هل العرب أمة كرّمها الله ؟؟

[أإأبو العبد]

كاتب النص الأصلي : اللامنتمي

هل تعرفونَ كيفَ كانَ العرب وَ من كانَ العرب

قبلَ ظهور الإسلام

أولاً ؟

تفضل صديقي اجب على سؤالك

[Abu ToNi]

كاتب النص الأصلي : اللامنتمي

هل تعرفونَ كيفَ كانَ العرب وَ من كانَ العرب

قبلَ ظهور الإسلام

أولاً ؟

العرب قبل الاسلام كانوا مجرد قبائل عاشت بصحراء شبهع الجزيرة دون وجود شي بيجمعن ، بحيث انن عاشو بشكل منفصل ومشتت بتسودن الاحكام القبلية بشكل كبير ، الاسلام او بالأصح محمد بحد ذاته قدر بشكل أو بآخر يشمل جميع البادية ويصنع من اهلها دولة قدرت بفترة من الفترات تحتل قسم لا بأس فيه من العالم ، وبنفس الوقت قدر يكسر جميع الانتماءات السابقة للدول اللي تمت ( احتلالها او افتتاحها نفس الشي ) ويخلق انتماء من نوع جديد .

بالنهاية شخصية متل محمد بعيدا عن كل المشاعر الدينية والافكار العقائدية والاختلافات ، شخصية قدرت توحد جماعة بدو وتشكل عندن انتماء لدولة وتخلق فين حلم بتحقيق دولة ذات كيان ، الدولة اللي بالرغم من موت الشخص اللي بعد مضي ما يقارب القرن والنص لسعتها حلم بمخيلة جزء كبير من البشر .

شخص قدر يعمل هلشي بيستحق الاحترام والتقدير كشخص مفكر قدر ينقل حلمه كشخص سياسي بيحلم بتشكيل دولة الواقع اللي عايشينه .

[اللامنتمي]

كاتب النص الأصلي : أإأبو العبد

تفضل صديقي اجب على سؤالك

البحثُ فيهم وَ عنهم مُرهق

التاريخ كاذب وَ لو صدق

[أإأبو العبد]

لك يقبرني سعدو ياابو طوني لكبير

عنجد لسا الدنيا بخير

[اللامنتمي]

كاتب النص الأصلي : Abu ToNi

العرب قبل الاسلام كانوا مجرد قبائل عاشت بصحراء شبهع الجزيرة دون وجود شي بيجمعن ، بحيث انن عاشو بشكل منفصل ومشتت بتسودن الاحكام القبلية بشكل كبير ،
الاسلام او بالأصح محمد بحد ذاته قدر بشكل أو بآخر يشمل جميع البادية ويصنع من اهلها دولة قدرت بفترة من الفترات تحتل قسم لا بأس فيه من العالم ، وبنفس الوقت قدر يكسر جميع الانتماءات السابقة للدول اللي تمت ( احتلالها او افتتاحها نفس الشي ) ويخلق انتماء من نوع جديد .

نعم يا صديقي .. يُذكَرُ أنهم كانوا قبائلا ً مُشتتين كَثـُرت حروبهم فيما بينهم

لهم في الخمر ِ وَ النساء وَ الرقص ِ وَ الشعر ِ باعٌ طويل

يَتفاخرونَ بأنفسهم لدرجة أنهم لا يرونَ أبعدَ من قبيلتهم

لم يَكونوا شيئا ً فأصبحوا وَ حكموا حتى باتوا عبيدا

وَ هاهُم الآن يتفاخرونَ بماضيهم لينسونَ ذلَ حاضرهم

أما بالنسبة للسؤال المُحير لماذا اختارَ الربُ العرب وَ القرآن باللغة العربية أيضا ً

ربما أراد إعجاز لسانَ الشاعر ِ فيهم فأنزل القرآن بلغتهم فأعجزَ عظيم شُعرائهم

وَ اختار العرب لأنهم قومٌ كثرت آثامهم وَ اتخذوا من الأصنام ِ إلها

وَ ربما تكونُ هذهِ مشيئته وَ لا نستطيعُ أن نحولَ بينهُ وَ بينَ مشيئتهِ شَيئا

لكني لستُ مُقتعنا ً بتلكَ الإجابة أبدا ً وَ لستُ مُقتنعا ً حتى بتاريخ ِ العرب الجميل

