حاجة مسخرة : اتمنى ممن يعتبر نفسه معارض ان ينتبه

[geohaj]

كاتب النص الأصلي : ما بعرف

ولا تزال ملاحظة ونستون تشرشل امام مجلس العموم في نوفمبر 1947 (عندما ازاحه الناخبون قبل نهاية الحرب) سارية المفعول: "ان الديموقراطية اسوأ اشكال الحكم، ففيما عدا تلك الاشكال التي جربت من حين لاخر".
AM-OL

الي قالو تشرشل هو"تبقى الديمقراطية اقل اشكال الحكم سؤا"

بعدين وقت نحنا منحكي بالديمقراطية,فنحن بدنا اياها لان تطور سوريا مرتبط فيا,ما لانو بدنا شهادة حسن سير و سلوك من اميركا او جورج بوش.اما المبشرين امكانية التطوير تحت ظل الوضع الحالي فبحب الون:عيش يا كديش تا ينبت الحشيش.

كان بتمنى "اتناطح" معك اكتر, بس المشكل انو ما عندي كيبود عربي وضليت اكتر من عشر دقايق و انا عم بكتب هالسطرين بس كان لازم ينكتبوا.

و شكرا

[KEEEMO]

بــدون تعقيب على أي رد

قال السيد الرئيس بشار الأسد : اننا منفتحون على الحوار، لكننا لن نتلقى تعليمات من احد، الحوار مفيد شرط درس مصالح البلدين المعنيين، مؤكدا انه على الاميركيين ان يميزوا بين التحاور واعطاء تعليمات.

[كهربجي]

كاتب النص الأصلي : ما بعرف

ما كان بدي ياك تخطف الكباية من راس الماعون

بس بناءاً على طلبك وعطفاً على الرد رقم 13 المشار اليه آنف الذكر ومجموعة الاسئلة المتعلقة به رح جاوب

انا او انت او اي شخص بيعتبر حالو سوري من الصميم لما بتنذكر قدامو كلمة معارضة ما رح يطلع براسو غير المشار اليهم سابقاً وبناءاً عليه :

ما سيرد الآن هو رأي شخصي بحت متعلق بكينونتي حصراً ويحق لمن يرى نفس الشيء ان يتكنن به

اي شخص بيعتبر حالو معارض وبيلتقي طريقو مع طريق اميركا وبيمشي فيه انا باعتبرو خائن
اي شخص يسعى لتغيير في البلد و يستفيد من مصالح لدول خارجية في بلاده باعتبرو خائن
اي شخص بياخد تأييد من اعداء البلد لموقف هو اتخذو وماكان يوقفو اويرجع عنو باعتبرو خائن

وانا جاهز للمناطحة

ويل للمعممين!!
طيب يا خالو أما أول ما تقلي معارضة ما بيخطر ببالي إلا صيدنايا ويمكن واحد على شي منبر إيام ربيع دمشق...

أنا معك أنو اللي بيتعاون مع عدو الوطن ككل بيكون خاين.. بس مو معناها انو شو ما قال عدو الوطن ما منتقاطع معو.. شو يعني وإذا قال بوش أنو الديمقراطية حاجة.. طز!
ما المهم انا اتفقت معو أو لأ لهي النقطة، يعني عدو عدوي مو دائماً صديقي.. بالعكس حتى بهي الحالة كان عدو عدوي هو عدوي أنا كمان... يعني بوش هو عدوي, بس مو معناه أنو كل شي بيحكيه غلط، مو الجميلة والوحش هي، هي سياسة وفيها منطق قبل العواطف.. هو الزلمة ما بيفهم، وسكرجي ونصاب وبلا مخ أو أخلاق.. طيب شو يعني.. خلص؟ لأ مو خلص.. هاد الحكي اللي قالو أنو نحنا بحاجة ديمقراطية صح.. بيطلعلو ما بيطلعلو مو شغلتي هي.. لأنو نحنا آخر مين بيطلعلوا ينظر عالأميركان والديمقراطية... المهم أنو هاد الكلام صح..

