المتعلمون أطول عمراً

[Abu ToNi]

أكدت دراسة دنماركية وجود علاقة بين التحصيل العلمي العالي وسنوات عمر الإنسان , وأظهرت الدرسة التي أجراها المعهد الرسمي للدراسات أن الأشخاص المتقدمين بالعمر وغير الحاصلين على تعليم عال يتعرضون للأمراض بنسبة أكبر من المتعلمين بنفس العمر..وبحسب الدراسة فإن المتعلم يعيش 10 سنوات أكثر من غير المتعلم..كما بينت الدراسة أن نسبة المدخنين في صفوف المتعلمين أقل وقد يكون هذا أحد الأسباب طول حياة المتعلمين وتمتعهم بالصحة الجيدة..على جانب آخر كشفت الدراسة أن الأشخاص المتعلمين أقل عرضة للإصابة بالإكتآب النفسي وأكثر تحفزاً لتحقيق الانجازات ويتمتعون بصحة أفضل من أولئك الذين يتركون المدرسة في الصغر.

[Abu ToNi]

قبل ما حدا يدخل على الموضوع اذا كان بده يسأل ليش الموضوع بقسم الفلسفة وعلم النفس

انا بشوف انه مناسب جدا

باعتبار ان التحصيل العلمي والداراسات العليا بتاثر بشكل او بآخر بطول العمر وهاد اللي بيتسمى بعلم النفس العقل الباطن .

وبقتبس من حالي قبل ما حدا يقتبس منّي

أقل عرضة للإصابة بالإكتآب النفسي

[lord tartous]

كاتب النص الأصلي : gabriel

أكدت دراسة دنماركية وجود علاقة بين التحصيل العلمي العالي وسنوات عمر الإنسان , وأظهرت الدرسة التي أجراها المعهد الرسمي للدراسات أن الأشخاص المتقدمين بالعمر وغير الحاصلين على تعليم عال يتعرضون للأمراض بنسبة أكبر من المتعلمين بنفس العمر..وبحسب الدراسة فإن المتعلم يعيش 10 سنوات أكثر من غير المتعلم..كما بينت الدراسة أن نسبة المدخنين في صفوف المتعلمين أقل وقد يكون هذا أحد الأسباب طول حياة المتعلمين وتمتعهم بالصحة الجيدة..على جانب آخر كشفت الدراسة أن الأشخاص المتعلمين أقل عرضة للإصابة بالإكتآب النفسي وأكثر تحفزاً لتحقيق الانجازات ويتمتعون بصحة أفضل من أولئك الذين يتركون المدرسة في الصغر.

فعلا المعلمين قطه بسبع رواح مشكوووووووووووووور

[Abu ToNi]

بس افكرة اللي بدي اركز عليها ان

التعليم = التوعية

فهل هاد الشي عبيتربى عند الطالب السوري ؟!؟1

[mey]

انا بظن هالدراسة الها العلاقة التامة بالنفسية للمتعلم يعنى اساسها علم النفس
لانو شي طبيعي المتعلم يكون دايما متفائل و دايما عندو شغف ليزيد بتحصيلو العلمى مهما كبر بالعمر
و ابسط سي انك تقارن بين 2 بال60واحد يكون مثقف و الاخر لا بتلاقي انو هالدراسة جدا طبيعة و ما اي شي للغرابة فيها
thx

[mey]

كاتب النص الأصلي : gabriel

بس افكرة اللي بدي اركز عليها ان

التعليم = التوعية

فهل هاد الشي عبيتربى عند الطالب السوري ؟!؟1

ببلادنا العربية كلها مو بس سورية
التعليم صار بس شي اجباري انو الواحد يساويه وصار الطلبة متل المكنة بيحفظ و يفرغ و ما يستفاد شي
يعنى ما في توعية بدليل تلاقى 70بالمية او اكتر بالجامعة افكارن تااااااااااافهة او بعمرن ما قرو كتاب

[lord tartous]

كاتب النص الأصلي : mey

ببلادنا العربية كلها مو بس سورية
التعليم صار بس شي اجباري انو الواحد يساويه وصار الطلبة متل المكنة بيحفظ و يفرغ و ما يستفاد شي
يعنى ما في توعية بدليل تلاقى 70بالمية او اكتر بالجامعة افكارن تااااااااااافهة او بعمرن ما قرو كتاب

فعلا متل ما قلتي توعيه لازمهم توعية

[Abu ToNi]

