الشام بدون ماكدونالز وكنتاكي !!

[Government]

أو (( الطازج )) هادا موجود تقريبا بالسعودية و بدول الخليج ...

الطازج
يحرق اختو هالمطعم اكلت منو مرتين بحياتي وماعاد دقرتو
شي بقلب المعدة من القرف عندو .. وياريت طيب .. شي يعني زبالة بالمرة

[بـحــر]

الطازج
يحرق اختو هالمطعم اكلت منو مرتين بحياتي وماعاد دقرتو
شي بقلب المعدة من القرف عندو .. وياريت طيب .. شي يعني زبالة بالمرة

اه إذا أنت عايش برا السعودية ممكن يكون هالحكي صح ... لأنو سمعت أنو حتى بالإمارات ماهو بنفس مستوى الي موجود بالسعودية ...
على كلن ..
أهل الخيلج يا ناس يا عالم ... الفاست فود بالنسبة لألون تحصيل حاصل لأنو الأكل الأساسي و الرئيسي لازم يكون محتواه رز و لحمة ..بعدين في مليون أكلة عربية بياخدوها من المطاعم العربية أكل سوري و لبناني و مصري و حتى اكلات ايطالية أو اوربية ..بس المطاعم الأميريكة مشهورة لكثرة و تعدد الجنسيات الموجودة داخل دولهم ..
و طبعا لازم ما تنسو الانفتاح و التجارة الخارجية و العالمية لأنو متل مافي مطاعم أميريكية في كمان مليون ماركة ملابس أو أحذية ...إلخ مو موجودين لا بسوريا و لا بنص الدول العربية ...

[jina2009]

اي والله بالشام في مطاعم احلى من ماكدونالز وكنتاكي وبيتزا هات
مليان مطاعم همبرغر على كيف كيفكون مالنا مضطرين يعني ناكل فيون
اطيب بيتزا بتلاقيها بأحسن مطعم بالشام واطيب شاورما وفلافل
ماوقفيت عند هدول المطاعم يعني
وبعدين خلينا نقاطع امريكا بشي ...فهمنا الدخان مافينا
بس المطاعم منقدر نتحمل
بس كنتاكي بتصور انو صار في بالشام صح ياجماعة؟؟؟
انا بتذكر اني لمحت كنتاكي..مو؟؟

[jina2009]

وين اطيب واحد بيبيع فلافل بالشام؟؟شو اسمو
واطيب شاورما وين بلاقيها
والله شتهيت الشاورما
ياجماعة اللي بسوريا يبعتلي شي سندويشة والله شهيتوني

[مايسترو]

في ماكدونالدز بسوريا؟


ما سمعت فيه


مايسترو

[المحارب العتيق]

أحلى شي كل يلي ذكروا فلافل على كيفك . وفلافل على كيفك بالمزة جبل طلعة ال86 يلي معروفين مين سكانها . يعني الواحد بس يجي على الشام بيروح متل السايح مابيروح برا لعند ماكدونالد هو بيروح لعند فلافل على كيفك
بعدين شو ماكدونالد وما ماكدونالد . شو نسيتو أنو بدنا نحاسب أميركا متل ماجمدت أرصدة رامي مخلوف . وأنو قرارنا الوطني أعلى من أي قرار
على الهامش : ليش بيرضوا يفتحو بسوريا بالوضع الحالي . لو بيرضوا يفتحوا لكنا عطيناهم كل التسهيلات . مشان نضحك على حالنا قبل العالم أنو وضعنا بخير . ومستقبل أقتصادنا بخير . وماعلينا أي حصار
بعدين وكيل كنتاكي بسوريا كويتي مو سوري لأنو أدارة الشركة مابدها تعطي الوكالة لشي منتفع سوري أمثال رامي مخلوف . ومو موجود كل الأكلات عندون ياحزركم ليش ؟: لما سألتون بالمطعم عن السبب قال لأنو في أكلات بيدخل بتركيبتها المخلل . والمخلل ممنوع أستيرادو بسوريا . والشركة مابتعمل أي شي الا بمنتجاتها
عمار يابلدي عمار

