هل سوريا دولة طائفية؟

[alickous]

معلش تشرحولي شو هيي الطائفية الايجابية متل القتل من اجل الشرف شي ولا بتختلف

[oliver68]

الطائفية بين الشعب(مستوى شعبي) عنا موجودة بس مو مستفحلة متل العراق والأردن ولبنان وغيرن يعني لساتنا بخير لحد هل والله يستر ما تستفحل، لكن مستفحلة بالدوائر الحكومية ومؤسسات الدولة(مستوى رسمي)، وهالشي مو مخبا على حدا، بس على الحالتين الطائفية بأي شكل مستحيل تكون إيجابية، وبلشت بسوريا على الصعيدين الرسمي والشعبي من أوائل السبعينات، والحكومة وحدها بتتحمل مسؤولية الطائفية بين الشعب، وبظن إنو لازم نلاقي حل لهالمشكلة قبل ما تستفحل وتدمرنا.

[oliver68]

كاتب النص الأصلي : alickous

يا سيدي الله من يوم خلق هالدنيا خلقت هالطائفية و نحنا لبعد الف سنة بدنا نربى و نعيش انو فلان كذا و فلان كذا اي يلعن رب هالشغلة لك بس لو ننسى قصة هالدين شوي لك اكفر خلق الله بس يشوف حدا من غير طائفتو
بصير نبي و مرسل من الله ع فكرة اللي بيقول انو ما في طائفية بيكون مانو من الاقليات او مو عرفان الله وين حاطو
لك الدين افيووون الشعووووووووووب

صحيح الطائفية إلها علاقة مباشرة جدا بالدين، بس ما فيك تحط الحق عالدين، يعني هي اسرائيل دولة يهودية وما شاء الله مفتحين، وهي أميركا وأوروبا دول مسيحية وعين الله عليهن مفتحين ومحتلين العالم، بينما مرت فترة كان اليهودي ينجكى عليه نكت بالعالم وهلأ إزا حكيت عليه حرف بدكوك بالسجن لمعاداة السامية، والمسيحية كانوا يقتلوا العلماء وينفوهن، وهلأ الكنيسة عمتعتذر عن كلشي صار من قبل، القصد من حكيي إنو الدين مو أفيون، الشعب هنن نايمين،والحكام عميستغلو الأديان لحتى يتمكن بين الشعب، على مبدأ فرق تسد، وهي بالنهاية وجهة نظري الخاصة.

[yass]

أنا رأيي انو الطائفية ليست مشكلة دين بل مشكلة انتماء... يعني الاتجاه القومي دمّر الشعور الوطني خلال عشرات السنين و هلأ الاتجاه القومي طلع فاشوش... فضعنا.... لمين ننتمي؟؟ خيو للدين....

بس هالشي لا يعني انو كل متدين هو طائفي و لا يعني ايضا أن كل طائفي هو متدين....

[rassel]

لأ سورية ليست طائفية .... والله يحفظلنا الدكتور بشار الاسد حامي سوريا وراعيها ولولا قيادة الحزب الحكيمة لكنا صرنا متل لبنان من زمااااان




عاشت سوريا الاسد اخر قلاع الصمود والتصدي

[oliver68]

كاتب النص الأصلي : rassel

لأ سورية ليست طائفية .... والله يحفظلنا الدكتور بشار الاسد حامي سوريا وراعيها ولولا قيادة الحزب الحكيمة لكنا صرنا متل لبنان من زمااااان




عاشت سوريا الاسد اخر قلاع الصمود والتصدي

الللللللللللللللللللللللل للللللللللللللللله، عظمة على عظمة!!!!!
لك عوووووووووووووووووووووووو ووووووووووووووووووووووووو ووووووووووووووووووووووووو وووووووووووووووووووجة

[ابو ريتا]

كاتب النص الأصلي : yass

الطائفية هي تمييز أو تفريق بين مختلف أفراد الشعب على أسس دينية أو فئات أصغر ضمن دين واحد. تتراوح درجات الطائفية بين حد عدم الاعتراف بحق الوجود و المحاربة (مثل القتل على الهوية في لبنان أيام الحرب الأهلية و العراق حاليا) و التمييز لمجرد اعتبار الدين كسمة من سمات شخص ( يعني عندما تحاول تشرح شيئا ما عن شخص و تستخدم دينه كسمة من سماته لتمييزه مثل : فلان المسيحي, فلان العلوي .....الخ) و بين المثالين أمثلة كثيرة تتراوح خطورتها و شدتها.


