محكمة أمن الدولة تصدر أحكاما على 7 أشخاص بالسجن بين 7 و5 سنوات

[Majood]

كاتب النص الأصلي : صياد الطيور

آمين ... كل مظلوم ... بس الشباب ما ألهم علاقة بهالصفة ... ليهك الله يغمقلهم
و عقبال البقية ...

:jako ush:

[Nirvana]

كاتب النص الأصلي : صياد الطيور

أنا تأكدت ... بس كيف بدي أثبتلكون ... ماني مضطر .. ولا المحكمة الي حكمت عليهم مضطرة ...
و الي مانو متأكد ...يكمل على هالمنوال ... و رح تكون نهايتو نفس النهاية


للمعلومة .... اذا بيكون أخي وأو أبي من بين المحكوم عليهم ما رح أزعل عليه ... لأنو بيستاهل

بالعكس هيي المضطرة انها تثبت لأنو .. اذا على فرض كانت على حق هالمحكمة بتكون عززت ثقة الشعب فيها من جهة وبينت للناس انو اللي عملو هالناس غلط وما حدا لازم يعمل متلهن ..

أما بدون تقديم الاثباتات والتبريرات الكافية رح تنهز صورة هالمحكمة ادام الشعب ورح يطلع ناس تكمل مسيرة الشباب وبيطلع يوما ما واحد يقدر يغيير لنوصل لمحكمة قادرة وواجبها اعطاء الأدلة والاثباتات.

[Willi]

أما بدون تقديم الاثباتات والتبريرات الكافية رح تنهز صورة هالمحكمة ادام الشعب

*****فشو ما عملت المحكمة ما رح تنهز صورتها

[Government]

بـاختصار ..


اذا هاللي نحبسوا كانت نيتن كويسة وصافية وماقصدوا يأذوا هالبلاد وهالعباد وانحبسوا ظلم
فأن شاء الله الله يفك اسرن ويحبس اللي ظلمن وينتقم منو ..


واذا كانو مالن مظلومين وكانت نيتن سيئة ووسخة وبدن يضروا هالناس فأن شاء الله مؤبد ..



وبالناهية الله يفيك اسر كل مظلوم ...

[Danito]

كاتب النص الأصلي : Barleb

الشباب كانو على أتصال بالغادري .. و الكل بيعرف مين هوي الغادري ..

يعني أخطر بكتير من ميشيل و أنور البني ...

بس الحكم بهيك مدة على الشباب رح يدمر مستقبلون ..

بس أنا يلي مستغربو أنو طارق أنحبس 7 سنين ,, مع أنو على علمي انو هوي كان الوحيد يلي أعترض على فكرة اللقاء مع الغادري

__

بس ما نذكر أسم علي علي (to live is to die )

كاتب النص الأصلي : Barleb

هي صار ترويج انو الشباب اجتمعو بمدري مين و سافروا لمدري وين و أخدو مصاري من مدري مين

بس هاد كلو علاك مصدي و ترويج لشائعات على نموذج الطابور الخامس و الجستابو

يعني متل ما روجوا عن ميشيل كيلو لما و طلعت على النيو تيفي أو غيرها على لسان ماريا معلوف انو سافر على قبرص و قبض مصاري من مدري مين .. بس ما في أي إثبات أنو ميشيل كيلو اصلا طلع من سوريا

أي يمل من حكومة الزفت اللي قاعدة على قلوبنا بسلطة قانون الطوارئ .. و الاعتقالات و الأحكام التعسفية لشرفاء الناس اللي استرجت ترفع راسها

و صياد يرضى عليك حاجة تدافع عن هالنظام اللي سارقك قبل ما يسرقني متل ما نو سارق كل الناس
ولا شو بتفسر أنك متضطر تتشحتف و تتغرب من شان تأمن أكل عيشك؟

سدير المعاني يستر عرضك لا تزاود علينا كل المشاركين هون تلت ارباع المشاركين هون يساريين و ملحدين بدك وهي قصة الخيار بين حكومة ديكتاتورية و استلام متطرفين للسلطة هي الصورة اللي بترسمها الأنظمة القمعية اللي مقتنعة أنو ما في قوة بتزيحها من مكانها إلا قوة الإنقلاب أو الغزو يعني ما رح تروح من مكانها إلا بالعنف
هي حكومة مو سمعانة بشي أسمو الشعب و حقوقو بتقرير مصيروا و انتخاب ممثليه و و بجميع الأحوال إذا سمحت خليك بالموضوع و لا تخرج عنه بردودك

[صياد الطيور]

كاتب النص الأصلي : Danito

[right]و صياد يرضى عليك حاجة تدافع عن هالنظام اللي سارقك قبل ما يسرقني متل ما نو سارق كل الناس

ولا شو بتفسر أنك متضطر تتشحتف و تتغرب من شان تأمن أكل عيشك؟

هي ما ألها علاقة بهي ....
هي رزقتك ومكان عملك صار برا ...
كل واحد كان برا البلد معناها مسروق ومنهوب ؟؟

أنا بدافع عن نظام شايفو من منظوري صحيح ... يمكن من منظورك ومن منظور غيرك سئ ... ما في حدا كامل

على فكرة .. أنا عم رد هالردود لدافع عن سيادة الرئيس بهالشكل الأستفزازي قصداً ... للناس الي ما بتعرف شي بالسياسة ولا بالبلد و بتجي بتسوي حالها فهمانة ومدري شو ... وما عاجبها شي بالبلد
ولك الله وكيلك اذا فازت سوريا بكرة القدم بيعترضو وما بيعجبهم ....

انت عيني Danito

[Nirvana]

يمكن هالمرة فعلا الحبس للرجال ..

الرجال: الجنس القادر على اعتناق مبدأ وتطبيقه بموقف وتنفيذه بفعل ..

[Barleb]

danito ..

نظام الطوارئ اذا عم يروح فيه 10 ابريا .. عم ينجينا من 100 bad guys ..

بيجوز أنت بعيد شوي عن الحياة الواقعية ..

عذراً .. بس لولا قانون الطوارئ بصراحة كنا تبهدلنا .. قصدي عـ الأكراد و جند الشام و أخوان المسلمين ..


.. يعني أذا أجت أخبارية مثلاً على واحد أنو عندو سلاح .. بيستنوه لـ يستعمل السلاح مشان يعرفو أنو معو ؟
من فترة هون ( بالجزيرة السورية ) صار في حكي أنو في عالم من عايلات راقية وكتير كتير .. منتمية لـ جند الشام .. و انعفطو ( تحت ظل قانون الطوارئ ) و واحد منون أعترف على سيارة مفخخة رح تدخل عـ البلد من العراق .. و بالفعل مسكو السيارة عـ طريق الحسكة قامشلي و لاقو فيها متفجرات ..

يعني بتتصور انو لو هل سيارة انفجرت شو كان رح يصير .. ؟

__

بس يلي يضل طول عمرو بيدافع عن الأسد و البعث .. هاد وواحد كزاب و عميل نظام و مخابرات ..

لأنو ببساطة الواحد مننا .. بألف يا ويلاه بيكفل حالو ..

كيف بتقدر تكفل مثلاً رئيس جمهورية ما بتعرف عنو غير يلي بينكت بالصحف التابعة للنظام ؟

[Barleb]

كاتب النص الأصلي : Danito

[right]

هي صار ترويج انو الشباب اجتمعو بمدري مين و سافروا لمدري وين و أخدو مصاري من مدري مين

بس هاد كلو علاك مصدي و ترويج لشائعات على نموذج الطابور الخامس و الجستابو

بس يلي سمعتو أنا و متأكد منو أنو ماهر كان على أتصل بالغادري .. و عن طريق النت .. بس الشباب لا سافرو ولا قبضو مصاري( هيك أنا سمعت من مصادر كتير موثوقة )

عـ كل حال .. الحكي هلا ما رح يفيد ..

و مافي شي بيضل مخبا للأبد ...


كلنا زعلنا عـ الشباب ..

و كلنا خفنا أنو ننسحب مع الشباب ..

المهم ..

سوريا باقية و الكل رح يروح

[Nirvana]

كاتب النص الأصلي : صياد الطيور

من الأفضل للي ما بيفهموا بالسياسة ( وخاصة الإناث ) التزام الصمت أحسن من التخبيص

لأنو ما بكفي اللي عم يسكتونا كل يوم .. حتى أنت ..

[Danito]

كاتب النص الأصلي : سدير المعاني

جواب فارغ,, و الموضوع ليس موضوع شخصك انت بالذات, وانما توضيح ان شعبنا لا يستحق افضل مما هو فيه.. موضوع اثبات نظرية .. (( كل يصل الى حيث يستحقق لنفسه مما مخول له ان يستحقق فيه)))

هون الجواب بلب الموضوع : هي النظرية بالذات تبع الشعب نال ما استحق .. أنو الشعب هو المقصر .. يعني أنت تلوم الضحية ؟ أيتحول الضحية إلى جاني ؟ هل إذا قام أحدهم بالاعتداء على الآخر نقول الحق على المعتدى عليه ؟ لماذا لأنه كان ضعيفا؟ ما شالله شو بتعرف من الإنسانية ؟ كان الأنجع أن تختبأ خلف شعار غير الإنسانية لأنك و من خلال مشاركاتك المعدودة بالمنتدى أظهرت أنك لا تفقه فالإنسانية أكثر من كتابتها مرة في كل عشر جمل (بضم الجيم و فتح الميم) بغض النظر عن السياق

و لا تستخدم كلام انت لست اهل له.. سامي و غوغائي مو شغلك هذا.. اول شي اتعلم كيف تأثبت انسانيتك و لست قادر و لست الوحيد شعبنا بمعظمه غير قادر..

معك بهي أنا طبعا نظام تعليمي فاشل وزارء تربية و تعليم عالي لم يفلحوا إلا في النهب و السرقة، نظام واسطة برعاية حزبية من الحزب الحاكم للدولة و المجتمع بأمر الدستور المعدّل ظلما و بتهانا
بناء دار المعلمات بالخمسينات صار هلق وزارة ا لتربية و هاد الشي نسبيا مفهوم بس فيك تقارن مع الأبنية الحالية لإعداد المدرسات بالمزة الأشبه بمهاجع السجن في المزة
أما دار المعلمين بالمالكي فالآن أصبح القيادة القطرية يعني نقلو المعلمين لأبنية مخجلة و اقامو مكاتب بيروقراطية لحزب أقل ما يقال عنه حاليا لا طعم له و لا رائحة

رح أيدك على التهم التالية ليس لكل الشعب لكن ربما لجزأ كبير او ضغير منه

شعب علاك...

نعم مع الخطاب الحزبي الخشبي صبح و مساء في البيت و المدرسة و العمل و على التلفون و التلفزيون أكيد الناس بدها تتأثر و تردد نفس الخطاب..

بدو المجد وهو دوني ..شو رأيك؟؟

نعم تم تشويه التاريخ و تشجيع نعرات قومية و دينية بائدة على و أصبح الشعب السوري لا يفقة شيء بتاريخه بل أصبح يسخر من من يحاول التغني بالحضارة العريقة (الكنعانيين الآشوريين)

منافق... يقول شيء و يضمر شيء اخر؟؟ شو رايك؟؟ اه؟ حرامي, بيسرق اخوه المواطن..

هي بالذات بوافقك عليها و بشرلك بالبنان لمن هم هذا الجزأ الحكومة العتيدة و أذيالها يزاودون علينا صباح مساء بالوطنية و يتهمون أي مدافع عن الوطن بالأرتباط بالخارج بينما لا يتورعون عن بيع المواطنيين بصفقات للمخابرات الأميركية (حيث يتم نقلهم إلى غوانتانامو او إرسال أشخاص خصيصا لتم تعذيبهم في سوريا و على أساس الشبهة .. لأن الأجهزة الغربية تعاف عن تلويث سمعتها

الشرطي الي عم يسرق حقك في ان يكون هو من مطيعين القانون, لكي يرتدع اهل السوء...

من الذي عين الشرطي و معلمه الفاسد و رعاهم و أمن لهم النظام الفاسد؟ المواطن؟؟ يا من تستخدم تعبير مواطن في توقيعك بين الحين و الآخر؟؟؟

شو الو علاقة بلقيادة هذا؟؟

رح اتركلك الإنسانية .. اتركلي السياسة الي و هون ما قصدي سياسة تبع لبنان و يمين يسار و تطرف قصدي التحليل النظري لواقع و بنية سياسية معينة : يعني في أشياء خارج نطاق فهم المواطنين من أمثالك في دولتنا العتيدة ممن اختزلو الوطنية في نفسهم و في قيادتهم العظيمة المبجلة المنزهة.. قلناها و رح نقولا مرة تانية : أداء الحكومة و إنجازاتها لا تقاس بأقوالها و لكن بالنتائج على الأرض يعني كما تقوم بعض الشركات بتعيين مستشارين لتقييم ادءها الإداري و المالي (الديو ديليجانس) نفس الشيء يمكن إسقاطه على الحكومة و أول ما يمكن لحظه هو اختلاف النهج و التطبيق عن السياسة المعلنة، لكن بغض النظر عما تردده الحكومة من أكبر راس فيها إلى أصغر بواب في دائرة على الحدود الشمالية الشرقية ما نلاحظة ان الحكومة
ترعى الفساد و الفاسدين في كل الأجهزة التنفيذية الحيوية (شرطة جمارك قضاء خدمات تعليم)
نشر الطائفية و تعميقها عن طريق تخصيص مقاعد في الوزارات و مجلس الشعب و الدوائر الحكومية على اساس حصص كوتا طائفية وحيث يتم التغاضي بل الموافقة و مباركة تحول كل دائرة إلى صورة مصغرة عن عشيرة المدير أو قريته أو طائفته ... (ليس طائفة معينة أو منطقة معينة بل تقسيم يشمل الجميع)

مو هو بشخصه انسان مختل؟؟ وانا و انت لما منرضى نرضخ لطلبه بالرشوة.. شو الو علاقة بالقيادة؟؟ مو لان انا و انت بهائميين و لا نعرف قيمة القانون و الالتزام فيه؟؟ و لما و لما و لما و لما.. اطلعوا على نفسكم اولا ,, ظبطوا فيها.. حاولوا ان تكونوا انسانيين و بعدها سوف تجد القيادة بشلك تلقائي انتقلت و صارت صفاتها انسانية..

هناك استنتاجين يمكن استخلاصهما من قولك هذا : أن القيادة ليست إنسانية .. أن سبب لا إنسانيتها هو لا إنسانية المواطنين .. ما شالله على إنسانيتك .. (منشان الله اعتاق مفهوم الإنسانية لحاله حرام عليك دبحتنا بإنسانيتك) أنا شخصيا بستنتج أنك تردد كلام دون ان تفكر فيه مليا ، وإذا افترضنا أنك فكرت فيه مليا .. لكن هذا منطق مشوه .. الحكومة ليست شلة أصدقاء في مدرسة ابتدائية إذا كان المواطنين صالحين تكون هي صالحة و إذا كان المواطنين عاطلين بتاخد على خاطرها و بتصير عاطلة لبينما الناس تحسن أخلاقها أصلا ..
إذا الحكومة اكتشفت أن المواطنين فاسدين و خربانيين و لم تقم بتقويمهم فهذا يعني أنها إما فاشلة لا تستطيع التعاطي مع مشاكل الوطن والمواطنين الرئيسية و هذه مشكلة عويصة وإما انت تكون فاسدة مثلهم و هي بالتالي جزأ من فساد المواطن و لايهم من يسبق من لكن هذه كارثة

هنالك قوانين تحكم على الوجود بأسره.. لا يمكن ان يقود شعب منافق كاذب سارق حرامي الا من يستحقون ان يقودهم... و بخصوص الرئيس بشار.. اراه افضل شخص في وقتنا الحالي.. على الاقل لا يحمل نفس طائفي قذر ..

تمسيح جوخ ..

نفس القمامة.. على الاقل يخلص لسوريا و يحاول الاصلاح .... الغادري مجرم له علاقات مع اسرائيل .. شو رأيك؟؟ الغادري بدو يبيع دمك يا اخ.. ما رايك؟؟ البحر من امامكم و العدو من خلفكم.. لكن انتبه العدو هو انت و انا.. العدو هو عدم قدرتنا على ان نكون انسانيين..

الغادري أصلا ما حدا شايله من ارضه بكلام آخر هو حشرة و الشعب السوري بأجمعه لا يراه و لا يقيم له حساب أما من يطرب الفعل له هو الحكومة العتيدة فأخيرا هناك شخصية في منتهى القذارة و الوضاعة بشكل تبدو الحكومة نظيفة مقارنة به .. يعني بكلام آخر هني ما بيتمنوه يحرمون من طلاتو و أفعالو الدنيئة من شان يضل في حدا أسوء منهن بكتير و يحسسو العالم أنو نحن سيئين و لكننا لسنا الأسوء
لكن ماذا عن أحلام المواطن بعيش كريم ؟ هذا موضوع مؤجل

اجاني رد من احدكم بالباريفت و عامل حاله يعني ممثل الموقع هون و لا تعمل هيك و اعمل هيك.. يا ديتو.. DITO ربما انت ظنيت انو كلامي يعني هيك شوية حشو.. ان نكون انسانيين اكبر غاية .. لكي نكون انسانيين يجب ان نعلم كل العلوم.. هذا ليس تشتيت بل هذا من قلب المشكلة.. نحن هكذا لاننها شعب بهائمي اشد قربا من الحيوانات و ابعد من الانسانيين و الجميل ان الباب مفتوح, يعني نريد ان نكون افضل فلنتعلم كيف نكون اناسنيين.. وانت يا DITO صار الحكي هلق الك طالما عاملي فيها انسان ابو علي. خبرنا كيف فيك تثبت انك انسان؟ و انا ناطرك..
بعدين في طلب جانبي.. كيف بدي تابع الموضيع اللي عم علق عليها؟؟ كبست هون ما بعرف شو. راح كلشي و شكرا
المواطن الساعي تجاه الانسانية سدير..

يا سدير أنا ماني عامل حالي أنا منسق ..
بس بدي قلك احترم حالك و إنسانيتك اللي صرعتنا فيها و لا عاد تحكي على الشعب و تتهمه بالبهائمية لأنها هي الإهانة كتير كبيرة و بتحز بنفسي و بدي قلك الشعب خليه على جنب

أما أسلوبك في الكتابة فسلملي على الدكتور عدنان سليمان


اكبس على لوحة التحكم شيتك و هو زر في أعلى الشاشة من اليمين و هنيك فيك تابع مشاركاتك

[كهربجي]

كاتب النص الأصلي : سدير المعاني

الى تشيفادي....

تعليقي على الشعار اللي ضمن رسالتك.. دونته انت تحت اسم الماغوط.....

اي قاسيون هذا؟؟ اي قاسيون الذي يتعب و يضع رأسه؟ اسمحلي ان اقول ان الماغوط و ان كان هو من قال ما كتبت باسمه....اساء استخدام الكلام.. الكلمة قيمتها في وضعها موضعها,.... كأن اقول الان, عندما اعطش اشرب ماء ينابيع من منطقة كذا و عندما تعطش الينابيع فمن اين تشرب؟؟ هذا اجرام .. و تضليل للقارئ من خلال ضرب جهاز القياس.. الجبل جبل.. لا يوجد فيه ما يمكن ان يؤلمه.. او حتى ان يكون ذلك بشكل مجازي... الكلمة ليست عبدا لا للماغوط و لا لي و لا لغيرنا في هذه النقطة, هي متاحة لنا نعم و لكن محكومة من قبل قانون المنطق.... الذي هو كل قول يتماشى مع الصواب المطلق...
ما رايك ان قلت لك.. شربت من صخور الجبال؟؟ و ركبت خيول الشجر؟ و امسكت بجاذبية الارض و تنفست ضوء الشمس؟؟ و و والخ..

شكرا لك على سعة الصدر و الدعم لما يجعل منا افضل مما نحن فيه...

إذا تعب قاسيون بيسند على راسنا..

بس المشكلة أنو تعب كتيير تعبوه الكبار بنوعيهم.. قام ارتاح علينا..

بس طوّل.. حلّو يجلّس شوي مو هيك؟

[كهربجي]

كاتب النص الأصلي : Reemi

بعد تطبيق قانون الطواريء؟؟؟؟ انا هيك امي قالتلي ...وهيي محاميه....

إي شو بدّي بالمحامين.. اسألي مجرّب..

أنا أبي انحكم سبع سنين.. كان إلو سبع سنين إلّا شهر بصيدنايا.. طلع بعد شهر من حكمو

[Nirvana]

كاتب النص الأصلي : Barleb

danito ..

نظام الطوارئ اذا عم يروح فيه 10 ابريا .. عم ينجينا من 100 bad guys ..

بيجوز أنت بعيد شوي عن الحياة الواقعية ..

عذراً .. بس لولا قانون الطوارئ بصراحة كنا تبهدلنا .. قصدي عـ الأكراد و جند الشام و أخوان المسلمين ..


.. يعني أذا أجت أخبارية مثلاً على واحد أنو عندو سلاح .. بيستنوه لـ يستعمل السلاح مشان يعرفو أنو معو ؟
من فترة هون ( بالجزيرة السورية ) صار في حكي أنو في عالم من عايلات راقية وكتير كتير .. منتمية لـ جند الشام .. و انعفطو ( تحت ظل قانون الطوارئ ) و واحد منون أعترف على سيارة مفخخة رح تدخل عـ البلد من العراق .. و بالفعل مسكو السيارة عـ طريق الحسكة قامشلي و لاقو فيها متفجرات ..

يعني بتتصور انو لو هل سيارة انفجرت شو كان رح يصير .. ؟

__

بس يلي يضل طول عمرو بيدافع عن الأسد و البعث .. هاد وواحد كزاب و عميل نظام و مخابرات ..

لأنو ببساطة الواحد مننا .. بألف يا ويلاه بيكفل حالو ..

كيف بتقدر تكفل مثلاً رئيس جمهورية ما بتعرف عنو غير يلي بينكت بالصحف التابعة للنظام ؟

أنا معك في انو قانون الطوارئ قد يحمي بس ما تنسى أنو كمان يبيح أمور كما لو كنا في حالة حرب مع انو هلأ في استقرار منذ سنوات وسنوات .. يعني قانون الطوارئ يعلن عند الحاجة والحاجة الحقيقية فقط ..

كمان في مليون طريقة وطريقة لحماية البلد دون التذرع بقانون الطوارئ .. لما يكون في جهاز أمني جيد ومخابرات جيدة ومتابعة للجماعات " الارهابية" و غيرو وغيراتو .. بدون ترهيب وتخويف الشعب والناس اللي بحالها ..
اللي بقصدو انو مو ضروري يكون في قانون طوارئ لنحمي بلدنا .. بيكفي يكون في جهاز امني جيد .
وقصة السيارة أو اي قصة تانية مشابهة مو مبرر ليضل قانون الطوارئ ماشي.

[سدير المعاني]

كاتب النص الأصلي : Danito

هون الجواب

النقاط اللي ذكرتها حكيت فيها من قبل و لن اكرر ما قلت, بخصوص عدم مسؤولية الدولة عن قذارة المواطن و عن تكفيره لاخاه المواطن و عن تعصبه الاعمى و و الخ,اللي بتصنع منه شعب سافل لا يستحق ان يكون انساني...

بخصوص ان الرئيس بشار ليس طائفي. و قلت انه تمسيح جوخ؟؟ ليش؟؟ اليست زوجته سنية؟؟ بتعرف حتى زيد هي على معلوماتك, انا بشوف انسان طيب, يعني قلبه حي .. مربى عز و أ قل حملا لأفكار جاهلية من الكثيرين منا..

موضوع كلامي على المجتمع, هذا حقي.. انا عنصر من هذا المجتمع و يحق لي ان اصف مرض في جسدي ..
لا تنسى..

و كلامك التاني بخصوص الامور الثانية, شكرا الك, لك رأيك لكن لا اوافق نهائيا و ها انا اشكك في فهمك كما فعلت سابقا لمقومات الانسانية في المرء..... معظمنا حتى لا يعرف ماذا تعني كلمة فهم.... و الدليل اننا اسفل الامم. النقطة هي ما نها عم تفوت كتير بالاذهان... لان الاذهان اساسا مريضا.. بيجي واحد بيقلك " شوف يا اخي. شوف افريقيا,, نحن بألف خير" بقلوا انا... ان لم اكن شعب سوريا سيد الشعوب فلا حياة تستحق ان تعاش.. و ان لم نكن صانعين دولة السلام التي لا تجد فيها سارق و لا تجد فيها كاذب حتى لو اغريته بالمال و اللي ما بتشوف فيه ظلم و و و و و الخ..فلسنا اهل للانسانية ان لم نكن كل ذلك...

يا ديتو... انت تعلم تماما مواصفات شعبنا الفعلية و ليس ما يدعي.. من كذب و نفاق و سرقة و و و الخ.. طيب معقول يعني يكون هيك شعب اخلاقي؟؟ و اذا كان ليس اخلاقي, الا يكون هو السبب في ان لا يستحق افضل مما هو فيه؟؟ بعدين على فكرة.. الرئيس بشار مهمته اصعب من رئيس دولة انسانية متقدمة.. بتعرف ليش؟؟ لانك تقود الانسانين بالكلمة و تكفيهم الاشارة و ربما لست بحاجة لا الى كلمة و لا الى اشارة لانهم يسعون دائما الى فهم مقومات الانسانية و كيف ممكن ان يكونوا افضل ما يمكن ان يكونوا, لكن لحكم شعب بهائمي,, انت بحاجة لعصاية و دولاب و و و و الخ.. و الدليل ما نحن فيه...

اكرر اكرر.. يحيا من قال .. شعب ان ضرب الحذاء به يوما.. الخ.. واقول صدق.. ولكن هذا لا يعني اني قاطع الامل من الشعب.. لاء.. بل انوه اننا شعب مريض و لا بد ان نستحقق افضل من الذي نحن فيه.. بعدين على فكرة الفساد ليس خارج الشعب.. الشعب هو من يستلم المناصب و المراكز .. و يقوم بكل السرقات والاعتداء على اخوه المواطن و استغلال منصبه لمصالحة الشخصية.. بل الرئيس و تحديدا الرئيس بشار, اراه فعلا يريد الاصلاح و يريد ان يقمع صاحبين النفوس الضعيفة اللا انسانيين.... لكن من كثرتهم ليس الامر بالسهل.. الم اقل لك اننا شعب بهائمي مجرم؟؟؟؟؟؟؟؟؟؟؟؟؟؟؟؟؟؟

حزني على اطفال لم يولدوا بعد, يأتون مجتمع خيرا لهم ان لا يولدوا فيه..

العيب ليس في الانسانية و ليس فيما وصفت لك و للقراء...
الانساني
سدير المعاني..

[Danito]

كاتب النص الأصلي : سدير المعاني

النقاط اللي ذكرتها حكيت فيها من قبل و لن اكرر ما قلت, بخصوص عدم مسؤولية الدولة عن قذارة المواطن و عن تكفيره لاخاه المواطن و عن تعصبه الاعمى و و الخ,اللي بتصنع منه شعب سافل لا يستحق ان يكون انساني...

بخصوص ان الرئيس بشار ليس طائفي. و قلت انه تمسيح جوخ؟؟ ليش؟؟ اليست زوجته سنية؟؟ بتعرف حتى زيد هي على معلوماتك, انا بشوف انسان طيب, يعني قلبه حي .. مربى عز و أ قل حملا لأفكار جاهلية من الكثيرين منا..

موضوع كلامي على المجتمع, هذا حقي.. انا عنصر من هذا المجتمع و يحق لي ان اصف مرض في جسدي ..
لا تنسى..

و كلامك التاني بخصوص الامور الثانية, شكرا الك, لك رأيك لكن لا اوافق نهائيا و ها انا اشكك في فهمك كما فعلت سابقا لمقومات الانسانية في المرء..... معظمنا حتى لا يعرف ماذا تعني كلمة فهم.... و الدليل اننا اسفل الامم. النقطة هي ما نها عم تفوت كتير بالاذهان... لان الاذهان اساسا مريضا.. بيجي واحد بيقلك " شوف يا اخي. شوف افريقيا,, نحن بألف خير" بقلوا انا... ان لم اكن شعب سوريا سيد الشعوب فلا حياة تستحق ان تعاش.. و ان لم نكن صانعين دولة السلام التي لا تجد فيها سارق و لا تجد فيها كاذب حتى لو اغريته بالمال و اللي ما بتشوف فيه ظلم و و و و و الخ..فلسنا اهل للانسانية ان لم نكن كل ذلك...

