تشكيلة المنتخب الاسباني لنهائيات كأس الأمم الأوربية الشهر المقبل

[yass]

أعلن لويس أراغونيس التشكيلة النهائية للمنتخب الاسباني و التي ستشارك في نهائيات كأس الأمم الأوربية 2008 في النمسا و سويسرا, و قد نادى "الختيار" اللاعبين التاليين:

Arsenal: Cesc


Barcelona: Puyol, Iniesta y Xavi


Betis: Juanito


Getafe: De la Red


Liverpool: Arbeloa, Reina, Torres y Xabi Alonso


Real Madrid: Casillas y Sergio Ramos


Mallorca: Fernando Navarro y Güiza


Sevilla: Palop


Valencia: Albiol, Marchena, Silva y Villa


Villareal: Capdevila, Cazorla y Senna


Zaragoza: Sergio García






عالهامش: ما تفرق يربحو أو ما يربحو الكأس.. بس ادعولنا يعدّو ربع النهائي عالأقل.. لأنو في شركة الكترونيات حاطة عرض تلفزيون Bravia, اللي هو أحد راعين المنتخب بشكل انو اذا المنتخب يتعدى مرحلة ربع النهائي يرجعو ربع قيمة التلفزيون (حقو ألف و شوي... يعني ضربة)..

[يمان Rooooonaldo]

دج دج دج اسبانيا ..

فيفا اسبانيا .. وبازن الله هي المرة ما لح يسودو وشنا ...

ودج دج دج اسبانيا ...

وروحي ياسو .. معك للعضم

[yass]

ليكو ما احلاه... ادعولنا يا جماعة ادعولنا



امبارح الناشئين ربحو بطولة أوربا و طقو فرنسا 4-1 بالنهائي... بلكي الكبار يتعلمو

[يمان Rooooonaldo]

ليكو ما احلاه... ادعولنا يا جماعة ادعولنا



امبارح الناشئين ربحو بطولة أوربا و طقو فرنسا 4-1 بالنهائي... بلكي الكبار يتعلمو

اي والله شرشحوهم شرشحة مبارح ..

بس ان شاالله ما يضل متحيون .. اراغونيس انو اوك تحيونت مع راؤول وما اخدتو مع انو جايب 17 جول .. راح استعدى سيرجيو غارسيا ابو ال جولين بالدوري .. اوك بيحكر بس بضل راؤول هداف مقارنة مع هداك وانت عم تاخد مهاجم .. هلا انا ضد انو يتاخد راؤول كنت لانو اصلا ما اتدرب مع المنتخب من الاول .. يعني ما في انسجام حيكون انو اعتودو عشي .. وخلين هيك ..

وان شا الله يطلع معو شي اسبانيا .. وما يخجلونا ... حاجة بقا .. لعيبة وفي .. واحسن منتخب مر من زمان كتير .. يعني ان شا الله ..

و Go Go Go spain

[yass]

أراغونيس ما غلط مع راؤول بنوب بنوب...

معليه أنا بشجّع برشلونة بس عندي قدرة احكيلك عن فوتبول بشكل تقني بعيدا عن صراعات التعصّب..

هو محكوم بـ 23 لاعب مافيه ياخد غيرهون.. و سيرجيو غارثيا ما بيلعب محل راؤول (هو أحيانا بيحطوه لقدّام.. يعني فينو يلعب كمهاجم ثاني بس مكانو الأساسي بنص الملعب عاليسار.. حتى جناح فيو يلعب) و آخدو مبدئيا احتياط لأينيستا.. و لو تشوفو كيف يلعب تفهم ليش آخدو.. سريع جدا و دفاعيا أقوى من راؤول.. و آخدو احتياط..

راؤول لو بدو ياخدو بدو يترك يا تورريس يا فيجا يا سيلفا... و ان كتير لعب تيتريس بالفريق يحطو محل فابريغاس... لكن تعا اتروك واحد من هدول و خود راؤول محلو... بياكلوه العالم (أو حطو قلب هجوم بمطرح مو مطرحو مكان داني غويثا.. هداف الليغا)

آخد تشكيلة بحيث بكل مطرح في لاعبين (قدر الامكان) و مشان ياخد راؤول بدو يخربط الدنيي لأنو راح يظل اجباري مركز عليه لاعب واحد.. طيب بلكي تصوّب أو انطرد شو يعمل بحالو.

راؤول اخد مجدو و خلص.. يعني صار لاعب بلاوي مع المنتخب و أخد مجدو.. برأيي تشكيلة لويس هي أفضل تشكيلة ممكن تنأخذ بالفترة الحالية, و اللي عملوه فيه بقضية راؤول لا يغتفر لأنو لعنو سماه.. و عالفاضي.. و بالنهاية ما فيك ترضي الجميع... و لويس فيه كل علل الدنيي بس زكرت.. و ما يهمو الضغط (زلمة صارلو 40 سنة مدرب و الفوتبول عندو متل شرب المي) و عندو شغلة تانية منيحة... ما بياخد حدا بالاسم.. بيطالعلك احصائيات و تسجيلات كل السنة ليبرر قرارو...


بعدين بستايل لعب لويس أراغونيس (اللي يشبه ستايل برشلونة الى حد ما .. يعني وسط ملعب مسيطر و تركيز على نسبة السيطرة) راؤول ما بيطبق و لا يركب بنوب بنوب

[يمان Rooooonaldo]

أراغونيس ما غلط مع راؤول بنوب بنوب...

معليه أنا بشجّع برشلونة بس عندي قدرة احكيلك عن فوتبول بشكل تقني بعيدا عن صراعات التعصّب..

هو محكوم بـ 23 لاعب مافيه ياخد غيرهون.. و سيرجيو غارثيا ما بيلعب محل راؤول (هو أحيانا بيحطوه لقدّام.. يعني فينو يلعب كمهاجم ثاني بس مكانو الأساسي بنص الملعب عاليسار.. حتى جناح فيو يلعب) و آخدو مبدئيا احتياط لأينيستا.. و لو تشوفو كيف يلعب تفهم ليش آخدو.. سريع جدا و دفاعيا أقوى من راؤول.. و آخدو احتياط..

اوك ما بقلك لا .. بس ما تنسا انو سيرجيو غارسيا .. مصاب .. يعني هلا عم يحاول انو يرجع .. هي اول شغلة ..
تاني شي .. ما عندو لسا هالخبرة الكبيرة .. بهيك بطولة .. انت اخد تشكيلة مليانة شباب .. لزلك بضل عنصر القيادة وعنصر الخبرة مهم كتير .. راؤول حتى لو اجا ما ضروري كان اننو ينزل اساسي نو .. لو ضل احتياط .. ونزل بمباريات بجوز يقلب النتيجة ..

