شامات - لينا شماميان

[muheebos]

please the full album i would buy it but here in germany i can´ t do it
thank u

[ظل جيفارا]

اطار شمع ....ووقعتلي رشا رزق

يا سيدي مع احترامي الكامل بس فرقة اطار شمع ما احترمتن مدري ليش ما خرطوا مشطي
انا برأيي كانت لينا الجو المسيطر على الجفلة من ناحية الصوت والموسيقى وكانت فرقة جين المسيطر من حيث الإندماج العام
يمكن ما قدرت اندمج مع كلنا سوا لإنو اجو بأخر الحفلة وكنا وصلنا لحالة التعب
بس اطار شمع ورشا رزق ما بعرف كيف ما حبيتن يا اخي مع انو رشا كتير إلها كاريزما بس مدري كيف ما خرطوا مشطي

ظل جيفارا

[butterfly]

كاتب النص الأصلي : muheebos

please the full album because i can`t buy it here in germany
thank u

هلا ...
نزلت الألبوم كلو
ما عدا الغنية اللي بالأرمني

بحاول بكرة نزلا

[MadMax]

كاتب النص الأصلي : ظل جيفارا

بس اطار شمع ورشا رزق ما بعرف كيف ما حبيتن يا اخي مع انو رشا كتير إلها كاريزما بس مدري كيف ما خرطوا مشطي

غيّر مشطك بلد
رشا بتجنن

[الموسيقار]

شآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآم ..

تخورفت بالسيدي 200 ليرة ..

بس كرمال (شآم ) بس ها .. بيستاهل ونص ..

شو هالغنية .. والخيلة ؟

[ري مي]

عنجد شي بيعصب
3 مرات حاولت نزل (هالاسمر اللون ) ل لينا
وما كانت تتحمل معي كل مرة بنطرلي مدري قديش وبالاخر بيطلعلي لا يمكن عرض الصفحة

[zazo1981]

لك يسلم هالايدين يا رب ... عن جد ما بعرف كيف بدي اتقدم بالشكر .. يعني انا برات سوريا .. بس لما بسمع هالاغاني بيصير بدي ارجع فورا ... على كل حال ... يا ريت لو بتحطولنا الالبوم كلو ... الله يوفقكم ..سلامات

[عاشق سلاف]

ليناااااااااااااااااااااا ااااا

يا جماعة ما بتعرفو شو عملتو فيي لما نزلتو هاي الاغاني الجديدة للملاك الرائعة لينا شاماميان



أنا بعشق شي اسمه لينا شاماميان

بعشق صوتها

وسحرها

وخيالها


عن جد ميرسي كتييييييييييييييييييير

طبعا قبل كام يوم كنت عم افكر ايمت بدي اجي عالشام لحتى اخذ السيدي الجديد تبعها


لانه قبل سنة تقريبا

أول مرة بسمع فيها صوت لينا

كنت ماشي بالشام وتحديدا بالصالحية

ومريت جنب محل يبيع آلات موسيقية وهيك شي

وفجأة سمعت صوت من داخل المحل .. سحرني

رجعت كام خطوة لورا وظليت واقف قدام المحل لحتى اسمع مين هاي الي عم تغني

وكانت وقتها أغنية على موج البحر

بعدها دخلت عالمحل واشتريت السيدي تبعها

كان وقتها لسة نازل جديد

ومن بعدها بلشت قصتي مع لينا شاماميان

يعني ما بقدر انام اذا ما اسمع صوتها

حتى على موبايلي نزلت اغانيها لحتى اسمعها وين ما كنت


طولت عليكم بالحكي لكن حبيت اخبركم اني من عشاق هذه الشامية الرائعة


وبتمنى احضر الها شي حفلة


تحياتي لكم جميعا

وشكرا على مشاركاتكم

[عاشق سلاف]

فادي ...... بتر فلاي

شو عملتو فيييييييييي ..

شكرا كتيييييييييييييييييييير


روحي بسلام يا حياتي بخاطرك ..
ابقي اكتبيلي إن كان جيت بخاطرك ..
عالشط فوق الرمل قاعد ناطرك
أمااااااااااااااااااااااا ااااااااااااااااااااااااا ااااااااااااااااااااااااا اااااان
أمااااااااااااااااااااااا ااااااااااااااااااااااااا ااااااااااااااااااااااااا اااااان

لا ترجعي من البحر تا أرجع معك
لا ترجعي من البحر تا أرجع معك

يا مسافرة في البحر جايي ودعك
حمل سلامي للهوا و وديه معك ..




