أعلام سوريّة في القدس... تحضيراً لـ«زيارة الأسد»!

[MadMax]

يبدو أن دعوة رئيس الوزراء الإسرائيلي للسلام مع سوريا، وجدت من يتلقفها في الداخل الإسرائيلي، لمطالبة إيهود أولمرت بالفعل لا بالأقوال «بتجنب الحرب المقبلة»، ولعل نشر الأعلام السورية في القدس المحتلة، كان خطوة الضغط الأولى
علّق نشطاء تابعون لحركة «السلام الآن» الإسرائيلية أمس، على مشارف القدس، عشرات الأعلام السورية والإسرائيلية في الشارع المؤدي إلى المدينة المحتلة.
وقال نشطاء من الحركة إنَّ هذه الفعالية تأتي «رسالةً إلى الحكومة الإسرائيلية بأن الوقت قد حان للتفاوض مع سوريا». وقد سارع رجال «الجبهة اليهودية»، بقيادة اليمينيين المتطرفين باروخ مارزل وايتمار بن دفير، إلى تقديم شكوى للشرطة الإسرائيلية ضد الأمين العام لحركة «السلام الآن» ياريف اوفينهايمر احتجاجاً على رفع الأعلام السورية، وخصوصاً أنها «دولة عدو ويمنع القانون الإسرائيلي رفع أعلامها».
وعلّقت صحيفة «يديعوت أحرونوت» على رفع الإعلام السورية بالقول إنَّ هناك «من بدأ بشكل عملي التحضير للزيارة التاريخية (الوهمية)، للرئيس السوري بشار الأسد»، حيث علق ناشطو «السلام الآن» عشرات الأعلام السورية إلى جانب الأعلام الإسرائيلية، في الشارع المؤدي إلى القدس المحتلة حتى مبنى الكنيست.
وقال أوفينهايمر، لـ«يديعوت»، إن «الحكومة الإسرائيلية مجبرة على منع الحرب المقبلة وعليها أن تحاول التوصل إلى اتفاق مع سوريا». وأضاف أن «سوريا تبث رسائل في الأشهر القليلة الماضية بأنها متجهة نحو التفاوض»، مضيفاً أن «البديل للتفاوض هو حرب إضافية».
وتأتي ظاهرة نشر الأعلام بعد دعوة رئيس الوزراء الإسرائيلي إيهود أولمرت الرئيس السوري بشار الأسد إلى التفاوض المباشر.
وفي تعليق على دعوة أولمرت، قال وزير الأمن الداخلي آفي ديختر، في مقابلة أجراها مع إذاعة الجيش الإسرائيلي أمس، إن «تحالف الأسد وإيران يشير إلى أنه لا يريد سلاماً مع إسرائيل». وأضاف: «على ما يبدو فإنَّ للأسد برامج أخرى غير السلام مع إسرائيل»، مشيراً إلى أنّ أولمرت «فعل الأمر الصحيح حين وضع الدعوة على الطاولة وكشف الوجه الحقيقي للأسد. والآن كل ما بقي لنا هو الانتظار والاستماع».
وفي دمشق، وصف النائب السوري محمد حبش دعوة أولمرت بأنها «استعراضية». وقال، في تصريح لوكالة «فرانس برس»: «لا يوجد أي تحفظ لدى سوريا من أجل استئناف عملية التفاوض، لكن يجب أن نعلم أن التفاوض لا يتطلب أعمالاً استعراضية أو اعرافاً من هذا النوع».
وتابع حبش: «لا نرى في كلام أولمرت على استعداده لمقابلة الأسد سوى عمل استعراضي، لأن عملية التفاوض تبدأ على مستوى الخبراء وتستمر على مستوى الوزراء، وبعد ذلك عندما ينجزون شيئاً يصبح من المبرر القول إن لقاء على مستوى القيادات قد يحصل». وأضاف حبش: «نحن نشعر بأن ما يقوم به أولمرت هو مجرد تسويق استهلاكي لشعارات يعلم أن استحقاقها في مكان آخر».