بس بدك تسمحلي بنقطة .. يمكن ما بتعرفا عن راؤول بجوز لانك برشاوي وبتابع مباريات البرشا ..

بعدين بستايل لعب لويس أراغونيس (اللي يشبه ستايل برشلونة الى حد ما .. يعني وسط ملعب مسيطر و تركيز على نسبة السيطرة) راؤول ما بيطبق و لا يركب بنوب بنوب

اكتر من راؤول .. بالجماعية ما في .. يعني يمكن ما بيقدر يلعب فردي .. عقد ما بيقدر يلعب جماعي ..
بعدين شغلة تانية .. مقارنة مع الركد والحكي .. لو بتشوف .. او بتابع بيبن معك انو راؤول من اكتر اللعيبة اللي بتركد بالملعب ما بيهدا لاخر دقيقة بضل فيا بالملعب .. بيركد ركد مو طبيعي ..

هلا انا قلت انو ضد روحتو عالمنتخب كنت .. بس ما عجبني .. انو كان رح ياخدلي بوخان .. والله .. بدالو يعني .. صعب لساتو ولد .. واخدو عهيك بطولة دغري ولسا ما لعب معك ولا مباراة .. انو !!!!!

شغلة اخيرة .. داني اغويثا منيح .. والو حركات وجوال حلوة ... بس ما بعتقد انو .. يقدر يكون اساسي ابدا ..
ومنشان اراغونيس انو والله .. ما بتفرق معو او شي .. هلا صراحة ما بعرف بس عحسب ما بعرف وبشوف دائما .. هي فرصتو الاخيرة على الاغلب .. وان ما نجح لح يطير ويحلق فورا .. بدون ايا انتظار ..

وان شا الله يقدرو يعملو شي..

عراسي ياسو

[yass]

اوك ما بقلك لا .. بس ما تنسا انو سيرجيو غارسيا .. مصاب .. يعني هلا عم يحاول انو يرجع .. هي اول شغلة ..
تاني شي .. ما عندو لسا هالخبرة الكبيرة .. بهيك بطولة .. انت اخد تشكيلة مليانة شباب .. لزلك بضل عنصر القيادة وعنصر الخبرة مهم كتير .. راؤول حتى لو اجا ما ضروري كان اننو ينزل اساسي نو .. لو ضل احتياط .. ونزل بمباريات بجوز يقلب النتيجة ..

بس بدك تسمحلي بنقطة .. يمكن ما بتعرفا عن راؤول بجوز لانك برشاوي وبتابع مباريات البرشا ..

وين مصاب؟ ليكو حط هدفين بآخر لعبة و بكرا بدو ينقذ فريقو

و خيو سيبك من عنصر القيادة و الخبرة... آخد شباب بس واحدهم شبعان لعب بأعلى المستويات من سنين... الجمهور مل عن جد من "الأبقار المقدسة" متل ما يقولو

و بخصوص متابعة... الله وكيلك بتابع الدوري كلو... ما تفرق بشجع برشلونة او غيرو.. بعشق الفوتبول و كل شي فوتبول اسباني بحضرو... اللعب لعب و التقني تقني و التشجيع شي تاني

اكتر من راؤول .. بالجماعية ما في .. يعني يمكن ما بيقدر يلعب فردي .. عقد ما بيقدر يلعب جماعي ..
بعدين شغلة تانية .. مقارنة مع الركد والحكي .. لو بتشوف .. او بتابع بيبن معك انو راؤول من اكتر اللعيبة اللي بتركد بالملعب ما بيهدا لاخر دقيقة بضل فيا بالملعب .. بيركد ركد مو طبيعي ..

هلا انا قلت انو ضد روحتو عالمنتخب كنت .. بس ما عجبني .. انو كان رح ياخدلي بوخان .. والله .. بدالو يعني .. صعب لساتو ولد .. واخدو عهيك بطولة دغري ولسا ما لعب معك ولا مباراة .. انو !!!!!

القضية مو قضية جماعة.. قضية لعب تقني يا أخي مو قضية نفسية... راؤول ما بيقدر ينزل لنص الملعب يجيب الطابة.. كان بأول شبابو يقدر.. هلأ ما فينو .. ازا متعوّد ع ستايل لعب بنص الملعب (اللي هو الأساس) ما راح تفلح بستايل تاني شو ما عملت لتعمل.. لو شقيت حالك ما تقدر.. ما عم نقول يركض و ما يركض.. القدرات الفنية لراؤول ما بتناسب القدرات الفنية اللي مبني على أساسها المنتخب.. جرّبو فيهون (راؤول و غوتي.. ستايل المدريد) أول فترة التصفيات و لو ما لطف ألله كان ما تأهلو.. خسرو ضد ارلندا الشمالية و تعادلو مع منتخب تاني جربان باسبانيا و لو ما مقلعهون و جايب بدالون كان ما تأهلنا

بعدين خيو راؤول بالمنتخب غير راؤول بالمدريد.. ما بيكفي تكون شغال بفريقك لتفلح بالمنتخب ازا استايل لعب المنتخب مو ستايلك.. يعني راؤول بدو لعب أجنحة و بدو كرات مرتدة... و بالمنتخب لا في لعب أجنحة و لا في كرات مرتدة بالستايل الحالي... بيدوخو بنص الملعب ليكون في تمريرة ع خط تلت رباع الملعب و منها تبني هجمة... و راؤول بهيك ستايل ما يعمل شي

شغلة اخيرة .. داني اغويثا منيح .. والو حركات وجوال حلوة ... بس ما بعتقد انو .. يقدر يكون اساسي ابدا ..
ومنشان اراغونيس انو والله .. ما بتفرق معو او شي .. هلا صراحة ما بعرف بس عحسب ما بعرف وبشوف دائما .. هي فرصتو الاخيرة على الاغلب .. وان ما نجح لح يطير ويحلق فورا .. بدون ايا انتظار ..

