شو يعني علمانيّة؟؟؟

[ابو مرسيل]

كاتب النص الأصلي : كهربجي مثقف

أول شي مسا الخير..

حبيباتي كلكن.. من زمااان ما شفنا موضوع بيعبّي الراس متل هاد.. يعني الحوار كتيير حلو.. وأحلى شي هو أنو ما في تعصّب (هي مو متأكد منها)

هلق ع الحالتين أنا اللي طرحتو كان فتيشة... توقعت صراحة أنو يقلب الموضوع يا مسبّات يا سبام.. والتنين ماصاروا ف ع راسي الشباب والصبايا كلن


هلق أهم شي بالنسبة لإلي أنو ينفهم أنو العلمانية بالمحصلة إلها علاقة بالدّين و بنفس الوقت ما إلها علاقة لا بالله ولا بالدين..

يعني العلمانية فكريّا هي إبعاد الإيمان والتديّن أو عدمه عن الحياة التشريعية والسياسية، بس عمليّاً هي يتتجاهل تماماً الدين والله والإلحاد والإيمان.. يعني هي مجرى معين عقلي بعيد تماماً عن المجرى الروحي تبع الأديان، والعقلي تبع الإلحاد... والسبب أنّو عقية الإلحاد هي أقرب لنقاش الغيبيات.. أمّا العقلية العلمانيّة فهي بعيدة عن الغيبيّات.. بمعنى أنّو بتتجاهلها...

وائل صار عندي خطأ مطبعي.. نسيت من مين كان الاقتباس حبيبنا... بس عالحالتين أنا متابع كل شي.. وشكراً كتير إلكن كلكن مرّة عاشرة...

يعنتي انتي هلق عاساس سالتنا اول شي انو انت مبتعرف عاساس بعدين نورتنا و صححة افكارننا بعدين حركة حلوة و الله

بس بدي اسالك سوال مع كامل احترامي و تقديري الك و لاسلوبك الحلو بالكلام كم نوع من انواع لاعلمانية في مع الشرح المبسط و اذا بدك بعالمنا العربي فقط يعني يليب عم انشوفون او الي لازم انشوفون هلق

[ابو مرسيل]

عفوا قصدي العلمانية لانو يمكن انفهمت غير شكل صار في خطأ مطبعي

[Spector]

كاتب النص الأصلي : The morning

ان لله لم ينزل دين الا على الحق ...
و اما الاديان الغير سماويه فهي مبنيه على اسس معينه بغض النظر عن ايمانها فيها او لا ولكن هون بنرجع للنقطه انو يعني هي مو علمانيه لانو رح تحكم عن طريق مبادئ دينيه معينه ..
شكرا

الله ماقال نحكم العالم ونجبرون يصيرو ديم معين بالسيف

هاد الشي مقتبس من قانون الحرية في الحياة

[The morning]

كاتب النص الأصلي : GMC

الله ماقال نحكم العالم ونجبرون يصيرو ديم معين بالسيف

هاد الشي مقتبس من قانون الحرية في الحياة

و أنا ما عم قول هيك بنوب..........؟؟

[Spector]

كاتب النص الأصلي : The morning

و أنا ما عم قول هيك بنوب..........؟؟

وهاد الشي بيعني انو في ديانات غير سماوية ولاتمد بسياستها لله بأي صلة

[مسطول على طول]

لما يكون في ديموقراطيه اولاً .... بعدا بنحكي

والشعب بيبقا بيقول مين بدوا

[Spector]

كاتب النص الأصلي : مسطول على طول

لما يكون في ديموقراطيه اولاً .... بعدا بنحكي

والشعب بيبقا بيقول مين بدوا

اي هيك احسن

منرتاح شوي

[مسطول على طول]

كاتب النص الأصلي : GMC

اي هيك احسن

منرتاح شوي

دوخونا بهل مواضيع .. الله ومحمد والمسيح ولعبيد وملحد ومؤمن....... ومدري شو

... والبعث اعد بالحكم ولكل عم يدور بحلقه مفرغه

كم موضوع عن الديموقراطيه في بالمنتدى ؟

مابظن ترتاح جيمس

تحياتي

[Willi]

حبيب العلمانية انا بشوفها هية الطريق للديمقراطية.
او اذا بدك بدون وحدة منهون التانية ما رح تكون موجودة.


بالنسبة لذا مورنينغ

موضوعنا هو العلمانيه و ليس الدين الحاكم ....
اذا الكل بدو يحكم مين بدو ينحكم .. انا ما بيهمني ديانه الحاكم بيهمني مبدأ الحاكم.. المبني على مبدأ ديني اي كان هو ...
ما بالضروره الدوله تطبق دين كامل .. اي يعني بما ان الله واحد فما مهم تحت اي اسم اجا الدين او من تحت اي دين اتاخدت الاحكام المهم ان تكون احكام دينيه مقبوله
مشكور

يعني انو هلق بالله هاد اللي فسرتي كلامي على اساسو؟؟ انو بدي كل سكان البلد يصيرو رئيس للدولة؟؟
يعني منطقيا ممكن حدا يفكر هيك؟؟؟

بكل الاحوال, بس قوانين دين ما بتمشي على قوانين دين تاني.
فممكن قوانين دين تسمح بقتل المجرم, قوانين دين تاني ما بتسمح بهالشي.
طيب حليها لشوف.

