تشكيلة المنتخب السوري التي ستلاقي إيران يوم الأربعاء

[fady juventus]

يلعب منتخبناالوطني في المجموعة الخامسة في إطار المرحلة الثالثة من تصفيات قارة آسيا المؤهله لكأس العالم 2010

المباراة ستقام يوم الأربعاء في السادس من شباط الحالي

تشكيلة المنتخب:
- حراسة المرمى : مصعب بلحوس ( الكرامة ) ورضوان الأزهر ( الجيش ) .

- الدفاع : عبد القادر دكة ( تشرين ) واديب بركات ( الطليعة ) وعادل عبد الله ( الجيش ) واحمد ديب ( حطين ) وعلي دياب ( المجد ) و عمر حميدي ( الاتحاد ) .

- خط الوسط : عاطف جنيات ( الكرامة ) وبكري طراب ( الاتحاد ) وبرهان صهيوني ( الجيش ) وفراس اسماعيل ( الكرامة ) و جهاد الحسين ( الكرامة ) وماجد الحاج ( الجيش ) ويونس سليمان ( الطليعة ) .

- خط الهجوم : فراس الخطيب( العربي الكويتي ) وماهر السيد ( الوحدة ) ورجا رافع ( المجد ) و زياد شعبو ( الكرامة ) ومحمد زينو ( المجد ) .

بالتوفيق لمنتخبنا

[Willi]

مصعب بلحوس ( الكرامة )

نفسي اعرف شو عاجبو بهالحارس.
عالعموم عدنان الحافظ من الكرامة كمان مع المنتخب

الله يجيبك يا كابريني.

[Government]

يعني ليش ملون لعيبة الكرامة بالازرق
نحن بمنتخب حبيب .. ماضروري تلون لعيب الكرامة بالازرق مشان تورجينا ..
يا اما لو كل لاعب بلون نادي

[Willi]

يعني ليش ملون لعيبة الكرامة بالازرق
نحن بمنتخب حبيب .. ماضروري تلون لعيب الكرامة بالازرق مشان تورجينا ..
يا اما لو كل لاعب بلون نادي

انت مو حارق قلبك غير الكرامة.
النادي الملكي السوري.

الله هية هية شقينا الاهلاوية.
الله منتخب, كرامة وبس.


ما بدنا الدوري الدوري
ما بدنا الكااااس
بدنا اهلاوي متل الناس

[lord tartous]

كلو سوري
شو بدكن بالأندية
خلينا بمنتخب سوريا
الله يوفقو

[fady juventus]

كاتب النص الأصلي : GOVERMENT

يعني ليش ملون لعيبة الكرامة بالازرق

و الله هيك إجا عبالي ... ما تواخزنا مشان الله

نحن بمنتخب حبيب ..

منيح نورتني حبيب

ماضروري تلون لعيب الكرامة بالازرق مشان تورجينا ..

لا ضروري ضروري .. مشان بعض الناس ما يلاقو صعوبة بعد لاعبي الكرامة ضمن المنتخب
وبالتالي ينتبهوا كتير منيح إنو بطل سوريا بيشكل نص المنتخب (باعتبار الزرق كلن أساسيين)

يا اما لو كل لاعب بلون نادي

إي مو محرزة ولو ... كلن تنين من الإتحاد
بعدين من وين بدي جيب تلات ألوان أحمر و تنين أزرق ونارة يا صبي

[يمان Rooooonaldo]

لا ضروري ضروري .. مشان بعض الناس ما يلاقو صعوبة بعد لاعبي الكرامة ضمن المنتخب
وبالتالي ينتبهوا كتير منيح إنو بطل سوريا بيشكل نص المنتخب (باعتبار الزرق كلن أساسيين)

ازا بدك نحكي فينا نحط التشكيلة هيك معلم ..


تشكيلة المنتخب:
- حراسة المرمى : مصعب بلحوس ( الكرامة ) ورضوان الأزهر ( الجيش ) .

- الدفاع : عبد القادر دكة ( تشرين ) واديب بركات ( الطليعة ) وعادل عبد الله ( الجيش ) واحمد ديب ( حطين ) وعلي دياب ( المجد ) و عمر حميدي ( الاتحاد ) .

