اسلم تسلم .....

[oliver68]

كاتب النص الأصلي : tiger

أخي انا لا متناقض و لا شي , انا ما افتريت على الدين الاسلامي و لا رح افتري , لاني بحترم كل الاديان بشكل عام , لكن يعني بدك المسيحيين يتطبق بحقهم هالمدابح كلها و ما يعبروا ولو عن ألمهم يهالمصائب هاي , او حتى ما يعترضوا يعني !!!!!.....

اي الخاروف لما بيندبح الله وكيلك بيعيط و يرفس !!!!! ......
عزيزي في حقيقة و أمر واقع حصل كذا مرة عبر التاريخ و ياللي هو انو الدين الاسلامي (استعمل) عدة المرات لقتل الغير .....
يعني انت عم تقول انو ياللي اصدر هيك فتوى هو اما مو مسلم او مسلم فهمان الدين غلط طيب انا شو استفدت من هالحكي لما شيخ الاسلام ( المفتي العام للامبراطورية العثمانية ) اصدر فتوى على ايام العثمانيين بقتل المسيحيين و على اساس هالفتوى و بكل بساطة تم قتل مليون و نص شخص من الارمن و السريان و الروم البيزنطيين !!!! .....
شايف هالناس ياللي فهمانين الدين غلط شو عم يطلع نتائج مدمرة معهم !!!!!!
معلم انا عم احكي عن نتائج ووقائع مو عن نظريات .....
انا من فترة و بالصدفة قابلت امرأة عراقية تم قتل ابنها ( ذبحا ) و على يد هالفهمانين الدين غلط , طيب ممكن تحكيلي وين ممكن هالمرأة تصرف كلامك ؟؟؟!!!! .....
و يا هل ترى تبريرك هاد رح يعوضها شي من الفقدان تبعها ؟!!!!
معلم انا من الناس المو متعصبة و هالشي الكل بيعرفه , بس ياللي عم يصير ما بينسكت عليه , هاي مدابح منظمة للمسيحيين بالمنظقة على غرار اللي صار بالـ ( 1914 - 1915 ) , و هالجماعات شايفة انو الانفلات الامني فرصة لتخليص ارض ( الاسلام ) من الكفار علما انو هالكفار كانوا موجودين على هالارض قبل وجود الدين الاسلامي بوقت طويل !!!!!!
ا خي انتو بتضلوا تقولوا انو الغرب عم يحارب الاسلام و آخدين نظرة غلط و ما بعرف شو ....
طيب مع هالتصرفات مانك شايف انو معهم حق نوعا ما يفكروا بهالطريقة ؟؟!!!! ...
و كيف بدك ما يفكروا هيك اذا كان في شخص متل المرأة ( ياللي حكيتلك عليها بأول كلامي ) عم تحط صورة ابنها على صدرها ( و طبعا متلها في كثيرين ) ووين ما تروح و تجي و لما حدا بيسألها عن صاحب الصورة بتقول انو ابنها ياللي قام المسلمين المتطرفين بذبحه !!!!!
على اي حال انا برجع و بكرر كلامي الله يرحم كل ياللي عم يموتوا بالعراق شو ما كان دينهم و لعنة الله على هالكلاب المتطرفين و كتر خير دولتنا ( بسوريا ) ياللي خلصتنا من امثالهم .....

طيب يا معلم، آل يللي ما بيجي معك تعا معو، حبيبي أنا رح حكيك بأسلوبك، عمبتقول إنو المسيحيين وين بدهن يصرفوا حكيي؟؟؟؟ معناتا إزا حكيي ما بينصرف لازم المسيحيين يكرهو الإسلام. يا سيدي طيب مين بدو يرد حق كوبرنيكوس لما قتلتو الكنيسة بسبب إنو فكر إنو الأرض مو مركز الكون؟؟؟؟ و بعد أديش انرد اعتبار غاليليو يللي حبستو الكنيسة لنفس السبب لما اعتبر إنو الأرض بدور حول الشمس؟؟؟ و مين بدو يرد حق الملايييييييييييين من الأوروبيين يللي ماتوا بسبب جهل الكنيسة في العصور الوسطى؟؟؟؟؟ و مين بدو يرد حق أهل القدس لما إجاهن الاستعمار الصليبي و صار يقتل بالجملة؟؟؟؟؟؟ و لسا في كتيييييييير حوادث بس أنا مو جاي عبالي هلأ إلا هدول بس. و أنا ماني عرفان إنتي ليش عمتتجاهل هالنقطة؟؟؟؟!!!!!!!!!!!!!!
يا سيدي هيك كان أسلوبك بالحكي، أسلوب تعميمي سطحي مالو علاقة بالحوار العقلاني السليم، بس أنا يا سيدي ما بحكم على المسيحي بسبب هالأحداث المتخلفة، لأني على علم اليقيين إنو يللي صار مجرد سوء تفسير للدين المسيحي مشان مصالح الكنيسة (يللي عصمت حالها عن الخطأ بهديك الفترة) و القائمين عليها، و لاحظ إنو هالوضع نفسو عميتكرر بس مع المسلمين، يعني عيب علينا نتشفى ببعضنا، لأن محدا أحسن من حدا و محدا عراسو ريشة.
يا معلم هالشي ما بينسكت عليه مو هيك؟؟؟ طيب شو رأيك تجمع حالك و تجيب معك كام واحد مسيحي بفكر متلك و تروحوا تعملوا عمليات متل يللي عمبتصير و تقتلوا مسلمين، و بعدين تتطور و تصير تقتل كل واحد على غير عقيدتك، يعني إزا إنتي كثوليكي تقتل البروستانت، بالله مو حل بجنن و برد الاعتبار و بيشفي غليل العراقية المسيحية يللي انقتل ابنها؟؟؟؟؟؟؟
معلم أنا بنغاظ أكتر منك لما اسمع إنو في إنسان انقتل، مهما كان دينو، لأن ماحدا بحقلوا ياخد الروح إلا يللي حطها، و أنا ما بحقللي حاسبك عدينك، أنا بحاسبك على أفعالك، يعني إزا كنت إنتي إنسان بتحب الخير لإلك و ليللي حوالك أنا ساعتها باحترمك و بحطك عراسي حتى لو كنت يهودي، وهادا مو تنظير يا صديقي، هادا يللي مفروض يصير و إنشالله رح يصير، و يكون لعلمك و أنا بتحداك لتاني مرة إنو تلائيلي دولة وحدة بالعالم تكون إسلامية و مطبقة الشريعة الإسلامية على أصولها، حبيبي مافي هيك دولة، هالدولة كانت موجودة بعصر عمر الخطاب و أبو بكر و الرسول صلى الله عليه و سلم، مو بزمن آل سعود و حكماء بلاد نفطستان أو حكام بلاد الفرس و كسرى، لأ، يا حبيبي أساس الدولة الإسلامية المساواة و العدل و حرية التعبير، يعني متل أسس الدولة المسيحية تمام.
هلأ يا صديقي أنا لاحظت شغلة وحدة فيك، و تعلمت شغلة مهمة كمان، إنو بحياتي ما فكر متلك، لأن هيك تفكير رح بيبعدني عن رفئاتي المسيحين المحترمين، و بخليني أعمى بصيرة ما بشوف قدامي إلا الحقد و الكره، و كمان بأكدلي فكرة نظرية المؤامرة، و حبيبي يكون بعلمك إنو المؤامرة مو بس عالدين الإسلامي، المؤامرة علينا كلنا، يعني يغسلوا دماغنا و نصير نكره بعض، و إنتي بحد زاتك دليل على إنو هالمؤامرة نجحت، إنتي و كل واحد مسلم أو مسيحي بفكر باتجاه تفكيرك.
و بحب بنصحك بالآخر لا تسكت حبيبي،أنا محلك ما بسكت، فش أهرك و روح جماع كام واحد متل بن لادن بس مسيحيين، و جندوا ناس و صيروا فجروا حالكن بين المسلمين و بين أي واحد غير مذهبك، و وعيد هالمجندين بالجنة و بلقاء الرب يسوع و أمو مريم و أبو الله، و وعدهن كمان بجنات كبيرة و واسعة، و بتعمير الدولة اليسوعية المسيحية في أرض الإسلام، و تطهير الجزيرة العربية من المسلمين الإرهابيين و هدم الكعبة و المسجد الأقصى......الخ، يعني متل ما يعملوا الإرهابيين المتطرفين الإسلاميين بهالفترة.

[Abu ToNi]

يا جماعة بس بحب اقول لكم ان هاد هو بالتحديد نوعية المواضيع اللي سببت اغلاق الأخيوة بالآخر يا تايغر ما بدك تقدر بكتاباتك هاي تغير اي شي بالواقع شو ما كان يكون فليش عبتحكي بشي ما بده يجي ليك منه غير وجع الراس وانت عرفان اكتر مني بان المشكلة ما بتنحل بهاي الطريقة

[Fady007]

كاتب النص الأصلي : وائل 76

الخطر بيهددنا كلنا و كلنا لازم نتكاتف لنواجه هالخطر .
السؤال أنو كيف نواجه ؟؟

طبعا انا مش هأعلق علي الكلام اللي انت قولته
بس هأقدر اغير السؤال اللي انت طرحته...

السؤال هو: قبل انو نعرف كيف نواجه؟؟
لابد ان نعرف ما هو مصدر هذا الخطر ؟؟؟اللي بتتكلم عليه
وعندنا مقوله شبابيه مصريه بتقول اعرف صاحبك وعلّم عليه
فلازم نعرف الخطر ده جاي منين؟
من الخارج مثلا ولا نزل مع نيزك من الفضاء ولا جه علي سطح طبق طائر...

[tiger]

كاتب النص الأصلي : ليندا

ياعمو ياتايجر المسيحيه ع العين والراس ولا بدنا ناس تندبح ولاشي من هيك والله يسلمن يارب يعني مافي احلى من السلام .هالمدبحه صارت اي نعم بس نحنا من وين عرفنا؟؟؟ الا من كلام الجرايد وهي حط تحتها مية خط .
بقى المبالغة وين رح تكون ؟؟؟؟ لاح تكون بصياغة المواضيع يلي بتحاك حول هذه المذابح طالما انها رح تتصدر الصحف طائفه من المسلمين شاذة هاد ازا كانو مسلمين ماعم يتأمروا ع الاسلام وينفزوا جرائمهم تحت مسمى الاسلام ..... والغرض واضح مابيحتاج دليل وهو اثارت الفتنه بين المسلمين والمسيح . لحتى يصير العالم مجزرة . ياسيدي ازا كان المسيح عم يخيروا فالمسلمين بيندبحو بدون خيار ... انت كمسيحي وقت تقرأموضوع عن هيك مدبحة شو رد فعلك الطبيعي كمسيحي؟؟؟ تلقائيا بدون ماتشعر رح يكون عندك حقد على الاسلام والمسلمين وهيك الحال مع كل المسيح ....بقى لامتى رح نضل متقوقعين طائفيا ؟؟؟؟؟

أختي المدابح انا شخصيا ما عم شوفها بس بالجرايد , انا عم قابل عشرات العائلات المفجوعين بـ اب او اخ او ابن , قابلت اكتر من عائلة بناتها اغتصبت ضمن حياتي اليومية , و هالجرائم كلها ارتكبت فقط لانو هالناس مختلفين بالدين عن المتطرفين ......
طيب ما دام عم تقولي انو متأمرين على الاسلام طيب مو لازم الاسلام يدافع عن نفسه ؟؟!!!
ليش ما عم يطلع موقف رسمي من الائمة و الشيوخ ضد هالاشخاص هدول !!! ....
كل المواقف ياللي عم تطلع عم تكون من اشخاص متورطين بهالحرب القذرة و مواقفهم بتكون مبنية على اساس سياسي اكتر مما بتكون مبنية على اساس انساني و متسامح .....
انا ما عم اطلب تجريم الاسلام كدين على اساس هالجرائم على العكس تماما , من مصلحة دين الاسلام تبرئته من هالجرائم .....
نحنا هون بنقاشنا هاد ما رح نقدر نقدم أو نأخر شي ( على الواقع ) , لكن مجرد انو الاعتراف بهالمدابح اللي صارت وياللي عم تصير انو هي جرائم هادا يعني انو في جيل مسلم واعي عم يحس بالغلط ياللي صار و معاناة الناس التانيين المختلفين عنه بالدين بالمنطقة و هو غير مستعد لتكرار هالغلط هاد ....
و اكيد هادا هو المطلوب لنعيش كلنا بسلام على هالارض الطيبة ....
الفتنة غير قابلة للحصول لما بتكون علاقة الاديان مع بعضها مبنية على الاحترام المتبادل و على قبول الآخر على اساس المساواة و ليس على اساس التبعية او الانتقاص او الدونية .....
وقتها و فقط وقتها يكون التعايش صلب و مبني على اسس صحيحة و غير قابل للانهيار .....
واكيد وقتها ما رح يكون في مكان للفتنة ......

[tiger]

كاتب النص الأصلي : وائل 76

تحياتي تايجر .
ما حدا يأيد أو يشجع هاي الحوادث بالعكس ، كل إنسان واعي و بيعرف دينه و بيفهمه بشكل صحيح عم يرفض هالمنطق و هالتعامل مع أيً كان و من أي ديانة .
مشكلة تايجر تنحصر في فهمنا و إدراكنا للعدو . المفهومخ عم يختلط على البعض نتيجة ظروف كتير متشابكة و مختلطة . و اهمها الوعي الصحيح .
تايجر كل يوم عم ينتهك عرضنا من الولايات المتحدة ما حدا عم يحمل المسيحي العربي مسؤلية مجازر امريكا بحق شعوبنا ، لا نو ببساطة هالمسيحي العربي جزء منا ، جزء من المعتدى عليهم ، عم بيموت معنا دفاعاً عن هالارض .
بنفس المنطق إحسبها ، و فكر أنو في ضحايا مسلمين ماتو قبل أيام بالجزائر و كزبلانكا ضحايا للتطرق و قلة الوعي و الفقر و كتير ظروف تشابكت و إختلطت لتصيغ أنسان بيحمل هاي المعتقدات الشاذة .
تأكد أنو إحنا و أنتو بخندق واحد و وقت تنفجر القنبلة يلي بيحملها هذا الشخص أو وقت الصاروخ بينزل على البيت العراقي ما بيفرق بين عراقي مسلم و عراقي مسيحي . كلنا بنموت سوا . و وقت القنبلة يلي بيحملها هالشب المُضلل و بيفجرها ما راح تفرق بين عربي مسلم و عربي مسيحي .
الخطر بيهددنا كلنا و كلنا لازم نتكاتف لنواجه هالخطر .
السؤال أنو كيف نواجه ؟؟

