سوريا... دولة الشرف الوحيدة في العالم العربي

[fady juventus]

بدي رد عالأخ‏Chefadi
‏
يا صديقي العزيز
الردة الدينية اللي حكيت عنها ماكانت بسبب حكم الحزب الواحد في سوريا متل ما إنت قلت...
الواقع إنها كانت ظاهرة عامة بكل الدول الإسلامية وخاصة العربية
و ربما رد فعل على "اضهاد الغرب المسيحي لهم" وهاي مجرد وجهة نظر.
‏
و مشان إنو المواطن همه لقمة العيش والجوعان مابيفكر غير بالأكل... فأنا مو معك
إي لأنو شو هالمواطن هاد لكان?!
هاد معدة وأمعاء ووو بس!
معناتا لما بقعد إقرأ كتاب (ستالينغراد ملحمة العصر) وكيف كان الجنود الروس يضلوا تلات إيام بدون أكل وتضل روحن القتالية متل الصخر مع إنوغالبا رح يموت... لازم نوطي راسنا ونخجل أو حتى نلاقيلنا شي تعبير غير كلمة "مواطن" لنوصف حالنا فيه
لأنها مشتقة من كلمة الوطن ياللي مابدنا منو غير الأكل والشرب
يعني العفو ... بس صار الوطن "مرعى"

[كهربجي]

كاتب النص الأصلي : fady juventus

خدني بحلمك معلم
لساتنا عم نحكي إنو نحنا شعب ما بيلبقلو ديمقراطية
أنا هاد رأيي بالزلمة...بس بقولو بتجرد عن منصبو الديني...
لأنو كون هالإنسان عم يسعى للإنتقام من وطني بمساعدة حلفاؤو ... فالمفروض فكر بوطني قبل مذهبي
أنا ما بيهمني كومة الألقاب اللي بتسبق إسمو , ولا الصلبان اللي بيعلقها برقبتو...
بيهمني كيف عم يتصرف وشو أفكارو ؟
لما بيسامح مجرم متل جعجع على جريمة تفجير كنيسة/كنيسة هه/ و بيتبناه مع أتباعو بلا حدود ...شي طبيعي إنو قول عنو ملحد , حتى لو كان بطرك طايفتي
و ما تنسى إنو كان ومازال من أشد معارضي العمالة السورية في لبنان(ما تقلي لأنو مشان البطالة بين اللبنانيين لأنو لو بدو اللبناني يأدي الأعمال اللي عم يعملها السوري ما راح يلاقي حدا يشغلو بسبب ارتفاع الأجر اللي بيطلبو ... يعني القصة حقد على الشعب السوري)

و إنت قبل ما تقول هزلت وما بعرف شو !!! أقنعني بإنو شخص جدير بثقتك و ثقتي بدال ما تعددلي ألقابو!!!

لأ يا حبيبي... باباوات الفاتيكان على مر التاريخ مو بس حرامية.. لأ وسفاحين كمان... هادا غير الكاردينالات والبطاركة والشباب الطيبة... بس هدول هنن أكتر عالم مؤمنين صح ولّا لأ؟؟

الشي نفسو عن المسلمين من نبيهم آخر شيخ...


أما قلي على ملحد كبير كان سفاح غير ستالين

[كهربجي]

كاتب النص الأصلي : madmax

بما أنو انفتحت سيرة الديمقراطية هلأ..... بحب ضيف اني أنا حاليا ضد الديمقراطية بكافة أشكالها
لأنو شعبنا حاليا ما بتحكروا الا الطائفية و رأس المال و بيختلف ترتيب هالأولويتين من شخص لشخص
بس بيضلو هني المحرك الاساس لأي نشاط لهالشعب
لذلك بكير كتير على الديمقراطية حاليا

الله يخليلي ياك حبيب.. زياد أحلى بلا طاقية عسكرية...

[وائل 76]

كاتب النص الأصلي : كهربجي مثقف

لأ يا حبيبي... باباوات الفاتيكان على مر التاريخ مو بس حرامية.. لأ وسفاحين كمان... هادا غير الكاردينالات والبطاركة والشباب الطيبة... بس هدول هنن أكتر عالم مؤمنين صح ولّا لأ؟؟

الشي نفسو عن المسلمين من نبيهم آخر شيخ...


أما قلي على ملحد كبير كان سفاح غير ستالين

هع هع هع فعلاً غير عمو ستالين ما في حدا ، بعدين الزلمة ما قتل كتير عالم يعني بس 20 مليون انسان خلال عقدين . يا حيرااام مو كتير

[MadMax]

كاتب النص الأصلي : كهربجي مثقف

الله يخليلي ياك حبيب.. زياد أحلى بلا طاقية عسكرية...

زياد حلو شو ما لبس
بعدين هيك شعب ...لازم تخاطبو بطاقية عسكرية ليفهم

[BL@CK]

بعدين هيك شعب ...لازم تخاطبو بطاقية عسكرية ليفهم

في عندك عالم ما بتمشي معا الطاقية

بدا بوط عسكري

يكتر خيرو اللي قضاها بطاقية

[كهربجي]

حسب ما بعرف اللي مفكر يمشي العالم بالصرماية بكون هو ما بيمشي غير بالصرماية

[MadMax]

كاتب النص الأصلي : كهربجي مثقف

حسب ما بعرف اللي مفكر يمشي العالم بالصرماية بكون هو ما بيمشي غير بالصرماية

والله ..موقصة صرماية
بس الطاقية العسكرية بترمز لكتير اشيا.... غلط نستغني عنها بهالوقت

[BL@CK]

كاتب النص الأصلي : كهربجي مثقف

حسب ما بعرف اللي مفكر يمشي العالم بالصرماية بكون هو ما بيمشي غير بالصرماية

لا تواخزنا معلم ..

فهمتني غلط ..

أو بجوز أنا ما عرفت أعبر عن وجهة نظري

الأصد .. نص شعبك ما بتمشي معوه الديمقراطية ..

[chefadi]

كاتب النص الأصلي : fady juventus

بدي رد عالأخ‏Chefadi
‏
يا صديقي العزيز
الردة الدينية اللي حكيت عنها ماكانت بسبب حكم الحزب الواحد في سوريا متل ما إنت قلت...
الواقع إنها كانت ظاهرة عامة بكل الدول الإسلامية وخاصة العربية
و ربما رد فعل على "اضهاد الغرب المسيحي لهم" وهاي مجرد وجهة نظر.
‏
و مشان إنو المواطن همه لقمة العيش والجوعان مابيفكر غير بالأكل... فأنا مو معك
إي لأنو شو هالمواطن هاد لكان?!
هاد معدة وأمعاء ووو بس!
معناتا لما بقعد إقرأ كتاب (ستالينغراد ملحمة العصر) وكيف كان الجنود الروس يضلوا تلات إيام بدون أكل وتضل روحن القتالية متل الصخر مع إنوغالبا رح يموت... لازم نوطي راسنا ونخجل أو حتى نلاقيلنا شي تعبير غير كلمة "مواطن" لنوصف حالنا فيه
لأنها مشتقة من كلمة الوطن ياللي مابدنا منو غير الأكل والشرب
يعني العفو ... بس صار الوطن "مرعى"

هلا فادي ....
اولا ... مين الدولة العربية او الاسلامية اللي مو حاكمها حزب قائد او فيها ديمقراطية و تعددية
لهيك انا قلت انو الردة الدينية و الحقد الطائفي كان من افرازات الحكم الشمولي
ثانيا ... صديقي ما بيخفى على حدا انو سياسة التجويع اللي اتبعت من معظم ديكتاتويي العالم كانت بهدف
صرف الشعب عن التفكير باأي افاق سياسية او اجتماعية تاني اما بخصوص الحرب فهي حالات تانية
خاصة جدا
تحياتي

[krimbow]

