الانطباع الاول من زيارتي لبلدي.

[Government]

وشغلة تانية بتلاحظها بالبلد انو نسبة التلطيش زادت ... قبل كانت البنت اللي لبسها غريب تتلطش (مع انو هاد مو مبرر للتلطيش) هلا صار بيكفي أنو بنت تكون ماشية بالشارع لتسمع مية كلمة بلا طعمة أوبوساخة

ع فكرة .. وانا لاحظت هالشغلة .. وكتير كمان
قبل ماكنت منتبهلا انا .. او انو هي كانت قليلة .. هديك السنة كتير حسيتا زايدة .. ومافي حدا مابلطش
لك حتى مرة ولاد صغار اب 6 سنين .. او 8 سنين ازا شافو وحدة حلوة شوي رأسا بلطشو
وكتير زايد عنجد .. وكمان الشغلة بتختلف من منطقة لمنطقة .. بس بشكل عام كلو

[oliver68]

أول شي بدي قلكن إني ما قريت كل الردود، مشان ما توه وابعد عن الموضوع الأساسي، بس بظن إنو سبب هالعنصرية بسوريا بسيط جدا، الفضائيات الدينية والبرامج الدينية يللي هدفها الوحيد -وما بستثني منها أي برنامج- الكسب المادي بحت، والهدف هاد هوي هدف كل العاملين ابتداءا من صاحب القناة وانتهاءا بالمذيع أو الشيخ يللي بيستضيفوه.
وإذا بتلاحظوا إنو معظم الشيوخ هنن 3 أنواع:
1- يا أما خليجيين، يعني الدين مبني على أساس عادات بدوية "أعرابية"، يعني مشان ما يطلعوا من عاداتهن يللي الدين بخالف معظمها، فمشان هيك بماشي الدين مع مصالحو وعاداتو عن طريق الافتاءات وتغيير معاني الحروف وتعقيدها.
2- شامي أو عربي بشكل عام وعايش بالخليج، يعني مو من مصلحتو يحكي عليهن أو يناقضهن عالأقلز
3- صعايدة، وهدول أهدافهن متل أهداف الخليجيين، يعني مشان ما يطلع من العادات والتقاليد ويتمسك بالدين بنفس الوقت بتلاقيه بيفتي وبيحلل وبيحرم على كيفو.

طبعا في شيوخ مو من الأنواع التلاتة بس بضللوا بدوروا عالمكسب المادي أو الاجتماعي.
متل ما قلت، الفضائيات انتشرت بالفترة الأخيرة بشكل مو طبيعي، وهيي السبب الوحيد بانتشار التخلف بمجتمعاتنا، وأكيد شعبنا عندو الاستعداد لهيك نوع من أنواع الانحراف لأن في عنا كبت سياسي وفقر وبطالة...الخ فاجتمعت كل هالعوامل وخلقت شعب ساذج ومتخلف وعنصري.

[asef]

قرف والله صار الواحد بيحمل هم النزلة علبلد يعني احسن حب بلدي وانا بعيد عن كل الصور ويمكن يقولو هروب او جبن بس لا قرف من كل هالمظاهر

[maged-syrian]

برأيي ان المسلمين بسوريا مسلميين وسطيين معتدلين في أمورهم الدينية والدنيوية وعايشين من أجمل مايكون مع الطوائف والاديان الأخرى ... كل ماهنالك أن بعض الناس تهول وتكبر الموضوع بسبب الفرق الشاسع اللي وجدوه بين الغربة بالدول الاوروبية والوطن ... أما بالنسبة لزيادة المساجد ودور العبادة فهادا شي كتير طبيعي بسبب النمو السكاني الذي يتطلب توفير مثل تلك الاماكن أسوة ببقية الاديان ... وأن كان البعض من غير المسلمين يشتكي من كثرتها فهاذا شيء طبيعي ناتج عن الزيادة السكانية للمسلمين من ابناء هذا البلد
أما بالنسبة لموضوع التطرف .. فالمتطرف منبوذ سواء اكان مسلم او مسيحي او يهودي او حتى ملحد .. وهذا الشيء طبيعي ايضاً ...
ياجماعة الخير لاتتمارضو فتمرضو فتموتو ... الامور كلها ماشية بشكل طبيعي ومافي اي داعي للترهيب والتخويف وماهنالك من زيادة في الاراء السلبية التي لاتخدم المجتمع بشكل عام ...

