الحضارة العربية لم تنتهي الا انها في حالة ركود !؟

[yass]

طيب....


بدي أول شي قول شي شخصي.. ما اعتقد من حقك تحتد عالعالم و تطالب بالدقة لما الكلام ما يعجبك لما كلامك أقل ما يقال عنو انو مو دقيق و في أحسن الأحوال ممكن نقول عنو انو استغبائي لأنو فعلا أحيانا بحس انو حضرتك عم تستغبي العالم

من كذا رد سؤالي واضح: اليهود قومية و هالقومية سامية؟؟ اليهود ساميين؟

كملاحظة لغوية... ناشيوناليسم تعني قومية و ليس وطنية, وطنية كمصطلح ممكن تقول عنو باتريوتيزم... و اذا بدك نجيب الجذور اللاتينية لكلا الكلمتين و نقعد نناقش فيهون

نحكي شوي عن الظرف التاريخي؟ أوكي..

هلأ عم تقول حضرتك انو اسلام و مسيح اجتمعو مشان ينهو حكم العثمانيين... طيب خلونا نحكي شوي عن هديك الفترة... أو أول شي خلونا نحكي شغلة بسيطة عن المبدأ الأساسي في نشأة القومية.. بزماناتي نزلت مقالة فيك تشوفها

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

شرحت فيها ببساطة الفكر القومي... و فيها ناقل وحدة من مسلمات علم الاجتماع السياسي القائلة بانو كل فكر قومي انما هو ناشئ عن فكر قومي آخر.. منيح.. خلينا نسقط هالفكرة على ظروف نهاية القرن 19 بالشرق الأوسط..

بالدولة العثمانية المريضة كان مبلش يتعاظم الشعور القومي التركي على حساب دولة الخلافة الاسلامية , وهون يجب التنويه انو اضطهاد القوميات غير التركية أخذ يتعاظم و يأخذ أشكال عنيفة جدا ان كان بالشرق الأوسط أو بالمناطق الأخرى الواقعة تحت وطأته.. تعاظم الشعور القومي خلق.. أو بالاحرى عظّم, الشعور القومي لدى الشعوب غير التركية بسبب شعورها بالتهميش..و بدأت بالظهور عدة افكار تحررية من الأتراك و للمفارقة ما كانت القومية العربية الا واحدة من عدة أفكار و بدأت بلبنان على يد النخبة الثقافية المارونية.. بمصر مثلا بهديك الفترة كانت فكرة الحنين الى أيام الدولة الفاطمية أكبر من الدعوة للقومية العربية..

نقطة التحوّل بدأت مع ظهور الشريف حسين كقوة تحرر و تبنيّه للفكر القومي العربي كمجرد تبرير لتحالفه مع غير مسلمين ضد العثمانيين الذين هم مسلمون مثله... و هنا بدأ الفكر القومي العربي, و الشعوب المسحوقة كالعرب انضوت تحت لواء الثورة لاشتراكها بعدو مشترك ليس أكثر.. و هنا بدأ تزوير التاريخ باستخدام مصطلحات مطاطة مثل السامية و ضبابية الارتباط بين العروبة و الاسلام..

لا يوجد أي دليل و أي نص أو قصيدة أو أي شيء يتحدث عن الوحدة الوطنية بين "المسلمين و المسيحيين" تحت لواء العروبة قبل القرن 19. أليس الشعر مرآة العرب؟ لا يوجد أي شيء

العرب ساهمو كجزء من حضارة اسلامية تسمت أسماء عديدة و حكمت من قبل أنوية قوى عشائرية و قومية مختلفة.. لكن لب الوحدة. مغزى اجتماع هذا التجمع من البشر هو الاسلام كدين و ليس القوميات...

و اذا أردنا أن نصر على أن ننسب للعرب ما ليس ملكهم فقط بل انهم شركاء في ذلك.. و أقررنا بأن هذه قومية عربية و هذه حضارة عربية.. فعلينا ان نقول ايضا أن النصر الذي يتغنى به القومجيون العرب, ألا و هو معركة حطين و تحرير القدس, تم على يد صلاح الدين الأيوبي الكردي, وريث الدولة الزنكية التي هي دولة كردية كذلك... ان أردنا التقسيم كقوميات فلنقسّم كل شي... أليس كذلك؟ أم أننا ننسب للعرب كقومية لأن ذلك يناسبنا لكن عندما تأتي القوميات الأخرى لتفعل نفس الشيء نقول لأ.... هذه حضارة اسلامية... اسلامية للجميع يا صديقي.. صلاح الدين تصرّف من منطلق اسلامي مثلما تصرف العرب الذين عاشو في ظل الاسلام... و لم يعملو لأجل العروبة..




العروبة ماركة تجارية منتهية الصلاحية.. و سبب انتهاء صلاحيتها هو كثرة استعمالها و تضخيمها و اعطاءها بعدا لا تملكه... لو اتصفنا بالواقعية و حافظنا على العروبة كاطار ثقافي عام, كنقطة التقاء لغوي بدل اقحامها في التاريخ بشكل شبه قسري لاثبات ما لا اعلم ما هو... لكان من الأفضل للجميع

[التقرير الجوال]

هي بسرعه منشان هدّي من روعك شوي

Nation أمه .. شعب .. دوله كمان Nationality تعني المواطنه و الجنسيه
Nationalism تعني القوميه او الوعي القومي يللي بيأيد قوميه معينّه .. هي يللي كنت عم تسأل عنها


اما Patriot فهي بالذات وطني حتى النخاع .. محب لقوميتو
أما عن Patriotesm فمدري من وين جايبها هالكلمه و كيف صغتها لأنها مو مذهب بس فيك تقول Patriotic يعني انسان وطني منادي بالقوميه .

تذكرت روايه كل شوي البطل فيها بينادي بصيحات و هتافات منها Hey Patriot's يعني ايها الوطنيين .

و بعدين بالمصطلح السياسي للقوميه هيك بيقولوا افهمها بقى Nationalism و روح دوذر عتها .

خليني كفي قرايه كلامك

[yass]

Nation أمه .. شعب .. دوله كمان Nationality تعني المواطنه و الجنسيه
Nationalism تعني القوميه او الوعي القومي يللي بيأيد قوميه معينّه .. هي يللي كنت عم تسأل عنها

يا زلمة فرد مرة بدك تقلي شو أنا سألت؟ أنا سألتك اذا اليهود قومية.. عندهون مقومات القومية؟ مو شو يعتبرو هنن... و اذا قومية... انت قلت انو سامية... طيب كل يهودي هو سامي؟

أصل نيشن, أمة هي كلمة لاتينية والكلمة هي natio
و هي كلمة تعني تماما أمة... من ناحية الارتباط بكلمة الامومة و الولادة

أما وطن... باللاتيني فهو patria
و كل اللغات اللاتينية البحتة تستعمل هالكلمة.. الانكليزي أخذت الصفات المنبثقة عنها متل باتريوت, أي وطني... بس عم نحكي عن كلمة لاتينية
أما من ناحية انو "افهمها بقا"... وحياتك فهمان كتير... أو هيك آكل كم بحالي...

[التقرير الجوال]

الحقيقه المشكله بعرض الاسلوب و مدى إدراك القارئ .. بوعدك قدر جهدي بتبسيط الكلام .



اذا بمقاييس الاعراق .. فانت جاوبت حالك و كان جوابك صح .
اما بمقياس القوميه فهنّ قوميه وحده " أشكناز مع سفارد مه مزراحيم "
منشان هيك اجتمع " المسيحيين و المسلمين تحت رايه القوميه العربيه" .

هيك كتبت انا و هيك علّق انت "يهود شرق أوربا... ساميين؟ " كمان رجعت و ادخلت مصطلح اعتبار اليهود كقوميه
يعني ما بعرف كيف ما استوعبت كلامي مع انو اسهل ما كتبت بهاد الموضوع .
بالبدايه كنّا نحكي عن اليهود .. اليهود يللي الهن بعد تاريخي ملموس و موثق هدول ساميين .. و هي لا غبار عليها .. قمت انا شطحت فينا لبهود الاشكناز و قلت ما عليه خلينا نحكي فيها و رديت و تطرقت للقوميه و أبعادها و صار موضوعنا عن اليهود .. كمان قلنا ماعليه منتحاور .. بس بالاخير تنعت كلامي بعدم الدقّه ما انا جاوبتك تباعاً لأنو كلامك كان مجزأ .
بالمناسبه أنا ما عم استغبي حدى, بس بنفس الوقت مو مشكلتي اذا في حدى ما عم يحاول يفهم او يأول الكلام .
حبيبي صناعه الكلام فن .. اقرأ التعليق مزبوط رح تشوف بان اليهود اجتمعوا أشكناز على سفرد على فلاشه على مزراحيم .. و عملو كيان .. يعني اكتر من هيك شرح ..؟ و برأيك مجرّد قراءه عباره ( اما بمقياس القوميه فهنّ قوميه وحده " أشكناز مع سفارد مه مزراحيم ") ما بتخليك تستوعب شو كان القصد من تلاحم اليهود .؟ يعني هلأ كلهن موجودين بفلسطين تحت تاثير روابط كتير تجمعهن .. شو بتسمي هالوجود ؟