وَ لديَّ إجابة ٌ أخرى وَ مغايرة تماما ً وَ أخافُ لو أكتبها فأزرعُ فيكم أفكارا ً غريبة وَ حائِرة

دعنا من العربِ الآنَ يا صديق

هل أستطيعُ أن أدعوكَ لفنجانِ قهوة أو شاي أو عصير حتى أراكَ

غدا ً ,.

[Abu ToNi]

نعم يا صديقي .. يُذكَرُ أنهم كانوا قبائلا ً مُشتتين كَثـُرت حروبهم فيما بينهم

لهم في الخمر ِ وَ النساء وَ الرقص ِ وَ الشعر ِ باعٌ طويل

يَتفاخرونَ بأنفسهم لدرجة أنهم لا يرونَ أبعدَ من قبيلتهم

لم يَكونوا شيئا ً فأصبحوا وَ حكموا حتى باتوا عبيدا

وَ هاهُم الآن يتفاخرونَ بماضيهم لينسونَ ذلَ حاضرهم

ما هوي الحاضر يا نوار اصعب من انك تقدر تعيش فيه
بس مع هلشي بتم بنظر للعالم اللي بتتغنى بالماضي لحفظ ماء الوجه على انن اضعف من القدرة على العيش بزمان الواقع وساذجين لدرجة كبيرة بتخليك تزعل فيها على حالك .

أما بالنسبة للسؤال المُحير لماذا اختارَ الربُ العرب وَ القرآن باللغة العربية أيضا ً

ربما أراد إعجاز لسانَ الشاعر ِ فيهم فأنزل القرآن بلغتهم فأعجزَ عظيم شُعرائهم

الفرضية القائلة بأن اختيار اللغة العربية هدفها اشعار اللسان الجاهلي المتميز شعريا بالعجز ما عما اقدر اتقبلها
لأن وقت بدنا نحكي على قدرة إلهية بتتميز بالعظمة وبالحكمة منكون طلعنا من اطار محاولة تلقين فلان درسا ما ومحاولة اشعار علتان بالضعف والهوان ، يفترض نكون عما نحكي على قوة موجهة للبشرية بكافة اشكالها وأطيافها دون الاختصاص بعرق واحد او جنس واحد او لغة واحدة ، وغير هيك بتكون صفة الإنحياز وعدم المنطقية بالتعامل مع أطياف البشر المختلفة ملتصقة بالذات الإلهية من بدء الخليقة .

وَ اختار العرب لأنهم قومٌ كثرت آثامهم وَ اتخذوا من الأصنام ِ إلها

ما هوي مر بالتاريخ أقوام اكثر خطيئة من العرب ومع هلشي ما نزل وحي إلهي وما نزل ايا نوع من انواع الهداية .
شخصيا بنظر نظرة مختلفة للأديان من ناحية الاهداف وطريقة ايجاد وسيلة بقائها يمكن يعارضني فئة كبيرة عليها ، بس شخصيا ما بقدر او مافيني اقرا تاريخ الأديان بطريقة عشوائية او بطريقة مسلّم مسبقا بصحتها وهدفي البحث عن الاجابة المنطقية الها .

وَ ربما تكونُ هذهِ مشيئته وَ لا نستطيعُ أن نحولَ بينهُ وَ بينَ مشيئتهِ شَيئا

لكني لستُ مُقتعنا ً بتلكَ الإجابة أبدا ً وَ لستُ مُقتنعا ً حتى بتاريخ ِ العرب الجميل

وَ لديَّ إجابة ٌ أخرى وَ مغايرة تماما ً وَ أخافُ لو أكتبها فأزرعُ فيكم أفكارا ً غريبة وَ حائِرة

حلو انك تشاركنا بأفكارك وحلو اننا نطلع على طريقة تفكير بقية العالم ، بعتقد ( اذا ما كنت غلطان ) نظرتك نحو الموضوع بدها تتقاطع بشكل كتير كبير مع فكرتي ، فحطها وقوي قلبك انه لازم تكون تعودت على فكرة البيت بيتك
[quote

دعنا من العربِ الآنَ يا صديق

هل أستطيعُ أن أدعوكَ لفنجانِ قهوة أو شاي أو عصير حتى أراكَ

غدا ً ,.

