الصبي الذي خطفه الجن ..

[اية الرحمان]

[quote=fofo besset syria;601103]

حبيبتي انا ما عم قلك مافي جن...بعرف انو موجود و

هاي ما بدها ذكاء

الظاهر بدها جبل فطنة مو ذكاء وبس

بس الاتصال بين الجن والانس هوة الي ما بيدخل بمخ واحد عاقل....

ما بيدخل مخ واحد ما بيعرف شي عالعالمين والصلة يالي بيناتهن بعيدا عن كل المعتقدات والديانات عالم الجن معقد وبسيط فيك تفهميه اذا اهتميتي بيه بس فيك كمان تخسري عالم البشر لو تعمقتي في دراستو

ما عم نئول لحدا شي غلط بس عم نطلب شوية واقعية بالتفكير!!!!!!!!!!

واقعية بالتفكير والله الشي الواقعي هو انو الجن موجودين وفيهم يعملو كتير وما في شي فيه يعملك حصانة غير الايمان ما في جني بيسترجي يقرب من حدا قوي نفسيا وايمانيا

مو ضروري كلشي اسمعه انقله!!!بفكر فيه بمنطق شوي بعدين بنقله!!!

بدك نظرية رياضية عن وجود الجن او مقال فلسفي عن سرقة جني لانسان او بدك دليل ملموس طيب عندي اقتراح فكي رموز مثلث برمودا وقوليلي شو هو بالتحديد ودين محمد لو عطيتيني الجواب الصحيح لكون منسحبة من هاد الموضوع وماراح كمل حكي فيه والشباب شاهدين على حكيي

ومشان السحر!!!!!جيتي تكحليها عميتيها!!!!!!!!!!!ازا الجن يا دوب دخل مخي لصدق السحر!!!!!!!!وليييييييييييييي يييييييييييييي

ههههههههههههههههه على اساس مانك سمعانة بالسحر لك انبياء الله وعرفو شو هو السحر فكيف انتي مانك مصدقة اذا هيك فهاي مشكلة عويصة جدا لك حتى الملحد بيعرف انو السحر موجود واكبر مساعد للساحر هو الجني اولييييييييييييي عم تغشمي حالك ولا بدك تفرجينا انو يا حرام بنات هالايام ما بيعرف شي عالسحر اغلبكن شايلين شي وشويات تحتكن على مين يا ماما استغفر الله العظيم من كل ذنب عظيم

ازا السحر موجود كان خربت الدنيا!!!كان كل ما واحد اجا عباله شي وما زبط بروح عشيخ بكتبله حجاب وبيعطيه ماي يشرب منها و تاني يوم بفيق متحققة احلامه واماله!!!!!!!!!!!!بئا شو دور ربنا وقتها و وين الايمان بالقدر!!!!!!!!!

اولا لحجابات غلط بغلط ما في منها لفهمك هاي بس من شان الناس تكسب مصاري بالضحك على عقول الساذجين الهوش يالي ايمانهن ناقص ما في حدا غير الله فيه يفتح لعبادو ابواب الخير او يخفف عنهن تاني شي هالمشعوذين بيستخدم الجن ليوصلو لتفكيك ما يجول بمخ يالي يكون قاعد قدامهن وفيها نسبة من الصح ونسبة من الغلط لكن هالجني ما فيه ييوصل للعقل اذا ما كان في فتحة صغير وهاي الفتحة هي باب ضعف الايمان لا تفتحوه حتى ما يطلع العالم التاني عليها ويكشفها لاخوانكم من بني البشر
تالثا عم تحكي عالجن لا تنسي الارواح التائهة يالي ما الها غير هدف واحد الانتقام وبس وهاد موضوع تاني ما بدي احكي فيه

شو مشانكن يا جماعة ناقشو بعقل ومنطق كرمال الله!!!!!!!

