حجبوا الفيس بوك

[phoenixbird]

كاتب النص الأصلي : الراصد السوري

أول شي الفيس بوك انحجب عن بعض وسائط البطاقات الخاصة مو الكل


تاني شي : يعني وإذا انحجب الفيس بوك !!!!!! أفضل وعقبال كمان Hi5

وبتمنة كمان تنحجب كافة مواقع يلي ع أساس تعرف وحكي فاضي وبلا طعمه
وعقبال مواقع الشات والمحادثة كمان (التعارف والحكي الفاضي والتسلية بلا طعمة وهزة البدن من ناس بتعرف حالها )

اي بس الغريب
انو حمص محجوب فيها الفيس بوك بينما طرطوس والشام مفتوح فيهون
شو يعني خص نص لحمص ؟

الراصد السوري : اذا متدايق من هيك مواقع مو يعني انو تنحجب

[MadMax]

كاتب النص الأصلي : phoenixbird

اي بس الغريب
انو حمص محجوب فيها الفيس بوك بينما طرطوس والشام مفتوح فيهون
شو يعني خص نص لحمص ؟

مؤامرة جديدة ضد الحماصنة

[ظل جيفارا]

ولك كيف مو محجوب بطرطوس
لكن شو هالمعاناة اللي عم عانيها انا هيدي وهم ؟

[ASH]

انو انا لسعتني لهلا مو مع هي شغلة حجب المواقع
انو خلص شو ما الواحد حجب بينفتح ولو شو ما صار ، فلشو عم يحجبو وهل قصص هي ماعم افهم ولله

[الراصد السوري]

كاتب النص الأصلي : maged-syrian

يارجل اي قلي هالحكي من الأول
الله حيو المخابرات والأمن المعلوماتي لأجلك
دخيل عينك مادام الانترنت حكي فاضي وتضييع وقت لشباب الوطن طب ليش مامنعتوا الانترنت خيو بالمرة .. بلا انترنت بلا وجع راس ...
وعم تقولوا عالبدو متخلفين !!
يامحلا البدو قدامكم
لكن مو حرام سوريا تضرب الرقم القياسي بحجب المواقع وقريباً حتدخل موسوعة جينس للارقام القياسية .. وعلى شو دخلك !

اول شي : أنا مالي مسؤؤل عن إدارة الإنترنت حتى توجه لي سؤال إنو ليش مانحجب كل النت ونخلص
وتاني شي : أكيد انتو عم تاخدو الموضوع من أبعاده البعيدة وليست الإيجابية
ثالث شي : يعني لو بدي أشرح لك سر طبيعة الحجب لبعض المواقع ما رح توصل الفكرة لعندك او لعند البعض
رابع شي : يعني قد ما حكينا ونا حكيت وشرحت عن طبيعة عملي / فأنا لست من المخابرات ولا من قريب ولامن بعيد

[الراصد السوري]

[quote=Madmax;822899]كلام منطقي جداً
بالفعل مواقع التسلية لازم تنحجب لأنها حكي فاضي و مضيعة للوقت
و المواقع الجادة لازم تنحجب لأنها بتشكل خطر على عقول الشباب ...و بتضعف الشعور القومي
و يصير عنا انترنت موجه ...
و بيقتصر على موقع الجمعية و الصحف المحلية

بشكرك و ياريت تساوو المتحف هاد في وسط دمشق

حتى نثبت للعالم كيف انكم ع خطأ وهاد الشي رح يصير عن قريب

وتبين حقيقة قضية الحجب لبعض المواقع وخاصة يلي بالك منها ، والآتي مدهش للجميع

[phoenixbird]

لا تقسط الحكي احكي دفعة وحدة شو السبب الاساسي للحجب برايك

[Willi]

لا تقسط الحكي احكي دفعة وحدة شو السبب الاساسي للحجب برايك

حيــونة.

