كل هدا ويعاني الشعب من انقطاع بالكهرباء.............عجبا

[اية الرحمان]

مصادر الطاقة الكهربائية متوفرة في سورية..


--------------------------------------------------------------------------------


أكد الدكتور محمد ديب المدير التنفيذي لمجموعتي POTOMAC وNAANOVO أن الطاقات المتاحة وغير المستثمرة حالياً في المحطات والمنشآت القائمة في سورية، تشكل رقماً يغطي أضعاف العجز الحالي دون أي حاجة لإضافة أية كمية إضافية من الغاز أو الفيول. ورأى أن هذه الإمكانية تتوفر في المحطات العاملة على الغاز، ومعامل الإسمنت والسيراميك، ومعمل صهر حديد حماة، ومصافي النفط في حمص وبانياس التي تشكل مصدراً إضافياً للطاقة الكهربائية.

كما أكد أن سورية تنتج سنوياً كمية من الزيتون ينتج عنها مخلفات تسمى التمز بكمية تزيد على مليون طن، تباع في الوقت الحالي بصورة عشوائية إلى تركيا حيث تستخدم كمادة حرق في محطات توليد الطاقة هناك، وهذه الكمية تكفي لتشغيل محطة بطاقة 200 ميغاواط ساعي وهي بسعر منخفض.

كما رأى أن النفايات المنزلية لتوليد الكهرباء، هي من مصادر الطاقة المتجددة ونحن لا نعطيها ما تستحق من الأهمية، وذكّر بتصنيف الأمم المتحدة لسورية حيث تعتبر من البلدان المشمسة على مدار العام وأن كل 1000 م2 مساحة شمسية يولد 5 ميغاواط ساعي بنظام التسخين الزيتي بكلفة عشر ملايين دولار ما يجعل سورية مصدراً دائماً للطاقة المنتجة من الشمس، ولاسيما أن التكنولوجيا قد انخفض سعرها كثيراً في الآونة الأخيرة.‏

كما تحدث عن طاقة الرياح وخاصة في المنطقة الممتدة من جسر الشغور - الغاب - مصياف - مشتى الحلو أي السفح الشرقي لجبال الساحل بطول 100 كم وعمق 2 كم، وأكد أنها منطقة مزارع ريحية بامتياز لتوفر سرعات ريح اقتصادية، وهو ما يمكن أن ينتج طاقة تكفي سورية لخمسين عاماً.‏
فهل هناك من يسمع ويعي في وزارة الكهرباء الماضية بكهربائنا إلى حتفها؟؟؟

( من موقع جريدة قاسيون )

مصادر الطاقة متعددة (من النفايات المنزلية.والطاقة الشمسية.مخلفات منتجت زراعية كالزيتون.والرياح)ومتوفرة بشكل كبير وعلى المدى اطويل
لكن سوء استخدامها جعل الشعب السوري يعاني من نقص فادح في الكهرباء في صيف لايطفيء لهيبه غير المكيفات والثلاجات
وهل اعادة النظر في الاقتصاد الوطني ومشكلة الفساد مثلما جاء بخطاب الرئيس بشار الاسد سيحل هدا المشكل

[THE_unforgiven]

ولك ...ششو بدو يحكي الواحد ..عم ننشوى ..وننسلق كل يوم ميت مرة ..ومو بس هيك المي كمان مقطوعة

[alaa_rsh2007]

شو بدو يحكي الواحد بالصيف الحرارة عم تخرب مولدات الكهرباء والشتوية المطر عم يخربها خليها لربك احسن شي

[eng.munther]

الله يكون بعونكم وبعوننا . .في العراق لاكهرباء ولا من يحزنون الناس محروقة حرق . .

[jojo1989]

لك اخخخخخخ اخ بس
قال بيقولو اللي الك واللي عليك
هون بيعرفو اللي علينا بس
يعني عملي مخالفة هيك قدها لحتى تركد وراكي الدوريات وخود على طرق مخالفات وقص عملة
والضرايب تأخري نهار بدفع شي وحدة منن لحتى تلاقي الموظفين راكدين وراكي
قال شو ضريبة رفاهية ....... وين الرفاهية بس بدي شوفها اوحسها
بس اللي إلنا من حقوق .......... لاء حبيبي الشعب بينتظر شوفي ورانا قال شو عايشين ........ خلوني ساكتة احسنلي
نحن بس مناكل ... ومنسكت

[ادونيس_90]

شو مشان المي كمان مقطوعة

[اية الرحمان]

كاتب النص الأصلي : alaa_rsh2007

شو بدو يحكي الواحد بالصيف الحرارة عم تخرب مولدات الكهرباء والشتوية المطر عم يخربها خليها لربك احسن شي

لانو ببساطة التوصيلات من عهد جدي وشتي يعني من وقت الاستعمار مافات وفوت الكهرباء والمي ماعادت تركبت من جديد والصيانة من فوق لفوق بيمشي حالها يومين تلاث وبعدين بنرجع لنفس الموال
لكن مصادر الطاقة متوفرة المشكلة في الاستغلال الجيد و التوصيل والصيانة
ومن هالنقطة بنرجع للناس المختصة في هيك مجالات ويالي للاسف ما بتتمكن من ممارسة مهنتها وخبراتها في ميدانها (رغم سنين الدراسة الطويلة والتضحيات)
فبتلاقي حالها بياعة سجايرة بطاولة باخر الشارع يالي كهربتو مقطوعة وهنن اصحاب الصنعة



ايه والصيانة قصة تانية شوف الاسلاك المدلدلة من توصيلات وصيانة عمياء ويالي من ورائها حوادث رهيبة بتحدث.....................................o s:

[اية الرحمان]

كاتب النص الأصلي : +++ THE PUNISHER +++

ولك ...ششو بدو يحكي الواحد ..عم ننشوى ..وننسلق كل يوم ميت مرة ..ومو بس هيك المي كمان مقطوعة

انقطاع المي اخطر من الكهرباء بكتير

[اية الرحمان]

كاتب النص الأصلي : eng.munther

الله يكون بعونكم وبعوننا . .في العراق لاكهرباء ولا من يحزنون الناس محروقة حرق . .

المهم الاستقلال بعدين مشاكل المي والكهرباء تنحل وحدة وحدة (عم احكي عالعراق )
والله يعين الجميع

[اية الرحمان]

كاتب النص الأصلي : jojo1989

لك اخخخخخخ اخ بس

قال بيقولو اللي الك واللي عليك
هون بيعرفو اللي علينا بس
يعني عملي مخالفة هيك قدها لحتى تركد وراكي الدوريات وخود على طرق مخالفات وقص عملة
والضرايب تأخري نهار بدفع شي وحدة منن لحتى تلاقي الموظفين راكدين وراكي
قال شو ضريبة رفاهية ....... وين الرفاهية بس بدي شوفها اوحسها
بس اللي إلنا من حقوق .......... لاء حبيبي الشعب بينتظر شوفي ورانا قال شو عايشين ........ خلوني ساكتة احسنلي

نحن بس مناكل ... ومنسكت

نحنا شو
لك نحنا ولا شي +الاستسلام =انسان ماعندو مي ما عندو كهرباء ما عندو وما عندو وماعندو لالالالالالالا وما عندو الحق يقول ماعندي حق لانو بهيك بفرجي العالم فقر بلدو بدو يتحمل ويسكت ويحمد ويشكر رب العالمين ورب البلد(الرئيس) ورب البلدية (رئيس البلدية)................................... ..........الى رب البيت(الرجال)

بس بيني وبينكم الفساد منا وفينا يعني نحنا كمان لازم مانسكت عالرشاوي ومانسكت
مثال بسيط
رئيس بلدية الدولة تخصصلو مبلغ معين من ميزانيتها اي مال الشعب بتطلب منو يصلح طريق (وياعيني عالشوارع العربية ومطباتها) رئيس هالبلدية شو بيعمل بجيب مقاول من معارفو بيعطيه نص المبلغ (طبعا هالمقاول فواتيرو كلها مزورة )
وياخدرئيس البلدية النص التاني ويخليه يشتغل على كيفو يعني كوش(طبقة) زفت عالطريق من غير تصليح وسنتين تلات ليخلص المشروع وعلى بدنا مال لنكمل المشروع الظروف المناخية عطلتنا كل هاد و شهرين تلاث بترجع المطبات لاول مطرة او اول سومي رومورك يمر عليها
غير اليد العاملة يالي بجيبوهم بشغلوهم متل العبيد تلات زلام لتعبيد طريق وطني(هاي مبالغ فيها بس بتشبه )مقابل فتافيت وهاد ادا اندفعو ولا عقود عمل ولا هم يحزنون ولا تامين صحي ولا تنحسب بالتقاعد ولاولاولا..............



خرجنا شوي عالموضوع بس كلو مرتبط

[اية الرحمان]

كاتب النص الأصلي : ادونيس_90

شو مشان المي كمان مقطوعة

شوي شوي ينقطع الهواء كمان او يحطولنا عليه عدادات لندفع مصاري

[abu-wdea3]

كلو حكي..... تنفيذ مشاريع الطاقه البديله بدو شي 50 - 100 سنه
ازا شارع مشان يزفتو بدون 6 اشهر ......

ولي على بعضي ........

[jojo1989]

عووووووووووجا

[hunterman]

ولك آآآآآآآآآآآآآآآآآآآآآآآآآآخ والله العظيم صرت متل البيضة المسلوقة وما عم اطلع من الحمام

[system in blue]

شو فينا نعمل يعني
احسن شي يعتمد الواحد على حالو ويجيب موتور كهربا
يعني مو معروفه صعب نصير على قولتك العرب جرب.

[اية الرحمان]

[quote=system in blue;685528]

على قولتك العرب جرب

ويالي ماعندو امكانيات ليجيب هالموتور يعني يموت الكهرباء من ابسط حقوق المواطنين بعد السكن والماء

دكرتني بمقولتي

[system in blue]

ويالي ماعندو امكانيات ليجيب هالموتور يعني يموت الكهرباء من ابسط حقوق المواطنين بعد السكن والماء

دكرتني بمقولتي
مسا الخير ايه
الي ماعندو امكانيات احسن شي
يسكت ويشعل شمعه
اي هي مقولتك الشهيره منيح انو لسا متذكرتيا
بتذكر انو بفرنسا عملو احتفال على مرور 50 سنه بدون انقطاع الكهرباء
بقى شو الفرق.
باي

[اية الرحمان]

كاتب النص الأصلي : system in blue

ويالي ماعندو امكانيات ليجيب هالموتور يعني يموت الكهرباء من ابسط حقوق المواطنين بعد السكن والماء

دكرتني بمقولتي
مسا الخير ايه
الي ماعندو امكانيات احسن شي
يسكت ويشعل شمعه
اي هي مقولتك الشهيره منيح انو لسا متذكرتيا
بتذكر انو بفرنسا عملو احتفال على مرور 50 سنه بدون انقطاع الكهرباء
بقى شو الفرق.
باي

50سنة هاي ماعندي علم فيها
بس شو جاب 50سنة ليومنا هدا نحنا ب 2007 عيب
الفرق 50سنة................................... .........شوجاب سيرة فرنسا هلا
بايات