[waleeeeeedo]

الشام مليئة بالمطاعم المميزة حتى مافيني احصرها او اعددها
وبذات الوقت مو غلط انو يكون بالشام مطاعم متل بيتزا هت ، دومينوز بيتزا ، تشيليز ، روبي تيوزداي ، فرايداي ، آبل بيز ، ناندوز ، موتشو ، هارديز ، برغر كينج ، الماك ، وغيرها الكثير الكثير
شو المانع ... ؟؟!!
وللمعلومية : دجاج كنتاكي الشام ، افضل من اللي بجدة ... لكن السعر مضاعف وهذا عيبه!!

تقبلو مروري ،، لكم تحياتي

[روحي فداك يا شهبا]

أنا عايش برا سوريا وقليل كتير لآكل ب كنتاكي وماكدونالدز

والله أكتر الأحيان بكون معزوم يعني مغصوب

والله ديك الجن وسندباد بحلب أطيب بمليون مرة من كنتاكي ( وأرخص بكتير)

[حالة حب]

كاتب النص الأصلي : مايسترو

في ماكدونالدز بسوريا؟


ما سمعت فيه


مايسترو

حظك حلو احسنلك

[judi]

عزيزتي أنا كنت مضيفة طيران و عشت بدولة خليجية سنتين و كنت متلك مفكرة انو هي المطاعم ضرورية لحد ما قريت أكتر عنهن و عرفت شو مكونات الوجبات و بلا مزح من وقتا كل ما انذكرو بتقلب معدتي.بكل دول العالم اللي رحتلا في ماكدونالدز و مع اني جربتن تقريبا كلن كنتفضل الأكل الشعبي بكل بلد. يعني الأكل الصيني او التايلاندي او الهندي او السوري او المصري أفضل بما لا يقارن بالطعم و القيمة الغذائية.الأكل لاسريع أصلا مرض العصر و لو تعرفي انو اللي بيعطي الطعمة اللي مدووخين فيها للماكدونالدز و الكنتاكي فوود هوه البهارات و المايونيز و الكاتشاب و الدهون الحيوانية اللي بيحشوها فيها يعني كل شي زبالة و ما لازم أصلا ناكله كنت عرفتي قيمة صحن الحمص او سندويشة الفلافل. بلدنا ممكن أفقر من دول بتعتمد عالماكدونالدز لأنو أسرع و أرخص وجبه فيها بس القيمة الغذائية و الإجتماعية بالأكل الشعبي أكتر بآلاف المرات. بالخليج الأطفال كلن بعمر أقل من خمس سنين عندن بدانة مفرطة و لما بتشوفيهن بيطر عبالك كل أنواع المخلوقات الا الأطفال بسبب هالأكل الفاضي المليان أذى. أنا برأيي الشخصي او عدم وجود مطاعم متل ماكدونالدز علامة حضارية بسوريا خاصة اذا رحتي عمحلات الوجبات السريعة اللي عندا كل أنواع الوجبات ممكن متل ماكدونالدز حتى بس بطريقة شعبية و سورية خاصة متل وجبة شرحات مطفاية او وجبات طبخ جاهزة فيها الفريكة و الباميا و الكوسا بلبن. بدك دلك عالمطاعم مستعدة...مرايا عند السبع بحرات و دمشق القديمة للوجبات السريعة.
عزيزتي كل أصدقائي الأجانب لما بيجو على سوريا من سويسرا و ألمانيا و مصر و الباكستان حتى بيقضو نص الوقت بسياحة طعام بين تبولة و فريكة و فتوش و كنافة و كبة و حمص و فتات و غيرو غيراتو و بيقولولي انو انتو شعب بتحتفلو بالأكل و كأنو وحدة من معالمكن الحضارية متل الصين و اليابان و بدك نلغي مطاعم صحية كويسة و نغزي البلد بماكدونالدز تافه و مؤذي للصحة؟؟؟
بلدنا بلد مو متل أيا بلد و صدقوني وين ما رحتو ما في متلا
سلام