بناءا على هذا الشرح السطحي و على مفهومك عن الطائفية, هل تعتقد أن الشعب السوري طائفي؟


شكرا

مابتصور انو عنا طائفية لأنو أنا مثلا ربيت مع شبين واحد مسيحي والتاني درزي وليكنا ماأحلانا 12 سنة ونحنا أصدقاء وبعمرنا ما شعرنا بالطائفية او صار مشاكل

[BL@CK]

كاتب النص الأصلي : ابو ريتا

مابتصور انو عنا طائفية لأنو أنا مثلا ربيت مع شبين واحد مسيحي والتاني درزي وليكنا ماأحلانا 12 سنة ونحنا أصدقاء وبعمرنا ما شعرنا بالطائفية او صار مشاكل

نجاحك في علاقة أو اثنتين لا ينفي وجود الظاهرة ..

[modarhanna]

و الله هالحكي مو صحيح أنو في ناس طائفية و في ناس مو طائفية يا عالم نحنا بمجتمع يدعي عدم الطائفية و لكن خلينا نسأل حالنا ليش ؟ عدم محاسبة اصحاب الفتاوي المثيرة للنعرات الطائفية و المذهبية و كمثال ( في خطب يوم الجمعة لا أسمع من المسجد القريب من منزلي إلا ما يهين اهل الكتاب فمن هم أهل الكتاب ....... لما هذا يا قليلي الإيمان بالله ...... يعملون على قلب السوريين ضد بعضهم و على أحبائهم من أصدقاء و غيرهم ....إلى متى ستبقى هذه العقلية الدنيئة في بعض النفوس قد نقول هذه العقلية موجودة في غير المثقفين ولكن هذا هو الخطأ هذه العقلية يدعمها المثقفون فمثلاً في أحد سنواتي الجامعية و في أحد المخابر العملية كانت مجموعتي مؤلفة من 3 أشخاص و كلنا مسيحيون و لكن الفرق بيننا هو ان الأسم يكشف المذهب بالنسبة لي و لرفاقي لا يكشفه ) فكانت علامتي أدنى بخمس أو ست علامات عن رفاقي مع العلم اني انا الذي اقوم بكل التجارب و عندما اشتكيت أدعى المشرف اني غير مبالي بالمخبر و غير مهتم و عندما اتهمته بالطائفية وهددته باللجوء إلى عميد الكلية عدل لي علامتي لتصبح مثل زملائي هكذا دواليك تغص جامعتنا بالنفوس الضعيفة و النعرات الطائفية و لا من محاسب على ذلك أما الرقابة و تظن نفسها تعمل لمنع ذلك فتقوم بحجب المواقع و هي تعلم أكثر من الجميع ان لا أحد غشيم في هذه الأيام كلنا تعلمنا كيفية الطرق الملتوية لفتح المواقع في الحقيقة الشيء المحزن في الأمر هو سوريا التي لا ازلا اعتبرها امي و ارضي قبل كل شيء تضمر في عيونه الكثير بسبب هذه الممارسات الشعبية و الرقابية فلا أقول إلا رفقاً بالعيون الباكية .......... دعونا نعيش حياة راقية

[oliver68]

كاتب النص الأصلي : modarhanna

و الله هالحكي مو صحيح أنو في ناس طائفية و في ناس مو طائفية يا عالم نحنا بمجتمع يدعي عدم الطائفية و لكن خلينا نسأل حالنا ليش ؟ عدم محاسبة اصحاب الفتاوي المثيرة للنعرات الطائفية و المذهبية و كمثال ( في خطب يوم الجمعة لا أسمع من المسجد القريب من منزلي إلا ما يهين اهل الكتاب فمن هم أهل الكتاب ....... لما هذا يا قليلي الإيمان بالله ...... يعملون على قلب السوريين ضد بعضهم و على أحبائهم من أصدقاء و غيرهم ....إلى متى ستبقى هذه العقلية الدنيئة في بعض النفوس قد نقول هذه العقلية موجودة في غير المثقفين ولكن هذا هو الخطأ هذه العقلية يدعمها المثقفون فمثلاً في أحد سنواتي الجامعية و في أحد المخابر العملية كانت مجموعتي مؤلفة من 3 أشخاص و كلنا مسيحيون و لكن الفرق بيننا هو ان الأسم يكشف المذهب بالنسبة لي و لرفاقي لا يكشفه ) فكانت علامتي أدنى بخمس أو ست علامات عن رفاقي مع العلم اني انا الذي اقوم بكل التجارب و عندما اشتكيت أدعى المشرف اني غير مبالي بالمخبر و غير مهتم و عندما اتهمته بالطائفية وهددته باللجوء إلى عميد الكلية عدل لي علامتي لتصبح مثل زملائي هكذا دواليك تغص جامعتنا بالنفوس الضعيفة و النعرات الطائفية و لا من محاسب على ذلك أما الرقابة و تظن نفسها تعمل لمنع ذلك فتقوم بحجب المواقع و هي تعلم أكثر من الجميع ان لا أحد غشيم في هذه الأيام كلنا تعلمنا كيفية الطرق الملتوية لفتح المواقع في الحقيقة الشيء المحزن في الأمر هو سوريا التي لا ازلا اعتبرها امي و ارضي قبل كل شيء تضمر في عيونه الكثير بسبب هذه الممارسات الشعبية و الرقابية فلا أقول إلا رفقاً بالعيون الباكية .......... دعونا نعيش حياة راقية