بس شو هو الحل التوعية ما هو طالب لحتى يصل للجامعة لازم يكون في عنده توعية

في فرق بين العلم وبين المنطق

المنطق بيتشكل عن طريق توسيع العلوم وهو من الشغلات اللي ما تعلم لا بل تتشكل مع الايام عبر العلوم اللي بتداخل مع بعضها بنفسية الشخص وبالآخر بتحصل على انسان متحضر ومثقف بس شو الناقص عندنا حتى ما يصير هيك ؟

[mey]

كاتب النص الأصلي : gabriel

بس شو هو الحل التوعية ما هو طالب لحتى يصل للجامعة لازم يكون في عنده توعية

في فرق بين العلم وبين المنطق

المنطق بيتشكل عن طريق توسيع العلوم وهو من الشغلات اللي ما تعلم لا بل تتشكل مع الايام عبر العلوم اللي بتداخل مع بعضها بنفسية الشخص وبالآخر بتحصل على انسان متحضر ومثقف بس شو الناقص عندنا حتى ما يصير هيك ؟

انا معك انو المنطق ما يعلم بل يتشكل مع العلوم متل ما عم تقول و كمان مع التجارب للانسان على طول حياتو
اما عن حل التوعية فهى
*اولا لازم تكون بالاسرة لانو بتلاقلا اسر بالبيت كلو ما في مكتبة و ام و الاب جاهلين*مو معنى انو اميين بس انو ما بيعطو للثقافة اهميتها يعنى اكل شرب لبس تعلم بالمدرسة و هاد هو همن الوحيد--->يعنى كيف بتتوقع الطفل يخرج من هيك عيلة
*ثانيا بالمدرسة يا اخى مشوف معلمين.............شي بيخزي يعنى بيعطيه المقرر و يمكن من دون ما يفهمو منيح و يحطلو اسالة بهايم يعنى الي بيحفظ بيجاوب مو الي بيبحث وبينكش بالكتب عالمعلومات باختصار ما بيعلمو الطالب انو يعتمد عداتو بتحصيل المعلومة
و نفس الشي بالثانوية
*منجى للجامعة بقولولو ابحاث لحالك طيب كيف بتتوقع انو واحد طول عمرو بيحفظ و يفرغ يكون عندو هيك قدرة انو يبحث عالمعلومة لحالو

اعدرونى يعنى يمكن الاجابة مو مترابطة او ما عرفت وصل المعلومة لانو رح نام عالكايبورد من النعاس

[Abu ToNi]

اما عن حل التوعية فهى
*اولا لازم تكون بالاسرة لانو بتلاقلا اسر بالبيت كلو ما في مكتبة و ام و الاب جاهلين*مو معنى انو اميين بس انو ما بيعطو للثقافة اهميتها يعنى اكل شرب لبس تعلم بالمدرسة و هاد هو همن الوحيد--->يعنى كيف بتتوقع الطفل يخرج من هيك عيلة

مانها قاعدة انا والدي مهندس مع العلم ان جدي ما بيرعف الالف من المادنة .

*ثانيا بالمدرسة يا اخى مشوف معلمين.............شي بيخزي يعنى بيعطيه المقرر و يمكن من دون ما يفهمو منيح و يحطلو اسالة بهايم يعنى الي بيحفظ بيجاوب مو الي بيبحث وبينكش بالكتب عالمعلومات باختصار ما بيعلمو الطالب انو يعتمد عداتو بتحصيل المعلومة

بس بالأخير ما الاستاذ هو اللي عبحط المقرر للمادة المقرر مفروض عليه من وزارة التربية وعلى الاتساذ اعطاء المقرر لا اقل ولا اكتر .

كاتب النص الأصلي : mey

منجى للجامعة بقولولو ابحاث لحالك طيب كيف بتتوقع انو واحد طول عمرو بيحفظ و يفرغ يكون عندو هيك قدرة انو يبحث عالمعلومة لحالو

بالجامعة اللي بتفتح للطالب مجال البحث والاطلع بتلاقي الكل بيقتل حاله حتى يتعرف على شي طالب اكبر منه سنة مشان ياخد حلقة البحث اللي اكبر منه حضرها مشان ياخدها منه

وقت الجامعة بتامن للطالب معسكر اتناجي بيلتحق فيه مصلا طالب الهندسة بشي معمل بيشتغل فيه مشان يكتسب الخبرات المطلوبة بتلاقي الكل تركض مشان اتدبر واسطة للانفكاك من المعسكر .

ليش ديما مندافع على الطالب ومنظلم الاستاذ ؟!