بدك تحكي وقائع... الفوتبول المشاعر و الاحاسيس فيو 10 بالمية أو أقل (عكسنا لما نحكي فوتبول.. نحكي 90 بالمية مشاعر)

الواقع انو راؤول صارو 12 سنة يلعب بالمنتخب و ما عمل شي.. لعب 3 مونديالات و 4 كؤوس أمم و ما عمل شي..راؤول بالمدريد يقلبلك مباراة خاسرة الى رابحة آخر خمس دقايق.. مزبوط.. بس بالمنتخب عمرو ما عملها.. يعني يحط هدف و هدفين بالمباريات الربحانة سلف... بس انو "أنقذ" المنتخب؟ بأي مباراة... لأنو مو ستايلو.. بعمرو ما كان ستايلو, و ع فكرة في كتير لاعبين هيك.. يفلحو بالأندية بس مانهون لعيبة منتخب.. مو لأنو كسالى أو ما بيعطو للمنتخب كل قوتهون.. انما هيك خيو... فيك تقول شنص

الواقع الثاني انو غويثا... بهالدوري جايب تقريبا بقد أهداف راؤول و فان نيستيلروي مع بعض.. و بفريق تخّان.. و السنة الماضية فوّت خيتافي بالويفا و وصلو لنهائي الكأس.. يعني هالشب مو طفرة شهر لعب.. و الزلمة لعب آخر فترة التصفيات و هي الفترة اللي المنتخب تصدّر الغروب تبعو بعد ما كان ترتيبو خامس!!!

و لويس راح يمشي بعد هالبطولة حتى لو فازها... يعني هو أعلم الناس انو هاي فرصتو ليسكّت كل اعدائو (أعدائو كتار.. و كتير منهون استخدمو راؤول بس ليأذوه.. و راؤول يعرف هالشي و لهالسبب عمل مؤتمر صحفي انو رجاءا تحلو عن ربو للويس أراغونيس... )

[yass]

اوك ما بقلك لا .. بس ما تنسا انو سيرجيو غارسيا .. مصاب .. يعني هلا عم يحاول انو يرجع .. هي اول شغلة ..
تاني شي .. ما عندو لسا هالخبرة الكبيرة .. بهيك بطولة .. انت اخد تشكيلة مليانة شباب .. لزلك بضل عنصر القيادة وعنصر الخبرة مهم كتير .. راؤول حتى لو اجا ما ضروري كان اننو ينزل اساسي نو .. لو ضل احتياط .. ونزل بمباريات بجوز يقلب النتيجة ..

بس بدك تسمحلي بنقطة .. يمكن ما بتعرفا عن راؤول بجوز لانك برشاوي وبتابع مباريات البرشا ..

وين مصاب؟ ليكو حط هدفين بآخر لعبة و بكرا بدو ينقذ فريقو

و خيو سيبك من عنصر القيادة و الخبرة... آخد شباب بس واحدهم شبعان لعب بأعلى المستويات من سنين... الجمهور مل عن جد من "الأبقار المقدسة" متل ما يقولو

و بخصوص متابعة... الله وكيلك بتابع الدوري كلو... ما تفرق بشجع برشلونة او غيرو.. بعشق الفوتبول و كل شي فوتبول اسباني بحضرو... اللعب لعب و التقني تقني و التشجيع شي تاني

اكتر من راؤول .. بالجماعية ما في .. يعني يمكن ما بيقدر يلعب فردي .. عقد ما بيقدر يلعب جماعي ..
بعدين شغلة تانية .. مقارنة مع الركد والحكي .. لو بتشوف .. او بتابع بيبن معك انو راؤول من اكتر اللعيبة اللي بتركد بالملعب ما بيهدا لاخر دقيقة بضل فيا بالملعب .. بيركد ركد مو طبيعي ..

هلا انا قلت انو ضد روحتو عالمنتخب كنت .. بس ما عجبني .. انو كان رح ياخدلي بوخان .. والله .. بدالو يعني .. صعب لساتو ولد .. واخدو عهيك بطولة دغري ولسا ما لعب معك ولا مباراة .. انو !!!!!

القضية مو قضية جماعة.. قضية لعب تقني يا أخي مو قضية نفسية... راؤول ما بيقدر ينزل لنص الملعب يجيب الطابة.. كان بأول شبابو يقدر.. هلأ ما فينو .. ازا متعوّد ع ستايل لعب بنص الملعب (اللي هو الأساس) ما راح تفلح بستايل تاني شو ما عملت لتعمل.. لو شقيت حالك ما تقدر.. ما عم نقول يركض و ما يركض.. القدرات الفنية لراؤول ما بتناسب القدرات الفنية اللي مبني على أساسها المنتخب.. جرّبو فيهون (راؤول و غوتي.. ستايل المدريد) أول فترة التصفيات و لو ما لطف ألله كان ما تأهلو.. خسرو ضد ارلندا الشمالية و تعادلو مع منتخب تاني جربان باسبانيا و لو ما مقلعهون و جايب بدالون كان ما تأهلنا

بعدين خيو راؤول بالمنتخب غير راؤول بالمدريد.. ما بيكفي تكون شغال بفريقك لتفلح بالمنتخب ازا استايل لعب المنتخب مو ستايلك.. يعني راؤول بدو لعب أجنحة و بدو كرات مرتدة... و بالمنتخب لا في لعب أجنحة و لا في كرات مرتدة بالستايل الحالي... بيدوخو بنص الملعب ليكون في تمريرة ع خط تلت رباع الملعب و منها تبني هجمة... و راؤول بهيك ستايل ما يعمل شي

شغلة اخيرة .. داني اغويثا منيح .. والو حركات وجوال حلوة ... بس ما بعتقد انو .. يقدر يكون اساسي ابدا ..
ومنشان اراغونيس انو والله .. ما بتفرق معو او شي .. هلا صراحة ما بعرف بس عحسب ما بعرف وبشوف دائما .. هي فرصتو الاخيرة على الاغلب .. وان ما نجح لح يطير ويحلق فورا .. بدون ايا انتظار ..

بدك تحكي وقائع... الفوتبول المشاعر و الاحاسيس فيو 10 بالمية أو أقل (عكسنا لما نحكي فوتبول.. نحكي 90 بالمية مشاعر)

الواقع انو راؤول صارو 12 سنة يلعب بالمنتخب و ما عمل شي.. لعب 3 مونديالات و 4 كؤوس أمم و ما عمل شي..راؤول بالمدريد يقلبلك مباراة خاسرة الى رابحة آخر خمس دقايق.. مزبوط.. بس بالمنتخب عمرو ما عملها.. يعني يحط هدف و هدفين بالمباريات الربحانة سلف... بس انو "أنقذ" المنتخب؟ بأي مباراة... لأنو مو ستايلو.. بعمرو ما كان ستايلو, و ع فكرة في كتير لاعبين هيك.. يفلحو بالأندية بس مانهون لعيبة منتخب.. مو لأنو كسالى أو ما بيعطو للمنتخب كل قوتهون.. انما هيك خيو... فيك تقول شنص

الواقع الثاني انو غويثا... بهالدوري جايب تقريبا بقد أهداف راؤول و فان نيستيلروي مع بعض.. و بفريق تخّان.. و السنة الماضية فوّت خيتافي بالويفا و وصلو لنهائي الكأس.. يعني هالشب مو طفرة شهر لعب.. و الزلمة لعب آخر فترة التصفيات و هي الفترة اللي المنتخب تصدّر الغروب تبعو بعد ما كان ترتيبو خامس!!!

