لم يعد يحبها........مـــاذا يفـــعل؟!!!

Alshami · 01/12/2006

لم يعد يحبها
نعم لم يعد يطيق النظر إليها ولا يدري لماذا .... أصبح يرى أيا مرأة أجمل منها وأصبح يظن أن أي إمراة انيقة ً أكثر منها .... لايحب الجلوس معها فهو غالبا ً في مكتبه وهي اغلب وقتها تشاهد التلفاز وحدها ... أصبح يشعر بملل ٍ فظيع منها ..... ولكن كل هذا كان يكتمه في صدره وأحيانا ينفجر بالقول لها أنا لااحبك لم أعد أطيق العيش معك ..... رغم انهم لم يمضي على زواجهم أكثر من عام .... وعلى الرغم من انه عارض أهله في زواجه منها لأنها تتكبره قليلا ً ...
هذا ماحدثني به صديقي البارحة .... وانا استمع إليه بذهول ....!!!!!!!!!!!!
يريد أن يتركها الآن ولكنه لايستطيع ان يقول لها هذا فالذي يمنعه كما قال هم أهلها لأنهم إناس ٌ طيبون للغايه ويقسم أنه لم يرى منهم إلا كل خير ومحبة ومودة ..... وأيضا ً أهله ماذا سيقولون له ؟ يخاف من لومهم.....
وبعدما سألته بضعة أسئلة تبين لي أنه كان يحب فتاة قبل أن يتجوز وقد سافرت فجأة ولم يعد يعرف عن أخبارها أي شيء ومنذ أيام قابلها صدفة وعاد حنين الماضي إليه يجذبه إليها بقوه غريبة.....
بدءت إستمع إليه بهدوء ولا أجد له الإجابة الشافيه سوى أن أقول له لا تتركها (أي زوجتك) فهذا هو نصيبك .... لكنه لم يقتنع مني مع انني أقرب الناس إليه وأعرف كل شيء عنه ....
وصل لمرحلة يحس أنه يكرهها كثيرا ً ولم يعد يطيق العيش معها ...
ما العمل؟ ماذا يفعل؟

دمتم بود

Odell · 01/12/2006

مزعج الشعور و اكيد اغلبنا مختبرو

لك صحيح ليش هيك بصير

بعد التوهج و انفجار المشاعر و الدفا و كل الحب

بيجي يوم ,,, زهقااااااان ,,, ندمااان ,,, غلطان

الله يعينو ,,,شو بدي قوول

Alshami · 01/12/2006

اقتباس:

كاتب النص الأصلي : Odell

مزعج الشعور و اكيد اغلبنا مختبرو

لك صحيح ليش هيك بصير

بعد التوهج و انفجار المشاعر و الدفا و كل الحب

بيجي يوم ,,, زهقااااااان ,,, ندمااان ,,, غلطان

الله يعينو ,,,شو بدي قوول

شكرا لمرورك الكريم

مش هيك بيكون الحكي · 01/12/2006

شكرا عالموضوع بس شوف
اولا بغض النظر عن حبيبتو التانية انا برايي انو ما كان لازم انو يتجوز وحدة اكبر منو
تانيا ولانو كان بيحب قبل ما يتجوز فهو اتجوز برايي تحت ضغط االرغبة الجنسية فقط
تالتا ولكل ما سبق ذكره فاني اضم صوتي لصوتك وانصحه بالطلاق قبل ان يصبح لديه اولاد

Alshami · 01/12/2006

اقتباس:

كاتب النص الأصلي : مش هيك بيكون الحكي

شكرا عالموضوع بس شوف
اولا بغض النظر عن حبيبتو التانية انا برايي انو ما كان لازم انو يتجوز وحدة اكبر منو
تانيا ولانو كان بيحب قبل ما يتجوز فهو اتجوز برايي تحت ضغط االرغبة الجنسية فقط
تالتا ولكل ما سبق ذكره فاني اضم صوتي لصوتك وانصحه بالطلاق قبل ان يصبح لديه اولاد

