••• كــل يوم .. بيوم •••

[وشم الجمال]

كاتب النص الأصلي : *.• Roaa •.*

ابدك تعرفي شو السبب بالنحف \\ نشاط زياده - اكل قليل ..او وراثه \\ ...وبعدها بدك تحسبيها اذا نشاطك زياده بدك تحاولي تهدي وتصيري تحددي بغذائك الكربوهيدرات

هاد يا ستي ما بعرف اقعد باي قرنة بلا حركة بس شي مو بيدي وما بقدر خفف لانو من صغري وهالشي فيني الا اذا ربنا اخد مني هالشي ساعتها فيني ما اتحرك

[الموسيقار]

هلأا .. أنا دخولي مصرح فيه .. من قبل صاحبة الموضوع .. شنو حاصل ع شهادة خبرة .. بالمكأبة .. والي نظرطي بجمال الصبية (إجباري)

أنا رح أبحث بموضوع تأثير الفصول .. ع تجميل الصبية .. (والشب إزا حب )

هلأ نحن بالربيع .. و لح يتركز حكينا عن الربيع .. كيف تتعامل الصبية معو


ومنبلش بالميكـ آب .

[Roaa]

كاتب النص الأصلي : الموسيقار

هلأا .. أنا دخولي مصرح فيه .. من قبل صاحبة الموضوع .. شنو حاصل ع شهادة خبرة .. بالمكأبة .. والي نظرطي بجمال الصبية (إجباري)

أنا رح أبحث بموضوع تأثير الفصول .. ع تجميل الصبية .. (والشب إزا حب )

هلأ نحن بالربيع .. و لح يتركز حكينا عن الربيع .. كيف تتعامل الصبية معو


ومنبلش بالميكـ آب .

عطيناك الضو الاخضر ..

[الموسيقار]

SPRING MAKE UP

أكيد منعرف أنو الربيع هو أكتر فصل بتجوهر فيه الألوان .. وبتضهج وبتعطي ألق كتير حلو ..

لذلكـ (لازم يكون الميكـ أب رد فعل للبيئة ) هي قاعدة عامة بالمكياج بشكل عام . .

كيف يعني ؟

يعني أنو لازم الصيبة الحلوة .. تعمل الميكـ أب بحيث أنو يعكس الحالة البيئية اللي حواليها ..

يعني أنا لما تكون الدنيا ربيع .. وشوف الصبية حاططة ميكـ أب فيه الكيوي والفوشي .. والموتارد .. وهي ألوان طبيعة ربيعية . رح تولد عندي شعور بأنو هي جزء من الطبيعة اللي حواليها .. ومن الطبيعي أنو الشي المستوحى من الطبيعة بيلفت النظر ..


بعدين العين بتكون تعبانة من الوان الشتا الباهتة ف بتشوف بألوان الربيع شي بيشدها ..


بالنسبة للفوندتان أو الفاونديشن أو الأساس ..

بتصور أنو الفوندتان لازم يكون خفيف وفاهي .. بشكل عام .. سواء عند البشرة السمرا أو البيضا .. لأنو البشرتين بيعطو ألوان طبيعية بالأصل ..

بس أكيد ازا الوحدة سودا .. أنو سامحونا .. ما جربت أتعامل مع سودا .

(ملاحظة ع جنب . لا تفكري تعدلي بلون بشرتكـ .. قد ما كنتي سمرة أو بيضاا .. لأنو بالنهاية كل لون بشرة والو رونقه .. اسمعي مني أبتندمي )

هلأ أنا شخصيا شوف الصبية مستعملة بيس كونسيلر رطب .. أو تحط مرطب لتعطي حيوية لبشرتا قبل الفوندتان

لأنو البيس متل ما بتعرفو غير موضوع تغطية العيوب .. بيعطي روح الميكـ أب كـ كل ..

وفي بيس رطب للعيون وللشفايف .. وللوجه

هلأ هون الفوندتان بتصور أنو أفضل شي بما أنو استعملنا البيس الرطب . .أنو يكون كمان رطب . .

ويكون أويل فري بالنسبة للبشرة الدهنية .. وفلويد بالنسبة للجافة .

والسائل بيني وبينكون أحسن من الكريم .. وهلقصص أنا عم نفسي كتير بحب الصبايا اللي بيحطو سائل ..



بالنسبة للباودر .

أكيد كتير الباودر مهمة .. بهالفصل .. لأنو هي الي بتعطي تدرج اللون للبشرة اللي بيخلق تضاد حلو .. و تأثير حلو للعين ..

أنا بفضل كمان يكون لون الباودر مستوحا من الطبيعة بشكل صارح حتى لو كان شوي فاقع بالتأثير مو مشكلة ..

وفي بودرة ع شكل حبيبات .. هي بظن هي الأفضل .



كتير بالربيع لازم تحافظي ع انطلاق بشرتكـ وحيويتها .. وضجتها .. عكس الشتا والخريف .. اللي لازم نستخدم فيها العناصر المات .. أكتر شي ..



ومنرجع منحكي بموضوع الظل والأي لاينر والماسكارا والليب ستيكـ لأنو ما عندي وقت هلئ ..

