ديكتاتورية البروليتاريا أم حكم العمال؟

[حسون]

كاتب النص الأصلي : krimbow

مرحبا حسون
كلامك حلو بس ما استفدنا شي
يعني اذا كان مع العمال مصاري تشتري معامل الراسمالي ليش ما يعملوا مصنع و يضاربوا ع مصنعو؟
المشكلة يا حسون انو العمال ما معا مصاري، يعني منين بدها تجيب تعويض الراسمالي؟
هلأ تجي تقلي بالتقسيط كمان ما رح يمشي الحال لأنو رح يكون التقسيط متل الارباح يللي عم يقبضها، و لا تنسى انو في شي اسمو اهتلاك و عمر الآلة يعني من وقت ما يبلشوا يقسطولو المبلغ لوقت ما يخلص بتكون تختخت الآلات و صارت للكب
يعني بتكونوا خدمتوا للراسمالي خدمة العمر

فكرة التعويض مانها زابطة متل ما وضحتلك فوق

لك حبيب فهام عليي أنا ما عم قول العمال يشتروا المصنع أنا عم بقول الحكومي الاشتراكيي تشتري المعمل و تحط إدارتو بإيد العما و تكون الأرباح فقط للوطن و الشعب

[Joe]

حسون مين قلك انو الحكومة بيكون معها مصاري لتشتري معاملها و مصانعها

قيمة الأملاك بالدولة و المبادلات التجارية "يمكن بيوم واحد فقط" بالدولة بتفوق بأضعاف ميزانية الدولة.. و بركي صاحب المصنع ما بدو يبيع؟

حسون انت فحصك مو بعد شي اسبوع؟ يلعن اخت البروليتاريا خلص فحصك اول شي و تعى لسا محضرلك مفاجآت

[yass]

أبو نهلة شكرا عالمقتطفات .....

السؤال لساتو خاي من هم العمال؟
شيلك من التنظير هلأ ( ما عم قول انك عم تنظر شريك... عم احكي بشكل عام !!) ....

هلأ الحكي بالمشرمحي : العامل بس أبو شاكوش و مفتاح رنش ... يعني أنا بعد عمر طويل بس أخلص دراسة و بدي اشتغل شو وضعي ؟؟ رأسمالي؟

المبادئ الاشتراكية كلها حلوة , وواقعية , و لهالسبب أنا مؤمن بها, عم يصير أنو شغلات واضحة عم يتعفس بالتطبيق ( هلأ بيقولو شو عم يحكي هالأهبل؟؟ أي صح عم بخبص)...

المعنى : لما نقول الحكم للعمال : بدي تعريف واقعي للعمال... اذا اعتبرنا العمال هم الناس اللي عملهم هو مصدر رزقهم ( هاد مفهومي للعمال) فهالكلام حلو كتير, الكلمة للعامل لأنو هوي اللي عم ياكل هوا..

أما منطق أنو طبقة عاملة=اجباري طبقة فقيرة .......... أي مو معقول هالحكي, لأنو اذا بدك تنطلق من هالمبدأ كل العمال راح يظلو فقراء للأبد ............ لأنو هيك تكون شيوعية... لأ خاي !


بعد كل هالمونولوج أنا متأكد أنو مافي حدا فهم علي ........... راح احاول اشرح فكرتي بشكل أفضل لاحقا !!

[عاشق من فلسطين]

لا أنا فهمت عليك أبومارل وأنا ايماني بالاشتراكية قريب كتير من هالحكي .. بس ما عم بعرف عبر .. مشكور كتير ..

