ماذا ترتدي الآن وَ أينَ صُنعْ ؟

[بلاك 1]

كاتب النص الأصلي : Ms. J.A

اه باستثناء انو صاحب المصنع جنسيتو اسرائيلية !!1
بكره حجتنا المعتادة كفلسطينيين
ما عنا مصانع
محاصرين
الصناعة الوطنية سيئة !!!!!!!!!!1
ليش الزبالة اللي بنشتريها من اسرائيل احسن ؟؟ مهي كلها زبالة المستوطنات بيزتوها النا نستهلكها لأنهم مش شايفين انا بشر اصلا !!!!!!!!!!!
البلد مليانة صناعة عربية ازا ما في بديل وطني !
حتى لو العمال فلسطينيين ما بيبررلنا نشتري صناعة اسرائيلية وندعم اقتصادهم!
استفزيتيني

لا لا لا ياعيني لاتستفزي
الزبالة اللي بنشتريها من اسرائيل الي على اساس زبالة المستوطنات أحسن من احسن صننع وطني وحياتك انا ماعندي استعداد اشتري سائل جلي شغل هون لأنو ريحتو لحالها متل ريحة الجرابات
وبعدين مين قال انو احنا عم نتحجج اى لا ستي ما عم نتحجج احنا بحصار ومحاصرين وماعنا شي واذا بتحبي كمان البوت اللي لابستو هلا صارلو 3 سنين برجلي وممزوع وحالتو بالويل وبخجل امشي فيه بالشارع بس مارح اشتري اي بوت تاني لا شغل مصري ولاا شي اذا بدي غيرو بدي اشتري شي منيح مو شي كبو بعد يومين تلاتة وطالما قلبك مو مطاوعك تشتري صناعة اسرائيلية وتدعمي اقتصادها حاولو تعمل حزب بينادي بتغير العملة المتداولة في فلسطين خلونا نبطل نستعمل عملتهن أقلا مافيها ولا احنا بنفهم الاقتصاد الاسرائيلي بالأكل والشرب بس

[Marooshe]

" لا حرية َ لشَـعبٍ يأكلُ مما لا يزرع وَ يلبـسُ مما لا يصنع "

وَ لقد لقب غاندي بـِ " القرد العاري " من قبل البريطانيين

لأنه كان يحيك وينسج مئزرهُ بـِ نفسه وَ يلبس ما صنعه بـِ نفسه فدخل مغزلهُ وسط َ العلم ِ الهندي

ولا مرة صرلي فكر بهشي... بس الحقيقة بتحرج وبتجرح...
لابسة فستان قطني صناعة اسرائيلية...

[Sarita]

لابسة ميني عباية ما بعرف كيف بتقولولا بس هون بتنال قوالون بيعيطولها Miami
صناعة سورية وزرقا

[فسحة أمل]

صناعة البالة المتحدة

[Sarita]

اي وحياتك ما في احلى من البالة
لك يا زلمة رحت ع معرض كانو بيعرضو فيو كل شي ومان في Solde تخفيضات يعني
شفت الناس ملتمين ع ملابس البالة قلت بشوف شو فيا لقيت فيا المودرن لاله وكيلك ما ارتحت لشتريت 3 قطع
وكل وحدة اضرب من التانية يعني شغلةةةةةةةةةةةةةة

[اممي]

من الجواريب للكلسون مرورا بالبيجاما والبنطرون كلهن صناعة سوريا رغم اني صارلي عايش سنة ونص بالمانيا
يعني لاتفكرو القصة اني وطني كتير بس مونت تياب قبل ما اطلع وباعتباري مابشتري شي اميركي من لما كان عمري 6 سنين فمالك غير السوري
عفكرة القطنيات السورية مابيلبسها غير اولاد العيل هون لان بالفعل غالية رغم عدم ووجود اي دعاية الها بهالبلد

[hamodeh_caesar]

كاتب النص الأصلي : Ms. J.A

اه باستثناء انو صاحب المصنع جنسيتو اسرائيلية !!1
بكره حجتنا المعتادة كفلسطينيين
ما عنا مصانع
محاصرين
الصناعة الوطنية سيئة !!!!!!!!!!1
ليش الزبالة اللي بنشتريها من اسرائيل احسن ؟؟ مهي كلها زبالة المستوطنات بيزتوها النا نستهلكها لأنهم مش شايفين انا بشر اصلا !!!!!!!!!!!
البلد مليانة صناعة عربية ازا ما في بديل وطني !
حتى لو العمال فلسطينيين ما بيبررلنا نشتري صناعة اسرائيلية وندعم اقتصادهم!
استفزيتيني

يا عيني عليكي هي الناس الفهمانه والله انك بترفعي الراس

[hamodeh_caesar]

كاتب النص الأصلي : فسحة أمل

صناعة البالة المتحدة

اسمع الموضوع مش متحمل نغاشه
والله عراسي

[Ms. J.A]

