الأخوان المسلمين والديمقراطية ..كلمات لن تنسى
 

أحببت أن أورد هذه الكلمات من الادبيات الأساسية للأخوان لكي لا نخدع بالمظهر الديمقراطي للرجعي المتوحش..

في لقاء مع صحيفة الوطن العربي ذكر محمد الجراح العضو القيادي في التحالف الوطني لتحرير سوريا حينها أنه في لقاء مع حسن هويدي وعدنان سعد الدين " المراقب ونائب المراقب العام للأخوان المسلمين " وكان الحديث عن الديمقراطية قال حسن هويدي ..:
نحن لا نقبل بالديمقراطية فهي حكم الشعب والجكم لله
فأجاب محمد الجراح هل هذا تبرير للديكتاتورية
يجيب هويدي لا الديكتاتورية أيضا حكم الشعب ونحن لا نؤمن إلا بحكم الله
الشعب عبر الديمقراطية قد يجيء بمن ينفذ احكاما تتعارض مع شرع الله ..
فاجابه القومي العربي محمد الجراح : ما يتنافى مع شرع الله نرفضه ...
..

مو هيك الديمقراطية اللي كلنا بدنا اياها
تحياتي الحارة
ظل جيفارا

صحيح وكل ادبيات الاخوان بنرسم ببدايتها شعار السيفين المتقاطعين كرمز لحركتهون ..
واهل الشام بيقولو " من جرب المجرب عقلو مخرب"

ملا تشكيلة :pos:

ربنا يبعدهم عن الشام واهل الشام بعد السما عن الارض ((أميـــــــــــــــــــــ ـن))

إجرام الاخوان المسلمين أكبر دليل على نظرتهم الوحشية المتنافية مع أي تفكير يكرم الإنسان أو حتى يؤنسنه هؤلاء الوحوش مازالت أياديهم تقطر من دماء الكفاءات السورية التي اغتالوها بدناءة.

الاخوان المسلمون كأي تنظيم سلفي ارهابي لا يؤمن إلا بديمقراطية المرة الواحدة التي تكفي لوصوله إلى السلطة ثم تلغى الانتخابات بحجة الأمر الإلهي.

أصلا الاخوان المسلمون ليسوا سوى اسقاط غريب على الاسلام السوري المنفتح سوريا التي تحتوي على أكبر تنوع من المذاهب الاسلامية وغير الاسلامية في الوطن العربي تمثل قمة الرقي في التعايش والتلاقح.

المشكلة إنو في حديث عم يدور وحتى بين النخب عن عودة هؤلاء إلى الوطن "أحيانا يأخذ الطرح شكل إنسانيا بعودتهم كأشخاص "
وصديقي عياش كلماتك كتير قيمة حقيقة إن الإسلام السوري منفتح جدا على الأخر ولم تكن شعبية الأخوان في فترة ماضية سوى رد فعل غير منطقي على سلوكيات النظام حاول هؤلاء عبر تضخيمها وتقديمها للشعب السوري على إنها قضية إضطهاد طائفي أن يكسبوا تأييد الشارع السوري ولكن تفجير الأزبكية الإرهابي كان الفيصل وعاد الشعب السوري لرفض الجماعة ومن حينها اعتقد أن الجماعة قد فرط عقدها ..فإنقسمت إلى جماعتين ..ودخلت في متاهات لن تخرج منها ...
تحياتي الحارة
ظل جيفارا

أولا شكرا على تقييمك الجميل تانيا لا شك أن الاخوان المسلمين استهدفوا الشباب المتدين الفقير الذي كان يبحث عن مشروع في حياته مختلف عن الثقافة شبه الماركسية التي كانت موحدة في ذلك الزمن فتم تجنيده وايهامه بانه شريك بمشروع ديني اجتماعي ثوري وهنا يجب ألا ننسى التمويل والدعم والتدريب الذي شاركت فيه بعض الدول المجاورة في دعم الجماعة وذلك نتيجة خلافات سياسية.

أنا برأي عودتهم كمواطنين أمر مرهرون بندمهم عما فعلوا وبمحاكمة المسؤولين عن العمليات الارهابية بشكل مباشر أما عودتهم للحياة السياسية فستكون عواقبه وخيمة خصوصا في هذه المرحلة.

بختلف معك بنقطتين 1- الاخوان حركة سياسية متل كل الحركات بسورية كان فيها متعلمين كتير وعلى مستوى عالي جدا.. وهي نقطة وجب الاعتراف بها.. من جهة تانية ما كان مستهدف للشباب الفقير ابدا وبضمنلك انو معلوماتي دقيقة لانو الاخوان كانو ابناء التجار الكبار بحلب وبدمشق وبحماه.. طبعا لا يخلو الامر من بعض لحالات الاخرى..
2- عودتهم كمواطنين امر مفروغ منو.. لكن عودتهم حتى كحزب سياسي يجب أن يكون مقبولا.. وما بيجوز منع اي حزب حتى لو كان الو تجارب ارهابية من العمل داخل الوطن .. ووعي الشعب هوي الكفيل بإيقاف عمله واذا كان الناس اتقبلت الحزب من جديد ووقفت معو بالمدن السورية فألله لايردون

كلامك موزون وموضوعي
انا شفت الاعضاء فوق نظرتهم لنص الكاسه الفاضية انا بعترف الاخوان المسلمين الهم كتير سلبيات وعندن انانية وعدم تقبل للآخر بتتنافى مع اتجاهم الاسلامي لهيك خسرو بسلوكياتهم كتير ناس وعفكرة عندن نظرة طبقية كتير بزكروك بطبقة الاشراف قبل الثورة الفرنسية
نيجي لنص الكاسه المليان
اما عن ثقافتهم هن على مستوى عالي من الثقافه ولو انفتحو شوي فيهم يجذبو عدد كبير الهم وكل القصص الارهابية اللي لصقت الهم ما الها اي اساس صحيح فبركه بفبركه
وانا بشوف انهم منطقيين بعدم تقبل الديمقراطية والدكتاتورية على حد سواء

و كأنو الأخوان المسلمين ما بيستفيدوا من تجارب التاريخ ! دايما القرار الخطأ بالوقت الخطأ ...او حتى كمان ما بيستفيدوا من تجارب الحركات الأسلامية الناجحة(على ندرتها) ...

