الاسلام هو الحل .... ام هو المشكلة

[شب الكوبة]

كاتب النص الأصلي : krimbow

بصراحة هالرد ابلغ رد بكل الموضوع (مع احترامي لجميع المشاركين)

بس عن جد
اكبروا بقا
اتركوا حكي الاديان للولاد الزغار
اكبروا

هلا اذا في كم واحد عم يحكي حكي بلا طعمة وقاعد عم يسب الاديان متل الولاد الزغار .. فهيدا شي ما بيضرب بحساسية الموضوع وملامسة للحياة المعاصرة للشعب العربي بكل جوانبها....

تحياتي

[ظل جيفارا]

رح اجي معك وقلك أنو لنفترض انو هي ايات بتحض ع العنف .... طيب في ايات قد هدول مرتين بيحضوا على السلام والاخاء والمحبة .. عدا عن احاديث الرسول الكريم..فليش حتى نطلع ع "النص الفاضي من الكأس " اذا صح التعبير

طيب هيدا اللي عم تحكي عنو إسمو تناقض صح ؟ شو العمل اذا كان احد انصاف الكأس يلغي النصف الأخر والنصف الاخر يلغيه
يعني ايات السلام والمساواة تلغي الشق العنيف وايات العنف تلقي الشق المتعلق بالسلام والمساواة ومع ذلك بقلك اعطيني ايات السلام والمساواة

المشكلة عندك وقت بدك تناقش موضوع بدك تبحث فيه كله مو تختار منه الجمل التي تعجبك وتترك الباقي حتى تبين صحة وجهة نظرك هذا مايسمى بالاحتيال على النص

طيب برجع بقلك اعطيني النص التاني من الكأس على حسب تشبيه الأخ فوق
انا عم احتال على النص وضح وجهة نظرك ما تحكي كلمتين وبس
وشكرا للجميع

[hasan2006]

المشكلة واضحة في المسلمين أو حتى بالعرب الساكتين

بعدين في عالم غربي أسلم بعد ما عرف الإسلام و لما عرف المسلمين قال

الحمد لله الذي عرفني الإسلام قبل أن أعرف المسلمين

معو حق

[ظل جيفارا]

المشكلة واضحة في المسلمين أو حتى بالعرب الساكتين

بعدين في عالم غربي أسلم بعد ما عرف الإسلام و لما عرف المسلمين قال

الحمد لله الذي عرفني الإسلام قبل أن أعرف المسلمين

معو حق

ههههههههههههههههههههههههههههههههههههههههههههه ه
يا ريتهن تعرفوا على المسلمين قبل ما يتعرفو على الإسلام ليشوفوا شو بده يصير فيهن

[radwann]

يا أخي جربنا كل النظم السياسية والاقتصادية الي موجودة بالعالم ..... وبصراحة ماحققنا أي شي إلا لما كنا متبعين الدين .... يعني نحنا هيك جماعة بنفلح بالدين وبنسود العالم بالدين وبنتعلم وبنحقق انجازات علمية بالدين لأنو هو هيك بيأمرنا ..... فخلونا ببساطة نرجع للدين ... بجوز غيرنا بيفلح بطريقة ثانية بس نحنا هيك ... طبيعتنا هيك وطبيعة مجتمعاتنا وخصوصيتها هيك مو متل الغرب نحنا .... والديمقراطية هي بنت البيئة ما بتستورد ....

قلت ما أعلمه والله أعلم