شو يعني علمانيّة؟؟؟

[Government]

أما معتقدات العلمانية في العالم الاسلامي والعربي التي انتشرت بفضل الاستعمار والتبشير فهي :
* الطعن في حقيقة الإسلام والقرآن والنبوة
* الزعم بان الإسلام استنفذ أغراضه وهو عبارة عن طقوس وشعائر روحية
* الزعم بان الفقه الاسلامي مأخوذ عن القانون الروماني .
* الوهم بأن الإسلام لا يتلائم مع الحضارة ويدعو إلى التخلف .
* الدعوة إلى تحرير المرأة وفق الأسلوب الغربي .
* تشويه الحضارة الإسلامية وتضخيم حجم الحركات الهدامة في التاريخ الاسلامي والزعم بأنها حركات إصلاح .
* إحياء الحضارات القديمة .
* اقتباس الأنظمة والمناهج اللادينية عن المغرب ومحاكاته فيها .
* تربية الأجيال تربية لادينية .

· إذا كان هناك عذر لوجود العلمانية في الغرب فليس هناك أي عذر لوجودها في بلاد المسلمين لأن النصراني إذا حكمه قانون مدني وضعي لا ينزعج كثيراً ولا قليلا لأنه لا يعطل قانون فرضه علية دينه وليس في دينه ما يعتبر منهجا للحياة ، أما مع المسلم فالأمر مختلف حيث يوجب عليه إيمانه الاحتكام لشرع الله . ومن ناحية أخرى كما يقول الدكتور يوسف القرضاوي – فإنه إذا انفصلت الدولة عن الدين بقي الدين النصراني قائما في ظل سلطته القوية الفتية المتمكنة وبقيت جيوش من الراهبين والراهبات والمبشرين والمبشرات تعمل في مجالاتها المختلفة دون أن يكون للدولة عليهم سلطان بخلاف ما لو فعلت ذلك دولة إسلامية فأن النتيجة أن يبقى الدين بغير سلطان يؤيده ولا قوة تسنده حيث لا بابوية ولا كهنوت ولا اكلريوس وصدق الخليفة الثالث عثمان بن عفان رضي الله عنه حين قال ( إن الله يزع بالسلطان ما لايزع بالقرآن ) .

هالكلام 100% وهو التعريف الأوضخ والأوفى للعلمانية

[Spector]

كاتب النص الأصلي : Willi

معلم بدك تسمحلي بهاي
مافي شي اسمو العلمانية في العالم الاسلامي والعربي التي انتشرت بفضل الاستعمار والتبشير.

هاد كلو بيرجع لنظرية المؤامرة اللي بيعتقدو فيها بعض الناس.

بعدين لك عماد انت قريت اللي نقلتو بالرد التاني؟؟
بستغرب انك تنقل هالحكي.

متل ما قلت هاد اللي كاتب هالحكي واحد من تبعوت نظرية المؤامرة.
وكلامو كلياتو مشان يخلي العالم تكره العلمانية واتضل ملتهية بالدين.
من هون بيجي انعدام الضمير الموجود عند اغلب المتدينين. بدون العالم يأمنو باللي بدهون ياه لو شو ما كان.

ولك جاد قراه منيح قايل انو علاك مصدي شبك

[Spector]

كاتب النص الأصلي : GOVERMENT

هالكلام 100% وهو التعريف الأوضخ والأوفى للعلمانية

وهو علاك مصدي واكل هوا

[Spector]

كاتب النص الأصلي : Willi

معلم بدك تسمحلي بهاي
مافي شي اسمو العلمانية في العالم الاسلامي والعربي التي انتشرت بفضل الاستعمار والتبشير.

هاد كلو بيرجع لنظرية المؤامرة اللي بيعتقدو فيها بعض الناس.

بعدين لك عماد انت قريت اللي نقلتو بالرد التاني؟؟
بستغرب انك تنقل هالحكي.

متل ما قلت هاد اللي كاتب هالحكي واحد من تبعوت نظرية المؤامرة.
وكلامو كلياتو مشان يخلي العالم تكره العلمانية واتضل ملتهية بالدين.
من هون بيجي انعدام الضمير الموجود عند اغلب المتدينين. بدون العالم يأمنو باللي بدهون ياه لو شو ما كان.

انا نقلت هاد المقال مشان فرجي الشباب التخلف البشري عند بعض الجماعات قرا العنوان تبع المقال و اخر كلمتين بتغهم

[Government]

كاتب النص الأصلي : GMC

وهو علاك مصدي واكل هوا

اي هادا برأيك
واذا انت هيك شايف تصطفل منك لحالك


بس هو الكلام الأصح ومافي بعدو كلام


بعدين اذا مالك مقتنع في ليش انت اللي حاطو

[ري مي]

كاتب النص الأصلي : mahmoom

مو هيك كان رأيك بمشاركتي
اذا بتذكري

أي مشاركة والله مو متذكرة أنا قلي
بس في الي عندك سؤال ؟؟؟؟؟؟
ليش مسمي حالك مهموم
ولو يعني ليش هيك

[Geeny]

كاتب النص الأصلي : ابو مرسيل

يا شباب نحنا منفصلين عن الله خلقة لانو بيقول فيلسوف الماني للاسف ما عم اتذكر اسمو انو اذا كان الله موجود فانا ميت و اذا كنت موجودا فالله ميت و نحنا اكيد موجودين و بالاخير و هذا رايي انو الله خالق لا غير بس مو مدبر هل حياة

هادا الفيلسوف الألماني هو نيتشه وهو القائل بموت الله
وانا بوافق على حكي امراة من ورق أنو العلمانية هي عدم تدخل بمعتقدات الآخر وهي لا تعني انو عدم الاعتراف بالله او الكفر او الالحاد يعني حكي امراة من ورق هو التعريف الصح للعلمانية برأي

[ري مي]

كاتب النص الأصلي : وائل 76

هلاء يا جماعة انتو عرفتوا العلمانية وكريم مشكور حط اللنك لموضوع سابق تحدث عنها
انا بدي حاور هون من وجهة نظر اخرى مفادها التالي
ما الذي دعانا الى الحديث عن العلمانية واعتبارها نهج حياة وهي الخلاص امام سطوة الدين على حياة البشر ؟؟؟؟؟
بسبب الطائفية المستفحلة
بما أنو نحنا عايشين بمجتمع فيه من كل الطوائف ف إذا كل واحد بدو يستبد برأيه وما يتقبل الاخر رح تشتعل حرب طائفية والشعب أول الخاسرين فيها
باعتقادي ان السبب هو فقدان الثقة الذي وصلنا له الامر الذي صور للبعض ان ما نعيش فيه الان من كبتوتديق انما هو بفعل التطبيق الصحيح لمفاهيم الدين اياً كان سواء اسلام او مسيحية
مظبوط كلامك أزمة ثقة
اعتقد ان هناك فارقاً كبير بين الفكرة او بين الدين وبين التطبيق
فاذا كان التطبيق خاطئاً واذا كان الحاكم او الناس قد وظفوا الدين لخدمة مصالحهم واهوائهم فان ذلك لا يضير الفكرة ولا يضير الدين
بس بيضر المجتمع
لان الدين باختصار منهاج حياة كامل فاذا كنا جميعا متفقين ان الدين اسلاماً ومسيحية من عند الله عز وجل فلا يجوز لنا بحال من الاحوال ان ننطلق من ايمانا بعجز الدين على مواكبة العصر وعجزه على ان يحكم اختلافاتنا
مو الدين العاجز لاااااااااا والله
وإنما العقول اللي عم بتفسر هالدين على هواها وحسب مصالحها الاقتصادية بالدرجة الاولى
باختصار من الصعب ان نتقبل ان الفكر الانساني قد سمى على قانون و منهج من عند الله
اتفق معكم ان السلبيات كثيرة وان الكثير اخطا ولكن لا يجوز ان نعمم احكامنا على عدم جدوى الدين
لك مو عدم جدوى
يعني فيك تقول أنو ما في تطبيق صحيح لهالدين لانو بصراحة ما تتضمنه العلمانية من قيم إنسانية في الحقيقة موجودة نفسها في الدين ولكن عدد كبير من المتدينين لا يعملون بها كما يجب وإن عملو بها فطمعا بالاجر وليس لوجه الله تعالى