[HashtNasht]

كاتب النص الأصلي : judi

عزيزتي أنا كنت مضيفة طيران و عشت بدولة خليجية سنتين و كنت متلك مفكرة انو هي المطاعم ضرورية لحد ما قريت أكتر عنهن و عرفت شو مكونات الوجبات و بلا مزح من وقتا كل ما انذكرو بتقلب معدتي.بكل دول العالم اللي رحتلا في ماكدونالدز و مع اني جربتن تقريبا كلن كنتفضل الأكل الشعبي بكل بلد. يعني الأكل الصيني او التايلاندي او الهندي او السوري او المصري أفضل بما لا يقارن بالطعم و القيمة الغذائية.الأكل لاسريع أصلا مرض العصر و لو تعرفي انو اللي بيعطي الطعمة اللي مدووخين فيها للماكدونالدز و الكنتاكي فوود هوه البهارات و المايونيز و الكاتشاب و الدهون الحيوانية اللي بيحشوها فيها يعني كل شي زبالة و ما لازم أصلا ناكله كنت عرفتي قيمة صحن الحمص او سندويشة الفلافل. بلدنا ممكن أفقر من دول بتعتمد عالماكدونالدز لأنو أسرع و أرخص وجبه فيها بس القيمة الغذائية و الإجتماعية بالأكل الشعبي أكتر بآلاف المرات. بالخليج الأطفال كلن بعمر أقل من خمس سنين عندن بدانة مفرطة و لما بتشوفيهن بيطر عبالك كل أنواع المخلوقات الا الأطفال بسبب هالأكل الفاضي المليان أذى. أنا برأيي الشخصي او عدم وجود مطاعم متل ماكدونالدز علامة حضارية بسوريا خاصة اذا رحتي عمحلات الوجبات السريعة اللي عندا كل أنواع الوجبات ممكن متل ماكدونالدز حتى بس بطريقة شعبية و سورية خاصة متل وجبة شرحات مطفاية او وجبات طبخ جاهزة فيها الفريكة و الباميا و الكوسا بلبن. بدك دلك عالمطاعم مستعدة...مرايا عند السبع بحرات و دمشق القديمة للوجبات السريعة.
عزيزتي كل أصدقائي الأجانب لما بيجو على سوريا من سويسرا و ألمانيا و مصر و الباكستان حتى بيقضو نص الوقت بسياحة طعام بين تبولة و فريكة و فتوش و كنافة و كبة و حمص و فتات و غيرو غيراتو و بيقولولي انو انتو شعب بتحتفلو بالأكل و كأنو وحدة من معالمكن الحضارية متل الصين و اليابان و بدك نلغي مطاعم صحية كويسة و نغزي البلد بماكدونالدز تافه و مؤذي للصحة؟؟؟
بلدنا بلد مو متل أيا بلد و صدقوني وين ما رحتو ما في متلا
سلام

يا جماعة اللي بيفهم بريح

[ابو ريتا]

ليش بسوريا في أحسن من كنتاكي ومكدونالدز ، اي كل محل شاورما أو بروستد عنا بالبلد بيسوا كل محلات أمريكا وأوربا

[whiterose]

مافي مافي ماكدونالدز بسوريا

[حالة حب]