الناس بالوقت الحالي تلتجيء للتدين بسبب زيادة الوعي والعلم وبسبب قناعة الشخص بأن تلك الدنيا فانية مهما عمر الانسان بها فهو الى زوال وهذه سنة الحياة ..

[maged-syrian]

كاتب النص الأصلي : asef

قرف والله صار الواحد بيحمل هم النزلة علبلد يعني احسن حب بلدي وانا بعيد عن كل الصور ويمكن يقولو هروب او جبن بس لا قرف من كل هالمظاهر

يااخي شو بدك فيهم خلي كل واحد يعبد الله على راحتو ... انت عليك من نفسك وانتهت القصة ويادار مادخلك شر .. ماحدا حمل العصا عليك وقال لك تعال اعبد الله ؟!
وبالنهاية لايصح الا كل صحيح ان قلنا ايه او لأ

[maged-syrian]

كاتب النص الأصلي : sandra

أنا بصراحة متل صافو لما نزلت عالبلد حسيت اديش في تشدد ديني والتعصب زايد
قبل ما كنت اسمع حدا بيسال انتي شو دينك هلا من أول ما بتلتقي بالشخص بدو يعرف هالشي وبيسأل بكل وقاحة
ما في حديث بينفتح إلا وبتنجاب سيرة الدين


وشغلة تانية بتلاحظها بالبلد انو نسبة التلطيش زادت ... قبل كانت البنت اللي لبسها غريب تتلطش (مع انو هاد مو مبرر للتلطيش) هلا صار بيكفي أنو بنت تكون ماشية بالشارع لتسمع مية كلمة بلا طعمة أوبوساخة

شلون صارت هالمفارقة تشدد ديني وتعصب زايد وتلطيش بنفس الوقت ؟!

[oliver68]

كاتب النص الأصلي : maged-syrian

شلون صارت هالمفارقة تشدد ديني وتعصب زايد وتلطيش بنفس الوقت ؟!

ما بدها شرح هي، يعني بتلاقي البني آدم ما بيحكي إلا عن الصلاة وما بيقطع وقت وصايم وقايم وحجاب وخمار الخخخ، ووقت الجد بيطلع أضرب من اليهود، وبتلاقيه راكض ورا خواتو أو بنات العيلة وعامل عليهن سي سيد، ولما يكون مع رفقاتو بالشوراع ما بخلي بنت تعتب عليه.
باختصار ظاهريا في تدين وتمسك بالدين، وباطنيا ما حدا منهن بيعرف الله، يعني الدين دين مصلحة وتشدد مشان مصلحة. الله يلعن هيك مجتمع، كل واحد راكض ورا عيوب العالم وما حدا بيطلع على عيوبو.

[المحارب العتيق]

كاتب النص الأصلي : أبو طريق

ما بدها شرح هي، يعني بتلاقي البني آدم ما بيحكي إلا عن الصلاة وما بيقطع وقت وصايم وقايم وحجاب وخمار الخخخ، ووقت الجد بيطلع أضرب من اليهود، وبتلاقيه راكض ورا خواتو أو بنات العيلة وعامل عليهن سي سيد، ولما يكون مع رفقاتو بالشوراع ما بخلي بنت تعتب عليه.
باختصار ظاهريا في تدين وتمسك بالدين، وباطنيا ما حدا منهن بيعرف الله، يعني الدين دين مصلحة وتشدد مشان مصلحة. الله يلعن هيك مجتمع، كل واحد راكض ورا عيوب العالم وما حدا بيطلع على عيوبو.

عم تحكي جد ولا عم تمزح
ما الموضوع من الأساس عن التشدد الديني . وعن مظاهرو
يعني لما الواحد بيكون راكض ورا أخواتو وبيلطش غيرهم مافي داعي يطول ذقنو مثلا
وأصلا كل يلي شاركو . وكل تغميز صاحب الموضوع . أنو هيك ظاهرة بدهون يجبروا الناس فيها على اللبس والحياة على طريقة المتشددين . فكيف ركبو التنتين مع بعض
ولا كل الهم نهاجم المتدينين وخلص

[yass]

كاتب النص الأصلي : المحارب العتيق

عم تحكي جد ولا عم تمزح
ما الموضوع من الأساس عن التشدد الديني . وعن مظاهرو
يعني لما الواحد بيكون راكض ورا أخواتو وبيلطش غيرهم مافي داعي يطول ذقنو مثلا
وأصلا كل يلي شاركو . وكل تغميز صاحب الموضوع . أنو هيك ظاهرة بدهون يجبروا الناس فيها على اللبس والحياة على طريقة المتشددين . فكيف ركبو التنتين مع بعض
ولا كل الهم نهاجم المتدينين وخلص

و لو... ليش مانك سمعان بمبدأ "ساعة الك و ساعة لربك"؟ هالأيام مين معبّي كباريهات و مواخير سوريا و لبنان غير أهل السعودية.. بيكونو هنن نفسهون اللي باقي أيام السنة يضربو شرفيات على كل سكان الكرة الأرضية و سكان الكواكب المجاورة كمان....

