اجتماع على مستوى القعدة لزعماء الشلل

[hanny dagher]

الموضوع تحدد بالاعضاء التاليين

اسير التشرد غازيتا اخوية غروب الديمقراطية
ابو جعفر الورد (كنت على اساس ابعتلك رسالة بس سقطت سهوا بعتزر ) وريمي زعيم الامة

فلسطيني الى الابد اصحاب قضية
odell معارضة (خفافيش سود )
the black death مافيا


انا محايد
بما انو ما اجانا رد من شلة الشوام الخاصة فرح نستثنيهن مبدئيا لانو على ما يبدو فرطو


الهدف من الاجتماع هوي

1. رفع مستوى المواضيع بالاقسام بمساعدة الشلل (بما انو معظم الاعضاء الفعالين باخوية منتسبين لشلة ما وخصوصي انو معنا منسقين ومشرف ففينا نتساعد كلنا سوا )
2. التخفيف من المشاكل والعلقات اللي عم تصير باخوية
3. التقريب بين اعضاء الشلة الوحدة وبين اعضاء الشلل كلياتها (يعني يحسو حالن انن عم يتعاونو على شي يقربو من بعضن اكتر وهادا واحد من اهداف اخوية )

هاي مبدئيا الاهداف الاساسية اللي انطرح الموضوع عليها

تفضلو عطونا اراءكن

[Odell]

موافق


تسلملي

[Gazita]

ميرسي هاني عالنقط الاساسية اللي ذكرتها .وانا بدي حط اقتراحات قبل ما روح.
-بما انو ما فينا نحذف الشلل اللي تـأسست هلء.فانا بقترح انو كل زعيم من كل شلة.يجتمع مع الاعضاء المنضمين ليه عن طريق الرسايل الخاصة.لحتى كل شخص فيهم يقول شو هدفو من وراء انضمامو للشلة.وبعدين يجمعو الاهداف كلها.ويحطوها هون.لحتى كل طرف يقتنع باهداف التاني.
-العمل اول شي على النهوض بالسقيفة بما انها الضحية الاولى جراء المواضيع اللي بتنحط فيها.وبمساعدة المشرفين والمنسقين.نقدر نحط فيها مواضيع متميزة مو شرط تكون من نمط المواضيع اللي بالصالون.بس اهم شي التميز.
-دمج الشلل*اذا اتفقو الاعضاء*انو مشان ما يحدث فائض في الشلل.نعمل دمج بدل شلتين او 3 يصيرو شلة وحدة*prét plusاتنين *1 .وخصوصا اذا لقينا نقط مشتركة واهداف مشتركة بين الشلل.ومشان كمان يصير تفاهم اكبر.
هذا كل ما لدي بتمنى كل طرف يحترم اراء التاني.ومنتظرة باقي الاقتراحات

[hanny dagher]

كاتب النص الأصلي : gazita

ميرسي هاني عالنقط الاساسية اللي ذكرتها .وانا بدي حط اقتراحات قبل ما روح.
-بما انو ما فينا نحذف الشلل اللي تـأسست هلء.فانا بقترح انو كل زعيم من كل شلة.يجتمع مع الاعضاء المنضمين ليه عن طريق الرسايل الخاصة.لحتى كل شخص فيهم يقول شو هدفو من وراء انضمامو للشلة.وبعدين يجمعو الاهداف كلها.ويحطوها هون.لحتى كل طرف يقتنع باهداف التاني.
-العمل اول شي على النهوض بالسقيفة بما انها الضحية الاولى جراء المواضيع اللي بتنحط فيها.وبمساعدة المشرفين والمنسقين.نقدر نحط فيها مواضيع متميزة مو شرط تكون من نمط المواضيع اللي بالصالون.بس اهم شي التميز.
-دمج الشلل*اذا اتفقو الاعضاء*انو مشان ما يحدث فائض في الشلل.نعمل دمج بدل شلتين او 3 يصيرو شلة وحدة*prét plusاتنين *1 .وخصوصا اذا لقينا نقط مشتركة واهداف مشتركة بين الشلل.ومشان كمان يصير تفاهم اكبر.
هذا كل ما لدي بتمنى كل طرف يحترم اراء التاني.ومنتظرة باقي الاقتراحات

