المتدينون, مشكلة العالم

[MadMax]

كاتب النص الأصلي : عمار المالكي

انت برأيك شو يلي خلى الفلسطيني يفجر نفسه بالأسرائيلين
ال يعني لك القهر والذل شيء وقت بتنتفي كل أسباب حياتك ويلي داعس على رقبتك أمامك شو بتساوي
انا أكره العنف لكن حط حالك محل الفلسطيني شوز بتساوي

أنا سألتك عن سبب يخليك تقتل شخص بريء
يا ريت تفهم السؤال

[مسطول على طول]

كاتب النص الأصلي : tiger

كلامك صاب الحقيقة في كبدها مسطول....
الحل هو فصل الدين عن الدولة , ايماني وايمانك في قلوبنا ونعمل معا لاعلاء شأن اوطاننا ...
موضوع فعلا جميل ولي عودة بالتأكيد ....

ميه

مشكله انو كل دولنا علمانيه أو الأغلبيه بس في شي عم يعطي دفعه لهل تيار متل تنظيم القاعده مثلاً

الاحتلال ومحاربة الاحتلال هي غطاء كبير لهم ..... بأسم المقاومه والدين

القوميين تراجعوا الاصوليين ظهروا قوتهم كانت محدودوه ولكن التلاعب بالمنطقه والحروب باسم الحريه والديموقراطيه أو باسم مكافحة الأرهاب أعطاهم الغطاء .

الغرب غير مؤهل لتدخل ومعالجة هذه الظاهره الحل موجود داخل كل دوله أمن واستقرار الشعوب كفيل بوضع لتنامي أو صعود تيار متطرف

والتدخل الخارجي سيعطيهم دفعه وقوه اكثر

والاحتلال سيضاعف تلك الجرعات ويمنحهم المناخ المناسب

على الغرب أن يتوقف عن التدخل ببلادنا وشؤوننا الداخليه

[مايا *]

كاتب النص الأصلي : مسطول على طول

على الغرب أن يتوقف عن التدخل ببلادنا وشؤوننا الداخليه

مع أني حرمت أدخل على هيك مواضيع ..

بس ما بعرف ليه بحس أنو نحنا كتير ( طراطير ) لما بسمع بهيك جملة ..

علـ المونة مسطول .. بس يعني هئ .. ما كتير إقتنعت ..

خليها تسجيل متابعة هلى .. !!

و علـ الهامش *..( شو قصة هلـ الخمسات الي عم تحطهون .. بدي منهون .. )

[ابو عمير السوري]

كاتب النص الأصلي : madmax

أنا سألتك عن سبب يخليك تقتل شخص بريء
يا ريت تفهم السؤال

هلئ حسب مفهومك للتعصب في ناس بتعتبر الفلسطيني ارهابي عندما يقتل مدنين اسرائيلين وهاد بدوا بحث وتعمق بكل حالة على حدة
اما من يقتل المدنين العراقيين فهذا اجرام خرج عن موضوع التعصب الديني ولايمكن تبريره

[وائل 76]

كاتب النص الأصلي : مسطول على طول

ميه

مشكله انو كل دولنا علمانيه أو الأغلبيه بس في شي عم يعطي دفعه لهل تيار متل تنظيم القاعده مثلاً

الاحتلال ومحاربة الاحتلال هي غطاء كبير لهم ..... بأسم المقاومه والدين

القوميين تراجعوا الاصوليين ظهروا قوتهم كانت محدودوه ولكن التلاعب بالمنطقه والحروب باسم الحريه والديموقراطيه أو باسم مكافحة الأرهاب أعطاهم الغطاء .

الغرب غير مؤهل لتدخل ومعالجة هذه الظاهره الحل موجود داخل كل دوله أمن واستقرار الشعوب كفيل بوضع لتنامي أو صعود تيار متطرف

والتدخل الخارجي سيعطيهم دفعه وقوه اكثر

والاحتلال سيضاعف تلك الجرعات ويمنحهم المناخ المناسب

على الغرب أن يتوقف عن التدخل ببلادنا وشؤوننا الداخليه

للأمانة تفاجئت بكلامك مسطول و ما توقعت انو ممكن بيوم اقرء لمسطول شي بهيك منطق !!!