أما قلي على ملحد كبير كان سفاح غير ستالين

هلأ ادولف هتلر كان مؤمن؟ او ليكون عم تعتبرو ملاك
طيب الدوتشي موسوليني (إزيك يا موس) كان مؤمن؟
طيب بينوشيه؟
طيب "بول بوت" تبع الخمير الحمر كان مؤمن؟

متل مو شايف معلمي، القتل و جرايم الحرب بترتبط مع الشمولية و ليس مع الايمان او الالحاد

لهيك انا قلت انو الردة الدينية و الحقد الطائفي كان من افرازات الحكم الشمولي

هالكلام معلمي مو كتير دقيق، يعني متل ما بتعرف الاديان هيي بذاتها انظمة شمولية، و الانظمة الشمولية الاشتراكية او اللادينية الحديثة يللي نشأت بالقرن العشرين هيي من مفرزات الانظمة الشمولية الدينية و ليس العكس، يعني في ناس شافوا انو الاديان بشموليتها بتضر البشرية، قامو قرروا انو يلغوا الاديان و يعملوا انظمة "لادينية" بس شمولية
و بقيت البشرية عم تعاني

المشكلة بالشمولية بكل اشكالها، و الاديان هيي اكتر الانظمة الشمولية رقيا لأنها صرلها عم تتشكل و تتبلور كذا الف سنة، و لو عطينا ربع هالوقت لأي نظام شمولي لاديني رح نوصل لنفس المشكلات الدينية

يللي بيعنينا بهالموضوع هوي شمولية النظام السوري و خصوصا نظام الاسد...
بعكس يللي طرحو مشكورا تشي فادي انو كان في تعددية سياسية بعد ثورة آذار، فالوضع كان مش متل ما قال، الوضع كان كالتالي:
قبل الوحدة مع مصر و بعيد الاستقلال: كان في تعددية صحيح، لكن كان في شرط لهالتعددية، انو يكون يللي عم يمارس السياسة هوي ابن احد عائلات المجتمع المخملي يللي هوي وريث الباشوية و البكوية و الآغوية العثمانية
و لحتى تقدر تشتغل بالسياسة و ترتقي بهداك الوقت، ما مهم شو التيار السياسي يللي بتنتميلو بقدر ما بهم انو تكون ابن احد العيل الكبيرة، اتاسي، قدسي، سباعي، دروبي، رسلان، مخلوف، خير بك، عظم، خوري، اطرش، مالكي...ألخ الخ ثم الخ من العائلات الاكابر ع اساس، و استمر هالشي و كان للعيل الكبيرة الفضل الاكبر بالانفصال، بس الوحدة قدرت تفرز مجموعة جديدة قادرة ع استلام السياسة بعيدة عن العيل الكبيرة، و هالمجموعات عملت ثورة 8 آذار

بعد ثورة آذار: ما عاد في شي اسمو تعددية سياسية، في تعددية يسارية بيجوز، بس انتهت الاحزاب اليمينية تماما، و الاحزاب اليمينية مش كلها دينية، يعني في الوطني و الشعب و السوري القومي (حزب وسط لا يمين و لا يسار، او بالاحرى يمين مع يسار) هدول كلهم ما عاد الهم وجود ع الساحة السياسية السورية