يا ديتو... انت تعلم تماما مواصفات شعبنا الفعلية و ليس ما يدعي.. من كذب و نفاق و سرقة و و و الخ.. طيب معقول يعني يكون هيك شعب اخلاقي؟؟ و اذا كان ليس اخلاقي, الا يكون هو السبب في ان لا يستحق افضل مما هو فيه؟؟ بعدين على فكرة.. الرئيس بشار مهمته اصعب من رئيس دولة انسانية متقدمة.. بتعرف ليش؟؟ لانك تقود الانسانين بالكلمة و تكفيهم الاشارة و ربما لست بحاجة لا الى كلمة و لا الى اشارة لانهم يسعون دائما الى فهم مقومات الانسانية و كيف ممكن ان يكونوا افضل ما يمكن ان يكونوا, لكن لحكم شعب بهائمي,, انت بحاجة لعصاية و دولاب و و و و الخ.. و الدليل ما نحن فيه...

اكرر اكرر.. يحيا من قال .. شعب ان ضرب الحذاء به يوما.. الخ.. واقول صدق.. ولكن هذا لا يعني اني قاطع الامل من الشعب.. لاء.. بل انوه اننا شعب مريض و لا بد ان نستحقق افضل من الذي نحن فيه.. بعدين على فكرة الفساد ليس خارج الشعب.. الشعب هو من يستلم المناصب و المراكز .. و يقوم بكل السرقات والاعتداء على اخوه المواطن و استغلال منصبه لمصالحة الشخصية.. بل الرئيس و تحديدا الرئيس بشار, اراه فعلا يريد الاصلاح و يريد ان يقمع صاحبين النفوس الضعيفة اللا انسانيين.... لكن من كثرتهم ليس الامر بالسهل.. الم اقل لك اننا شعب بهائمي مجرم؟؟؟؟؟؟؟؟؟؟؟؟؟؟؟؟؟؟

حزني على اطفال لم يولدوا بعد, يأتون مجتمع خيرا لهم ان لا يولدوا فيه..

العيب ليس في الانسانية و ليس فيما وصفت لك و للقراء...
الانساني
سدير المعاني..

لا حول و لا قوة إلا بالله على هالجواب (مو من إيماني بالله بس كلمة تقال)
لك بعرف انو شعبنا مانو شعب مثالي؟ اصلا مين الشعب المثالي؟ أصلا مين الفرد المثالي؟
حاج تآجر بهالشعب و نحن كلياتنا منو

يعني بقبلا منك تقول في جزأ من الشعب هيك و هيك بس مو تقول الكل

بقبلا منك بغير موضوع بس أنك تلوم الشباب بشكل ضمني و أنت لا بتعرفهم شخصيا و لا بتعرف شي عن قضيتهم و بترجاك لا عاد تكتب عن الإنسانية أو غيرا بهاد الموضوع يعني فتاح موضوع جديد إذا بتحب بس هون خلينا بصلب الموضوع

[الإصلاحي]

إن أغلب كلام السيد سدير المعاني لا غبار عليه
ويمكن أن يطبق على نسبة عظيمة من الشعب السوري.
ولكن بالنسبة لموضوع الشباب فإذا كانت المحكمة
نفسها غير شرعية وقانونية، فكيف نناقش الأحكام
الصادرة عنها.
لا ترجو السماحة من ظالمٍ --------- فما في النار للظمآن ماء

[صياد الطيور]

كاتب النص الأصلي : الأصلاحي

فإذا كانت المحكمة
نفسها غير شرعية وقانونية

طيب يا اخ اصلاحي
ممكن توضحلنا عدم شرعية المحكمة و قانونيتها بنظرك ؟ و على اي اساس بنيت كلامك ؟