بالنسبة للشلل ما في مشكلة بعدد الشلل اللي هون وما بيهمني اهدافن او هني لشو بيرمو ولوين حابين يوصلو

انا في براسي مشروع بعنوان " عودة اخوية " او " اخوية لازم ترجع متل الاول" ولقيت انو انسب طريقة استعين بالاعضاء وبالتالي بالشلل
هلأ كل ما كان عندي شلل اكتر ممكن حارب على اكتر من جبهة وممكن نشتغل باكتر من قسم بنفس الوقت
انو مثلا يابي اخوية غروب الديمقراطية بدنا هيك هيك بالصالون
انو يابي معارضة مثلا بدنا تعملو كزا وكزا بعلى الطاير

هيك منكون نزلنا عصفورين عن الشجرة بفرد ضرب (ضرب بارودة مو ضرب اللي براس الشباب لانو الضرب اللي براس الشباب اذا مرق بالشارع بينزل الف شب عن الشجرة مو بس تنين )

بالنسبة للسقيفة بحياتا ما كانت السقيفة من الاقسام اللي اخدة اولى درجات الاهمية يعني السقيفة انبنت على اساس مستودع للمواضيع المكررة او البايخة (اللي ما منها فائدة او لا تتوافق مع اخوية ) او العلقات اللي صارت باخوية كنا نجمعا بالسقيفة لهيك تمت تسميتها بدرجة تانية بس الشباب حبو السقيفة وصارو ينزلو مواضيع فيها لحالن
يعني الهدف من ورا هالاجتماع هوي النهوض باقسام الدرجة بالاولى كهدف اساسي
يعني كل شي من السقيفة وفوق

[فلسطيني للأبد]

اوكي

كل الكام اللي قلتوه على عيني وراسي
والأهداف لازم تتحقق
أنا موافق على كل شي

[Reemi]

تسجيل متابعه. .لبين ما يجي محمد ابراهيم واتفاهم معو لانو هوي الزعيم الروحي للشلة.. . وبحكم نحنا هلا عنا انتخابات (يعني الله وكيلك انا اليوم زعيم يمكن بكرى لا .. .)

الي عودة ...

[Mu$b@hO]

شكرااا اخ هااانيييي صاير زي كوفيي عناااااان

المهم كلامك على الراس والعين وكله 100%

وبما انه فلسطيني للابد راح انا بنوب عن الشله هلا

احنا من جهتنا ما في اي مشكله للكلام بس اول بدنا نعمل صلحه بين الشلل الي يعني ممكن يكونوا زعلانين من بعض

شو رايك ؟؟

تحياتي

Mu$b@hO

[hanny dagher]

كاتب النص الأصلي : Mu$b@hO

شكرااا اخ هااانيييي صاير زي كوفيي عناااااان

المهم كلامك على الراس والعين وكله 100%

وبما انه فلسطيني للابد راح انا بنوب عن الشله هلا

احنا من جهتنا ما في اي مشكله للكلام بس اول بدنا نعمل صلحه بين الشلل الي يعني ممكن يكونوا زعلانين من بعض

شو رايك ؟؟

تحياتي

Mu$b@hO

هلأ بالنسبة للزعل ما بعتقد في زعل انو كل العلقات كانت على سبيل المزح وانا بعرف انو الاعضاء ما بيكرهو بعضن
فلهيك الصلحة انا ضامنا

[فلسطيني للأبد]

شو صار مشان الاجتماع اللي على مستوى القاعده؟؟؟

[hanny dagher]

كاتب النص الأصلي : فلسطيني للأبد

شو صار مشان الاجتماع اللي على مستوى القاعده؟؟؟

عطوني بس لصير بالبيت لانو انا هلأ بالشغل بعدين ناطر بعض الاعضاء لحتى يشوفو الموضوع انا رح راسلن هلأ

[فلسطيني للأبد]

كاتب النص الأصلي : hanny dagher

عطوني بس لصير بالبيت لانو انا هلأ بالشغل بعدين ناطر بعض الاعضاء لحتى يشوفو الموضوع انا رح راسلن هلأ

اوكي اخ هاني !!!