[The morning]

كاتب النص الأصلي : Willi

حبيب العلمانية انا بشوفها هية الطريق للديمقراطية.
او اذا بدك بدون وحدة منهون التانية ما رح تكون موجودة.


بالنسبة لذا مورنينغ

يعني انو هلق بالله هاد اللي فسرتي كلامي على اساسو؟؟ انو بدي كل سكان البلد يصيرو رئيس للدولة؟؟
يعني منطقيا ممكن حدا يفكر هيك؟؟؟

بكل الاحوال, بس قوانين دين ما بتمشي على قوانين دين تاني.
فممكن قوانين دين تسمح بقتل المجرم, قوانين دين تاني ما بتسمح بهالشي.
طيب حليها لشوف.

و عقل انسان بيختلف عن عقل انسان تاني و بتم التعامل مع مجموعه أديان اسهل من التعامل مع عدد غير متناهي من العقول ..
و برجع بقلك انا ماني ضد العلمانيه ... بس ضد افكار معينه ..
و أنا مع العلمانيه عندما تصل الى اسمى حالاتها ....
مشكور

[The morning]

كاتب النص الأصلي : hanny dagher

حابب علق على جملة لازم يجي من اسس فكر اكبر من الانسان حددها "الله " مثلا

انو يا اما انا فهمت الجملة غلط يا اما فهمت صح ورح اسال على اساس انو فهمتا صح (بعتذر اذا كان فهمي الصح غلط )

ليش مستهونين بعقل الانسان وعم تعتمدو بكل شي على الله والدين
ليش خيو عقل الانسان كخ يعني ما بيسوى
يعني انا ما بعرف ليش هالاتكالية الزايدة على الله

بعدين خيتو سؤال على السريع شو هيي العلمانية اللي عم تحكي عنها او اللي انتي معاها شو اسسا المنظمة

تحياتي للجميع

أولا مافي داعي تعتذر لانو هون نحنا عم نتحاور .. انا ممكن افهمك غلط بتصلحلي انت بتفهمني غلط بصلحك ..
أنا ماني مستهينه ابدا بعقل الانسان بالعكس بعترف بعظمتو و قدراتو بس الفرق بيني و بينك اني انا بأمن انو الله هو عطانا هالعقل و انت ما بتأمن انو اجا من عند لله .. و أنا هاد الشي بحترمو كتير و ما عندي مشكله في ..
و انا يمكن بالصفحه خمسه او سته او التنين ذكرت العلمانيه الي انا معها ... معلش عزبك تقراهن من هنيك ...
مشكور

[اجمل نساء الدنيا]

كاتب النص الأصلي : ابو مرسيل

يا شباب نحنا منفصلين عن الله خلقة لانو بيقول فيلسوف الماني للاسف ما عم اتذكر اسمو انو اذا كان الله موجود فانا ميت و اذا كنت موجودا فالله ميت و نحنا اكيد موجودين و بالاخير و هذا رايي انو الله خالق لا غير بس مو مدبر هل حياة

نحنـــــــا منفصلين عن الله خلئـــــــــــــــــة ؟؟؟؟!!!!!!!!!!!!
مين قال هالحكي .... وإذا كنت من عشاق الفيلسوف يلي مش عم تتذكر اسمه ؟؟؟ !!!
مش معناه انو نحنا نتقيد بكلامو .... للاسف في كتير بيتأثر بكلام هالفلاسفه ... ومن كتر حبهم لهودي صاروا ملحدين ...

ودخلك مين مدبر هالحيـــاة برأيك ؟؟؟؟!!!!!!
وعلى قصة الفيلسوف يلي مش عم تتذكره ... يا ريت لو اتذكرته ... تخبرني

[hanny dagher]

كاتب النص الأصلي : اجمل نساء الدنيا

ودخلك مين مدبر هالحيـــاة برأيك ؟؟؟؟!!!!!!
وعلى قصة الفيلسوف يلي مش عم تتذكره ... يا ريت لو اتذكرته ... تخبرني

الانسان والانسان فقط

الفيلسوف اسمه نيتشة او هيك ذكرتو جيني برد سابق

الي رجعة لعلق على كلام ذا مورينينغ

[ابومزيد]

بدي افهم ليش المسلمين عم يعارضو العلمانية مع انو بتصب بمصلحتهم وخصوصا انو الهم الاغلبية بكل الدول العربية تقريبا وللا بس معارضة هيك لو انتو واثقين من دينكم كل هالقد ما لازم تخافو من البعبع تبع العلمانية ابداوللا لازم نكون عبيد لافكاركم دائما سواء مقتنعين فيها او لاءالدين الاسلامي على اساس انو قام على الفكر والعقل والعدالة بقى شو القصة

