: :cry: ضيعان هالشعب وهالبلد |
اقتباس:
يعني شو بدي قلكن ....شعبنا كلو زلم .....شعبنا لقا حالو ما قدران يقاطع ...لك ما معو مصاري يشتري دانماركي ....قال لحالو شو علي لك خيو؟؟...منحرق السفارة و منلحق حالنا اسمو المازوت لسا ما غلي :lol: يالله شباب علييييييييييييييييييييييي ييهم انبطحوا :p |
همج :aah: :aah: :aah: :aah: :aah: :aah: :aah: :aah::aah: :aah: :aah: :aah: :aah: :aah: :aah: :aah: :aah: :aah: :aah: :aah: :aah: :aah: :aah::aah:
|
"قلب العروبة النابض" إي طز بقلب العروبة النابض:jakoush: بس بدي افهم قوات الخرى الأمن وينها:aah: ولا بس شاطرين لما يكون في بخشيش:jakoush: انشالله المهاجمين فشوا خلقن بالفعل شعب همجي وما بيستاهلو غير ينعفس راسن متل الكلاب قال ديمقراطية قال... هدول ما بيلبقلن غير الفلقة والدولاب والكرباج والصرماية |
لكااااااااان ليش بيقولوا عنا مميزين :gem: :gem: :gem:
|
الله أكبر العزة للعرب , الله حيو يا شباب رفعتو أسم الوطن بالعالي
تاري زلم و قبضايات و مالنا خبر , ليش ما الأمن كمان نزل مع الشباب , بس خيو شعب بيرفع الراس , شعب جحش ما بيعرف يروح غير طحش , أي بقى حلمو تسافرو عل دنيمارك و النرويج و أوروبا كلها , وخلي الشعب السوري هنيك ياكل خ**, يا حيف عل رجــال |
يا معلم فادي
هلق اتأكدت انو بالفعل احسن شي لشعب متل شعبنا هوي حكومة ديكتاتورية بتقصف رقبت كل واحد بمدها |
هلق لحد هلق ما حدى عطا تحليل سياسي مزبوط
ليش هيك صار الكل عم يحكي من وجهة نظر طائفية بطريقة مبطنة بدين منكون يلي عم تعملوا حالكون فهمانين بسياسة تعطوني التحليل المزبوط ليش هيك صار وليش الحكومة عضت النظر عن المتظاهرين |
بس نسي الشعب العربي انو الدنمارك نزلت ضد اميركا مشان حرب العراق
والله تخلفففففففففففففففففففففف ففففففففففففففففف |
الي صار عبارة عن فشة خلق لانو شعبنا عندوا طاقات مكبوتة كتير
بس ياحرام مو علافانين وين يحطوا طاقاتهم مشان هيك بس يصير اي شغلة صغيرة بدنا نعمل حالنا شاطرين ونفرد عضلاتنا والحكومة ساكتة عن هالشي لانو هي مقدرة ظروف هالشعب منيح الي اذا ما بينفس عن حالو بينفجر |
اقتباس:
الشعب السوري ما فينو يقاطع ....شو بدو يقاطع ؟؟؟ ليش معو الشعب السوري ياكل لحتى يقاطع ؟؟ و نتيجة أنو الشباب حابين يعملو مبادرة ...تكون معبرة يعني ...ما طلع معن غير هالسلوك الحضاري ....... ال كووووووول يعني على كل حال يصطفلوااااااااااااا |
هلأ شي أكيد المتظاهرين ما وصلوا للسفارة غير بمباركة قوات الأمن ..
وإلا .... شفنا كيف منعوهم يوم الهجوم على السفارة الأميركية الموضوع ..وبوجهة نظري ...مبرمج ( متل من كم سنة يوم الي هجموا على السفارة الأميركية ونزلوا العلم ..كان الي منظمين المظاهرة هنن المخابرات والتنفيذ من القوات الخاصة ) مالنا فيها .. يعني المظاهرة مبرمجة لتوصل للمراحل الي وصلتلها .. يمكن حتى يوصلوا رسالة أنو غضب الشارع عنا قوي ... وأنو ما فينا نسكتهم ... وكمان ..لكسب الدولة الأسلامية والشارع الأسلامي للوقوف بجنب سوريا بالأزمة الحالية .. وأنو هي الأوربيين شوفوا شو عم يعملوا ... ونحنا وقفنا بوجههم |
اقتباس:
بكرا شوف اذا ما الدول الاسلامية رح تدين حرف السفارات قبل الاوروبية و القرار 1559 رح يكون بكرا متل اللي اخد حبة فياغرا يا معلم و الفضل طبعا ....للاشاوس ....الايطال ...الميامين ....اللي قدرو و هني عزل يفتحوا سفارات الكفار ...و يحرقوها |
اقتباس:
|
| الساعة بإيدك هلق يا سيدي 23:44 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون