لحظة ضعف

[وشم الجمال]

لا اعلم ما هذه المنزلقات التي نعيشها.... لماذا عندما يغيب من نحب تتحول الدنيا الى ظلام دامس ...وتغدو الازهار اشواكا لا لون لها ولا رائحة ... لماذا يبتعد في أمّس الحاجة اليه ؟؟؟هل هذا قدري الذي اخترت؟؟؟أم أن قلبي لم يعرف ان يحب ابدا ....
هل سمع احدكم عن شئ اسمه القرار بالحب ؟؟؟ هل قررت ذات يوم ان تحب شخصا ما وفوجئت أن هذا القرار لا يعدو كونه كذبة لا محل لها من الاعراب ... هل مررت في لحظات هروب من حب قد امتلك عليك قلبك .... ولم تمتلك منه شيئا غير اطلال صنعها خيالك فأردت أن تهرب منه إلى الجحيم ؟؟؟
ارجوكم يا اصحاب القلوب القاسية ... لا تمارسوا ألاعيبكم مع قلوب رقيقة لا تعرف من الحياة سوى الحب...ارجوكم غادروا حصونكم ولتواجهوا ولو لمرة واحدة .... قولوا أكرهك ...قولوا أنها نزوة ولكن لا تلعبوا بهذه العواطف .... انسوا غروركم الرجولي وتذكروا ان ظلمكم هذا ستدور الدائرة لينقلب عليكم ...
كلمات صماء قد لا تصل الى اي اذان لا اعلم ان كانت مفهومة ام لا ولكني احتجت ان اكتبها لكم ....
وسامحوني ان لم تفهموا شيئا.... وسامحوني لان مستواها ليس كما اعتدتم عليه ولكنها لحظات ضعف ليس الا .

[was616im]

يحرق حريشك والله رح تبكيني من الذكريات الاليمةكل ما بقول بدي انسى بيرجع حدا و بيذكرني من غامض علمو بالاسى و الاحزان

[وشم الجمال]

كاتب النص الأصلي : was616im

يحرق حريشك والله رح تبكيني من الذكريات الاليمةكل ما بقول بدي انسى بيرجع حدا و بيذكرني من غامض علمو بالاسى و الاحزان

الله بيعين
عادي
هيك الدنيا اول ستين سنة تعب وموت وبعدها الله رح يريحك
ههههههههههههههه

[was616im]

كاتب النص الأصلي : وشم الجمال

الله بيعين
عادي
هيك الدنيا اول ستين سنة تعب وموت وبعدها الله رح يريحك
ههههههههههههههه

شو وكأنك نسيتي الدراسة خلال اول ستين سنة.....شيت هي الها تعب غير تعب الحياة العادية

[وشم الجمال]

كاتب النص الأصلي : was616im

شو وكأنك نسيتي الدراسة خلال اول ستين سنة.....شيت هي الها تعب غير تعب الحياة العادية

لك والله كل شي بالدنيا بيهد الحيل وبيتعب لا تشكيلي لابكيلك
خليها على الله

بس بتعرف جد الدراسة شي بيموت

[was616im]

كاتب النص الأصلي : وشم الجمال

لك والله كل شي بالدنيا بيهد الحيل وبيتعب لا تشكيلي لابكيلك
خليها على الله

بس بتعرف جد الدراسة شي بيموت

بس رغم كل شي عن جد و بصراحة انا بلاقي حياة الطالب هي احلى فترة بيعيشها الانسان بحياتو

[وشم الجمال]

كاتب النص الأصلي : was616im

بس رغم كل شي عن جد و بصراحة انا بلاقي حياة الطالب هي احلى فترة بيعيشها الانسان بحياتو

هيك حكولي
والحمد لله انك وصلت لهالاستنتاج
بس انا بحياتي كلها ما رح اوصلو

[x52]

شوفي عليّ اول شي يسلمو ايديكي كتير حكيك حلو ومعبر وطالع من قلبك(واضح هالشي.....)


تانيا ليش دايما انتو البنات بتحطوا الحق علينا عالاساس انو البنت دايما حقها مهضوم (يا حراااااام) والقط بياكل عشاها
مثلا من تجربتي حبيت وحدة حب شريف وما كنت لف ودور وبالاخر طلعنا من المولد بلا حمص (بس لأني ما كنت العب من وراها)

بس هلأ ما عم اترك بنت من شرّي (طبعا من دون ما اتخلى عن مبادئي)

بس ما في حب..............

[was616im]

كاتب النص الأصلي : وشم الجمال

هيك حكولي
والحمد لله انك وصلت لهالاستنتاج
بس انا بحياتي كلها ما رح اوصلو

اي معك معك بتوصليلي مو مشكلة بس بدها الشغلة صفنة شي كم مية سنة

[وشم الجمال]

كاتب النص الأصلي : x52

شوفي عليّ اول شي يسلمو ايديكي كتير حكيك حلو ومعبر وطالع من قلبك(واضح هالشي.....)


