شوية مسائل عالسريع

[محمد ابراهيم]

كاتب النص الأصلي : hanny dagher

بدي اللي بيحط جواب اي جواب ان كان صح او غلط يحط طريقة الشرح مشان نتناقش فيها وبعدها بحط الطريقة اللي عندي بس نشوف جواب صح

عندنا 30 تلميذ و8 اسئله
يلا نشوف
* السؤال الاول 13 تلميذ رح يجاوبو صح و 17 غلط
بيصير ال 13تلميذ عندهم 17 درجه وال 17 تلميذ اللي جاوبو غلط عندهم صفر درجه .

*السؤال الثاني
رح يجاوب 13 تلميذ اجابه صحيح (اللي سبق وجاوبو غلط) وبيغلط 17 تلميذ منهم 13 اللي جاوبو صح و4 كانو جاوبو غلط .
وبيصير الدرجات 13 تلميذ عندهم 17 درجه و 13 تلميذ تانين عندهم 17 درجه و4 تلاميذ عندهم صفر درجه .

*السؤال التالت
رح يجاوب 13 صح (( ..(منهم 4 )اللي عندهم صفر درجه,و9 تانين من اللي عندهم 17 درجه .))
وبعدين يجاوب غلط 17 واحد من اللي عندهم 17 درجه .

وبتصير الدرجات 9 تلاميذ عندهم 34 درجه و 4 تلاميذ عنهم 17 درجه و 13 تلميذ عندهم 17 درجه
و4 تلاميذ عندهم 17 درجه (هادول كان عندهم صفر قبل هيك)

*السؤال الرابع
رح يجاوب صح 13 تلميذ (عنهم 17 درجه ) و17 تلميذ رح يجاوبو غلط
وبتصير الدرجات كالتالي
13 تلميذ عنهم 34 درجه و كان عنا 9 تلاميذ عنهم 34 درجه (من قبل ) و(4+4)تلاميذ كان عنهم 17 درجه .

*السؤال الخامس
رح يجاوب صح 13 تلميذ (منهم 8 عندهم 17 درجه + 5 تلاميذ عنهم 34 درجه) و 17 تلميذ رح يجاوبو غلط .
وبتصير الدرجات كالتالي
(8 تلاميذ عنهم 34 درجه+5 تلاميذ عنهم 51 درجه) ,,,(وكان عنا 13 تلميذ عنهم 34 درجه +4عندهم 34 درجه)..

*السؤال السادس
رح يجاوب صح 13 تلميذ عنهم 34 درجه ,,وبيجاوب غلط 17 تلميذ
وبتصير الدرجات كالتالي:
(13 تلميذ عنهم 51 درجه ) وكان عنا 5 تلاميذ عندهم 51 درجه ,, و كان عنا(8 تلاميذ عندهم 34 درجه+4 تلاميذ عندهم 34 درجه)
اما السابع
بيجاوب صح 12 تلميذ (مو 13 متل كل مره),,,(((وها ال 12 تلميذ هما اللي عنهم 34 درجه ))) وبيجاوب 18 تلميذ غلط .
وبيصير الدرجات كالتالي
12 تلميذ عندهم 52 درجه و 18 تلميذ عندهم 51 درجه

السؤال الثامن
بيجاوب غلط واحد بس من ال 18 تلميذ اللي عندهم 51 درجه وبيجاوب صح 29 تلميذ الباقيين
وبتصير الدرجات
هالتلميذ اللي لسا مجاوب غلط 51 درجه
و 17 تلميذ عندهم 52 درجه و 12 تلميذ عندهم 53 درجه .

[hanny dagher]

كاتب النص الأصلي : Willi

اي ما تقول هيك من الاول
ليش قلت انو خطأ لكن؟؟

لك يا معلم انا شغلة كبيرة

لك روح شايفلك
بالنسبة للطريقة بكرا بكتبها
هلق صعب اكتبها

انا ما قلت انو خطأ انا قلتلك شراح

خيي saldro جواب جاد 58 هوي الصح وخلي بكرا يحط الشرح لنشوف كيف حلها قبل ما حط الشرح تبعي انا

[Willi]

لا تواخذونا يا جماعة هلق انا عم استخدم اللاب توب وماني زيادة مستحكم فيه
وصعب اقعد على الجهاز العادي

بكرا بكتب الشرح

[lucky]

كاتب النص الأصلي : hanny dagher

انا ما قلت انو خطأ انا قلتلك شراح

خيي saldro جواب جاد 58 هوي الصح وخلي بكرا يحط الشرح لنشوف كيف حلها قبل ما حط الشرح تبعي انا

ok لأنها جننتني

[Willi]