تغميز, هجوم؟ خير انشالله؟

[المحارب العتيق]

أولا مين جاب سيرة السعوديين . بموضوع عن الأنطباع الأول للعودة للوطن . الموضوع عن السوريين مو غيرهم
تانيا صاحب الموضوع عم يقول

يعني الظاهرة الي انا حكيت عنها تيارات متطرفة تهدد الاحساس الوطني تتحدث عن حكم اسلامي بطريقة رد فعل قمعية لكل ما يسمونه (( فساد )) وعلى (( جند ابليس )) ويقصدرون بهم الفنانين والمطربين و مقيمي الحفلات وكل من اراد الحياة باسلوب عصري اختاره هو.
هنا اصبحت تهديد لا مجال معه للمجاملة والقول انه حرية شخصية وظاهرة لا تتعدى كونها ردة فعل طبيعية على شئ محدد وليست زهد ولا ما شابه.

فكيف ساعة الك وساعة لربك يعني بتقولو أنو بدهم يقمعوا يلي عم يعملوا حفلات . وهنن عم يسهروا
يعني كيف بدهم يسهروا أذا لغوا السهرات
أكيد جملة تناقدات هالموضوع . بدها خير أنشالله

[Abu ToNi]

كاتب النص الأصلي : أبو طريق

ما بدها شرح هي، يعني بتلاقي البني آدم ما بيحكي إلا عن الصلاة وما بيقطع وقت وصايم وقايم وحجاب وخمار الخخخ، ووقت الجد بيطلع أضرب من اليهود، وبتلاقيه راكض ورا خواتو أو بنات العيلة وعامل عليهن سي سيد، ولما يكون مع رفقاتو بالشوراع ما بخلي بنت تعتب عليه.
باختصار ظاهريا في تدين وتمسك بالدين، وباطنيا ما حدا منهن بيعرف الله، يعني الدين دين مصلحة وتشدد مشان مصلحة. الله يلعن هيك مجتمع، كل واحد راكض ورا عيوب العالم وما حدا بيطلع على عيوبو.

الجملة اللي بالأحمر تقلانة شوي على راسي ممكن تساعدني بفهمها لأن بحسب ما اني شايف انت اهنت قوم كامل بالعبطة وعلى الماشي ولا كأن شي صار وكأن كلمة يهودي بتجمع كل الصفات السيئة بالبشرية

ونعم احترام الآخر ...

[yass]

كاتب النص الأصلي : المحارب العتيق

أولا مين جاب سيرة السعوديين . بموضوع عن الأنطباع الأول للعودة للوطن . الموضوع عن السوريين مو غيرهم
تانيا صاحب الموضوع عم يقول



فكيف ساعة الك وساعة لربك يعني بتقولو أنو بدهم يقمعوا يلي عم يعملوا حفلات . وهنن عم يسهروا
يعني كيف بدهم يسهروا أذا لغوا السهرات
أكيد جملة تناقدات هالموضوع . بدها خير أنشالله

أول شي لا تعصّب.. مافي داعي.. خدني بحلمك و حنانك لحظة

تاني شي.. لما جبت مثال السياح السعوديين ما حكيت عن حالة السعودية.. انما عم جيب مثال لازدواجية المعايير .. فقطا لا غير

و ما بعرف شو مشكلتك بالضبط مع هالموضوع.. و ليش زاعجك و ليش عم تدوّر ع مؤامرات خفية فيه.. يعني وين الغلط بالزبط لحتى أفهم.. كل شي عم تعتبرو هجوم و كل شي عم تعتبرو غمز.. ما بعتقد في داعي لهالحطة بموقف الدفاع.. مالو لزوم.. عم نحكي عن ظاهرة.. ما حدا جاب سيرة المتدينين بسوء ..

[oliver68]

كاتب النص الأصلي : gabriel

الجملة اللي بالأحمر تقلانة شوي على راسي ممكن تساعدني بفهمها لأن بحسب ما اني شايف انت اهنت قوم كامل بالعبطة وعلى الماشي ولا كأن شي صار وكأن كلمة يهودي بتجمع كل الصفات السيئة بالبشرية

ونعم احترام الآخر ...

