ما هو مصير المعتقل السياسي؟؟؟

[الموسيقار]

قلتللكـ أنو مو دفاعا ً عن ستالين .. من الأول .. لأنو بعرف أنو رح تحكي هالحكي ..



أنا قصدي عالمبدأ ..
أنو الدول الي هلئ في مصافي الدول الكبرى .. مرت بفترات قمعية .. رغم انو شعبها كان في قمة حضارته الاجتماعية ..


فما بالكــ ونحن اللي عايشين تحت صرماية تخلفنا .. //قبل نظامنا //

سؤال بسيط ................................. بتمنى تجاوبي عليها بالتحديد

كيف بدنا حريات .. إذا كان كل شخص سوري ....بيشعر أنو أخو أحسن من ابن عمه .. وأنو ابن عمه أحسن من الغريب الي ساكن بحارته .. وأنو الي ساكن بحارته أحسن من ابن الحارة اللي جمبهم .. هييييييييييييكــ لتوصلي لأنو كل مواطن سوري .. رح يختار ابن طايفته أو ابن حارته بغض النظر عن كونه كفؤ ولا لأ ..
وهالشغلة ما حدا بيقدر . .أنو موجودة عند كل شخص .. عربي أولا ً .. وينتمي للعالم التالت ثانيا ً


ع فكرة خروتشوف .. عاش بشبح موالين ستالين طول حياتو ..

ومن منجزات ستالين ..

وكالة الفضاء الروسية ..

زادت طاقة روسيا النووية .. ل38 ضعف ..

وصلت نسبة الأمية بروسيا لـ 2.2 %

بعد ما كانت 17 %

البطالة وصلت للصفر ..

وتقريبا هتلر أنجز شي رديف ..



بس بقللكـ أنو صح تقتل شعبكـ؟

أكيد مو صح ..

بس الغلط .. أنو نسبق التاريخ .. ونحط رجلنا بمكان ما منعرفه

[نيرفانا]

عم تابع المشاركات وبس...........

[Spector]

كيف بدنا حريات .. إذا كان كل شخص سوري ....بيشعر أنو أخو أحسن من ابن عمه .. وأنو ابن عمه أحسن من الغريب الي ساكن بحارته .. وأنو الي ساكن بحارته أحسن من ابن الحارة اللي جمبهم .. هييييييييييييكــ لتوصلي لأنو كل مواطن سوري .. رح يختار ابن طايفته أو ابن حارته بغض النظر عن كونه كفؤ ولا لأ ..
وهالشغلة ما حدا بيقدر . .أنو موجودة عند كل شخص .. عربي أولا ً .. وينتمي للعالم التالت ثانيا ً

سؤال منطقي بس خارج وبعيد عن الموضوع
لأنو الوحدة او " اليونيت " يعني البلد بشكل مصغر هيي عبارة عن متل ما سميتو وحدات كيف بدي قلك
يعني مقسمة وهاد شي اكيد
يعني كل بلاد العالم مقسمة ( طوائف و اديان و افكار و بشكل اكبر مجتمعات ) رح تقلي ما فهمت شي رح فهمك

هلق الفكرة بالضبط وتحت المجهر شو؟:
هيي انو سوريا مقسمة ولكن سورية يا حبيبي ذاا بتجي لتفكر فيا هيي اكتر البلاد مترابطة مع بعضا ليش لأنو اول شي الأديان مو كتير مختلفة يعني ( علوي , سني , مسيحي , شيعي) ما عم نسمع صوت غير الشباب الطيبة يعني شي منيح اتو الشباب الطيبة ضاغطين عالوضع مشان ما يتفجر و مسكتين الطوائف ... هاد شي منيح ؟ انت هيك قصدك انو اذا سكتو الطاوائف و خرسو وضلت طاشفة الضباع عم تلعلع هاد شي منيح ومنصير نقول مافي خلافات
غلط ...

خلاف انو انت ابم\ن عمي و هداك ابن خالي غلط مليون بالمية فكل مواطن بيتمنا الخير للغريب اكتر من القريب مو بس بسورية وبكل الوطن العرب

الي رجعا اكيد

[الموسيقار]

GMC


بظن أنو الفهم .. يعني وصلني .. ويلي باع الفهم ما نسيني .. نوعا ً ما


أنا لا عم قول سكتوا ولا خرسوا ...

صديقي ..

واسمحلي قللكـ صديقي ..

لأنو كل سوري صديقي ..




أنا قصدي ع شغلة زئنطوطة ..

أنو الي بدو ينتخب . لازم يكون أهل .. للانتخاب .. وللمناصرة أو المعارضة ..

وينتخب ع مبدأ الكفاءة ..