و لويس راح يمشي بعد هالبطولة حتى لو فازها... يعني هو أعلم الناس انو هاي فرصتو ليسكّت كل اعدائو (أعدائو كتار.. و كتير منهون استخدمو راؤول بس ليأذوه.. و راؤول يعرف هالشي و لهالسبب عمل مؤتمر صحفي انو رجاءا تحلو عن ربو للويس أراغونيس... ) و لويس يعرف منيح انو ازا ما عمل شي منيح راح ياكلوه و ياكلو كل تاريخو.. يعني قرارو مو تناحة أو كبر راس.. هو أكتر واحد عم يراهن


و بلكي يعملو شي... لأول مرة متفائل مع المنتخب


سلامات

[yass]

و مشان بوجان... ما كتير كنت مستهضم فكرة انو يروح.. يعني صايرة صراع قانوني أكتر من غير شي

و كتصحيح.. بوجان لعب بالتصفيات و لعب بالوديات (من وصلو ع نهائية كأس العالم للناشئين السنة الماضية رفعهوه عالمنتخب الأول) و حط 5 أهداف, و لهلأ ما متفقين ازا مباريات التصفيات كافية لكي يكون من ملاك الاتحاد الاسباني أو لأ.. قصص قوانين و تضارب آراء قانونية

بوجان معو جنسيتين: صربية و اسبانية (أبوه صربي و لاعب سابق) فبدهون يفوت بتشكيلة رسمية مشان, حسب قوانين الفيفا, يصير من ملاك الاتحاد الاسباني و ما بيقدرو الصرب يطالبو فيه (ازا معك جنسيتين من طلبك منتخب جنسية وحدة على تشكيلة رسمية عم تتنازل عن التانية بما يخص المنتخبات).. و كان راح ياخدو احتياط.. راؤول ما فيك تاخدو احتياط.. صورة راؤول قاعد بمقاعد التبديل سلبية لألو و سلبية للمنتخب.. بتصير عليها قصص و حكايا ما حلوة.. كمان هاد عامل مهم. في لاعبين لأسباب معينة يا تاخدهون أساسيين يا لا تاخدهون أريحلك

[Government]

اخي اسبانية ماخرجا ..
دائما هيك بتحمسو بتحمسو بس مابوصلو اكتر من نص النهائي او الربع
بكأس العالم او بالأروبية
اسبانيا دوريا القوي ماعبينعكس مزبوط ع المنتخب عندن
وماشرط متل مابتوقع البعض انو ازا عندن دوري قوي وعالمي يكون منتخبن كويس
يالعكس
المنتخب الاسباني ماشي حالو نوعا ما
بس انو مابقدر يوصل اكتر من ربع النهائي كأحد اقصى



بعدين البطولة فرنساوية اكيددددد


ع الهامش * تأهلت البرتغال شي ؟

[يمان Rooooonaldo]

وين مصاب؟ ليكو حط هدفين بآخر لعبة و بكرا بدو ينقذ فريقو

الخبر ..

وللبقاء في دوري الاضواء يحتاج سرقسطة للفوز غدا على مضيفه ريال مايوركا ، صاحب المركز السابع والذي ينافس للمشاركة في بطولة كأس الاتحاد الاوروبي بالموسم المقبل وسيلعب مباراة الغد بقيادة نجم هجومه دانييل جيزا هداف الدوري الاسباني لهذا الموسم.

وقال أيالا "نعرف أن أمامنا مهمة صعبة .. ولكننا أيضا نعرف أنه إذا سارت الامور على ما يرام ، فإننا نتمتع بالكفاءة والاسلوب الخاص للخروج من أزمتنا".

ويأمل سرقسطة في شفاء مهاجمه سيرجيو جارسيا قبل مباراة الاحد. وكان جارسيا قد رشح مؤخرا للانضمام إلى صفوف المنتخب الاسباني المشارك في بطولة الامم الاوروبية "يورو 2008 " الشهر المقبل بعد قرار مهاجم برشلونة الشاب بويان كركيتش المثير للجدل بعدم المشاركة في البطولة.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

القضية مو قضية جماعة.. قضية لعب تقني يا أخي مو قضية نفسية... راؤول ما بيقدر ينزل لنص الملعب يجيب الطابة.. كان بأول شبابو يقدر.. هلأ ما فينو .. ازا متعوّد ع ستايل لعب بنص الملعب (اللي هو الأساس) ما راح تفلح بستايل تاني شو ما عملت لتعمل.. لو شقيت حالك ما تقدر.. ما عم نقول يركض و ما يركض.. القدرات الفنية لراؤول ما بتناسب القدرات الفنية اللي مبني على أساسها المنتخب.. جرّبو فيهون (راؤول و غوتي.. ستايل المدريد) أول فترة التصفيات و لو ما لطف ألله كان ما تأهلو.. خسرو ضد ارلندا الشمالية و تعادلو مع منتخب تاني جربان باسبانيا و لو ما مقلعهون و جايب بدالون كان ما تأهلنا

دقيقة شوي .. وقت بتكون عم تحمل خسارة فريق كامل على لاعب واحد هاد شي غلط .. الكل بيعرف انو منتخب اسبانيا .. من اكتر المنتخبات المتقلبة بالمستوى .. يوم بتشوفا هيك ويوم بتشوفا هيك ..
المنتخب كان كتير سيئ بالتصفيات .. اول شي .. وهاد الحكي ما فيك تطبقو على راؤول وتحكي والله لو ما طلع او شي .. ما كان تأهلت اسبانيا ..