ع كل حال كل شي مرق كان معلومات .. كان عام .

أنا برد ع اي تساؤل تفصيلي ..




و نحن بخدمة الأمامير ..

هاد أطول موضوع بشتغلو .. بأخوية ..... يي شو بتعزبو نمــّـلت ايدي .

[Gazita]

عذبناك معنا ميدو

[Reemi]

هههههههههههههههههه
هلق الدوائر بودره؟؟؟


كنت دائما شوفهون بالمحلات واستغرب شو هني...بصراحه كنت مفكرتون شدو

[بـحــر]

ايه هدول الدوائر بلاشر ...ملون مستحيل يكونو باودر ... لأن الباودر بيكون الها شكلين اثنين لا غير يا ما بودرة حرّة يعني loose powder لوس باودر هي بتنحط بعد كريم الأساس وتحت العيون مشان الأي شادو ما يبقع تحت العين ... أوcompact powder كومباكت باودر هي الي بتنحط لحالها بعد الترطيب ...

[Roaa]

هالمره انو تأخرت كتير ..

بس الوقت وما ادراكن \\ مالوقت ....

بس كم شغله اليوم عالماشي ....
قلم الكحله .. هلا في طريقتين بتحطي فيها الكحله جوات العين ..

1× والعين مسكره انو مدري كيف \ مالقيت صوره \ .. بس انو تعتبر فيها العين مسكره شوي

وانتي بتحطي او بتسحبي بالقلم من اليمين لليسار وبتعيدي ....

2× الطريقه التانيه والعين مفتوحه.. واصبع من اصابعك ماسكه فيه من تحت العين

حتى تعرفي ترسمي من غير طلعه ونزله ..

مالقيت صوره ..

بس بنجي للشغلتين هدول الاولى .. ما كتير بتطلع بجمال الخطوه التانيه ..

بس مشكله الخطوه التانيه انو وضعك بشد ماتحت العين حتى ماترف عالمدى الي حيجي بتسبب

تجاعيد مبكره لتحت العين ....


.................................................. ................


منجي لتاني شي الا وهوو السبريي ..

وكمان كيف بنرشو ... هلا السبريي للشعر مضر بيني وبينك

وبصيب الشعر بالجفاف .. بس الي لازم تعرفيه كيف بتختاريه وبتحطيه بالطريقه الصح ..

نصايحي الك ..


×لضبط شكل الشعر ..

ومنحه أقصى تماسك: ما ا ترشي السبريي على منطقة وحدة ورشيه بعدة طبقات خفيفة على الجزء اللي بدك يحتفظ بشكله لمده طويله
.


×لمزيد من اللمعان:

رشي طبقة خفيفة من السبريي اللي بيجعل الشعر لامعا حول الشعر فبتكون التسريحة متماسكة والشعر لامع.


×لحجم أكبر وشكل أجمل:

اقلبي رأسك لتحت بعدها رشي السبريي قريب من الجذور بعدها ارفعي رأسك ورشي طبقة خفيفة حول الشعر.


.................................................. .....


وعالماشي كمان شغله .. حلوة للصبايا ..




فراشي الميك اب واستعمالها ..


فرشاة لتوزيع كريم الأساس



فرشاة خافي العيوب



فرشاة احمر الخدود



فرشاة تمشيط الحواجب




فرشاة ظلال




فرشاة لدمج الوان الظلال



وهيك ... خلصت ..

..

بشوفكن بالوقت المستقطع القادم ..

[حالة حب]

يعطيكي العافيه رؤى
بس مشان الآي لينرeyeliner
ما بعرف استخدمو بالمره
فيكي تقليلي شو الطريقه الصح

[Roaa]

واخيرا لقيت صور ..

هلا بتحطي الاي لاينر .. من زاويه العين من جوا .. وبتشدي بالايد التانه من فوق .. متل الصوره
وبتكملي الرسمه للطرف التاني .. بطول خط الرموش الي فوق ..بسرعه ..
لحتى تصلي للزاويه .. التانيه ..






اذا كانت عيونك صغيره ..
انتبهي ما تخططي الرموش .. لي تحت بس استعملي ظل عيون يكون لونو فاتح .. بعدها بتستخدمي قلم ابيض وارسمي جوا العين لانو الرسم جوا العين بوسع العين .. الصغيره ..بعدا بتستعملي الماسكار ..للرموش .. وخلص

للعيون الكبيره ..
بقلم الكحله السودا .. بترسمي من الزاويه الداخليه للعين .. الي تحت .. بعدا الماسكارا .. من فوق وتحت الرموش \\ بس ..


بتقدري تستخدمي الظل لرسم العين بدل الكحل السائل بواسطة الفرشاة الخاصه برسم العين فرشي عليهشوي من ظل العيون الغامق وابدي بالرسم بخفه



خططي الرموش الى تحت بقلم الكحله على الحافة الداخلية السفلى للعين الى الركن الداخلي للعين هيكه ..

[Roaa]

up ..


لانو حيتحضر شي جديد ..


+ اذا شي صبيه بدها شي معين ..