اشكركم جميعاً واشكرك كهربجي مثقف على موضوعك الرائع

...............................

[Willi]

والآزمات السياسيه والحروب ... اظن ورائها احد

اتحدا ان تثبت لي ان كل مايحصل في بلاد العرب والمسلمين من حروب ومآسي ان لايكون ورائها احد الدول
( الولايات المتحده - بريطانيا - فرنسا )

ورائها حكام هالبلاد وشعبون, ما حدا غيرون.

يعني ليش امريكا بدها تعمل العراق دولة علمانية ,,, ؟؟؟

مشان يبطل الجار يقتل جارو, لانو من طائفة مختلفة

[وائل 76]

كاتب النص الأصلي : امرأة من ورق

العلمانية من الناحية الاجتماعية والمجتمع العلماني متل ماانا بفهمو انو اللي بدو يكون مسلم بيحقلو يكون مسلم لاقصى الدرجات يعني من اعمق الاشياء لابسط الشغلات ومن صلاة وصوم لحجاب المرأة لتربية دقن الرجل بس بدون مايتدخل بغيرو ويحاول يفرض عليون هالاشياء وبدون ماحدا يفرض عليه يتخلى عن هالاشياء
واللي بدو يكون مسيحي كمان يكون مسيحي لاقصى الدرجات وكمان من اعمق الاشياء لابسط الشغلات
واللي بدو يكون بوذي يكون
واللي بدو يكون مؤمن باي دين يكون
واللي بدو يكون لاديني بيأمن بالله بدون دين محدد يكون
واللي بدو يكون ملحد بيكفر بالله كمان يكون هيك
بس بدون مااي حدا يتدخل ويفرض عالتاني اي شي من الدين يعني باختصار احترام كل الاديان وبكل درجاتها واحترام كل شخص بغض النظر عن ايمانو الديني
وبرأيي ياريت لو نعرف نطبق هالشي

يلي عم تحكي عنه هو مفهوم احترام عقائد الاخر وهو مفهوم نصت عليه معظم الشرائع بعتقد انو التعريف يلي اوردتيه لا يعدو كونه تجميلاً لفكرة العلمانية لانو التعريف الحقيقي هو فصل الدين عن الدولة
هلاء احترام عقائد الاخر انا متفق معك فيها مليون المية لكن انو نطلق احكام على الدين اي كان بانو قاصر وعاجز ان يلبي تطلعاتنا بعتقد انو تجني على الدين لانو الدين قانون من عند الله فما بعتقد انو يوصل الانسان لدرجة اسمى من الله عز وجل في ترتيب حياته
بضيف شغلة هون مهمة ومصر عليها يا جماعة ما في دولة وحدة بتطبق الدين بسياستها كل الدول العربية بلا استثناء تطبق العلمانية بمفهومها المطلق كلهم وظفوا بعض من احكام الدين لخدمة اهوائهم ومصالحهم وصوروا النا الدين على انه البعبع يلي راح يخنقنا ويكبت حريتنا
هاي وجهة نظري مع احترامي الشديد لوجهة نظرك

كاتب النص الأصلي : The morning

العلمانيه هي ان تبني لنفسك هيكلا فوق انقاض افكارك ... و تبتسم لانتصارك!!!!