ما بتوقع انك متابع لكل المباريات لكن .. لانو راؤول بتشوفو اول مهاجم وعم تشوفو اول مدافع وقت بيرجع ..
ما بنكر مر عليه موسمين سيئين كانو من ناحية التهديف مانون من ناحية القدرة على الحركة ..
لهلا .. بتشوفو من اول المدافعين بالملعب .. وبيرجع كتير لورا ليستلم طابة من نص الملعب ويطلع .. يلعب باصات ..
ازا بيخسر الطابة .. بضل راكد ورااها .. يعني مابعرف الا ازا مدريد اللي بشوف لعبو انا غير مدريد اللي عندك بكون حكي تاني ساعتا

بعدين خيو راؤول بالمنتخب غير راؤول بالمدريد.. ما بيكفي تكون شغال بفريقك لتفلح بالمنتخب ازا استايل لعب المنتخب مو ستايلك.. يعني راؤول بدو لعب أجنحة و بدو كرات مرتدة... و بالمنتخب لا في لعب أجنحة و لا في كرات مرتدة بالستايل الحالي... بيدوخو بنص الملعب ليكون في تمريرة ع خط تلت رباع الملعب و منها تبني هجمة... و راؤول بهيك ستايل ما يعمل شي

هلا ما بعرف بس هون ما بعرف في شي اسمو ستايل لعبك وستايل لعب المنتخب ..بالاحرى كيف ..
انو ما فيك تقنعني انو كل اللعيبة اللي جوا .. عندا ستايل موحد .. حتى عم تقدر تلعب لا ..
وهي النقطة اللي قلت عليا انا .. فترت التحضير الماضية .. كفيلة شوي بانو تخلي اللعيبة تعرف النمط المفروض .. للعب لزلك انا قلت انو ضد رعجة راؤول على المنتخب .. لانو ما كان معهم اصلا .. بجوز يكون اي الو زمان مع المنتخب .. بس لا .. بما انو ما كان موجود فالافضل انو ما يتاخد كان .. بس نقطتي واعتراضي الوحيدين .. انو لازم يكون موجود .. بروح بيستدعيلي بوخان .. !! لا ما زبطت معي ابدا يعني ..

ليش بيتم اخد اللعيبة قبل بوقت ؟ وبيعملو تحضيرات لانو كل واحد بكون متعود عفريقة .. عطريقة لعبهم .. لزلك .. بيحاولو انو يفهمو عبعض ياخدو النمط اللي بدو ياه المدرب .. وبهي المرحلة بما انو راؤول .. ما عملها .. ما مفروض انو يتاخد كان .. !

الواقع انو راؤول صارو 12 سنة يلعب بالمنتخب و ما عمل شي.. لعب 3 مونديالات و 4 كؤوس أمم و ما عمل شي..راؤول بالمدريد يقلبلك مباراة خاسرة الى رابحة آخر خمس دقايق.. مزبوط.. بس بالمنتخب عمرو ما عملها.. يعني يحط هدف و هدفين بالمباريات الربحانة سلف... بس انو "أنقذ" المنتخب؟ بأي مباراة... لأنو مو ستايلو.. بعمرو ما كان ستايلو, و ع فكرة في كتير لاعبين هيك.. يفلحو بالأندية بس مانهون لعيبة منتخب.. مو لأنو كسالى أو ما بيعطو للمنتخب كل قوتهون.. انما هيك خيو... فيك تقول شنص

برأيي غلط انو نحكم على لاعب من هيك شي .. ما فيك تقول انو لاعب متل راؤول فشل مع المنتخب نو ..
بجوز ما اخد معو ولا بطولة كبيرة او شي اوك .. بس يا اخي لاعب واحد ما بيقدر يحمل فرق على كتافو كلو ..

لو بدك تاخد مثال بسطي وقريب اللي هوة شيفا .. شيفشينكو .. مع اوكرانيا .. ولا قدر يعمل ايا شي .. فيك تقول انو فشل مع المنتخب نو !! انو بتوقع صعب تصير طريقة الحكي هيك بهي الطريقة ..

الواقع الثاني انو غويثا... بهالدوري جايب تقريبا بقد أهداف راؤول و فان نيستيلروي مع بعض.. و بفريق تخّان.. و السنة الماضية فوّت خيتافي بالويفا و وصلو لنهائي الكأس.. يعني هالشب مو طفرة شهر لعب.. و الزلمة لعب آخر فترة التصفيات و هي الفترة اللي المنتخب تصدّر الغروب تبعو بعد ما كان ترتيبو خامس!!!

اول شي ... انت عم تقارن لاعب غويثا بلاعبين .. واحد بينهم اغلب الاياب ما لعبو تقريبا ..
تاني شي .. انا ما ضد انو هوة لاعب منيح نو بالعكس عم قلك انو لاعب روعة .. وحركي بس ما عندو هي الخبرة .. اللي تخليه يروح اساسي .. انا مع جدا انو ياخدو كانو .. كرمال يطلع لعيبة اسبان .. وكتير كنت مبسوط انو طلع هداف اسباني .. اخد هداف الليجا غير راؤول او توريس او اللي معروفين لانو المنتخب .. الاسباني مدبوح كتير بشغلة انو اغلب الفرق الكبيرة عم تروح تجيب لعيبة اجانب يكونو الهدافين ويكونو عناصر الفريق المربحة .. صعب انك تروح تحكي لايا نادي انو والله ما فيك تجيب لانو كل نادي عم يحاول انو يجيب احسن لعيبة عالميين جاهزين وما حدا عم يقدر يعطي كل هالفرص للعيبة .. لزلك ازا بتلاحظ طلعو قانون انو ممنوع يكون في بايا فريق يمكن .. اقل من عدد محدد من الاسبان .. ومن اوربا .. ومن العالم " ماني متذكر الارقام تمام "

بقا طلعتو كتير منيحة وان شا الله يتوفق .. ما بقلك لا .. بس بضل بقلك الخبرة بتلعب دورا بهيك بطولات ..
** منشان انو وقت وصل مع المنتخب كان بالمركز ال 5 لل 1 نط .. ما بتوقع الو هالدور الكبير .. لانو عحسب علمي مالو ولا جول معو كان .. او جول واحد ماني متذكر ..

لويس راح يمشي بعد هالبطولة حتى لو فازها... يعني هو أعلم الناس انو هاي فرصتو ليسكّت كل اعدائو (أعدائو كتار.. و كتير منهون استخدمو راؤول بس ليأذوه.. و راؤول يعرف هالشي و لهالسبب عمل مؤتمر صحفي انو رجاءا تحلو عن ربو للويس أراغونيس... ) و لويس يعرف منيح انو ازا ما عمل شي منيح راح ياكلوه و ياكلو كل تاريخو.. يعني قرارو مو تناحة أو كبر راس.. هو أكتر واحد عم يراهن

ان شا الله يا سيدي .. لانو .. حاج يعني .. صار بدها بطولة .. بجوز من هون ل 50 سنة ما يرجع يمر هيك منتخب على اسبانيا .. فيو كل هالبشر اللعيبة .. وان شا الله يطلعو بهي الكاس ..

