بدي التفسير العلمي كيف انو الشمس رح تصير تشرق من الغرب...؟؟

[handsome]

سؤال جميل .........

والله وانت الاجمل .. والله كان لازم من زمان تجي . بس انو صل متأخرا خيرا من ان لا تصل

ظاهرة تباطؤ دوران الكرة الارضية تؤرق العلماء هذا اليوم
صحيح انها لم تاخذ الضجة الكبيرة بين عامة الناس بسبب عدم شعورهم الفعلي بها ......
و لكن الحقيقة هي ان علماء ناسا قاموا بقياس الزمن بواسطة الساعة الذرية بين عامي
1960 - 2000 و قارنوا الوقت مع حركة الارض الفلكية فتبين معهم ان الوقت المفقود هو 423 بالالف من الثانية خلال 40 سنة ...... اي ان سرعة دوران الكرة الارضية في تباطؤ .

هلق انا كمان قريت عن تجربة صارت بين ال 1974 وال 2005 بس كانت عما تحكي عن غير شغلات .. بس ما رح نختلف بركي غير تجربة هيي ..
بس هلق سؤال: 423 الف من الثانية .. يعني 423 ميكرو ثانية ما ؟؟ يعني 0,000423 ثانية ؟ هلق اذا قسمناهون على 40 سنة .. بيطلع عنا تسارع دوران الارض بمعدل 10 ميكرو ثانية بالسنة .. بس في كمشة بحوث علمية اثبتت انو دوران الارض عما يتسارع بمقدار 17 ميكرو بالثانية ؟؟؟ معقول تكون انت مخربط شوي بالحسابات اما انا هلق الي خربطت؟

الاول و هو الاقل اهمية هو انفجارات البراكين و خصوصاً تلك الانفجارات الجانبية و المدمرة
الامر الثاني و المتوسط الاهمية هو ارتفاع نسبة المياه على سطح الارض بفعل ذوبان الجليد
في القطبين المتجمدين ( حتى الان )
و ساشرح لكم كيف يؤثر ارتفاع نسبة المياه على السرعة بتجربة بسيطة ( كما شرحها البروفيسور )
الذي كان يتحدث عن هذا الموضوع ...
اذا وضعنا بيضة دجاج نيئة على منحدر صغير و تركناها تتدحرج فانها ستتوقف بعد نزولها عن المنحدر
بمسافة بسيطة .....
اما لو كانت هذه البيضة مسلوقة فان توقفها سيكون بعد نزولها عن المنحدر بمسافة اكبر من النيئة .
و ذلك بفعل السوائل الموجودة داخلها و التي تعيق الحركة الدورانية . ( مدينة لندن مهددة بالزوال بفعل ارتفاع منسوب المياه و شارع اوكسفورد الشهير غمرته المياه منذ ايام )

انا معك انو الاول ما كتير نهم ..
التاني مهم .
بس خيو انو انا كمان سمعان بهاي الشغلات ... وقريت شي الو علاقة بالبحار والمحيطات ... بس ما فهمت شلون كانت صايرة الشغلة عالاخر ..
بس انت المثال الي حاطو تبع البروفيسور ما دخلو بالبحار والمحيطات ...
هاي الخاصة تبعيت البيضة الي وقت بتكون من جوا ثابتة رح تفتل اكتر ( ما برعف شو اسم هادا المبدء الي عما يخلية تصير هيك .. مشان هيك اذا عندك معلومة شو اسما بالعربي بكون ممنونك خيو !) هادا بغض النظر عن الشكل الخارجي تبعا .. بس الشي الي عما يأثر عالارض بهالموضوع هوي النواة السائلة تبعيت الارض؟
بجوز يكون اسا في غير مبدء مشان تأثبر البحار والمحياطات .. بس ماهوي نفسو تبع البيضة !!

اما الامر الثالث و الاخطر فهو خروج القمر من مدار الارض !
طبعاً ساشرح بالتفصيل عن دور القمر و ما سيسببه فقدانه من كوارث ..
القمر هو الذي يحافظ على توازن الارض في دورانها كما انه مسؤول عن سرعة دورانها و جهة دورانها ( عبر تاثير جاذبيته )
و يقول العلماء بان دوران الارض بدون القمر سيخلو من التوازن حيث ستتارجح الارض على محورها بصورة حرة ( حاليا هي مستقرة على زاوية ميلان محورية = 22.5 )
اما دليل ابتعاد القمر او فقدانه فلم يعد يخفى على احد حيث انه يبتعد عن مداره حول الارض بمقدار 4.5 انشات كل سنة ( و الكلام لعلماء ناسا )
و بالتالي فان مصير الارض في المستقبل البعيد نسبياً مجهول .