جملة بسيطة معناها يحتاج لموضوع كامل فعلا خير الكلام ما قل ودل

بشكرك كتير ذا مورننج على كلماتك

كاتب النص الأصلي : ~YAFA~

انا ضد العلمانية ,,,,,,,,,,,

يعني ليش امريكا بدها تعمل العراق دولة علمانية ,,, ؟؟؟

المشكلة يافا ان حتى امريكل لا تطبق العلمانية على الاقل في سياستها الخارجية متل ما بتعرفي المعلم بوش على تصرفاته بتكون بناء على توجيه من ربنا لانو الوحي بعدو ما انقطع بينه وبين ربنا مازال بيوجهه
شفتي كيف بيتم توظيف الدين لتحقيق مصالح واطماع ؟؟؟؟؟؟؟؟؟؟؟

تحياتي يافا العزيزة

كاتب النص الأصلي : hanny dagher

معلش ما بدي اطلع عن الموضوع بس حابب علق على هالنقطة بالزات

انا ماني متفق معك انو الدين اسلاما ومسيحية ويهودية من عند الله
ما رح اتعمق كتير بهالموضوع هون مشان ما اطلع عن الموضوع الرئيسي

سوري يا شعب
حياكون

اول شي مليون اهلا بالطالة الغالية هاي ومتل ما عودتنا الطالة لازم تكون قوية كتير
هاني انا تقريبا ما فهمت مقصد كلامك بحب انك توضح كلامك خلينا نتحاور بشكل منطقي و الحلو بالقصة انو لحد هلاء ما فات على الموضوع واحد من الشباب تبعون المشكل والهبل كلهم لحد هلاء شباب واعي ومثقف
تاكد هاني لو ما وصلنا لقواسم مشتركة نتفق رعليها راح كل واحد فينا يحتفظ بوجهة نظره والحب و الاحترام يلي بينا كفيل انو كلنا نقبل اختلافاتنا بدون تهجم او شتم
تحياتي يا غالي

كاتب النص الأصلي : ري مي

أي مشاركة والله مو متذكرة أنا قلي
بس في الي عندك سؤال ؟؟؟؟؟؟
ليش مسمي حالك مهموم
ولو يعني ليش هيك

لك ري مي شو علاقة القصة هاي بالموضوع يعني انا لاحقك من موضوع المد الاسلامي لهون علشان تتركي الموضوع هلكتيني ركض وراكي
تحياتي الك

كاتب النص الأصلي : Geeny

هادا الفيلسوف الألماني هو نيتشه وهو القائل بموت الله
وانا بوافق على حكي امراة من ورق أنو العلمانية هي عدم تدخل بمعتقدات الآخر وهي لا تعني انو عدم الاعتراف بالله او الكفر او الالحاد يعني حكي امراة من ورق هو التعريف الصح للعلمانية برأي

بعتقد التعريف الصحيح هو فصل الدين عن الدولة اما ما ذكرته اممراة من ورق ما هو الا تجميل للفكرة ليس الا والسبب اننا اطلقنا احكامنا على عجز الدين لقبول اختلافاتنا لان التطبيق كان سيئاً ففقدنا الثقة بالدين على اعتبار انه قانون يحكم حياتنا من كل جوانبها واعتقدنا ان العلمانية هي الخلاص
فان كان التطبيق سيئاً فلا يجوز لنا ان نطلق احكام العجز على الفكرة اي على الدين
اقبلي مني كل الاحترام

[وائل 76]

كاتب النص الأصلي : Willi

ورائها حكام هالبلاد وشعبون, ما حدا غيرون.