[yass]

كاتب النص الأصلي : GOVERMENT

اخي اسبانية ماخرجا ..
دائما هيك بتحمسو بتحمسو بس مابوصلو اكتر من نص النهائي او الربع
بكأس العالم او بالأروبية
اسبانيا دوريا القوي ماعبينعكس مزبوط ع المنتخب عندن
وماشرط متل مابتوقع البعض انو ازا عندن دوري قوي وعالمي يكون منتخبن كويس
يالعكس
المنتخب الاسباني ماشي حالو نوعا ما
بس انو مابقدر يوصل اكتر من ربع النهائي كأحد اقصى



بعدين البطولة فرنساوية اكيددددد


ع الهامش * تأهلت البرتغال شي ؟

مزبوط كلامك... اسبانيا مشكلتها انو تروح عالبطولات حاطة أهداف لا على التعيين و جايين يحرقو الدنيي.. و غالبا السبب يكون لأنو تأهلو بسهولة, لكن هالمرة عندهون عامل مهم انو انشقو شقفتين لتأهلو+انو حاطين هدف انو يعدو ربع النهائي المشؤوم..و أنا بكتفي بهالقدر مشان حق التلفزيون مو مشان شي

و البرتغال أي تأهلت بعد ألف يا ويلات, بالمجموعة الأولى يمكن

[يمان Rooooonaldo]

ع الهامش * تأهلت البرتغال شي ؟

اي .. وبتوقع تكون من اكتر المنافسين ..

فرنسا مالها خبز .. عالاغلب مالها خبز ابدا .. وانتظرو منتخب .. جاية اسمو سويسرا

[Government]

اخي البرتغال شغلة من صغري بحبو لهالمنتخب رهيييييب
بس كمان متل اسبانيا حدو للربع النهائي

[yass]

لو بدك تشوف الخبر كلو

لسى الأسبوع الماضي حط هدفين يا زلمة شبك!! حضرت اللعبة عم قلك.. ازا عندو اصابة طفيفة أو تعب عضلي هاد شي تاني.. بس ما عندو اصابة بمعنى الأصابة القوية

دقيقة شوي .. وقت بتكون عم تحمل خسارة فريق كامل على لاعب واحد هاد شي غلط .. الكل بيعرف انو منتخب اسبانيا .. من اكتر المنتخبات المتقلبة بالمستوى .. يوم بتشوفا هيك ويوم بتشوفا هيك ..
المنتخب كان كتير سيئ بالتصفيات .. اول شي .. وهاد الحكي ما فيك تطبقو على راؤول وتحكي والله لو ما طلع او شي .. ما كان تأهلت اسبانيا ..

ما بتوقع انك متابع لكل المباريات لكن .. لانو راؤول بتشوفو اول مهاجم وعم تشوفو اول مدافع وقت بيرجع ..
ما بنكر مر عليه موسمين سيئين كانو من ناحية التهديف مانون من ناحية القدرة على الحركة ..
لهلا .. بتشوفو من اول المدافعين بالملعب .. وبيرجع كتير لورا ليستلم طابة من نص الملعب ويطلع .. يلعب باصات ..
ازا بيخسر الطابة .. بضل راكد ورااها .. يعني مابعرف الا ازا مدريد اللي بشوف لعبو انا غير مدريد اللي عندك بكون حكي تاني ساعت

أول شي افهام علي قبل ما تعملني عم طالع حكي من عندي.. جبت سيرة الدفاع أنا؟ قلتلك راؤول ما يدافع؟ قلتلك راؤول ما بيركض؟ عم احكي كم مرة بالمباراة الوحدة ينزل راؤول لنص الملعب يتلقى باص مو يدافع.. يتلقى باص و يبدا هجمو هو... يبنيها هو. كم مرة؟ ازا بتقلي أكتر من مرتين بالمباراة معناتو مزبوط نحنا نحضر مباريات مختلفة

بينما واحد نمس متل بيجا... بيركض من ورا الدفاع يستلم ع خط التلت رباع و يطحش.. أو واحد تور متل فيرناندو تورريس.. بينما راؤول لتستغل قدراتو بدك تحطلو أجنحة سريعة و بدك تحط وراه واحد يدافع مشان هو يقاتل بالمرتدات.. و معناة هالشي تغيّر خطة اللعب كلها تبعيت أراغونيس.. تبني فريق مختلف تماما كرمال راؤوليتو ياخد مجدو

هلا ما بعرف بس هون ما بعرف في شي اسمو ستايل لعبك وستايل لعب المنتخب ..بالاحرى كيف ..
انو ما فيك تقنعني انو كل اللعيبة اللي جوا .. عندا ستايل موحد .. حتى عم تقدر تلعب لا ..
وهي النقطة اللي قلت عليا انا .. فترت التحضير الماضية .. كفيلة شوي بانو تخلي اللعيبة تعرف النمط المفروض .. للعب لزلك انا قلت انو ضد رعجة راؤول على المنتخب .. لانو ما كان معهم اصلا .. بجوز يكون اي الو زمان مع المنتخب .. بس لا .. بما انو ما كان موجود فالافضل انو ما يتاخد كان .. بس نقطتي واعتراضي الوحيدين .. انو لازم يكون موجود .. بروح بيستدعيلي بوخان .. !! لا ما زبطت معي ابدا يعني ..

ليش بيتم اخد اللعيبة قبل بوقت ؟ وبيعملو تحضيرات لانو كل واحد بكون متعود عفريقة .. عطريقة لعبهم .. لزلك .. بيحاولو انو يفهمو عبعض ياخدو النمط اللي بدو ياه المدرب .. وبهي المرحلة بما انو راؤول .. ما عملها .. ما مفروض انو يتاخد كان .. !

مو صحيح هالحكي ... أول شي قلتلك ليش كان بدو يستدعي بوجان و ليش في شي اسمو تستدعي لاعب صغيرون يقعد احتياط و بين انك تجيب راؤول تقعدو احتياط و عم ترجعلي ع نفس القصة.