انه اي مشروع ظريف وخفيف مابه شي وحاسس انك من زمان عما تلف واتدور بدك تخسر لعبة شطرنج وما عما تعرف كيف فحضرلي حالك بكرا على خسارة من تحت ايدين عمك ابو طوني

[nour333]

كاتب النص الأصلي : Abu ToNi

العرب قبل الاسلام كانوا مجرد قبائل عاشت بصحراء شبهع الجزيرة دون وجود شي بيجمعن ، بحيث انن عاشو بشكل منفصل ومشتت بتسودن الاحكام القبلية بشكل كبير ، الاسلام او بالأصح محمد بحد ذاته قدر بشكل أو بآخر يشمل جميع البادية ويصنع من اهلها دولة قدرت بفترة من الفترات تحتل قسم لا بأس فيه من العالم ، وبنفس الوقت قدر يكسر جميع الانتماءات السابقة للدول اللي تمت ( احتلالها او افتتاحها نفس الشي ) ويخلق انتماء من نوع جديد .

بالنهاية شخصية متل محمد بعيدا عن كل المشاعر الدينية والافكار العقائدية والاختلافات ، شخصية قدرت توحد جماعة بدو وتشكل عندن انتماء لدولة وتخلق فين حلم بتحقيق دولة ذات كيان ، الدولة اللي بالرغم من موت الشخص اللي بعد مضي ما يقارب القرن والنص لسعتها حلم بمخيلة جزء كبير من البشر .

شخص قدر يعمل هلشي بيستحق الاحترام والتقدير كشخص مفكر قدر ينقل حلمه كشخص سياسي بيحلم بتشكيل دولة الواقع اللي عايشينه .

هيدا ابو طوني ولا الكبر عمالي عيوني

ع العموم بشكرك ع موضوعيتك

[nour333]

كاتب النص الأصلي : متمردة

ليش هو نزل ؟؟؟
من وين ؟

من التروبوسفير ؟ ولا من الستراتوسفير ؟ ولا ليكون من طبقة الأوزون ؟

هلا انا شايف الاعضاء كفو ووفو بالرد عليك فأنا بدي بس خاطبك بطريقة تانيه
يعني انت الك حق بقناعاتك
متلا انت مقتنعه انو القرآن مو منزل واحنا بدنا نعرف ازا هالشي توصلتيلو عن طريق بحث واستقصاء فيا ريت تفيدينا وتحطيلنا أدلة ع كلامك
اما ازا هالمعلومه خبرتك اياها تيتا تيريز فهالخبرية متل خبرية ليلى والجده اللي بلعهم الديب بعدين ابوها لليلى فتح بطنو وطال ليلى وجدتها !!!!!!!!!!!!!!!!!!!!!!!!!!!!!
لهيك حبيبتي بدل ما تحلفي انو ليلى والجده طلعو من بطن الديب ما فيهم شي قصدي انو القرآن مو منزل تصرفي بنضج وفلتري معلوماتك

[سوا ربينا]

كاتب النص الأصلي : Abu ToNi

العرب قبل الاسلام كانوا مجرد قبائل عاشت بصحراء شبهع الجزيرة دون وجود شي بيجمعن ، بحيث انن عاشو بشكل منفصل ومشتت بتسودن الاحكام القبلية بشكل كبير ، الاسلام او بالأصح محمد بحد ذاته قدر بشكل أو بآخر يشمل جميع البادية ويصنع من اهلها دولة قدرت بفترة من الفترات تحتل قسم لا بأس فيه من العالم ، وبنفس الوقت قدر يكسر جميع الانتماءات السابقة للدول اللي تمت ( احتلالها او افتتاحها نفس الشي ) ويخلق انتماء من نوع جديد .

