ياحرام.... صارت بالتلاتين

[امرأة من ورق]

كاتب النص الأصلي : نيرفانا

حبيت ضيف إنو فعلاً من سن الـــــــــــ35 تصبح بعض الفتيات غير مؤهلات لإنجاب الأطفال وهادا كلام أطباء مختصين.

طبعاً اللي أضفتو ما بيعني إني متقبلة فكرة إنو الفتاة تصبح منبوذة في سن الثلاثين من قبل الراغبين بالزواج.

وكمان بتصور إنو ما بئا تضبط هالشغلات في وعي بما فيه الكفاية ليساعد على تخطي هالحواجز.

شكراً إمرأة من ورق

اهلين نيرفانا نورتي
بس الحالة اللي عم تحكي عنها من توقف الانجاب هيي سن اليأس والوضع العام انها بتصير بين الاربعين والخمسين........ هلأ في حالات بتصير قبل او حتى بعد بس بتكون حالات نادرة
ومع ذلك حتى لما بتوصل المرأة لسن اليأس مو المفروض انها تحس انو انتهت حياتها لانها قادرة تعطي بكتير مجالات واكيد هيي انسان قبل اي شي يعني مو مهمتها بالحياة الانجاب وبس

[tiger]

أنا برأي هالشي مرتبط بالعقلية الشرقية ( المتخلفة ) ......
لأنو الزواج هو أولاد و فقط بالنسبة للشرقي ....
و متل ما قالت نيرفانا الينت بتبلش تفقد من خصوبتها كلما طلعت فوق الثلاثين ......
لكن بالغرب الموضوع أقل من عادي و النساء بتفتخر بعمرها ( خصوصا لما بيكونوا ما زالوا جذّابات ) ....
و في كتير بالغرب بدون يتزوجوا الإنسانة ياللي بيرتاحولها و بيريدو يمضّوا باقي حياتهم معها بدون ما يكون للإنجاب أي أهمية بذلك .......
المهم حياته للشخص نفسه ......

[نيرفانا]

كاتب النص الأصلي : امرأة من ورق

اهلين نيرفانا نورتي
بس الحالة اللي عم تحكي عنها من توقف الانجاب هيي سن اليأس والوضع العام انها بتصير بين الاربعين والخمسين........ هلأ في حالات بتصير قبل او حتى بعد بس بتكون حالات نادرة
ومع ذلك حتى لما بتوصل المرأة لسن اليأس مو المفروض انها تحس انو انتهت حياتها لانها قادرة تعطي بكتير مجالات واكيد هيي انسان قبل اي شي يعني مو مهمتها بالحياة الانجاب وبس

إنت اللي منورة

أنا ما قلت إنو انتهت حياة المرأة عند هالمرحلة أنا علقت على نقطة معينة بالموضوع أنا رأيي الشخصي إنو الإنجاب بحياتو ما كان سبب رئيسي لتتوقف الحياة الزوجية وذكرت هالكلام بمشاركة تانية معك .
أما بالنسبة لأنو المرأة إنسان فهي أكيد ما رح نختلف عليها وأكيد مو مهمتها بالحياة الإنجاب وبس أنا ضد هالفكرة أساساً.والمرأة قادرة تقدم لمجتمعها متل ما بقدم الرجل وأكيد هي عنصر فاعل بالمجتمع .

[امرأة من ورق]

كاتب النص الأصلي : نيرفانا

إنت اللي منورة

أنا ما قلت إنو انتهت حياة المرأة عند هالمرحلة أنا علقت على نقطة معينة بالموضوع أنا رأيي الشخصي إنو الإنجاب بحياتو ما كان سبب رئيسي لتتوقف الحياة الزوجية وذكرت هالكلام بمشاركة تانية معك .
أما بالنسبة لأنو المرأة إنسان فهي أكيد ما رح نختلف عليها وأكيد مو مهمتها بالحياة الإنجاب وبس أنا ضد هالفكرة أساساً.والمرأة قادرة تقدم لمجتمعها متل ما بقدم الرجل وأكيد هي عنصر فاعل بالمجتمع .