تاني شي.. كل مدرب الو ستايل لعب.. و هنن جايبين مدرب يجيب اللاعبين اللي بفكرو ممكن يزبطو ع ستايل لعبو و طريقة لعبو.. و راؤول و لعب راؤول ما بيطبقو ع طريقة ادارة اللعب لأراغونيس.. معناتو يا العالم تسكت و تسيبو لوحدو.. يا يشيلوه و يحطو واحد يجيب راؤول.. صارلو ست شهور يحكي هالحكي

و أخي طبعا الحق ع راؤول.. و عاللي كانو مع راؤول.. لما سيارتك ما تطلع غير للتمانين كيلومتر بالساعة و تجي تغيّر قطعة فيها و تصير تطلع مية و عشرين معناتو العطل كان من القطعة اللي غيرتها.. و بالنهاية هدول هنن اللي قدرو يتأهلو و اللي قاتلو ليتأهلو.. و ظلم كبير يطير أي واحد فيهون كرمال يفوت راؤول


المشكلة الكبيرة أنو أمر تقني عادي متل روحة لاعب عالمنتخب من عدمها عاملينها قضية و كأنو شرف راؤول هو النقاش... ياخي لاعب كبير و شو ما بدك.. بس هلأ ما فايت بحسابات المدرب.. و القرار للمدرب و انتهينا!

اول شي ... انت عم تقارن لاعب غويثا بلاعبين .. واحد بينهم اغلب الاياب ما لعبو تقريبا ..
تاني شي .. انا ما ضد انو هوة لاعب منيح نو بالعكس عم قلك انو لاعب روعة .. وحركي بس ما عندو هي الخبرة .. اللي تخليه يروح اساسي .. انا مع جدا انو ياخدو كانو .. كرمال يطلع لعيبة اسبان .. وكتير كنت مبسوط انو طلع هداف اسباني .. اخد هداف الليجا غير راؤول او توريس او اللي معروفين لانو المنتخب .. الاسباني مدبوح كتير بشغلة انو اغلب الفرق الكبيرة عم تروح تجيب لعيبة اجانب يكونو الهدافين ويكونو عناصر الفريق المربحة .. صعب انك تروح تحكي لايا نادي انو والله ما فيك تجيب لانو كل نادي عم يحاول انو يجيب احسن لعيبة عالميين جاهزين وما حدا عم يقدر يعطي كل هالفرص للعيبة .. لزلك ازا بتلاحظ طلعو قانون انو ممنوع يكون في بايا فريق يمكن .. اقل من عدد محدد من الاسبان .. ومن اوربا .. ومن العالم " ماني متذكر الارقام تمام "

بقا طلعتو كتير منيحة وان شا الله يتوفق .. ما بقلك لا .. بس بضل بقلك الخبرة بتلعب دورا بهيك بطولات ..
** منشان انو وقت وصل مع المنتخب كان بالمركز ال 5 لل 1 نط .. ما بتوقع الو هالدور الكبير .. لانو عحسب علمي مالو ولا جول معو كان .. او جول واحد ماني متذكر ..

عالحكي اللي بالاحمر.. مشان هيك جمعتهون مع بعض... بدك تقارن راؤول لحالو بداني غويثا أريحلي لألي بكتير

و داني غويثا عمل اكتر من اللي عم تحكي عنو ان كان بالدوري و ان كان بالمنتخب... و اشتغل بالتأهل منيح و حقو يروح.. هداف الدوري الاسباني محلاه ما يروح

و بآخر عشر سنين عالقليلة 4 هدافين طلعو اسبان.. و أنا فرحان ع لويس لأنو كل شي شب عم يطلع عم يعطيه فرصة بالمنتخب بدل ما ياخد المقدسين هدول اللي ما طلع منهون شي ع مدى سنين.. ع أيد لويس بالمنتخب طلعو ناس كتيرة و أخدو فرصتهون و هاد شي ممتاز للدوري الاسباني

و ما طاع قانون جديد... نفس القانون من عشرين سنة و ممنوع يتغير هالقانون.. انو لازم حد أقصى 4 لاعبين من خارج الاتحاد الأوربي... لذلك ضروري جدا يكون في مدرب منتخب يعطي فرص لمن يستحقها... العالم هون ملت أو اسبانيا تربح بطولات بالناشئين و الشباب و الأشبال و هاللاعبين ينتسو لأنو لا الفرق بتراهن عليهون و لا المنتخب يرفعهون... و كتير ضروري المنتخب يرفع لاعبين جدد اسبان لمصلحة الفوتبول الاسباني.. و بجهنم ما يربح بطولات.. هاد رأيي و رأي أغلبية اسبانيا.. لكن الضجة تبعيت راؤول هدفها أولا و أخيرا تجاري (80% من الضجة على الأقل) لأنو في شركات تجارية مثل شركة ريبوك مثلا حاطة بلاوي ألله مصاري ع راؤول حقوق دعاية و هلأ خسارة الهون ما يروح راؤول لأنو لو راؤول بالمنتخب كان بفترة هالشهرين لبين ما تنتهي البطولة عملو حملة اعلانية ضخمة جدا فيه.. و عم يخسرو مصاري (و هالحكي عينك عينك... مو نظرية مؤامرة انما حكي عالمكشوف بالصحافة)


يابا انتو شلة المدريد ما خرج ينحكى معكون بالفتبول

[yass]

كاتب النص الأصلي : GOVERMENT

اخي البرتغال شغلة من صغري بحبو لهالمنتخب رهيييييب
بس كمان متل اسبانيا حدو للربع النهائي

البرتغال حرام ما ربح البطولة الماضية.. خسر النهائي ضد اليونان

هالسنة تعذبو جدا جدا لتأهلو, و عندهون كرستيانو رونالدو شغال و بيبي دفاع رهيب جدا, و ديكو و ما ادراك ما ديكو .. بس وسط ملعب ما زيادة (عدا ديكو).. هون مشكلتهون الأساسية

[يمان Rooooonaldo]

ايواه .. مدريد .. وما مدريد .. بدك تناطح

ليك خيو ..

لسى الأسبوع الماضي حط هدفين يا زلمة شبك!! حضرت اللعبة عم قلك.. ازا عندو اصابة طفيفة أو تعب عضلي هاد شي تاني.. بس ما عندو اصابة بمعنى الأصابة القوية

اوك .. وانا حكيتلك حكيي عالخبر بس .. !!