[التقرير الجوال]

و شو قالولك انا بعرف لاتيني لتختبرني في اي بعرف مصطلحات علميه على انها مشتقه من جذر لاتيني بس ما بعرف لاتيني .
بالمناسبه ارتبطت مصطلحين مع بعض و صارت صنوان لا يتجزا " القوميه, الوطنيه "
انت استخدمت كلمه Patriot غلط و اشتقيت الها كلمه Patriotesm من حالك لان الاسلوب بالاشتقاق هوي اسلوب انغليزي و بما انّك حطيت ملاحظه لغويه فرديت عليك

أنا حكيت عن يهود أوربا .. اقرا منيح

[yass]

انت قلت اليهود ساميين... هيك ببساطة هاد ردك

و انا سألتك كمثال انو يا ترى يهود أوربا الشرقيين ساميين... رديت علي أول شي انو اذا عم اسأل بطريقة و كأني سبيتك أو غلطت عليك لا سمح الله... و بعدين قلتلي اشكيناز... اشكيناز سفارديم فلاشا سابرا ما بتفرق معي... اليهود ساميين؟؟ كل اليهود ساميين؟ لما يجي واحد يقول أنا يهودي هاد سامي؟ 80 بالمية من اليهود الحاليين أصولهم تعود الى منطقة بحر الخرز... هدول ساميين؟ الجواب بسيط... نعم اليهود ساميين جميعا و نص كلام الحركة الصهيونية صحيح... أو لأ... هيك ببساطة... و ما حكينا عن سبب التقائهم بفلسطين... سؤالي صغير... ساميين أو لأ؟


أما باقي الكلام.... فلا تعليق

[yass]

و شو قالولك انا بعرف لاتيني لتختبرني في اي بعرف مصطلحات علميه على انها مشتقه من جذر لاتيني بس ما بعرف لاتيني .
بالمناسبه ارتبطت مصطلحين مع بعض و صارت صنوان لا يتجزا " القوميه, الوطنيه "
انت استخدمت كلمه Patriot غلط و اشتقيت الها كلمه Patriotesm من حالك لان الاسلوب بالاشتقاق هوي اسلوب انغليزي و بما انّك حطيت ملاحظه لغويه فرديت عليك

أنا حكيت عن يهود أوربا .. اقرا منيح

أي مزبوط غلطت بالاشتقاق الانكليزي بس من أول رد حكيت انو أصل الكلمتين لاتيني... و ما اختبرت حدا أنا... ارجاع لردي الأول و شوف شو كتبت


ما بدي تحكيلي عن يهود أوربا... بدي تجاوبني: اليهود ساميين؟

[التقرير الجوال]

اما عن نسبه اليهود للساميه فبدي قول بان يهود مملكه داوود و يهود شبه الجزيره العربيه ساميون .. غيرهن من اشكناز و سفرد فجد ما بعرف أصولهن التاريخيه و نسبهن .

هاد كلامي جواباً على تسميه اليهود بالساميين

ليك اذا بدك تعمل متل كل مرّه يحتد فيها النقاش و تبدأ بكلام متل ما حكيت " اي ساميين أو ببساطه لأ " فما بظن من الصواب نكفي الحكي عنهن .
طيب بحر قزوين او الخزر او يهود الخزر ما بعرف اذا كان اليهود 80% أصلا من الخزر بس يللي قريتو بان يقال يهود الاشكناز ينتمون للخزر بس وين اليهود العرب .. يهود مصر سوريا الكويت العراق المغرب من وين هدول .. أصل اليهوديه و بني اسرائيل .
هات حكيلنا عن يهود الخزر و تعدادهن و هل يصنفون كاشكناز و الا خزر .؟
حد ببالك بأن الخزر مو من ميه و الا ميتين سنه بدّك تعرف نسبهن .. أنا ما بعرف

[yass]

كاتب النص الأصلي : التقرير الجوال

هاد كلامي جواباً على تسميه اليهود بالساميين

ليك اذا بدك تعمل متل كل مرّه يحتد فيها النقاش و تبدأ بكلام متل ما حكيت " اي ساميين أو ببساطه لأ " فما بظن من الصواب نكفي الحكي عنهن .
طيب بحر قزوين او الخزر او يهود الخزر ما بعرف اذا كان اليهون 80% أصلا من الخزر بس يللي قريتو بان يقال يهون الاشكناز ينتمون للخزر بس وين اليهود العرب .. يهود مصر سوريا الكويت العراق المغرب من وين هدول .. أصل اليهوديه و بني اسرائيل .
هات حكيلنا عن يهود الخزر و تعدادهن و هلا يصنفون باشكناز و الا خزر .؟
حد ببالك بأن الخزر مو من ميه و الا ميتين سنه بدّك تعرف نسبهن .. أنا ما بعرف