اكيد نيرفانا ردي بهي النقطة ماكان موجه الك لانو كان كلامك واضح انو انتي ضد ايقاف حياة المرأة هون بس كنت عم احكي بشكل عام

[امرأة من ورق]

كاتب النص الأصلي : tiger

أنا برأي هالشي مرتبط بالعقلية الشرقية ( المتخلفة ) ......
لأنو الزواج هو أولاد و فقط بالنسبة للشرقي ....
و متل ما قالت نيرفانا الينت بتبلش تفقد من خصوبتها كلما طلعت فوق الثلاثين ......
لكن بالغرب الموضوع أقل من عادي و النساء بتفتخر بعمرها ( خصوصا لما بيكونوا ما زالوا جذّابات ) ....
و في كتير بالغرب بدون يتزوجوا الإنسانة ياللي بيرتاحولها و بيريدو يمضّوا باقي حياتهم معها بدون ما يكون للإنجاب أي أهمية بذلك .......
المهم حياته للشخص نفسه ......

كلام حلو كتير تايغر وياريت فينا نخلص شوي من افكارنا البايتة

[فلاش باك]

كاتب النص الأصلي : امرأة من ورق

ليش دايما عنا نظرة انو البنت بس صار عمرها او قرب عمرها من التلاتين لازم تبلش بالعد التنازلي لعمرها وكأنها صارت عجوز وخلص عجزت عن العطاء
برأيكن هالشي بسبب التغييرات الفيزيولوجية اللي بتصير بجسمها؟؟؟ بس مابظن..... لانو لسه بالتلاتين مارح يظهر العمر عليها
لانو اذا لسه ماتزوجت مابيضل في شب بيقبل فيها؟؟؟ كمان مابظن..... لانو عموما تأخر سن الزواج وصار في بنات كتير عم يتزوجو بعد التلاتين وحتى احيانا بحيطان الاربعين
طيب البنت متل الشب بالتلاتين بتكون لسه بقمة العطاء..... لسه فيها تدرس وفيها تشتغل وفيها تتزوج وتنجب اطفال بقى حدا يفهمني ليش هالرعب من عمر التلاتين

هي بترجع للعادات والتقاليد يلي أكل عليها الدهر وشرب
خلينا نبلش من البنت نفسا انو هي صار عندا هالهاجس وهي بترجع متل ماقلنا للتربية والعادات انو يابني صار عمرك 22 سنة ولسى ماحدا خطبك او حدا دق باب بيتنا ياحسرة عليكي يابنتي صرتي بايرة او معنزة (تخلف)
هلئ هادا الشي بياخدا لشغلة تانية ويمكن انحكى فيها انو شو هو سن الزاوج المثالي للبنت او للشب ؟
اما بخصوص التلاتينات انا واكيد في غيري بيعتبر انو البنت بهالسن قادرة اكتر من اي سن تاني على تحمل المسؤلية وحتى للشب كمان لأنو ببساطة الزواج هو عبارة عن مؤسسة مو بس علاقة جنسية يعني في تحمل مسؤوليات في واجبات في التزام ..........الخ
والمشكلة الكبيرة انو البنات صارو يعتبرو حالن كبرو على الزواج بعد عمر 25 انو ليش يعني؟
واذا بدنا نحكي من الناحية الطبية وحسب معلوماتي انو البنت فينا تضل تجيب ولاد لسن 42 يعني لحتى توصل لسن اليأس طبعا حسب طبيعة كل بنت من الناحية الفيزيولوجية
وناحية تانية حكي الناس والجيران والاقارب انو يافلانة ليش لهلئ ما تزوجتي والانكى من هيك صارو يحكو على الشب انو صار عمرك هالعمر ولهلئ ما تزوجت اكيد في شي وخدو بئا على قصص وسيّر

[امرأة من ورق]

