اجتماع على مستوى القعدة لزعماء الشلل

[hanny dagher]

كاتب النص الأصلي : THE BLACK DEATH

طيب أبو الهن أنا معك بهل نقطة أنو نتوزع وننهض بأخوية
بس كيف يعني شو بدي أساوي هلق أنا إذا داومت بالصالون مثلا وشفت شي عضو حاطط موضوع مو بمكانو على أي أساس بدي قلو أنو يا فلان موضوعك مو بهل قسم
يعني شلون بدو يرد علي إذا أنا ما عندي أي صفة إشرافي أو هيك شي ( عضو متلي متلو) هاد إذا ما سمعتلي كم كلمة مرتبين
مشان السقيفة أنا بقلك الوضع هون احسن بكتير من بقية الأقسام ليش لأنو هون في حرية متل ما تقول
يعني انا حاسس الصالون بس لمواضيع الحب وهي ليش معجبة وكيف تعرف انو معجبة فيك وانت ادرى لأنو قسمك
وقسم الموسيقى عند ( هشت نشت ) حرمت فوت عليه لأنو طلبت أغنية قام بعتلي تنبيه مدري شلون مركب مخو هالإنسان
وحوار الأديان يعني حلو لو ما أنو الشباب مفكرينو ساحة حرب بين الطوائف لأنو الأغبياء ما بيعرفو أنو كل واحد بيعبد ربو على طريقتو
قام أنا حملت حالي وإجيت عالسقيفة لقيت الوضع غير وأحلى بكتير
وبعد فترة تأزم الوضع هون خصوصا بعد غياب مجد ( الله يرجعا بالسلامة ) صارت المواضيع نصا سب وألفاظ سوقية ومن هالحكي
لا تقلي تقرير عن مشاركة عاطلة هاد يا سيدي في كلمة حمار بالموضوع تبع الشلة تبعي صرت ناتفو شي عشر تقرير بس عبث
يعني شو بدك يا نا نساوي وكمان تعا لقلك السقيفة بدا تطهير بمعيتك
ماشي بلأخير انا من إيدك هي لإيدك هي في سبيل الأخوية تتحسن من الوضع المزري بصراحة يعني يلي فيها
أنت فصل وانا بلبس
سلام
بلاك

اي سوري شباب مبارح كنت تعبان كتير فمن روحتي على البيت حطيت راسي ونمت لتاني نهار الصبح اما شو نومة شغلة
وانا هلأ بالشغل بس رح احكي شوي ووضح شوية شغلات على قد ما بقدر

بالنسبة للمواضيع اللي ما بمحلا فيكن ما تردو عليها
او اذا بدكن تردو قولو الموضوع مو بمحلو او فيكن تراسلو مشرف القسم (ولو انو في عالم رح تعترض على هالخيار هادا بس انا بلاقي اسرع طريقة ) وهوي بينقلا او فيكن تبعتو تقرير عن مشاركة عاطلة ومشرف القسم بس يطلع عليها بيعمل اللازم
بالنسبة لتقارير المشاركات العاطلة اللي عم تجي من السقيفة بعد غياب مجود ما في مشرف عم يتابعا لهيك بجوز تتاخر بالرد عليها لبين ما ينحط مشرف او امين جديد على الدرجة التانية
بالنسبة لقسم الموسيقى في شروط معينة منزلها hashtnasht بالموسيقى وهوي منزل موضوع لطلب الاغاني واي موضوع تاني رح ينفتح لطلب الاغاني رح ينحزف وبعتقد انو قسم الموسيقى من اقوى الاقسام الموجودة باخوية بسبب قوة الامين اللي عم يديرو
بالنسبة للصالون مرقت فترة حب وغرام بس بعتقد انو انتهت واذا ما انتهت اسا فهادا الهدف من الاجتماع انو ننهيها
انو نرجع المواضيع اللي الواحد كان بيستمتع بقرايتها
حوار الاديان هادا لا تعليق علي بما انو مغلق
برجع بقول مشان السقيفة السقيفة درجة تانية يعني متل غرفة الكراكيب اللي فيها مواضيع مو من المستوى المطلوب لهيك ما كتير تتعلقو فيها وخلونا نشتغل ببقية الاقسام ونخلي هاي غرفة الكراكيب