بدكــ تقنعني ..

أنو


المتشددين الاسلاميين .. بـ هالبلد ..

ممكن يوافقوا ع رئيس مسيحي .. بس لأنو كفء ؟

أو ع رئيس مسلم بس علماني .. بس لأنو كف ء ؟

هي في حال صار انتخابات ..

رح يوصل للحكم ..

الشخص الممثل من أكبر شريحة .. طائفية أو عرقية ..

مو ضروري الشخص الأكفأ .




وأزا ما فهمت .. رنللي . بفهمكـ

[نيرفانا]

كاتب النص الأصلي : GMC

سؤال منطقي بس خارج وبعيد عن الموضوع
لأنو الوحدة او " اليونيت " يعني البلد بشكل مصغر هيي عبارة عن متل ما سميتو وحدات كيف بدي قلك
يعني مقسمة وهاد شي اكيد
يعني كل بلاد العالم مقسمة ( طوائف و اديان و افكار و بشكل اكبر مجتمعات ) رح تقلي ما فهمت شي رح فهمك

هلق الفكرة بالضبط وتحت المجهر شو؟:
هيي انو سوريا مقسمة ولكن سورية يا حبيبي ذاا بتجي لتفكر فيا هيي اكتر البلاد مترابطة مع بعضا ليش لأنو اول شي الأديان مو كتير مختلفة يعني ( علوي , سني , مسيحي , شيعي) ما عم نسمع صوت غير الشباب الطيبة يعني شي منيح اتو الشباب الطيبة ضاغطين عالوضع مشان ما يتفجر و مسكتين الطوائف ... هاد شي منيح ؟ انت هيك قصدك انو اذا سكتو الطاوائف و خرسو وضلت طاشفة الضباع عم تلعلع هاد شي منيح ومنصير نقول مافي خلافات
غلط ...

خلاف انو انت ابم\ن عمي و هداك ابن خالي غلط مليون بالمية فكل مواطن بيتمنا الخير للغريب اكتر من القريب مو بس بسورية وبكل الوطن العرب

الي رجعا اكيد

هلئ انا حبيت اتدخل واسألك صح هو شي مو منيح بس برأيك نائصة الحالة صراعات طائفية؟؟؟؟؟ يعني في بلا أسهل من بلا........انا ممكن كون ضد بكل شي بس مسألة انو يكون في قبضة حديدة حيال الطائفية بشوفو بلا أسهل من بلا....

[COSTA]

كاتب النص الأصلي : الموسيقار

GMC


بظن أنو الفهم .. يعني وصلني .. ويلي باع الفهم ما نسيني .. نوعا ً ما


أنا لا عم قول سكتوا ولا خرسوا ...

صديقي ..

واسمحلي قللكـ صديقي ..

لأنو كل سوري صديقي ..




أنا قصدي ع شغلة زئنطوطة ..

أنو الي بدو ينتخب . لازم يكون أهل .. للانتخاب .. وللمناصرة أو المعارضة ..

وينتخب ع مبدأ الكفاءة ..




بدكــ تقنعني ..

أنو


المتشددين الاسلاميين .. بـ هالبلد ..

ممكن يوافقوا ع رئيس مسيحي .. بس لأنو كفء ؟

أو ع رئيس مسلم بس علماني .. بس لأنو كف ء ؟

هي في حال صار انتخابات ..

رح يوصل للحكم ..

الشخص الممثل من أكبر شريحة .. طائفية أو عرقية ..

مو ضروري الشخص الأكفأ .




وأزا ما فهمت .. رنللي . بفهمكـ

خيو اشرحلي ياها هي النقط يللي ذكرتها بالتفصيل اذا ممكن

[Spector]

كاتب النص الأصلي : الموسيقار

GMC


بظن أنو الفهم .. يعني وصلني .. ويلي باع الفهم ما نسيني .. نوعا ً ما


أنا لا عم قول سكتوا ولا خرسوا ...

صديقي ..

واسمحلي قللكـ صديقي ..

لأنو كل سوري صديقي ..




أنا قصدي ع شغلة زئنطوطة ..

أنو الي بدو ينتخب . لازم يكون أهل .. للانتخاب .. وللمناصرة أو المعارضة ..

وينتخب ع مبدأ الكفاءة ..




بدكــ تقنعني ..

أنو


المتشددين الاسلاميين .. بـ هالبلد ..

ممكن يوافقوا ع رئيس مسيحي .. بس لأنو كفء ؟

أو ع رئيس مسلم بس علماني .. بس لأنو كف ء ؟

هي في حال صار انتخابات ..

رح يوصل للحكم ..

