العانس

[تالين]

العانــــــــــــــــــس
و ما ادراك ما العانس في مجتمعنا
المراة العانس بمجتمعنا ........ فيها تكون مربية لولاد اخوها او اختها
لازم تحاسب عللى كلام الناس
لازم تسمع من هون و هنيك كلام طالع نازل
و شو رح يفكرو اذا طلعت شي مشوار
و شو رح يئولو اذا سافرت لشي بلد لتغير جو
و شو رح يئولو اذا حبت تفتح شي مشروع خيري و تشتغل عليه
حتى بهي النئطة الرجال اخدبن حئون اكتر من المراة بمجتمعنا
يعني نظرة المجتمع للمراة العانس نظرة قاتلة
و كانو عاملة شي جريمة انو بيعتبروها قطعة سيارة خربانة
او أي شي
بس ما عم يئدرو يعتبروها انسانة و يفهمو انو فيها تساوي كتير شغلات بحياتها و تنجح فيه
ليش؟
هاد مو مرض
هاد مرض مزمن و معدي كمان لالاسف بمجتمعنا
هات رايك بصراحة بلا مجاملات

[cuty]

انا برأيي الزواج هلا بالنسبة للبنات ما عاد هاداك الهاجس
او الشي يلي بتنطره و بتتمناه متل قبل
شايفة انو كتير عم تتاخر البنت لتتزوج.....و اغلب الزيجات يلي انا بشوفها فاشلة يا عيشة نكد
يا طلاق........البنات هلا اوعى و البنت هلا صارت تحرص انا تتعلم و تعيش حياتها و تعمل شو ما بدها
العانس انسانة حرة......سواء كان بارادتها او ظروفها.......و اذا بدها تسمع لكلام المرضى النفسيين
فهي ببساطة خسرت روحها و حياتها

و ثانكس عالموضوع الحلو تالي

[اية الرحمان]

ليش بالمجتمعات الغربية هالكلمة مو موجودة بهالمفهوم الضيق والمعقد والمتخلف
العنوسة من مفردات قاموس دول العالم الثالث
طيب ولرجال كمان عوانس ادا ما تزوجو بكير

[Syrian Gay]

اي والله العانس قصتا قصة انو الكل بيعينوها وبراقبوها لوين راحت ولوين اجت

وبعتقد المطلقة كمان عم يتأكلو حقوقا لأن العالم بينظرو للمطلقة على انها عاهرة

[MadMax]

للأسف بمجتمعنا .... أي شي بكون خارج القاعدة بيعتبروه خطأ


بس كمان الشغلة نسبية .... يعني بتقدر أي بنت تفرض احترامها و تفرض شخصيتها
بس بهيك ظروف يمكن تحتاج جهد أكبر

[تالين]

كاتب النص الأصلي : اية الرحمان

ليش بالمجتمعات الغربية هالكلمة مو موجودة بهالمفهوم الضيق والمعقد والمتخلف
العنوسة من مفردات قاموس دول العالم الثالث
طيب ولرجال كمان عوانس ادا ما تزوجو بكير

انا ما الت انو بلمجتمعات الغربية ما في هي الكلمة
بس الناس بمجتمع الغرب بينظرو غير نظرة للعانس و ما عندهون فرء بين الرجل العانس و المراة العانس
يسلمو على مرورك

[تالين]

كاتب النص الأصلي : Madmax

للأسف بمجتمعنا .... أي شي بكون خارج القاعدة بيعتبروه خطأ


بس كمان الشغلة نسبية .... يعني بتقدر أي بنت تفرض احترامها و تفرض شخصيتها
بس بهيك ظروف يمكن تحتاج جهد أكبر

انا معك بس المشكلة انو اد ما عم تحاول تسبت نجاحها و وجودها كانسانة عادية متلها متل غيرها
بأي لحظة عم تسمع كلام تجريح و انتو بتعرفو النسوان يعدمني ياهون وئت يجتمعو
يسلمو على مرورك

[ayaa]