على كلن فيك تراجع هالموضوع لتعرف شرح ووصف للاقسام والشروط العامة للاخوية

انقر هنا

[hanny dagher]

كاتب النص الأصلي : فلسطيني للأبد

مرحبا شباب

أنا شفت كل اللي طرحه الأخ هاني والأخ علاء!!1
وعندي شويه نقاط حابب شاركهم فيها ،
اول شي بخصوص تاريخ الأخويه فأنا ما بعرف كيف بدي أشاركهم فيها !!
يعني ما صارلي غير شهرين مشترك بالأخوية بس أنا جاهز لأي شي بتطلبوه وكل أعضاء شلتي كمان .

أما بخصوص مواضيع الشلل اللي طرحها الأخ هاني فهي كتير حلوة ورح تفيد الكل مع انه يا ريت لو تتطبق على كل أعضاء أخوية مو بس أعضاء الشلل.
أما بالنسبه للتبليغ عن المشاركات العاطله فأنا صرت مبلغ أكتر من 10 مرات وولا شي حصل!!!
يعني في رد من الردود صار على موضوعي بكلمات كتير سافله ،بلغت عنه مرتين وما صار شي!!!
لو تقترحولنا يعني شي غير التبليغ عن المشاركه العاطله بيكون كتير منيح.
بالنسبه للي حكاه ذ بلاك ديث ما بعرف شو بدي قول ،يعني أنا لا بعترض ولا بإيدي أعمل أي شي! مع انه الاقتراح حلو كتير

يا ريت لو تبدا هالاقتراحات بالتنفيذ العملي بأسرع وقت لحتى الكل يستفيد



تحياتي للكل

بالنسبة لموضوع تاريخ اخوية بعتقد شلة اخوية غروب الديمقراطية استلمتو وبلشو شغل في مع انو اسا ما ردو عليي خبر بهالخصوص بس انا جاهز لاي مساعدة بدن ياها

بالنسبة لانو تصير الشغلة على كل الاعضاء فبعتقد انو نجحت بين الشلل رح تصير على مستوى الاعضاء
على فكرة اانا كنت مفكر احصر الشغلة بشلة الحبايب تبعيتي اللي هيي 63 واحد بس لما شفت انو معظم الاعضاء الفعالين منتميين لشلة معينة قلت بستعين بالشلل مشان نمشي الامور شوي
بالنسبة للتبيلغ عن المشاركات العاطلة قلتلكن انو اذا التبليغات عم تجي من السقيفة فرح يتاخر الرد عليها بسبب عدم وجود مشرف او امين على الدرجة التانية حاليا بس قريبا انشالله رح يصير على كلن اي شي بيصير فيكن تراسلوني على الخاص وانا بشوف شو فيني اعمل

هلأ شلة المافيا وشلة اصحاب قضية (على فكرة اصحاب قضية عندكن مواضيع حلوة متل قصة بياع الكعك حلوة كتير ) اذا في عندكن عالم ضمن الشلة بتكتب متل هيك خواطر او هيك قصص (يعني قصة بياع الكعك او قصة خواطر مسرحية اللي عم يشتغل هلأ بالادب الساخر )

في عندكن اقسام الادب الساخر والقصة القصيرة والشعر والخواطر والخربشات فيكن تنزلون هنيك

[Abu Guzef]

أيه أبو الهن وانا شو سويي

[فلسطيني للأبد]

اوكي

واذا في أي اشي تاني احنا بالخدمة

[Gazita]

كاتب النص الأصلي : hanny dagher

بالنسبة لموضوع تاريخ اخوية بعتقد شلة اخوية غروب الديمقراطية استلمتو وبلشو شغل في مع انو اسا ما ردو عليي خبر بهالخصوص بس انا جاهز لاي مساعدة بدن ياها

بونسوار.لسى ما التقيت باسير مشان هيك لسى ما بلشت بتمنى هلء يدخل مشان اعرف شو عمل.اكيد راح نستشيرك برسالة خاصة.
بدي اسالك هلء الموضوع اللي راح نتكلم فيه على تاريخ اخوية والاعضاء البارزين راح يكون ضمن موضوعك هيدا.او موضوع جديد.ووين مطرحو بالصالون او السقيفة

[Reemi]

اعلان صادر عن شلة زعيم الامة.. ..