اخي العزيز وائل مشاركتك فعلا اثلجت صدري اشكرك ....
لكن بنفس الوقت يا ريت في كتير من الناس ياللي بتفكر بهالطريقة الواعية متلك يا ريت ....
أولا شكرا الك لانك ميزت بين المسيحي العربي والمسيحي الغربي ( هالشي ما لاحظه غيرك !!!! ) و ياللي في فرق كبير بيناتهم ( مو على اساس العقيدة بل على اساس التوجه السياسي ) ...
المسيحيين و المسلمين على حد سواء قاوموا و ناضلوا في سبيل انو بلادنا تتحرر و تاخد استقلالها و تزدهر طبعا هادا كان بالماضي القريب بس مع الاسف هاللا عم يتم الانتقام من المسيحيين الشرقيين على ذنوب هم لم يرتكبوها ...
من فترة قريبة كلنا شفنا كيف تم قتل كاهن اورثوذكسي في العراق و حرق و تفجير كنائس كمان اورثوذكسية في فلسطين المحتلة و العراق و هالشي قال انتقاما من كلام البابا مع العلم انو هالكنائس و الكاهن ما بيتبعوا للبابا لا من قريب ولا من بعيد ......
يعني المسيحي الشرقي ماله علاقة لا من قريب ولا من بعيد بهالامور و هو بعيد كل البعج عن الصراع السياسي بالمنطقة .......
و المسيحيين العرب كانوا و رح يضلوا مثال للوطنية المخلصة والصادقة و مع هيك هالمتطرفين ما عم يتركوا هالعالم بحالها لتعيش .......
الله يخلصنا عزيزي من هالبلاء ياللي اسمه التطرف لنقدر نواجه اعدائنا الحقيقيين و نحرر بلادنا منهم ....اشكرك وائل

[tiger]

كاتب النص الأصلي : أبو طريق

طيب يا معلم، آل يللي ما بيجي معك تعا معو، حبيبي أنا رح حكيك بأسلوبك، عمبتقول إنو المسيحيين وين بدهن يصرفوا حكيي؟؟؟؟ معناتا إزا حكيي ما بينصرف لازم المسيحيين يكرهو الإسلام. يا سيدي طيب مين بدو يرد حق كوبرنيكوس لما قتلتو الكنيسة بسبب إنو فكر إنو الأرض مو مركز الكون؟؟؟؟ و بعد أديش انرد اعتبار غاليليو يللي حبستو الكنيسة لنفس السبب لما اعتبر إنو الأرض بدور حول الشمس؟؟؟ و مين بدو يرد حق الملايييييييييييين من الأوروبيين يللي ماتوا بسبب جهل الكنيسة في العصور الوسطى؟؟؟؟؟ و مين بدو يرد حق أهل القدس لما إجاهن الاستعمار الصليبي و صار يقتل بالجملة؟؟؟؟؟؟ و لسا في كتيييييييير حوادث بس أنا مو جاي عبالي هلأ إلا هدول بس. و أنا ماني عرفان إنتي ليش عمتتجاهل هالنقطة؟؟؟؟!!!!!!!!!!!!!!
يا سيدي هيك كان أسلوبك بالحكي، أسلوب تعميمي سطحي مالو علاقة بالحوار العقلاني السليم، بس أنا يا سيدي ما بحكم على المسيحي بسبب هالأحداث المتخلفة، لأني على علم اليقيين إنو يللي صار مجرد سوء تفسير للدين المسيحي مشان مصالح الكنيسة (يللي عصمت حالها عن الخطأ بهديك الفترة) و القائمين عليها، و لاحظ إنو هالوضع نفسو عميتكرر بس مع المسلمين، يعني عيب علينا نتشفى ببعضنا، لأن محدا أحسن من حدا و محدا عراسو ريشة.
يا معلم هالشي ما بينسكت عليه مو هيك؟؟؟ طيب شو رأيك تجمع حالك و تجيب معك كام واحد مسيحي بفكر متلك و تروحوا تعملوا عمليات متل يللي عمبتصير و تقتلوا مسلمين، و بعدين تتطور و تصير تقتل كل واحد على غير عقيدتك، يعني إزا إنتي كثوليكي تقتل البروستانت، بالله مو حل بجنن و برد الاعتبار و بيشفي غليل العراقية المسيحية يللي انقتل ابنها؟؟؟؟؟؟؟
معلم أنا بنغاظ أكتر منك لما اسمع إنو في إنسان انقتل، مهما كان دينو، لأن ماحدا بحقلوا ياخد الروح إلا يللي حطها، و أنا ما بحقللي حاسبك عدينك، أنا بحاسبك على أفعالك، يعني إزا كنت إنتي إنسان بتحب الخير لإلك و ليللي حوالك أنا ساعتها باحترمك و بحطك عراسي حتى لو كنت يهودي، وهادا مو تنظير يا صديقي، هادا يللي مفروض يصير و إنشالله رح يصير، و يكون لعلمك و أنا بتحداك لتاني مرة إنو تلائيلي دولة وحدة بالعالم تكون إسلامية و مطبقة الشريعة الإسلامية على أصولها، حبيبي مافي هيك دولة، هالدولة كانت موجودة بعصر عمر الخطاب و أبو بكر و الرسول صلى الله عليه و سلم، مو بزمن آل سعود و حكماء بلاد نفطستان أو حكام بلاد الفرس و كسرى، لأ، يا حبيبي أساس الدولة الإسلامية المساواة و العدل و حرية التعبير، يعني متل أسس الدولة المسيحية تمام.
هلأ يا صديقي أنا لاحظت شغلة وحدة فيك، و تعلمت شغلة مهمة كمان، إنو بحياتي ما فكر متلك، لأن هيك تفكير رح بيبعدني عن رفئاتي المسيحين المحترمين، و بخليني أعمى بصيرة ما بشوف قدامي إلا الحقد و الكره، و كمان بأكدلي فكرة نظرية المؤامرة، و حبيبي يكون بعلمك إنو المؤامرة مو بس عالدين الإسلامي، المؤامرة علينا كلنا، يعني يغسلوا دماغنا و نصير نكره بعض، و إنتي بحد زاتك دليل على إنو هالمؤامرة نجحت، إنتي و كل واحد مسلم أو مسيحي بفكر باتجاه تفكيرك.
و بحب بنصحك بالآخر لا تسكت حبيبي،أنا محلك ما بسكت، فش أهرك و روح جماع كام واحد متل بن لادن بس مسيحيين، و جندوا ناس و صيروا فجروا حالكن بين المسلمين و بين أي واحد غير مذهبك، و وعيد هالمجندين بالجنة و بلقاء الرب يسوع و أمو مريم و أبو الله، و وعدهن كمان بجنات كبيرة و واسعة، و بتعمير الدولة اليسوعية المسيحية في أرض الإسلام، و تطهير الجزيرة العربية من المسلمين الإرهابيين و هدم الكعبة و المسجد الأقصى......الخ، يعني متل ما يعملوا الإرهابيين المتطرفين الإسلاميين بهالفترة.