حكام البلاد اوكي بتفق معك لكن شعبون ما فهمتك شو قصدت هل المطلوب ان نبقى خرافاً تنتظر الجزار حتى ترضى امريكا الاله الجديد
هل لا يجوز لنا ان نقرر مصائرنا بايدينا وان ننتظر الشركات متعددة الجنسيات تحدد ما هو محرم وما هو محلل لنا
هل يجب ان نطئئ هاماتنا للامبريالية وانا نبقى على قيد الحياة فقط لناكل ونشرب و........ وننام
ماذا اجرمنا نحن بحق البشرية ؟؟؟؟؟؟؟؟؟؟؟؟؟؟؟؟؟؟؟؟





مشان يبطل الجار يقتل جارو, لانو من طائفة مختلفة

بس يا ريت جاد قبل ليجوا يحافظوا على دماء المسلمين المتخلفين يحلوا مشاكل العنصرية والعنف والمخدرات والايدز و جرائم المافيات وصناعة المخدرات و الشواذ و الفساد المالي عندهم و كتير في اشيا المفروض يوجهوا جهودهم الخلاقة ليصلحوا انفسهم وبعدين عم ننتظرهم يصلحوا حالنا

[ري مي]

أول شي مبروك بس ردك أخد تلات ارباع الصفحة يا زلمي
وتاني شي

لك ري مي شو علاقة القصة هاي بالموضوع يعني انا لاحقك من موضوع المد الاسلامي لهون علشان تتركي الموضوع هلكتيني ركض وراكي
تحياتي الك

لك والله هيك خطرلي اسألو لكن بربك حدا بيسمي حالو مهموم
والله مشان المد الاسلامي انا مقررة خفف من شغلة النقاشات الدينية هالفترة ومع هيك ما عم تظبط معي

[وائل 76]

كاتب النص الأصلي : ري مي

أول شي مبروك بس ردك أخد تلات ارباع الصفحة يا زلمي
وتاني شي




لك والله هيك خطرلي اسألو لكن بربك حدا بيسمي حالو مهموم
والله مشان المد الاسلامي انا مقررة خفف من شغلة النقاشات الدينية هالفترة ومع هيك ما عم تظبط معي

ري مي الغالية لو كل واحد فينا ناقش بادب وبمنطق راح نفهم بعض ونقبل وجهات نظر بعض
المهم بالنسبة للعم مهموم لك هو في شي بيبسط بالكون كله ......................................
خلينا بالموضوع حتى ما اعملك قص ولصق من موضوع المد الاسلامي واهلكك قراة متل ما هلكتيني ركض

[Willi]

حكام البلاد اوكي بتفق معك لكن شعبون ما فهمتك شو قصدت هل المطلوب ان نبقى خرافاً تنتظر الجزار حتى ترضى امريكا الاله الجديد
هل لا يجوز لنا ان نقرر مصائرنا بايدينا وان ننتظر الشركات متعددة الجنسيات تحدد ما هو محرم وما هو محلل لنا
هل يجب ان نطئئ هاماتنا للامبريالية وانا نبقى على قيد الحياة فقط لناكل ونشرب و........ وننام
ماذا اجرمنا نحن بحق البشرية ؟؟؟؟؟؟؟؟؟؟؟؟؟؟؟؟؟؟؟؟

لاء المطلوب هو العكس تماما.
المطلوب انو الشعب يبلش يعتمد على حالو. وما يضل ناطر الله ليعملو كلشي.

بس يا ريت جاد قبل ليجوا يحافظوا على دماء المسلمين المتخلفين يحلوا مشاكل العنصرية والعنف والمخدرات والايدز و جرائم المافيات وصناعة المخدرات و الشواذ و الفساد المالي عندهم و كتير في اشيا المفروض يوجهوا جهودهم الخلاقة ليصلحوا انفسهم وبعدين عم ننتظرهم يصلحوا حالنا

هلق ما بدنا نفتح موضوع جديد واتضيع الطاسة بهالموضوع, بانو نفتح فيه 500 نقاش شكل.
بس ببساطة اميركا وجودها بالعراق تلبية لمصالحها. صحيح 100%
لكن اني قلك انو هالشي ما رح يفيد العراق. لاء انا بختلف معك هالشي.
بالقليلة بالقليلة العلمانية, رح تلغي التفكير الطائفي اللي معشش بجذورون.
شوفة عينك تاركين اميركا, وعم يقتلو بعض.