بالنهاية شخصية متل محمد بعيدا عن كل المشاعر الدينية والافكار العقائدية والاختلافات ، شخصية قدرت توحد جماعة بدو وتشكل عندن انتماء لدولة وتخلق فين حلم بتحقيق دولة ذات كيان ، الدولة اللي بالرغم من موت الشخص اللي بعد مضي ما يقارب القرن والنص لسعتها حلم بمخيلة جزء كبير من البشر .

شخص قدر يعمل هلشي بيستحق الاحترام والتقدير كشخص مفكر قدر ينقل حلمه كشخص سياسي بيحلم بتشكيل دولة الواقع اللي عايشينه .

اول شي ابو طوني نورت يعني وينك يا رجل اشتقنالك..
تاني شي يا زلمة دخيل عينك انا فهمهن هدول العالم اللي مش عارفين الله وين حاططهن بهالدنيا وبيطلعلوك بتخبيصات ما بعرف من وين جايبينها او حتى مخترعينها ..

وعراسي ابا طوني ...

[Abu ToNi]

بس شبيبة ملاحظة خدوها من عمكن ابو الطون بعد مدري كام الف مليون مشكلة فتت فيها بخصوص الموضوع
الوصول لصيغة مشتركة بترضي الجميع بما يتعلق بمصدر الكتب السماوية ضرب من المستحيل
فالمسلم يؤمن بأن القرآن بحرفيته الحالية تم انزاله من قبل الله ، ودليله الوحيد هوي ايمانه وثقته بالله وبكلمة الكتاب السماوي ذاته .
ايمان المسلم دليل كافي وشامل ومانه بحاجة لدعم او اثبات بأن الكتاب بحرفيته اضافة لمعناه
بينما غير المؤمن ما بعتقد بده يعتبر دليله دامغ على هلنقطة وحيعتبرها اسطورة دينية تم توارثها
ولهلق ما شفت الشخصين " المؤمن وغير المؤمن " قدروا يوصلوا لصيغة بترضي الطرفين بحيث انها حافظت على الايمان من طرف وقدمت دليل دامغ لأي شخاص عما يحاول يشكك او يتساءل علفكرة من جهة تانية

فخلينا نطلع من النقاش العقيم وننتقل لنقطة ممكن يكون في نتيجة ، هل وجود الكتب السماوية بحرفيتها بيعطيها مصداقية ؟ وهل مصداقيتها بدها تنفقد اذا خسرت حريفتها او خسرت مطابقتها الحرفية ( بالنقطة والتشكيل ) للآيات اللي بين ايدينا ؟

[inodessa]

كاتب النص الأصلي : Abu ToNi

فخلينا نطلع من النقاش العقيم وننتقل لنقطة ممكن يكون في نتيجة ، هل وجود الكتب السماوية بحرفيتها بيعطيها مصداقية ؟ وهل مصداقيتها بدها تنفقد اذا خسرت حريفتها او خسرت مطابقتها الحرفية ( بالنقطة والتشكيل ) للآيات اللي بين ايدينا ؟

هاد طرح مفيد فعلا...
أنا أرى بأن الحرفية تفقد قيمتها اذا امكن تفسير الايات بأشكال مختلفة... والدليل كثرة المذاهب.. فمن الممكن لجماعتين ان يفسروا اية واحدة بشكلين..! فما الفائدة من حرفية الاحرف اذا حُرّفت المعاني (وهي الاهم)؟

هذا غير انو ما في اية مصدرها الخالق ممكن ان تفقد شيء من قيمتها... و الا لما كانت موجهة لنا... فمن غير المعقول ان يقدم لنا الله كتبا مزورة عبر الزمن... بل من شأنه ان يحفظها لتصلنا بكل معانيها.. ولتكن دليلنا اليه..