يعني ما عم اعرف شو قلك بس ياللي بعرفوا انك بعدت كتير كتير عن ياللي انا قصدته من مشاركتي السابقة ,انا كتبت شي و انت رديت شي تاني تماما , ياريت ردك ما كان يكون بهالطريقة العاطفية العصبية المتوترة , لأعرف رد عليه لطريقة توصل المطلوب للقارئ بشكل احسن .....
يعني انا ما تحاملت على الدين الاسلامي و لا على المسلمين بشكل عام و انت عم تحاول انو تطالعني حكيت حكي انا ما قلته !!!!!! ......
خلينا نحكي شغلة شغلة ......
انا الاسلام اخي لا بحبه ولا بكرهه ( يعني انا مو معني فيه متل ما انت مانك معني بالمسيحية ) انا فقط بحترمه و جدا لانه دينك و انت ابن وطني و اخي ......
هاي شغلة و الشغلة التانية انو الاخطاء ياللي عم تحكي عنها ( ملينا من سيرتها ) لك اخي انا كمسيحي شرقي ما بتعنيني لا من بعيد و لا من قريب ....
على اي حال وللتاريخ , كوبرنيكوس و غاليليو قامت الكنيسة ( بالاعتذار ) عن هالامور و اوضحت موقفها منها , يعني يا ريت تركيا كمان تحذو حذو الكنيسة و تعتذر عن مذابح الـ 1914 / 1915 و ترد الاعتبار لهالناس ياللي ماتت بدون سبب .....
بالنسبة للاستعمار الصليبي لمعلوماتك انو لما اجى قتل من المسيحيين الشرقيين اكتر مما قتل من مسلمين , يعني في يوم واحد فقط تم قتل 50.000 مسيحي شرقي في اجتياح مدينة اورفا وقبل ما يوصل الجيش الصليبي للقدس و يسقطها من يد المسلمين , فلا تحاسبني على شي انا نفسي كنت ضحية له متلك .....
و هذا ما كان سوء تفسير للدين المسيحي , معلمي بكل كلمات ربنا و مخلصنا يسوع المسيح ما اجا ولا جملة واحدة بتحرض على القتل و الحرب و الاعتداء و هالشي اكيد معروف للكل ......
القصة كانت قصة مصلحة اباطرة و امبراطوريات و بظن انك بتعرف هالحكي .....

بشكرك على الشبه شتائم ياللي وجهتلي ياها بطريقة مبطنة ضمن مشاركتك بس حابب قلك انو يا ريت ما تزاود علي بموضوع اصدقائك المسيحيين لانو انا متأكد شو ما كان عددهم عندي اكثر منهم اصدقاء مسلمين و مقربين لحد الاخوة .....
بالنسبة للانتقام على طريقة المتطرفين القذرين فهو اكيد مو مقبول بالنسبة لي و انا ما طلبته و لا كمان حتى صاحب المقال ......
بيكفينا انو يكون في اعتراف بالشي الصار و تفهم إله , و هالشي بيعني انو اكيد ما رح يتكرر لانه سلفا مدان .....
نحنا هون نقاشنا هو المهم , انا ما عم اطلب انتقام , انا عم اطلب حوار حيادي بناء , بيبني فكر واعي ......
خلينا نسمي الخطأ بإسمه و نعتذر عنه في حال وقوعه , خلينا لا نخاف من الحقيقة و نعترف فيها , خلينا فعلا نقبل بعض على اساس المساواة و لاشيء غير المساواة ....
لانو هيك وبس هيك نحنا بنكون فعلا ابناء وطن واحد عايشين مع بعض بمحبة
هادا ياللي عم اطلبه ......
واذا فهمت شي تاني من كلامي فهاي مشكلتك .....

[krimbow]

من اروع القواعد التي جاء بها الدين الاسلامي
((لا اكـــــــــــــــــــــــ ــــــــــراه في الدين ))

فعلا معك حق، هذه الآية من أجمل و احق الآيات التي قرأتها في القرآن، و كم حزنت و شعرت بالأسى عندما اكتشفت ان هذه الآية تم نسخها بآية السيف


يا حسرة

[Fady007]

كاتب النص الأصلي : krimbow

يا حسرة

اعرف صاحبك وعلّم عليه...

[oliver68]

كاتب النص الأصلي : tiger

يعني ما عم اعرف شو قلك بس ياللي بعرفوا انك بعدت كتير كتير عن ياللي انا قصدته من مشاركتي السابقة ,انا كتبت شي و انت رديت شي تاني تماما , ياريت ردك ما كان يكون بهالطريقة العاطفية العصبية المتوترة , لأعرف رد عليه لطريقة توصل المطلوب للقارئ بشكل احسن .....
يعني انا ما تحاملت على الدين الاسلامي و لا على المسلمين بشكل عام و انت عم تحاول انو تطالعني حكيت حكي انا ما قلته !!!!!! ......
خلينا نحكي شغلة شغلة ......
انا الاسلام اخي لا بحبه ولا بكرهه ( يعني انا مو معني فيه متل ما انت مانك معني بالمسيحية ) انا فقط بحترمه و جدا لانه دينك و انت ابن وطني و اخي ......
هاي شغلة و الشغلة التانية انو الاخطاء ياللي عم تحكي عنها ( ملينا من سيرتها ) لك اخي انا كمسيحي شرقي ما بتعنيني لا من بعيد و لا من قريب ....
على اي حال وللتاريخ , كوبرنيكوس و غاليليو قامت الكنيسة ( بالاعتذار ) عن هالامور و اوضحت موقفها منها , يعني يا ريت تركيا كمان تحذو حذو الكنيسة و تعتذر عن مذابح الـ 1914 / 1915 و ترد الاعتبار لهالناس ياللي ماتت بدون سبب .....
بالنسبة للاستعمار الصليبي لمعلوماتك انو لما اجى قتل من المسيحيين الشرقيين اكتر مما قتل من مسلمين , يعني في يوم واحد فقط تم قتل 50.000 مسيحي شرقي في اجتياح مدينة اورفا وقبل ما يوصل الجيش الصليبي للقدس و يسقطها من يد المسلمين , فلا تحاسبني على شي انا نفسي كنت ضحية له متلك .....
و هذا ما كان سوء تفسير للدين المسيحي , معلمي بكل كلمات ربنا و مخلصنا يسوع المسيح ما اجا ولا جملة واحدة بتحرض على القتل و الحرب و الاعتداء و هالشي اكيد معروف للكل ......
القصة كانت قصة مصلحة اباطرة و امبراطوريات و بظن انك بتعرف هالحكي .....

بشكرك على الشبه شتائم ياللي وجهتلي ياها بطريقة مبطنة ضمن مشاركتك بس حابب قلك انو يا ريت ما تزاود علي بموضوع اصدقائك المسيحيين لانو انا متأكد شو ما كان عددهم عندي اكثر منهم اصدقاء مسلمين و مقربين لحد الاخوة .....
بالنسبة للانتقام على طريقة المتطرفين القذرين فهو اكيد مو مقبول بالنسبة لي و انا ما طلبته و لا كمان حتى صاحب المقال ......
بيكفينا انو يكون في اعتراف بالشي الصار و تفهم إله , و هالشي بيعني انو اكيد ما رح يتكرر لانه سلفا مدان .....
نحنا هون نقاشنا هو المهم , انا ما عم اطلب انتقام , انا عم اطلب حوار حيادي بناء , بيبني فكر واعي ......
خلينا نسمي الخطأ بإسمه و نعتذر عنه في حال وقوعه , خلينا لا نخاف من الحقيقة و نعترف فيها , خلينا فعلا نقبل بعض على اساس المساواة و لاشيء غير المساواة ....
لانو هيك وبس هيك نحنا بنكون فعلا ابناء وطن واحد عايشين مع بعض بمحبة
هادا ياللي عم اطلبه ......
واذا فهمت شي تاني من كلامي فهاي مشكلتك .....

