الى اعضاء منتدى اخوية حر

s1_daoud · 15/05/2005

من خلال مشاركاتي معكن استفد بكتير شغلات منكم وانا بشكركن
وخصوصا قصي مجدي سليم
وعاشق من فلسطين
krimbow
والسؤال هون هلق الحكي وكل الحكي يلي حكيناه هون
في ناس برى عم تحكيه وطالب فيه ولا بس بالمنتديات
هلق يعني انتو عم طالبوا باالتغيير لصالح البلد وهيدا من حق كل مواطن
بس عنا بسوريا 20 مليون بني ادم كم واحد منهن بدو هل الشي
وخلينا على فرض نقول انو في 10 مليون عاجبهن الوضع
10 مليون التانيين وينهن

NEDAL-S · 15/05/2005

اقتباس:

10 مليون التانيين وينهن

5 مليون عند بيت خالتون والخمسة البقية على الطريق

s1_daoud · 15/05/2005

اقتباس:

5 مليون عند بيت خالتون والخمسة البقية على الطريق

شو شايفك مسلمها معناتى

NEDAL-S · 15/05/2005

ما مسلمة بس هلئ بيت خالتي عم أشرب كبيتشينو

الله يذكرو بالخير(((همام حوت)))

sezar · 15/05/2005

اقتباس:

الله يذكرو بالخير(((همام حوت)))

أكبر رجل

عميل
هوي و ياسر العضمة

يضربو بهل سستم

اقتباس:

مليون التانيين وينهن

معلم ماعلينا بغيرنا المهم الواحد يحكي يلي عندو و الي بدو يحكي يحكي و يلي بدو يخاف خلي كل حياتو خايف

**krimbow** · 15/05/2005

اقتباس:

معلم ماعلينا بغيرنا المهم الواحد يحكي يلي عندو و الي بدو يحكي يحكي و يلي بدو يخاف خلي كل حياتو خايف

هاد الكلام حلو كتير
و ع فكرة الحكي يللي عم تسمعو هلأ حكي
و بوكرا حتشوف فعل

اقتباس:

أكبر رجل عميل
هوي و ياسر العضمة
يضربو بهل سستم

هاد الكلام كتير خطير لازم توضح شو قصدك
لأنو مو حلو توجه هيك اتهام اذا ماعندك نظرية او دليل
ع فكرة انا عندي هيك توجه بس مو انو عميل

s1_daoud · 15/05/2005

هلق الحكي يلي عم ينحكا هون
يعني باالمنتدى عم يطالب فيه برى على ارض الواقع
ولا بس نحنا هون منفرجي مراجلنا

عاشق من فلسطين · 15/05/2005

العزيز s1 daoud أنا تناقشت معك بموضوع سابق بخصوص الحل .. والشباب حكوا نقطة جوهرية أنو الخايف خليه خايف ورح يضل طول عمرو خايف .. أنا لما اتخذت قاراي بأنو يكون خطي بالحياة هوي الشعر والعمل السياسي .. لصالح هالوطن اللي عم يحتضر .. ما سألت أنو مين رح يكون معي ولا لأ .. أو رح أنحبس ولا لأ .. أو رح اقدر أعمل شي ولا لأ .. أنا قلت لحالي أنو رح اعمل اللي عليي تجاه أمي سوريا .. بكل طاقتي .. وأنا من أول ما بلشت هالخط .. قنعت أكتر من 40 شخص من أصدقائي المقربين أو البعيدين أو أقربائي .. بضرورة التغيير وبحقيقة حكومة البعث التي نمجد ونهتف لها .. ليك لما هدفك بيكون الارتقاء بوطنك .. لازم تنسى الخوف .. ومتل ما قلك كريم عن قريب رح تشوف عمل فعلي .. وأنا من هون أتوجه لكل شاب يرغب أنو يرافقني باعتصام أمام البرلمان في يوم المؤتمر القطري أن يراسلني على الخاص .. بالبداية رح يكون اعتصام وبعدين اذا ما نفذو اللي حكوه .. رح يصير مظاهرة .. وأتاكد أنو ماراح نكون لحالنا رح يكون في من جمعية حقوق الانسان .. ومن مكتب التنظيم الشيوعي .. ومن الحزب القومي السوري .. يعني رح نكون عدد لا بأس فيه رح تقلي وبلكي حبسونا ..رح قلك أنو اذا صار هالحكي .. فماراح تمر هيك بدون ضجة
كبيرة جدا" .. اللي جاهز لهالعمل من أجل سورية ومن أجل هالوطن القتيل .. يراسلني .. وبتمنى أنو تفهموا انو الموضوع مو مجرد فورة أو مجرد عمل طائش أو مجرد مظاهرة لأجل المظاهرة .. وأنما رح تكون بهتافات منظمة وهادفة ..

شكلي مو مطول على بيت خالتي .. :P :P

ميت وردة لكل شباب سوريا الحرة ..

s1_daoud · 15/05/2005

مع انك بتقول عن نفسك انك ملحد
بس اسمحلي الك الله يكون معك

yass · 15/05/2005

اقتباس:

هلق يعني انتو عم طالبوا باالتغيير لصالح البلد وهيدا من حق كل مواطن

مرحبا خيو ................. مشكور عالموضوع, و آسف عالرد المتأخر

أنا شخصيا ما عم بطالب بالتغيير لصالح البلد , أنا ماني ولي أمر البلد لحتى أطلب باسمو, رأيي الشخصي أنو التغيير ضرورة ملحة , بس أنا ما بطالب بالتغيير هيك, أنا بطالب بالتالي :
أنو تنرفع الستارة السودا قدام الشعب .... أنو يشرحو مثلا ليس واحد متل ميرو حاط مليار ليرة سوري عند مجموعة الديري, بدي اياهون يعلنو للشعب كشف راتب ميرو و ضريبة الدخل اللي كان يدفعها...

ومتل ميرو في عشرات ............ و بيجوز مئات..و أنا بدي الشعب يعرف الحقيقة كاملة
بعد ما هالشعب يشوف هالحقيقة , بدي أنو ينعطى حريتو بتقرير مستقبلو .... اذا الشعب ساعتها قرر أنو لازم يستمرو الناس هدول بالحكم.................... أنا بحط شحاطة بتمي و بسكت للأبد

فهمت علي ؟؟؟

تحياتي

s1_daoud · 15/05/2005

اقتباس:

في عشرات ............ و بيجوز مئات

الحق معك

اقتباس:

و أنا بدي الشعب يعرف الحقيقة كاملة

بلا مايصابنا شي جلطة

كلنا بدنا مصلحة الوطن مصلحة الوطن بس

عاشق من فلسطين · 15/05/2005

اقتباس:

مع انك بتقول عن نفسك انك ملحد
بس اسمحلي الك الله يكون معك

يا سيدي اذا كان موجود فعلا" .. وحب يكون معي .. فأنا لا أمانع من التعاون المشترك بيني وبينو ..