اي شخص بيعتبر حالو معارض وبيلتقي طريقو مع طريق اميركا وبيمشي فيه انا باعتبرو خائن
اي شخص يسعى لتغيير في البلد و يستفيد من مصالح لدول خارجية في بلاده باعتبرو خائن
اي شخص بياخد تأييد من اعداء البلد لموقف هو اتخذو وماكان يوقفو اويرجع عنو باعتبرو خائن

وكمان

أي شخص بيسرق البلد هو خاين
وأي شخص بيقتل ابن بلدو مشان السياسة هو خاين
وأي شخص...

قلك... بلاها كتير عمليات هالتخوين لأنو ما بتخلص.. وعلى أي حال أكيد ممكن حدا يأثبت أنو أنا خاين وأنو أنت كمان خاين

وتحية

[ما بعرف]

اول شي انت كبير .. كتير كبير يا كهربجي يعني اكبر من انك تكون خالي يا خالو

تاني شي ويل للمعممين واطلع بالمراية

وتالت شي ارجع شوف اول الموضوع واعطيني رأي بس رأي ( انا ما سبيت حدا بالعكس بس حاولت اشرح وجهة نظر موضوعية بحتة)

ورابع شي ارجع لهون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و خامس شي كمان ارجع لهون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

وسادس شي ارجع شوف موضوعك هاد وكيف بلشت فيه وبالتحديد اول شي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

وسابع شي ( أخ والله تعبت ) حلو كتير كان هالموضوع واستفتاؤه

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و تامن شي هادا الحل لجميع المشاكل مو المعارضة تبع حضرة جنابكم

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

واخيراً معليش لا تزعل منشان تتقيل العيار بس انت بعمر اخي الصغير وبيعجبني فيك اللي بيعجبني فيه وهو الحماس الزايد و النار المتأججة




بس ملاحظة صغيرة : هادا رأي شخصي وماني عم عمم

[كهربجي]

كاتب النص الأصلي : ما بعرف

اول شي انت كبير .. كتير كبير يا كهربجي يعني اكبر من انك تكون خالي يا خالو

تاني شي ويل للمعممين واطلع بالمراية

وتالت شي ارجع شوف اول الموضوع واعطيني رأي بس رأي ( انا ما سبيت حدا بالعكس بس حاولت اشرح وجهة نظر موضوعية بحتة)

ورابع شي ارجع لهون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و خامس شي كمان ارجع لهون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

وسادس شي ارجع شوف موضوعك هاد وكيف بلشت فيه وبالتحديد اول شي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

وسابع شي ( أخ والله تعبت ) حلو كتير كان هالموضوع واستفتاؤه

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و تامن شي هادا الحل لجميع المشاكل مو المعارضة تبع حضرة جنابكم

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

واخيراً معليش لا تزعل منشان تتقيل العيار بس انت بعمر اخي الصغير وبيعجبني فيك اللي بيعجبني فيه وهو الحماس الزايد و النار المتأججة




بس ملاحظة صغيرة : هادا رأي شخصي وماني عم عمم

يعني بدك الصراحة؟ ما فهمت عالضبط شو بدك من هي المشاركات

إي بعطيك رأي لشوف لوين...

يا سيدي

جورج بوش هو كائن متخلف وراثياً عن الجنس البشري

وهاد سبب غباء منقطع النظير عندو.. والإمبراطورية اللي عم يحاول يبنيها هو وجماعتو ما رح تصير لأنها ديكتاتورية وماشية بعكس التاريخ.. بتوقع أنك بتعرف رأيي بهاد الموضوع من قبل بس اقتضى التنويه

بس

نحنا بدنا ديمقراطية في حال بدنا نتقدم.. ولما بوش قال هيك كان حكيو صح، بما معناه الإندفاع باتجاه التحرر شرط أساسي لنتقدم.. طبعاً هاد بالنسبة إلي حكي نظري، بس مو أكتر، يعني بالنسبة لنوايا بوش والشركات اتجاه المنطقة ونموذج الديمقراطية المسخرة الأمريكي أنا ضده يعني أنا ضد ما بين الحروف.. وهاد مو معناه أني أنا ضد الديمقراطية أو مع أمريكا

لأ أنا مع الديمقراطية و ضد أمريكا

وبعدين عم قلك أنو أنت خالي رحت زعلت؟؟؟ شبنا؟؟

والاختلاف لا يفسد للود قضية

[ما بعرف]