[حسون]

كاتب النص الأصلي : Joe

حسون مين قلك انو الحكومة بيكون معها مصاري لتشتري معاملها و مصانعها

قيمة الأملاك بالدولة و المبادلات التجارية "يمكن بيوم واحد فقط" بالدولة بتفوق بأضعاف ميزانية الدولة.. و بركي صاحب المصنع ما بدو يبيع؟

حسون انت فحصك مو بعد شي اسبوع؟ يلعن اخت البروليتاريا خلص فحصك اول شي و تعى لسا محضرلك مفاجآت

هلأ منشان أنو الدوليما معامصاري بقا هادا حسب الدولي منشان هيك لازم تكون دولي رأسماليي متطورة لتكون غنيي لتقدر لما تتحول لدولي اشتراكيي تشتري أملاك أصحاب المعامل
و بالنسبي لصاحب المعمل يلي ما بدو يبيع فما عكيفو لأنو القانون بالنظام الاشتراكي بيمنع الملكيي الخاصة و بالتالي بدو يبيع غصب عنو متل ما المجرم بروح عالسجن غصب عنو لأنو الرأسماليي سرقة و السرقة جريمي و المجرم لازم يتعاقب

[krimbow]

حسون مرحبا

هلأ منشان أنو الدوليما معامصاري بقا هادا حسب الدولي منشان هيك لازم تكون دولي رأسماليي متطورة لتكون غنيي لتقدر لما تتحول لدولي اشتراكيي تشتري أملاك أصحاب المعامل

هالحكي كتير حلو بس المشكلة انو اذا الدولة متل ما عم تقول غنية ليش ما تبني معامل جديدة و تضارب ع الراسمالي يعني وين المشكلة ؟
ضروري انو تجبرو ع البيع؟
أديش اقوى انو الدولة تعمل معامل للعمال يقوموا يبطلوا يشتغلوا عند الراسماليين و ساعتها بيفلسوا

و بالتالي بدو يبيع غصب عنو متل ما المجرم بروح عالسجن غصب عنو لأنو الرأسماليي سرقة و السرقة جريمي و المجرم لازم يتعاقب

خليني افترض المتل التالي
اذا انا كنت شاطر (بلشت من الصفر) و اخدت قرض من شي بنك و عملت معمل و صرت اشتغل ليل مع نهار و بالآخر صار معي مصاري كتير و كنت دايما منيح مع العمال يللي عندي بالمعمل تبعي (لحتى يمشولي الشغل مزبوط)
ممكن تدلني وين الجريمة يللي ارتكبتها بنظرك؟
هلأ صارت الشطارة و التفاني بالعمل جريمة؟
اي لا تستغرب لكان كيف انهارت الانظمة الاشتراكية كلها و رح تضل تنهار (هي اذا افترضنا انو رح ترجع تنبنى)

الفكرة انو الفرد او مجموعة من الافراد بيقدروا يتفقوا و يعملوا شغل اكتر بكتير من الدولة لأنو الدولة حتما بدو يكون فيها نظام بيروقراطي
مشان هيك الدول الراسمالية لحتى تقضي ع البيروقراطية تركت الامور الاقتصادية (إلا بالحالات الاستثنائية) بدون ما تدّخل فيها

[حسون]

كاتب النص الأصلي : krimbow

حسون مرحبا

هالحكي كتير حلو بس المشكلة انو اذا الدولة متل ما عم تقول غنية ليش ما تبني معامل جديدة و تضارب ع الراسمالي يعني وين المشكلة ؟
ضروري انو تجبرو ع البيع؟
أديش اقوى انو الدولة تعمل معامل للعمال يقوموا يبطلوا يشتغلوا عند الراسماليين و ساعتها بيفلسوا

خليني افترض المتل التالي
اذا انا كنت شاطر (بلشت من الصفر) و اخدت قرض من شي بنك و عملت معمل و صرت اشتغل ليل مع نهار و بالآخر صار معي مصاري كتير و كنت دايما منيح مع العمال يللي عندي بالمعمل تبعي (لحتى يمشولي الشغل مزبوط)
ممكن تدلني وين الجريمة يللي ارتكبتها بنظرك؟
هلأ صارت الشطارة و التفاني بالعمل جريمة؟
اي لا تستغرب لكان كيف انهارت الانظمة الاشتراكية كلها و رح تضل تنهار (هي اذا افترضنا انو رح ترجع تنبنى)

الفكرة انو الفرد او مجموعة من الافراد بيقدروا يتفقوا و يعملوا شغل اكتر بكتير من الدولة لأنو الدولة حتما بدو يكون فيها نظام بيروقراطي
مشان هيك الدول الراسمالية لحتى تقضي ع البيروقراطية تركت الامور الاقتصادية (إلا بالحالات الاستثنائية) بدون ما تدّخل فيها

خيو منشان سؤالك الأول فالفكرة بالاشتراكييما هي أنو تخلي الرأسمالي يأفلس الفكرة هي أخد المعمل منو و إعطاؤه للعماللإيقاف سرق عرق العمال
أما منشان السؤال التاني فبكفي أنك تقبض أكتر من العامليلي عم بيتعب أكتر منك لتكون عم بتسرقو و متل ما سبق و قلت السرقة جريمي

[krimbow]

خيو منشان سؤالك الأول فالفكرة بالاشتراكييما هي أنو تخلي الرأسمالي يأفلس الفكرة هي أخد المعمل منو و إعطاؤه للعماللإيقاف سرق عرق العمال

طيب شو بدو يعمل بالمصاري يللي رح تعطي ياهم الدولة؟
يعني كتر خير الدولة يللي ما خلتو يسرق بس شو بيعمل بعدين ؟ بيحطهم بالبنك و بيتحول من رأسمالي لمرابي؟

فبكفي أنك تقبض أكتر من العامليلي عم بيتعب أكتر منك لتكون عم بتسرقو و متل ما سبق و قلت السرقة جريمي

العامل عم يحط برغي او عم يلحم شي شغلة و انا يللي عم اتعب كل الوقت لحتى دور ع سوق بيع فيه منتجات المعمل بيكون هوي عم يتعب اكتر
يعني لأنو اسمو عامل بيكون تعيب اكتر مني؟

بعدين لا تنسى انو اذا فلس المعمل تبعي انا رح اقعد بالبيت بلا شغل اما العامل يللي عم يشتغل عندي بكل بساطة رح يشتغل عند غيري

هي لوحدها بتخليني دايما فكر انو جمع شوية مصاري لليوم الاسود

شوف لقلك انا شبه مدير بمكتب و تحت ايدي 4 موظفين
بس مشان ريح ضميري رح طالع فرمان عين كل واحد فيهم مدير شكل و رح اعتبر حالي الموظف الوحيد يللي بالمكتب

بعدين مرة مرضت (بتصير باحسن العائلات) و انبطحت بالفرشة يومين
تالت يوم نزلت ع الشغل لقيت القيامة قايمة و الزباين عم يولولوا و الموظفين فايتين بميت حيط
و اضطريت ضل يومين عم زبط يللي خربوه
قصدي انو لو ما كنت بشارك صاحب المكتب بالارباح كنت ما رح اهتم بالشغل كتير و رح اشتغل من قفا ايدي متل ما عم يشتغلوا موظفين القطاع العام
بس مو معقول خلي موظف شغلتو يرد ع التلفون ما بيعرف يحكي كلمتين مع الزباين يشاركني تعبي
و لو كان عندي وقت للشغلات البلا طعمة يللي عم يعملها هوي كنت اصلا ما وظفتو

[حسون]

كاتب النص الأصلي : krimbow

طيب شو بدو يعمل بالمصاري يللي رح تعطي ياهم الدولة؟
يعني كتر خير الدولة يللي ما خلتو يسرق بس شو بيعمل بعدين ؟ بيحطهم بالبنك و بيتحول من رأسمالي لمرابي؟

العامل عم يحط برغي او عم يلحم شي شغلة و انا يللي عم اتعب كل الوقت لحتى دور ع سوق بيع فيه منتجات المعمل بيكون هوي عم يتعب اكتر
يعني لأنو اسمو عامل بيكون تعيب اكتر مني؟