- خط الوسط : عاطف جنيات ( الكرامة ) وبكري طراب ( الاتحاد ) وبرهان صهيوني ( الجيش ) وفراس اسماعيل ( الكرامة ) و جهاد الحسين ( الكرامة ) وماجد الحاج ( الجيش ) ويونس سليمان ( الطليعة ) .

- خط الهجوم : فراس الخطيب( العربي الكويتي ) وماهر السيد ( الوحدة ) ورجا رافع ( المجد ) و زياد شعبو ( الكرامة ) ومحمد زينو ( المجد ) .

بالتوفيق لمنتخبنا



وازا بتحب .. بلونك .. زياد شعبو .. اللي الكرامة مالو علاقة فيه اصلا .. بقا .. متل ما قال حسونة خلونا على المنتخب .. وما في فرق بين الاندية احسن ..


بالتوفيق للمنتخب

[fady juventus]

كاتب النص الأصلي : يمان Rooooonaldo

وازا بتحب .. بلونك .. زياد شعبو .. اللي الكرامة مالو علاقة فيه اصلا .. بقا .. متل ما قال حسونة خلونا على المنتخب .. وما في فرق بين الاندية احسن ..

أسبتلي إنك مدريدي
طيب ما انتبهت إنو ما لونت فراس الخطيب بالأزرق مع إنو ابن الكرامة
و زياد شعبو مانو ابن الجيش أصلاً ... الجيش ما بيصنع أبطال ... بس يشتري ... و سابقاً كان يسرق و بكل وقاحة
بعدين بكرا منشوف كم واحد من لعيبتك اللي لونتن رح يلعب أساسي

[Government]

لك سبق وقلتلك .. نحن بمنتخب .. ماتحشرلي الكرامة بالنص ..
يعني هلأ عبتحملنا منية وعبتورجينا ان ولعيبة المنتخب اكترن من الكرامة ولا شو بالزبط ولا بدك تورجينا ؟
يعني بربك ورجيني هاللعيبة الستة الله عبتمنن الله فين شو عملو بالمنتخب لحدا لهلأ .. يعني ماعبشوف شي بشرف بهالمنتخب معن ولا بلاهن .. بالعكس كل مالو لورا

بقى ماكتير تشد ضهرك وتمننا ... يعني لما بياخدولنا بطولة اسيا او شي شغلة محرزة هداك الوقت تاعا مننا

وبالاخير .. المنتخب عبلعب .. فما كل شغلة تحشر فيا الكرامة وماكل مباراة تلولنا لعيبة الكرامة لانو لسه التصفيات طويلة وطويلة كتير .. وازا بدك تلفون نحن منلون ومنعمل اكتر من التلوين للاهلي .. او للجيش اللي مو عاجبك مثلا

[Willi]

يعني بربك ورجيني هاللعيبة الستة الله عبتمنن الله فين شو عملو بالمنتخب لحدا لهلأ

هو المشكلة انو المنتخب فيه اهلاوية وجيشاوية و وحموية.
مشان هيك ما عم يعمل شي.
هني بس ياخدو تشكيلة الكرامة كلها عالمنتخب.
شوف النتائج, مناخد بطولة العالم وقتها

[بنفسجة]

بالتوفيق
من اي فريق كانو
هدول بيمثلو كل الفرق
حبيبي المنتخب السوري

[يمان Rooooonaldo]

خيو فادي .. الجيش صنع ام لا .. بس زياد صار اسمو بالجيش .. صح هوة ابن نادي حطين..

بس ما تنسى .. انو الجيش اللي ساواه .. لاعب


وبعدين شغلة تانية .. فيك تقلي عادل وماجد والازهر مين ساواهن .. ؟

يمكن اللاعب الوحيد اللي شراه الجيش صح .. استفاد منو .. كان برهان .. يعني كان الو اسمو من قبل


بعدين منرجع لاسمائك ..

شو مشان فراس اسماعيل؟ وين بلش .؟ يعني من وين بلش اسمو مو من الجيش؟

وفراس نفس الوضع .. ما لعب مع الرجال يا دوب .. وشهرته اجته مع العربي ..