أنا مسلم، وبأيدك مليون بالمية على كلامك، وبالذات شيوخ تبعون خطب الجمعة، أصلا أنا يوم الجمعة ما بروح إلا عالصلاة، وكل ما احضر الخطبة بتلاقي الشيخ سب على "اليهود والنصارى ومن والاهم" وكل حكيو تخويف وترهيب، فمشان هيك ما بروح إلا عالصلاة، وشغلة العلامات هي عند المسلم والمسيحي حتى بالطوائف من نفس الدين في عنصرية. وأنا متأكد إنك ما بتحقد على ديننا لأن يللي عمبتشوفو ولا يمكن يتبرر بالدين الإسلامي ولا حتى بأي دين.

[modarhanna]

لا أحد يحقد على أحد
يجب ان ننسى دياناتنا و مذاهبنا و معتقداتنا عند الحديث عن سوريا ...............

[oliver68]

كاتب النص الأصلي : modarhanna

لا أحد يحقد على أحد
يجب ان ننسى دياناتنا و مذاهبنا و معتقداتنا عند الحديث عن سوريا ...............

مو بس سوريا، عمستوى البشرية حتى، ما لازم يكون في تمييز لا عنصري ولا طائفي، وشو ما كانت الأسباب...................

[ظل جيفارا]

كاتب النص الأصلي : rassel

لأ سورية ليست طائفية .... والله يحفظلنا الدكتور بشار الاسد حامي سوريا وراعيها ولولا قيادة الحزب الحكيمة لكنا صرنا متل لبنان من زمااااان




عاشت سوريا الاسد اخر قلاع الصمود والتصدي

بتوقع بعد هالرد العظيم صار لازم مو بس يتسكر الموضوع لازم يتسكر المنتدى كله ...
يعني خلص نص مقدس شلفنا اياها وخلص مشي الحال


اما بخصوص كون سوريا دولة طائفية ما بتوقع وصلت لهلمرحلة لسا
تحياتي الحارة
ظل جيفارا

[modarhanna]

كاتب النص الأصلي : rassel

ولولا قيادة الحزب الحكيمة لكنا صرنا متل لبنان من زمااااان

حدا شايف شي ................... لا تطلقوا شعارات لأنو هي أنتوا المسؤولين عنها و بس يصيبكم مكروه مثل بعض العالم مارح يكو ن إلا خرجكون متل ماصار بالعراق

نادوا بالتحرير الأميركي و رفعوا صور بوش و بوش هو اللي دمرهون .................

[oliver68]

كاتب النص الأصلي : ظل جيفارا

بتوقع بعد هالرد العظيم صار لازم مو بس يتسكر الموضوع لازم يتسكر المنتدى كله ...
يعني خلص نص مقدس شلفنا اياها وخلص مشي الحال


ظل جيفارا

رفعت الأقلام وجفت الصحف!!!!

[ظل جيفارا]

كاتب النص الأصلي : أبو طريق

رفعت الأقلام وجفت الصحف!!!!

وكل شيء حفظناه في كتاب مبين
خلص سوريا دولة غير طائفية كله بفضل شخص واحد
وعي العامة الوعي العام التفاعل مستوى المعيشة كلها ما خصها
ولك الله بيعين يا شريك
بس بربي حبيتك
تحياتي الحارة
ظل جيفارا

[شب الكوبة]

بعرف شغلة وحدة انو الشعب العربي رب الطائفية والمناطقية والعشائرية والقبائلية والعوائيلية و الاقليمية من عصر يعرب الأكبر و غير الله ما رح يغيرو .... والحل الوحيد المتوفر حاليا هو الصرماية "ليللي بدو يحكي بالطائفية" .. على امل يتغير يوما ما بشي معجزة كونية وشي مليون طفرة مورثية

[ظل جيفارا]

كاتب النص الأصلي : شب الكوبة

بعرف شغلة وحدة انو الشعب العربي رب الطائفية والمناطقية والعشائرية والقبائلية والعوائيلية و الاقليمية من عصر يعرب الأكبر و غير الله ما رح يغيرو .... والحل الوحيد المتوفر حاليا هو الصرماية "ليللي بدو يحكي بالطائفية" .. على امل يتغير يوما ما بشي معجزة كونية وشي مليون طفرة مورثية

شو رأيك ابو طريق نفس الفكرة الأنفة الذكر ما هيك ؟
تحياتي الحارة
ظل جيفارا