مرحبا

اختي تالين
مشكووووره موضوع حلو ومفيد
اولا العانس هو الرجل وليست المراءه لانه المراءه مطلوبه والرجل طالب
يعني هو الذي يقدم على الزواج من المراءه عشان هيك كلمة العانس
الصحيحه هي للرجل وليست المراءه
تانيا المشكله هي انه المراءه ما بتعرف حقوقها ولو عرفتها ما راح تواجه
متل هالمشاكل
تالتا ليه المراءه لازم تهتم بكلام وافكار الناس رضاء الناس غاية لا تدرك
رابعا البنت اتغيرت في هذه الايام اصبحت تدرس وتعمل ولا تجلس في
البيت وتنتظر العريس متل الاول
البنات والمطلقين العرب الذين يعيشون في اوروبا لا يواجهون هذه المشاكل
اللي موجوده في مجتمعنا العربي من عادات وتقاليد متخلفه وعشان هيك
عنا مشاكل كتيره في مجتمعنا

[تالين]

كاتب النص الأصلي : ayaa

مرحبا

اختي تالين
مشكووووره موضوع حلو ومفيد
اولا العانس هو الرجل وليست المراءه لانه المراءه مطلوبه والرجل طالب
يعني هو الذي يقدم على الزواج من المراءه عشان هيك كلمة العانس
الصحيحه هي للرجل وليست المراءه
تانيا المشكله هي انه المراءه ما بتعرف حقوقها ولو عرفتها ما راح تواجه
متل هالمشاكل
تالتا ليه المراءه لازم تهتم بكلام وافكار الناس رضاء الناس غاية لا تدرك
رابعا البنت اتغيرت في هذه الايام اصبحت تدرس وتعمل ولا تجلس في
البيت وتنتظر العريس متل الاول
البنات والمطلقين العرب الذين يعيشون في اوروبا لا يواجهون هذه المشاكل
اللي موجوده في مجتمعنا العربي من عادات وتقاليد متخلفه وعشان هيك
عنا مشاكل كتيره في مجتمعنا

انا معك بس بهي النئطة انو الرجل هو العانس مو صح
لانو الرجال عم يتحرك بكل حرية و وئت يشوفو حدى مانو متزوج ما حدى عم يجرحو بالحكي ولا عم ينظرلو نظرة متل قطعة خربانة ...
و لانو بمجتمعنا المراة هي يلي عم تنطلب .... فنظرة المجتمع عم تكون الها انو ما حدى رضيان فيها
يسلمو على مرورك الحلو

[ayaa]

اختي بالنسبه لكلمة عانس هي تنطبق على الرجل لانه هو الذي يطلب الزواج
وبالنسبه للحريه نعم الرجل عنده حريه والمراءه لا بس بنتفق انه هذا الشي هو
التخلف اللذي نعيشه في مجتمعنا
والاخ Madmax قال كلام صحيح وفعلا المراءه اللي فارضه شخصيتها مش راح تسمح
لاحد انه يسمعها كلام جارح والله يعطيكي العافيه

[Roaa]

يعني واذا الوحده تاخرت بالزواج

شو يعني ؟؟؟


كل انسان بهالدنيا بياخد قسمتو ونصيبو

يمكن تتزوج ... تتمرمر ... تطلق

هيك الناس بينبسطوو


تحياااتي

[اية الرحمان]

كاتب النص الأصلي : تالين

انا ما الت انو بلمجتمعات الغربية ما في هي الكلمة
بس الناس بمجتمع الغرب بينظرو غير نظرة للعانس و ما عندهون فرء بين الرجل العانس و المراة العانس
يسلمو على مرورك

كان مجرد سؤال مو تعقيب على حكيك

[maged-syrian]

بمجتمعنا مابيقولوا عن الرجل عانس باعتباره قادر على الانجاب بأي مرحلة من عمره عكس المرأة التي لديها سن معينة يلي هو 40 سنة لن تستطيع من بعده الانجاب الا في حالات شاذة لهذا السبب سميت عانس

[fernanda bachchan kfoury]

طيب مراة عانس و بعدين ؟؟؟انو شو فيا ؟؟هلق المرا ماعادت تفرق معها تتجوز او ما تتجوز عادي اهم شي شغلها و دراستها ... وانا بنظري انو الديبلوم تبع المراة و شهادتا هنن زوجها

[eng.munther]

صديقتي تالين اشكر موضوعك اللطيف وبكل تاكيد العنوسة احد اهم اسبابها تكاليف الزواج الباهضة من بيت الى اثاث البيت الى المهر والذهب . . .الخ

واخيرا ً مثل ما تفضلوا الاصدقاء اللي سبقوني البنت هي اللي تفرض احترامها على الجميع بشخصيتها القوية الواثقة من نفسها . .

تحياتي