الأخوان المسلمين والديمقراطية ..كلمات لن تنسى

[عياش]

الاسلام السوري هو الاسلام الوحيد الذي يحتضن هذا التنوع المذهبي السوري المتميز مسيحيا واسلاميا لا أظن أن هنالك دولة أخرى في الوطن العربي على الأقل او العالم الاسلامي تحتضن مثل هذا التنوع في المذاهب الاسلامية والتشيعات كما في سوريا.

[عياش]

كاتب النص الأصلي : مايسترو

على انو تلاقح عم تحكي؟؟

بين الطوائف ممنوع..بين الاديان ممنوع..عن اي تلاقح عفوا؟

...

الطرق الصوفية مثلا أليست نوع من التمازج بين الاسلام وبين مفهوم التصوف المترهبن(المرفوض لدى معظم المذاهب السنية في العالم الاسلامي خصوصا الوهابية) الذي كان منتشرا شمال سوريا(سمعان العامودي وغيره) في ذات مناطق انتشار الطرق الصوفية حالياً وأصلا مفهوم الغناء الديني الاسلامي ما يزال موضع جدل هذا نوع من التلاقح برأي.

كذلك التمازج السوري الفلسفي ( الغنوصي) الاسلامي الذي أنجب المذاهب التي تتفرد سوريا وإلى حد ما لبنان (سوريا الكبرى) بحضنها.

[..AHMAD]

عذراً بدايةً ...
لكن فيما يخص النصف الفارغ والنصف الممتلئ من الكأس بـ موضوع / الإخوان المسلمين / ... لا التسلسل التاريخي ولا الإقليمي ولا العقائدي للإخوان المسلمين بيوحي للناظر والباحث / حتى بحيادية / بأنه ممكن يكون في نصف .. أو ربع على الأقل من الكأس مليان...

أعمال الإخوان المسلمين في سوريا لا يمكن للتاريخ أن ينساها ، ما بنكر المجازر اللي صارت بحقهن ، وما بقول أنها مبررة تبعاً للي ساووه ، لكن فعلياً ، مافيني أنكر أعمالهن بالداخل السوري ، وما بقدر بررلهن هالشي ، وما بقدر اتقبلهن أبداً كـ حزب سياسي أو ديني .

تانياً ..

فيما يخص عودة الإخوان ... بالفترة الأخيرة أي الفترة الحالية ... وبصفتي مواطن سوري أؤمن بأن عقيدتي سوريا / بالألف حصراً / وديني سوريا .. وحزبي سوريا ... ووطني الأول والأخير سوريا ... ومن حقي التام أني اختار انو يكون بلدي بأكبر درجات الأمان.. / وما يُقصد بكلمة أختار أي بيني وبين نفسي .. وليس فرض عـ هالشعب كامله / ... برفض رفض تام عودة الاخوان
كـ حزب سياسي ؟ ... لأنه تحزبه السياسي من وراه أهداف دينية بحتة
كـ حزب ديني ؟ ... مافي أي مواطن أو شعب أو حتى دولة من اللي بيتمتعو بالعقلانية ... بيقبلو انو يكون في تحزّب ديني ..
كـ مواطن وجزء من الشعب ؟ ... هون النقطة الأهم ... على شو بدهن يطالبو بمواطنتهن ؟ اذا كانو ليسو فقط أعداء للنظام وللحكومة ولأجهزة الأمن ... بدايتها ونهايتها كانو عميسعو لإزاحة النظام للتربع على عرش الدولة وبهالحالة بيرجع الشعب لـ تحت يد الدكتاتورية الدينية ..
وآخر شيء ممكن يفكر فيه الإخوان المسلمين المقصودين بالحديث / الخبر / .. انهن يطالبو بالمواطنة ... لأنهن ما بيحملو من الـ / سوريّة / .. إلا ما تم تدوينه على الهوية .. أو نقلاً عن آبائهم وأجدادهم.

[..AHMAD]

الاسلام السوري هو الاسلام الوحيد الذي يحتضن هذا التنوع المذهبي السوري المتميز مسيحيا واسلاميا لا أظن أن هنالك دولة أخرى في الوطن العربي على الأقل او العالم الاسلامي تحتضن مثل هذا التنوع في المذاهب الاسلامية والتشيعات كما في سوريا.

صديقي مزبوط .. سوريا محتضنة تنوع ديني / طائفي ... كبير جداً يمكن بالنسبة لباقي الدول العربية

لكن مافيني قول .. أنو سوريا ... قادرة أنها تعايش هالأديان والطوائف مع بعضها ..