للأسف أنو تعودنا دائماً على جلد ذاتنا و أن نحمل أنفسنا تبعة ما نحن فيه مع أننا نعلم يقيناً أن تسطيح المشكلة بهذا الشكل الغبي لن يفيدنا خطوة واحدة للأمام ,, بل سيزيدنا تيهاً أكثر مما نحن فيه !!

بعض المشاركات الغريبة الاطوار تحدثت عن تحيد الدين عن أي نظام سياسي في دولنا العربية سعياً نحو المساواة بين أبناء الأديان و الملل المختلفة !!

طيب يا جماعة و مسطول بالذات احنا عم نغص في ظل حكومات علمانية منذ قرن من الزمان ماذا فعلت لنا العلمانية و عن أي مساواة نتحدث !!!!!!

ما عم طالب أنو الدين يحكم و ما عم قول أن العلمانية = الفساد و الدكتاتورية و أنها شي خرى لاء حتى ما حدا يجي هلاء حافظ كلمتين و فرحان فيهم يقول انو و الله هالزلمة عم يسعى لانو الدين يحكم ,, أنا بحلل ظاهرة مش أكتر و بحلل الوضع يلي عم نغص فيه كلنا مش أكتر ,,

مشكلتنا تكمن فقط بأنو المتربعين على عروشنا جميعاً بلا إستثناء ليسوا سوى خدام للأجندات الامريكية ,, يعني أنو و الله رفضا الدين يحكم حتى ما تنظلم الاقليات !! حلو كتير و واقعي لكن بدل مات نحمي الاقليات أكلنا هوا كلنا !!!

مسطول مفاجئتي بكلامك متعلقة بما أشرت له أنت بمشاركتك حول القاعدة و الراديكالين فقط اما الباقي فتقريبا ما فيه خلاف كبير ,,, وجب التنبيه .

[Willi]

هلق بالنسبة ليلي قالو اني بقصد الاسلام, صراحة اللي فيه شوكة بتنخذو.
اذا انتو هيك شايفين, فتسطفلو.
واللي ما فهم اني بقصد الاسلام, فانا بأكدلو انو انا قصدت الاسلام والمسيحيين, واليهوديين, وكل المتدينين بشكل اجمع.


هلق منرجع لموضوعنا
هل حكوماتنا فعلا علمانية؟
علمانية بالاسم اي نعم, اما بالحقيقة فهية ليست علمانية نهائيا. لما الدستور بينسن بحسب دين, فهاد معناه انو الحكومة ليست علمانية. ولما بكون رجل دين (ما الو علاقة بالسياسة) عندو سلطة كبيرة بالدولة, فالدولة ما عادها علمانية. هلق حكوماتنا مافيني قول عنها دينية بس كمان مافيني اوصفها بالعلمانية.

ومسطول على طول حكى عن شي عم يعطي دفعة لتيار متل تنظيم القاعدة.
الشي اللي عم يعطي دفعة (هون عم احكي عن المسلمين, لانو الدول عربية اغلب سكانها مسلمين) هو انو الشعب ما بدو دولة علمانية, الشعب بدو دولة اسلامية. لهلق تلت ارباع المسلمين عم يحلمو بالدولة الاسلامية اللي رح ترجعهون متل ما كانو. بغض النظر شو الطريقة فهني بدهون هالشي يصير. ولساتهون مقتنعين انو الطرق اللي كانت متبعة من قبل 600 سنة لساتها لهلق صالحة ولازم يتبعوها.


صراحة انا ما لمت الدين.
احدث دين من بين هالاديان المعروفة اكتر الشي, اجا من 1400 سنة.
يعني قبل ما يكون في شي اسمو سيارة او حتى عرباي.
فشي طبيعي يكونو ما بتلائمو مع عصرنا.

لاكن اللي عم احكي عنو المتدينين. المسكرين عقلهون, او بالاحرى ما عندهون عقل.
وعلى حسب ما قريت شخص قال انو هدول اسمهون متطرفين.
بدي قلو مين بقول عن حالو متطرف؟؟
ما حدا.
هاي المشكلة مع المتدينين, كلهون متطرفين. بس لما عم نقول متطرفين, فهني عم يعتبرو حالهون مو من ضمن هالمجموعة. فنعم انا قلت متدينين مشان كل متدين يعرف حالو انو هو المقصود بالحكي.