نحن (احم احم ) وبعد التدقيق والتمحيص. .. قد أرتئينا بان ابن العم ..(ابو جعفر الورد )..هو الانسب ليكون المتحدث الرسمي والناطق الاعلامي باسم شلتنا الابية.....

ولكم الشكر... ...

[hanny dagher]

كاتب النص الأصلي : gazita

بونسوار.لسى ما التقيت باسير مشان هيك لسى ما بلشت بتمنى هلء يدخل مشان اعرف شو عمل.اكيد راح نستشيرك برسالة خاصة.
بدي اسالك هلء الموضوع اللي راح نتكلم فيه على تاريخ اخوية والاعضاء البارزين راح يكون ضمن موضوعك هيدا.او موضوع جديد.ووين مطرحو بالصالون او السقيفة

بالنسبة للموضوع رح يكون موضوع جديد

بالنسبة لمطرحو انا برايي كل الشلل تنسى تنزل مواضيع بالسقيفة لانو برجع بقلكن السقيفة مو لتنزيل مواضيع جديدة لانو اكيد مواضيعكن وافكارن اللي عم تطرحوا بمواضيعكن مانها درجة تانية لحتى تنزل بالسقيفة

فاكيد محلو رح يكون الصالون


شلة زعيم الامة نحنا بانتظار اقتراحاتكن عن طريق ابو جعفر

باقي الشلل انا الموضوع ما فتحتو مشان بس اعطي اقتراحات مشان اسمع اقتراحات ونتعاون كلنا على تنفيزها
ناطر اقتراحاتكن جميعا

[فلسطيني للأبد]

هلأ انا خطرت ع بالي فكره ما بعرف شو رايكوا فيها

هلأ بما انه كل مواضيع السقيفه هي مواضيع ما الها طعمة ودرجه تانيه ، وبما انه معظم الاعضاء لما يفوتوا عالمواضيع بيختاروا موضوع من جديد المواضيع ,,,,,,
فأنا بقول انه لو فيكوا تستثنوا قسم السقيفه من جديد المواضيع بيكو كتير منيح ، هيك بنفسح مجال للمواضيع الجديرة ا"برات السقيفه "نها تاخد حقها ، وبنخفف الفوتات على مواضيع السقيفة اللي ما الها طعمه ، لانه متل ما انتوا شايفيت ،لما نفوت ع جديد المواضيع بنلاقي قسم كبير منها من السقيفه


شو رأيكوا ؟؟؟

[Abu Guzef]

كاتب النص الأصلي : فلسطيني للأبد

هلأ انا خطرت ع بالي فكره ما بعرف شو رايكوا فيها

هلأ بما انه كل مواضيع السقيفه هي مواضيع ما الها طعمة ودرجه تانيه ، وبما انه معظم الاعضاء لما يفوتوا عالمواضيع بيختاروا موضوع من جديد المواضيع ,,,,,,
فأنا بقول انه لو فيكوا تستثنوا قسم السقيفه من جديد المواضيع بيكو كتير منيح ، هيك بنفسح مجال للمواضيع الجديرة ا"برات السقيفه "نها تاخد حقها ، وبنخفف الفوتات على مواضيع السقيفة اللي ما الها طعمه ، لانه متل ما انتوا شايفيت ،لما نفوت ع جديد المواضيع بنلاقي قسم كبير منها من السقيفه


شو رأيكوا ؟؟؟

يعني كيف ما بدنا نفوت عالسقيفة ونص موضيعنا هنيك ها

[فلسطيني للأبد]

كاتب النص الأصلي : THE BLACK DEATH

يعني كيف ما بدنا نفوت عالسقيفة ونص موضيعنا هنيك ها

مش هيك الفكرة


اللي بدو يفوت عالسقيفه فبامكانه هالشي


بس بقصد اتك لما تكبس على زر "جديد المواضيع " ما يجيبلك ولا موضوع من السقيفه ،يعني يستثنوا السقيفه من جديد المواضيع وبس ، واذا حدا حب يفوت ع السقيفة بيروح بيطير ع السقيفه

[Abu Guzef]

ماشي ماشي
روح نزلك شي موضوع يفيد هالبشر هون ولاهون