الأنذال الثلاثة ...

[hacker]

دعوني إخواني أروي لكم هذه القصة ..

يقولون اجتمع ثلاثة من الأنذال و أخذ كل واحد منهم يتبارى في إظهار نذالته ، وأخذوا يرقبون بعضهم البعض ، من يأتي بسابقة لم يسبقه إليها غيره .



و إذا بهم ينظرون امرأة عجوز، تتكأ على عصى و قد وهن العظم منها وانحنى ظهرها حتى صارت كالعرجون القديم .



فقام واحد منهم إليها ليكسر عصاها ويضربها ضربا مبرحا ثم تركها على الأرض والدماء تسيل منها

فنظر الإثنان إليه و جاء دور الثاني ليبرز نذالته ، وإذا به يقوم إلى العجوز فيضربها ضربا ً مميتاً ثم يجردها من ثيابها و يتركها ملقاة على الأرض..



و جاء دور الثالث والذي ظن النذلان أنه لن يأتي بمثل ما أتيا به!!!



فإذا به يقول : لقد فقتكم في نذالتي !! فالتي فعلتم بها ما فعلتم هي أمي و تركتكم تفعلون ما فعلتم لأبرز نذالتي ..



::::::::::::::::::::::::::::::::::::::::::::::



أحبابي ... أرأيتم هذه الأم و التي تبارى الأنذال في إهانتها و التكالب عليها و هي لا حول لها ولا قوة، إنها صورة أمتنا ضعيفة الجناح، كسيرة الخاطر و قد تكالب عليها الأعداء من كل صوب و حدب ورموها عن قوس واحدة و أبناؤها ينظرونها ويرقبونها و لا يذرفون دمعاً عليها بل تفننوا في ابراز نذالتهم !!



مسكينة هذه الأم التي أصبح أبناءها مُعافاهم و صحيحهم يرضى إهانتها و تجريدها من كل قيمها دون أن يتمعر وجهه، أو ينتفض ألما لما آل إليه حالها.



أمتي ! هل أتى عصر النذالة ليوقع بك؟ أم أنك كالجبال الشم الرواسي،لا تزيدها الرياح و هباتها إلا صلابة وقوة، وما هو إلا عارض قد ألم بها و سرعان ما تتعافى لتبدو أكثر حنكة و أمضى عزماً وأقوى شكيمة ..

ما زلت أرقب يا أمتي أملا دنا دنو الفجر من مهجتي ، و علا علو الشمس فوق كل فرقد.

[sezar]

[krimbow]

دبحتني يا زلمة


لك أخ ع هالأيام أخ .....

ما رح احكي لانو الحكي ما منو نتيجة
و رح يضل كلامك مزبوط غصبن عننا لوقت ما نغير يللي تحنا فيه

[ليل]

هالحكي صحيح.....بس لا تنسى انو بس يكترو الأندال ...يعني الندالة هي ظاهرة اجتماعية.....
يعني ثقافة مجتمعنا هي الأساس
شوف شو اللي وصلنا لهون
وكيف بدنا نغير ثقافتنا

[hacker]

كاتب النص الأصلي : ليل

هالحكي صحيح.....بس لا تنسى انو بس يكترو الأندال ...يعني الندالة هي ظاهرة اجتماعية.....
يعني ثقافة مجتمعنا هي الأساس
شوف شو اللي وصلنا لهون
وكيف بدنا نغير ثقافتنا

ما رح نقدر نغير شي حتلى بعد 100 سنة
تيتي تيتي متل ما رحتي متل ما جيتي
و رح اضل عوجا

[حسون]

الصراحة أخي هكر قصتك مؤثرة و بتبكي الحجر

و مشكور كتير يا غالي

[أبو عبسي]

أية بتبكي الحجر..هاي نكتة و أنا كنت أحكيها من زمان ....فعلا المضحك المبكي....

و لكن أصحيح هناك امة عربية أم أنها أيضا خيال علمي..
يستعملها الحكام و يوافق عليها الشعب....

لربما مثل ما قال النواب...
لربما فعلا ..الشعب و ليس الحاكم أعور.....

أنا ما عاد آمن بالأمة العربية و لا بأي نظريات أو تعدادات في دروس القومية عن تشكلها ..فلا اللغة و لا الأرض و لا التاريخ سيجعلنا أمة.....
نحن لأننا يشر و لأن كل واحد منا هو إنسان سنكون أمة و نودع أمتنا القديمة التي لم تكن سوى اسما نتفرج عليه و ندعي بواسطته أننا قوميون...
و سلام..!