[Dndoshy]

كاتب النص الأصلي : اللامنتمي

هل تعرفونَ كيفَ كانَ العرب وَ من كانَ العرب

قبلَ ظهور الإسلام

أولاً ؟

العرب كانو قبائل بدوية متحاربة وهمون الشرب والنساء وما كان في طريقة لجمعن تحت لواء واحد غير أنو حدا يعرف شو بدون وشو بيحبو ويوعدون فيه..وقتها أجا محمد(يلي أنا بحترمو كـ شخصو)وفكر أنو ما في حل غير يجمع الشغلات يلي بدون ياها (نهر العسل والحوريات والزوجات الأربعة ولـ الرجل مثل حق الأنثيين...)ويجمعون تحت دين فيو هاي الشغلات.

كاتب النص الأصلي : Abu ToNi

هل وجود الكتب السماوية بحرفيتها بيعطيها مصداقية ؟ وهل مصداقيتها بدها تنفقد اذا خسرت حريفتها او خسرت مطابقتها الحرفية ( بالنقطة والتشكيل ) للآيات اللي بين ايدينا ؟

بالنسبة لـ الشق الأول..أنا برأي لأ ما بتعطيها مصداقية
أما الشق التاني فأكيد بتفقد مصداقيتها(اذا كانت ذات مصداقية)لأنو وقت تتحرف وتتفسر..حتكون حسب كل مين بيفسرها لأنو كل واحد بيفسر بالطريقة يلي بدو ياها وميشان هيك ما رح تكون بالمعنى يلي انوجدت لألو..مثال:
بالانجيل موجود انو السيد المسيح أخرج من رجل الشياطين الموجودة فيه (بالكتب المقدسة في كتير تعبيرات مجازية بس لتوصيل المعنى المطلوب لأنو المعنى بالشياطين هو الخطايا ووقت طلعو من الرجل معناتا أنو انشفا من الخطايا)
أما وقت بيجي نصاب شغلتو ينصب على العالم(عـ انو بيشيل الشياطين من الواحد) وبستشهد بهالشغلي بيكون استشهادو هاد بس ميشان يمشي شغلو لا أكتر ولا أقل.

[Abo_rafea]

حتى لا نخرج كثيرا عن اطار الموضوع ..هناك عدّة وجهات نظر سمعتها من أطياف مختلفة وصنوف متنوعة من البشر ..منهم ما يعجبكم ومنهم ما لن يعجبكم بالتأكيد ولكني من منطلق اعطاء الجميع الحق في التعبير عن آرائهم دون ان اهجم لأقص أنحارهم أو أفجّرهم ..لا بد من سماع جميع وجهات النظر..
وجهة نظر :هناك احتمال توسط العرب بين الحضارات جميعا من حيث الموقع...فإذا أردت نشر شي ليصل بأسرع وأقصر وقت الى الجميع تبدأ من من الموقع الأقرب من الجميع أي من الوسط ...وهنا موقع العرب جغرافيا في ذلك الوقت طبعا (القرات الثلاث)

وجهة نظر: العرب أكثر الأقوام حقدا ولؤما وكيدا لبعضهم منذ الأزل ينهشون بعضهم ويقتلون ويسرقون...الخ في تلك الفترة وبالتالي هم أشدّ الناس حاجة لتعاليم القرآن وبذلك نزل عليهم بالعربي ومن رسول عربي منهم وفيهم..فانقلب حالهم ونشروه الى العالم

وجهة نظر:العرب قوم أقوياء أشدّاء البنية والجسد نتيجة حياة الصحراء القاسيةو متسامحون وبالتالي هم أقدر الناس على نشر الدّين (في ذلك الوقت)

وجهة نظر : اللغة العربية أكثر لغات العالم قدرة على استيعاب الاحتمالات والمعاني المتعددّة للألفاظ والتراكيب اللغوية وبالتالي فإن القرآن كان بلغة العرب لكي لايكون تفسيره واحدا

ووجهات نظر أخرى ..متعدّدة وكثيرة

يبقى الامر مطروحا للنقاش كأي أمر في هذه الدنيا كي لايكون جامدا و من المسلّمات

ومن لم يرد المناقشة ولا يملك الحجة على كلامه... أو اعتبر الامر ضربا من الكفر والاشراك والالحاد......الخ فأرجو منه الابتعاد عن الموضوع وعدم الرّد فيه.