بهالفترة، كان حاكم سوريا الفعلي هوي "صلاح جديد"
صلاح جديد كان بدو يعزل سوريا (و خصوصا بعد النكسة مدري النكشة) عن العالم و يبنيها من الداخل.. على نمط الصين يعني، بس في فارق بسيط بيننا و بين الصينيين
الصينيين طول عمرهم من فجر التاريخ بيعزلوا حالهم عن العالم، و بيعيشوا بعالم خاص فيهم و بينتهي عزلهم لفترة بسيطة مع شي غازي بعدين بيرجعوا بيتقوقعوا ع بعضهم
اما سوريا، كانت على مر التاريخ مفتوحة ع العالم بحكم موقعها الجغرافي، لهالسبب ما بتنفع سياسة العزل
سياسة العزل، هيي يللي أدت لتجويع الشعب السوري، و لو انو اساسا كان جوعان و عم ينسرق من ايام العثمنلي
لما استلم حافظ الاسد عمل انفتاح على قدر الامكان، و شافت سوريا فترة رخاء كبيرة بعد حرب تشرين، و استمرت لوقت ما قررت الانظمة الدينية العربية انو والله بدها تستلم الحكم بسوريا، عن طريق عملاء الاخوان المسلمين، و تم تمويل هالعصابة عن طريق انظمة العراق و السعودية و الاردن .. و كلنا منعرف شهور الغزل و العسل يللي بين السي آي أيه و بين بن لادن ايام احتلال السوفييت للافغان
قدام هالواقع المرير، كان حافظ مضطر (لحتى يحافظ ع الكرسي) انو يتحالف مع جهتين لعن الله الثلاثة: السوفييت من جهة، و الايرانيين من جهة تانية
و مع انهيار السوفييت بقيت ايران حليفة قوية لسوريا و خصوصا مع نجاح ثورة الخميني فيها

يللي بدي اوصللو، انو ازا بيوم من الايام كان الحكم العلماني بسوريا شمولي، فهالشي مجرد وراثة من انظمة دينية سابقة حكمت سوريا،
و ازا كان حافظ الاسد استفاد من الشمولية، فالرئيس بشار الاسد اتخذ لليوم خطوات جدية و مهمة لانهاء حالة الشمولية، بالشكل او بالمضمون
يعني شكليا ما عاد في شي اسمو عسكرة الطلاب
و ماعاد في شي اسمو قيادة قطرية هيي الآمر الناهي بالبلد
و شوي شوي عم يتقلص دور الاجهزة الامنية بالسياسة
بس يا فادي التخلص من الشمولية بعد كل هالقرون مش امر هين، و رح يطلع كتير ناس يحاربوا هالشي، و اولهم انصار الدين السياسي و ما اكثرهم في بلادنا

[sezar]

متابعة بدون تعليق مع شكر عميق لهذه الحوارات

[chefadi]

مرحبا كريم

كاتب النص الأصلي : krimbow

هالكلام معلمي مو كتير دقيق، يعني متل ما بتعرف الاديان هيي بذاتها انظمة شمولية، و الانظمة الشمولية الاشتراكية او اللادينية الحديثة يللي نشأت بالقرن العشرين هيي من مفرزات الانظمة الشمولية الدينية و ليس العكس، يعني في ناس شافوا انو الاديان بشموليتها بتضر البشرية، قامو قرروا انو يلغوا الاديان و يعملوا انظمة "لادينية" بس شمولية
و بقيت البشرية عم تعاني

المشكلة بالشمولية بكل اشكالها، و الاديان هيي اكتر الانظمة الشمولية رقيا لأنها صرلها عم تتشكل و تتبلور كذا الف سنة، و لو عطينا ربع هالوقت لأي نظام شمولي لاديني رح نوصل لنفس المشكلات الدينية

يللي بيعنينا بهالموضوع هوي شمولية النظام السوري و خصوصا نظام الاسد...

كلامك صحيح بالمجمل مع تسجيل نقطة اختلاف و حدة انو الاديان (برأيي) ما كانت ولا رح تكون اكتر الانظمة الشمولية رقيا لسبب بسيط وهو : الحكم بالانظمة الشمولية مهما كان نوعه اعتمد على الديكتاتورية بينما الحكم الديني اعتمد (ولايزال) على ديكتاتورية رجال الدين بالاضافة الى اللعب على وتر الايمان و الوعود الوردية و ما اليه ,,, و طبعا دائما يوجد تربة خصبة للدين السياسي
بس انا كنت عم احكي بردي الاول عن سوريا بالنصف التاني من القرن الماضي و مقارنة الوضع الحالي بالوضع بعيد الاستقلال .