مرحبا شبيحة
كيفكون؟؟

لنشرحلكون شو عملت نقطة نقطة
وبالتفصيل الملل كمان

هلق بما انو عنا 30 طالب
فانا سميت كل واحد برقم من 1 ل 30

هلق كبداي انا قلت خلينا نحط 30 سؤال وكل رقم بجاوب على السؤال
بهالحالة كل واحد اخد 29 علامة
(حلو الحكي؟؟) حلو

هلق انا فكرت فيها قلت انو فينا نخلي كل 2 يتشاركو بسؤال بحالة بصير عنا كل رقم منعاد مرتين
يعني مثلا
السؤال الاول جاوب عليه رقم 1 و 2
السؤال التاني جاوب عليه رقم 2 و 1
وهيك باقي الاعداد ليصيرو 30 سؤال
بهالطيريقة علامة كل واحد بتزيد
لانو بصير عندي 28 علامة مضروبة ب 2
هالحكي معناه انو بصير معهون 56 علامة
كمان اذا منلاحظ انو اذا ضلينا نعمل نفس العملية لنقطة معينة بتضل النتيجة عم تزيد بعدين بتصير تنقص
يعني اذا جاوب على السؤال 14 واحد (كل واحد بياخد 16 علامة) وكل واحد منهون مجاوب على 14 سؤال, بحيث انو يكون على كل سؤال مجاوب 14 واحد بس
رح يكون الناتج 16*14 = 224
طيب هالمرة 15 واحد 15 سؤال فبالتالي 15 علامة
يعني 15*15 = 225
واذا جربنا انو يكون في 16 طالب بالتالي كل واحد بياخد 14 علامة وبجاوب على 16 سؤال
هيك بتكون رجعت تقل النتيجة وصارت 224
معاناتها اعلا شي ممكن هو 225 ولازم يكون مجاوب على السؤال 15 واحد

(مبينة كأنو هاي معقدة بس بالحقيقة حل هاي الفقرة ما بتاخد تقريبا دقيقة)

طيب هلق اتفقنا انو 15 واحد بجاوبو على السؤال بحيث بكون اعلا مجموع ممكن (بالنسبة للكل بفرد مرة)

طيب بس نحن عنا 8 اسئلة مو 30
هلق غليتهون يجاوبو على اول 4 اسئلة بحيث
المجموعة 1-15 بتجاوب على سؤالين
والمجموعة 16-30 بتجاوب على سؤالين
هيك بكون كل واحد جاب 30 علامة
طيب هلق رقم الشخص اللي اخد اوطى مجموع انا سميتو "1"
هلق في شي لازم اعملو لخلي واحد يكون اقل من الباقي
بالسؤال رقم 5 واللي كانت مجموعتو لواحد بدها تجاوب عليه زدت عليها رقم 16
يعني صارو 16 واحد جاوبو على السؤال بهالحالة جابو بس 14 علامة (يعني صار معهون 30+14= 44)
هلق السؤال السادس جاوبت عليه المجموعة تبع 16-30 بقوم كل واحد بجيب 15 علامة
بهالحالة بكون مجموعهون 30+15= 45 الا رقم 16 بجيب 44+15 واللي هو 59

هلق السؤال السابع بدها تجاوب عليه المجموعة 1-15 ولازم تزيد علامتهون فشلت من بينهون رقم 1
بهالحالة صارو 14 واحد وهيك جابو 16 نقطة يعني 44+16= 60

لحد هون عنا
2-15 معهون 60 علامة
16 معو 59
17-30 معهون 45
و حبيبنا رقم 1 معو بس 44

ولسى عنا سؤال واحد
هالمرة رح حط رقم واحد مع مجموعة 16-30
هيك بصيرو 16 واحد وبجيبو 14 علامة
معناتها صار مع

16 اكبر عدد
مع 2-15 60 علامة
مع 17-30 59 علامة
ومع 1 58

(ملاحظة لو ما حطينا رقم 16 باخر سؤال رح يجيب كل واحد 15 علامة وبهالحالة 1 رح يتعادل مع رقم 16 بالنتيجة واللي هية 59)


وهاليلوليا

[marioma alghzayala]

ولي ع ايامك .... ... هاليلويا وبس ؟؟؟؟ .... اي ماماميّا .....