بس لا تطول !!!
والله يوفقك

[hanny dagher]

هلأ اول فكرة كانت براسي
انو بدنا نعمل موضوع بيحكي عن تاريخ اخوية من اول ما بلشت لهالفترة هاي يعني معلومات عامة عن اخوية ايمت بلشت كيف صارت التطورات تبعيتا (ان كان بالشكل او بالمضمون او بالاقسام وهيك قصص )
بعدين بدنا نزكر اسماء الاعضاء البارزين اللي مرو على اخوية مع ذكر احلى المواضيع الن

الموضوع رح ياخد وقت طويل لهيك بدي من شلة اخوية غروب الديمقراطية بزعامة اسير تشتغل هالشغلة هاي

بعرف انو الموضوع صعب شوي بس نحنا جاهزين لاي مساعدة ان كان من ناحية الصور ان كان من ناحية اسماء اعضاء ان كان من اي ناحية

شو شباب كفو تزبطوها ؟

[hanny dagher]

كيف الشباب

اي هادا يا اخواتي تم مراسلة شلة اخوية غروب الديمقراطية مشان استلام الموضوع اللي اقترحنا وقررو يعملو اجتماع ليدرسو الوضع
وبما انو اخدنا بادرة خير من زعيمن اسير التشرد فرح ننتقل لفكرة تانية

بالنسبة للمواضيع الدينية اللي عم تنزل باخوية واللي هيي اساسا ممنوعة بقوانين اخوية (ما حدا يقلي الاقسام الدينية هداك حكي تاني بدو شرح مفصل ومطول واخر الشي ما رح نوصل لنتيجة نهائية مقنعة )

الطلب هلأ من الشلل جميعا

1. ممنوع تنزيل مواضيع دينية لاي سبب كان او اي موضوع يمت بصلة للدين يعني مذكور في اي ديانة من الديانات السماوية (ليس السبب انو ما منحب الديانات السماوية لانو السبب متل ما بتعرفو كلكن كيف رح يتحول الموضوع ولوين رح يتجه وكيف رح يصير طريقة الردود علي ) يعني بدك تنقل موضوع من منتدى تاني (هالشغلة رح نحكي عنها لاحقا ) نقلها بس قرا المشاركة اول الشي وقت بتلاقي فيها ذكر للديانات حاول تعدل المشاركة بحيث تحزف ذكر هالديانة
2. في حال واحد من الاعضاء نزل موضوع ديني يا اخي تركو لا حدا يرد علي ولو حتى مشكور يعطيك العافي لانو وقت بيلاقي ما حدا عم يرد علي لحالو بيبطل ينزل هيك مواضيع لانو في حال رديت علي رح يفكر انو في عالم متابعة لهالنوع من المواضيع فبالتالي رح يستمر بتنزيلا بيجو العالم اللي بينزعجو من الاديان وبتعلا صواتن وهات على خبيط عاد
3. في حال لقيتو رد او موضوع نزله احدهم وما كان على مزاجك يابي فيك تعملو تقرير عن مشاركة عاطلة هيك بيكون اريح لراسك ولراس هالعالم اللي عم تقرا المواضيع
4. اي اقتراحات تانية بخصوص هالموضوع

سلام يابي

[Abu Guzef]

