الموت للشعب الميت

[فوضوي]

كلما ذهبت من اليونان الى سوريا أو من سوريا لليونان أصاب بمفاجأة قبيحة عند ذهابي لسوريا و رائعة عند ذهابي لليونان
ففي اليونان حيث الحرية و الديموقرطية و حقوق الانسان ولا داعي فيها لأعمال الشغب نجد فيها 5000 أناركيسيت يحرقون البنوك و الشرطة و السيارات الفخمة
أما في سوريا حيث الديكتاتورية والقمع و التسلط و حيث يجب أن تحدث أعمال الشغب لا نرى أي هجمة على الطريقة الأناركية
و ان دل هذا على شيء فهو يدل على أن شعبنا و للأسف شعب جبان و ها نحن نرى الأجيال الجبانة التي رباها حافظ الأسد
فأنا من الان ليس لي أي علاقة بما يحدث في سوريا و كما يقول المثل " فخار يكسر بعضه " و سأبقى كذلك حتى أرى فروعة الأمن في سوريا تحترق على أيادي الأناركيست هذا ان وجدوا
وكما يقول نسيب عريضة :
كفنوه
ادفنوه
أسكنوه
هوة اللحد العيق
اذهبوا
لا تندبوه
فهو شعب ميت لا يفيق

[فوضوي]

ملاحظة : هاي اخر مشاركي الي بالمنتدى

[brave heart2]

كاتب النص الأصلي : فوضوي

كلما ذهبت من اليونان الى سوريا أو من سوريا لليونان أصاب بمفاجأة قبيحة عند ذهابي لسوريا و رائعة عند ذهابي لليونان
ففي اليونان حيث الحرية و الديموقرطية و حقوق الانسان ولا داعي فيها لأعمال الشغب نجد فيها 5000 أناركيسيت يحرقون البنوك و الشرطة و السيارات الفخمة
أما في سوريا حيث الديكتاتورية والقمع و التسلط و حيث يجب أن تحدث أعمال الشغب لا نرى أي هجمة على الطريقة الأناركية
و ان دل هذا على شيء فهو يدل على أن شعبنا و للأسف شعب جبان و ها نحن نرى الأجيال الجبانة التي رباها حافظ الأسد
فأنا من الان ليس لي أي علاقة بما يحدث في سوريا و كما يقول المثل " فخار يكسر بعضه " و سأبقى كذلك حتى أرى فروعة الأمن في سوريا تحترق على أيادي الأناركيست هذا ان وجدوا
وكما يقول نسيب عريضة :
كفنوه
ادفنوه
أسكنوه
هوة اللحد العيق
اذهبوا
لا تندبوه
فهو شعب ميت لا يفيق

انا جدا مصدوم بهالموضوع ... يعني انت نسفت الواقع وشتمت شعب كامل .. وهاد مو حقك ابدا

بعدين مين قال انو الحرق والتكسير هي افضل اساليب التغير؟؟؟؟؟؟

وبما انك انسان ثوري بدك تستنى غيرك بلش بالثورة (( من وجهة نظرك )) او ينهيها وبعدين تيجي تحصل على مكتسباتها

مو هاد الانسان السوري ولا هاد انت ..... يا ريت تعيد حساباتك


بعدين باب اخوية ما بيتسكر يا أخ (( ما بعرف )) الباب دائما مفتوح وما حدا بيقدر يسكرو

مفتوح بوجه ابناء هاد البلد

مية وردة فوضوي - وما بعرف

[maged-syrian]

كاتب النص الأصلي : فوضوي

ملاحظة : هاي اخر مشاركي الي بالمنتدى

هلأ انت بدك تحط بالحسبان أن العنف مابيولد الا العنف .. والأمن أهم ركن لأكمال مسيرة الحياة ... والعراق أكبر مثال .
على كل حال رائع جداً أن نرى ثورة على الظلم والطغيان ... شرط أن تكون ثورة سلمية مبنية على أسس علمية وليست ثورة فوضوية ترجعنا قرن الى الخلف .. محاربة الفساد أمر واجب لكن محاربة الفساد يجب أن تكون على أسس علمية ومنطقية وسلمية ...
وانا بصراحة مستغرب من موضوعك هاد !!!
ومستغرب اكتر من طريقة استسلامك وانهزامك وانعدام الصبر لديك بلحظة وحدة صار شعارك فخار يكسر بعضو بينما كنت على استعداد من أجل الموت في سبيل العدالة ومحاربة الظلم سابقا ماهذا التغيير المفاجيء واين المباديء الثابتة !!

[Syrian Gay]

كاتب النص الأصلي : فوضوي

ملاحظة : هاي اخر مشاركي الي بالمنتدى

ليش يا فوضوي

[كهربجي]

طبيعي... طبيعي يصير فينا كلنا هيك...