الأخبار عدد الاربعاء ١١ تموز

[ما بعرف]

انت متخيل نفس الحركة بالشام
وليييييييي

[MadMax]

كاتب النص الأصلي : ما بعرف

انت متخيل نفس الحركة بالشام
وليييييييي

عاجلاً أم آجلاً .... بدك تجهز حالك لهيك مشهد

[was616im]

طول بالك يا رجل شو نفس الحركة بالشام!!!!!!!!!!!!!!!!!!:shoc k:اتقي الله يا رجل اي والله علي قبري قبل ما حدا يفكر فيها

[was616im]

كاتب النص الأصلي : Madmax

عاجلاً أم آجلاً .... بدك تجهز حالك لهيك مشهد

ليش بلا مؤاخذة يعني بمناسبة شو بدنا نعلق اعلام اسرائيل عنا بالبلد؟؟؟؟؟؟؟؟لاء مو ناقص غير نفتحلن سفارة عنا و نصير نروح نتسوح عند بعض والله..........

[samsoum]

كاتب النص الأصلي : ما بعرف

انت متخيل نفس الحركة بالشام
وليييييييي

انا معك مستحيل تصير نفس الحركة بالشام
بس بنفس الوقت ،( لو صارت) تخيل أديش رح يكون الها تأثير على الرأي العام الدولي، وبالتالي حشر اسرائيل بالزاوية
اي تصرف اذا عرفنا كيف نستغلو لصالحنا نحنا الكسبانين ، حتى لو كان من خلال هالحركة.
علما باني ضد رفع العلم الصهيوني في سوريا، حتى لو صار تطبيع كامل معهم

[MadMax]

كاتب النص الأصلي : was616im

ليش بلا مؤاخذة يعني بمناسبة شو بدنا نعلق اعلام اسرائيل عنا بالبلد؟؟؟؟؟؟؟؟لاء مو ناقص غير نفتحلن سفارة عنا و نصير نروح نتسوح عند بعض والله..........

اذا صار اتفاق سلام بيناتنا ....... ممكن كتير يصير سفارة لأسرائيل بسوريا


و خيار السلم ...بضل هو الخيار الأقوى على طول

[samsoum]

كاتب النص الأصلي : Madmax

عاجلاً أم آجلاً .... بدك تجهز حالك لهيك مشهد

كلام منطقي جدا، ولما بيصير هالمشهد حقيقة، ما حدا من الشعب رح يقدر يعترض او يرفض، بالذات لما بيكون الشعب مؤيد لسياسة الحكومة(متل مو صاير حاليا)، وبالتالي ما في مبرر للاعتراض

[was616im]

كاتب النص الأصلي : Madmax

اذا صار اتفاق سلام بيناتنا ....... ممكن كتير يصير سفارة لأسرائيل بسوريا


و خيار السلم ...بضل هو الخيار الأقوى على طول

بتعرف من فترة قريت بالنت بس واله ما عاد اتذكر وين عن حملات دعائية اسرائيلية عن الساحة بسورية و انو عم يرغبوا العالم بالسياحة بسورية و كأنو السياحة بسورية للاسرائيليين متل الحلم يا رجل
على اساس انو هاد كمان ضغط على الحكومة الاسرائيلية مشان السلام مع سورية
بس يلعن اخت هالشغلة اي والله ما عم تزبط معي انو يصير سلام بيناتنا لانو يا رجل خلقت و كبرت و وعيت على قصة الحرب مع اسرائيل و التجهيز للمعركة فهلق يعني صعب انو الواحد هيك فجأة يتعود على شغلة السلام يهني الشغلة بدها شي عمر جديد لحتى نتعود

[samsoum]

اكيد مارح اقدر امنع هالشي، بس بتضلها حسرة بقلبي، لأنو حتى السلام مع اسرائيل ما رح يكون سلام حقيقي، (على الاقل من ناحية الشعب)واكبر دليل مصر، والجواسيس اللي عم يشتغلو فيها لصالح اسرائيل، واخرهم انكشف من حوالي شهر

[MadMax]

بتعرف من فترة قريت بالنت بس واله ما عاد اتذكر وين عن حملات دعائية اسرائيلية عن الساحة بسورية و انو عم يرغبوا العالم بالسياحة بسورية و كأنو السياحة بسورية للاسرائيليين متل الحلم يا رجل