منشان سؤالك الأول برأيي أنو الرأسمالي بهيك حالي لازم يسافر ليشوف دولي رأسماليي تحواه
و منشان سؤالك التاني فالعامل ما عم بيحط برغي العامل عم بموت ميت موتي كل يوم منشان إبن ال###### الرأسمالي يعيش مبسوط


و بقيت الحكي يعني لا تزعل حسيتو حكي ما بودي و لا بيجيب يعني حكي فاضي و ما رح رد عليه

[Joe]

اذا بدك تجي على الحقيقة... فالرأسمالي بالنهاية هو موظف عند موظفيه.. و ليس عند موظفيه فقط.. بل موظف عند كل الشعب.. و كل من يشتري و يستخدم منتجاته و كل من يعمل معه

لانه في اللحظة التي تقرر فيها "الموضة" ان هذا المنتج لم يعد جيدا و لم يعد جميلا... و في اللحظة التي يدخل فيها رأسمالي جديد على السوق... فعلى الرأسمالي أن يبدأ بالبحث عن منتج جديد.. و عن تكنولوجيا جديدة أسرع و أخف و أجمل لترضيك و لترضي غيرك. قد ينخرب بيت الرأسمالي بين يوم و ليلة.. و لكن العامل بيحمل حالو و يعمل في مصنع الرأسمالي المنافس

الرأسمالية تعني ان يتنافس الرأسماليون في السوق لإنتاج أفضل المنتوجات و أرخصها سعرا.. المنافسة تدمر الربح... عدو الرأسمالية اللدود هو روح الرأسمالية... و هو بنفس الوقت ما يدفعها لمزيد من الإنتاج و التطوير.

هناك شخص سيجلس كل يوم ليتخذ قرارات.. عن كمية الإنتاج .. عن نوعيتها.. عن التسويق.. عن الأجور.. عن التكاليف.. هذه الأسئلة اليومية الصعبة لن يجاوب عليها بصدق و اهتمام سوى صاحب العمل الحقيقي... لأنه هناك عامل مهم جدا جدا يلعب في هذا الموضوع.. هو عامل المخاطرة... الرأسمالي يوازن بين المخاطرة المتعلقة باتخاذ القرار الفلاني.. و بين الفائدة الناتجة عن هذا القرار... بينما لو كان مدير المصنع هو الدولة.. فما هي العوامل التي تجعل هذا المدير يسهر الليالي هو و طاقمه و شركاؤه حتى يختاروا القرار الصحيح؟؟ أين هي الخطورة التي يواجهوها التي ستحفزهم على اتخاذ افضل قرار؟ كل ما عليه هو إصدار قرار و يوقع عليه شخص اخر أعلى منه ثم يوقع عليه شخص اخر و هذه هي القصة.. و اذا طلع القرار فاشل تفلس الدولة و نأتي إلى آخر العام و نلاحظ عجز في الميزانية و نبدأ بملاحقة السارقين و المدراء الفاشلين!

يا حسون كنظام اقتصادي, النظام الشيوعي و الإشتراكي فاشل و شبعان فشل... لا تحاول

أصلا من قال ان العمال يموتون كل يوم في المعامل؟؟


العمال الوحيدون الذي نسمع بأنهم يموتون هم العمال في مناجم روسيا و الصين... حيث الاستهتار... حيث يوقع المدير على ورقة ثم يعطيها لغيره ليوقع عليها و ينزل العامل إلى المنجم... و بعد ان يمت و يختنق و بعد سنة كاملة من التحقيق عن من وقع على هذه الورقة و من بصم على تلك الورقة... يمكن ان تعثر على المسؤول المستهتر... و الله يستر ما يطلع شي مسؤول من أصحاب النفوذ عندها تعال و حصل حقك يا حسون

بينما المعامل الحديثة و الشركات الحديثة تتبع اخر القوانين المتعلقة بالأمان و النظافة و الحداثة..