[بلاك 1]

لك وينك يارؤى اشتقنالك وشتقنا لكلامك ونصايحك العسسل لاتطولي علينا

[Roaa]

لـ يلي حابين يعرفو كم شغله عن ازاله الشعر بالليزر ..

قــــبـــــل الـــعـــلاج :

• انتبهي اول شي من التعرض للشمس قبل العلاج ب4-6 اسابيع ..

• بدك تبعدي عن ازاله الشعر \\ نتف \\ شمع \\ استئصال بالكهربا كمان قبل 6 اسابيع

• اذا عندك قبل اصابه بشي متل الهربس .. لازم تخبري الدكتور .. لحتى يعطيكي دوا للوقايه منه

• اصحاب البشره الغامقه .. بيعطوهن دوا قبل العلاج ..

• قبل يوم او يومين من عمل الليزر لازم تحلقي المنطقه الي رح تتعالج ..

• ممنوع منعا باتا تعملي برونزاج قبل الليزر ب6 اسابيع عالاقل

____________________

بـــعـــد الـــعـــــلاج :

• ممكن يكون في احمرار شوي ..
  

• بحطو كمادات مي بارده .. لمده 5-10 دقايق .. لتخفف الالم والاحمرار ..

• فيكي تستعملي كريم من الكورتيزون بعد الكمادات . \\ اذا كان الاحمرار كتير لمده يومين بس \\

• فيكي طبعا تتحممي .. بس بدون حك للمنطقه المعالجه ..

• فيكي تستعملي ادوات التجميل بعد يوم واحد

• بعد 5-15 يوم من ازاله الشعر بالليزر حيطلع شعر غامق عالجلد .. وهيدا بكون الشعر الي تمت معالجته
  

• فيكي تزيليه بدون اي مقاومه .. متل مسحه بمنشفه ومي \\ كمثال\\

• لاتنسي تطبيق الواقي الشمسي بشكل متكرر ولمده عده اشهر ..

• ممكن ينعطى لبعض المرضى كريمات مبيضه للبشره بين جلسات الليزر ..

• طبعا كمان ممنوع ازاله الشعر ب\\ النتف - التشقير - والشمع ... الخ \\ حتى الجلسه الجايه...
  

[Roaa]

عالسريـــــع



عيونك صغيره .. ؟؟

اذا حابه يبينو اكبر عندك طريقتين ..

اما بالكحل الاسود .. انك ترسمي جوا العين نص العين بس ..

هالشي بيعطيهن شكل اكبر ..\\ بتصير تفتيحه عينك تعطي شكل اكبر ..

او تستعملي قلم كحله ابيض .. كمان بيعطي تكبير للعين ..

[أحلى صيدلانيه]

يعطيكي العافيه رؤى بصراحه موضوع مميز ومفيد كتير

بس بدي اسأل ازا فيكي تحطيلنا طريقه استشوار الشعر وتصفيفو بيكون احسن

بصراحه نفسي شي يوم اعمل شعري بنفسي

تعبت من الكوافيرات

وميرسي كتير الك رؤى

[Roaa]

كاتب النص الأصلي : أحلى صيدلانيه

يعطيكي العافيه رؤى بصراحه موضوع مميز ومفيد كتير

بس بدي اسأل ازا فيكي تحطيلنا طريقه استشوار الشعر وتصفيفو بيكون احسن

بصراحه نفسي شي يوم اعمل شعري بنفسي

تعبت من الكوافيرات

وميرسي كتير الك رؤى

اسفه تأخرت بس ما توقعت حدا ينتبه عالموضوع lol:..

هلأ .. كم شغله لازم تعرفيهم انو سشوار الكوافيرات لو استخدميه انتي ممكن تحرقي شعرك ..

لأنو الكوافيرات بيعرفو عالاكيد الوقت واديه بدو يضل مسلط السشوار عالخصله وهيك ..

هلأ اني كيف بدي اشرحلك مابعرف .. بيلزم الموضوع صور او شرح ادام العين

بس من الاشيا المتعارف عليها انو لازم تقسمي شعرك لخصل

وبدك تنتبهي ما تكتري حتى مايحترق شعرك او يتقصف بسرعه

واذا كنتي بتستعملي السشوار كتير لازم قبل ما تسشوري شعرك تستعملي بلسم للترطيب

بتمنى كون ساعدتك شوي ..

[MaTyA]

على سيرة السشوار بدي اسأل سؤال..

السشوار بيأثر على جلدة الجبهة..يعني ممكن يسبب انو تطلع تجاعيد على بكير وهيك؟

ما بعرف اديه هالشي صحيح..

[sandra]

رؤى اول شي مبروك الأسم الجديد
هلا أنتي حكيتي عن إزالة الشعر بالليزر ...
عم اسمع كتير عن مضارو ونتايجو العكسية ... شو السبب بيكون ؟ يعني في شي غير المتعلق بالنصايح اللي ذكرتيها وسوء استخدامها
وفي شغلة تانية ... مرة سمعت أنو إزالة الشعر بالكهربا أفضل ... شو هالطريقة هي ؟