[sandra]

تنويه
يا ريت يكون الحوار عقلاني ويلي ما بيملك كلام منطقي أو حجة أو دليل أو فلا يفوت بالموضوع ويأتحفنا بردود و كلام عاطفي بعيد عن العقل
من بعد هالتنويه أي مشاركة الكلام فيها استفزازي أو تكفيري رح يتخالف صاحبا

[أإأبو العبد]

كاتب النص الأصلي : sandra

تنويه
يا ريت يكون الحوار عقلاني ويلي ما بيملك كلام منطقي أو حجة أو دليل أو فلا يفوت بالموضوع ويأتحفنا بردود و كلام عاطفي بعيد عن العقل
من بعد هالتنويه أي مشاركة الكلام فيها استفزازي أو تكفيري رح يتخالف صاحبا

ايها هيك والله نيالك يا امير على هالحماية

لو الكل كانو متلك كان الكل ارتاح وكنا عنجد امة كرمها الله بنعمة العقل

[حنين.]

هل العرب امة كرمها الله
ادا كان قصدكم على نزول القران على نبي عربي وبلسان عربي قد نعتبره تكريما ليس لان الانسان العربي احسن من غيره من البشر لا بل ربما لانه كان ومازال احوج البشر الى قانون الاهي الله اعلم
نرجع لهدا القران ورسالته بظن انكم جميعا تعرفون انه رسالة للعالمين يعني مو بس العرب
ومو ممنوع على اي انسان مهما كان اصلو او معتقدو يدخل في دين الاسلام او يتبع هدي القران بشرط يقتنع فيه ويامن فيه من اعماقو
ونحنا كعرب ادا حبينا ننتمي فعلا لخير امة اخرجت للناس لازم نطبق تعاليم ديننا اللي اول اياته اقرا والعلم عبادة والعامل فيه افضل من العابد ونبطل غرور ادا كان لا فضل لعربي على اعجمي ولا لابيض على اسود الا بالتقوى
معناها لسنا افضل امة ونحن بعيدون جدا

[مجنون يحكي وعاقل يسمع]

ومن التكريم <<< 22دوله عربيه تحكي عربي !!!!!!!!!!!!!!!!!!!

أيه والحبل عالحمار ... عفوأ غلط مطبعي ...بقصد مطبعي الحبل عالجرار ، بس يمكن الجرار صار بدل الحمار فما في غلط
بس شلون هير الحالة صارت تكريم ، الله يرضى عليكي أنا عقلاتي على قدي إذا فيكي بس تفهميني هاي ، يعني أنا مفكر أسوأ شي هوي أنو بنحكي نفس اللغة لأنو ما عم نستخدمها إلا منشان نختلف مع بعض ونشن على بعض الحروب المختلفة

[Abu ToNi]

كاتب النص الأصلي : inodessa

هاد طرح مفيد فعلا...
أنا أرى بأن الحرفية تفقد قيمتها اذا امكن تفسير الايات بأشكال مختلفة... والدليل كثرة المذاهب.. فمن الممكن لجماعتين ان يفسروا اية واحدة بشكلين..! فما الفائدة من حرفية الاحرف اذا حُرّفت المعاني (وهي الاهم)؟

هذا غير انو ما في اية مصدرها الخالق ممكن ان تفقد شيء من قيمتها... و الا لما كانت موجهة لنا... فمن غير المعقول ان يقدم لنا الله كتبا مزورة عبر الزمن... بل من شأنه ان يحفظها لتصلنا بكل معانيها.. ولتكن دليلنا اليه..

بحسب ما فهمت منك انه من الضروري يكون الحرف محافظ على صيغته وشكله
بس ما كتير ضروري نحن نتمسك فيه ونمشي عليه بشكل كلي

طب يا عم شو ضرورة الحرفية اذا ما كنا حنتمسك فيها ؟
ما بالأخير في معنى يراد ايصاله فبدنا نحن العنب والفكرة ولا بدنا نلحق الناطور والحرف ؟

بلهامش : شخصيا من باب لاديني بحت بقلك ماني بحاجة لصفحة او كتاب او شخص ليخبرني على شي عايش معه من اول ما ولدت .