يمكن صح اللي قلتو

بس الطلاق كتير سيء

مش هيك بيكون الحكي · 01/12/2006

اقتباس:

كاتب النص الأصلي : Alshami

يمكن صح اللي قلتو

بس الطلاق كتير سيء

انا بشوف الطلاق افضل السيء في هذه المسالة
لان الاسوء من الطلاق لا يمكن التنبأ به

شيماء · 01/12/2006

والله ده حرام لانه كده هيظلم زوجته معاه واللي ممكن تكون بتحبه جدا ولازم يعرف انه لو ضيعها مش هترجع تاني وبعدين ممكن لما يرتيط بحبيبته ما يلاقيش السعاده اللي هو عايزها قول لصاحبك انه لازم يدور على اي حاجه كويسه في زوجته لان اكيد فيها حاجات كويسه هو مش عارفها
بس لو الموضوع استمر يبق الطلاق هو الحل لانه كده بيظلم مراته معاه وحرام بجد انها تعيش مخدوعه والله يصبرها

Odell · 01/12/2006

لالالا انا ضد الطلاق ,, يصبر بركي الله بفرجها

مش هيك بيكون الحكي · 01/12/2006

يا عيني عم بيقلك اكبر منو
وما بيحبها لأ ومالل منها كمان
وبعدو على حبو القديم
شو رح ينفع معو الصبر

بنوتة حلب · 01/12/2006

انو عنجد حاله بتحير
حاليا ماعندي جواب شامل وكامل
بس مبدئيا
اذا عرض الزواج على الحبيبة السابقة بتقبل فيه او لاء
بعتقد اذا رفضت فا يمكن تنحل الامور
فا اذا بتعرف البنت انت فيك تعمل هالشي وتقلاا انو متجوز حاليا
ومابيهون عليكي ينخرب بيتوا

على كلن الي رجعه
بكون فكرت بشي حل

الهوى سلطان · 01/12/2006

في هذه الحالة سنجد أن المحصلة النهائية أن يصل الجميع إلى حالة من الانكفاء والانطواء على الذات والفراق ،
لقد ثبت لي من خلال حياتي العملية بأن الكثير من الناس لا يتقنون فن (تجاوز المرحلة) وترك الفتح يأتي من الله ، وهذه ليست دعوة للتواكل أو الإيمان بالجبرية ، لكنها دعوة لترك ما لله لله ، ما لا تستطيع أن تغيره فاتركه للمولى.

بنظري هذه مشكلة معقدة نوعا ما ... لكن هناك عدة اسئلة يجب ان نطرحها عليك اخي الشامي قبل انو نوكل
امر هذا الرجل وزوجته لله
كما تبين لي ان زوجته تبكره سنا ؟؟ اهلو عارضو انو يتزوجها ...
لماذا تزوجها ... هل انتقاما من محبوبته السابقة ام كي ينساها ... ؟؟
هل زوجته الحالية ثرية ؟ اي تزوجها عن طمع مثلا ... ؟
سيدي احنا شباب وعارفين بعض يعني ما في شب بيتنازل عن شغلة العمر غير لما يكون في سبب صح ؟

احد الاسباب الرئيسة هي ثراء الزوجة ... او عقم الرجل مثلا ... او اشيااء كثيرة يطول الشرح عنها ...

او كما قال احد الاخوان وفي كلامه نوع كبير من المنطق والواقعية انه تزوجها بسبب نزوة جنسية مثلا ؟؟

ارجو اخي الشامي بما انك انت اقرب واحد لهذه المشكلة ان تضع لنا الجزء الناقص من الموضوع
حتى نستطيع وبناء على هذا الجزء ان نجد مخرج لهذه المشكلة
الحقيقة مشكلة اصبحت داخل كل بيت عربي للاسف

تحياتي لك

Alshami · 01/12/2006

اقتباس:

كاتب النص الأصلي : مش هيك بيكون الحكي

انا بشوف الطلاق افضل السيء في هذه المسالة
لان الاسوء من الطلاق لا يمكن التنبأ به

والله كلامك منطقي

شكرا لك

Alshami · 01/12/2006

اقتباس:

كاتب النص الأصلي : شيماء

والله ده حرام لانه كده هيظلم زوجته معاه واللي ممكن تكون بتحبه جدا ولازم يعرف انه لو ضيعها مش هترجع تاني وبعدين ممكن لما يرتيط بحبيبته ما يلاقيش السعاده اللي هو عايزها قول لصاحبك انه لازم يدور على اي حاجه كويسه في زوجته لان اكيد فيها حاجات كويسه هو مش عارفها
بس لو الموضوع استمر يبق الطلاق هو الحل لانه كده بيظلم مراته معاه وحرام بجد انها تعيش مخدوعه والله يصبرها

هو واقع بين نارين هون المشكله هو ماكان بيكره مرتو وحبها مشان هيك تجوزها بس هيك الله راد

Alshami · 01/12/2006

اقتباس:

كاتب النص الأصلي : Odell

لالالا انا ضد الطلاق ,, يصبر بركي الله بفرجها

نرجو الله
لعل الصبر يجيب نتيجه

Alshami · 01/12/2006

اقتباس:

كاتب النص الأصلي : بنوتة حلب

انو عنجد حاله بتحير
حاليا ماعندي جواب شامل وكامل
بس مبدئيا
اذا عرض الزواج على الحبيبة السابقة بتقبل فيه او لاء
بعتقد اذا رفضت فا يمكن تنحل الامور
فا اذا بتعرف البنت انت فيك تعمل هالشي وتقلاا انو متجوز حاليا
ومابيهون عليكي ينخرب بيتوا

على كلن الي رجعه
بكون فكرت بشي حل

هي عرضت عليه مو هو هون المشكله هو قال ماكان نسيانها بس ماكان بيعرف كيف طريقة التواصل معها بعد ماسافرت وانئطعت عنو فجأة بس مع ذلك ضل يذكرها ...
وانا بعرف البنت اللي عم يحكي عنها .... بس شو ممكن يكون موقفي قدامها اذا بدي قلها مابعرف ....

Alshami · 01/12/2006

اقتباس:

كاتب النص الأصلي : الهوى سلطان

في هذه الحالة سنجد أن المحصلة النهائية أن يصل الجميع إلى حالة من الانكفاء والانطواء على الذات والفراق ،

لقد ثبت لي من خلال حياتي العملية بأن الكثير من الناس لا يتقنون فن (تجاوز المرحلة) وترك الفتح يأتي من الله ، وهذه ليست دعوة للتواكل أو الإيمان بالجبرية ، لكنها دعوة لترك ما لله لله ، ما لا تستطيع أن تغيره فاتركه للمولى.

بنظري هذه مشكلة معقدة نوعا ما ... لكن هناك عدة اسئلة يجب ان نطرحها عليك اخي الشامي قبل انو نوكل
امر هذا الرجل وزوجته لله
كما تبين لي ان زوجته تبكره سنا ؟؟ اهلو عارضو انو يتزوجها ...
لماذا تزوجها ... هل انتقاما من محبوبته السابقة ام كي ينساها ... ؟؟
هل زوجته الحالية ثرية ؟ اي تزوجها عن طمع مثلا ... ؟
سيدي احنا شباب وعارفين بعض يعني ما في شب بيتنازل عن شغلة العمر غير لما يكون في سبب صح ؟

احد الاسباب الرئيسة هي ثراء الزوجة ... او عقم الرجل مثلا ... او اشيااء كثيرة يطول الشرح عنها ...

او كما قال احد الاخوان وفي كلامه نوع كبير من المنطق والواقعية انه تزوجها بسبب نزوة جنسية مثلا ؟؟

ارجو اخي الشامي بما انك انت اقرب واحد لهذه المشكلة ان تضع لنا الجزء الناقص من الموضوع
حتى نستطيع وبناء على هذا الجزء ان نجد مخرج لهذه المشكلة
الحقيقة مشكلة اصبحت داخل كل بيت عربي للاسف