بالنسبة لفلسطين,
يبدو انو في خلط بالموضوع. الفلسطينيين عم يحاربو باسم بلدون, مو باسم دين.
فمكان النقاش بقضيتهون مو بهاد الموضوع.

[وائل 76]

كاتب النص الأصلي : Willi

. هلق حكوماتنا مافيني قول عنها دينية بس كمان مافيني اوصفها بالعلمانية.

.

يعني أنو ما في مشكلة مع الدين !!! طالما النسق يلي عم نعاني كلنا منه مو مرتبط بالدين ؟!

سؤالي سيد ولي ممكن بكرا نشوف زلمة مسلم صار رئيس بأمريكا ولا مستشار بألمانيا ؟؟ سركوزي وقت نجح على أي أجندة نجح ؟

[وائل 76]

كاتب النص الأصلي : Willi

ما فهمت المقصود من سؤالك


اذا صارو نسبة المسلمين بهالبلدان شي 40% وفوق اي ممكن

هاي الفقرة مقتبسة من كلامك

هلق حكوماتنا مافيني قول عنها دينية بس كمان مافيني اوصفها بالعلمانية.

طالما الحيوانات يلي عم نعاني منهم مانهم حكومات عم تطبق الدين و لا عم تطبق العلمانية ( من وجهة نظرك ) ليش عم نتجنى كلنا و نحصر المشكلة بالدين و المتدينين ؟!!

بتقبل بشهادة رجل ملحد بين كلامي و كلامك .. و رجل إله وزن على مستوى العالم ؟؟؟

[Willi]

لعمى اجيت لعدل على ردي قمت حذفتو

بكل الاحول هاد كان نص ردي

يعني أنو ما في مشكلة مع الدين !!! طالما النسق يلي عم نعاني كلنا منه مو مرتبط بالدين ؟!

ما فهمت المقصود من سؤالك

سؤالي سيد ولي ممكن بكرا نشوف زلمة مسلم صار رئيس بأمريكا ولا مستشار بألمانيا ؟؟ سركوزي وقت نجح على أي أجندة نجح ؟

اذا صارو نسبة المسلمين بهالبلدان شي 40% وفوق اي ممكن

[Willi]

طالما الحيوانات يلي عم نعاني منهم مانهم حكومات عم تطبق الدين و لا عم تطبق العلمانية ( من وجهة نظرك ) ليش عم نتجنى كلنا و نحصر المشكلة بالدين و المتدينين ؟!!

بس انا ما لمت الحكومات.
يعني انا بموضوعي كلو ما جبت سيرة الحكومات.
انا لمت الانسان المتدين وما جبت سيرة الحكومات العربية

[وائل 76]

كاتب النص الأصلي : Willi

بس انا ما لمت الحكومات.
يعني انا بموضوعي كلو ما جبت سيرة الحكومات.
انا لمت الانسان المتدين وما جبت سيرة الحكومات العربية

هلق منرجع لموضوعناهل حكوماتنا فعلا علمانية؟

بتقبل بشهادة ملحد اله وزنه بالعالم بين كلامي و بين كلامك ؟؟؟

[وائل 76]

نسيت شغلة بخصوص 40 % ,,,,, أنو تركيا عم يروضوها لتفوت بيت الطاعة تبعهم ,, تفسيرك ؟؟!!

[مسطول على طول]

يبدو انو في خلط بالموضوع. الفلسطينيين عم يحاربو باسم بلدون, مو باسم دين.

