عطونا/3/ إيجابيات و /3/ سلبيات خلال حكم بشار الأسد

[فاوست]

فيك تجرب بصورتك وبصور رئيسك بشار الأسد أو بصورة المرحوم حافظ الأسد بلكي بيطلعلك بالليل
أما عن تفاهاتي فشكرا ياحبيب وأكيد المذمة من ناقص هي شهادة بالكمال يعني اذا عم ادافع عن بشار الأسد شو بدك تكون وشو بدي اتوقع منك أو بدو يتوقع الشعب السوري منك
ابو محجوب حبيبنا إلو سمعة عالمية اذا مابتعرف بس يمكن انت مو سامع غير برسامين الثورة وتشرين
وبعد ناقص واحد متلك ينقض ناجي العلي كمان

[BL@CK]

فاوست مع احترامي لحضرتك سمحلي أحكي كلمتين

ما رح أتدخل بالخلاف بينك و بين مادماكس لأني الظاهر تنياتكون م عبتفهمو على بعض

بس يا معلم ما هيك المعارضة بتقول ..

يعني انت هيك عبتجرح شعور فئة من الناس " و رح آجي معك و أقلك هالفئة عددا قليل أو نادر" اللي بتآمن و بتحب و بدا بشار الأسد

و باعتبار حضرتك معارض و تنادي بالحرية .. لازم يكون في عندك تقبل لجميع وجهات النظر المطروحة

بس للأسف حضرتك متعصب لآرائك و أفكارك أكتر من الفئة اللي انذكرت فوق ..

و بحديثك لا تسعى للإقناع .. بل تسعى لفرض أفكارك و آرائك على الجميع ..

ما هيك أدبيات و فكر المعارضة بيقول ..

مجرد رأي .. و بتمنى نرجع لصلب الموضوع المطروح .. و نبتعد عن الخلافات الجانبية

[فاوست]

شو بدك ياني رد يعني وشو هي الطريقة اذا واحد حرامي مثلا أكيد في حراميي رح يكون معو ورح ينجرح شعورهن إذا الحرامي الكبير انشتم أو انحبس كمان المجرمين والنصابين وانشالين والمستبدين والديكتاتوريين والكل

وفهمك كفاية

[ظل جيفارا]

التعليم العالي ( جامعات خاصة - موازي - مفتوح )

هيدي الجملة كانت الاخت باتر فلي حاططها بين الإيجابيات وانا بحطها سلبية لإنو بصراحة من لما فتحوا الجامعات الخاصة والتعليم الموازي والمفتوح ارتفعت درجات القبول بالجامعات لدرجة مستحيل كنا نفكر توصل إلها
طبعا راحت على الشعب الفقير والمتوسط
اما عن الديمقراطية فأنا برايي بعد كتير بكير عليها بشعبنا بس لازم يصير في خطوات معينة بخطة ممنهجة لتعليم الشعب الثقافة الديمقراطية وهيدا اللي ما عم يصير
اما لما نحكي عن الهند بحب قول شغلة عن الدين الهندوسي
هيدا مرة اجا واحد مسيحي لعند غاندي وقلو بدي صير هندوسي قام جاوبو غاندي روح صير مسيحي صالح بتكون معي بالحياة الأخرة
طيب يا عمي لما تلاقي بالدين المنتشر بسوريا هيك تسامح بنصير نحكي بالديمقراطية وغير هيك الديمقراطية ح تصير سبب تشكيل كونتونات طائفية لحنا بغنى عنها

أما عن الأخوان فأنا بظن انو النظام مجرم أكثر من الأخوان

لا خيي ما حدا اجرم من حدا إلا بالتقوى
والاخوان اكثر اجرام يا حلو
بس بدكن احكي كلمة بحرية حتى لو بدي موت عليها
حاسس انو عم نرجع لورا مدري ليش
يعني انا وماني عامل شي وزلمة بحياتي ما فتت المسجد إلا لما كون مضطر فوت على الحمام
مرة طلبوني بامن الدولة قال انا متطرف اسلامي
بدي الشباب تسمع يا جماعة انا طلعت مرة مع الامن متطرف إسلامي شو رأيكن ؟

[ظل جيفارا]

فيك تجرب بصورتك وبصور رئيسك بشار الأسد أو بصورة المرحوم حافظ الأسد بلكي بيطلعلك بالليل
أما عن تفاهاتي فشكرا ياحبيب وأكيد المذمة من ناقص هي شهادة بالكمال يعني اذا عم ادافع عن بشار الأسد شو بدك تكون وشو بدي اتوقع منك أو بدو يتوقع الشعب السوري منك
ابو محجوب حبيبنا إلو سمعة عالمية اذا مابتعرف بس يمكن انت مو سامع غير برسامين الثورة وتشرين
وبعد ناقص واحد متلك ينقض ناجي العلي كمان