يصراحة ,,المعارضة مريضة ..والنظام قوي جدا و مهما منظن انو وراقو خلصت منكتشف انو لسا عندو وراق يقامر عليها !! ...

المعركة طويلة ..........................والكفاح مستمر ..مع او بدون الأخوان ,,مع او بدون رفعت و خدام .

اي كفاح رح يكون مع هدول؟؟

مشان ما انفهم غلط لا انا ما بلاقي عند الاخوان نض مليان منوووب...
من جهة تانية انا ما قلت عند الاخوان في ثقافة ما جبت هالسيرة منوب قلت انو متعلمين على درجة عالية يعني دكاترة مهندسين محامين اما مثقفين !!!!
حتى على مستوى الحزب كلو حركة الاخوان ماانتجت مثقفين على حد علمي باستثناء عصام العطار وزهير سالم وحتى هدول هنن منظرين للحزب مو مثقفين بالمعنى العام للكلمة...
من جهة تانية القصص الارهابية ملفقة!!!
اول مرة بسمع هالكلام.. حتى هنن معترفين بالعمليات الارهابية.. من وين هي ملفقة..
وجب التوضيح مع جزيل الشكر

اول شي انا اخدت كلامك انو موضوعي وكملت من عندي على الشي اللي بشوفو وحكيت عن حركة الاخوان بشكل عام لأني ما بعرف كتير عنهم بسوريا
اما العمليات الارهابية وقت يطلعو واحد الو لحية ويعترف ويقول انو من الاخوان هلا خلص صار اخوان؟ ما حلنا نفهم هالسيناريو اللي مألفينو اليهود ومخرجيتو امريكا وحاطين ممثلين مسلمين بظاهر
هلا ما بعرف بجوز الاخوان عاملين شي بسوريا بس مو لازم نعرف شو نعمل فيهم ليعملو شغلات ارهابية هاد السؤال بتمنى اجاوبي عليه
وشكراااا

أتمنى فعلا أن يكون هناك إسلام منفتح , سواء في سوريا أو غيرها ، أليس ابن تيمية فقيه الفكر الوهابي سورياً , أنا أعيش في المملكة السعودية وفي المنطقة التي أتواجد فيها هناك أمام وهابي سوري متشدد ، هو الأشهر هنا ، ومثله كثر هنا

مشان واحد فحركة الاخوان هي عبارة عن حركة تختبئ وراء الستار السياسي من أجل الوصول الى أهدافها الدينية المعروفة و المجموعة المتعلمة فيها كان الهدف الأساسي من وجودها هوي هالحكي يلي انحكا فوق عن غش البعض باحتوائها على مجموعة من المثقفين و هالشي مو صح أبدا
مشان الجهة التانية فالمقصود أو حسب رأيي فالاخوان حركة قديمة جدا و لو بلشت بشكل سرري يعني بظن من عدة أجيال مو من جيل مثلا و تم تنشئة جيل جديد منها و هوي يلي اتفضلوا الشباب و حكوا عنو فوق يلي هني أبناء التجار و أصحاب رؤؤس الأموال و برأيي فروؤس هالأموال مو اجت عن عبث و انما عن تخطيط مسبق أما الدفعة الجديدي و هاي يلي بظن عم يحكوا عنها الشباب فهي محاولة زيادة الأعضاء و لمهم منين ما كان فلجؤا للشباب الفقراء الدراويش و بللشوا الاقناع فيهن و هاي عمليي سهلة برأيي من خلال بعض المغريات لشباب معدوم عايف الله اللي خلقوا (متل ما تحاول تعمل بعض الأحزاب هلأ)
أما مشان رقم 2 برأيي هاد كلام عواطف يحتاج الى صفنة تفكير أخرى و مرحبا وعي شعب لو هالشعب عندو وعي ما كنا هون أو بالأحرى لو مسموح للشعب يتوعى
و بلاع يا الله و يا وطن بلاع

بهل الوقت الحرج بالذات تحمل عودة التنظيم خطورة كبيرة على المستوى الشعبي لانه سيستغل الاصطفاف الشعبي وراء المقاومة سواء اللبنانية أو الفلسطينية والتي كان قوامها الأهم حركات وطنية اسلامية ولكن بطبيعة الحال ليس كل تنظيم اسلامي هو تنظيم مقاوم.

وبرأي لا يمكن التعويل على نضج الوعي السياسي الشعبي خصوصا في مثل هكذا ظروف طالما ظلت تحكم الشارع عقلية المراهقة المتخبطة والمتأثرة أولا وأخيرا بالاعلام المرئي فقط.

على انو تلاقح عم تحكي؟؟

بين الطوائف ممنوع..بين الاديان ممنوع..عن اي تلاقح عفوا؟:?

انو بالنسبة الي بشكل انساني ومتل ما قال ما قال عياش

العودة سياسيا بالنسبة الي مرفوضة تماما..ولا ممكن اتقبل وجودون...