هلا مابدي احكي كتير بالموضوع ..


بس خيو اخر الكلام .. انو اكيد كلنا مع المنتخب .. مين ما كان .. سواء سجل زياد ولا ماجد ولا محمود امنة او ماهر السيد او .. .... المهم المنتخب عم يمثل سوريا كلا .. وكلنا تحت كلمة سوريا .. منكون سوا ..

وعراسي الشبيحة كلا

[fady juventus]

كاتب النص الأصلي : يمان Rooooonaldo

خيو فادي .. الجيش صنع ام لا .. بس زياد صار اسمو بالجيش .. صح هوة ابن نادي حطين..

بس ما تنسى .. انو الجيش اللي ساواه .. لاعب


وبعدين شغلة تانية .. فيك تقلي عادل وماجد والازهر مين ساواهن .. ؟

يمكن اللاعب الوحيد اللي شراه الجيش صح .. استفاد منو .. كان برهان .. يعني كان الو اسمو من قبل


بعدين منرجع لاسمائك ..

شو مشان فراس اسماعيل؟ وين بلش .؟ يعني من وين بلش اسمو مو من الجيش؟

وفراس نفس الوضع .. ما لعب مع الرجال يا دوب .. وشهرته اجته مع العربي ..

هلا مابدي احكي كتير بالموضوع ..


بس خيو اخر الكلام .. انو اكيد كلنا مع المنتخب .. مين ما كان .. سواء سجل زياد ولا ماجد ولا محمود امنة او ماهر السيد او .. .... المهم المنتخب عم يمثل سوريا كلا .. وكلنا تحت كلمة سوريا .. منكون سوا ..

وعراسي الشبيحة كلا

عراسي حارتك
ما مشكلة كرامة ولا كرامة ولا كرامة ولا جيش ولا طليعة ولا إتحار ... كلن سوريا ولما بيلعب واحد منن برا غير الكرامة بيصير متلو متل الكرامة ... تأكد من هالشي
هاد حوار رياضي عادي
يعني هوي مزح بالنهاية مو أكتر
و لتحريك الجو بالموضوع
لأنو متل ما شفت الموضوع كلو كلمتين عن تشكيلة المنتخب .. بقى ما في شي كتير ينحكى إذا ما عملنا خناقة
أنا لونت اللاعبين و عرفان شو رح يصير بعدا
تحياتي للجميع حتى هاد الأهلاوي

[Government]

تحياتي للجميع حتى هاد الأهلاوي

اي هادا الاهلاوي بقلك ع راسي
وببعتلك تحية اكبر من تحيتك .. مع اب وردة

[Government]