ما كل واحد عقله براصه بيعرف خلاصه فليش الطالب العربي بشكل عام والسوري بشكل خاص ما عبيعرف فين مصلحته ؟1

[mey]

كاتب النص الأصلي : gabriel

مانها قاعدة انا والدي مهندس مع العلم ان جدي ما بيرعف الالف من المادنة .

ايوة انا معك وا نا كمان والدىطبيب اعصاب و جدي مابيعرف حرف بالعربيبس زمان الطلابيلي هن ابيو ابوكو هداك الجيل كان عندن قلب و رغبة قويةالي منفتقدها هلء

بس بالأخير ما الاستاذ هو اللي عبحط المقرر للمادة المقرر مفروض عليه من وزارة التربية وعلى الاتساذ اعطاء المقرر لا اقل ولا اكتر .
اه المقرر من الوزارة بس في طرق للتعليم متطورة يعنى مو ضروري تحط اسالة بهايم لازم تجبر الطالب انو يبحت
شوف الدول المتطورة اميركا و اوربا كيف الطالب بيجتهد يعنى بيعصر مخو بالتفكير مو بالحفظ



بالجامعة اللي بتفتح للطالب مجال البحث والاطلع بتلاقي الكل بيقتل حاله حتى يتعرف على شي طالب اكبر منه سنة مشان ياخد حلقة البحث اللي اكبر منه حضرها مشان ياخدها منه
اي و كمان ادا شافو حدا عم يبحث بيضحكو و بيقولو ليش قاتل حالو عالفاضي..........يا اخى لسا ما ارتقينا بتفكيرنا

وقت الجامعة بتامن للطالب معسكر اتناجي بيلتحق فيه مصلا طالب الهندسة بشي معمل بيشتغل فيه مشان يكتسب الخبرات المطلوبة بتلاقي الكل تركض مشان اتدبر واسطة للانفكاك من المعسكر .
اما هون فالمشكلة فتفكيرنا المعت يعنى الكل بدو يخلص من التعليم باسرع وقت و مو باكتر و اجود معلومات مشان هيك ما عم يطلع معنا كفاءات كثيرة

ليش ديما مندافع على الطالب ومنظلم الاستاذ ؟!
انا معك هون انا ما عم دافع عالطالب المشكاة بظن انو سببها الاسرة 20بالمية و الاساتدة
30بالمية و ال50بالمية للطالب

ما كل واحد عقله براصه بيعرف خلاصه فليش الطالب العربي بشكل عام والسوري بشكل خاص ما عبيعرف فين
1

thx موضوع حلو

[Abu ToNi]

كان بدي اعرف مين كان كاتب الرد باللون الأحمر لاني حسيت في شي بده يحكيه بس المشكلة ان ردّه تنسق من غايب علم الله وما بعرف فين صار !!

[mey]

كاتب النص الأصلي : gabriel

كان بدي اعرف مين كان كاتب الرد باللون الأحمر لاني حسيت في شي بده يحكيه بس المشكلة ان ردّه تنسق من غايب علم الله وما بعرف فين صار !!

?انت عم تحكى عن ردي..........ما فهم مين المقصود؟

[امرأة من ورق]

كاتب النص الأصلي : gabriel

كان بدي اعرف مين كان كاتب الرد باللون الأحمر لاني حسيت في شي بده يحكيه بس المشكلة ان ردّه تنسق من غايب علم الله وما بعرف فين صار !!

ياسيدي الظاهر صاير عندك رهاب بموضوع التعديل والتنسيق لانو مافي ولا نقطة متنسقة بهاد الموضوع

[Abu ToNi]

بك تتكى على أيقونة الرد الصاروخي ، بأيتها مشاركة (المشاركة الي عم بترد عليها يعني)، لحتى يتنشط هذا الصندوق و إتصير فيك تكتب فيه ...

[Abu ToNi]

ميرسي الك امراة من ورق على الصبحية

المهم منرجع لموضوعنا الأصلي

فكرة التعليم هل هي فكرة فاشلة من اصلها عندنا نحن العرب

خلينا نفكر شوي بعقلانية

البني آدم ليش بيتعلم

شو الفرق بالتعليم بين العرب والغرب

في كتير جامعات عبتستورد مناهج اجنبية ومع هاد الشي المستوى التعليمي عبيبقى كل ماله بتراجع او بافضل الاحوال مكانك راوح شو هو السبب حدا بيقدر يناقش معي شوي ؟!؟