طيب معناتو اليهود مو ساميين (اليهود بمعنى تاريخي لليهود) أو مافينا نحكي بشمول لأنو في نسبة ضخمة من يهود اليوم ما منعرف من وين اجو بدقة و بالتالي القول بشكل شامل بأنو اليهود ساميين غير دقيق.... حقي وصلني...

ليك اذا بدك تعمل متل كل مرّه يحتد فيها النقاش

ما بعرف ليش عم تحكي معي هيك...أساسا من زمان أنا عم اتجنب أناقشك لأنو اسلوبك باستغباء الناس ما بيناسبني و ما بيناسب وضاعة علمي, انو خلقة وضيع وفوقها استخفاف؟... ردي كان بناءا على استخفافك بكل من خالفك الرأي بهالموضوع... و مشاركتي المتقاطعة مع مشاركتك بهالموضوع كان سؤال واحد و صغير و اعتقد ما فيو شي و كان هاد:

يهود شرق أوربا... ساميين؟

و ردك كان

انت عم تسأل و إلا شو .؟
يهود شرق أوربا بما فيهن اليهود الألمان يطلق عليهن " أشكناز "

اللي الشطر الأول فيه تهجم لا معنى و لا داعي الو... و الشطر الثاني لا علاقة له بسؤالي, و خصوصي انو ما وصلنا لأثبات انو الاشكيناز ساميين بعد جولة كاملة من الردود و حضرتك أقريت لاحقا انو ما بتعرف من وين أصل الاشكيناز... يعني جوابك مالو علاقة بسؤالي..


مو مشكلتي اذا حكيك مو دقيق و يزعجك انو حدا يناقشك فيه



و سلامات

[التقرير الجوال]

بظن انا يللي حكيت عن ساميه اليهود يللي سكنوا جزيره العرب و فلسطين و انا كمان حكيت عن عدم درايتي بنسب يهود اوربه الشرقيه .. و هاد تشوفو قبل شي كم مشاركه و مو بعد مشوار طويل من الحكي .
بعدين شو الدليل على انهن مو ساميين "جد أنا ما بعرف " .
بعدين شو هي وصلني حقي .. شو عم نحارب نحن .
لك المشكله بانك ما بدّك تفهم بأني ما مخالف حدى بأي رأي.. رجاءاً اقرأ شو كتبت بتمعن أنا ما نسبت الحضارات القديمه للعربيه .. أخدت الصبغه العربيه مع استمرار العربيه بالمكان و مع قرب اللغه العربيه للساميه .
كل النظريات يللي انكتبت عن نشوء هالحضارات و مصادرها كانت فرضيات .
أما عن وضاعه علمك فما تستهين بحالك و الكل عم تتعلم أو بمعنى تاني عم تنكوش من الانترنت منشان تأيد وجهه نظر .. أما العلم فهو لامتناهي و لن يدركه أحد .
بعدين مدري ليش حاسس بأنك بلّشت بتبطين كلامك .؟
بعدين كيف هي تفسرت معك تهجم.؟ لا تهجمت عليك و لا هم يحزنون بس شكلك Sensitive .

[التقرير الجوال]

كاتب النص الأصلي : suryoyo

خلص ما دام متفقين ان الجنس سامي لا يعني عربي ... بل العربي هو جزء من السامي
معناها ان الحضارات القدية في الهلال الخصيب غير عربية
يعني (ما ينرادلها روحة ع القاضي)