يا الله شو محترم ومزوق بالحكي اخي
ابدعت
وغمرتنا بلطفك
بدك ينقال عنك مميز بمعارضتك طيب روح يا معارض
انا زعلان منك لإنك واحد معارض
انبسطت هيك
روح صرت مميز إسمك معارض بالاحمر كمان
يلا روح قول لرفقاتك بالحارة انا صرت معارض

[Roaa]

انا مالي كتير بالسياسه بس اكتر شي بصراحه زعجني

من الرئيس هوو فتح مجال او فتح طريق للبنانين وقت الحرب وعبوا سوريا بكل منطقه فيها

وقعدوا ببيوتنا

لك الاضرب من هيك كانو يقطعوا الكهربا مشان اللبنانين كل يوم وهلا






كل شي بصير بلبنان من تفجيرات وقتل مين وراه ؟؟؟؟؟؟ سوريا


شو هاد يااااااااا

[rammstein]

كاتب النص الأصلي : fady juventus

بمناسبة الإستفتاء المحسومة نتيجته لصالح الرئيس بشار الأسد ...
شو رأيكون نتشاور بالإنجازات و الإخفاقات التي شهدها حكم بشار الأسد خلال سبع سنوات ؟
أنا بقترح كل شخص يحطلنا 3 إيجابيات و 3 سلبيات
فيك تحط سليبات فقط أو إيجابيات فقط
فيك تزود أو تنقص عن 3
بس المهم نكون موضوعيين و نوصل لمستوى حواري راقي بعيد عن الشتائم و اللامنطقية
انشالله تعجبكن الفكرة

موضوعك جيد وممتاز وفيه فكرة.......
بس المشكلة في كم واحد شغلتهم بس الحكي الي بلا طعمة مشان هيك لا تعذب حالك........

[Reemi]

كاتب النص الأصلي : ظل جيفارا

يعني انا وماني عامل شي وزلمة بحياتي ما فتت المسجد إلا لما كون مضطر فوت على الحمام
مرة طلبوني بامن الدولة قال انا متطرف اسلامي
بدي الشباب تسمع يا جماعة انا طلعت مرة مع الامن متطرف إسلامي شو رأيكن ؟

الظاهر كنت تضطر تفوت ع الحمام كتير

[airospeed]

بحسب ياسر العضمه

سلبيات:
انعدام حرية التعبير عن الرأي
الوضع الاقتصادي متدني
الوضع التكنلوجي متأخر

أيجابيات:
انو اذا واحد انمسك معو كوكائين ولا حشيش بخرب بيت اللي خلفوه(بس ما يكون قريب ابو عروه)
اذا حرامي انمسك بلتعن ابو اليوم اللي عرف فيه سوريا(بس ما يكون قريب ابو عروه)
3: يعني اشياء من هذا القبيل(بس ما يكون قريب ابو عروه)

[Government]

يسقط الاخوان القتلة .....

بتعرف شلون معلم تايغر ..


زكرتني بمدرسة نابلس حاطين ارمة هيك عليها من فوق كاتبين عليها " تسقط عصابة الأخوان المسلمين العميلة"
كل مابفيق الصبح ع البلكون بتصبح بوشا

صار عندي عقدة نفسية منا ...

[Government]

كاتب النص الأصلي : دلوعـه سوريا

انا مالي كتير بالسياسه بس اكتر شي بصراحه زعجني

من الرئيس هوو فتح مجال او فتح طريق للبنانين وقت الحرب وعبوا سوريا بكل منطقه فيها

وقعدوا ببيوتنا

لك الاضرب من هيك كانو يقطعوا الكهربا مشان اللبنانين كل يوم وهلا






كل شي بصير بلبنان من تفجيرات وقتل مين وراه ؟؟؟؟؟؟ سوريا


شو هاد يااااااااا

لك دخيل الله في أحلى من البنانيين لما بيجو لعنا

[Roaa]

كاتب النص الأصلي : GOVERMENT

لك دخيل الله في أحلى من البنانيين لما بيجو لعنا

لا اكيد مافي ماهوو ما بيجي غير الـ........................... يعني مشفر

عاجبيينك حسن ولا عجبتك اكتر قطع الكهربا بعز الضهر

ولا عجبتك الشام الي امتلت لبنانين ياعمي المستشفيات امتلت

نت التلوث كل هاد عجبك اي تتهنا

[fady juventus]