هلق وصلنا للجد..
بس اول الشي هيك عالماشي ... ميلان محور الارض هو 23,44 درجات مؤية .. بتعرف انتي بس نحكو عما نحكي بش علمي فتكون الدقة ثم الدقة ثم الدقة من اهم الشغلات الي لازم نراعية
وبعدين القمر عما يبعد عن الارض بمقدار 3,8 سم بالسنة .. ما 4,5 انش والي بيلعو 11,43 سم .. بس مشان الدقة ما اكتر ..

هلق انو القمر هوي الي عما يحافظ عدوران الارض وعن جهة دوران ... ما كتير خرطتلي مشطي الفكرة .. او حاسة مانا كتير علمية ... عما يأثر علية اوكي .. بس ماهوي الي عما يحافظ على الدوران بهاي الطريقة .. لا بالعكس .. هوي الي عما يأثر على هالتبطئ تبعا!!!
وبعدين كان جوابك عسؤال هاني انو ليش هيك عما يصير :

القمر عم يطلع بسبب تاثير جاذبية الشمس له و بالتالي اودادت سرعة دورانه حول الارض

بس انو نتوء.. ما صح هالشي ..سوري يعني بس انو هادا الواقع ..
خيو بعد عملية البحبشة توصلت انو سبب ابتعاد القمر عن محورو هو قوة اسما قوة المد..
وهادا يا سيدنا هاي القوة بتأثر على الجسمين الفضائين الي عما يدورو حوالين بعضون .. وباعتبار انو الارض والقمر بيجذبو بعضون .. فرح تكون هاي القوة المؤثرة عالجهتين المتقابلتي للارض والقمر ققوة من الجهتين المتباعدتين .. مشان هيك لازم يصير شكل القمر والارض متل طابة وقاعد علية ..
ولانو هالشي مانو عما يصير .. فعما يروح قسم من الطاقة الدورانية تبعيت الارض عشكل حرارة .. وعما ينتقل قسم من القوة المحركة لمدار دوران القمر . مشان هيك عما يبعد القمر عن محور دورانو ..
هلق انو نقول انو القمر عما ينجزب للشمس .. بتطلع القصة اسهل بكتير ومافيا وجعة راس بنوب .. بس في عدة عوامل بتأكد انو هالشي مانو صح ( هي وجهة نظر شخصية هلق ماني متأكد منا مية بالمية ):
القوة الجاذبة بين القمر والشمس اصغر بكتير بكتير من القوة الجاذبة بين الارض والقمر .. مشان هيك القمر ما رح يتأثر بنوب بجذب الشمس لالو ..
على افتراض انو هاي الجائبية عما تأثر عالقمر ..
فبسبب دوران القمر حوالين الارض .. رح يضل فترة من جهة الشمس وفترة من الجهة التاني من الارض ( يعني مرة القمر بين الشمس والارض ومرة الارض بين الشمس والقمر ) فوقت بيكون القمر بين الشمس الارض . رح ينجذب باتجاه الشمس فبيبعد عن الارض شوي .. ووقت بتكون الارض بين القمر والشمس .. فرح تتشكل محصلة قوة جذب الارض والشمس للقمر . وهاي المحصلة رح تشد القمر باتجاهون فرح يقرب القمرة مرة تاني من الارض
مشان هيك ما كتير راكبة فكرة جذب الشمس للقمر براصي ... اذا عندك شي طريقة لتوضيحة بكون ممنونك انا

كل ما كتبته هو حقائق علمية اخذتها من قراءتي للكتب و الاخبار العلمية و كذلك متابعتي للبرامج الوثائقية
و قد كتبت هذا الرد بنفسي و استغرق مني اكثر من ساعة
و اتحدى اي كان ن يحضر لي رابط لموضوع مشابه بتاريخ قبل 28 تموز 2007

انو ما بعرف ليش هيك ؟؟

بس انو عكل الاحوال خيو .. نحنا منقدر جهودك والله يعطيك العافة ويخلك زخر للاخوية ...
وهون بالاخوية ما حدي فينو يكفاي حدي .. بس انشالله تكون كلمة شكرا بتكفي .. وعما ننتظر انو نستفيد اكتر من معلومات بعض
شكرا مرة تاني وسلامات

[amir 2006]

ما بعرف المقالات طويلة كتييييييييير

[amir 2006]

ما بعرف المقالات طويلة كتييييييييير

[Abu Guzef]