صديقي تايغر أنا باعتزر من كل ألبي إزا فهمت من ردي إنو فيه شتيمة، عنجد باعتزر، بس تأكد تماما إنو ما كان أصدي هيك شي، و أما مشان إنو أنا عمغالي برفقاتي، أنا ما بعرف شو يللي خلاك تفهم إني عمغالي أو عمفكر هيك!!!!!!!!!!!!!!!! هلأ في شغلة بدي قولها إنو صحيح إنتي ما حملت على المسلمين و الإسلام، بس حابب زكرك بفقرة صغيرة بأول موضوعك، صحيح هالحكي مو حكيك و حكي مقتبس، بس على الأقل إزا ما كان عاكس موقفك كان فيك تؤول إنو مو كل الموضوع بيعكس أفكارك و آراءك الشخصية، أنا يا سيدي كنت عمبقرأ موضوعك بكل تمعن و فهم و موافقة على فحواه لحد ما اعترضتني هالفقرة يللي نزعت الموضوع كلو و سببت كل سوء هالفهم، و سبق و علمتلك ياها بالأحمر بس رح حطها مرة تانية: " بالله عليكم لا تقولوا لي ان من اصدر هذه الفتوى ليس مسلما ولا يمثل الاسلام، فنحن في وضع مرعب، ولن يفيدني اي تبرئة للذات وللاسلام، فما اراه وما اسمعه وما يفرض علي بقوة السلاح اصدق من كل تبريرات المبررين، انه الم وعجز لحد العي لحد الشلل، الشلل الفكري والشلل عن الاتيان بالجديد، فما ذنب انسان كذ وشقى لكي يكون له دارا ومسكنا له ولاطفاله وفجاءة يخير بين ان يترك كل شئ، او ان يغير عقيدته، وحتى لو ارتضى بتغيير عقيدته، فعلى اي مذهب، فمن الواضح ان تغيير الدين ليس بكافيا، فغد كل قوي سيفرض تغيير الناس لمذاهبها، كما عملت الدولة العثمانية والصفوية في العراق. "
يعني إنتي من بداية الموضوع منعت أي واحد يدافع عن الصح إنو يحكي، بحجة إنو "السلاح أصدق"، فأنا كتير استغربت إنو واحد مثقف و فهمان و واعي متلك يآمن بهيك كلام و يوافق على هيك رأي.
الشغلة التانية أنا يا معلم و أبلك كمان أطالب تركيا بالاعتذار، و لاتنسى يا صديقي إنو كمان الاحتلال الصليبي للقدس كانت دوافعو دينية، يعني متل احتلال اليهود هلأ، بس الدوافع الحقيقية هيي المصالح الشخصية للأباطرة، و هلأ عمبصير نفس الشي معنا، يعني القتل عمبصير بدوافع إسلامية بينما هوي بالدرجة الأولى بيخدم مصالح فئة معينة ما إلها علاقة لا بدين ولا بغير دين، و متل ما المسيحيين انقتلوا أكتر من المسلمين بالاحتلال الصليبي، هلأ كمان عمبموت مسلمين أكتر بتريليار مرة من المسيحيين بحجة المذهب و حضرتك شايف الشيعة و السنة و التكفير يللي نازل على أبو جنب، يعني الزمن عمبعيد نفسو لكن بغير شكل، و متل ما إنو الإنجيل مافي أي أمر بالقتل، فأنا كمان بقلك إنو لا القرآن ولا السنة النبوية الشريفة فيها تحريض عالقتل، و إنتي كمان بتعرف هالشي و يمكن أكتر مني. و أنا باعترف إنو كلشي عمبصير قتل، هوي قتل عنصري و نتاجو ناس متطرفين و شباب انغسل دماغهن مشان تنتشر الفتنة بيني و بينك و بين كل واحد فينا، و هي أنا ما خفت من الحقيقة و بعترف إنو يللي صار غلط و انا باعتذر منك بسبب هالحثالة من البشر، لكن مهما كان فهوي لا يمثل الإسلام ولا المسلمين ولا بأي شكل، ولازم ما نسكت قدام هالظلم، و نحنا لازمنا ثورة عيللي بيستغلوا الدين لمصالح شخصية بحتة، متل ما ثارت أوروبا على حكم الكنيسة يللي ما إلها علاقة بالمسيحيين، و بصراحة يللي حسيتو من صاحب المقال إنو عميصطاد بالمي العكرة من ورا هالجملة، و ما بدو إصلاح ولا تفاهم ولا نقاش، يعني المقال كان حلو و فيه منطق و بلش التخبيص من عند هالفقرة.

بالآخر يا صديقي أنا بالنهاية معك و لا يمكن كون ضدك، لأن إنتي متل ما حكيت ابن بلدي و متل أخي،و أنا بدي اعتزر مرة تانية إزا فهمت مني شي إساءة، و حقك عراسي من فوق، و هي أحلى وردة للورد ، و كمان أحلى بوسة لعيونك الحلوة

[Abu ToNi]

اول شي اذا كان في مشكلة هون هي ان الاشخاص اللي قادوا الحملة الصليبية كانت غايتهم غزو المنطقة " المتخلفة " تحت اسم الدين بس المشكلة انهم ما استندوا الا على شعار المسيحية " الصليب "
بالوقت اللي فيهم الارهابيين ما عبيستندوا بس على شعار الاسلام " السيف " عبيستعملوا آيات قرآنية كمان تحت هاي الغاية .

اكيد ان الآيات هاي كان في الها غايتها " وماني داخل بالتافاصيل " وانا متأكد بانها عبتنفهم غلط " بطريقة او باخرى " بس عبتضل بنظر العالم آيات قرآىنية مع ان العالم ما عبصير لهم فرصة يفسروا سبب استخدام الآيات هاي مشان هيك يا شباب ليش لسع عبتحكوا بالقصة !

[tiger]

اخي ابو طريق نحنا اكيد مع بعض و ما ممكن نكون ضد بعض ....
و الاختلاف بوجهات النظر اكيد ما يفسد للود قضية أشكرك على موقفك الحلو و ياللي اكيد بيفرجي حقيقة شخصيتك الشفافة و الصادقة و النبيلة ....
اخي بس بالنسبة للمقطع ياللي كتبته بالاحمر متل ما انا فهمته ( و ما بعرف اذا فهمي له كان صح !!) انو الزلمة ما بقى بده يحكي بالنظريات و الايديولوجيات لانو الواقع المفروض عليه ( القتل و الذبح ) هو اصدق من كل الايديولوجيات والنظريات و التبريرات , يعني عم يحكي بنتايج وليس بنظريات .....
على اي حال انا كمان بعتذر منك اذا اعتبرت هالنص مسيء الك او لدينك عزيزي لانو هدفي من نشر النص ( و هدف الكاتب كمان متل ما بظن ) ليس الاساءة للدين الاسلامي بل هو تسليط الضوء على المدابح ياللي عم تحصل يوميا بحق الاقليات في العراق باسم الدين الاسلامي .....
وفعلا وجهة تظرك صحيحة برأيي يعني النظريات الدينية بدها اعادة صياغة لترجع للطريق الصحيح لانو التخبيص كتران و الله وكيلك صاير كل واحد بيربيلي لحية بيبلش بيفتي على كيفه و العالم الغشم عم يسمعولوا !! ...
يا سيدي الله يخلصنا و يخلص المنطقة والعالم من هالآفة ياللي اسمها التطرف ...
بشكرك كمان مرة عزيزي و هاي كمان كوشة ورد لعيونك الحلوة ....
تحياتي اخي ....

[oliver68]

كاتب النص الأصلي : tiger

اخي ابو طريق نحنا اكيد مع بعض و ما ممكن نكون ضد بعض ....