تانيا ليش دايما انتو البنات بتحطوا الحق علينا عالاساس انو البنت دايما حقها مهضوم (يا حراااااام) والقط بياكل عشاها
مثلا من تجربتي حبيت وحدة حب شريف وما كنت لف ودور وبالاخر طلعنا من المولد بلا حمص (بس لأني ما كنت العب من وراها)

بس هلأ ما عم اترك بنت من شرّي (طبعا من دون ما اتخلى عن مبادئي)

بس ما في حب..............

انا ما عم بحكي انو البنت القطة بتاكل عشاها ... بس البنت ازا حبت معناتو الموت والحياة صاروا رفقاتها ... فاذا كان هالانسان ندل وبعتذر على هالكلمة .... فخلص رح يكون الموت الا اذا كانت قوية شوي ... واذا كان شاريها فرح تكون احلى حياة
البنت بتحمل مشاعر انتو ما جربتوها وما بتقدروا تتخيلوها بس كتير ضروري تعرف انو اذا ما تركت بنت من شرك فهاد رح ينقلب عليك رح تحب مرة تانية وتموت بسببها لانو رح تاخد بحق غيرها وقد اعذر من انذر
انا ما بعرف شو حكيت وشو بحكي وما بدي ارجع اقرا مرة تانية
ويسلمو عمرورك

[وشم الجمال]

كاتب النص الأصلي : was616im

اي معك معك بتوصليلي مو مشكلة بس بدها الشغلة صفنة شي كم مية سنة

سيبك من هالحكي لا بدي اوصلو ولا بدي فكر فيه
بالزمنات كنت بموت بالدراسة كنت شوفها غير شكل بس هلأ بيني وبينها تار

[black_iris]

كتير حزينه هالخاطره يا وشم.. ويمكن أكتر شي محزن فيها قديش ظاهر فيها الصدق
و متل ما سميتي الخاطره (لحظه ضعف) .. هي اللحظه رح تمر والاصل بالانسان يكون قوي
ليقدر يتعامل مع هيك دنيا
دمتي عزيزتي بخير .. واللحظه ستمر

[وشم الجمال]

كاتب النص الأصلي : black_iris

كتير حزينه هالخاطره يا وشم.. ويمكن أكتر شي محزن فيها قديش ظاهر فيها الصدق
و متل ما سميتي الخاطره (لحظه ضعف) .. هي اللحظه رح تمر والاصل بالانسان يكون قوي
ليقدر يتعامل مع هيك دنيا
دمتي عزيزتي بخير .. واللحظه ستمر

لك تسلمي والله
بس احيانا الانسان بيحتاج يكون ضعيف ليشوف شو معنى القوة
انا مو قدرانة عبر وبمر بفترة شوي حرجة بس بوعدكن تكون لحظة ضعف
دمت محبة

[مبدعة وراء الستار]

في كل مرة تستطيع كلماتك أن تهزني بقوة تهزني من الداخل في الأعماق في الالتجاويف الله يسامحك بس لولاك لما أحسسنا بكل هذه الأحسيس الجميلة
دمت للحب و للعاشقين دفاعا و متحدثا و حصنا و روحا وجمالا
ودي

[سارة$$$]

دمتي للحب وشم الجمال رائعة
يسلمو

[كل شى اوهام]

لما كل هذا الحزن في عينيك البرئتين..لما الابتسامه تخفيها عن ناظرى ..لما الدموع تملئ عينيك..وقلبك يأن ويتوجع من الحب..؟؟ ارجوك ان تتماسكي..ان الحب اسمى المشاعر اعرف انه يأخذنا الى عالم الحزن احيانا..ولكن علينا ان نكون اقوي من لحظات الضعف لا انك انى لا امر بكثير من هذه اللحظات ولكن اعرف معنى القوى منها..

تسلم اناملك يا استاذتي على هيدى الكلمات يالى بتلمس جروحى بلمسات طفيفه لتمسح دمائها..

[صغير الشعراء]

رغم كل هذا الحزن القاتمـ كهذا الليل الساكن من حولي **
رغمـ هدوء دمعي وحزني **
أمسكت بقلمي المنهك كصاحبه والانامل ترتجف من الانين الهائج بين جدراني **
لعل الصدى يصل الى ظالمتي **
لعلني اتسلى بحبري وأريح قلبي المتعب من كل وجده وخوفه ويأسه **
بدأ نبض حبري فقيرا ووحيدا **
وكأنه لايوجد في الكون غيرنا **
تساءلت ماذا أكتب وكل الحروف أختزلت حبي وشوقي اليك ِ **
أأكتب الآهات وأحفرها على رمل الوفاء والصدق **
لعل ذلك يشفي جرحي العميق **
أأكتب مدى احتياجي لك ِ وخوفي عليك ِ **
أم أكتب الآه فقط **



دام ذلك الوشم ابداعا ً وجمال
تقبلي مروري الصغير




صغير الشعراء

[وشم الجمال]

دمتم جميعا احبتي