ببساطة العامل الذي لا يشعر بالراحة و هو يعمل لهذا الرأسمالي يمكنه الذهاب إلى شخص آخر... بالنهاية سيخسر الرأسمالي عماله و ستكون إحدى أولوياته هي خلق جو عمالي نظيف و إبداعي و آمن و مريح... هذه جزء من المنافسة. كما يتنافس الرأسماليون على المنتج الأفضل... أيضا يتنافسون على جوائز أفضل مكان و بيئة عمل و أفضل معاملة للعمال... و عندما ياتي رأسمالي جديد يمكنه ان يدفع أكثر للعامل على الساعة... فسترى العمال يتركون الشركة القديمة و يذهبون إلى الجديدة... و من الخاسر؟ الرأسمالي

فما تخاف على العمال... في الدول الرأسمالية المتطورة حيث يوجد حرية الصحافة و الإعلام القوي الصريح.. لا يوجد أي شركة تريد ان تنشح عرضها الصحافة انها تستعبد عمالها او تدعهم يموتون!!... هذا كلام أطفال



اللهم أبعد الشيوعية عن بلادنا يا رب و فتح عقل شبابنا حتى يفهموا مصلحتهم و يتركوا الأفكار الستالينية القديمة

[حسون]

أنك تقلي أنو ألرأسمالي موظف عند عمالو هوي عبارة عن تخبييييييص
و أنا لما قلت العامل عم بموت ما قصدي عم بموت يعني عم بوقف قلبو قصدي أنو عم يتعب كتير منشان المعمل
و أنا ماني استاليني
أو المشكلي أنو الله ما رح يحققلك طلبك لأنو ما في الله

[Joe]

اي شو يعني اذا عم يتعب... شو عم يشتغل ببلاش لما كيف؟ كل الناس عم تتعب و كل واحد بيحصل حسب دراسته و ذكاه... هاي قمة العدل الإجتماعي

[HashtNasht]

اللهم أبعد الشيوعية عن بلادنا يا رب و فتح عقل شبابنا حتى يفهموا مصلحتهم و يتركوا الأفكار الستالينية القديمة

في مثل بقول : الشيوعي هو الإنسلن الذي فقد الأمل في أن يصبح غنياً

جو...انت عندك أمل أنك تكون غني؟.
حسون....بتحب تكون عني؟؟

سؤال يستحق الطرح :P

[حسون]

كاتب النص الأصلي : Joe

اي شو يعني اذا عم يتعب... شو عم يشتغل ببلاش لما كيف؟ كل الناس عم تتعب و كل واحد بيحصل حسب دراسته و ذكاه... هاي قمة العدل الإجتماعي

العامل عم بيتعب أكتر من الرأسمالي بس عم بيقبض أقل منو
و بعدين لا تقلي دراستو و ذكاه في رأسماليين ما بيعرفوا يكتبوا أسمون و عم بيقبضوا أكتر من المهندسيين المتعلمين يلي عندون بالمصنع

[Joe]

كاتب النص الأصلي : حسون

العامل عم بيتعب أكتر من الرأسمالي بس عم بيقبض أقل منو
و بعدين لا تقلي دراستو و ذكاه في رأسماليين ما بيعرفوا يكتبوا أسمون و عم بيقبضوا أكتر من المهندسيين المتعلمين يلي عندون بالمصنع

حسون مجددا كل واحد بيتعب حسب ما تعب بأول عمره.. اذا كان رافع رجليه وقت المدرسة أكيد ما رح يلاقي شغل كمهندس او طبيب و رح يشتغل عامل بمصنع او بمنجم.. و اذا كان شاطر ممكن يحصل رأس مال و يشتري أدوات و يفتح ورشة او مصنع.. هيك الشغلة بتبلش

انا ماني عم احكي عن إقطاعيين العصور الوسطى اذا قصدك على هدول إنهم ما بيعرفوا يكتبوا اسمون... عم بحكي عن اليوم الحالي و الرأسمالية المتطورة..