طيب .. العيلامي و الاشوري و الكنعاني و العربي و الاكادي و الكلداني يللي في الو علاقه وثيقه بالارامي حتى بعض العلماء اعتبروهن قبيله وحده . هدول الكل ساميين .. في اتفاق و الا لأ .؟
بالمناسبه في نظريات تقول بان الكلدانيين هاجرو من شبه الجزيره " لاحظ هاد مو كلامي .. كلام باحثين آثار "
ليك اذا بدك تعتبر حضارات الهلال الخصيب غير عربيه فبدك تبرهن على ان " مثلاً الكلدانيين و لو بتسليم جدلي قد هاجروا من الجزيره العربيه و لم يكن هنالك مصطلح "عربي " . هيك بيتم نفي انتماء الكلدانيين للعروبه حتى و هن قبائل هاجرت من شبه جزيره العرب .
ركّز معي شوي .. منشان نوصّل لنتيجه لان الموضوع مشربك ببعضو و متل ما حكينا .. الهجرات يللي صارت و متل ما هوي متعارف عليه من الجزيره و الى العراق و سوريا طيب كمان ظهرت نظريه الهجره العكسيه و يللي هي بالارجح بعد الطوفان هيك بيكون سام هاجر الى اليمن .
و بعدها " وهون بدنا نتعرف عالمناخ و بدنا نقرا أكتر و نبحث أكتر " يعني فكره انهيار سد مأرب و هجره العرب و منهم العماليق "يللي بعض العلماء نسبو الفراعنه الهن " . بتواف كلام هجره العرب من اليمن اثناء قصه سد مأرب .؟
طيب ابراهيم كان موجود و بدأ مسيرتو الدينيه الى مصر و استقر بحرّان بعدين فلسطين .. ركز معي لاني ضعت شوي هون السؤال .. من وين اجا ابراهيم و العرب كانو موجودين بوقتها لما انهار سد مارب و بلّشو يهاجروا ؟
طيب المعرف بانو ابراهيم سكن أور بشمال العراق و بتقدير العلماء بين 200-1500 ق.م طيب أور كلدانيه .. معي انت بهي .؟ من وين بدنا نعرف تاريخ الحضاره الكلدانيه .. منشان نربط بين الكلدانيه و ابراهيم يللي نسل العرب و بني اسرائيل .


اوكي .. بالرغم من انو سؤالك عن بعض الاسئله و طلبك منّي جاوب عليهن و بأسلوب ما كتير حبيتو رح نبدأ هيك
ماشي.. " العربي " أو العربيه انا يللي طابت تعريف الها و نشأه هالمصطلح و عن شو بيدل و شو معناتو استناداً للغات القديمه .. هون السؤال هاد رح يكون بمرماك .
أما عن ظواهر التصحر و التجفاف فهي واقع و اذا مهتم كتير لنبلّش بالنكوشه عنها .
شام بظنها سام بلغه قديمه .
من وين حابب نبدا صح من ابراهيم .. الطوفان .. انهيار مأرب .

[suryoyo]

بداية ...

انت مرة تقول ان السامي لا يعني عربي ..... و مرة تقول الحضارات السامية القيدمة هي عربية

ليش ما تحدد موقفك ...... حتى نكمل النقاش !

و هل كل شخص سكن الجزيرة العربية يعني عربي

كاتب النص الأصلي : التقرير الجوال

طيب .. العيلامي و الاشوري و الكنعاني و العربي و الاكادي و الكلداني يللي في الو علاقه وثيقه بالارامي حتى بعض العلماء اعتبروهن قبيله وحده . هدول الكل ساميين .. في اتفاق و الا لأ .؟

الارامي جزء من القبائل السامية .. حاله حال الاشوري و الاكدي و الكنعاني و الفينيقي و العربي ... الخ

و يرجعون الى الجنس السامي ..

بالمناسبه في نظريات تقول بان الكلدانيين هاجرو من شبه الجزيره " لاحظ هاد مو كلامي .. كلام باحثين آثار " حبيبي ..

الكلديون (ادق تاريخيا) قبائل سكنت و حكمت بابل فيما بعد ... يعني بعد الاكديين بمدة طويلة

اسسوا الدولة البابلية الحديثة بقيادة نبوبلاصر ... اغلب الاراء حول اصولهم هي ارامية ...

و الاراميون معروف تاريخيا نزوحهم عبر الفرات يعني من شمال بين النهرين او شمال شرق سورية

ليك اذا بدك تعتبر حضارات الهلال الخصيب غير عربيه فبدك تبرهن على ان " مثلاً الكلدانيين و لو بتسليم جدلي قد هاجروا من الجزيره العربيه و لم يكن هنالك مصطلح "عربي " . هيك بيتم نفي انتماء الكلدانيين للعروبه حتى و هن قبائل هاجرت من شبه جزيره العرب
ركّز معي شوي .. منشان نوصّل لنتيجه لان الموضوع مشربك ببعضو و متل ما حكينا .. الهجرات يللي صارت و متل ما هوي متعارف عليه من الجزيره و الى العراق و سوريا طيب كمان ظهرت نظريه الهجره العكسيه و يللي هي بالارجح بعد الطوفان هيك بيكون سام هاجر الى اليمن .

برأيك الطوفان كان اي سنة ؟

نرجع للاسئلة القديمة ..
لماذا لم يتركوا و لا انجاز و لا اثر على بقائهم هناك ....