مزبوط .....و في شركة سياحية حطت سعر للرحلة المزعومة

بس يلعن اخت هالشغلة اي والله ما عم تزبط معي انو يصير سلام بيناتنا لانو يا رجل خلقت و كبرت و وعيت على قصة الحرب مع اسرائيل و التجهيز للمعركة فهلق يعني صعب انو الواحد هيك فجأة يتعود على شغلة السلام يهني الشغلة بدها شي عمر جديد لحتى نتعود

مزبوط خيار التطبيع مو حلو
بس خيار السلم بضل مقبول ....و خاصة اذا قارنتو مع خيار الحرب

[was616im]

,والله يا شباب شايفلكن انو لا نحنا ولا الاسرائيليين بيمشي معنا حال السلام ما بعرف ليش عندي هيك احساس
على كل الله يقدم اللي فيه الخير ان كان بالحرب او بالسلم

[was616im]

كاتب النص الأصلي : Madmax

مزبوط .....و في شركة سياحية حطت سعر للرحلة المزعومة



مزبوط خيار التطبيع مو حلو
بس خيار السلم بضل مقبول ....و خاصة اذا قارنتو مع خيار الحرب

سيدي والله معك حق بس تعى بصراحة وعلى مستوى شخصي انت رح تكون مبسوط بشغلة السلام؟؟؟
انا والله العظيم ما رح كون مبسوط بس كمان بحالة الحرب رح كون متخوزق اكتر ف يعني أمرين حلوهما مرررررررررررررررررررررررر ررررر

[samsoum]

كاتب النص الأصلي : was616im

سيدي والله معك حق بس تعى بصراحة وعلى مستوى شخصي انت رح تكون مبسوط بشغلة السلام؟؟؟
انا والله العظيم ما رح كون مبسوط بس كمان بحالة الحرب رح كون متخوزق اكتر ف يعني أمرين حلوهما مررررررررررررررررررررررررررررر

مشان هيك عم قول مستحيل يصير سلام (على مستوى الشعب)
لأنو الموضوع هون مو متل حروب الدول الاوروبية بين بعضها، وانو بس تخلص الحرب بترجع الامور لطبيعتها بيوم من الايام.
وانما هون في ارض، رح تبقى بالنسبة لأصحابها المنتشرين بكل الدنيا محتلة، حتى لو صار في معاهدات سلام بين اسرائيل وكل الدول العربية.

[was616im]

سيدي ما بتوقع انو في عربي شريف بيرضى السلام مع اسرائيل و خصوصا من السوريين
بينما السياسة و معاهدات السلام ف متل ما تفضلت حضرتك كل شي بالسياسة ممكن يصير و الراحد ما بيستغرب شي بهالايام

[MadMax]

كاتب النص الأصلي : was616im

سيدي والله معك حق بس تعى بصراحة وعلى مستوى شخصي انت رح تكون مبسوط بشغلة السلام؟؟؟

بصراحة
اذا رجعلنا كامل أرضنا
و رجعوا الفلسطينيين على أرضهم ( ما يسمى بحق العودة )
ف ما رح كون زعلان
و رح كون مبسوط بشغلة السلام .... لأنو الحرب مو هوايتنا
الحرب كرمال الأرض و اذا رجعت الأرض ما عاد في ضرورة للحرب


لأنو ملينا من هالحالة يللي صرلها حوالي 60 سنة

[vanina]

كاتب النص الأصلي : Madmax

عاجلاً أم آجلاً .... بدك تجهز حالك لهيك مشهد

صحيح هالحكي .

بصراحة
اذا رجعلنا كامل أرضنا
و رجعوا الفلسطينيين على أرضهم ( ما يسمى بحق العودة )
ف ما رح كون زعلان
و رح كون مبسوط بشغلة السلام .... لأنو الحرب مو هوايتنا
الحرب كرمال الأرض و اذا رجعت الأرض ما عاد في ضرورة للحرب


لأنو ملينا من هالحالة يللي صرلها حوالي 60 سنة