آآآآآآآآآآآآآآآآآآآآآآآآآ آآآآآآآآه ... عن جد راح ابكي

[بيلسان]

الله عليكو
يسلمو هالديات
صفحة بتجنن فش احلى من هيك
شكرا كتير يا بتر فلاي
بتستاهلي بوسة من بين عيونك اي والله
يعني هيك صار عنا كل ألبوم شاميات
بس كأنو الأغنية الرابعة مش موجودة هيك لاحظت انا
يا ريت تحملوها كمان بدي ياهن كلهن انا
وفش طريقة احصل عليهن غير منكو
وأغنية يا مسافرة اذا في حدا عندو ياها بصيغة ام بي تري يا ريت ينزلها
شكرا الكو كتير كتير بكل الاحوال
تسلمولي انشالله

[ظل جيفارا]

روحي بسلام يا حياتي بخاطرك ..
ابقي اكتبيلي إن كان جيت بخاطرك ..
عالشط فوق الرمل قاعد ناطرك
أمااااااااااااااااااااااااااااااااااااااااااا ااااا ااااااااااااااااااااااااااااااان
أمااااااااااااااااااااااااااااااااااااااااااا ااااا ااااااااااااااااااااااااااااااان

لا ترجعي من البحر تا أرجع معك
لا ترجعي من البحر تا أرجع معك

يا مسافرة في البحر جايي ودعك
حمل سلامي للهوا و وديه معك ..

الله اختصرت يا خيي اكتر ما أثر فيني من كلام بهالغنية
رائعة يا لينا رائعة

اما البلد اللي فوق
اي ما رح غير مشطي واكتر شي بكرهه انا بالدنيا ولا تواخذوني الحكي الشامي التقيل وابدعت فيه رشا رزق
قال شو قال كـــــــــــــذاب كــــــذاب ما في داعي يا حباب
اي بربك هيدا حكي يا بلد

[ليون عباجيان]

يعني صحيح لينا ستايلا حلو بس كل شي الو حد. لأنو شايفة حالا وعندا غرور مو طبيعي بعد سبع أغاني أما فيروز عندا أكتر من سبعمية غنية ومو عندا ولا غرور.
وبعدين بالنسبة لشريكا العصبي باسل رجوب: لازم الناس تعرف الحئيئة انو الألبوم الأول كانت خمس أغاني منو توزيع أخي ناريك عباجيان بس، أما شامات كانت مشاركة بين باسل وناريك، بس هلأ ناريك تركون وما عاد الو علائة بعد ما أكلولو حئو وهو ما ئصر وتركن.

[dajon1976]

ليون
رأيك علراس بس ما بيمنع أن لينا مرهفة و حساسة و ذات لأداء أكثر من رائع
بتمنى تدقق معلوماتك أكتر

[ليون عباجيان]

يا أخي أنا ما حكيت عن صوت لينا ولا عن طريقة أداءا. بس حبيت احكي عن باسل رجوب يللي سرق توزيعات أخي.

[dajon1976]

عزيزي ليون
أنت,و نازيك عالراس و العين بس أنا بلاقي أنو الألحان و التوزيع مختلف عن الcd الأول هالأسمر اللون
على كل تحياتي إلك و لنازيك

[phoenixbird]

كيف مختلف فيك تعربها هي ؟
يما لالا تشبه على موج البحر ونفس القصة كمان ب يا مسافرة نفس الجمل الموسيقية
حول يا غنام تشبه هالأسمر اللون
قبل العشا تشبه بالنص التاني عالروزانا وتكرار فظيع بالجمل الموسيقية
سحر وشآم وبالي معك كانوا بيجننوا

[laityman]

لينا شماميان ............
واخيرا صوت انثوي .....
بغض النظر عن من تدعين الفن .......
شكرا لينا

[EliasF]

أنا حبيت الألبوم الأول أكتر من التاني. الألبومين بنفس المستوى بس أغاني الأول بيعنولي أكتر. حسيت أنو مافي تطور و نضج من العمل الأول للعمل التاني (أو يمكن الأول أنضج)، و صراحة هالشي زعلني لأنو شغل لينا و رفاقا كتير واعد و محترف و راقي. بتمنى العمل الجايي ياخد الوقت و الجهد و التحضير اللي بيستحقهن مشان يكون أحسن و أنضج من التنين اللي قبله.