[نيرفانا]

كاتب النص الأصلي : ابومزيد

العلمانية ما بتعارض الدين بس بتحد من تجاوزات المتدينين (على اساس)وممارساتون التدخلية بشؤون الاخرين يعني شغلة حلوة انو ما اسمع كل مولد بيصير بالجامع غصبا عني وانا قاعد ببيتي لك حتى لو كنت متدين وبحب الموالد ما فيني افهم شو عم يقولوا لانو الميكروفون مو كل هالقد بس المشكلة انو اذا حكى الواحد بيصير رزيل وكافر وان سكت بياكل ***

لأ ما حبيتا منك ليش حتى الواحد يسكت وياكل مدري شو أنا ساويتا واقترحت إنو بدل ما 12 جامع يرفعو الأدان بنفس الوقت وبنفس المنطقة يفتحوا 11 منن دور للأيتام والمعاقين ويضل واحد وهاد بالإضافة لأنو في إختراع إسمو الساعة بإختصار إنو يلي حابب يأدي واجبو تجاه ربو ما بدو مين يذكرو

[نيرفانا]

كاتب النص الأصلي : ابومزيد

بدي افهم ليش المسلمين عم يعارضو العلمانية مع انو بتصب بمصلحتهم وخصوصا انو الهم الاغلبية بكل الدول العربية تقريبا وللا بس معارضة هيك لو انتو واثقين من دينكم كل هالقد ما لازم تخافو من البعبع تبع العلمانية ابداوللا لازم نكون عبيد لافكاركم دائما سواء مقتنعين فيها او لاءالدين الاسلامي على اساس انو قام على الفكر والعقل والعدالة بقى شو القصة

سمحلي جاوبك في حال اعتبرنا إنو العلمانية متل ما حكى Willi إنها الطريق إلى الديمقراطية بعتقد الجواب صار بديهي و بهالحالة العلمانية ما بتصب بمصلحة المذكورين أعلاه لأنو الديمقراطية إنو تنادي المرأة بحريتها مثلاً وهاد مرفوض والديمقراطية إنك تفيئ الصبح طالع ع بالك تعتنق دين غير دينك وهاد ما بجزلك وكمان الديمقراطية إنك تعبر عن رأيك أو اعتقادك بوجود الله أو عدمو فبتكون أجرمت بحق البشرية مع العلم إنو الكل عندو علم إنو الرب ما وكّل عنو محامين من أهل الأرض ومع هيك الكل بكلف نفسو بهالمهمة اجتهادات شخصية يعني ......وحاجة لهون.

[ابومزيد]

كاتب النص الأصلي : نيرفانا

لأ ما حبيتا منك ليش حتى الواحد يسكت وياكل مدري شو أنا ساويتا واقترحت إنو بدل ما 12 جامع يرفعو الأدان بنفس الوقت وبنفس المنطقة يفتحوا 11 منن دور للأيتام والمعاقين ويضل واحد وهاد بالإضافة لأنو في إختراع إسمو الساعة بإختصار إنو يلي حابب يأدي واجبو تجاه ربو ما بدو مين يذكرو

ليش مين قللك اني ساكت انا حكيت بس للأسف طلعت اول شي وهابي بعدين رزيل بعدين كافر

[hanny dagher]

كاتب النص الأصلي : نيرفانا

سمحلي جاوبك في حال اعتبرنا إنو العلمانية متل ما حكى Willi إنها الطريق إلى الديمقراطية بعتقد الجواب صار بديهي و بهالحالة العلمانية ما بتصب بمصلحة المذكورين أعلاه لأنو الديمقراطية إنو تنادي المرأة بحريتها مثلاً وهاد مرفوض والديمقراطية إنك تفيئ الصبح طالع ع بالك تعتنق دين غير دينك وهاد ما بجزلك وكمان الديمقراطية إنك تعبر عن رأيك أو اعتقادك بوجود الله أو عدمو فبتكون أجرمت بحق البشرية مع العلم إنو الكل عندو علم إنو الرب ما وكّل عنو محامين من أهل الأرض ومع هيك الكل بكلف نفسو بهالمهمة اجتهادات شخصية يعني ......وحاجة لهون.

هون بلشنا نختلف بقى

ليش مرفوض انو تنادي المرأة بحريتها ؟
ليش مرفوض انو تعتنق دين غير دينك ليش انا مجبر بدين اللي لقيت علي بيي وامي ليش ما بيكون الي حرية اتباع الدين اللي بدي يا يعني عجبتني تعاليم المسيحية بصير مسيحي عجبتني الاسلامية بصير مسلم وهيك
ليش لحتى الحق هالعالم اللي عايش معاها بدون ما افهم ليش لاحقا او بدون ما كون حابب الحقا

ليش بكون اجرمت بحق البشرية اذا عبرت عن رايي او اعتقادي بوجود الله او عدمو