[وائل 76]

كاتب النص الأصلي : Willi

لاء المطلوب هو العكس تماما.
المطلوب انو الشعب يبلش يعتمد على حالو. وما يضل ناطر الله ليعملو كلشي.




هلق ما بدنا نفتح موضوع جديد واتضيع الطاسة بهالموضوع, بانو نفتح فيه 500 نقاش شكل.
بس ببساطة اميركا وجودها بالعراق تلبية لمصالحها. صحيح 100%
لكن اني قلك انو هالشي ما رح يفيد العراق. لاء انا بختلف معك هالشي.
بالقليلة بالقليلة العلمانية, رح تلغي التفكير الطائفي اللي معشش بجذورون.
شوفة عينك تاركين اميركا, وعم يقتلو بعض.

جاد انا متفق معك بكل يلي عم تحكيه وعم ننطلق انا وانتا من ارضية وحدة انو نفسنا هالناس تصير تفهم وتقبل الاختلاف بينا لانو الله خلقنا مختلفين لك الاخوة بالبيت الواحد بيكون انتمائهم الفكري والايديولوجي مختلف ومع ذلك بيقدروا يتعايشوا مع بعض
كل يلي عم تحكيه صح بس في شغلة صغيرة هيا انو اكيد التخلف و الثقافة يلي عم نعيشها بالوطن العربي ورا الطائفية وورا حوادث القتل يلي بالعراق و يلي عندنا كمان لكن ما تنفي دور الامريكان واليهود هون بانهم بيعززوا هالظاهرة ليخدموا مصالحهم يعني متل ما تقول فخار يكسر بعضه بدل ما ينشغلوا بحرب الامريكان عم يشتغلوا بحرب حالهم ومرجع ذلك انو الامريكان هما يلي عم يشعلوا الفتنة بينهم
نرجع لموضوعنا في فكرة صغيرة ما حكيتها وما عارف كيف عبر عتها بس بتمنى تفهم كلامي جاد
انو مبدئ الثواب والعقاب ضروري في اي سلوك وتعامل انساني بعتقد تحيد الدين عن اي دور سياسي سواء داخلي او خارجي راح ياثر بشكل سلبي على هالمبدئ
وشغلة تانية انو كيف انا بدي اقبل فكرة الدين واقتنع بالرسل والله وانا شايف الدين عجز على تلبية مصالحنا واختلافاتنا
يعني من الاخر العلمانية هي تكريس للفكر الاديني الذي يرفض وجود الدين اصلاً

[كهربجي]

له له؟؟ يعني الملحد ما عندو أخلاق؟؟ هي حلوة... حلوة هي..

[وائل 76]

كاتب النص الأصلي : كهربجي مثقف

له له؟؟ يعني الملحد ما عندو أخلاق؟؟ هي حلوة... حلوة هي..

مين يلي حكى هالحكي كهربجي
الملحدين احسن ناس
هلاء كهربجي عم نحكي انو الاخلاق والضمير والعقل موجود عند المتدين والملحد متل ما قال كريم على ما اعتقد وما حدا رد عليه بفكرته لانها منطقية
لكن يلي بنقصده هون انو بجانب كل هاي الاشياء بيجي دور الدين كموجه حين يحيد الانسان عن السبيل
و يعاقب حيم يخطئ الانسان
واهم نقطة انه يجمع الكثير من اختلافاتنا ليصهرها في صيغة واحدة بعيدة عن الطائفية والتحزب

هذا يلي قصدناه معلم كهربجي
بعدين انتا نزلت هالموضوع وين رحت تاركنا ؟؟؟؟؟؟؟؟؟؟؟؟؟؟؟؟؟؟؟؟؟؟؟

[امرأة من ورق]