كاتب النص الأصلي : krimbow

بعكس يللي طرحو مشكورا تشي فادي انو كان في تعددية سياسية بعد ثورة آذار، فالوضع كان مش متل ما قال، الوضع كان كالتالي:
قبل الوحدة مع مصر و بعيد الاستقلال: كان في تعددية صحيح، لكن كان في شرط لهالتعددية، انو يكون يللي عم يمارس السياسة هوي ابن احد عائلات المجتمع المخملي يللي هوي وريث الباشوية و البكوية و الآغوية العثمانية
و لحتى تقدر تشتغل بالسياسة و ترتقي بهداك الوقت، ما مهم شو التيار السياسي يللي بتنتميلو بقدر ما بهم انو تكون ابن احد العيل الكبيرة، اتاسي، قدسي، سباعي، دروبي، رسلان، مخلوف، خير بك، عظم، خوري، اطرش، مالكي...ألخ الخ ثم الخ من العائلات الاكابر ع اساس، و استمر هالشي و كان للعيل الكبيرة الفضل الاكبر بالانفصال، بس الوحدة قدرت تفرز مجموعة جديدة قادرة ع استلام السياسة بعيدة عن العيل الكبيرة، و هالمجموعات عملت ثورة 8 آذار

بعد ثورة آذار: ما عاد في شي اسمو تعددية سياسية، في تعددية يسارية بيجوز، بس انتهت الاحزاب اليمينية تماما، و الاحزاب اليمينية مش كلها دينية، يعني في الوطني و الشعب و السوري القومي (حزب وسط لا يمين و لا يسار، او بالاحرى يمين مع يسار) هدول كلهم ما عاد الهم وجود ع الساحة السياسية السورية

بهالفترة، كان حاكم سوريا الفعلي هوي "صلاح جديد"
صلاح جديد كان بدو يعزل سوريا (و خصوصا بعد النكسة مدري النكشة) عن العالم و يبنيها من الداخل.. على نمط الصين يعني، بس في فارق بسيط بيننا و بين الصينيين
الصينيين طول عمرهم من فجر التاريخ بيعزلوا حالهم عن العالم، و بيعيشوا بعالم خاص فيهم و بينتهي عزلهم لفترة بسيطة مع شي غازي بعدين بيرجعوا بيتقوقعوا ع بعضهم
اما سوريا، كانت على مر التاريخ مفتوحة ع العالم بحكم موقعها الجغرافي، لهالسبب ما بتنفع سياسة العزل
سياسة العزل، هيي يللي أدت لتجويع الشعب السوري، و لو انو اساسا كان جوعان و عم ينسرق من ايام العثمنلي

كمان توضيح : انا حكيي كان على مستوى الكوادر يعني الشباب اللي من عمرنا كانو يقدرو يتنسبو و يعبروا عن انتماءاتون الحزبية ... اكيد خالد العضم (المليونير الاحمر ) ماكان رح يصير رئيس حكومة لو ماكان من بيت العضم و انا معك انو قبل ثورة اذار ماكان ممكن يبرز حدا ع الساحة السياسية الا اذا كان بينتمي لعائلات عريقة و معروفة متل الامثلة اللي زكرتها ...

كاتب النص الأصلي : krimbow

لما استلم حافظ الاسد عمل انفتاح على قدر الامكان، و شافت سوريا فترة رخاء كبيرة بعد حرب تشرين، و استمرت لوقت ما قررت الانظمة الدينية العربية انو والله بدها تستلم الحكم بسوريا، عن طريق عملاء الاخوان المسلمين، و تم تمويل هالعصابة عن طريق انظمة العراق و السعودية و الاردن .. و كلنا منعرف شهور الغزل و العسل يللي بين السي آي أيه و بين بن لادن ايام احتلال السوفييت للافغان
قدام هالواقع المرير، كان حافظ مضطر (لحتى يحافظ ع الكرسي) انو يتحالف مع جهتين لعن الله الثلاثة: السوفييت من جهة، و الايرانيين من جهة تانية
و مع انهيار السوفييت بقيت ايران حليفة قوية لسوريا و خصوصا مع نجاح ثورة الخميني فيها

يللي بدي اوصللو، انو ازا بيوم من الايام كان الحكم العلماني بسوريا شمولي، فهالشي مجرد وراثة من انظمة دينية سابقة حكمت سوريا،