الشخص الممثل من أكبر شريحة .. طائفية أو عرقية ..

مو ضروري الشخص الأكفأ .




وأزا ما فهمت .. رنللي . بفهمكـ

ليك حبيبي انت عم تدور حول نقطة مانك عرفان شو هيي و عم تحكي حكي ماني عم افهمو
انت عم تقول انو الشيوخ او المتدينين ما بيقبلو برئيس مسيحي الخ ....
هدول بتعتبرن رجال دين يا ترا ؟ اي ط* بهيك رجال العفو منك يعني
وكمان نقطة يعني مين اخد رأي رجال الدين وقت اجا المعلم ؟ ومين غير الدستور وقت اا المعلم ؟ اي الحقيقة عم ياخدو رأي رجل الدين
رجل الدين يلي عم تحكي عنو بياخدوه على شي سهرة مرتبة بينسا حليب امو والكاتب المقدس ( يلي بسميه مقدس ) ....

كلنا منفهم وما في حدا عليه العيب ... كلنا فطاحل

[Spector]

كاتب النص الأصلي : نيرفانا

هلئ انا حبيت اتدخل واسألك صح هو شي مو منيح بس برأيك نائصة الحالة صراعات طائفية؟؟؟؟؟ يعني في بلا أسهل من بلا........انا ممكن كون ضد بكل شي بس مسألة انو يكون في قبضة حديدة حيال الطائفية بشوفو بلا أسهل من بلا....

صارت وصارت خليا تصير صراعات اكتر
اذا ما صارت هلق بدا تصير بعدين
خليون يصفو عبعض
يعني هني تفكيرن انو انا وبعدي الطوفان وغيري عبد الي
واذا هيك خلين يقتلو بعض
مافي مشكلة او خلينا نقتل بعض

[الموسيقار]

يا سيدي أنت الي ما عم تحاول تفهم شو قصدي ..


هلئء أنت بتنكر أنو ثلثين الشعب السوري .. مسلمين .. // فاهمين الدين غلط // ؟؟

لكـ شلون بدكـ تساوي انتخابات .. والمواطن السوري ما بيعرف كيف يحكـ تحت باطه ..

؟؟


بتمنى تكبس ع حالكـ وتفهمني معلش ..

مو صعبة .

[Spector]

اذا حابب نكفي نقاش نتبه على لهجتك

هلئء أنت بتنكر أنو ثلثين الشعب السوري .. مسلمين .. // فاهمين الدين غلط // ؟؟

اي يعني شو نعملون نضل طامرين حالنا وساكتين لبين ما يتعلمو هاي اذا تعلمو لأنو " دنب الكلب اعوج " ويلي ما بيفهم لا يصوت بكون احسن

[الموسيقار]

كاتب النص الأصلي : كوستا

خيو اشرحلي ياها هي النقط يللي ذكرتها بالتفصيل اذا ممكن

ممممممممم

بالتفصيل ..


يلا مو خصارة فيكون ..


ممكن تقلي ... انتخابات حرة مية بالمية .. مين رح تفرز هون ؟
بسوريا ؟


يعني الناخب السوري لما بدو يفوت يقترع .. ع أي مبدأ .. بدو يفوت .؟

جاوبني ..


بكفــّيلكـ

[COSTA]

كاتب النص الأصلي : GMC

صارت وصارت خليا تصير صراعات اكتر
اذا ما صارت هلق بدا تصير بعدين
خليون يصفو عبعض
يعني هني تفكيرن انو انا وبعدي الطوفان وغيري عبد الي
واذا هيك خلين يقتلو بعض
مافي مشكلة او خلينا نقتل بعض

ما بتزبط هي
انت بتتصور انو يموت واحد من عيلتك عالهوية لانو من غير دين يللي حاكمو؟؟
يعني هاد الحكي حرب اهلية
متل لبنان
اكيد بتعرف شو عم بصير فيهون او شايف شلون مو عرفانين يطلعو من المستنقع

[Spector]

كاتب النص الأصلي : كوستا

ما بتزبط هي
انت بتتصور انو يموت واحد من عيلتك عالهوية لانو من غير دين يللي حاكمو؟؟
يعني هاد الحكي حرب اهلية
متل لبنان
اكيد بتعرف شو عم بصير فيهون او شايف شلون مو عرفانين يطلعو من المستنقع

يلي عم يصير بلبنان ربع ربع يلي اذا صارت حرب طائفية بسرويا رح يصير
يعني كلشي شايفو بلبنان رح تشوف اعظم منو بكتير بسورية
ويعني خيار تاني مافي غير نسكت عالظلم
عموما شطينا برات الموضوع كتير

[Spector]

كاتب النص الأصلي : الموسيقار

ممممممممم

بالتفصيل ..


