هل من الممكن أن تحب شخص لم تراه؟ - صفحة 3

Willi · 12/09/2006

اقتباس:

كتير حالات نجحت بالغرب وبكندا وامريكا بالزواج عن طريق النت... وقليل هي الحالات اللي نجحت بالمجتمعات الشرقية... المثخنة بالتقاليد والاعراف التي لا تسمن لا تغني من جوع....

يا عيني على ربك
بس هدول بكونو ربيانين بطريقة غير من هني وعمرون سنة

انا شخصيا بحياتي ما شفت قصة حب عالانترنت مافيها حدا عم يتسلى ويمضي وقت على حساب حدا تاني او عم يضحك عليه او بكتير من الحالات التنين عم يتسلو ببعض

انا الي بدخل 3 سنين عالانترنت
وسمعت كتير عن قصص حب
وبعرف كتير قصص حب
وبعرف كتير عايشين بقصص حبد

عالانترنت طبعا

اللهم الا وحدة بس كانت صادقة وبالفعل نجحت والتنين تزوجو
بس هدول التنين كانو واعيين

eLiTe · 12/09/2006

حبيباتي
انا خطيبتي تعرفت عليها من النت

يعني عالتشات
وبعتت اهلي وشافوها وخطبتها

طبعا بعد ما شفتها

بس بعرف انو كل مليون واحد لتزبط معو وحدة

والنهفة انو اهلنا لهلء مابيعرفو ومافي حدا بيعرف غير انا وهيه وبس

mlatta1 · 12/09/2006

اقتباس:

كاتب النص الأصلي : ليووش

جيب الزبده لنحطا عالنار

روق.......

كني سياستك قمعية تعسفية انكشارية تراجعية ........
و أيضا تسغلي قوتك و عضلاتك بشكل شرير..... يا شريرة.....
أنا كنت عم عبر عن شعوري فقط.

ليووش · 12/09/2006

شبك خفت مني هههههه يا mlatta1

عبر عن شعورك مو مشكله

راديا · 12/09/2006

ممكن كتير و انا بدوري عايشتا هالقصة و ما فيكن تتخيلو قديش مبسوطة و من كل قلبي عم بعطي اللي عم بقدر عليه و نشا لله يكون النصيب
تزبط ما تزبط المهم عم بعمل اللي بيقلي عليه قلبي و ضميري
ما فيي قول لقلبي لا محرم عليك حدا من النت و محلل عليك حدا موجود معي و حدي
خلونا منطقيين
ميرسي الكن
و الله يوفق الجميع

-----------------------
حتندم يا جميل

رائدة الفضاء · 12/09/2006

بحب اشكرك على الموضوع الرائع

فلسطينية الشتات · 12/09/2006

ليه لأ ؟؟؟

الحب مش مقتصر على الشكل الخارجي،

ممكن تسمع صوت ويعجبك وتتعلق فيه، وبعد فترة يصير هاجس بالنسبة الك
لدرجة انك ما بتستغني عنه بحياتك.

بالنسبة للحب على النت او عن طريق الشات
فهو ممكن جدا، خصوصا اذا كان اساس العلاقة مبني على علاقة منهجية
يعني :
اذا كان الفكر هو الاساس الاول، ممكن كثير يعجبك شخص من افكاره
وتصير حاب تتعرف عليه اكثر، وكل ما تعرفه بزيد اعجابك وشغفك بافكاره
لحتى تصير افكاره متغلغلة فيك، وعملت عندك قناعة تامة انه صاحب هالفكر
انسان يستحق الاحترام والتقدير والحب.