كاتب النص الأصلي : super messi

هههههههههههههههههههه
عمري 20 و لسا ما حجيت هههههههههههههه
القمر عم يطلع بسبب تاثير جاذبية الشمس له و بالتالي اودادت سرعة دورانه حول الارض
و بالنسبة للدين فانا ما فاضي ناقش هلق
تحياتي

معلم هي ناقشناها

ان يعني بس يصير مدار القمر بين الشمس والأرض رح تجذب الشمس شوي يعني بتغيير مدارو شي بسيط 0.0000001%

بس انا ما بنكر وجود تغيير بمدارو بس التغيير شي بسيط

لانو الشمس بعيدة عن كتير

نا قشناها انا وهاند سوم مبارح

[Abu Guzef]

ردود هاني كانت قويه وضافت وردود وسيم كمان على سبيل المثال,

يعني ردودي مو ظابطا انا

[Abu Guzef]

هاني مشان ان الشمس اذا قفت دورانها رح يتم بس قسم احد عليه شمس و قسم ما عليه غلط بغلط

شوي وبنزلك النظرية

[amir 2006]

كلشي ممكن

[Abu Guzef]

هاني شوف هالنظرية يلي بتنقض نظريتك بس قليب الصورة بالعكس

هيو مو واضحة زيادة لان السكنر عندي مو معرف

ف صورتا بالموبايل

[الحاج متولي]

كاتب النص الأصلي : محمد ابراهيم

شو علاقة اللي كتبتو بالموضوع؟؟؟؟

هلا باجب اعمل سيرش على معلومه متل سبب دوران الارض
بيطلعلي موضوع بدخلو بلاقي علامات الساعه (هاد اسمو غش ونصب) هاي نقطه

نقطه تانيه الاعضاء هون بالمنتدى بيدخلو قسم العلوم مشان المواضيع العلميه
لان مواضيعو مرتبطه بالعلم

حضرتك اخليت بالقسم يللي موجود فيه .

أخي الكريم محمد براهيم
أنا وقت يلي كتب عن الموضوع ماكتب إثبات علمي
كتب إثبات ديني بحت لإني الموضوع أثاثاً مرتبط بعلامة دينية
وأنا كل يلي كتبتوا كتبتوا من شان يلي مابيعرف يعرف.........
صحيح الأخ أبو جوزيف كان عم يطلب تفسير علمي ...بس أنا كتب شغلات الناس مابتعرفها عن الموضوع
يعني في كتير من الأعضاء مابيعرفوا ليش أو فين هالظاهرة إنكتبت او تحدث عنها و أنا كتبتها للعلم بالشيء لا أكثر أو اقل
وبعدين يا أخي الكريم ....كتير مواضيع تافهة ومالها فكاهة ولا ماذية عم تتناقش بالمنتدى ....وقفت علي أنا إني موضوعي مو بمحلوا؟؟؟؟
خلي قلبك كبير وتحملنا يا غالي
تحياتي
الحاج متولي

[Abu Guzef]

lخي نحنا تركنا الدين ع جنب لانك مافيك تناقش هيك موضوع بمنظور ديني وعقلي سوى

[اية الرحمان]

ابو جوزيف فيك تظيف رسم عن ميلان الارض عن محور دورانها قصدي قصة الشمال الجغرافي والجنوب المغناطيسي كمان مو بس حول الشمس

[ayaa]

اخي الحاج متولي
شكرا لك على المشاركه المفيده واتمنى ان تكتب هذا الموضوع
من جديد في القسم المناسب للافاده وبارك الله فيك
يا جماعه اخونا وضع هالمشاركه بقصد الاثبات لشروق الشمس
من المغرب ولانها ليست ببعيده وهي ستحدث عن قريب وليس
بعد مئات السنين واتمنى انه تطولوا بالكم لانه المشاركه تتعلق
بالموضوع وشكرا لكم

[الحاج متولي]

كاتب النص الأصلي : ayaa

اخي الحاج متولي
شكرا لك على المشاركه المفيده واتمنى ان تكتب هذا الموضوع
من جديد في القسم المناسب للافاده وبارك الله فيك
يا جماعه اخونا وضع هالمشاركه بقصد الاثبات لشروق الشمس
من المغرب ولانها ليست ببعيده وهي ستحدث عن قريب وليس
بعد مئات السنين واتمنى انه تطولوا بالكم لانه المشاركه تتعلق
بالموضوع وشكرا لكم

الأخت الكريمة آية
أنا إنشاء الله سوف أقوم بنشر الموضوع في مكان آخر
و العذر من صاحب الموضوع
تحياتي لإلك ولكل المشاركين

[Abu Guzef]