[phoenixbird]

جاد مبروك تاري مو بس اخوية والفيس بوك محجوبين في موقع تاني شبابي كمان انحجب وحتى نزل صورة الفاكس اللي امر بحجبه

يللا يومين كمان ما بيضل عنا انترنت

[phoenixbird]

بالنسبة للبلوغ سبوت بعتقد سبب حجبه لأنو مو هو بيستضيف مدونات ؟ وبالنسبة للسوريين أكتر عالم بيستعملو المدونات هنن مفكرين وصجفيين وبمعنى آخر مثقفين، وطبعا جماعة من هالمثقفين المعارضين عاملينا مدوناتون عالبلوغ سبوت وبالتالي ما لازم ينتركلون المجال وبسكروا الموقع كللو لأنو الكل بيعرف انو في 100 طريقة إذا تسكرت صفحة معينة فينا نفتحها بطريقة تانية وتالتة مشان هيك بلا وجع راس ، وبالنسبو لل يو تيوب كمان نفس الشي صار في فيديوهات شي بطعمة وشي بلاطعمة بتخص امن البلد وخصوصي لما صار ينحط عليه العمليات الارهابية تبع العراق وبالنسبة للفيس بوك
وما أدراك شو عم يصير بالفيس بوك؟؟؟
طل شي هون رح قولو سمعتو سمع وما حاولت اتأكد مشان ما انشحط .. سمعت انو إذا في قسم من اللبنانية نازلين حكي طالع نازل على سوريا والجيش السوري وشي أعظم وبشكل مهين كتير.
انا ما عم دافع عن حدا بس إذا حدا قاري اتفاقية استعمال الفيسبوك انو ما لازم ينهان في شخص كحد شخصه او كصورة أي بأي طريقة … طيب وين هالشي؟
كتير ناس عم تنهان وكتير شغلات عم تصير وادارة الفيس بوك مطنشة
فالحكومة لما توقف الموقع في عندا حجة انو الفيسبوك ما عم يلتزم باتفاقيته وفي عالم عم تهين سوريا والشعب السوري وبالتالي الون الحق انو يحجبو


هاد طلع رد شبه رسمي مو رسمي

[BL@CK]

كاتب النص الأصلي : phoenixbird

هاد طلع رد شبه رسمي مو رسمي

عفوا ً منك حضرتك مدير مكتب وزير الاتصالات أو أمن الدولة !؟

[phoenixbird]

اشتغل التحشيش

لا هاد واحد صاحبي بهدلون بالمدونة شبته قام اجاه رد نقلته كما هوي

[BL@CK]

كاتب النص الأصلي : الراصد السوري

أول شي الفيس بوك انحجب عن بعض وسائط البطاقات الخاصة مو الكل


تاني شي : يعني وإذا انحجب الفيس بوك !!!!!! أفضل وعقبال كمان Hi5

وبتمنة كمان تنحجب كافة مواقع يلي ع أساس تعرف وحكي فاضي وبلا طعمه
وعقبال مواقع الشات والمحادثة كمان (التعارف والحكي الفاضي والتسلية بلا طعمة وهزة البدن من ناس بتعرف حالها )

لأ يا فحيح

عن طريق البريد / المؤسسة العامة للاتصالات /

و بتمنا أنا كمان ياكلو هوا لأني زودوها ..

[BL@CK]

كاتب النص الأصلي : phoenixbird

اشتغل التحشيش

لا هاد واحد صاحبي بهدلون بالمدونة شبته قام اجاه رد نقلته كما هوي

اللينك ( فضلا ً )

[hanny dagher]

كاتب النص الأصلي : الراصد السوري

ثالث شي : يعني لو بدي أشرح لك سر طبيعة الحجب لبعض المواقع ما رح توصل الفكرة لعندك او لعند البعض
رابع شي : يعني قد ما حكينا ونا حكيت وشرحت عن طبيعة عملي / فأنا لست من المخابرات ولا من قريب ولامن بعيد