خلص انسى الرد السابق واعتبرو ما كان

رح كمل من هون

يعني انا ما غلطت وقت اللي قلت انتبهوا موهيك ؟؟

وطلعنا متفقين بهالنقطة مبدئياً

بس رح اعطيك مثال بدي رأيك فيه من حيث انا كيف فهمتو ( وبيجوز كون فهمت غلط )

فوت لهون وشوف

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

مين حالياً الراعي لامانة بيروت لاعلان دمشق ؟؟ جماعة 14 شباط اللي حامل اللواء تبعها سعد الحريري اللي من يومين قام نط وما حط كيف السيد نصرالله بيتهم اسرائيل وبيهاجم اميركا وبيطلع سعيدون الصغير بيقول اميركا ساعدت لبنان بحرب تموز يعني عنتفة صغيرة رح يحطوه محل فيلتمان بالسفارة يعني بنظري اعلان دمشق حسب نهاية المعادلة مدعوم اميركياً !!!

طيب انا مع الافراج عن معتقلي الرأي بس انو (يكفي البرلمان البريطاني فخراً أنه أول وأعرق مؤسسة ديمقراطية في العالم في التاريخ الحديث.إن تمثيلكم للشعب البريطاني العظيم واجب ومسؤولية تقومون بهما كأرقى ماتكون الحرية والديمقراطية) من مين عم تطلب ؟ مو هي الدولة اللي شاركت باحتلال العراق لنشر الديمقراطية الاميركية ومن اكبر الداعمين لاسرائيل
وين كان البرلمان البريطاني الحر وقت الحرب على العراق يعني عن جد شي بيقرف

هي احد النقاط اللي كنت عم احكي عنها لما قلت انتبهوا مع العلم انو شاءت الصدف ونزل هيك موضوع بالمنبر

وللحديث بقية

[ما بعرف]

كاتب النص الأصلي : geohaj

الي قالو تشرشل هو"تبقى الديمقراطية اقل اشكال الحكم سؤا"

بعدين وقت نحنا منحكي بالديمقراطية,فنحن بدنا اياها لان تطور سوريا مرتبط فيا,ما لانو بدنا شهادة حسن سير و سلوك من اميركا او جورج بوش.اما المبشرين امكانية التطوير تحت ظل الوضع الحالي فبحب الون:عيش يا كديش تا ينبت الحشيش.

كان بتمنى "اتناطح" معك اكتر, بس المشكل انو ما عندي كيبود عربي وضليت اكتر من عشر دقايق و انا عم بكتب هالسطرين بس كان لازم ينكتبوا.

و شكرا

خلص... متابعة وناطرك

[brave heart2]

مافي انسان سوري بدو ديمقراطية بوش

وكمان سلاسل الحديد تبع المخبرات ما بدنا ياها

نحنا بدنا نبني وطنا بعارضة مولاة شو ماكان

بعدين ليش وقت قلت معارضة ما قلت عارف دليلة مثلا

المعارضة هي معارضة ما بتعرض على كلشي بتعرض على الغلط

لانو الحاكم اذا ما حدو نبهو ما رح يعرف انو غلط ..........


واي فكرة انو سوريا ممكن تكوت متل لبنان او العراق ...غلط ....والدليل فشل ايركا لهلق بالدخول للداخل السوري

سوريا وشعبها حالة خاصة .......

[ما بعرف]

كاتب النص الأصلي : brave heart2

مافي انسان سوري بدو ديمقراطية بوش

وكمان سلاسل الحديد تبع المخبرات ما بدنا ياها

نحنا بدنا نبني وطننا بمعارضة موالاة شو ماكان

بعدين ليش وقت قلت معارضة ما قلت عارف دليلة مثلا

المعارضة هي معارضة ما بتعرض على كلشي بتعرض على الغلط

لانو الحاكم اذا ما حدو نبهو ما رح يعرف انو غلط ..........


واي فكرة انو سوريا ممكن تكوت متل لبنان او العراق ...غلط ....والدليل فشل ايركا لهلق بالدخول للداخل السوري

سوريا وشعبها حالة خاصة .......