بهيك امور ما في منطق في دراسة خاصة بهيك عالم او تجربة خاصة وللاسف ما الي لا هي ولا هديك يادوب عم افهم لانو البلد يالي انا فيه عم اكتشف اشياء ما كانت تدخل دماغي بس مع الوقت بتصير الامور كتير واضحة وما تعود تصدم وتصير متل ما قلتي منطقية 100بال100
وشكرا لكي يا اختي عن جد معك حق كرمال الله فكرو بعقل

[Willi]

واقعية بالتفكير والله الشي الواقعي هو انو الجن موجودين وفيهم يعملو كتير وما في شي فيه يعملك حصانة غير الايمان ما في جني بيسترجي يقرب من حدا قوي نفسيا وايمانيا

Never in my life have I heard of these Mythological creatures doing anything to someone who is not into religion.
only those who are "قوي نفسيا وايمانيا"
get attacked by them (as they say)1

[BL@CK]

يعمش .. فكرة ظريفة كتير .. هلاء رايح أجربا ..

رح أحط الكندرة بالحمام و أقفل عليا 3 أيام لأشوف شو بصير ..

و رح احطلون بدال الجن .. عرق بلدي متلت ..

لأشوف بدا تختفي ..

بعد تلات ايام بردلكون خبر ..

[fofo besset syria]

من الاخر كل واحد الو رأيو ليه انتو مصرين تقنعونا بالجن!!!

بعدين انا بحكي بالشرق وانتي بتجاوبيني بالغرب!!!!بعرف انه الجن موجود ومذكور بالقران بس الاختلاط بين الجن والانس مو موجووووووووووووووووووووووووووووووووود...:jako ush:

لك كيف جن بدو يفوت بالانسان وكمان ياخده من مكانه لمكان تاني!!!!شو هية افلام خيال او رعب!!!

والسحر الصح كان معجزة من معجزات سيدنا موسى ...ماعم ناقش بهاد السحر لأنه اخدينا هالقصة 100 مكرة بالمدارس وحافظينا بصم!!

طب ما دام انو عم تئولو في دراسات بالغرب عن تلبس الجن للانس اثبتو هالموضوع ونزلولنا شي دراسة من دراساتن بتثبت هلشي (بس بدنا مصادر موثوقة)

[ayaa]

السلام عليكم

انا اؤمن بالجن والشياطين انهم موجودين لان الله سبحانه
وتعالى قال ان خلقنا الانس والجن ليعبدون وقال انهم يرونكم
ولا ترونهم وبصراحه قصص الجن الذين يخطفون الناس لا اصدقها

[fofo besset syria]

كاتب النص الأصلي : BL@CK

يعمش .. فكرة ظريفة كتير .. هلاء رايح أجربا ..

رح أحط الكندرة بالحمام و أقفل عليا 3 أيام لأشوف شو بصير ..

و رح احطلون بدال الجن .. عرق بلدي متلت ..

لأشوف بدا تختفي ..

بعد تلات ايام بردلكون خبر ..

اي اي اناناطرة نتيجة التجربة!!!
بس دخلك الولد لما راح ببوري االصوبة سمعنا صوتو...بقا الكندرة كيف بدنا نعرف وين راحت!!!

انا بقترح شي عضو من اخوية يتبرع ويتحمل هالكم يوم بالحمام بلكي ثبتت النظريات وعرفنا سر الاختفاء العظيم!!

[BL@CK]

انا بقترح شي عضو من اخوية يتبرع ويتحمل هالكم يوم بالحمام بلكي ثبتت النظريات وعرفنا سر الاختفاء العظيم!!

لأ هي ما غابت عن بالي .. حطيت مع الكندرة .. كام صغيرة .. لأراقب الوضع ..

هلأ حالياً فردتين الكندرة سكرو عـ الخالص ..و ما بعرف شو عبسوا لأني حاطط وحدة رجالي وحدة نسواني ..

بئا شو بصير بعد شوي ما بعرف .. رح أغطيلكون الأحداث .. حتا لحظة الاختفاء ..

[Reemi]

فرده رجالي و فرده نسواني؟؟؟؟؟؟

دخلك النساني بكعب او بدون.....؟؟ شنو بتفرق يعني.....

وفرصة ادخلهن لتر عرق تاني لانو بكونو خلصو للاول.....ولا تنسى المازى هااااا

[BL@CK]

لا و حياتك .. كعب 18 Cm ..

و الرجالي .. شرطك بتشبه كندرة علي بابا ..