بهي معك حق، بس أنا مو قصدي عمم، بس عمبقصد اليهود الصهاينة، مو اليهود بشكل عام، وشكرا لإنك نبهتني، هي عادة لازم نتخلى عنها.

[oliver68]

كاتب النص الأصلي : المحارب العتيق

عم تحكي جد ولا عم تمزح
ما الموضوع من الأساس عن التشدد الديني . وعن مظاهرو
يعني لما الواحد بيكون راكض ورا أخواتو وبيلطش غيرهم مافي داعي يطول ذقنو مثلا
وأصلا كل يلي شاركو . وكل تغميز صاحب الموضوع . أنو هيك ظاهرة بدهون يجبروا الناس فيها على اللبس والحياة على طريقة المتشددين . فكيف ركبو التنتين مع بعض
ولا كل الهم نهاجم المتدينين وخلص

إنتي يللي بالظاهر عمتمزح يا صديقي، أنا ما بعرف كيف ما لاحظت هالشي مع إنو عمنعيشوا كل يوم!!!! أنا حابب نبهك عشغلة، إنتي وصفت التدين بطولة الذقن، هي أكبر دليل على إنو التدين بهالوقت عبارة عن مظاهر فقط، يعني طول ذقنك وروح عالجامع خمس مرات باليوم وصوم كل اثنين وخميس بتصير ولي الحارة، وبصير الكل يحلف براسك، وفيك تمرق ألف شغلة حرام بحرام، وأنا متعمد هاجم "المتدينين"، لأن كلمة "متدين" يعني مدعي الدين، على وزن "متمارض" يعني، وللأسف نحنا بمجتمعنا مليان متدينين متل الإخوان المسلمين والسلفيين والقاعدة...الى آخر القائمة، بس الدينين عن حق كتير قلال ومابينطوطوا من فضائية لفضائية مشان الشهرة والمكسب المادي.
يا ملعم بالوقت الحالي صار الدين مظاهر وفرض آراء بحجة إنها ثوابت، مثل الموسيقى، 99% من الشيوخ بحرموا الموسيقى، ولعلمك أغلبية المسلمين يلي بيسمعوا موسيقى وأغاني مقتنعين إنها حرام بس بيسمعوها، وإذا طلعت وحكيت إنو الموسيقى والغناء مو حرام، بتصير إذا مو كافر منافق وزنديق، إذا قلت إنو الحجاب مو دليل على طهارة المرأة وعفتها، بتصير كافر وعدو للإسلام، وإذا ما اتفرجت على برامج "عمر عبد الكافي" أو "عمرو خالد" يللي معباية الفضائيات أو مو حاطط قناة "الرسالة" أو "اقرأ" بقائمة المفضلة بالريسيفر أو ما بتابعها بانتظام معناها حضرتك منافق ومتأمرك.
هلأ يا معلمي صار دورنا لنعيش بعصر الظلام، متل ما كان الدين المسيحي عايش بالقرون الوسطى، ودولاب الحضارة بكل ما فيه من منيح وعاطل رح يمر عالكل، وهلأ دورنا بالعاطل، وهي هيي كل القصة.

[sandra]

كاتب النص الأصلي : maged-syrian

شلون صارت هالمفارقة تشدد ديني وتعصب زايد وتلطيش بنفس الوقت ؟!

ما فينا ننكر تزايد وجود هالظاهرتين بمجتمعنا

[المحارب العتيق]

كاتب النص الأصلي : yass

أول شي لا تعصّب.. مافي داعي.. خدني بحلمك و حنانك لحظة

تاني شي.. لما جبت مثال السياح السعوديين ما حكيت عن حالة السعودية.. انما عم جيب مثال لازدواجية المعايير .. فقطا لا غير

و ما بعرف شو مشكلتك بالضبط مع هالموضوع.. و ليش زاعجك و ليش عم تدوّر ع مؤامرات خفية فيه.. يعني وين الغلط بالزبط لحتى أفهم.. كل شي عم تعتبرو هجوم و كل شي عم تعتبرو غمز.. ما بعتقد في داعي لهالحطة بموقف الدفاع.. مالو لزوم.. عم نحكي عن ظاهرة.. ما حدا جاب سيرة المتدينين بسوء ..