كاتب النص الأصلي : اية الرحمان

ابو جوزيف فيك تظيف رسم عن ميلان الارض عن محور دورانها قصدي قصة الشمال الجغرافي والجنوب المغناطيسي كمان مو بس حول الشمس

ايه رح سوي هيك

بس انا هي الرسمة مبدئية وكان هدفها انو تثبت فشل نظرية هاني

وكمان لو وقفت الأرض عن الدوران رح تتوقف القوة النايذة تبعها

يعني في احتمال تجذبها الشمس

بس نظرا لانو في كواكب اقرب عليها بجوز يجذبوها وتصير تمشي بين الكوكب يلي جذبها والشمس

يعني لا مطلقة ولا معلقة

بنوضح الفكرة بعدين مع رسمة لانو بالرسم بيصير الشغل اسهل وبتتوضح الفكرة اكتر

[Abu Guzef]

ايه لفوق

شو وينك ابو الهن

[ِAbu Alzooz]

عرفت الحل
محل مو محطوط لافتة ومكتوب هون الشرق
بنشخبط شخبيط
و بنكتب الغرب
مزبوووووووووووووووووووووو وووووط
هادا جواب منطقي
تسلملي على هالمخ يا ابو وليم

[hanny dagher]

كاتب النص الأصلي : Abu Guzef

ايه لفوق

شو وينك ابو الهن

ابو الهن رح يقوصك

اولا : روح تعلم انكليزي وبعدين تعى كتوب بالانكليزي (وما تستخدم كلمات رزيلة تاني مرة اعتبر في عالم تانية عم تقرا )

تانيا : وحياة الله مو مصدق انتي كيف نجحت بكالوريا هالسنة يعني اذا بشوف علامتك بعيني ما بصدق انو انتي ناجح بكالوريا (أو انو بكالوريتك علمي ونسيان كل شي عن الجغرافيا مع انو انا بكالوريتي علمي بس كنت شاطر بالجغرافيا )

تالتا : استخدم خيالك وقت بدك ترسم شي رسمة لانو برسمتك هاي يا صاحبي الارض برمت معك برمة كاملة وراجع رسمتك وشوف

رابعا وهادا الاهم مع شوية بحث عالسريع طلع معنا

Question: What would happen if the Earth's rotation stopped?

Answer: The biggest changes would be the climate. One side would be very hot
and the other very cool and dark.


الموقع :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

خامسا : وقت صير بالبيت رح اعملك شوية ابحاث كتيرة عن هالشغلة هاي وبلكي بصورلك فلم فيديو بفسرلك كيف بتصير الارض تتحرك حول الشمس وقت بتوقف دوران حول نفسها

[Abu Guzef]

كاتب النص الأصلي : hanny dagher

ابو الهن رح يقوصك

ايه حاسس

اولا : روح تعلم انكليزي وبعدين تعى كتوب بالانكليزي (وما تستخدم كلمات رزيلة تاني مرة اعتبر في عالم تانية عم تقرا )

معلم هي عالماشي لأنو كتبتو الساعة 4 وشوي الصبح

كلمات رزيلة انا ما قلت شي انا قلت تبا لنظريتك

تانيا : وحياة الله مو مصدق انتي كيف نجحت بكالوريا هالسنة يعني اذا بشوف علامتك بعيني ما بصدق انو انتي ناجح بكالوريا (أو انو بكالوريتك علمي ونسيان كل شي عن الجغرافيا مع انو انا بكالوريتي علمي بس كنت شاطر بالجغرافيا )

بس تجي ع سوريا بورجيك ياها او ببعتلك ياها ايميل

تالتا : استخدم خيالك وقت بدك ترسم شي رسمة لانو برسمتك هاي يا صاحبي الارض برمت معك برمة كاملة وراجع رسمتك وشوف

لا ما برمت بنوب


رابعا وهادا الاهم مع شوية بحث عالسريع طلع معنا

Question: What would happen if the Earth's rotation stopped?

Answer: The biggest changes would be the climate. One side would be very hot
and the other very cool and dark.


الموقع :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هدول محششين

خامسا : وقت صير بالبيت رح اعملك شوية ابحاث كتيرة عن هالشغلة هاي وبلكي بصورلك فلم فيديو بفسرلك كيف بتصير الارض تتحرك حول الشمس وقت بتوقف دوران حول نفسها

عميل ابحاث

معلم لو نو متل ماعم تقول انت ومثالك

رح يادي انو الأرض بتكون عم تتحرك بس عم تتحرك بسرعة مساوية لسرعة دورانها حول المدار

صحصح هاني

لا تعتمد ع غيرك