و الاختلاف بوجهات النظر اكيد ما يفسد للود قضية أشكرك على موقفك الحلو و ياللي اكيد بيفرجي حقيقة شخصيتك الشفافة و الصادقة و النبيلة ....
اخي بس بالنسبة للمقطع ياللي كتبته بالاحمر متل ما انا فهمته ( و ما بعرف اذا فهمي له كان صح !!) انو الزلمة ما بقى بده يحكي بالنظريات و الايديولوجيات لانو الواقع المفروض عليه ( القتل و الذبح ) هو اصدق من كل الايديولوجيات والنظريات و التبريرات , يعني عم يحكي بنتايج وليس بنظريات .....
على اي حال انا كمان بعتذر منك اذا اعتبرت هالنص مسيء الك او لدينك عزيزي لانو هدفي من نشر النص ( و هدف الكاتب كمان متل ما بظن ) ليس الاساءة للدين الاسلامي بل هو تسليط الضوء على المدابح ياللي عم تحصل يوميا بحق الاقليات في العراق باسم الدين الاسلامي .....
وفعلا وجهة تظرك صحيحة برأيي يعني النظريات الدينية بدها اعادة صياغة لترجع للطريق الصحيح لانو التخبيص كتران و الله وكيلك صاير كل واحد بيربيلي لحية بيبلش بيفتي على كيفه و العالم الغشم عم يسمعولوا !! ...
يا سيدي الله يخلصنا و يخلص المنطقة والعالم من هالآفة ياللي اسمها التطرف ...
بشكرك كمان مرة عزيزي و هاي كمان كوشة ورد لعيونك الحلوة ....
تحياتي اخي ....

تسلم يا غالي على هالكلام الحلو، و إزا كان الكاتب أصدوا هيك، فمعناتا كلشي تمام.

يا معلم التطرف صار شغلة روتينية للأسف بمجتمعاتنا، و صار كمان "تدين" و تقرب من الله، و شوفة عينك الفضائيات الدينية -بغض النظر عن الدين- عمتكسح عالمنا، مو لأن البشر زاد إيمانهن، لأن لو زاد كان في سلام بحياتنا، بس لأن العالم بدها تفش خلقها، بدها شي تتسلى فيه و تمللي الوقت و تفسر هالجهل و التخلف يللي عايشين فيه، و المشكلة إنو شيوخنا بيطلعوا بالجملة، و نازلين فتاوى غريبة عجيبة، و العالم من طيبة ألبها و سذاجتها عمتمشي وراهن و تتبعهن عالعمياني، تقول يا زلمي كأنن أنبيا!!!!!!!!! المهم هادا التطرف دواه شي واحد بس-على الأقل برأيي-، بظن إنو دواه العلم، لأن لو تعلمنا رح نصير نتسامح، و لو خلينا العلم و التطور هدف لمستقبلنا و مستقبل ولادنا صدقني كنا زتينا هالاختلافات ورا ضهرنا، و كنا اشتغلنا مع بعض و ساعدنا بعض بغض النظر عن الدين أو اللون أو اللغة، المهم إنو العلم يللي عميجمعنا، و يللي ولّد العلم هوي إيماننا كلنا بإنو في رب عميحمينا و يطلع فينا، بس كل واحد بينظر لهالرب الرحيم من زاوية شكل.
و يللي خلاني دافع و احكي-ولو بعصبية بس مو تطرف- هوي غيرتي على هالدين الإسلامي الطاهر، متلو متل أي دين سماوي، لاحظ تعاليمنا متل بعض، تلخيص القرآن و السنة النبوية هيي بكل بساطة الوصايا العشرة للمسيح. فيا صديقي لما شوف إنو في حثالة من البشر بتدعي الإسلام و كمان عمتغسل دماغنا، و على قولة نزار قباني بيدعوا إنهم "أصهار الله"، صدئني بفور الدم لراسي، و بحس إنو من واجبي و من حق الإسلام عليي إني حارب هالبشر و وقف بطريقهن، و بزيد زعلي لما شوف إنو الناس يللي بينتموا لغير أديان مقتنعين بإنو هالبشر ممثلين للإسلام، بس لما تجي للواقع ما بينلاموا يا أخي، لأن ماحدا عمبدافع عن هالدين، بالعكس، كل مازاد التطرف بتزيد القنوات الفضائية و بتصير تحكي بمواضيع سخيفة و تافهة و بيطالعوا فتاوي و بلهوا العالم بحجة تصحيح صورة الإسلام المشوهة، و مشان تاخد مثال، يا زلمي تخيل بمصر واحد مطرب، الزلمي بنى مسجد بمصر، آمت مصر و أهل مصر نسيوا الفساد يللي بينهش ببلدهن متل ما بينهش بأي بلد عربي، نسيوا التضخم و التلوث يللي عمياكل القاهرة أكل، و نسيوا الانحطاط العلمي للجامعات المصرية-متل ما صار بالجامعات السورية- و نسيوا إنو في علماء مصريين عميتكرموا و يا خدوا جوائز عالمية من الغرباء و المصريين واقفين عميتفرجوا، تركوا كل هالمشاكل و دقوا بهالمطرب يللي بنى هالجامع و نزلوا تكفير فيه و إنو الجامع لازم ينهد فوق روس صحابوا. بتمنى من إخواني و حبايبي المصريين (بالزات صديقي و أخي محمد ابراهيم) ما يزعلوا مني، بس هالمثال هوي يللي جاي ببالي بالوقت الحاضر، و كمان لا تنسوا إنو سوريا و الأردن و لبنان...لحتى الدولة العربية رقم 22 مدري 21(مو فارئة أصلا) عايشين نفس التخلف و يمكن أكتر.

و متل ما قلت أخي تايغر، الله يخلصنا من التطرف، لأن عنجد هوي حماقة و تخلف و مناقض تماما لأي دين أو مذهب أو أي فكر إنساني و حتى حيواني، و إنشالله منصحى و منعرف إنو يللي بحب الله عنجد بحاول يبني بلدو و وطنو بالعلم و التطور، مو القتل و الرجعية و التخلف.
آسف عالإطالة.

[الهوى سلطان]