صديقي madmax‏ ‏...
روق حبيب القلب ، مو محرزة تتخانق مع حدا إذا سبلو شوي عالرئيس ولا حتى عليك ، خليك ديمقراطي يا أخي
من يومين دخل واحد مسمي حالو "أبوالزووز" على موضوع"سوريا دولة الشرف" وما خلالي مسبة لا لإخت و لا لإم وقال سوريا بلد العاهرات وليس الشرف!!
دخلك شو عملت أنا؟
ولا شي ، لك حتى ماعملت تقرير مشاركة عاطلة ، ولا راسلت الإدارة لحتى تحذف الرد تبعو.. هني لحالن حذفوه
بس دخلك شو أثرت مسباتو عليي؟
شوفني طولي 185 و وزني 92 ، مانقصو ، أما هوي فشخص بيعبر عن تربيتو و عن أخلاق اللي ربوه.

أما السيد فاوست...
بظن اللي قالو الأخ black‏ بيكفي
و أنا من أول الشي طلبت حوار راقي منطقي
فلو سمحت ما توزع التهم يمين و شمال بمجرد التأييد لبشار الأسد.

و للأسف الحال بأخوية ما رح يتصلح... في ناس بتفوت عالموضوع تتمايع أو تتخانق مع شي حدا أو بتسب و بتطلع!!
و الظاهر ما رح نقدر أبدا نوصل لأسلوب حوار راقي طالما في أعضاء مصرين يفرجونا عقدن النفسية بكل رد بيحطوه.

و مشان المدعو أبو الزووز... و اللي انحذف ردو و مابعرف إذا إنشطبت عضويتو؟
أنا بعرف مين هوي وشو الإسم التاني اللي بيفوت فيه و الكل مشمئز منو ، بس إختار يسب تحت اسم تاني لأنو جبان... فياريت يفكر شوي و يراجع حالو و حساباتو و يخبرنا إذا كان هالأسلوب الدنيئ بيدل على أي شكل من أشكال الرجولة والشرف إلو و لشعبو اللي عندو قضية وطنية عادلة منحترم حقو بحلها بأية طريقة كانت ، و بذكرو بالثمن اللي عم تدفعو سوريا من احتضان حركات المقاومة الوطنية و الإسلامية وعلى رأسها حماس , فياترى منستاهل ينقال عنا "بلد العاهرات" ??!!

[BL@CK]

الموضوع رائع و لكن للأسف .. تم تمييع و تسخيف و تضييع محور النقاش ..

يعني متل اجتماع القمة العربية .. بضل الوزراء و الرؤوساء بتخانقو ليضيعو محور النقاش و اللي هوي الذل اللي عمنعاني منو

و بتحول الاجتماع لساحة مصارعة حرة بين هالعالم

مع الأسف يعني ..

[Government]

دخل واحد مسمي حالو "أبوالزووز" على موضوع"سوريا دولة الشرف" وما خلالي مسبة لا لإخت و لا لإم وقال سوريا بلد العاهرات وليس الشرف!!

ياأخي طنطات وعاملين حالن رجال من ورا النت

[ظل جيفارا]

الظاهر كنت تضطر تفوت ع الحمام كتير

الله والعليم معي سكري

[fady juventus]

إيجابية:
الزلمة مطول بالو وعم يحيي الجماهير من برندة بيتو وما بين عليه التعب أو الملل مع رسم ابتسامة مستمرة ... وكمان كل شوي بيسمح لعيلة أو مجموعة يطلعو لعندو و يسلمو عليه.

سلبية صغيرة:
المعلم طلع خجول كتير
و كل ما طلعت بنت تبوسو بيخنق وبيحاول يبعد.. بس لوييين ، بتلاقين تعبشئو فيه و مجقوه ، لاء أحلى الشي هاي البنت اللي لابسة العلم كيف نطت عليه !! حسيت إنو نئز منها.

بالمجمل بالفعل متل ماسبق وقال black إنو الرئيس أظهر قربو من الجماهير اللي شافوه بيناتن بأكتر من مناسبة إن كان بمطعم أو مسرحية ، أو عم يسوق سيارتو أو عم يتمشى لابس بوط رياضة و بيجاما ، أو لابس سبور و طالع مع المدام للمشاركة بحدث أو مناسبة عادية بحياتا ماكان يطلع عليها غير مسؤول عادي "متل مناسبة مهرجان الياسمين"

[الآنسة كاتوية بشوكولا]

والله انا برأيي كل شي بعهده صار للناحية الايجابية ,..


اما بالنسبة للسلب ... فـ ما بعتقد صار في شي سلب غير بالاعلام ....


انو زودوها ...!!! ويمكن يخطرلي شي ما بعرف .. على كلن إذا خطرلي برجع .. سلام