كاتب النص الأصلي : judi

عزيزتي أنا كنت مضيفة طيران و عشت بدولة خليجية سنتين و كنت متلك مفكرة انو هي المطاعم ضرورية لحد ما قريت أكتر عنهن و عرفت شو مكونات الوجبات و بلا مزح من وقتا كل ما انذكرو بتقلب معدتي.بكل دول العالم اللي رحتلا في ماكدونالدز و مع اني جربتن تقريبا كلن كنتفضل الأكل الشعبي بكل بلد. يعني الأكل الصيني او التايلاندي او الهندي او السوري او المصري أفضل بما لا يقارن بالطعم و القيمة الغذائية.الأكل لاسريع أصلا مرض العصر و لو تعرفي انو اللي بيعطي الطعمة اللي مدووخين فيها للماكدونالدز و الكنتاكي فوود هوه البهارات و المايونيز و الكاتشاب و الدهون الحيوانية اللي بيحشوها فيها يعني كل شي زبالة و ما لازم أصلا ناكله كنت عرفتي قيمة صحن الحمص او سندويشة الفلافل. بلدنا ممكن أفقر من دول بتعتمد عالماكدونالدز لأنو أسرع و أرخص وجبه فيها بس القيمة الغذائية و الإجتماعية بالأكل الشعبي أكتر بآلاف المرات. بالخليج الأطفال كلن بعمر أقل من خمس سنين عندن بدانة مفرطة و لما بتشوفيهن بيطر عبالك كل أنواع المخلوقات الا الأطفال بسبب هالأكل الفاضي المليان أذى. أنا برأيي الشخصي او عدم وجود مطاعم متل ماكدونالدز علامة حضارية بسوريا خاصة اذا رحتي عمحلات الوجبات السريعة اللي عندا كل أنواع الوجبات ممكن متل ماكدونالدز حتى بس بطريقة شعبية و سورية خاصة متل وجبة شرحات مطفاية او وجبات طبخ جاهزة فيها الفريكة و الباميا و الكوسا بلبن. بدك دلك عالمطاعم مستعدة...مرايا عند السبع بحرات و دمشق القديمة للوجبات السريعة.
عزيزتي كل أصدقائي الأجانب لما بيجو على سوريا من سويسرا و ألمانيا و مصر و الباكستان حتى بيقضو نص الوقت بسياحة طعام بين تبولة و فريكة و فتوش و كنافة و كبة و حمص و فتات و غيرو غيراتو و بيقولولي انو انتو شعب بتحتفلو بالأكل و كأنو وحدة من معالمكن الحضارية متل الصين و اليابان و بدك نلغي مطاعم صحية كويسة و نغزي البلد بماكدونالدز تافه و مؤذي للصحة؟؟؟
بلدنا بلد مو متل أيا بلد و صدقوني وين ما رحتو ما في متلا
سلام

انا ماعم بحكي شي عن سوريا
انا سوريا على راسي
هي جنتي
بس معلش خليني اسالك سؤال
سندويشة الشاورما يلي بالشام كتير احسن من اكل كنتاكي ؟؟
والله ياما تسممت من بعد ما اكلتها
وما حدا يقلي من المطعم
المطعم راقي وعين الله عليه
بضل هي ازواق ومبادئ لكل شخص

[judi]

للحقيقة الشاورما أطيب من كنتاكي بس متلا متل الماكدونالدز و كنتاكي مليانة دهون وأنا من أكتر من 10 سنين ما أكلت شاورما. أذا بتنتبهي عاللي كتبتو أنا ما كتبت ولا مرة شاورما. كتبت فلافل و حمص ,كوسا بلبن و أكلات شعبية تانية........

[المحارب العتيق]

يعملو ماكدونالد وكنتاكي وبعدين يلي مابدو لا يروح . كل شخص حر ياكل ويلبس يلي بيريحو

[whiterose]

كاتب النص الأصلي : المحارب العتيق

عمار يابلدي عمار

مين عمار؟؟ليكون ابنو لأبو عمار

[يمان Rooooonaldo]

سندويشة الشاورما يلي بالشام كتير احسن من اكل كنتاكي ؟؟
والله ياما تسممت من بعد ما اكلتها

بلشتي تقربي عالمحظور ها ... كلشي الا .. الشاورما ..


خط أحمر هاد ..