كاتب النص الأصلي : وائل 76

الخطر بيهددنا كلنا و كلنا لازم نتكاتف لنواجه هالخطر .
السؤال أنو كيف نواجه ؟؟

اولا تحياتي للجميع بصراحة الموضوع شيق وجميل ولن ازيد اي سطر على ردود الشباب
لكن ما استلفت نظري هو هذان السطران للاخ وائل وبصراحة هما زبدة الموضوع
في طرح هذا التساؤل الرائع هو كيف نواجه ؟
لكن سؤالي من نواجه ؟ هل نواجه امريكا التي يعتبرها العرب العدو رقم واحد في العالم ؟ مع ان لباسهم وطعامهم وشرابهم من صناعتها ام نواجه هذه الدولة بما اعطينا من قدرات واسلحة كي نواجهها فيها ؟
ونحن من امن لها الارض الخصبة لضرب هذا البلد الشقيق بل لنحره كما تنحر الخراف
عزيزي قبل ان نسئل كيف نواجه يجب ان نعرف من نواجه وانا بعتقادي يجب علينا ان نواجه هذا الكرسي لان معظم الصراعات للاسف الشديد بوطننا العربي بغض النظر عن الطائفة هي على هذا الكرسي الملعون
لنرجع قليلا الى الوراء في ابان عهد الرئيس صدام حسين او بالاحرى عند استلامه زمام امور الجمهورية ماذا فعل اول شئ قام بتصفية المعارضين له كي يحافظ على هذا الكرسي فبدئة منظومة الحياة في العراق في عهده هي اعلان الطاعة والولاء لهذا الرئيس بغض النظر عن محاسنه او مساوئه اذا كان هدفه واحد هو الحفاظ على هذا الكرسي ومن ثم النظر في شؤون العراق الداخليه من اعمار وتعليم ووو .... الخ
لكن بعد سقوط النظام وجدنا ان او راينا ان هناك اكثر من عدو فمثلا الشيعي عدو السني ويرد القضاء عليه
والسني عدو الشيعي والمسيحي عدو المسلم ووووو ..... الخ لكن ان سالنا لماذا هذا العداء سنجد ان الجواب سوف ينصب بنا بان كل طرف يرد القاء على الثاني من اجل الوصل الى ذاك الكرسي فلا تعجب عزيزي ان قامت فئة ضالة بتشويه اسم الاسلام للقضاء على فئة مسالمة من الدين المسيحي لن اذهب بعيدا في كلامي ولكن اريد ان اسلط الضوء على الفلسطينين الذين يقطنون داخل العراق وما يحدث بهم ليلا نهارا من تجويع وتحقير وما شابه ذلك من اكثر من طائفة في العراق
اذا عزيزي قبل ان نفكر من نواجه يجب علينا ان نجتث من عقولنا السلطة وكيفية الوصول اليها وان نعمل لخدمة الوطن قبل ان نخدم انفسنا انظر الى بوش مثلا يرد ان يمجد اسم امريكا في عهده لا ان يرد ان يمجد اسمه في عهد امريكا ؟
لان الكرسي والسلطة اخر ما يفكر به همه الاكبر هو سيطرت امريكا على العالم باسره وهذا حق مشروع له ولاي شخص فلا اقتنع انا شخصيا بان كل زعيم لا يفكر ان يكبر مملكته بان تصل الا مشارق الارض ومغاربها

انا اسف على الاطالة ولكن في نهاية حديثي قبل ان نفكر كيف نواجه يجب علينا تحديد من نواجه

ودمتم بكل خير

[tiger]

كاتب النص الأصلي : أبو طريق

تسلم يا غالي على هالكلام الحلو، و إزا كان الكاتب أصدوا هيك، فمعناتا كلشي تمام.
يا معلم التطرف صار شغلة روتينية للأسف بمجتمعاتنا، و صار كمان "تدين" و تقرب من الله، و شوفة عينك الفضائيات الدينية -بغض النظر عن الدين- عمتكسح عالمنا، مو لأن البشر زاد إيمانهن، لأن لو زاد كان في سلام بحياتنا، بس لأن العالم بدها تفش خلقها، بدها شي تتسلى فيه و تمللي الوقت و تفسر هالجهل و التخلف يللي عايشين فيه، و المشكلة إنو شيوخنا بيطلعوا بالجملة، و نازلين فتاوى غريبة عجيبة، و العالم من طيبة ألبها و سذاجتها عمتمشي وراهن و تتبعهن عالعمياني، تقول يا زلمي كأنن أنبيا!!!!!!!!! المهم هادا التطرف دواه شي واحد بس-على الأقل برأيي-، بظن إنو دواه العلم، لأن لو تعلمنا رح نصير نتسامح، و لو خلينا العلم و التطور هدف لمستقبلنا و مستقبل ولادنا صدقني كنا زتينا هالاختلافات ورا ضهرنا، و كنا اشتغلنا مع بعض و ساعدنا بعض بغض النظر عن الدين أو اللون أو اللغة، المهم إنو العلم يللي عميجمعنا، و يللي ولّد العلم هوي إيماننا كلنا بإنو في رب عميحمينا و يطلع فينا، بس كل واحد بينظر لهالرب الرحيم من زاوية شكل.
و يللي خلاني دافع و احكي-ولو بعصبية بس مو تطرف- هوي غيرتي على هالدين الإسلامي الطاهر، متلو متل أي دين سماوي، لاحظ تعاليمنا متل بعض، تلخيص القرآن و السنة النبوية هيي بكل بساطة الوصايا العشرة للمسيح. فيا صديقي لما شوف إنو في حثالة من البشر بتدعي الإسلام و كمان عمتغسل دماغنا، و على قولة نزار قباني بيدعوا إنهم "أصهار الله"، صدئني بفور الدم لراسي، و بحس إنو من واجبي و من حق الإسلام عليي إني حارب هالبشر و وقف بطريقهن، و بزيد زعلي لما شوف إنو الناس يللي بينتموا لغير أديان مقتنعين بإنو هالبشر ممثلين للإسلام، بس لما تجي للواقع ما بينلاموا يا أخي، لأن ماحدا عمبدافع عن هالدين، بالعكس، كل مازاد التطرف بتزيد القنوات الفضائية و بتصير تحكي بمواضيع سخيفة و تافهة و بيطالعوا فتاوي و بلهوا العالم بحجة تصحيح صورة الإسلام المشوهة، و مشان تاخد مثال، يا زلمي تخيل بمصر واحد مطرب، الزلمي بنى مسجد بمصر، آمت مصر و أهل مصر نسيوا الفساد يللي بينهش ببلدهن متل ما بينهش بأي بلد عربي، نسيوا التضخم و التلوث يللي عمياكل القاهرة أكل، و نسيوا الانحطاط العلمي للجامعات المصرية-متل ما صار بالجامعات السورية- و نسيوا إنو في علماء مصريين عميتكرموا و يا خدوا جوائز عالمية من الغرباء و المصريين واقفين عميتفرجوا، تركوا كل هالمشاكل و دقوا بهالمطرب يللي بنى هالجامع و نزلوا تكفير فيه و إنو الجامع لازم ينهد فوق روس صحابوا. بتمنى من إخواني و حبايبي المصريين (بالزات صديقي و أخي محمد ابراهيم) ما يزعلوا مني، بس هالمثال هوي يللي جاي ببالي بالوقت الحاضر، و كمان لا تنسوا إنو سوريا و الأردن و لبنان...لحتى الدولة العربية رقم 22 مدري 21(مو فارئة أصلا) عايشين نفس التخلف و يمكن أكتر.

و متل ما قلت أخي تايغر، الله يخلصنا من التطرف، لأن عنجد هوي حماقة و تخلف و مناقض تماما لأي دين أو مذهب أو أي فكر إنساني و حتى حيواني، و إنشالله منصحى و منعرف إنو يللي بحب الله عنجد بحاول يبني بلدو و وطنو بالعلم و التطور، مو القتل و الرجعية و التخلف. آسف عالإطالة.

اخي نحنا مشكلتنا متل ما قلت هي التخلف الكبير ياللي عم نعاني منه , ما عم نقدر نقبل الآخر بأي شكل , و حتى الله وكيلك ما عم نقدر نقبل انفسنا , و حل كل هالامور هو اكيد العلم و لا شيء غير العلم ....
اي محاولة لتغيير الوضع القائم تعتبر كفر , اي محاولة لتفسير الاديان بطريقة محترمة و متناسبة مع الانسان في القرن الحالي تعتبر كفر , اي محاولة لفضح الرؤساء الدينين و اظهار حقيقتهم كمان بتعتبر كفر , اي محاولة لتبيين انو الشريعة هي لخدمة الانسان وليس الانسان لخدمة الشريعة بتعتبر كفر ....
اخي هدف الدين هو انو الانسان يعيش بحرية , سعادة , هناء , يبني وطنه .....
خلينا نشوف كيف الناس بتعيش بدول الغرب , في الناس من كل الاديان و الالوان و الاشكال بس كل هالناس بتساعد بعضها ببناء اوطانها .....
بتعبد انت الله مو مشكلة , انا بعبد اهورامازدا , كمان مو مشكلة , غيرنا بيعبد البقرة كمان مو مشكلة نحنا بنحترم بعض و المهم انو نعمر وطننا لانو بالنهاية تعمير هالوطن هو تعمير للمجتمع و لحياتنا .....
اخي نحنا شعب عريق عمره اكتر من 6000 سنة بس مع الاسف نسي عراقته و غرق في تخلفه ......
تحياتي الك اخي ....