وين شفتني معصب
أنت حكيت عن السعوديين بالبداية كمثال عن أزدواجية المتدينين . أو على الاقل هيك بتنفهم . يس هلأ لحتى وضحت هدفك من المثال
مشكلة مع الموضوع مافي . بس الغلط والغمز يلي أنا شايفهم . بعتقد فيك تلاحظهم بسهولة . اذا قريت الموضوع بحيادية . يعني كل واحد عندو مأخذ معين برأيو . وكل واحد بيقول كلام بيناقد كلام التاني . والمشكلة الوحيدة هي الأسلام . بما أنو صار في مين عم يتهم ويفرز الناس قاعدة وغيرو . وعم يفترض نيات عن تغيير اسلوب حياة ويحاسب عليه .
أنت عم تقول أنو ماحدا جاب سيرة المتدينين بسوء . ,انا ماعم قول أنو انت ذكرتهم بسوء . بس في ردود افترضت وأتهمت وفرزت . ,انا لما رديت وقلت غمز لا ذكرتك ولا تقصدتك . بس هاد واضح من تبيان الردود

[yass]

أعرف انو ما قصدك علي (لأنو أعرف بشكل جيد شو أكتب و شو أقصد)...

المشكلة بذكر أي ظاهرة انو رأسا تعمل اسقاط وحيد و هو:

المشكلة الوحيدة هي الأسلام .

بشكل تعرّي أي كلام من معانيه.. و تخلي أي فكرة خالية المعاني كون عم تقرر انو اللي عم يحكي أو ينتقد هاد مشكلتو مع الاسلام... و هاد عدو الاسلام...

على كل أنا حكيت قبلا رأيي بالظاهرة.. و ما بعتقد كتير ينفع هلأ نقعد نناقش هالنقطة كتير... لأنو ما بعتقد فينا نوصل لشي

[المحارب العتيق]

كاتب النص الأصلي : أبو طريق

إنتي يللي بالظاهر عمتمزح يا صديقي، أنا ما بعرف كيف ما لاحظت هالشي مع إنو عمنعيشوا كل يوم!!!! أنا حابب نبهك عشغلة، إنتي وصفت التدين بطولة الذقن، هي أكبر دليل على إنو التدين بهالوقت عبارة عن مظاهر فقط، يعني طول ذقنك وروح عالجامع خمس مرات باليوم وصوم كل اثنين وخميس بتصير ولي الحارة، وبصير الكل يحلف براسك، وفيك تمرق ألف شغلة حرام بحرام، وأنا متعمد هاجم "المتدينين"، لأن كلمة "متدين" يعني مدعي الدين، على وزن "متمارض" يعني، وللأسف نحنا بمجتمعنا مليان متدينين متل الإخوان المسلمين والسلفيين والقاعدة...الى آخر القائمة، بس الدينين عن حق كتير قلال ومابينطوطوا من فضائية لفضائية مشان الشهرة والمكسب المادي.
يا ملعم بالوقت الحالي صار الدين مظاهر وفرض آراء بحجة إنها ثوابت، مثل الموسيقى، 99% من الشيوخ بحرموا الموسيقى، ولعلمك أغلبية المسلمين يلي بيسمعوا موسيقى وأغاني مقتنعين إنها حرام بس بيسمعوها، وإذا طلعت وحكيت إنو الموسيقى والغناء مو حرام، بتصير إذا مو كافر منافق وزنديق، إذا قلت إنو الحجاب مو دليل على طهارة المرأة وعفتها، بتصير كافر وعدو للإسلام، وإذا ما اتفرجت على برامج "عمر عبد الكافي" أو "عمرو خالد" يللي معباية الفضائيات أو مو حاطط قناة "الرسالة" أو "اقرأ" بقائمة المفضلة بالريسيفر أو ما بتابعها بانتظام معناها حضرتك منافق ومتأمرك.
هلأ يا معلمي صار دورنا لنعيش بعصر الظلام، متل ما كان الدين المسيحي عايش بالقرون الوسطى، ودولاب الحضارة بكل ما فيه من منيح وعاطل رح يمر عالكل، وهلأ دورنا بالعاطل، وهي هيي كل القصة.

حبيب قصة اطلاق اللحية انا لما ذكرتها . استشهدت فيها من كلام صاحب الموضوع . بس يظهر انك قريت الموضوع الرئيسي والرد الأخير بس . صرتلي بعصور ظلام من طريقة التحريم. وبنفس الوقت عم تقول أنو المسلم قبل غيرو عم يعمل المحرم . كيف هالتناقض مابعرف