كاتب النص الأصلي : فلاش باك

هي بترجع للعادات والتقاليد يلي أكل عليها الدهر وشرب
خلينا نبلش من البنت نفسا انو هي صار عندا هالهاجس وهي بترجع متل ماقلنا للتربية والعادات انو يابني صار عمرك 22 سنة ولسى ماحدا خطبك او حدا دق باب بيتنا ياحسرة عليكي يابنتي صرتي بايرة او معنزة (تخلف)
هلئ هادا الشي بياخدا لشغلة تانية ويمكن انحكى فيها انو شو هو سن الزاوج المثالي للبنت او للشب ؟
اما بخصوص التلاتينات انا واكيد في غيري بيعتبر انو البنت بهالسن قادرة اكتر من اي سن تاني على تحمل المسؤلية وحتى للشب كمان لأنو ببساطة الزواج هو عبارة عن مؤسسة مو بس علاقة جنسية يعني في تحمل مسؤوليات في واجبات في التزام ..........الخ
والمشكلة الكبيرة انو البنات صارو يعتبرو حالن كبرو على الزواج بعد عمر 25 انو ليش يعني؟
واذا بدنا نحكي من الناحية الطبية وحسب معلوماتي انو البنت فينا تضل تجيب ولاد لسن 42 يعني لحتى توصل لسن اليأس طبعا حسب طبيعة كل بنت من الناحية الفيزيولوجية
وناحية تانية حكي الناس والجيران والاقارب انو يافلانة ليش لهلئ ما تزوجتي والانكى من هيك صارو يحكو على الشب انو صار عمرك هالعمر ولهلئ ما تزوجت اكيد في شي وخدو بئا على قصص وسيّر

شكرا فلاش باك على مرورك
ومع حق وخصوصا بالنقطة الاخيرة وهيي حكي الناس اللي دخلو واللي مادخلو ونقون

[butterfly]

أول شي في طلب من غاليتي أمرأة من ورق ... معلي وقت تقتبسي رد حدا مشان تشكريو ما تقتبسي الرد كاملاً كتير عم تطول الصفحة .... أما بخصوص الموضوع أنا لست مع تهميش أية فئة عمرية من أية حياة أنسان ..اللي حابة تتجوز بالخمسين هي حريتا ... بس أنا برأيي أنو الزواج المتاخر ألو مساوئو كما الزواج المبكر ... الأولاد قضية مهمة كتير .... الفارق الكبير بينون ويبن أهاليون أنا ما كتير بحبذو .... اقتراب سن اليأس وترافقو مع بدايات الزواج كمان مو كتير صحي للزوجين ....

[Government]

هيك مجتمعنا مجتمع تعبان
وعنجد هي فكرة كتيرة حساسة

انو عنجد لم بصير عمر المرة فوق التلاتين وماتجوزت فهي شغلة كبيرررررررة كتير
والبعض وبكل صراحة بقول عليها عانس

[مايا *]

شكرا لأمرأة من ورق على هل الموضوع الحلو ..

وانا مع التطرق لهيك سلبيات بمجتمعنا ..

بالفعل الموضوع حصد كل الإجابات المستحقة إلو ..

بس في عندي نقطة ..

الشباب الي علئوا على الموضوع كتبوا بكل دبلوماسية .. ومثالية . .. وهاد شيئ حلو كتير ..

بس السؤال .. هل فعلا كلهون مستعدين انهون يكونو مــــــــن اللي راح يغيرو المجتمع ..

او بشكل أبسط ..