[krimbow]

شكلك كتير مآمن بالامة العربية
لأنو انا من اول ما قريتها فهمت الامة السورية ما فهمت الامة العربية
بس شكلو اللاوعي عندك بعدو متأثر بكتب القومية

و عناصر تشكل الامة العربية عبارة عن صف حكي لا اكتر و لا اقل من يوم ما انحطت

المشكلة انو العالم عم يفكر بشي اسمو العولمة و بعدنا نحنا لسا ما فهمنا راسنا من دك البستان، يعني بعدنا عم نسأل نحنا شو عرب و لا شو

[أبو عبسي]

ما بعرف ليش بدا تكون عن الأمة السورية ..ليش أساسا نحنا أمة؟؟
بعدين أنا حافظ من صغري..أمة عربية واحدة ذات رسالة خالدة
و نحنا متل المنومين مغناطيسا
أنا مآمن بحالي بس و الباقي على الله و عليكن .....
و سلام..!

[krimbow]

نحنا امة و مكترين كمان
و مو حايالله امة

و هي تبع الرسالة يللي قلتها حافظها لوحدك
بعدين الامة مش درس قومية تحفظو

هات لشوف برأيك عمين الحق بالخناقة بين الجزائر و المغرب؟
شو رأيك بالحارث الضاري تبع اليمن؟
كم عزيز راحلك بالتفجيرات الاخيرة يللي عم تصير بالعراق؟

يمكن يكون عندك معلومات عن يللي عم احكي فوق بس مو اكتر من معلومات و انا متأكد انك ما دورت عليها هيي اجت لعندك
اما لما صارت مشكلة الاكراد اكيد عشت معها
و لما صارت مشكلة الحريري كلنا تأثرنا و تسمرنا ع التلفزيونات مع انو انا متأكد انو لا انت و لا انا و لا حدا من معارفنا هوي يللي قتلو
و لما صار تفجير المزة (مع انو حوالينا في بلاد بحالها عم تنفجر بس ما منتأثر) كمان كلنا انخضينا كأنو وقعوا البينايتين تبع مانهاتن عنا

هي هيي الامة حبيب

انا حاسس حالي "ندل" متل مو كاتب الهاكر لأنو الجولان مانو سوري حاليا
و لأنو كيليكيا و ديار بكر وماردين و اسكندرونة صارت تركية

انا حاسس حالي "ندل" مع انو مو انا يللي تخليت عنهم و يللي بيخليني حس اني "ندل" هيي سوريتي (مو قصدي انو سوريتي هيي سبب ندالتي لاء قصدي انو ندالتي جايي لأني ما عم اعمل شي كرمالها)

سماع هالقصة:
واحد من عنا من المنتدى التقى بالماغوط
قام ركض عليه و عانقو
الماغوط: طول بالك شو مفكرني شي قائد
الشب: لك انت اهم من هيك
الماغوط: انا و كل كتاباتي حقنا فرنك
الشب: لاه ...... ليش هيك عم تقول؟؟! انت و كتاباتك ع راسنا كلنا و نحنا منحترمك و منحبك كتير
الماغوط: لكان ليش هيك بعدها البلد؟؟؟؟؟؟؟؟؟؟؟؟!!!!!!!!!! ليش ما رجع شبر من الارض ؟؟؟؟؟
...... انا و كتاباتي حقنا فرنك لوقت ما حدا يبرهنلي العكس

انا من يوم ما سمعت القصة و لهلأ بعدني غاصص... و مقهور كتير .....

بس قلك اني قاعد مكتف؟ لاء يا سيدي ما رح اقعد عاقل و ...... كتر الحكي مابيفيد ...... يلي بيفيد هوي شي تاني

(بعتذر من صاحب قصة الماغوط، اذا حب يعرف عن حالو هوي حر، بس انا مو من حقي احكي مين، و ياريت اذا كان في غلط بالقصة يبعتلي ر.خ لحتى صحح)

[hacker]

ان لله و ان اليه راجعون

[أبو عبسي]

يا أخي مين قال أني مقتنع بالشعار يللي أنا بس حافظو..انا ضد البعثيين و عم حاول وصلك فكرة أنو البعث عم يزرع حالو بالناس منذ الطفولة...و لكن أنا ماعدت آمن بالأمة من كتر ما شفتو من مصايب ...كل اللي حكيتو انت ما دخلو بأنو الواحد منتمي لأمة أو لأ هاي مشاعر إنسانية بتتملك كل شخص .. أنا حاولت أنو شوف الأمة بس اكتسفت أنو الحكي عن الأمة هو مجرد لعبة سياسية بيلعبوها الحكام ....
و سلام..!