تحياتي لك

هي تكبره بسنتين وتزوجها إعجابا ً بها وحبا ً لها كما كل من حوله يعرف لانه عاش وحيدا ً(او بدون حبيبه) مايقارب الثلاثة أعوام ... وحتى لقائهم كان بالصدفه البحته ....
هي ثرية نوعا ً ما ولكن هو أيضا ً وحتى هو من عائلة عريقة أكثر منها (يعني عليتو معروفه كتير)
عقم مابظن انو معو لانو بعرف عنو اصغر التفاصيل انا (صديقي من شي 15 سنه)
نزوة جنسيه مابظن لانو هو انسان ملتزم (ولو بدو بيصحلو )

امرأة من ورق · 01/12/2006

لم يعد يحبها؟؟؟ بصراحة حسيت العنوان مو كتير مناسب للموضوع وبظن كان الافضل لو كان اسم الموضوع تزوجها وهو يظن انه يحبها او على امل ان يحبها بعد الزواج ثم اتضح انه لم ولن يحبها

وبرأيي انو زواجه منها كان مجرد ملأ لفراغ عاطفي تركه سفر الحبيبة الاولى وهو فعلا ماحب زوجته ابدا يعني ماهو نزوة جنسية متل ماحكو الشباب بس كمان حتما ماكان حب لانو لو حبها حب حقيقي ماكان ممكن يحن لحبيبته الاولى بهي السرعة

هلأ هي برأيي سبب المشكلة الاساسي وبالتالي الحق على صديقك مع انو اكيد مو قاصد يغلط هيك غلطة ويظلم زوجته معو ...... بس انو صارت الشغلة وخلص...... ومنشان الحل برأيي يصارح زوجته بالوضع مع انها صعبة بس بتضل اسهل واقل ظلم من انو يكون عايش معها ببيت واحد وتاركها لحالها وكأنها غريبة وهيي حتما حاسة بهالبعد ويمكن عم تلوم حالها انها قصرت او شي من هاد

المهم متل ماقلت برأيي انو يصارح زوجته ويتناقشو بالحل ويترك الها الخيار بالقرار يعني هيي تختار الاستمرار بهاد الحال او يتم طلاق

الهوى سلطان · 01/12/2006

اقتباس:

كاتب النص الأصلي : امرأة من ورق

لم يعد يحبها؟؟؟ بصراحة حسيت العنوان مو كتير مناسب للموضوع وبظن كان الافضل لو كان اسم الموضوع تزوجها وهو يظن انه يحبها او على امل ان يحبها بعد الزواج ثم اتضح انه لم ولن يحبها

وبرأيي انو زواجه منها كان مجرد ملأ لفراغ عاطفي تركه سفر الحبيبة الاولى وهو فعلا ماحب زوجته ابدا يعني ماهو نزوة جنسية متل ماحكو الشباب بس كمان حتما ماكان حب لانو لو حبها حب حقيقي ماكان ممكن يحن لحبيبته الاولى بهي السرعة

هلأ هي برأيي سبب المشكلة الاساسي وبالتالي الحق على صديقك مع انو اكيد مو قاصد يغلط هيك غلطة ويظلم زوجته معو ...... بس انو صارت الشغلة وخلص...... ومنشان الحل برأيي يصارح زوجته بالوضع مع انها صعبة بس بتضل اسهل واقل ظلم من انو يكون عايش معها ببيت واحد وتاركها لحالها وكأنها غريبة وهيي حتما حاسة بهالبعد ويمكن عم تلوم حالها انها قصرت او شي من هاد

المهم متل ماقلت برأيي انو يصارح زوجته ويتناقشو بالحل ويترك الها الخيار بالقرار يعني هيي تختار الاستمرار بهاد الحال او يتم طلاق

بما انك اخي الشامي فندت كل شي سالتك يااه بتوقع اكثر كلام قريب للواقع هو كلام امراة من ورق
يعني شعرت انها حطت ايدها على الجرح ومسكت طرف كبير من المشكلة وانا بصراحة تحليلها كتير منطقي
وجميل وبأيدها وبشرفني اني امشي بناءا على كلامها

اترك لها الموضوع والنقاش واكتفي بالمتابعة حتى نصل الى حل جذري