ومع بعض الاستثنائات ... سوريا من أكبر الدول احتضانا للتنوع الديني ... كما أنها أيضا من أكبر الدول ... احتضانا لـ فعل الطائفية.


احتضان لا يساوي بالضرورة تعايش .

[مايسترو]

هاد ما اسمو تلاقح برايي..

انا راح بالي على تلاقح تاني

[همس الياسمين]

كاتب النص الأصلي : nour333

كلامك موزون وموضوعي
انا شفت الاعضاء فوق نظرتهم لنص الكاسه الفاضية انا بعترف الاخوان المسلمين الهم كتير سلبيات وعندن انانية وعدم تقبل للآخر بتتنافى مع اتجاهم الاسلامي لهيك خسرو بسلوكياتهم كتير ناس وعفكرة عندن نظرة طبقية كتير بزكروك بطبقة الاشراف قبل الثورة الفرنسية
نيجي لنص الكاسه المليان
اما عن ثقافتهم هن على مستوى عالي من الثقافه ولو انفتحو شوي فيهم ايجذبو عدد كبير لهم وكل القصص الارهابية اللي لصقت الهم ما الها اي اساس صحيح فبركه بفبركه
وانا بشوف انهم منطقيين بعدم تقبل الديمقراطية والدكتاتورية على حد سواء

1_ مرحبا
2_سلبياتهم عدم تقبل الاخر ؟؟!!!ولا هو انهاء الاخر قتل الاخر سحق الاخر تفجير الاخر
3_ثقافتهم ثقافة الدم ثقافة الأشلاء
4_من وين جبتيها انو قصص ملفقة ومفبركة !!!! غريبة
5_ بتشوفيهم منطقيين بعدم تقبل الديمقراطية والدكتاتورية ؟؟؟؟ شلون زبطت معك هي بالله
عزيزتي بماانك مابتعرفي شو عملو هدول القتلة المجرمين الوحوش مصاصين الدماء بسوريا وبالشام وحلب تحديدا
فا الله يرضى عليكي اسألي قبل ماتحكي
وعن توجهاتهم مالها علاقة بالاسلام ولا ب اي ديانة سماوية هدول همهم الاكبر هو الحكم وبس والدين عباية يخبو فيها وجوههمالمقرفة المرعبة وانيابهم الله لايردهم

الخلاف بالرأي لايخلف للود قضية ...تحياتي

[Nay]

كاتب النص الأصلي : stormsmaker

مشان واحد فحركة الاخوان هي عبارة عن حركة تختبئ وراء الستار السياسي من أجل الوصول الى أهدافها الدينية المعروفة و المجموعة المتعلمة فيها كان الهدف الأساسي من وجودها هوي هالحكي يلي انحكا فوق عن غش البعض باحتوائها على مجموعة من المثقفين و هالشي مو صح أبدا
مشان الجهة التانية
أما مشان رقم 2 برأيي هاد كلام عواطف يحتاج الى صفنة تفكير أخرى و مرحبا وعي شعب لو هالشعب عندو وعي ما كنا هون أو بالأحرى لو مسموح للشعب يتوعى
و بلاع يا الله و يا وطن بلاع

كلامي مو كلام عواطف.. وانا شخصيا بتمنى انو ما يرجعو ابدا لكن اذا كنا مندعو لمنع اي حزب من العمل ببلدو فمنكن عم نفتح بواب كتير لمنع احزاب اخرى ممكن يسارية او اسلامية او غيرها بحجة الخطر على البلد.. ""والقضية المركزية والهائنا عن قضايانا الاساسية وبتنعاد الكليشة نفسها""
من جهة تانيةالاخوان المسلمين حزب مقسم لتيارات ايضا وعصام العطار كان معادي لاستعمال السلاح بالحزب ذاتو .. يعني انا ما عم قول انو يرجع متل ما كان لكن ما بيجوز ديمقراطيا انك توزن بمكيالين .. انك تنادي بالديمقراطية وتعددية حزبية بعدين تمنع حزب من العمل..

[Nay]

كاتب النص الأصلي : ..AHMAD

صديقي مزبوط .. سوريا محتضنة تنوع ديني / طائفي ... كبير جداً يمكن بالنسبة لباقي الدول العربية

لكن مافيني قول .. أنو سوريا ... قادرة أنها تعايش هالأديان والطوائف مع بعضها ..

ومع بعض الاستثنائات ... سوريا من أكبر الدول احتضانا للتنوع الديني ... كما أنها أيضا من أكبر الدول ... احتضانا لـ فعل الطائفية.