[hanny dagher]

هاي الطريقة حسب ما جبتا من محل ما جبت المسالة

بفرض عدد الطلاب اللذين أجابوا على سؤال = س

الدرجة التى يحصل عليها كل طالب من هؤلاء الطلاب = 30 - س

مجموع درجات هؤلاء الطلاب على هذا السؤال : ص = (30 - س ) × س

القيمة العظمى للمجموع السابق ص = 225 عندما س = 15

القيمة العظمى لمجموع درجات جميع الطلاب على جميع الأسئلة = 225 × 8 = 1800

أكبر وسط حسابى للدرجات = 1800 ÷ 30 = 60

وحيث أن الدرجة الصغرى <= الوسط الحسابى

فيجب أن تكون درجة الطالب المنفرد بالمركز الأخير < 60

وبسهولة يمكن إثبات أن


درجة الطالب المنفرد بالمركز الأخير لا يمكن أن تكون 59

لأن ذلك يتطلب أن تكون درجة باقى الطلاب تساوى 60 بأستثناء طالب وحيد يمكن أن

تكون درجته 61 وهو إحتمال مستحيل تحت شروط طريقة تصحيح هذه الأسئلة

أما الدرجة 58 فيمكن الحصول عليها بأشكال متعددة من أبسطها الشكل المرفق


وحطولنا شي مسالة تقبرو عضامي

[lucky]

اها بس كيف راحت عن بالي هي الطريقه يلا معلش

[ibrahem]

شو يا شباب يعني مات الموضوع بدنا حدا يحط مسألة

[lucky]

كاتب النص الأصلي : ibrahem

شو يا شباب يعني مات الموضوع بدنا حدا يحط مسألة

انت ما عندك؟؟

[Willi]

انا شخصية هالكام يوم مو فاضي دور على مسائل

بس بحاول دور

اذا حدا عندو يحط

[hanny dagher]

وانا مشغول بفتح بواب مو فاضي حط مسائل بس خلص من البواب بحط مسالة

بس ما بيمنع انو تحطولنا مسالة منلحق على جبهتين نحنا

[lucky]

مسأله جديده

كان في زلمه عنده مجموعة من الخرفان فقبل ما يموت كتب وصيه لولاده:

الكبير بياخد النص
و الأوسط بياخد الثلث
و الأصغر بياخد التسع

و حيبقى خروف واحد للتبرع للفقراء

فكم عدد خرفان الزلمه؟؟

[محمد ابراهيم]

كاتب النص الأصلي : saldro

مسأله جديده

كان في زلمه عنده مجموعة من الخرفان فقبل ما يموت كتب وصيه لولاده:

الكبير بياخد النص
و الأوسط بياخد الثلث
و الأصغر بياخد التسع

و حيبقى خروف واحد للتبرع للفقراء

فكم عدد خرفان الزلمه؟؟

18
انا حلتها ب نص دقيقه

لو الشباب شافوها رح يزعلو مستواهم اعلى من هيك بمراحل ,

حاول ثانية

[lucky]

كاتب النص الأصلي : محمد ابراهيم

18
انا حلتها ب نص دقيقه

لو الشباب شافوها رح يزعلو مستواهم اعلى من هيك بمراحل ,

حاول ثانية

بعرف إنها سهله بس هاد اللي طلع معي لإنه صار أسبوع ما حطيته مسأله جديده

[hanny dagher]

يذهب حسان الى المدرسة مترجلا فلاحظ انه بدأ بالجري من المنزل الى المخبزة ثم واصل مشيا الى المدرسة فاستغرق مع الطريق 5 دقائق و 6 ثانية

واذا بدا بالسير باتجاه المخبزة ثم واصل جريا الى المدرسة فانه يستغرق 6 دقائق و 34 ثانية

سرعة مشي حسان 5 كم بالساعة وسرعة جريه 9 كم بالساعة

ما هي المسافة بين منزل حسان ومدرسته ؟

سهل ما تقلولي يللا اشتغلو في

[hanny dagher]

شو شباب بدنا نبعت دعوة خاصة لكل واحد فيكن مشان يجي يحل مسالة رياضيات

اخص عالرجال

[محمد ابراهيم]

كاتب النص الأصلي : hanny dagher

شو شباب بدنا نبعت دعوة خاصة لكل واحد فيكن مشان يجي يحل مسالة رياضيات

اخص عالرجال

طبعا ما تقصدني

كاتب النص الأصلي : hanny dagher

يذهب حسان الى المدرسة مترجلا فلاحظ انه بدأ بالجري من المنزل الى المخبزة ثم واصل مشيا الى المدرسة فاستغرق مع الطريق 5 دقائق و 6 ثانية

واذا بدا بالسير باتجاه المخبزة ثم واصل جريا الى المدرسة فانه يستغرق 6 دقائق و 34 ثانية

سرعة مشي حسان 5 كم بالساعة وسرعة جريه 9 كم بالساعة

ما هي المسافة بين منزل حسان ومدرسته ؟

سهل ما تقلولي يللا اشتغلو في

المسافه هي
615 متر و 26 سم تقريبا

ممكن يكون الرقم مو دقيق شويه (اذا قريب برجع ازبطها بالاله الحاسبه ) اوك