[حسون]

كاتب النص الأصلي : Joe

حسون مجددا كل واحد بيتعب حسب ما تعب بأول عمره.. اذا كان رافع رجليه وقت المدرسة أكيد ما رح يلاقي شغل كمهندس او طبيب و رح يشتغل عامل بمصنع او بمنجم.. و اذا كان شاطر ممكن يحصل رأس مال و يشتري أدوات و يفتح ورشة او مصنع.. هيك الشغلة بتبلش

انا ماني عم احكي عن إقطاعيين العصور الوسطى اذا قصدك على هدول إنهم ما بيعرفوا يكتبوا اسمون... عم بحكي عن اليوم الحالي و الرأسمالية المتطورة..

أنا ماني ضد أنو الدكتور و المهندس يقبضوا أكتر من العامل
بس أنا ضد أنو صاحب المصنع يقبض أكتر من العامل
و بعدين أصحاب المصانع يمكن ما يكونوا بيعرفوا يكتبوا أسمون بس هني أصحاب مصانع

[Joe]

الإعلان العالمي لحقوق الإنسان:

المادة 17

( 1 ) لكل شخص حق التملك بمفرده أو بالاشتراك مع غيره.

( 2 ) لا يجوز تجريد أحد من ملكه تعسفاً.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

أولا تعلم الكتابة ليس شرطا للملكية

ثم انت حسون اعتراضك على مين؟ على الرأسمالية و الاقطاعية ايام العثمانيين؟ لما على الرأسمالية الأمريكية و أصحاب الشركات الكبرى؟ هدول اكيد بيعرفوا يكتبوا و كتير شغلات تانية كمان !

يعني منفهم انو انت اعتراضك بس على اذا كان الرأسمالي اقل ثقافة و فهم من المهندس؟

اذا هيك فكويس.. لأنو أصلا هيك رأسمالي رح يفشل و رح تفلس الشركة تبعو.. لأنو المفروض يكون دائما مطلع على الشغل و عم يتابع و يدرس أمور الشغل بشكل يومي.. عادة بيشتغل هوي كمان بالمصنع من الصبح للمسا.. بس كل واحد بمجاله

[حسون]

كاتب النص الأصلي : Joe

الإعلان العالمي لحقوق الإنسان:

المادة 17

( 1 ) لكل شخص حق التملك بمفرده أو بالاشتراك مع غيره.

( 2 ) لا يجوز تجريد أحد من ملكه تعسفاً.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

أولا تعلم الكتابة ليس شرطا للملكية

ثم انت حسون اعتراضك على مين؟ على الرأسمالية و الاقطاعية ايام العثمانيين؟ لما على الرأسمالية الأمريكية و أصحاب الشركات الكبرى؟ هدول اكيد بيعرفوا يكتبوا و كتير شغلات تانية كمان !

يعني منفهم انو انت اعتراضك بس على اذا كان الرأسمالي اقل ثقافة و فهم من المهندس؟

اذا هيك فكويس.. لأنو أصلا هيك رأسمالي رح يفشل و رح تفلس الشركة تبعو.. لأنو المفروض يكون دائما مطلع على الشغل و عم يتابع و يدرس أمور الشغل بشكل يومي.. عادة بيشتغل هوي كمان بالمصنع من الصبح للمسا.. بس كل واحد بمجاله

أول شي منشان الإعلان العالمي لحقوق الإنسان فأنا متأكد أنو يلي كتبو ما هوي الله لأنو ما في الله
يعني يمكن يكون غلطان
و أنا اعتراضي حتى عالرأسماليي الحديثي و لهلأ في أصحاب شركات جاهليين
و بعدين حتى لو الرأسمالي متعلم فهوي مانو عم بيتعب لأنو ما عم بيعمل شي غير سرقة عرق العمال