التمييز العنصري في سورية

[ayhamm26]

كاتب النص الأصلي : COSTA

حزب البعث ما كلن بحياتو بنادي بالطائفية
وحتى قياداتو كلها متنوعة ومانها محصورة بطائفة معينة
وقيادات البلد والحكومة ايضا مانها محصورة بطائفة بل متنوعة
فوين الطائفية والتمييز يللي عم تحكو عنو ؟؟؟

حزب البعث ماالو اي دور بالحكم وتم تهميشو منذ انقلاب 1966 والدور الوحيد اللي عم يلعبو هو تغطية عورة النظام الطائفية يعني اصحاب النفوذ الفعلي بالبلد هني من الجيش والمخابرات والدائرة الضيقة المحيطة ببشار الاسد اما الحزب والحكومة فهني مجرد موظفين ومنفذين للاوامر لا اكتر ولا اقل

[بنفسجة]

ليش هالعنصرية ضد الطائفة العلوية بهيدا الموضوع
يعني اذا هيي اقلية مالازم تتمتع باي ميزات
مين عم يضطهد مين هل من يضطهد احدا يجب ان يكون علويا
هل كل من يضطهدون هم من العلويين وكل من هم مضطهدين هم من الاكثرية في البلد كما قال المقال
طيب مو انتو اكثرية يلاه عملو انقلاب وبيدو الطائفة متل ماحاول سليمان االقانوني العثماني
لان يبدو مشكلتكون مش مع نظام مشكلتكون مع طائفة مش عم تتقبلو وجودها بالمجتمع
هي الطائفة فيها ناس قدمت كتير لهيدا الوطن فيها الغني والفقير فيها المتعلم والجاهل فيها الوظف والعاطل متلها متل اي طائفة اخرى بالبلد وهي طائفة متعايشةع كل يلي حوليها بطريقة حضارية جدا
فيها الشرير متل مافيها الاخيار متلها متل اي تجمع ديني موجود فلا تقولولي اقلية ومابعرف شو وبنصير نحكي متل اللبنانيين
في بالاكثرية يلي عم يحكي عنها المقال كتير متنفذين وكتير متسلطين متلون متل هالاقلية وفيها كمان الطيب والشرير متلها متل هالاقلية
فياريت انو شوي تلجمو حالكون وتنتبهو انكون كتير عم تتطرفو بحكمكم على الناس طائفيا
يعني متلكون متل الشباب بالسعودية ما بيعترفو على حدا غير على اكثريتون

[yass]

كاتب النص الأصلي : COSTA

من الطبيعي انو يصير هالشي بالنسبة لاي شعب او اي دولة فيها تعددية دينية وطائفية
بس هاد الشي ما بشكل خطورة انو يكون في طائفية لانو من الاساس ما استلمو هنن لاجل الطائفية او سيطرة طائفة معينة ( كمان صار فيني متلك ما عم لاقي الصيغة المناسبة )
بس بعتقد انو فينا نشبه سوريا متل يوغسلافيا السابقة على دور تيتو كيف كانت برغم انو في فرق بيناتون بالنظام الداخلي واسلوب الحكم

برأيي من الطبيعي انو يصير هالشي بدولة متخلفة و غير ديمقراطية

و طبعا الأمر خطير يا كوستا لأنه تمييز, سميه طائفي سميه عائلي سميه على لون الشعر و العيون ... متل ما بدك, في تمييز و الكفاءة عم تصير معيار ثانوي أو حتى مانها معيار, و هالشي غلط و بعتقد انك تتفق معي على هالشي

ما فهمت بالضبط تشبيهك ليوغسلافيا... قصدك التعصب القومي الصربي مقابل باقي أراضي يوغسلافيا؟

[بنفسجة]

كاتب النص الأصلي : شب الكوبة

مع تأكيدي على نجاح النظام السوري بالغاء الطائفية من الحياة السورية بنسبة مهمة ... وخصوصا لما منقارن مع الدول المجاورة ... وما ترتب على ذلك من جعل سوريا مضرب المثل عند هالدول و غيرا في "التعايش المشترك"
وهادا ما خلى كتير من أعداء سوريا والحاقدين عليها يحسدونا و يتمنوا يخربوا مجتمعنا بكلامن المريض المأجور.. بس يا حراام ما عم يطلع بايدن شي بسبب وعي شعبنا بمعظم فئاتو .. فما بقى عندن شغلة ولا عملة الا يكتبو وينشروا الاخبار المغرضة والاباطيل الحاقدة ...

و رغم انو الحل الامثل لهيك كلام ولهيك صحافة صفراء هوي رميو بالزبالة

رح بسمح لحالي بتوضيح بعض الامور للتاريخ فقط ...و قول انو الطائفة العلوية بسوريا هي طائفة محرومة لابعد الحدود عكس ما أنو ممكن يتخيل البعض

1_يعني 95% من رجال الاعمال والوزراء و المدراء و.... مو علويين رغم انو نسبة كبيرة من الدكاترة والجامعيين والمتعلمين هني منن

2_هي الطائفة الوحيدة يللي بسوريا يللي ما الها حق ممارسة شعائرها """ يعني مفروض علينا ندرس مناهج و مذاهب الطائفة السنية الكريمة""" مع انوبيجوز ما تلاقي حدا علوي ممكن يقلك هيك لانو بالنسبة لمعظم العلويين ما في هالفروق الكبيرة بينن و بين المذهب الجعفري وبالاخير كلو اسلام ....

3_غياب خطة الانماء المتوازن عن مناطقن المحرومة بالاصل رغم مساهمتها بشكل كبير في انماء الاقتصاد الوطني

4_5_.....وشغلات كتيييرة مارح اذكرا هلا

يعني الشغلة الو حيدة يللي عم "يتمتعوا فيها" هي هاد الامان ع ارواحن وعدماؤن

فمو من المعقول تحملو طائفة بسوريا و حدا ممارسات الفساد وغيرا من الامور يللي ما بتنحصر بطائفة معينة او زمن معين

تحياتي والله يحمي سوريا ورئيسا وشعبا

اخ حطيت ايدك على الجرح

[dajon1976]

إنو بشرفك شو دخل حقوق الإنسان بالأحقاد الطائفية؟؟؟؟؟
لسا كل ما نط حدا بدو يحكي بيقول حقوق الإنسان , و الأحلى إنو حتى الإخوان المسلمين بيغنوا هالغنية.
ريحونا بقا , و الله العظيم حلنا نرتاح من أفكار تافهة و بالية و إلغائية ولووووو.
أنا ما بصدق أنو لهلق فيه ناس إلها هالنوع من الخطاب : شو بستفيدوا من حقن الناس ضد بعضها باسم الدين؟وين و إيمت نحنا عايشين؟و دخلك شو البديل برأيك يمكن حركة طالبان بنسخة سورية؟؟؟؟
أعتقد أن العلمانية و فصل الدين هي السبيل الأنجع لإعادة ترتيب البيت و من أهم شروطها إلغاء هذا النوع من الخطاب من أذهاننا.

[BL@CK]

كاتب النص الأصلي : بنفسجة

فياريت انو شوي تلجموحالكون وتنتبهو انكون كتير عم تتطرفو بحكمكم على الناس طائفيا
يعني متلكون متل الشباب بالسعودية ما بيعترفو على حدا غير على اكثريتون

عفوا ً إذا حضرتك بيعاملوكي الأشخاص بـ " لجام "

أكيد إنتي لوحدك بس بتحبي هالمعاملة , لذا لا تعممّي ..

كاتب النص الأصلي : phoenixbird

طيب لو طلعتي هلأ ما في شي من الطائفية
الرئيس علوي
رئيس الوزراء سني
نواب الرئيس سنة او مسيحييين
وكل دوائر الدولة ما فيها شئ من الطائفية

عذرا بس نحنا ولاد البلد وعايشين فيها وعارفين شو بها

و زبال حارتنا سني , و الآزن عندي شيعي , و صاحب المكتب أرمني ..

و أمي بوذية و جدي يهودي

اي وشو استفدنا ..

هالأشخاص اللي ذكرتون حضرتك بتوّقع رجلين كرسي أو واجهة للتمريق بس

عموما ً أنا برأيي نفتح موضوع جديد نكسر إيدنا و نشحد عـ العلوّيين ..

[Yasmine Alcham]

كاتب النص الأصلي : خيالات واوهام

النظام طائفي وغير طائفي حسب المكان.

من الناحية الإقتصادية فهو غير طائفي على الإطلاق فمافيات الإقتصاد من كل الطوائف رامي مخلوف وراتب الشلاح وصائب النحاس والسيد أنبوبا ومحمد حمشو وغيرهم الكثير من اللصوص هم من جميع الطوائف ارتبطوا مع مافيات السلطة بعلاقة شراكة حيث يمنحون رجال السلطة حصتهم مقابل غض النظر عن نشاطاتهم ومنحهم امتيازات وتراخيص احتكارية تؤمن للطرفين ربح سريع وفاحش ومضمون.

من الناحية الأمنية فسيطرة الطائفة العلوية على كل مفاصل أمن النظام من مخابرات وحرس جمهوري وجيش هي علوية بالكامل وليست فقط علوية ولكن كلما ارتفعنا نحو الأعلى تصبح هناك درجة من القرابة مع رأس النظام وقد لا يعود ذلك إلى طائفية النظام بل إلى طبيعة تركيبه التي تعتمد على الشك والتخوين دائماً للآخر.

من الناحية السياسية نلاحظ ان أعضاء مجلس الشعب والوزراء يمثلون كافة الطوائف والقوميات ولكن هذا لا يعني شيء لأن الجميع يعرف أن رئيس فرع مخابرات يملك من القوة والنفوذ ما يزيد بمئات المرات عن أي وزير أو عضو مجلس شعب.

ملاحظة أخيرة معظم المدراء العامين ومدراء الشركات والمؤسسات هم علويون وكذلك غالبية الطلاب الموفدين للخارج والموظفين المعينين بالدولة هم علويون وهذا قد يعود أيضاً لأن الجهات الأمنية صاحبة اليد العليا في هذه التعيينات هم عليويين ودائماً الأقربون أولى بالمعروف.

من ناحية المعارضة فالنظام غير طائفي على على الإطلاق فهو مستعد لسجن أي معارض مهما كان إنتمائه الطائفي أو الحزبي وقد عانى السجناء السياسيين من الطائفة العلوية أضعاف ما عانى منه الآخرون.

أفراد الطائفة العلوية الطيبون الذين لم يرتبطوا بالنظام من أفضل الناس أخلاقاً

كلام موضوعي و واقعي بشكرك ...

[بنفسجة]

كاتب النص الأصلي : BL@CK

عفوا ً إذا حضرتك بيعاملوكي الأشخاص بـ " لجام "

أكيد إنتي لوحدك بس بتحبي هالمعاملة , لذا لا تعممّي ..

ماقصدت يلي انت عقلك مافكر الا فيه بسبب ضيق الفكر عندك ولجم النفس تعبير لاعلاقة له بما انت تفكر فيه
للاسف مش اول مرة بتصدر عنك اشياء بتعبر عنك متل هي انا ماحدا بيعلمني الجم نفسي لاني تعلمت لحالي اتحكم بتصرفاتي ياريت شي مرة شوف شي رد حضاري من جنابك

[بنفسجة]

بصراحة انا ولا مرة فكرت بطريقة طائفية الا لما دخلت اخوية وحسيت انو فيها كتير من ما يحرض ولو عن غير قصد على الاشياء الطائفية هيدا الموضوع رجعني لايام العثمانيين والخوان المجرمين يعني الواحد منكون مافكر شو الظروف يلي خلت كل المخابرات فقط من الطائفة العلوية حدا منكون يرجع للتاريخ ويعرف ظروف التحاق عدد كبير من هذه الطائفة بجهاز المخابرات يمكن بتلاقو مبرر لهيدا الشي
وياريت من يلي عم يحكي انو العلويين مسيطيرين على مفاصل الدولة وانو البعثات العلمية خالصة بالعلويين يدور ويصحح معلوماتو كتير منيح
وجود ناس على درجة عالية من الثقافة والعلم هو فخر للطائفة العلوية ولازم يلي عم يعترض على البعثات الون انو شوي يتعب على حالو ليوصل ليلي وصلو الو معروف انو طرطوس من اكثر مناطق القطر نسبة في التعليم والثقافة فياريت لاتجحفوهون حقون لمجرد انهم اقلية في دولة لاطائفية انما يطغى عليها لون طائفي باكثرية

[كهربجي]

كاتب النص الأصلي : Yasmine Alcham

هلق الموضوع طائفي كتييير........!!!!!!!!!! و كون رئيس الجمهورية من 37 سنة من طائفة محددة
بالاكراه و الاجبار و تغيير الدستور مو طائفي أبدااا !!!!!!


كنت بتمنى أنو يبقى الحوار منطقي و على الواقع متل فكرتي عن أخوية ..

على كل حال باحترم رأيك أخ كهربجي و يمكن بفهم دوافع جوابك ...

ياسمين

يا عيوني رئيس الجمهورية من أسرة محددة أو من اتجاه محدد أكيد معك.. بس مو لأنو هيك طائفتو.. لو حافظ الأسد كان سني أو يهودي أو مسيحي أو بوذي حتى كان صار رئيس.. وابنو بعدو.. ما دخل أنو علوي

[بنفسجة]

كاتب النص الأصلي : كهربجي

يا عيوني رئيس الجمهورية من أسرة محددة أو من اتجاه محدد أكيد معك.. بس مو لأنو هيك طائفتو.. لو حافظ الأسد كان سني أو يهودي أو مسيحي أو بوذي حتى كان صار رئيس.. وابنو بعدو.. ما دخل أنو علوي

كلام منطقي

[Yasmine Alcham]

كاتب النص الأصلي : dajon1976

إنو بشرفك شو دخل حقوق الإنسان بالأحقاد الطائفية؟؟؟؟؟
.

نحنا عمنحكي عن التمييز العنصري ... مو عن الطائفية...

التمييز العنصري يعني معاملة الانسان بناء على انتماؤه العرقي أو الديني أو الطائفي أو لونه أو جنسه أو حتى عمره.....
و الحاق الضرر بالشخص أو فصله من عمله أو عدم توظيفه بسبب انتماؤه و تفضيل الاخرين عليه لنفس السبب....

[Yasmine Alcham]

كاتب النص الأصلي : بنفسجة

ليش هالعنصرية ضد الطائفة العلوية بهيدا الموضوع
في بالاكثرية يلي عم يحكي عنها المقال كتير متنفذين وكتير متسلطين متلون متل هالاقلية وفيها كمان الطيب والشرير متلها متل هالاقلية
فياريت انو شوي تلجمو حالكون وتنتبهو انكون كتير عم تتطرفو بحكمكم على الناس طائفيا
يعني متلكون متل الشباب بالسعودية ما بيعترفو على حدا غير على اكثريتون

القصد بالاكثرية الأكثرية المبنية على أسس ديمقراطية و انتخابات

يعني.....
وجود عدة مرشحين بمثلوا شرائح و أحزاب البلد المختلفة و كل مرشح بقدم برنامج انتخابي بيشرح فيه مشاريعه و خططه لتنمية البلد و تحسين ظروف معيشة الشعب ...

و بعدين... الناس بتختار الشخص أو الحزب المناسب لتحقيق تطلعاتها و بروحوا بينتخبوا بحرية .. بدون دم!!!! و لا أوراق محضرة سلفا!!!!

و بينجح الشخص يلي اختاره الشعب و مو للأبد !!!!!!!!!!! لأ.. لفترة محددة و فق القانون

و بعد انتهاء فترة حكمه يقيم عمل حكومته ايجابيات و سلبيات ...

و بيستلم الحكومة شخص اخر بيستفيد من تجارب سلفه و هيييك .. بتطور و بتعمر البلاد ..

متل مالك شايفة ما في أي طائفية أو ظلم لحدا و ممكن الرئيس المنتخب يكون من أي طائفة أو حتى بلا طائفة إذا كفاءاته بتأهله للموقع ....

[Yasmine Alcham]

كاتب النص الأصلي : كهربجي

يا عيوني رئيس الجمهورية من أسرة محددة أو من اتجاه محدد أكيد معك.. بس مو لأنو هيك طائفتو.. لو حافظ الأسد كان سني أو يهودي أو مسيحي أو بوذي حتى كان صار رئيس.. وابنو بعدو.. ما دخل أنو علوي

أنا ما عمبقول صار رئيس لأنو هيك طائفته.. و لو كانالحكم من أي طائفة تانية و استمر بهالطريقة اسمه حكم بالاجبار و طائفي لأنو بكل بساطة نظام قائم على المخابرات و قمع الحريات و الجلادين كلهم من نفس الطائفة ..

فمهما حاولنا نرش عالموت سكر بضل اسمه موت...

[BL@CK]

كاتب النص الأصلي : بنفسجة

ماقصدت يلي انت عقلك مافكر الا فيه بسبب ضيق الفكر عندك ولجم النفس تعبير لاعلاقة له بما انت تفكر فيه
للاسف مش اول مرة بتصدر عنك اشياء بتعبر عنك متل هي انا ماحدا بيعلمني الجم نفسي لاني تعلمت لحالي اتحكم بتصرفاتي ياريت شي مرة شوف شي رد حضاري من جنابك

عفوا ً نحنا هون بالأخوية , مالنا باجتماع حزبي ..

تصرّفي كـ عضو أخوّي ما كـ رفيق حزبي ..

سياسة إطلاق الاتهامات و التعميمات ما بتزكرني غير باجتماعات الشعب الحزبيّة ..

لجم النفس تعبير معروف بس إنتي قلتي و بالحرف " فياريت انو شوي تلجمو حالكون "

بتوّقع " تلجمو حالكون " غير " لجم النفس "

كان أفضل لو اعتذرتي و قلتي غلطت بالتعبير , بدل ما تتهميني بأنو ردودي مش حضارية

عموما ً ما رح نغيّر مجرى الموضوع و أقلك أنو تفضلي يا " حضارية " وريني وين قلة الحضارة بردودي

بس أنو نهاية ً بحب قلّك مالنا باجتماع حزبي ..