و سألتك سؤال محدد ...... هل التربة الرملية في الصحراء العربية تصلح لتحوي المروج ؟؟؟؟؟؟؟؟؟؟ هل تصلح للشجيرات .... ؟ هل هناك اثار على وجود مروج قبل 500 سنة مثلا ؟

و بعدها " وهون بدنا نتعرف عالمناخ و بدنا نقرا أكتر و نبحث أكتر " يعني فكره انهيار سد مأرب و هجره العرب و منهم العماليق "يللي بعض العلماء نسبو الفراعنه الهن " . بتواف كلام هجره العرب من اليمن اثناء قصه سد مأرب .؟
طيب ابراهيم كان موجود و بدأ مسيرتو الدينيه الى مصر و استقر بحرّان بعدين فلسطين .. ركز معي لاني ضعت شوي هون السؤال .. من وين اجا ابراهيم و العرب كانو موجودين بوقتها لما انهار سد مارب و بلّشو يهاجروا ؟
طيب المعرف بانو ابراهيم سكن أور بشمال العراق و بتقدير العلماء بين 200-1500 ق.م طيب أور كلدانيه .. معي انت بهي .؟ من وين بدنا نعرف تاريخ الحضاره الكلدانيه .. منشان نربط بين الكلدانيه و ابراهيم يللي نسل العرب و بني اسرائيل .

رجاءا رجاءا ...

اي علماء نسبوا الفراعنة للعماليق ؟؟؟؟؟

اوكي .. بالرغم من انو سؤالك عن بعض الاسئله و طلبك منّي جاوب عليهن و بأسلوب ما كتير حبيتو رح نبدأ هيك
ماشي.. " العربي " أو العربيه انا يللي طابت تعريف الها و نشأه هالمصطلح و عن شو بيدل و شو معناتو استناداً للغات القديمه .. هون السؤال هاد رح يكون بمرماك .
أما عن ظواهر التصحر و التجفاف فهي واقع و اذا مهتم كتير لنبلّش بالنكوشه عنها .
شام بظنها سام بلغه قديمه .
من وين حابب نبدا صح من ابراهيم .. الطوفان .. انهيار مأرب .

ما كثير حبيت اسلوبي ..... لان كان مبني على اسس علمية بحتة ..

على العموم ...... انا افضل نبدي من تعريف القبائل العربية ؟

و هل كل شخص سكن الجزيرة العربية يعني عربي

[ah1979med]

وما تنسو انو الملك عبدالله ملك الاردن اصلو بريطاني وهو عاش وتشبع من حضارات الغرب
الي جابها الان معاه على بلاد الشرق ينشرها

[Nihal Atsiz]

كاتب النص الأصلي : yass

هو معركة حطين و تحرير القدس, تم على يد صلاح الدين الأيوبي الكردي, وريث الدولة الزنكية التي هي دولة كردية كذلك... ا

فقط أريد التنويه الى أن الدولة الزنكية هي دولة تركمانية و ليست كردية
ومؤسسها السيد اق سنقر وهي تعني النسر الابيض باللغة التركمانية و أما المصدر فهو من موقع باخرة الكورد السوريين من مقالة للدكتور المؤرخ الكردي احمد الخليل:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

حيث يقول الكاتب :
وتصدّى الزنكيون التركمان للمشروع الفرنجي بقيادة عماد الدين زنكي، ثم بقيادة ابنه نور الدين زنكي، ثم استلم الكرد الأيوبيون المهمة، وقارعوا الفرنج بدءاً من سنة (567 هـ / 1171م) بقيادة صلاح الدين، إلى سنة (648 هـ/ 1250 م) بقيادة تورانشاه، حيث قضى المماليك الترك على الدولة الأيوبية.

[التقرير الجوال]

إن الآراميين الذين حكموا مناطق عديدة من شمال ووسط سورية الطبيعية وكانت لهم فيها بضعة ممالك ، كانوا قد قدموا من شبه الجزيرة العربية هم وأبناء عمومتهم العموريون والكنعانيون والفينيقيون ، وجميعهم من أصول واحدة يسميها الغربيون ساميين ونسميها نحن شعوبا عربية ، وتعود أسباب هجراتهم إلى التغيرات المناخية ، التي كانت تحدث في شبه الجزيرة العربية حيث تتعرض بعض مناطقها، إلى الجفاف يؤيد ذلك ما كان عليه وادي السرحان الذي كان يجري جريانا دائما كالنيل، والذي أصبح قبل أكثر من ألفي سنة عبارة عن واد سحيق من الرمال ومقفر من الحياة النباتية . فكانت تخرج جماعات من السكان هم وقطعانهم، إلى المناطق الشمالية حيث الأنهار دائمة الجريان التي تنبع من الجبال المرتفعة، كنهر العاصي ونهري دجلة والفرات.