كاتب النص الأصلي : وائل 76

يلي عم تحكي عنه هو مفهوم احترام عقائد الاخر وهو مفهوم نصت عليه معظم الشرائع بعتقد انو التعريف يلي اوردتيه لا يعدو كونه تجميلاً لفكرة العلمانية لانو التعريف الحقيقي هو فصل الدين عن الدولة
هلاء احترام عقائد الاخر انا متفق معك فيها مليون المية لكن انو نطلق احكام على الدين اي كان بانو قاصر وعاجز ان يلبي تطلعاتنا بعتقد انو تجني على الدين لانو الدين قانون من عند الله فما بعتقد انو يوصل الانسان لدرجة اسمى من الله عز وجل في ترتيب حياته
بضيف شغلة هون مهمة ومصر عليها يا جماعة ما في دولة وحدة بتطبق الدين بسياستها كل الدول العربية بلا استثناء تطبق العلمانية بمفهومها المطلق كلهم وظفوا بعض من احكام الدين لخدمة اهوائهم ومصالحهم وصوروا النا الدين على انه البعبع يلي راح يخنقنا ويكبت حريتنا
هاي وجهة نظري مع احترامي الشديد لوجهة نظرك




بعتقد التعريف الصحيح هو فصل الدين عن الدولة اما ما ذكرته اممراة من ورق ما هو الا تجميل للفكرة ليس الا والسبب اننا اطلقنا احكامنا على عجز الدين لقبول اختلافاتنا لان التطبيق كان سيئاً ففقدنا الثقة بالدين على اعتبار انه قانون يحكم حياتنا من كل جوانبها واعتقدنا ان العلمانية هي الخلاص
فان كان التطبيق سيئاً فلا يجوز لنا ان نطلق احكام العجز على الفكرة اي على الدين
اقبلي مني كل الاحترام

هلأ الحكي اللي انا حكيتو مو بس احترام عقائد الآخر هوي كمان قبول الآخر كطرف مساوي النا تماما...... يعني مابيكفي تحترمو وبعدين تقلو مثلا انو آسفين منك نحنا بنحترمك وانت انسان ممتاز وقادر تعمل وتشتغل كتير بس للأسف مابتنفع تصير مثلا رئيس دولة لانك مابتتوافق مع الدين السائد بالمنطقة

وبعدين اللي حكيتو مانو ابدا تجميل لفكرة العلمانية وانما هوي متل ماوضحت بردي الناحية الاجتماعية للعلمانية وبرأيي هاد هوي خلاصة العلمانية واذا قدرنا نوصل الو من الناحية الاجتماعية بيصير فصل الدين عن الدولة تحصيل حاصل

وانت صرت مردد اكتر من مرة انو المشكلة مو بالدين بس المشكلة بتطبيق الدين ولنفرض انو الدين مابيشكي من شي ابدا بس طالما عقولنا مانها قادرة تستوعبو بشكل كافي لتطبيقو عالواقع فنحنا عم نصغير الدين وبرأيي انو بتطبيق العلمانية ولما بنعطي للدين حدودو انو من الناحية الروحية والاخلاقية للشخص والمجتمع وبنحافظ على وظيفتو بهي النواحي بنكون عم نصون الدين........ واما بامور الدولة فاثبت فشل كبير بيجوز لانو عم يتم استغلالو بابشع صورة بقى هالشي حتى عم ينفر الناس من الدين

وعذرا منك بس مو كتير فهمت انت شو تصورك عن تطبيق العلمانية لحتى عم تقول انو كل الدول العربية عم تطبق العلمانية بمفهومها المطلق؟؟؟ انا برأيي انو عم يطبقو الحكم الديني بمايناسب اهوائهم واحيانا بيطبقو اشياء تحت اسم العلمانية كمان بما يناسب اهوائهم بس هني مااقتربو حتى اقتراب من العلمانية

بكل الاحوال مشكور على الرقي بالردود