اي هوي فعلا نحنا متخلفين عقليا وما منفهم
وبمستوى الفهم اللي عنا غير قادرين على فهم الافكار النيرة اللي عند حضرتكم
او الاسباب الوجيزة المقنعة اللي ادت لحجب هالمواقع

[Abu Guzef]

كاتب النص الأصلي : hanny dagher

بما انو انطرح موضوع دورها دور هون وبعد الاعتزار من مادماكس انشالله ما يوصل حد ال "ماد" تبعو لل "ماكس" بسبب خروجنا عن الموضوع الاصلي بس حبيت خبر الشب والصبية اللي عم يسألو عن موضوع دورها دور انو اختفى حاليا للتنسيق وانو عدد الصفحات رح ينكمش الانكماش العجيب يعني يرجعو ابو عشر صفحات بس وينحزفو كل الردود "السخيفة" اللي كانت تنزل بهالموضوع فبس يرجع الموضوع (وهون الحكي للكل مو بس للشب والصبية ) رجعو دورو على مشاركاتكن واذا لقيتوهن محزوفين فعرفو انو مشاركاتكن "سخيفة" ومو خرج تنزل بموضوع دورها دور ويفضل انو معد تدخلو علي ومعد تتحفونا بمشاركاتكن

حلوة هي الاعتذار وبعدين فشة الخلق مو

اول شي لقلك انا الي اسم ومعروف كتير هون هوي علاء وانت بتعرفو منيح واذا نسيانو فيني قلك انو ليكو النك نيم مو واضح كتير

اي تانيا وبالنسبة للتنسيق اي منيح كتير يعني بيرجع الموضوع متل اول متل ما كان

وبالنسبة للسخيفة عفوا نسينا النقط "" ليكون حطون ع كيفك

بس كانو الموضوع تحول وتشتت من زمان يعني مو من وقت ما طلعت عن اطارو انا

وبالنسبة للردود انو شو هاحكي ولو

انو يعني مو عساس السقيفة درجة تانية وانو ما محسوبة ف كيف بدها تكش



اخر شي ما توقعت يطلع هالكي هيك منك مثلا

انو كيف انت يعني انو كيف بتقيم الردود اذا سخيفة ولا لا

ولا انو فلان وفلان اي مو علينا معلم

و ع فكرة كان فيك مثلا تبعتلي هالحكي برايفت او كان فيك توجهلي مخالفة للردود اللي معتبرها سخيفة

اخر شي في متل بيقلك بعمرك لا تاخد فكرة 100% عن حدا

ما بعرف اذا مكان هالمثل هون بس انو يعني هيك خطر ببالي

في موضة كمان صايرة بعد الحكي والتجريح صايرين يقولو مع احترامي

لذلك مع احترامي بدون سمايلي ابو وردة

فعلا انو مجموعات



اخر شي بوجه تحية للسيد ماد ماكس وانو سوري عالي صار بس انو كان لزوم الشيء رد عليه هالرد


سلامز

[Willi]

فالحكومة لما توقف الموقع في عندا حجة انو الفيسبوك ما عم يلتزم باتفاقيته وفي عالم عم تهين سوريا والشعب السوري وبالتالي الون الحق انو يحجبو

قال الون الحق قال
لا نهائيا مو من حقهون يحجبوه لا هو ولا غيرو, لو شو ما كان السبب.
مجموعة ارهابيين, اي نعم ارهابيين.

يقطع عمرون على هالعذر الاقبح من ذنب. كان يضلو ساكتين اشرفلون

[maged-syrian]

كاتب النص الأصلي : Willi

قال الون الحق قال
لا نهائيا مو من حقهون يحجبوه لا هو ولا غيرو, لو شو ما كان السبب.
مجموعة ارهابيين, اي نعم ارهابيين.

يقطع عمرون على هالعذر الاقبح من ذنب. كان يضلو ساكتين اشرفلون

لك شو ارهابيين يارجل ... هلق بيزعلوا الارهابيين

لك افغانستان اللي هي معقل طالبان ومعقل الارهابيين مافكروا بسياسة الحجب