كاتب النص الأصلي : بلاك 1

لا لا لا ياعيني لاتستفزي
الزبالة اللي بنشتريها من اسرائيل الي على اساس زبالة المستوطنات أحسن من احسن صننع وطني وحياتك انا ماعندي استعداد اشتري سائل جلي شغل هون لأنو ريحتو لحالها متل ريحة الجرابات
وبعدين مين قال انو احنا عم نتحجج اى لا ستي ما عم نتحجج احنا بحصار ومحاصرين وماعنا شي واذا بتحبي كمان البوت اللي لابستو هلا صارلو 3 سنين برجلي وممزوع وحالتو بالويل وبخجل امشي فيه بالشارع بس مارح اشتري اي بوت تاني لا شغل مصري ولاا شي اذا بدي غيرو بدي اشتري شي منيح مو شي كبو بعد يومين تلاتة وطالما قلبك مو مطاوعك تشتري صناعة اسرائيلية وتدعمي اقتصادها حاولو تعمل حزب بينادي بتغير العملة المتداولة في فلسطين خلونا نبطل نستعمل عملتهن أقلا مافيها ولا احنا بنفهم الاقتصاد الاسرائيلي بالأكل والشرب بس

انو ما ححكيلك الصناعة الوطنية توب لأنو الوضع في هالبلد ما بيسمح لعقول الناس تتطور ما بالك صناعتهم ؟؟؟؟؟
صناعتنا على قدنا وما رح تتطور وتكبر طالما احنا مش داعمينها !!
و ع فكرة مش كل الصناعات الوطنية سيئة في كتير منتجات النا بتتصدر برا البلد!!
لما بتشتري بضاعة مستوطنات انت لسة بتدعمي احقر انواع الاسرئيليين اللي هم المستوطنين وما اتخيلش في فلسطيني بيعرفش شو الفرق بين اي اسرائيلي عادي وبين اسرائيلي مستوطن !!
اما بالنسبة للعملة بدي اعطيك كمان معلومة اتخيل واصلتك الغاز بناخدو منهم والبترول وبندفعلهم ضرايب ومصاري حق اي اشي بنستخدمو !
احنا امكانياتنا متواضعة واللي معو مصاري كتير قليل ما يستثمر بمنطقة زي منطقتنا !!
بس الواحد بيعمل اللي بيقدر عليه صعب اجي انا اغير العملة وابني لكيان مش دولة لسة زينا (لسة كنا كيان هلأ كيانين ) عملة واقتصاد مستقل بس مش صعب عليي كمواطنة ادعم صناعة بلدي ومش صعب علي كمواطنة فلسطينية لفلسطين حق علي احاول اأثر عاللي حوالي عشان يقاطعو هيك منتوجات !!
بالاخر قبل ما نطالب العرب والعالم يوقفوا معنا ويحسوا بمعاناتنا وع شوي بدنا نطالبهم يجو محلنا ونروح محلهم نعمل جزء من اللي علينا ونعمل اللي بنقدر عليه !!
المقاطعة لاسرائيل بالاكل والشرب بتضر اقتصادهم لأنو السوق الفلسطيني غرقان بهيك منتجات وكل شي بأولو بيبدا زغير وبيكبر هلأ بنعمل اللي بنقدر عليه ولما نقدر ع اشي اكتر منو بنعملو !!! بتمنى بيوم نقدر نستوعب انو الامور ما بتيجي مرة وحدة بتيجي بالتدريج وانو اي نشاط بيبين زغير زي المقاطعة للبضائع الاسرائيلية بيأثر ع الاقتصاد الاسرائيلي وع صحاب المصانع الاسرائيليين !!!
أكيد كل واحد حر شو يعمل وكيف بيفكر والله يكون بالعون !!!!!!!!!!!!!!!!!!!!!!!!!!!!!!!!

[Ms. J.A]

كاتب النص الأصلي : اممي

عفكرة القطنيات السورية مابيلبسها غير اولاد العيل هون لان بالفعل غالية رغم عدم ووجود اي دعاية الها بهالبلد

عنا في كتير بضاعة سورية وجودتها كتير منيحة كمان فأنا بشهد معك عاللي بتحكي في

[Ms. J.A]

كاتب النص الأصلي : tito99

انا لابس بلوزة مكتوب عليها لا للتطبيع

بحترم انسان بيعمل اللي بيقدر عليه وبيستغل اي اشي بين ايديه ليدعم قضية مؤمن فيها

[Frank]

مش لابس شي بس البوكسر مش عارف وين صنع

[بلاك 1]