و لم تكن هذه الهجرات تحدث بالمعنى الحقيقي لهذه الكلمة ، بأن تخرج موجة بشرية من مكان إقامتها لتحط رحالها في مكان آخر، لكن هذه العملية كانت تأخذ منحى آخر، إذ تخرج قبائل وجماعات رعوية من موطنها تجوب ذلك الفراغ الرعوي الذي يحيط بالمناطق الزراعية متجهة نحر العراق وسورية ، حيث الماء والكلأ والمرعى الأوفر وقد صار هذا الارتشاح البشري المستمر دون انقطاع بمثابة مستودع بشري متحرك . وتكون هذه الهجرات سهلة حينا وصعبة بل وعسيرة أحيانا أخرى، وكانت هذه العملية تحصل كل ألف عام أو أكثر أو أقل من ذلك ، وهذا ما كان قد حدث في جميع تلك التحركات البشرية من الجنوب إلى الشمال .
يقول الباحث " موسكاتي " إن المناطق الثلاث : الجزيرة العربية وسورية وما بين النهرين تكون وحدة جغرافية متماسكة الأجزاء كانت في تلك الأزمان مسرحا رئيسيا للنشاط البشري، وإن جميع الأقوام الذين مثلوا الأحداث التاريخية 0التي جرت عبر الزمن والذين قاموا بأدائها بحكم طبيعة أحوالها قد انصهروا بهذه الوحدة الجغرافية بمصير مشترك بحيث أن أي صدمة تصيب أحد هذه الأجزاء الثلاثة تمتد انعكاسا إلى الأجزاء الأخرى.
كان العموريون يشغلون بالدرجة الأولى سورية الغربية (إبلا) وكانت ماري عاصمتهم منذ الألف الثالثة ق .م . وكان الآراميون ينتشرون في شبه الجزيرة العربية الداخلية من الحجاز واليمن وصعودا إلى غرب بابل وكانت حران هي إحدى حواضرهم في البادية وكان أهلها جميعهم من الرعاة أصحاب المواشي. وإن الأقوام الذين هاجروا من شبه الجزيرة العربية إلى سورية وبلاد ما بين النهرين من أكاديين وعموريين وكنعانيين وفينيقيين وآراميين وأنباط وغساسنة ما هم إلا أقوام عربية قديمة وهذا هو السبب في صمودهم أمام الغزوات الأجنبية التي هاجمتهم كالحثيين و التتر والمغول والفرس ثم اليونان والرومان والبيزنطيين والصليبيين والفرنسيين والإنكليز فاستطاعت أن تهزمهم جميعهم وأن تحتفظ بطابعها العربي .

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

يقول المؤرخ البريطاني وول ديورانت :" إن الآريين لم يشيدوا صرح الحضارة بل أخذوها عن بابل ومصر فاليونان لم ينشئوا الحضارة إنشاء فما ورثوه منها هو أكثر مما ابتدعوه وقد كانوا الوارث المدلل المتلاف لذخيرة من العلم والفن ، مضى عليها ثلاثة آلاف سنة كانت قد جاءت إلى موانئهم مع مغانم الحرب ومع التجارة . فإذا درسنا الشرق الأدنى وعظمنا شأنه فإننا بذلك نعترف بما علينا من دين وهو دين كان يجب أن يؤدى منذ زمن بعيد " .

وفي الواقع : إن الحضارة التي توصل إليها العالم حاليا ليست ابنة يوم وليلة عبارة عن حلقات لجهود بشرية متتابعة ومتراكمة بدأت منذ آلاف بل وملايين السنين وكل مجموعة بشرية تتسلم ممن سبقها ميراثها الحضاري، فتتفاعل معه بدورها وتغنيه بتجاربها وبما توصلت إليه من معارف واكتشافات واختراعات ثم تطبعه بطابعها وتسمي هذه الحضارة باسمها ثم لا تلبث أن تسلم هذا المشعل الحضاري لمن يليها .