هون بدي اطلب منك توضيح : صلاح جديد هو سبب الجوع و كل شي صار سرقة و نهب منظم لخيرات هالبلد ما الو علاقة ؟؟؟؟؟؟؟؟؟؟؟ (كتار اشارات الاستفهام)

كاتب النص الأصلي : krimbow

و ازا كان حافظ الاسد استفاد من الشمولية، فالرئيس بشار الاسد اتخذ لليوم خطوات جدية و مهمة لانهاء حالة الشمولية، بالشكل او بالمضمون
يعني شكليا ما عاد في شي اسمو عسكرة الطلاب
و ماعاد في شي اسمو قيادة قطرية هيي الآمر الناهي بالبلد
و شوي شوي عم يتقلص دور الاجهزة الامنية بالسياسة
بس يا فادي التخلص من الشمولية بعد كل هالقرون مش امر هين، و رح يطلع كتير ناس يحاربوا هالشي، و اولهم انصار الدين السياسي و ما اكثرهم في بلادنا

و انت اللي قلت شكلياااااااااااااا
يا اخي وين هالتقلص بدور الاجهزة الامنية ,, بالانتخابات الاخيرة مثلا ؟؟؟
كريم .. مارح يتقلص هاد الدور طالما في شي اسمو قانون طوارئ .. فلا تقلي خطوات جدية لانو مافي شي جدي غير هالقانون

عود على بدء
برأيي غياب الديمقراطية كان السبب الرئيسي بانتاج الانظمة الشمولية الاشتراكية و الادينية بس المشكلة اللي نحنا مو حاسين فيها لانو لسا ماجربناها هيي الحكم الديني الشمولي (اللي برأيي رح يرجع)
هلئ اكيد احلاهما مرررررررررر ,,,, بس ياترا ايهما أخف وطأة على ربنا ؟؟؟

[الموسيقار]

طالما كريم هون .. أنا ما رح شكـ اصبعطي بالنص ..حاطط ببطني بطيخة صيفي ..

جد ..

طيبة .. كريم

[blade]

العزيز krimbow and madmax
انت ملاحظ انك عم تكتب وغايب عن بالك انه في شئ اسمه سياسة داخلية وشئ اسمه سياسة خارجية ومابتلاحظ انه الحكومات في اي بلد بالعالم هى سبب ازدهار البلد وعمرانه وغمره بالخيرات او غرابه وفقر اهله بحسب السياسة المتبعة
ولنا عودة

[MadMax]

كاتب النص الأصلي : blade

ولنا عودة

يا ريت بلاها
*
*
*
لأنو شكلك برا الجو

[blade]

كاتب النص الأصلي : madmax

يا ريت بلاها
*
*
*
لأنو شكلك برا الجو

لا جوا الجو
و جوا اكتر مماتتصور

[ظل جيفارا]

حلو كتير عجبني الموضوع بصراحة
بكل بساطة رح اتطرق لموضوع الديمقراطية لإنو من عندي في تأييد كامل للموضوع
بصراحة خيو شعبنا خرج ديمقراطية اول شي الديمقراطية مو مرسوم رئاسي الديمقراطية تعلم واكتساب بمعنى اخر ثقافة
ولحنا لساتنا بعاد جدا عن هالثقافة
بس برأيي لازم الحكومات العربية بشكل عام تبذل مساعي حثيثة - يا الله ما أحلاني وانا عم احكي فصحة- المهم مساعي من قبل الحكومات العربية لتعليم الشعوب على النهج الديمقراطي وهذا ما أرى الحكومات تتحاشاه لسبب أو لاخر
وهذا الوضع لا يحوي سوريا فقط بل كل دول المنطقة وهذا بسبب الجو القلق المتوتر الذي تعيشه منطقتنا وبرايي سبب الجو المتوتر وجود إسرائيل وبرايي لا تطور أبدا وإطلاقا بوجود إسرائيل
وشكرا على الموضوع