بالتالي الفكرة هي اللي بتصنع كل شي وبتحدد الطريق اللي بدك تمشي فيه

شو رأيكم ؟؟؟

LEONARDO · 12/09/2006

يا سيدنا بكل بساطة أنا من المعارضين الأشداء للموضوع ( الحب عالنت أ عالهاتف ) (كنت).
بس هلأ أنا واحد من هالعالم ......
بس قصتي شوي مختلفة يعني أنا رفيقي اتعرف على عالم من عن طريق غرف الشات و هوي بلاس فيغاس ( و أنا بكاليفورنيا) و رضيو يعطوا رقم التلفون على انو من دين واحد و من بلد وحدة و على انو باميركا و صار يحكي معاهن و بيوم من الأيام بيتصل فيي و بقللي هيك هيك هيك و حكيتلهن انو عندي رفيق حباب عندكن بكاليفورنيا و ضليت صر عليهن لحتى أقنعتهم انو يخلوني أعطيك الرقم .
أنا قلتلو ايه شو مجنون انتا ؟ مفكرني رح احكي معاهن من وين لوين ؟
قللي يا أخي رفقة !! قلتلو رفقة و ما بعرفهن ولا شايفهن ولا ولا ولا؟
قللي يا أخي بتتعرف و الجماعة حبابين و محترمين كتييييييييييييير (مع العلم انو هادا الشب ما بحياتو قال عن وحدة انو محترمة ولا بحياتو فكر بوحدة كرفيقة) بس ما طلعلو مع الجماعة.
والله دقيت تلفون و اتعرفنا و حكينا شي 15 دقيقة و بعد يومين حكينا شي 30 دقيقة هيييييييييك لحتى صرنا خوش بوش و بعدين اتعرفت على كل العيلةليوم من الأيام مدري شو بتكون عم تساوي و بتقلي امسك احكي مع ؟؟؟؟ لبين ما صف السيارة( ايه اتذكرت كانت عم تتعلم صف السيارة ههههههههه) والله حكينا مع البنت والله ولا أطيب و ألذ و أرق من هيك بنت بالعالم.
والله صرت احكي معاها ونحكي ونحكي هيييييييييييييييييييييييك ليوم يللي عزمتني فليه أمهن لزورهن(هلأ هون بدي نبه على شغلة انو كل تفكيري فيهن كان على انو رفقات مو أكتر لأنو كنت رافض شغلة الحب بهالطريقة بس لما حكيت أختهن الكبيرة 19 سنة عمرها أعجبت بتفكيرها و بطيبة قلبها و مشاعرها بس بهالزمن هاد مافيك تحكم على انسان من هالطريقة هاي فقلت لازم شوفهن و اتعرف عليهن من عن قرب و رحت شفتهن و شفت كيف ععايشين و كيف بيحكوا و كيف متواصلين مع الحواليهن و اتطلعت على عيون للبنت لشوف شو فيهن فعرفت انو مشاعرها يللي كانت على التلفون صادقة لحد مقبول فهون قررت انو فعلا أنا معاها و صارحتها بالموضوع و بادلتني المشاعر و صرت روح لعندهن و يجو لعنا و متفقين عا؟لأخير و شحو قريبا في موضوع خطبة و بعدواااا زواج اذا الله كتبلنا.
ملاحظة: أغلب العلاقات من هالنوع تكلل بالفشل لعدة أسباب بس الفئة الصغيرة يللي بيلتقى فيها صدق من الطرفين بتكون ناجحة بشكل رهيب بس مع ذلك أنا ما بقتنع بالحب عالنت أو عالتلفون من غير ما يشوفوا بعضهن يعني من الضروريات انو يشوفوا بعضهن غير هيك للكب.

Odell · 12/09/2006

مممممم براي مستحيل توقع بحب حدا الا لازم تشوفه اول

بس ممكن بالشات و المنتديات تتقرب من حدا بس تحبه لا

ولازم تشوفه لتقيم احساسك فيه و ناحيته

يا تحبه و تدوب فيه ...

يا تنصدم

ثانكس ع الموضوع

المستحيل · 12/09/2006

اقتباس:

كاتب النص الأصلي : ليووش

شبك خفت مني هههههه يا mlatta1

عبر عن شعورك مو مشكله

ليه بتخوفي ولييييييييييييييييييييييي يييييييييييي

**abosleman** · 12/09/2006

اقتباس:

كاتب النص الأصلي : xena

اي شو انعدموا الشباب او البنات بحياة الواحد ؟ شو ما عاد في طريقة ناجحة غير النت ؟
سهل الواحد يحب عالنت او التيليفون لأنو ما ببين غير المنيح بالشخص بس لما بتيجي عالحياة الواقعية يا سلااااااااااام , بلاوي زرقا
اي تشاطروا و حبوا عالحقيقة لأنو النت شغلي فاضي و كلها أحلام بأحلام
اصلا شو بدو الواحد من وجع هالراس
بس السبب برأي انو المجتمع العربي مجتمع منغلق يعني ما مألوف كتير انو البنت تحكي شب بالحقيقة فما لقوا غير النت و التيليفون , و هلأ الشباب و البنات بعد ما صار هيك شوية انفتاح , صار كل ما بنت تشوف شب أو شب بشوف بنت و يحكيا فورا بحبوا بعض, يعني مشاعر الاخوة معدومة تقريبا بين الشب و البنت بمجتمعنا, و هادا غلط , يعني البنت و الشب لازم يتعودوا ينظروا لبعض كأخوة , و في شغلات كتير اهم و احلى من الحب, يعني الواحد يحب بس بطريقة مشروعة و صح بحيث ما يضطروا يتخبوا من العالم بالنت و التيليفون, ما هيك ؟

عفوا منك بس ايو مجتمعنا قصدك ؟؟؟

**abosleman** · 12/09/2006

انو عفوا كمان احنا شو مفهومنا للحب

وليش بنحكي عن الحب وكانو شي ممنوع

وليش بنحدد الحب بالعلاقه الغراميه