طيب أبو الهن أنا معك بهل نقطة أنو نتوزع وننهض بأخوية
بس كيف يعني شو بدي أساوي هلق أنا إذا داومت بالصالون مثلا وشفت شي عضو حاطط موضوع مو بمكانو على أي أساس بدي قلو أنو يا فلان موضوعك مو بهل قسم
يعني شلون بدو يرد علي إذا أنا ما عندي أي صفة إشرافي أو هيك شي ( عضو متلي متلو) هاد إذا ما سمعتلي كم كلمة مرتبين
مشان السقيفة أنا بقلك الوضع هون احسن بكتير من بقية الأقسام ليش لأنو هون في حرية متل ما تقول
يعني انا حاسس الصالون بس لمواضيع الحب وهي ليش معجبة وكيف تعرف انو معجبة فيك وانت ادرى لأنو قسمك
وقسم الموسيقى عند ( هشت نشت ) حرمت فوت عليه لأنو طلبت أغنية قام بعتلي تنبيه مدري شلون مركب مخو هالإنسان
وحوار الأديان يعني حلو لو ما أنو الشباب مفكرينو ساحة حرب بين الطوائف لأنو الأغبياء ما بيعرفو أنو كل واحد بيعبد ربو على طريقتو
قام أنا حملت حالي وإجيت عالسقيفة لقيت الوضع غير وأحلى بكتير
وبعد فترة تأزم الوضع هون خصوصا بعد غياب مجد ( الله يرجعا بالسلامة ) صارت المواضيع نصا سب وألفاظ سوقية ومن هالحكي
لا تقلي تقرير عن مشاركة عاطلة هاد يا سيدي في كلمة حمار بالموضوع تبع الشلة تبعي صرت ناتفو شي عشر تقرير بس عبث
يعني شو بدك يا نا نساوي وكمان تعا لقلك السقيفة بدا تطهير بمعيتك
ماشي بلأخير انا من إيدك هي لإيدك هي في سبيل الأخوية تتحسن من الوضع المزري بصراحة يعني يلي فيها
أنت فصل وانا بلبس
سلام
بلاك

[فلسطيني للأبد]

مرحبا شباب

أنا شفت كل اللي طرحه الأخ هاني والأخ علاء!!1
وعندي شويه نقاط حابب شاركهم فيها ،
اول شي بخصوص تاريخ الأخويه فأنا ما بعرف كيف بدي أشاركهم فيها !!
يعني ما صارلي غير شهرين مشترك بالأخوية بس أنا جاهز لأي شي بتطلبوه وكل أعضاء شلتي كمان .

أما بخصوص مواضيع الشلل اللي طرحها الأخ هاني فهي كتير حلوة ورح تفيد الكل مع انه يا ريت لو تتطبق على كل أعضاء أخوية مو بس أعضاء الشلل.
أما بالنسبه للتبليغ عن المشاركات العاطله فأنا صرت مبلغ أكتر من 10 مرات وولا شي حصل!!!
يعني في رد من الردود صار على موضوعي بكلمات كتير سافله ،بلغت عنه مرتين وما صار شي!!!
لو تقترحولنا يعني شي غير التبليغ عن المشاركه العاطله بيكون كتير منيح.
بالنسبه للي حكاه ذ بلاك ديث ما بعرف شو بدي قول ،يعني أنا لا بعترض ولا بإيدي أعمل أي شي! مع انه الاقتراح حلو كتير

يا ريت لو تبدا هالاقتراحات بالتنفيذ العملي بأسرع وقت لحتى الكل يستفيد



تحياتي للكل

[Gazita]

كاتب النص الأصلي : hanny dagher

هلأ اول فكرة كانت براسي
انو بدنا نعمل موضوع بيحكي عن تاريخ اخوية من اول ما بلشت لهالفترة هاي يعني معلومات عامة عن اخوية ايمت بلشت كيف صارت التطورات تبعيتا (ان كان بالشكل او بالمضمون او بالاقسام وهيك قصص )
بعدين بدنا نزكر اسماء الاعضاء البارزين اللي مرو على اخوية مع ذكر احلى المواضيع الن

الموضوع رح ياخد وقت طويل لهيك بدي من شلة اخوية غروب الديمقراطية بزعامة اسير تشتغل هالشغلة هاي

بعرف انو الموضوع صعب شوي بس نحنا جاهزين لاي مساعدة ان كان من ناحية الصور ان كان من ناحية اسماء اعضاء ان كان من اي ناحية

شو شباب كفو تزبطوها ؟

عجبتني الفكرة.بتمنى من اسير انو يبلش يشتغل عليها.وانا راح بلش عليها من بعد بكرا انشا الله.بما انو عندي اجازة يوم السبت.
يلا بونوي.بخلص شغلي وبروح نام
اوغفواغ

[hanny dagher]

تسجيل متابعة انا هلأ بالشغل بس ارجع عالبيت برد

[Abu Guzef]

شو طلع معك هاني بلأخير بدي رد ها ومشان السقيفة لا تنسى