يلا مو خصارة فيكون ..


ممكن تقلي ... انتخابات حرة مية بالمية .. مين رح تفرز هون ؟
بسوريا ؟


يعني الناخب السوري لما بدو يفوت يقترع .. ع أي مبدأ .. بدو يفوت .؟

جاوبني ..


بكفــّيلكـ

طبعا مافي انتخابات حرة 100% بس 80 % احسن من 1%

طبعا مافيك تشمل كل الشعب لأنو في ناس مثقفين اصواتن طابو واذا شملت الصوت السوري بفوت بصوت على قدر الرز و القمح يلي فات عبيتو من المرشح والناس يلي ما عم تصوت منعرف مين هني ... هني الجزء من الناس يلي ما عندون مرشح

[COSTA]

كاتب النص الأصلي : الموسيقار

ممممممممم

بالتفصيل ..


يلا مو خصارة فيكون ..


ممكن تقلي ... انتخابات حرة مية بالمية .. مين رح تفرز هون ؟
بسوريا ؟


يعني الناخب السوري لما بدو يفوت يقترع .. ع أي مبدأ .. بدو يفوت .؟

جاوبني ..


بكفــّيلكـ

شوف يا موسيقار
لا تقول مو خصارة فينا
لانو فينا نقلك نحنا خسارة فيك الكتابة
خلينا عم نتناقش بوعي وهدوء

اما بالنسبة للناخب السوري
في عدة فئات
المتدين بينتخب يللي متلو ممثل عن دينو
العلماني بينتخب يللي علماني متلو
القومي السوري بينتخب يللي بيمثل حزبو
الشيوعي بينتخب يللي بيمثل حزبو كمان
وبضل فئة صغيرة بتنتخب على اساس الشخصية او الخطاب ( طبعا الخطاب يللي بيلقي المرشح)

[نيرفانا]

كاتب النص الأصلي : GMC

صارت وصارت خليا تصير صراعات اكتر
اذا ما صارت هلق بدا تصير بعدين
خليون يصفو عبعض
يعني هني تفكيرن انو انا وبعدي الطوفان وغيري عبد الي
واذا هيك خلين يقتلو بعض
مافي مشكلة او خلينا نقتل بعض

هي هي نفس الشي يعني مو رايحة غير ع الأقلّيّات....و ع الحالتين آكلين هوا إلا ازا كنت متوقع انو الحرب الأهلية تجيب نتيجة......وحتى لو رح تجيب نتيجة رح تكون من صالح الأكثرية ....مبينة !!!!
لذلك انها تضل هيك أسهل شوي

[الموسيقار]

ما رح رد ع ردكـ .. الي اجا ع اللي كتبتو بأول ردي ..



بس رح اسألكـ سؤال ..


شو نسبة كل فئة من الفئات الي ذكرتا ؟؟

يمكن أذا شلت أول فئة اللي هيي المتدينين ..


بأرقام تستند ع قواعد بقللكـــ ..

أنو الفئات التالية ما بتحتمل .. كل وحدة نسبة 2 % 2% عالماشي .


كم علماني في بهالبلد ؟؟

100 ألف ؟ رقم مبالغ فيه .. بس لو فرضنا أنو صحيح .. بيشكل نسبة قليلة ..

كم شيوعي ؟ 50 ألف ؟؟ كمان قليل

كم قومي سوري ؟ 20 ألف ؟ كمان كتير قليل ..


يعني المتدينين ببساطة رح يستلموا النظام .. .


واشرب بئا يا عمي .. صحتين وهنا

ورح نشرب كلنا .. معكــ


وبضيف شغلة .. لا تتطلع علي ّ وعليكــ

نحن منعرف شو يعني شيوعي .. وشو يعني قومي سوري . والخ


روح عالضيع ..

روح عالحارات الشعبية ...

بتعرف انو حكيي . فيه شيء صح

[Spector]

كاتب النص الأصلي : نيرفانا

هي هي نفس الشي يعني مو رايحة غير ع الأقلّيّات....و ع الحالتين آكلين هوا إلا ازا كنت متوقع انو الحرب الأهلية تجيب نتيجة......وحتى لو رح تجيب نتيجة رح تكون من صالح الأكثرية ....مبينة !!!!
لذلك انها تضل هيك أسهل شوي

اذا بتضل هيك
ممممممم
الرشوات لقدام
الهجرة لقدام
الاختلاس لقدام
الضباع لقدام

وبعد شي تلاتين سنة بكون الصغير صار رجال و بيقدر يحكم سورية
وهكذا دواليك

حلج شباب شطيت كتير خارج الموضوع