[tiger]

كاتب النص الأصلي : الهوى سلطان

اولا تحياتي للجميع بصراحة الموضوع شيق وجميل ولن ازيد اي سطر على ردود الشباب
لكن ما استلفت نظري هو هذان السطران للاخ وائل وبصراحة هما زبدة الموضوع
في طرح هذا التساؤل الرائع هو كيف نواجه ؟
لكن سؤالي من نواجه ؟ هل نواجه امريكا التي يعتبرها العرب العدو رقم واحد في العالم ؟ مع ان لباسهم وطعامهم وشرابهم من صناعتها ام نواجه هذه الدولة بما اعطينا من قدرات واسلحة كي نواجهها فيها ؟
ونحن من امن لها الارض الخصبة لضرب هذا البلد الشقيق بل لنحره كما تنحر الخراف
عزيزي قبل ان نسئل كيف نواجه يجب ان نعرف من نواجه وانا بعتقادي يجب علينا ان نواجه هذا الكرسي لان معظم الصراعات للاسف الشديد بوطننا العربي بغض النظر عن الطائفة هي على هذا الكرسي الملعون
لنرجع قليلا الى الوراء في ابان عهد الرئيس صدام حسين او بالاحرى عند استلامه زمام امور الجمهورية ماذا فعل اول شئ قام بتصفية المعارضين له كي يحافظ على هذا الكرسي فبدئة منظومة الحياة في العراق في عهده هي اعلان الطاعة والولاء لهذا الرئيس بغض النظر عن محاسنه او مساوئه اذا كان هدفه واحد هو الحفاظ على هذا الكرسي ومن ثم النظر في شؤون العراق الداخليه من اعمار وتعليم ووو .... الخ
لكن بعد سقوط النظام وجدنا ان او راينا ان هناك اكثر من عدو فمثلا الشيعي عدو السني ويرد القضاء عليه
والسني عدو الشيعي والمسيحي عدو المسلم ووووو ..... الخ لكن ان سالنا لماذا هذا العداء سنجد ان الجواب سوف ينصب بنا بان كل طرف يرد القاء على الثاني من اجل الوصل الى ذاك الكرسي فلا تعجب عزيزي ان قامت فئة ضالة بتشويه اسم الاسلام للقضاء على فئة مسالمة من الدين المسيحي لن اذهب بعيدا في كلامي ولكن اريد ان اسلط الضوء على الفلسطينين الذين يقطنون داخل العراق وما يحدث بهم ليلا نهارا من تجويع وتحقير وما شابه ذلك من اكثر من طائفة في العراق
اذا عزيزي قبل ان نفكر من نواجه يجب علينا ان نجتث من عقولنا السلطة وكيفية الوصول اليها وان نعمل لخدمة الوطن قبل ان نخدم انفسنا انظر الى بوش مثلا يرد ان يمجد اسم امريكا في عهده لا ان يرد ان يمجد اسمه في عهد امريكا ؟
لان الكرسي والسلطة اخر ما يفكر به همه الاكبر هو سيطرت امريكا على العالم باسره وهذا حق مشروع له ولاي شخص فلا اقتنع انا شخصيا بان كل زعيم لا يفكر ان يكبر مملكته بان تصل الا مشارق الارض ومغاربها
انا اسف على الاطالة ولكن في نهاية حديثي قبل ان نفكر كيف نواجه يجب علينا تحديد من نواجه

ودمتم بكل خير

يا هلا بأخي الهوى سلطان ....
اخي المشكلة متل ما انت قلت نحنا اول شي لازم نواجهه هو أنفسنا , الفساد عنا داخلي و هادا ياللي عم يخلي مواجهة الاخطار الخارجية عملية مستحيلة .....
خوفنا من الآخر هو كابوسنا الدائم و المشكلة انو هالشغلة صارت نمط للمعيشة و من نتائج هالكابوس انو نحنا انتقلنا للمرحلة الاسوء الا و هي الغاء الآخر تماما .....
فبنبلش بنتهم بعض بهالكلمات المعروفة ( كافر , مشرك , خائن , عميل .... الخ ) و هيك بينتقل التركيز من عملية البناء الى عملية الهدم ......
اخي انا بشوف مشكلتنا كلها بتتلخص بانو نتعلم قبول الآخرين ....
على اي حال انا من فترة شفت مقال قيم قمت بتنزيله هون بالمنتدى يا ريت تطلع عليه العالم منشان تعرف عن شو عم بحكي ....
الموضوع موجود على هالرابط :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و كمان مرة تقبل شكري لمرورك اخي

[اية الرحمان]

اخواني اخواتي
ارى ان هذا الموضوع سياخذ وكالعادة منعطفا اخر
المشكلة ليست في الخبر ذاته وانما في الاذان الملتقطة للخبر
فتهديد جماعة تدعي انها مسلمة لعائلات مسيحية
ليس بخبر جديد علينا ولا يقل اهمية عن قتل الاف من السنيين على يد الشيعة و العكس
فالوضع اجمالا قتل وتدمير واغتصاب لحق الانسان في حرية تعبيره عن هويته ودينه وانتماءاته السياسية
المهم هذا النوع من الاخبار لا يزيد الا الطين بلة فهو يدفع النفوس الضعيفة منا الى الاخذ بها والدخول في دوامة الطائفية العمياء
فالمسيحي او اليهودي او المسلم بالعراق بالاول والاخير عراقيين وعرب اي امة واحدة استغباها قلة من السفاحين المولوعين بفن الترهيب للترغيب -من مسلمين ومسيحيين ويهود-

[ابو عمير السوري]

عدنا والعود أحمد
المسلم عم ينقتل والمسيحي عم ينقتل والتركماني عم ينقتل وكله عم يقتل كلوا وحالة بتزحل العقل فلا تأججو النار بالنار ياأخوان بتصور المعلومة غير صحيحية لأنه خير والله بنقلوا أسلمت وبس يروح بئلوه خود اذا بيجيك مكاتيب عطونا شي بيتصق شباب وحاجة عاملين متل الولاد الصغار ئلي لئلك عشتم وعاش الوطن

[اية الرحمان]

كاتب النص الأصلي : عمار المالكي

عدنا والعود أحمد
المسلم عم ينقتل والمسيحي عم ينقتل والتركماني عم ينقتل وكله عم يقتل كلوا وحالة بتزحل العقل فلا تأججو النار بالنار ياأخوان بتصور المعلومة غير صحيحية لأنه خير والله بنقلوا أسلمت وبس يروح بئلوه خود اذا بيجيك مكاتيب عطونا شي بيتصق شباب وحاجة عاملين متل الولاد الصغار ئلي لئلك عشتم وعاش الوطن

لك يا اخي شو كبر هالخط واحمر كمان جاب الله ما في ثيران والا كان الكمبيوتر راح الله يسامحك لوحدك فيك تحفز قطيع