|
ماذا ترتدي الآن وَ أينَ صُنعْ ؟
الإنتاج الوطني من أهم دعائم الإستقرار الداخلي وَ الصمود وَ الندية وَ لقد كانت الصناعة الوطنية من أهم إنطلاقة البلدان وَ نموها وَ لعلَ التبعية وَ الإستهلاك آفة وَ قيل : " لا حرية َ لشَـعبٍ يأكلُ مما لا يزرع وَ يلبـسُ مما لا يصنع " وَ لقد لقب غاندي بـِ " القرد العاري " من قبل البريطانيين لأنه كان يحيك وينسج مئزرهُ بـِ نفسه وَ يلبس ما صنعه بـِ نفسه فدخل مغزلهُ وسط َ العلم ِ الهندي " القذافي " ترافقه خيمتهُ حيثما ذهب وَ مشـكلتهُ أنَ الطائرة التي تحملُ جملهُ وَ خيمتهُ وَ الكِتاب الأخضر ليست من صنع ليبي :lol: لستُ أدري عن الدشداشات وَ العقالات فهل هيَ صناعة عربية أم أنها صُنِعَتْ خصيصاً للعرب فما الذي ترتديهِ الآن وأين صُنعْ ؟ |
والله يانوار حرجتني بالسؤال وعن جد اضحكت بس شفت حالي شو لابس:
ياسيدي تيشرت NIKE مكتوب عليها MADE IN USA مع اني بشك انها صينية على اعتبار أمريكا ماعد صنعت قطنيات... شورت NIKE كمان بينطبق عليه نفس الحكي يلي فوق.. بوكسر دولتشي بس وحياتك هاد أصلي فرنساوي... وبس... باختصار مافي شي وطني.. مو اعدم ايماني بجودة المنتجات الوطنية (لاسمح الله) بس خيو بيبقى الأصلي غير |
Nike هي سبب سُبات الأمة العربية بس بتعرف أكيد المواد الأولية عربية " القطن " بتآكل بيتزا شي ؟ :lol: |
ana labseh hala2 bejama
msh 3arfe wen masnoo3a |
للصراحة ما بحب الأكل العربي أبداً صحيح ماقلتلي انت شو لابس؟ |
اقتباس:
لازم تعرفي ضروري .. طلعي منيح هون هون :lol: ما ئلتي / كيف الإجازة بإيطاليا وَ كيف الجو ؟ |
اقتباس:
walah el ejaze 7elwe ba2ely 20 yom w barawe7 3al balad w el ajw kteeeeer nar :D |
اقتباس:
شو هالحكي أبداً .. كنت ناوي أعزمك لعندي عالعشى أنا .. قميص فرنسي أبيض وَ بنطلون أسود صناعة بريطانية حذاء طلياني و أستمع لفرانك سيناترا وَ في جيبي بطاقة لـِ إتحاد الكُتاب العرب :lol: |
mshan hek sa2alt
.....7set 7alak mozneb bs mneee7 fy shy bmt ll 3arab b sela w 3ala fekra el a7zeye el teliany afdal anwa3 al a7zeya (bravo) |
اقتباس:
اي الصين دولة صديقة حالياً / بسمحلك :lol: بتعرفي كمان الجو ناااار عندي متل الأسعار ناوي سافر غير جو عالبحر كم يوم شو رأيك سافر ؟ :lol: |
اقتباس:
w 3ala fekra ana msh bs b italia w kaman 3al ba7ar :p |
ييييييييييي انا لابسة بيجاما شغل هالبلد
مكتوب عليها بالعبري يعني شغل اسرائيل وانا بغزة المحاصرة مابعرف ماعنا مصانع واسرائيل متل مابتعرفو محتلة أرضنا ومصانعها بأرضنا بطلع لابسة بيجاما شغل وطني ولا لاااااااااااااااااااااااء :? |
لابسة تي شيرت Sergio Rossi
وبنطلون بيجاما made in Syria |
لابسة بلوزة قطن جايبتها من البالة الالمانية وما بعرف وين مصدر الصنع :oops:
وبنطال جنز سوري :cry: وجرابات سورية الصنع من عند دينا الجوارب باللاذقية !!!! :o |
فعلا زعلتني انا حاسس بالذنب بس لما يصير في شي سوري حقو مو ضايع فيه أنا أول واحد بيلبسو
و مثال أنا ما باخدوا دوا اجنبي حتى جرب الوطني :? |
لك انت منين بتخطرلك هلاسئلة ههههههههه
بتعرف انا كله وطني والحمد لله انه هو ماركة بس وطني هيك بظن يعني بنتون او كيكرز مو وطني هيك معلوماتي بقى كلي وطني :D:D:D |
اقتباس:
طبعا لاء يا انسه ... |
لابسة بيجاما لون ازرق
شغل سوري |
| الساعة بإيدك هلق يا سيدي 20:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون