اعتصام سلمي في دمشق .. احتجاجا على حجب الفيس بوك بسوريا

[الراصد السوري]

كاتب النص الأصلي : BL@CK

خيو بس لأحكيلك ..

الشباب السوري اللي بدون يطلعو بالاعتصام أوطى من الغبرة تحت صرمايتك

بيلعبو باسكت تحت صرمايتك

لك يا عمي و فاتحين بيت دعارة عن طريق الفيس بوك ..

ما هو هاد صاير شغالكم الشاغل ونحنا عندنا شي أهم هيك وبتحداك انت وفاوست بس تمرأ من شارع البرلمان او ساحة الصالحية بكرا

[Barleb]

كاتب النص الأصلي : الراصد السوري

ما هو هاد صاير شغالكم الشاغل ونحنا عندنا شي أهم هيك وبتحداك انت وفاوست بس تمرأ من شارع البرلمان او ساحة الصالحية بكرا

عمو عمو .. معلش انا أمرء الله يخليك ..


و لك الله يلعن الجوز ...












و يخلي اللوز

[NERVANO]

تفاهة ... يعني مو معقول .. انا براي موقع الفيس بوك مالو لزوم بالمرة

[yass]

مبدئيا أنا مع أي تحرك سلمي للاحتجاج على أي شيء يمكن أن يعتبر غير سليم, خاطئ أو ظالم.

[كلمة حب]

ضل اسخف من هيك شعب ؟؟؟؟؟؟؟؟

[ASH]

بعد ما شفنا كل شي ردود جميله و ظريفه و لطيفه ...
اليوم الاربعاء يعني على اساس اليوم هي الحرب السلميه يلي بدون يعملوها ...

انو ولله امرنا غريب يا ربي حدا بيحجب موقع متل الفيس بوك او الهاي فايف او الماي سبيس ، انو ما بعرف شو هل وزير يلي تاركلي مشكلة الاختناق بخوط الانترنت ، و الازدحام بالسيرفرات المفشكله و خطوط التلفون يلي اكل الزمان عليها و شرب و خ*** و تحللة و مشكلة دفع الفواتير يلي بظل عم تنط من موظف لموظف لحتى بالاخير حدا يفيدك ، و مشكلة لما الواحد يقدم على خط تلفون جديد بدو يطلع لعند الله ياخود منو توقيعين و ختم و بصمه و يرجع لعند الموظف ويحكيلو تفضل و ما يقبلها مع انها موقعه من الله ، بس كبسو مصاري لو كنت موقعها من الزبال يلي جنب الاتصالات بيقبلها ......

ترك كل هدول ها كل هدوووول القصص و لسى في عندنا مشكلة الهواتف المحموله و مشكلة كيف بدنا نزيد على كل مواطن 200 ليره كل كم شهر و كيف بدنا نلطشلو 10 وحدات كل ما تصل و فصل الخط و كيف و كيف و كيف و كيف و كيف و كيف و كيف .....

وبالاخير بيوقعلي على امر بتسكير الفيس بوك ، يعني هل هاد كلام منطقي يا ربي صرنا ب 2007 ، و بنلحق مواقع تعارف و ما بعرف شو و بنسكرها ، طيب ما بعرف شاف مجموعات المعارضه ما شاف المجموعات الحزبيه و يلي بتأيد الرئيس و يلي هيه اكتر من المعارضه بمليون مره ، يعني مشان المعارضه ينحرم الشعب كلو من المواقع ..

هل فكرو هيك عم يساعد هيك ماعم يساعد هيك عم يكبة ، لانو متل مافي ناس معارضه ، في نحنى عم ندافع و بمية طريقه هيك خليتو صوت المعارضه و غيرهم بس الموجود ، بينما صوت المدافعين عن الرئيس و الدوله حجبتو ، يعني ضرتونا ألنا مو ألهم ...

سبحانك يا ربي ولله شي بيجلط ، قريبا متوقع لح يسكر موقع الاتصالات نفسو ...