وانت عيني كلنا بدنا الوطن

اما ليش ما تذكرت عارف دليلة او غيرو انا رح قلك ليش :

يا سيدي نحنا مجتمع شرقي خصب بجميع انواع الامراض ومسقي من بير ومياه باطنية ملوثة اسمها العادات والتقاليد ( القسم الاكبر منها بالي ) يعني كمثال اذا كان عندك بيت فيه اربع بنات تلاتة منهن داعرات ووحدة منهن اشرف من الشرف (آسف عالمثال بس للضرورة احكام ) اذا مرقت الشريفة بالحارة ما رح يقولوا هالبنت شريفة لانو دغري رح يطلع واحد يقول هي اخت الش**ميط وبنفس الوقت اذا مرت وحدة من الداعرات ما رح يقولوا هي اختها شريفة رح يقولوا هي شر**طة
يعني بمعنى تاني الحسنة بتخص والسيئة بتعم وبمعنى تالت المكافأة فردية والعقوبة جماعية وفهمكم كفاية

[COSTA]

كاتب النص الأصلي : ما بعرف

وبمعنى تالت المكافأة فردية والعقوبة جماعية وفهمكم كفاية

كنت عم تابع الموضوع وما زلت بس اسمحلي على هالمداخلة الصغيرة على هي المقولة ....
هي المقولة سمعناها كتير بالجيش ....
بس يا ترى صحيحة ؟؟؟
وهل تطبق على افراد الوطن ....
انا من ناحيتي بشوفها قمة التفريق والانانية وبث الغيرة والحسد بين ابناء وطن
واسف على الخروج عن الموضوع بس لفتت انتباهي هالمقولة .....

[ما بعرف]

كاتب النص الأصلي : COSTA

كنت عم تابع الموضوع وما زلت بس اسمحلي على هالمداخلة الصغيرة على هي المقولة ....
هي المقولة سمعناها كتير بالجيش ....
بس يا ترى صحيحة ؟؟؟
وهل تطبق على افراد الوطن ....
انا من ناحيتي بشوفها قمة التفريق والانانية وبث الغيرة والحسد بين ابناء وطن
واسف على الخروج عن الموضوع بس لفتت انتباهي هالمقولة .....

اكيد سمعتا بالجيش ولا زم تكون اكلت حصتك منها كمان بس انا ذكرتا من باب الطرفة مو اكتر

وبالنسبة للتطبيق ......ممم

ليك معلم كوستا : احياناً بحس انو المنطق الستاليني كتير مفيد بمجتمعنا لانو وصلنا لمرحلة نحتاج فيها احياناً لاستئصال الجذور لأ يا سيدي وتغيير التربة كمان

على كل بظن هي العبارة بتستاهل موضوع لحالا

[COSTA]

كاتب النص الأصلي : ما بعرف

اكيد سمعتا بالجيش ولا زم تكون اكلت حصتك منها كمان بس انا ذكرتا من باب الطرفة مو اكتر

وبالنسبة للتطبيق ......ممم

ليك معلم كوستا : احياناً بحس انو المنطق الستاليني كتير مفيد بمجتمعنا لانو وصلنا لمرحلة نحتاج فيها احياناً لاستئصال الجذور لأ يا سيدي وتغيير التربة كمان

على كل بظن هي العبارة بتستاهل موضوع لحالا

انا معك بالمنطق الستاليني ولكن بشكل يواكب الوقت الحالي لانو كل حقبة زمنية الها اساليبها ...
وكمان متلك انا عم فكر اعمل موضوع مشان هالمقولة هي .... بس بعترفلك انك انت اشطر مني باسلوب الكتابة والحق يقال ...
نزل الموضوع هون بالمنبر وانا معك لنتناقش بالموضوع
شكرا الك

[يعسوب الشامي]

كاتب النص الأصلي : ما بعرف

...................... حبيت حط هالخبرين هون حتى نعمل مقارنة فيما تراه السياسة الاميركية ديكتاتورية وما لا تراه ديكتاتورية

يعني هي سياسة الخيار والفقوس انتبهولها منيح وماحدا ينجر وراها


ما بدي ناقش بوضع البلد بس بدي احكي عالاستقواء بالخارج فقط


يعني كمثال صارخ جداً :
هل يعتبر بوش الانظمة التالية ديمقراطية

نظام مشرف في باكستان
نظام مبارك في مصر

نظام عبدالله الملكي في الاردن
النظام الملكي في السعودية

النظام الملكي في المغرب
النظام السلطاني في سلطنة عمان


لماذا لا توضع هذه الانظمة في خانة الديكتاتوريات وتوضع فقط ايران وسوريا والسودان وكوبا فنزويلا وقريباً بقية دول اميركا الجنوبية الخارجة من سيطرة اميركا تحت اسم ديكتاتوريات

..............................