كاتب النص الأصلي : Ms. J.A

انو ما ححكيلك الصناعة الوطنية توب لأنو الوضع في هالبلد ما بيسمح لعقول الناس تتطور ما بالك صناعتهم ؟؟؟؟؟
صناعتنا على قدنا وما رح تتطور وتكبر طالما احنا مش داعمينها !!
و ع فكرة مش كل الصناعات الوطنية سيئة في كتير منتجات النا بتتصدر برا البلد!!
لما بتشتري بضاعة مستوطنات انت لسة بتدعمي احقر انواع الاسرئيليين اللي هم المستوطنين وما اتخيلش في فلسطيني بيعرفش شو الفرق بين اي اسرائيلي عادي وبين اسرائيلي مستوطن !!
اما بالنسبة للعملة بدي اعطيك كمان معلومة اتخيل واصلتك الغاز بناخدو منهم والبترول وبندفعلهم ضرايب ومصاري حق اي اشي بنستخدمو !
احنا امكانياتنا متواضعة واللي معو مصاري كتير قليل ما يستثمر بمنطقة زي منطقتنا !!
بس الواحد بيعمل اللي بيقدر عليه صعب اجي انا اغير العملة وابني لكيان مش دولة لسة زينا (لسة كنا كيان هلأ كيانين ) عملة واقتصاد مستقل بس مش صعب عليي كمواطنة ادعم صناعة بلدي ومش صعب علي كمواطنة فلسطينية لفلسطين حق علي احاول اأثر عاللي حوالي عشان يقاطعو هيك منتوجات !!
بالاخر قبل ما نطالب العرب والعالم يوقفوا معنا ويحسوا بمعاناتنا وع شوي بدنا نطالبهم يجو محلنا ونروح محلهم نعمل جزء من اللي علينا ونعمل اللي بنقدر عليه !!
المقاطعة لاسرائيل بالاكل والشرب بتضر اقتصادهم لأنو السوق الفلسطيني غرقان بهيك منتجات وكل شي بأولو بيبدا زغير وبيكبر هلأ بنعمل اللي بنقدر عليه ولما نقدر ع اشي اكتر منو بنعملو !!! بتمنى بيوم نقدر نستوعب انو الامور ما بتيجي مرة وحدة بتيجي بالتدريج وانو اي نشاط بيبين زغير زي المقاطعة للبضائع الاسرائيلية بيأثر ع الاقتصاد الاسرائيلي وع صحاب المصانع الاسرائيليين !!!
أكيد كل واحد حر شو يعمل وكيف بيفكر والله يكون بالعون !!!!!!!!!!!!!!!!!!!!!!!!!!!!!!!!

بفهم من كلامك انو انتي عايشة بالضفة أو بالأرض المحتلة ماهيك (كل الاحترام لكل فلسطين الوطن)
بس أنا عايشة بغزةة يعني يعني يعني صعب كتير اشرح اي شي اللي بدو يفهم يجي يعيش اسبوع بغزة بيفهم انو مافي معنى لأي شي لا وطن ولا شعب ولا حتى دين يلعن دين هيك وطن
وبدك يانا نتخانق عاللبس وعالبضاعة وعالاقتصاد الاسرائيلي الي احنا داعمينو

[julitta boenitta]

labse jeans Benetton (made in Syria ), Mango T-shirt ( made in Spain) ,socks made in Syria
2/3 syrian

[Ms. J.A]

كاتب النص الأصلي : بلاك 1

بفهم من كلامك انو انتي عايشة بالضفة أو بالأرض المحتلة ماهيك (كل الاحترام لكل فلسطين الوطن)
بس أنا عايشة بغزةة يعني يعني يعني صعب كتير اشرح اي شي اللي بدو يفهم يجي يعيش اسبوع بغزة بيفهم انو مافي معنى لأي شي لا وطن ولا شعب ولا حتى دين يلعن دين هيك وطن
وبدك يانا نتخانق عاللبس وعالبضاعة وعالاقتصاد الاسرائيلي الي احنا داعمينو

الي اللي عايشين بغزة واكيد اللي احنا فيه كتير أخف من اللي انتو فيه وهاد دافع اكبر لحتى تقاطعوا البضاعة الاسرائيلية
انا ما بتخانق معك ابدا بس برضو سؤالك عن بتطلعي لابسة صناعة وطنية او لأ سؤال بيستفز اي انسان !!
الظروف صعبة والأمور بغزة معقدة كتير وحاسين فيكو بس اللي بعرفو انو لما بدنا يكون عنا ارادة بنخلي لكل شي معنى والحكي مش حكي جرايد وبس !
بهالبلد عمرو ما كانت طريقنا ورود وامورنا سهلة وماشية!! بكل لحظة بنتهاجم عسكريا وثقافيا ومن كل النواحي بس هاي هي الحرب ومفروض نتحمل ...
الله يكون معكو

[سلطة مكدوس]

لحظه لشوف...
انا لابس كنزة مألمه شغل ستيفانيل (اكيد السوري) مو الايطالي
وبنطلون على زمّة بينيتون الشعلان انو تركي... حقو هديك الحسبة .. وقتها كان اول راتب هههههه
وبوط اديداس شغل اندونيسيا
و...
عيب ما دخلون هدول !!

[زوربا]

مششششششششش ...صنع الرب

[الباحثة عن الحرية]

يعني انا لابسة بلوزة وبنطلون يمكن من الصين بس انا اصلا بغدرش البس صناعة وطنية لانو ما في صناعة فلسطينية واسرائيل الدولة الي عايشة فيها اذا بتحسبوها هيك ما لبست من صناعتها ولا بدي البس