شو متوقعين من الأول يعني؟؟ أنو يابا نضب مستمرين حتى النهاية وهيك بشكل مثالي...

فوضوي، بحيي شجاعتك.. غيرك على الأقل مو مسترجي يبلش حتى يسترجي ينسحب كمان...

بس مو بالضرورة تترك أحوية لا تنسى

[صياد الطيور]

هلأ أكيد وضع البلد مانو سليم 100% بس كمان مانو سلبي كل هالشي ..

كلنا منتمنى تصير البلد أفضل وتتطور و تتحسن ..
بس اذا الكل بدو يحكي هيك و يعمل هيك .. على مين متوقعين يتحمل المسؤولية و يصلح البلد ؟

[wwq]

بعدين باب اخوية ما بيتسكر يا أخ (( ما بعرف )) الباب دائما مفتوح وما حدا بيقدر يسكرو

مفتوح بوجه ابناء هاد البلد

مية وردة فوضوي - وما بعرف

وينو(( مابعرف))

[MadMax]

كاتب النص الأصلي : فوضوي

نجد فيها 5000 أناركيسيت يحرقون البنوك و الشرطة و السيارات الفخمة

يعني شو هالحلول الخنفشارية
يعني اذا انحرقت البنوك ....ما حدا رح ياكلها الا الشعب المعتر يللي ناطر البنك الفلاني الله يفرجها عليه مشان يسحبلو شي قرض

و الشرطة هدول أخي و أخوك .... يللي ما لاقو وظيفة ...قامو اتطوعوا بالشرطة

أما السيارات الفخمة .... فاذا كانت حكومية يعني مصيبة .....رح يرجعوا يسحبوا من جيوبنا ....ليجيبوا بدالهون

[samsoum]

السؤال هو
هل حقق حرق البنوك والسيارات الفخمة والتصادم مع الشرطة أهداف هال 5000 أناريكيست؟

[الهجان]

مرحبا شباب

موضوع السيد فوضوي كلام حق يراد به باطل

اي نعم ان هناك الكثير من القضايا التي تحتاج الى علاج

وربما الكثير منها يحتاج الى طرق من الاحتاج مختلفه

من الاضراب السلمي الى الاعتصامات الى العرائض

الى التجمعات الشعبيه

انما بدون عنف , ويحضرني موضوع هام كنت قد قراته

عن اسس العصيان المدني وثوره عاندي السلميه

طبعا سوريه ليست تحت الاحتلال كما كانت الهند وقت ذاك

الا ان الاسس التي قامت عليها الثوره الهنديه جديره بالدراسه والاحترام

اذا انها حققت نتائج اكبر واسرع مما فعلته ثورات داميه اودت بالكثير من الارواح البريئه

وبتصوري ان الحرق والنهب لا يعتبر التعبير السليم عن رفض فئه شعبيه لواقع ما لا ترتضيه

انما هو اقرب الى فوضى تنظيميه ونقص حاد في وعي الاحزاب السياسيه المنظمه لقوى الشعب

وكلما ازداد الوعي كلما كانت طرق التعبير الرافضه لواقع ما اكثر سلميه وفعاليه .

اما بالنسبه لعدم مشاركتك سيد فوضوي اسف لقرارك

كنت اتمنا من ان تكون اكثر تصميم على مساعده شعبك
في معرفه حقوقه والوصول معه الى ارقى طرق التعبير في رفضه لواقع ما غير متناسب معه .

[اممي]

كاتب النص الأصلي : فوضوي

ملاحظة : هاي اخر مشاركي الي بالمنتدى

رفيقي فوضوي...
الثورة اليوم بالبلد راح تعمل فوضى لان معلومك نحنا طوائف عايشين ببلد مو العكس هي اذا ماجابت حاكم الله مابيزبط دماغو خصوصا ان راح يرجع يملي الجرا من جديد بالنهاية اليوم بعتقد ان الاصلاح هو حل انجع من الثورة بس المشكلة بياكل وقت واعداء كتار ومن هون يجي دوورك زبط حيالله شي بس لاتنطر الثورة هالنطرة + الثورة هية الي رجعتنا لورا
ارجاع هون فيك تعمل الوطن احلى هروبنا من حل

[brave heart2]

كاتب النص الأصلي : wwq

وينو(( مابعرف))

(( ما بعرف )) كان كاتبلو سكر الباب وراك بس المشاركة انحذفت

[الآلهة]

يعني كل ما واحد سوري طلع لبلاد برا او عايش هنيك
بيصير يعطي مواعض وحكم عن سوريا
اذا الحل بالتكسير على الله العوض
خلي تفكيرك يا فوضوي ضمن المنطق