طيب سؤال
يعني هلق طالما في دول وحكومات على وجه الأرض تهين شعوبها وتسحقهم وتمتص دمهم فهل معناها أنو هادا مبرر ليكون نفس الشي في سوريا؟
شو بيمنع أنو تكون هاي الدول اللي زكرتها دكتاتوريات، بس تكون سوريا واحة جميلة ما فيها المصائب اللي عم نشوفها؟
ليش لأ.

[ما بعرف]

كاتب النص الأصلي : يعسوب الشامي

طيب سؤال
يعني هلق طالما في دول وحكومات على وجه الأرض تهين شعوبها وتسحقهم وتمتص دمهم فهل معناها أنو هادا مبرر ليكون نفس الشي في سوريا؟
شو بيمنع أنو تكون هاي الدول اللي زكرتها دكتاتوريات، بس تكون سوريا واحة جميلة ما فيها المصائب اللي عم نشوفها؟
ليش لأ.

انا ما قلت انو هادا مبرر ليكون نفس الشي عنا
بالعكس تماما مافي حدا سوري و حتى عربي ( بمعنى العروبة تماماً) الا وبيتمنى هالشي (تكون سوريا واحة جميلة) لكل دول العرب
بس كان الحكي عن الطريقة والوسيلة

يعني هل يا ترى كل الدروب بتودي للطاحون ؟
هل الغاية فعلاً بتبرر الوسيلة ؟
شو المطلوب ناكل عنب ولا نقتل الناطور ؟!

كنت بدي كفي كتابة عن الديكتاتورية بس لقيت انو خرج تكون موضوع لحالها

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[yass]

أولا أنا أعتبر نفسي معارض, و أول ما اعارض هو السياسة الأمريكية في الشرق الأوسط و ليس بوش من يعلمني معنى الديمقراطية و الحرية. الديمقراطية تعلمناها من شكري القوتلي, الشفافية تعلمناها من فارس الخوري و الحرية تعلمناها من سعد الله الجابري و غيرهم كثير من أساتذة الديمقراطية... لا نحتاج للاستيراد.

رجاءا معادلة معارضة= موالاة لأمريكا انتهت صلاحيتها و لم تعد تنفع.... غيروها

[يعسوب الشامي]

اللي ما عم أقدر أفهمو ليش كل واحد بيفتح تمو بكلمة ضد القمع والفقر والجوع بيقولو عنو متأمرك أو من أزلام خدام وأتباع الشيطان ومتآمر على الوطن.؟
هلق الوطن صار شلة مخابرات ومخبرجية وبس؟
ما بصير هيك خيو؟

[سوري2007]

كاتب النص الأصلي : yass

أولا أنا أعتبر نفسي معارض, و أول ما اعارض هو السياسة الأمريكية في الشرق الأوسط و ليس بوش من يعلمني معنى الديمقراطية و الحرية. الديمقراطية تعلمناها من شكري القوتلي, الشفافية تعلمناها من فارس الخوري و الحرية تعلمناها من سعد الله الجابري و غيرهم كثير من أساتذة الديمقراطية... لا نحتاج للاستيراد.

رجاءا معادلة معارضة= موالاة لأمريكا انتهت صلاحيتها و لم تعد تنفع.... غيروها

يا اخي فعلا بطلت تنفع ... بكفي ضحك على الناس

[ما بعرف]

كاتب النص الأصلي : سوري2007

يا اخي فعلا بطلت تنفع ... بكفي ضحك على الناس

لك يا شباب منشان الشياطين منشان القرود السود بس ارجعو شوفو الموضوع من اولو انا قلت بس بدي احكي عن الاستقواء بالخارج وما اتهمت حدا وهي معادلة (معارضة = موالاة لاميركا ) انا ما بشيلا من ارضا بس صار كذا رد عالموضوع ووضحت الصورة تماماً بظن انو كلنا متفقين انو بدنا مصلحة البلد بالنهاية بس جاوبوني عالرد الاخير