[ayhamm26]

يعني ما عم بعرف ليش في ناس هون عاملة قصة ما في ولا رد تم التهجم في على الطائفة العلوية انما الكل اكدوا انو هي ضحية للنظام متل كل الشعب السوري فوين الطائفية؟؟ بعدين اذا في مشكلة بالمجتمع بدل ما تتناقش بشكل موضوعي لازم يعني نحط راسنا بالارض متل النعام ونقول لا كل شي بسوريا الاسد تمام بس مشان ما تعترفو بجرائم بيت الاسد

[dajon1976]

التمييز العنصري يعني معاملة الانسان بناء على انتماؤه العرقي أو الديني أو الطائفي أو لونه أو جنسه أو حتى عمره.....
و الحاق الضرر بالشخص أو فصله من عمله أو عدم توظيفه بسبب انتماؤه و تفضيل الاخرين عليه لنفس السبب....

إنو كلامك صحيح بس شو دخل كلامك بالوضع الطائفي بسوريا؟؟؟؟
بحب ذكرك أنو الوضع كان تماماً هيك بالعراق و بالبحرين و حتى بأمريكا فيه معاملة عنصرية أحياناً للسود و الملونين, فهل معناتها أنو صدام أو جورج بوش علوية؟؟؟؟!!!!!!!!
أنت عم تستغلي حقوق الإنسان لاثبات رأيك , و أنا كتير مستغرب كيف بنستخدم حقوق الإنسان لتبرير فكر إلغائي و عدائي و يخلق الآخر ليبرر افناؤه.
هذه هي مشكلة الدولة الدينية حيث يتحول فيها الإتجاه الفكري لبعض الأفراد نحو الآخر الديني و احاطته فكرياً(على الأقل), و لا لأقول أن سوريا دينية و لكني أتمنى أن يتم فصل تام و حاد للدين عن الحياة السياسية و احلال العلمانية الصرفة لكي نتعلم قبول الآخر و لنندمج معاً في حقوقنا الإنسانية.

[ظل جيفارا]

برأيي يا جماعة إنو الموضوع لازم ينحذف لإنه لا يعدو عن كونه اثارة نعرة طائفية وأصلا يبتعد عن الحقيقة بمقدار ابتعاد اللجنة السورية لحقوق الإنسان عن الوطنية والأن اصبحت اعلم لما يعتقل افرادها ...
نحن مع وطن واحد سنة علويون مسيحيون عرب اكراد سريان اشوريين وبكل شرائح البلد
نحن مع نظام ديمقراطي علماني ولكن هذا النظام يعني أن تعزل تصرفات الفرد عن تصرفات الطبقة التي هو منها
النظام السوري ولا أرى فيه اي مقوم من مقومات النظام العلوي فلكي لا ننسى المذهب العلوي هو أحد مذاهب الفكر الإسلامي ولو ان النظام علويا لأعلن في الدولة نظاما إسلاميا ولكن النظام في سوريا يعتمد على حركية اشخاص معينين يهتمون لمصالح معينة قد تبتعد وقد تلتقي مع مصالح الشعب ولكنها لا تعبر ابدا عن رأي الطائفة العلوية ولو ان النظام العلوي في سوريا يحقق مصلحة العلويين لما رأينا في مدن ينتشر بها العلويين حركات معارضة من اقوى الحركات ك " حزب العمل الشيوعي مثلا وامينه العام فاتح جاموس" وهناك المعارض المشهور " عادل محفوظ " وايضا " عارف دليلة " وهذا على صعيد القيادات وانا وفي حوارتي مع شباب مدينتي التي ينتشر فيها العلويين أعلم ان العلوي كفرد هو كالسني كالكردي هو في النهاية " سوري " ويتمتع بالخصائص العامة لثقافة الشعب فمنه من هو في اقصى درجات الرفض للنظام ومنه من هو في اشد حلقات الإرتباط المصيري الأيديولوجي مع هذا النظام
لذا برأيي أن الطائفة العلوية لا تحكم لذاتها ومن الصدفة البحتة ان هناك اثنين او ثلاثة من قيادات البلد فقط من هذه الطائفة والبقية الباقية مختلفة فمن مسلم سني إلى مسيحي بكل ما يحويه الفكر الثاني من اختلافات
وتحياتي الحارة ..... وأسفي على هذا المنطلق في الحوار
ظل جيفارا