أول شي افهام علي قبل ما تعملني عم طالع حكي من عندي.. جبت سيرة الدفاع أنا؟ قلتلك راؤول ما يدافع؟ قلتلك راؤول ما بيركض؟ عم احكي كم مرة بالمباراة الوحدة ينزل راؤول لنص الملعب يتلقى باص مو يدافع.. يتلقى باص و يبدا هجمو هو... يبنيها هو. كم مرة؟ ازا بتقلي أكتر من مرتين بالمباراة معناتو مزبوط نحنا نحضر مباريات مختلفة

اي اكتر من مرتين .. وبرياحة .. ما بقلك كل المباريات .. بس بينزل .. وبيلعب باصات كتير .. ما بعرف عم تشككني بحالي .. يعني الشي اللي كنت افرقو فيو وقت بدي قارنو برونالدو او ب فان انو كان يرجع لورا زيادة .. دائما يكون ورا وعم يستلم باص ويحاول انو يبني الهجمة .. ما بعرف !! بس !!!

تاني شي.. كل مدرب الو ستايل لعب.. و هنن جايبين مدرب يجيب اللاعبين اللي بفكرو ممكن يزبطو ع ستايل لعبو و طريقة لعبو.. و راؤول و لعب راؤول ما بيطبقو ع طريقة ادارة اللعب لأراغونيس.. معناتو يا العالم تسكت و تسيبو لوحدو.. يا يشيلوه و يحطو واحد يجيب راؤول.. صارلو ست شهور يحكي هالحكي

اوكي .. وانا قلتلك انو لزلك الفترة التحضيرية بتكون لحتى يتأقلمو مع الطريقة المفروضة والمطلوبة من المدرب .. لحتى يتاقلم .. مع اللعيبة ..

المشكلة انك مفكرني عم طالب انو راؤول يروح .. من اول ما بدينا عم احكي انا انو كنت ضد انو يطلع راؤول على اسبانيا وعالمنتخب .. خصوصي بهي فترة ما كان موجود فيا من قبل ..
بس نقطتي اللي حكيت عنا .. هوة انو ضد ينجاب واحد محلو .. ما عندو ايا شي من الخبرة ويفوت دغري بهيك بطولة بجوز انو ينجح .. بس بجوز انو يحترق كرتو .. !!

و أخي طبعا الحق ع راؤول.. و عاللي كانو مع راؤول.. لما سيارتك ما تطلع غير للتمانين كيلومتر بالساعة و تجي تغيّر قطعة فيها و تصير تطلع مية و عشرين معناتو العطل كان من القطعة اللي غيرتها.. و بالنهاية هدول هنن اللي قدرو يتأهلو و اللي قاتلو ليتأهلو.. و ظلم كبير يطير أي واحد فيهون كرمال يفوت راؤول

ضد 100% ما فيك تحكي ابدا وتحكم على فريق كامل من خلال لاعب واحد بس .. بتضل وجهة نظرك !

المشكلة الكبيرة أنو أمر تقني عادي متل روحة لاعب عالمنتخب من عدمها عاملينها قضية و كأنو شرف راؤول هو النقاش... ياخي لاعب كبير و شو ما بدك.. بس هلأ ما فايت بحسابات المدرب.. و القرار للمدرب و انتهينا!

القرار للمدرب اي .. بس النقاش بكون من الكل .. وقت بكون المدرب عم يشتغل صح كلو بيثني عليه بكون عم يغلط مفروض ينطرح الراي اللي ما عجبو الوضع وانت بتشوف ازا حكيو صح او لا ..

و داني غويثا عمل اكتر من اللي عم تحكي عنو ان كان بالدوري و ان كان بالمنتخب... و اشتغل بالتأهل منيح و حقو يروح.. هداف الدوري الاسباني محلاه ما يروح

^

اول شي ... انت عم تقارن لاعب غويثا بلاعبين .. واحد بينهم اغلب الاياب ما لعبو تقريبا ..
تاني شي .. انا ما ضد انو هوة لاعب منيح نو بالعكس عم قلك انو لاعب روعة .. وحركي بس ما عندو هي الخبرة .. اللي تخليه يروح اساسي .. انا مع جدا انو ياخدو كانو .. كرمال يطلع لعيبة اسبان .. وكتير كنت مبسوط انو طلع هداف اسباني .. اخد هداف الليجا غير راؤول او توريس او اللي معروفين لانو المنتخب .. الاسباني مدبوح كتير بشغلة انو اغلب الفرق الكبيرة عم تروح تجيب لعيبة اجانب يكونو الهدافين ويكونو عناصر الفريق المربحة .. صعب انك تروح تحكي لايا نادي انو والله ما فيك تجيب لانو كل نادي عم يحاول انو يجيب احسن لعيبة عالميين جاهزين وما حدا عم يقدر يعطي كل هالفرص للعيبة .. لزلك ازا بتلاحظ طلعو قانون انو ممنوع يكون في بايا فريق يمكن .. اقل من عدد محدد من الاسبان .. ومن اوربا .. ومن العالم " ماني متذكر الارقام تمام "

بقا طلعتو كتير منيحة وان شا الله يتوفق .. ما بقلك لا .. بس بضل بقلك الخبرة بتلعب دورا بهيك بطولات ..

لكن الضجة تبعيت راؤول هدفها أولا و أخيرا تجاري (80% من الضجة على الأقل) لأنو في شركات تجارية مثل شركة ريبوك مثلا حاطة بلاوي ألله مصاري ع راؤول حقوق دعاية و هلأ خسارة الهون ما يروح راؤول لأنو لو راؤول بالمنتخب كان بفترة هالشهرين لبين ما تنتهي البطولة عملو حملة اعلانية ضخمة جدا فيه.. و عم يخسرو مصاري (و هالحكي عينك عينك... مو نظرية مؤامرة انما حكي عالمكشوف بالصحافة)

ما بقلك لا .. عالاغلب هيك .. وفي جزء منن كان بدو ياها تكون هدية ختامية لراؤول .. ولزلك كنت ضد . لانو المنتخب مانو .. محل هدايا .. عاخر عمرك بتمر بتاخد منك اللي بدك ياه عحساب المنتخب نو ..
لزلك كنت ضد . وضد الحملة اللي صارت ..

[صياد الطيور]

يا خسارة يا مشرفنا الغالي

بس حلمك بشراء التلفزيون ما رح يمشي حالها
لأنو بمجموعتكن في منتخب حديدي هو المنتخب الفرنسي الي فقع اسبانيا بمونديال 2006 بألمانيا 3-1
وكمان بأمم أوربا رح يكرر هالنتيجة ( ويمكن أكتر ) ...

فرنـــــســـا