احتضان لا يساوي بالضرورة تعايش .

هلا احمد..
انا معك تماما.. لكن احمد قبل السبعين فيك تسأل أهلك.. كانت الناس من مختلف الطوائف تحب بعضها كتير.. مدينة القنيطرة كانت مركز لكل الديانات والطوايف بالمنطقة وكانو الناس متفقين مع بعض كتير.. كمان في كتير ضيع بمناطق حمص وحماه مختلطة يعي نص الضيعة سني ونص علوي او نص مسيحي ونص علوي وهيدا الشي بيدل على انو الناس كانت قادرة انها تعيش مع بعضها وبعد السبعين بلشت هي الضيع تقل وبلشت تصير من طايفة او من دين واحد لانو احد الطايفتين صارو يهاجرو من الضيعة نهائيا لانو ماعادو قادرين انو يتعايشو مع الطرف الاخر ..
بس من السبعين وانت جاية صارت العشائرية والطائفية والتدين اكثر حدة واكتر بعد عن التسامح وازداد الموضوع بعد الثمانينات وبعدما صارت مشاكل الاخوان بالبلد

[مايسترو]

كلامي مو كلام عواطف.. وانا شخصيا بتمنى انو ما يرجعو ابدا لكن اذا كنا مندعو لمنع اي حزب من العمل ببلدو فمنكن عم نفتح بواب كتير لمنع احزاب اخرى ممكن يسارية او اسلامية او غيرها بحجة الخطر على البلد.. ""والقضية المركزية والهائنا عن قضايانا الاساسية وبتنعاد الكليشة نفسها""
من جهة تانيةالاخوان المسلمين حزب مقسم لتيارات ايضا وعصام العطار كان معادي لاستعمال السلاح بالحزب ذاتو .. يعني انا ما عم قول انو يرجع متل ما كان لكن ما بيجوز ديمقراطيا انك توزن بمكيالين .. انك تنادي بالديمقراطية وتعددية حزبية بعدين تمنع حزب من العمل..

على عيني وراسي هالكلام بس يا عيني هاد الحكي مو لما بيكون تاريخ هي الحركة..دموي

بتوقع صعب جدا انو نقارن مثلا بينون وبين الحزب الشيوعي مثلا او اي حزب اخر مالو نفس التاريخ..هيك كمان لح نكون عم نكيل بمكيالين...

انا معك تماما.. لكن احمد قبل السبعين فيك تسأل أهلك.. كانت الناس من مختلف الطوائف تحب بعضها كتير.. مدينة القنيطرة كانت مركز لكل الديانات والطوايف بالمنطقة وكانو الناس متفقين مع بعض كتير.. كمان في كتير ضيع بمناطق حمص وحماه مختلطة يعي نص الضيعة سني ونص علوي او نص مسيحي ونص علوي وهيدا الشي بيدل على انو الناس كانت قادرة انها تعيش مع بعضها وبعد السبعين بلشت هي الضيع تقل وبلشت تصير من طايفة او من دين واحد لانو احد الطايفتين صارو يهاجرو من الضيعة نهائيا لانو ماعادو قادرين انو يتعايشو مع الطرف الاخر ..
بس من السبعين وانت جاية صارت العشائرية والطائفية والتدين اكثر حدة واكتر بعد عن التسامح وازداد الموضوع بعد الثمانينات وبعدما صارت مشاكل الاخوان بالبلد

انو لاونو درجة كانو مترابطين مثلا؟؟انو مترابطين كجيران؟ما هنن لهلق مترابطين كجيران وبيعايدو بعض ومن هالحكي
انو كانوا يتجوزوا من بعض؟؟؟ما بتوقع نهائيا وهي هي نقطة التلاقح اللي كنت عم بحكي عنها...

[مايسترو]

عالهامش

الله حيو اخوية بلشت تفيق

[Nay]

كاتب النص الأصلي : مايسترو

على عيني وراسي هالكلام بس يا عيني هاد الحكي مو لما بيكون تاريخ هي الحركة..دموي

بتوقع صعب جدا انو نقارن مثلا بينون وبين الحزب الشيوعي مثلا او اي حزب اخر مالو نفس التاريخ..هيك كمان لح نكون عم نكيل بمكيالين...


انو لاونو درجة كانو مترابطين مثلا؟؟انو مترابطين كجيران؟ما هنن لهلق مترابطين كجيران وبيعايدو بعض ومن هالحكي
انو كانوا يتجوزوا من بعض؟؟؟ما بتوقع نهائيا وهي هي نقطة التلاقح اللي كنت عم بحكي عنها...

