شيوعي متدين - صفحة 6

COSTA · 27/07/2006

اقتباس:

فيك تقلي انو اذا كان عندي فكر شيوعي
يعني انا ملحد او ما بأمن بوجود الله

لا ما فيني قلك شي

اذا طريقة تفكيرك شيوعية او بتحب الفكر الشيوعي هاد ما بيمنع انك تكون مؤمن بالله او غير مؤمن لانو الشيوعية ما بتفرض الايمان بغير الله او بتفرض الالحاد
بس بعهد ستالين عمل شغلة وهي الولاء للدولة الشيوعية والناس كتير ما فهمت شو الولاء
وهو ما حارب الدين لانو بيكرهو بس حاربو لانو الظروف السياسية بهداك الوقت كانت تتطلب هيك شي

ومشكور اخي زين

**zen** · 29/07/2006

اقتباس:

كاتب النص الأصلي : ابومزيد

الدين افيون الشعوب
لمين هاد القول

لماركس
بس شو يعني

هاد ماركس
الو افكاروا وحر
وانا كمان
كوني بحب الافكار الشيوعية
ما بكون تابع لأي شخص

ابومزيد · 29/07/2006

ممكن اعرف بالله شو الافكار الشيوعية اللي حبيتها
اكيد رح تقللي توزيع الملكيات على الشعب الكادح وتوفير الخدمات وحرية الفكر والاعتقاد
يا حبيبي الاديان على مر الزمن ما عملت غير انو قيدت الشعب اكتر واكتر ليستفيد النظام
او لقلب نظام بنظام اخر مستبد
والشيوعية من هالمنظور بتنظر للدين

blade · 29/07/2006

انا هلق حتى شفت الموضوع وقريت كل الردود و شايف في خلط كبير بالورق وكل واحد عم يغني على كيفو و مافي غير اتنين جاوبوا اجابات بسيطة عن تساؤلات وسخافات بعض الاعضاء بالنسبة للشيوعية والشيوعية اكبر ما تلخص في كتاب او بعض الافكار وارجو انه تميزوا بين لا ديني وبين الملحد وشو الفرق بينهم بعدين تعوا احكوا على الشيوعية بس لتعرفوا راسكن من رجلكن
وللافاده فيكن تستفادوا من العنوان التالي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

**zen** · 29/07/2006

ابو مزيد
جيب الافكار الشيوعية واعرضها بشكل واضح
طبعا الي بتأكد كلامك
طبعا انا ما عم احكي الا حتى اتاكد
وااذا كانت هيك الشيوعية
راح اخترع فكر سياسي جديد

COSTA · 29/07/2006

اقتباس:

يا حبيبي الاديان على مر الزمن ما عملت غير انو قيدت الشعب اكتر واكتر ليستفيد النظام

ابو مزيد شلونك

الاديان ما قيدت حدا بشي ......بس رجال الدين لحتى يحافظو على الكراسي استطاعو انو يقيدو الشعب بدعم من الانظمة وهاد الشي معروف وواضح عبر التاريخ

اقتباس:

وااذا كانت هيك الشيوعية

زين شلونك

الشيوعية فكر وهاد الفكر فيك تتبنى او لا

وانت حر بيلي بتحبو بالشيوعية ويلي ما بتحبو

laityman · 31/07/2006

الشيوعية براي زياد الرحباني
"مي ضد الله أبدا ،بس ضد انو يكون الله وجنتو للفقرا بس وانو الاغنيا عقابون النار فخلو الاغنيا يروحو على النار لانن غاويين نار وانتو تعذبولكن شوي على هالارض وبعدين الكن الجنة"
المصدر سلسلة العقل زينة

ابومزيد · 31/07/2006

اقتباس:

كاتب النص الأصلي : zen

ابو مزيد
جيب الافكار الشيوعية واعرضها بشكل واضح
طبعا الي بتأكد كلامك
طبعا انا ما عم احكي الا حتى اتاكد
وااذا كانت هيك الشيوعية
راح اخترع فكر سياسي جديد

اذا انت مفكرني ضد الشيوعية بتكون غلطان
بالعكس انا ضد رجال الدين وين ما كانوا
لحد الان ما لقيت رجل دين بدو ياني فكر
لحد الان ما لقيت رجل دين ما عندوا فكر متناقض
لحد الان ما لقيت رجل دين ما عندو هدف سياسي
بعدين كيف بدنا ناخد دين بدون رجاله معقول انك تاخد طحين بدون خباز وعجان
رح تقللي اي انا بتعلم العجن والخبز
بقللك اي بس وقتها بتصير رل دين متلك متلون قصدي خباز