هي كلمه عرب بعد قراءه الرابك رح تكون واضحه عندك .. و في عندك كمان نشاه سام و اصول الاكاديين و الكنعانيين و غيرو .. و في عندك راي مأرخ عن تسلسل الحضاره و موروثها .. و نقطه هامه كتير لموسكاتي .
انشالله تستمتع بالقراءه

[عطر البرتقال]

اشكر الجميع على مشاركتهم بالنقاش وبالاخص التقرير الجوال
انا مو نسيانة الموضوع.....ومتابعة للنقاش
ولسة عم دور على معلومات
لا حدا يفكر اني تراجعت او شي
ومرة ثانية اشكر الجميع على مشاركاته بالنقاش
اختكم عطر البرتقال

[suryoyo]

كاتب النص الأصلي : التقرير الجوال

إن الآراميين الذين حكموا مناطق عديدة من شمال ووسط سورية الطبيعية وكانت لهم فيها بضعة ممالك ، كانوا قد قدموا من شبه الجزيرة العربية هم وأبناء عمومتهم العموريون والكنعانيون والفينيقيون ،وجميعهم من أصول واحدة يسميها الغربيون ساميين ونسميها نحن شعوبا عربية ،

من انتم ....... ؟ هل تقصد العلماء العرب مثلا ؟؟ ام تقصد الشعوب او الافراد او الجماعات ؟؟؟

العلم شيئ ....... و النظريات شيئ آخر .. اذا تريد البحث يشكل علمي اهلا و سهلا بالنقاش

يقول الباحث " موسكاتي " إن المناطق الثلاث : الجزيرة العربية وسورية وما بين النهرين تكون وحدة جغرافية متماسكة الأجزاء كانت في تلك الأزمان مسرحا رئيسيا للنشاط البشري، وإن جميع الأقوام الذين مثلوا الأحداث التاريخية 0التي جرت عبر الزمن والذين قاموا بأدائها بحكم طبيعة أحوالها قد انصهروا بهذه الوحدة الجغرافية بمصير مشترك بحيث أن أي صدمة تصيب أحد هذه الأجزاء الثلاثة تمتد انعكاسا إلى الأجزاء الأخرى.

.

بما ان موسكاتي باحث غربي ... نفترض استعماله لمصطلح الاقوام السامية ..



فقط عندي تعليق بسيط .. الممالك التي تاسست في سومر و اكد و نينوى و ماري و صور و كنعان .... التي بعد عصور النشأة ... اصبحت ضمن ...
الامبراطوريات التي نشات في بابل و اشور التي حكمت المنطقة باسرها و وصلت الى مصر بقيادة الملك الاشوري اشور بانيبال

لم تصل الى الجزيرة العربية ..... مما يعرض فرضية المصير المشترك الى بعض الصعوبات بقبولها ...




لي عودة بد التمعن في الروابط

[suryoyo]

أصل تسمية العرب

الرابط يتحدث عن اشتقاق كلمة العرب من كلمات فرعونية ... بدون دليل حسي او رسم للكلمات بالهيروغليفية

و للعلم سومر و اكد اقدم من الحضارة الفرعونية بقرون ... !



في موضوع كنعانيون من ويكيبيديا ..


نقرأ

الأصول الكنعانية

يعتبرهم مؤرخو العرب القدامى من العرب القدماء من العماليق ، هم من الشعوب في مناطق جنوب سورية وكذلك وهناك ساحل في منطقة عُمان جنوب الجزيرة العربية يعرف باسم كنعان، وقد استقر الكنعانيون في جنوب جنوب سوريا و فلسطين وسيطروا عليها سيطرة تامّة، حتى أنها عرفت باسم ارض كنعان أو بلاد كنعان، كما ورد في العهد القديم من التوراة. ويعتقد أن هجرتهم كانت قبل الميلاد بـ 4 إلى 3 الاف سنة ، وهم في الأصل حاميين، هناك عدّة نظريات حول أصل موطن الكنعانيين، ومن أشهر النظريات، بعض المؤرخين كـ"خزعل الماجدي" هي أن الكنعانيين من أكبر الموجات المهاجرة التي خرجت من شبه الجزيرة العربية.
كما يرى البعض مثل "ستاربون" أن أصل الكنعانين هي سواحل الخليج العربي، وذلك لتشابه أسماء مدن تلك المناطق القديمة مع أسماء المدن الكنعانية في الشام، ويرجح اصحاب هذه النظرية ان تكون تلك الخليجية هي الأقدم وهاجروا إلى منطقة بلاد الشام في العصور القديمة .

اذا مشينا على نظرية ستربون انهم مهاجرين سواحل عمان و الجزيرة ... ممكن نتناقش فيه

بس المصدر يتكلم عن الاصل الحامي
كيف يتوافق الاصل الحامي للكنعانيين مع كونهم من الجنس العربي اللي هو بلا شك سامي بحت ؟

اسئلة تحاج الى اجابات كثيرة