اول نقطة ماعاد رح ناقش فيها لانو انا اللي عم احكي فيه بعتبرو من بديهيات العمل الديمقراطي.. وهي وردة
من جهة التلاقح اي والله ما كان في تلاقح.. بس كان الموضوع ابسط بكتير منفتح اكتر بكتير فيو محبة وما كان السؤال الاول لما بتعرف عليك من وين انت؟ متل وقتنا الحالي " بالمناسبة صرلنا ساعة منحكي وما بعرف انت من وين"

[الشميري]

تعيش حركة الاخوان ويموت كل حاقد لها لانكم ماخاطوهم ولاعرفتو ايش تفكيرهم



تحياتيييييييييييييييييييي يييييي

[Abu ToNi]

كاتب النص الأصلي : nour333

نيجي لنص الكاسه المليان
اما عن ثقافتهم هن على مستوى عالي من الثقافه ولو انفتحو شوي فيهم يجذبو عدد كبير الهم وكل القصص الارهابية اللي لصقت الهم ما الها اي اساس صحيح فبركه بفبركه
وانا بشوف انهم منطقيين بعدم تقبل الديمقراطية والدكتاتورية على حد سواء

اي مستواهم كتير عالي بالثقافة وبقدروا المثقفين كتير .. لهيك وقت فكروا ينشطوا اول ما انمدت ايدن كانت على رقاب المثقفين والمفكرين .. اللي لهلق ما عما يقدروا يهربوا من ارهاب الاخوان
على فكرة .. بسوريا وجهوا نشاطن بعمليات الاغتيال ناح الكيميائيين بشكل واضح كتير ، ما بعرف شو الكيميائيين كانوا عاملينلن بس اللي بعرفه انه الكيميا قريبة كتير على الصيدلة فديري بالك على حالك

بالنسبة الي بديهية كتير منطق رفض الديكتاتورية ... بس رفض الديمقراطية فينك تحطيلي اسباب منطقية اله ولدوافعه
الديمقراطية فعل سامي وقيمة مثالية لا يمكن ادراكا بشكل قطعي .. افضل ما يمكن التقرب منها .. كلما تقرب منها التنظيم او المؤسسة او المجتمة بيزداد تحضر ورقي وبترتفع اسهم العاملين فيه .. فشو ممكن يكون سبب منطقي ومقنع لرفض قيمة سامية كالديمقراطية ؟

[Abu ToNi]

كاتب النص الأصلي : الشميري

تعيش حركة الاخوان ويموت كل حاقد لها لانكم ماخاطوهم ولاعرفتو ايش تفكيرهم



تحياتيييييييييييييييييييي يييييي

بالضبط انت هلق لخصت ايدولوجية الاخوان دون قصدك بالسطر هاد

كل تنظيم بيعتمد على " الموت لمن لا يقف إلى صفنا " لا يمكن وصفه الا بالمتخلف والرجعي .. وبكل الاحوال ما فينك تستفيد منه شو ماكانت افكاره سامية " ان كانت طبعا " لأن تماذجي طرحي وهدام ماله ايا اوجه بناءة


بتشكرك

[شامي للنخاع]

كاتب النص الأصلي : الشميري

تعيش حركة الاخوان ويموت كل حاقد لها لانكم ماخاطوهم ولاعرفتو ايش تفكيرهم



تحياتيييييييييييييييييييي يييييي

ايوا تمام التمام.......هيك بيفكرو الاخوان سياسة الدم والموت.......يا سيدي شي بيشرف.......بحياتون ما بيطور عن شريعة الغابة الي عايشنا

[شامي للنخاع]

كاتب النص الأصلي : الشميري

تعيش حركة الاخوان ويموت كل حاقد لها لانكم ماخاطوهم ولاعرفتو ايش تفكيرهم



تحياتيييييييييييييييييييي يييييي

ايوا تمام التمام.......هيك بيفكرو الاخوان سياسة الدم والموت.......يا سيدي شي بيشرف.......بحياتون ما بيطور عن شريعة الغابة الي عايشنا

[Nay]

انتبهويا شباب هدول اللتاتين لا تردو عليهون.. خايفة يتسكر الموضوع..
من زمان ما نزل هيك موضوع حلو بالاخوية

[باشق مجروح]

انشاء قانون للاحزاب يمنع تشكيل الاحزاب الدينية بتصوري ما رح يكون مخالف للديمقرطية بقدر ما بيكون حماية الها وحماية للوطن من الانتمائات الغير وطنية ومن خطر القضاء على التجربة الديمقراطية .