بعدين على الردود يلي وردة من البعض انو هيك مواقع ما بتفيد و انو اخر همنا لافيس بوك ويلي متلو ، بحكيلهم غلطانين كتير بهل راي ، الفيس بوك ترتيبو رقم بين 5 لل 8على الشبكه بالعالم و اليو تيوب ترتيبو بي 3 لل 5 ، و الماي سبيس بين ال 2 لل 4 ، و الغوغل ترتيبو بين 1 لل 3 ، و بيجي الهوت ميل و مايكروسوفت بين 1 لل 3 كمان ...

يعني لاحظو من الارقام انو متل الفيس بوك و الماي سبيس ما بيقلو اهميه عن الغوغل و الهوت ميل و المايكروسوفت ، معناها اديش عالم عم تشوفو معناها لما عم ننشر فكره اديش عالم عم تشوف صوتنا حتى نحنى كمواطنين مع الحكم و بندافع عنوا ، تخيلو لما حجبو الموقع بسوريا صوت المواطن يلي مع الحكم مات لانو ماعد يحسن يفوت ، بينما الاصوات الباقيه باقيه ، وهل شي عم يساعدهم ماعم يساعدنا ...

مو كل شي بيصير معناها صح و مو كل شي عم يتم من الوزارة معناه هي المصلحه لا ، في اخطاء و اخطاء عم تصب بمصلحة المعارضه و اي شي ضض الحكم ، يعني بفكرهم هيك عم يفيدونا بس العكس صحيح ، وبعدين مين لهلا ما بيعرف يكسر البروكسي و يفوت علموقع لو حاجبينو من المريخ ...

خلص عصر حجب المواقع او تشفيرها ولا من زمان ، ماعد فاد غير انو حط علامة استفهام كبيره انو ليش ...

اسف علأطاله

بس خبروني شو بيصير بهل جمعه يلي مالح تصير

[lolit]

بعد ما رد آش على الموضوع ما فيي احكي شي ..... حكا كل الحكي الي ممكن كنت رد فيه
شكرا آش
وشكرا للشباب كلهن المعارضة والموالاة
بس عندي استفسار إذا كانت المعارضة مش نازلة ولا الموالاة معناتو صار في عندنا هون حزب تالت ما رح اعرف سميه هلأ غير حزب الفيس بوك ...
وهي ظاهرة صحية يعني بلش عندنا تشكل الاحزاب الاجتماعية والغير سياسية ....
هي رح اتركها لموضوع تاني احسن
بس بشكر الكل الي شارك وبتمنى ما تتحول الجلسات الى مخانقة متل العادة ولو انو ما تاخد صاحب إلا بعد مخانقة ..
وتعليق صغير ما عاد بياعين اليانصيب مخابرات انتقلوا صاروا على التكاسي ... ديرو بالكن من الحكي بالتكسي هههههههههههه

[BL@CK]

يستر عالملايكي عندي شغل أنا , بس حدا يتكرّم و يفضل على راسي و يشفلنا إذا رح يتجمعو .

يعني تجربة شغل بني آدمين من زمن ما صارت . ضروري حدا يتابعا .

[ASH]

كاتب النص الأصلي : BL@CK

يستر عالملايكي عندي شغل أنا , بس حدا يتكرّم و يفضل على راسي و يشفلنا إذا رح يتجمعو .

يعني تجربة شغل بني آدمين من زمن ما صارت . ضروري حدا يتابعا .

ما بتوقع حدا لح يجتمع يا رجل لح يمرو كل خمسه مع بعض يشوفو مافي حدا بيحملوا حالهم و بيمشو و هكذا

[lolit]

كاتب النص الأصلي : BL@CK

يستر عالملايكي عندي شغل أنا , بس حدا يتكرّم و يفضل على راسي و يشفلنا إذا رح يتجمعو .

يعني تجربة شغل بني آدمين من زمن ما صارت . ضروري حدا يتابعا .

انت روح ولا يهمك اذا اجتمعوا رح يجيبون لهون أول مشان تشوفن

[phoenixbird]

يا ريتني كنت موجود

[lolit]

كاتب النص الأصلي : phoenixbird

يا ريتني كنت موجود

لا تاكل هم يمكن ما صار الاجتماع
لأن لهلأ ما حدا رد لي خبر انو اجتمعوا ولا لا وياريتك رحت كنت خبرتنا شو صار
بس يبدو متل ما حكو الشباب أنو ما قدروا يجتمعوا بسبب سوء الأحوال الجوية ... برد يعني

[blue eyes]

يعني بفهم من الكلام انو ماصار الاعتصام؟؟؟

[Willi]

هلق شيلونا من المخابرات.
انا برأيي الموالات اوسخ من المخابرات لسى.

بكرا المخابرات بفلتوهون. وهدوك بيتولو الموضوع.

متل ما صار يمكن هديك السنة على ما اتذكر

[LiOnHeArT.3LA2]

طيب ازا واحد من الشباب الطيبة وقلن يا مازوت يا فيس بوك

اكيد رح يختارو الفيس بوك

بتعرف شو

انو انا هلأ اجا عبالي اشترك بالفيس بوك من كتر ما سمعت عنو

ميرسي عالموضوع

لك شبو الهاي فايف شبو الماي سبيس هلأ معت يمشي الحال غير بالفايس بوك

انو فيس بوك على اساس انو راقي وشغل او را لا

على قولتك ولله في خلقه شؤون

[LiOnHeArT.3LA2]

كاتب النص الأصلي : الراصد السوري

مارح نزل من مستواي وأرد عليك الأيام هي يلي بترد عليك

او را لا

يا كبيييييييييييييييير راصد انتي كتير كبير مستواك كتير او لا را

انا بدي بعد ما يفتح الفيس بوك تعطيني بروفايلك فيه
انا متأكد انو حاطط صورتك وانتا يا روح امك عم تلعب باسكت

وانتي نافش عضلاتك

وشايل عصاية وحاطط فيها بلاستيك وداهنو بالأسود على اساس انو بتلعب كمال اجسام

لك دوبك خرجك كمال عضام

المهم انو انا بحمص فليذالوكا مشوار ساعتين عالشام
و1800 ليرة حق بانزين

ما ضروريات مشان شوف تظاهرة لموقع ما بحبو بالاساس

لانو كلياتو انو على اساس للعالم الكلاس

هلق بيجوز انا نوري

وبيجوز ما بفهم

بس انو يعني ازا عملو اشتراك بشي موقع تاني

بس ليش الممنوع مرغوب بهالبلد هي

وقت سمعو انو ما في مازوت

كل العالم صارت بدها تعبي مازوت

وقت سمعو بغلا البانزين كلو اشترا سيارات

وقت غلي الدهب كلياتون بدون يتجوزو

الله يخليلي البكلوريا شاغالتني كتييييييييييييير ((الله يلعن ابو اللي فتح كتاب))

بس كمان الواحد بيفكر شلون بدو يصير بالجامعة

لك سيديييييييييييييييييييييي يييييييييييي


كل واحد براسو 100 شغلة

هدا اللي رايح يعتصم مشان الفيس بوك
بيكون ابوه حاططلو المرسيدس ال 600 تحت ط.... والبانزين على حساب الدولة

انا لاني مع الدولة ولاني مع الشب
انا مع السلامة

[lolit]

أهلين بالشباب الطيبة والله وعلى راسي كل هالحكي بس ما صار الاجتماع للأسف وما عرفنا مين هني الي كانو داعيين للاعتصام يبدو عملوه على الموقع تبع البرلمان بدل الشارع ههههه
بس نسيت روح شوفهن هنيك مبارح والله ....

[Reemi]

بما انو اخدتو راحتكن كتير ..وبما انو ما صار الاعتصام ... وبما انو في موضوع تاني عن الفيس بوك... قررنا نغلق الموضوع..

بس ملاحظه: كل واحد فيكن شايل راية الديمقراطيه .. وبس يشوف واحد بيخالفو بينسى الرايه وبيلتهي بالدفاع عن حكيو ورأيو .. يا ريت ما نتمسخر عبعض المره الجاي ونكون ارقى بالتعامل

يا هلا