100 ألف دولار لقاء نقل مباراتنا مع إيران غداً في تصفيات كأس العالم، اعتبر مبلغاً كبيراً جداً ولاتسمح إمكانيات التلفزيون أو صلاحيات إدارته بدفعه..
ولأننا نبحث عن أجوبة لأسئلتكم، حملنا هذه الأسئلة إلى المعنيين فسمعنا منهم ما يؤكد صدق المحاولة لتخفيض هذا الرقم، ووجدنا لديهم الرغبة الحقيقية بنقل المباراة، ولا أعني هنا الزملاء بدائرة البرامج الرياضية الذين عملوا ما عليهم ولكن القرار ليس بيدهم، ولأن كل الأجوبة التي سمعتها من إدارة الهيئة العامة للإذاعة والتلفزيون اعتبرت »ليست للنشر« لا أستطع إلا أن أقول لكم.. جرّبوا وضعوا على الشاشة الوطنية فقد تجدون ما يسركم..
أقول: قد، ولا أجزم بهذا الموضوع..
وقبل أن نطوي موضوع النقل التلفزيوني نقول: إذا لم تجدوا المباراة على شاشة التلفزيون السوري فابحثوا عليها على قناتي إيران الثانية والثالثة، وإذا غيرت القناتان رأيهما فما عليكم إلا أن تكتفوا بسماع أحداث المباراة عبر صوت الزميل إياد ناصر إذاعياً، وإذا تعذر ذلك فتفرجوا على مباراة الإمارات والكويت ضمن مجموعتنا والتي ستنقلها العديد من الفضائيات... أعرف حجم قسوة هذا الكلام أمام لهفتكم لرؤية منتخبنا الوطني في افتتاح مبارياته بالتصفيات المونديالية، وأعرف أن هذا المبلغ قد يُدفع تكاليف برنامج ربما لايشاهده عشرة بالمئة ممن ينتظرون رؤية المباراة، ولكن هذا هو واقع الحال!
نعود إلى المباراة، والتي نبني عليها آمالاً كبيرة من حيث قدرة منتخبنا الوطني على الانتقال بنا من حالة الإحباط الطويلة جداً إلى رحلة الانطلاق التي انتظرناها طويلاً، فهل من مقدمات تساعدنا على ذلك؟
شخصياً، أرى كل شيء ممكناً، والتاريخ يساعدنا على امتلاك الكثير من التفاؤل، وواقع الحال، وبعد المباريات الودية التي لعبها منتخبنا، وبعد الآراء التي سمعناها من لاعبينا، يقول إن مفردات الفوز عادت لتلقي نفسها بأحضان لاعبينا ووحدهم الذين يقررون التمسك بها أو التفريط!
التعليمات التي تلقاها لاعبونا في التدريبات الأخيرة ركّزت على عدة نقاط جوهرية، وأرى التمسك بها مدخلاً للفوز أو على الأقل العودة بنقطة التعادل..

التمرير القصير
هو عنوان كبير للتحكم بمستوى الأداء وخاصة عندما تكون الفوارق البدنية »طول القامة وبنيتها« حاضرة كما هو الحال مع إيران، وبالتالي فإنه ليس من مصلحة منتخبنا أبداً لعب الكرات العالية أو الاعتماد على المناولات الطويلة لأن المطلوب من لاعبينا الاحتفاظ بالكرة قدر المستطاع بمواجهة منتخب سيلعب مهاجماً، بل ومبالغاً في هجومه..
تضييق المساحات
وهو خيار آخر لترويض النتيجة، فعلى الأقل يفقد المنتخب الإيراني بعضاً من تركيزه وقد ينرفز هذا الأمر بعض لاعبيه، وبالتالي فإن تضييق المساحات والضغط على لاعبي إيران في منطقتهم قد يعطي الأفضلية لمنتخبنا..
من الدفاع إلى الهجوم
وركزت التدريبات الأخيرة حسب تقرير الزميل يونس المصري على كيفية الانتقال من الدفاع إلى الهجوم أو العكس بأقصى سرعة وأقل جهد وهنا بيت القصيد..
من الطبيعي أن يلعب منتخبنا مدافعاً، لكن ليس مقبولاً أن يلعب ذلك الدفاع السلبي الذي يكتفي بمحاولة إبعاد الكرة أو تشتيتها لأن ذلك لايستمر حتى النهاية.. بإمكان لاعبينا المدافعين أن يكونوا عنوان الهجمة السورية من خلال سيطرتهم الواثقة على الكرة ونقلها إلى لاعبي الوسط ومساندتهم حتى إيصالها إلى المهاجمين هو الدور الطبيعي للمدافع، وعلى مدى إجادة منتخبنا لهذا الدور يتحدد لون النتيجة..





الريــــــاضية ..

[Government]

المباراة 3 ونص بتوقيتنا

11 ونص بتوقيت غرينتش .. ومنقولة ع دبي الرياضية 1 (عيني الله )
وعلى زمة موقع كوووورة

[يمان Rooooonaldo]

حرامي ..


بالتوفيق للمنتخب بكرا يا رب

[Government]

كاتب النص الأصلي : يمان Rooooonaldo

حرامي ..


بالتوفيق للمنتخب بكرا يا رب

ينعن ديبك ليش نحن رفقة لكن
ع سواد عيونك


المهم ان شاء الله مانتخورف بالمباراة ..ونطلع فايزين ع ايران ع ارضا
وبني جمهورا ..

وبالتوفيق لمنتخبنا (مع انو ماكتير شادد ضهري)