هل فعلا بوافقو الإرتباط بفتاة .. صارت بالتلاتين ( يا حرام خخخخخخ )

وبتمنى تكون الردود بصراحة ... وشكرا الك مرة تانية

[ري مي]

ليش ؟؟؟؟

صحي ليش؟؟؟

اذا شلنا ع جنب انو موضوع مهم وحساس وهيدا ما فيه شك
فيني قلك انو ما بدي علق لانو موضوع حساس جدا جدا ويمكن أنبحت بفرد مرة لهيك اذا ضليت ساكتة احسن

[امرأة من ورق]

كاتب النص الأصلي : butterfly

أول شي في طلب من غاليتي أمرأة من ورق ... معلي وقت تقتبسي رد حدا مشان تشكريو ما تقتبسي الرد كاملاً كتير عم تطول الصفحة

معك حق ميمو
وحقك وحق الاخوية على راسي...... وشكرا كتير هالتنبيه

بخصوص الموضوع أنا لست مع تهميش أية فئة عمرية من أية حياة أنسان ..اللي حابة تتجوز بالخمسين هي حريتا ... بس أنا برأيي أنو الزواج المتاخر ألو مساوئو كما الزواج المبكر ... الأولاد قضية مهمة كتير .... الفارق الكبير بينون ويبن أهاليون أنا ما كتير بحبذو .... اقتراب سن اليأس وترافقو مع بدايات الزواج كمان مو كتير صحي للزوجين ....

هلأ اول شي منشان تهميش فئة عمرية من الناس هاد هوي القصد الاكبر من الموضوع وشكرا ميمو
اما منشان الزواج المتأخر.... اكيد اذا متأخر زيادة كتير بيكون الو شوية مساوئ.... بس مع ذلك انا مع الزواج الاقرب للتأخر يعني صح بيكون في فرق عمر كبير بين الاهل وولادون بس برأيي هاد شي من مصلحة الاولاد اذا كانو الاهل على وعي كافي وقدرو يكسبو الاولاد كاصدقاء بالرغم من وجود فارق كبير بالعمر..... وليش احسن؟؟ لانو اول شي وعي الاهل يفترض يكون زاد وحتى عواطفون نضجت اكتر وبالتالي تعاملون مع الاطفال يفترض يكون احسن الى حد ما بالاضافة لانو بيكون في استقرار على كافة الاصعدة سواء من ناحية عمل الاهل والوضع المادي وبالتالي بيكون الطفل قادر يعيش استقرار اكبر

[امرأة من ورق]

كاتب النص الأصلي : GOVERMENT

هيك مجتمعنا مجتمع تعبان
وعنجد هي فكرة كتيرة حساسة
انو عنجد لم بصير عمر المرة فوق التلاتين وماتجوزت فهي شغلة كبيرررررررة كتير
والبعض وبكل صراحة بقول عليها عانس

شكرا حكومة
بس شو الحل؟؟؟
وع فكرة الموضوع اكبر من موضوع عنوسة وبس
يعني اذا بنت قررت تكمل دراسة وعمرها قرب من التلاتين بتشوف الكل بيبلشو ينقدوها انو شو بدها بالدرس بعد هلأ ومن هاد الحكي

[امرأة من ورق]

كاتب النص الأصلي : مايا *

هل فعلا بوافقو الإرتباط بفتاة .. صارت بالتلاتين ( يا حرام خخخخخخ )

وبتمنى تكون الردود بصراحة ... وشكرا الك مرة تانية

شكرا مايا
وانا بانتظار اجوبة من الشباب

[kasim rr]

عمريش سمعت هيك شي

[امرأة من ورق]

كاتب النص الأصلي : ري مي

اذا شلنا ع جنب انو موضوع مهم وحساس وهيدا ما فيه شك
فيني قلك انو ما بدي علق لانو موضوع حساس جدا جدا ويمكن أنبحت بفرد مرة لهيك اذا ضليت ساكتة احسن

بالعكس ري مي انبحتي قد مابدك...... واحكي قد مافيكي وبتمنى انك تحكي

[Spector]

كاتب النص الأصلي : kasim rr

عمريش سمعت هيك شي

وانا عمريش سمعتش هيكش شيش

[امرأة من ورق]

كاتب النص الأصلي : kasim rr

عمريش سمعت هيك شي

هي تاني حدا بيقلي عمروش سمع هيك شي
بكل الاحوال هاد شي بيطمن انو يمكن هالظاهرة عم تخف او خفيفة ببعض المناطق
وشكرا الك