هلأ رح أقوم و أدخلون شوية عرقات .. متل ما بدا ريمي .. ألف طلب متل هالطلب ..

[fofo besset syria]

كاتب النص الأصلي : BL@CK

هلأ رح أقوم و أدخلون شوية عرقات .. متل ما بدا ريمي .. ألف طلب متل هالطلب ..

بس طمنا عنك بس تطلع امانة لا يسحبوك انتا كمان

خد معك مرافقة وحراسة ومجموعة تعويذات

[BL@CK]

شايفة يا ريمي ضحيت بحياتي .. و دخلت العرقات ..

بس طمنا عنك بس تطلع امانة لا يسحبوك انتا كمان
خد معك مرافقة وحراسة ومجموعة تعويذات

ليكني طلعت .. يعني مرسي على الاستفقادة

بس أخدت معي متر قماش أخضر ... مشي الحال طالعوني بسلام ..

بس لاحظت ملاحظة .. على الفردة النسواني .. في تغيرات في البنية ..

بكرا أو بعد بكرا منعرف شو السبب بعد نهاية التجربة

[Reemi]

كاتب النص الأصلي : BL@CK

بس لاحظت ملاحظة .. على الفردة النسواني .. في تغيرات في البنية ..

تغيير في البنيه.....؟؟ ليك لا تمزح...ترى مافي مزح بهالمواضيع هااااااا... .!

شو مشان المتر الاخضر

[abosleman]

هلئ شو صار بالولد

لقوه ولا لسى

[BL@CK]

كاتب النص الأصلي : Reemi

تغيير في البنيه.....؟؟ ليك لا تمزح...ترى مافي مزح بهالمواضيع هااااااا... .!

شو مشان المتر الاخضر

و الله هيك تغير في البنية .. ما بعرف .. نحن رح نضل متابعين .. و منشوف شو رح يصير ..!

بالنسبة للمتر الأخضر .. ضروري .. مشان ما يخطفوني الجن ..

وحيد لأمي أنا وين يخطفوني ..

[•• LEO ••]

هاجو البهايم ؟؟؟




.

والسحر الصح كان معجزة من معجزات سيدنا موسى ...ماعم ناقش بهاد السحر لأنه اخدينا هالقصة 100 مكرة بالمدارس وحافظينا بصم!!

متأكدة من هالحكي ؟؟؟؟

[•• LEO ••]

الحلو بالموضوع انو البعض كانو يناقشو بشغلة تصديقهم لوجود الجن والسحر وهلأ صارو يناقش بشغلة "انخطف أو ما انخطف" .. هاد الشي بيكفيني ""يعني بمعنى آخر انسحبو من هالشي او تراجعو عن كلامهم ""

وبغض النظر عن "انخطف او لأ" .. حكينا ممكن صحيحة وممكن لأ ..
بس يلي بدو يحكي بفضل يكون قد الحكي ..



أمري لالله



بس برجع بقول ""هاجو البهايم""

[BL@CK]

هاجو البهايم ؟؟؟

يزيد قدرك معلم نسيم ..

بس برجع بقول ""هاجو البهايم""

كمان برجع بقلك يزيد قدرك و يعلي مقامك

و هي

آخر الآخبار

في اليوم الثاني للإختبار

ما زالت الفردتين كما هما .. مع تغير واضح في البنية الجسدية .. للفردة النسواني ..

تابعوا آخر الأخبار هنا ..

[fofo besset syria]

قدرك عالي دايما ابو الشباب!!!ما بدك شهادة حدا بهالموضوع


والفردة الرجالي لسا ما حدا التكش فيها!!!!!!حتى الجن عندو تمييز عنصري!!!


نسيم نحنا لسا عم نحكي بالجن والسحر وعم نعمل تجارب نحاول نقنع حالنا بارائكن...لعل وعسى ازا بئيت الفردتين تقتنعوا معنا وتشيلو هالموضوع من راسكن و تفكرو بشي تاني لأنو بلشنا نزهق منو!!!

او انعشونا بقصة جديدة في بلد اخر عن خطف الجن لشي طفل او وقوعه في بوري الصوبة