لا خلط ولا شي بس للأسف هيه القضيه المركزيه يعني تنظيم القاعده وقت شن عملية 11 ايلول كانت باسم فلسطين الحركات الدينيه الي عم ترفع السلاح بوجهه دوله باسم فلسطين وتحرير فلسطين ومن قبلهم رفع هذا الشعار القوميين والناصريين

والأن هناك العراق محتل وأفغانستان والصومال والله ستر لبنان سنه الماضيه ومابعرف شو متخبي بكره

بأسم هل القضيه ( فلسطين ) حصلت معظم الانقلابات بالسابق وحصل بالحاضر والله اعلم شو ممكن يحصل بالمستقبل ؟

[وائل 76]

كاتب النص الأصلي : مسطول على طول

لا خلط ولا شي بس للأسف هيه القضيه المركزيه يعني تنظيم القاعده وقت شن عملية 11 ايلول كانت باسم فلسطين الحركات الدينيه الي عم ترفع السلاح بوجهه دوله باسم فلسطين وتحرير فلسطين ومن قبلهم رفع هذا الشعار القوميين والناصريين

والأن هناك العراق محتل وأفغانستان والصومال والله ستر لبنان سنه الماضيه ومابعرف شو متخبي بكره

بأسم هل القضيه ( فلسطين ) حصلت معظم الانقلابات بالسابق وحصل بالحاضر والله اعلم شو ممكن يحصل بالمستقبل ؟

معلومة على الهامش / (شاكر العبسي ) سمعان بهالإسم ؟؟؟

هذا يا سيدنا مسؤل فتح " الإسلام " يلي بدها تحرر فلسطين بعون المولى على شي مطلع صيف !! المهم أنو معلومة هيك وقعت بالصدفة بين إيدين المخابرات السورية قبل فترة أنو الزلمة وصلته حوالتي من الأموال الأولى من أفغانستان و التانية من بهية الحريري !!!!!

[مسطول على طول]

ما فهمت المقصود من سؤالك

بظن واضحه مشكلتك مع المتدين ؟ أم الدين بحد ذاته ؟ أم بالاصوليه ؟

[مسطول على طول]

كاتب النص الأصلي : وائل 76

بتقبل بشهادة ملحد اله وزنه بالعالم بين كلامي و بين كلامك ؟؟؟

مايكون الي بالي ؟

[مسطول على طول]

و علـ الهامش *..( شو قصة هلـ الخمسات الي عم تحطهون .. بدي منهون .. )

أنو خمسات ؟ وسبعات

أسف من صاحب الموضوع بس يعدمني ياها مسكره الخاص والشغله ضلة حصره بقلبي

[Willi]

بتقبل بشهادة ملحد اله وزنه بالعالم بين كلامي و بين كلامك ؟؟؟

على شو بدو يشهد؟؟ او بالاحرى شلون بدو يشهد؟؟
فيه يقول رأيو بالموضوع, شي اكيد. بس هاي شغلة يشهد ما دخلت مخي.
يعني هل بتقصد انو يقول مين صح ومين غلط؟؟
اذا هيك بتقصد, فانا ما عندي مشكلة انو يقول رأيو ويقول مع انو وجهة نظر بوقف.
هو حر بهالموضوع.

لا خلط ولا شي بس للأسف هيه القضيه المركزيه يعني تنظيم القاعده وقت شن عملية 11 ايلول كانت باسم فلسطين الحركات الدينيه الي عم ترفع السلاح بوجهه دوله باسم فلسطين وتحرير فلسطين ومن قبلهم رفع هذا الشعار القوميين والناصريين
والأن هناك العراق محتل وأفغانستان والصومال والله ستر لبنان سنه الماضيه ومابعرف شو متخبي بكره
بأسم هل القضيه ( فلسطين ) حصلت معظم الانقلابات بالسابق وحصل بالحاضر والله اعلم شو ممكن يحصل بالمستقبل ؟

لاحظ انو اللي حكا حكا عن انو الحرب الفلسطينية الاسرائيلة. انا ما قلت رأيي بموضوع فلسطين.
لاكني علقت تعليق بسيط جدا على الحكي, لانو فلسطين لحالها قضية. اذا بلشنا نحكي فيها مين بيعرف يمكن من هون لبكرا نكون صرنا بالاحترار العالمي.

بظن واضحه مشكلتك مع المتدين ؟ أم الدين بحد ذاته ؟ أم بالاصوليه ؟

المكتوب مبين من عنوانو.
اذا قريت العنوان, حتى لو ما قريت الموضوع بتعرف على شو عم احكي.