هل من الممكن أن تحب شخص لم تراه؟

[ليووش]

قبل ما جاوب على سؤالك
بدي اسالك شي
ازا كان عندك كنبايه او تريا او شي لديكور البيت بدك تظلي تشوفيه متل اول شهر او اول اسبوع جبتيه للبيت؟؟
اكيد بيختلف وبتصيري بتدوري على شي تاني وبتدوري عالفايده او الخدمه يلي عم تقدملك ياها هالكنبايه

متلو متل الحب من الشكللل بس
يعني ازا اتزوجتي او اتزوجت حدا حلو او حلوه بالبدايه بيصير بس الشكل بعدين بدك تدوري عالمضمون بتدوري على جوات هالشخص

بقى انا من المؤيدين للحب عالنت خصوصا لو كان صادق وما يكون بس عم يلعب او تلعب

وميرسي عالموضوع

[mlatta1]

كاتب النص الأصلي : ليووش

بقى انا من المؤيدين للحب عالنت خصوصا لو كان صادق وما يكون بس عم يلعب او تلعب

هاي زبدة الكلام...
بس هالخصوصا هي مو قليلة؟؟؟؟؟

[yussefco]

كاتب النص الأصلي : ليووش

قبل ما جاوب على سؤالك
بدي اسالك شي
ازا كان عندك كنبايه او تريا او شي لديكور البيت بدك تظلي تشوفيه متل اول شهر او اول اسبوع جبتيه للبيت؟؟
اكيد بيختلف وبتصيري بتدوري على شي تاني وبتدوري عالفايده او الخدمه يلي عم تقدملك ياها هالكنبايه

متلو متل الحب من الشكللل بس
يعني ازا اتزوجتي او اتزوجت حدا حلو او حلوه بالبدايه بيصير بس الشكل بعدين بدك تدوري عالمضمون بتدوري على جوات هالشخص

بقى انا من المؤيدين للحب عالنت خصوصا لو كان صادق وما يكون بس عم يلعب او تلعب

وميرسي عالموضوع

و الله هادا كلام معقول كتير بس يعني قليل ما يتحقق بس ~إذا صار نجاحو باهر
رد كتير حلو

[ليووش]

yussefco

mlatta1

نشكركم لتعاونكم

[ليووش]

كاتب النص الأصلي : mlatta1

هاي زبدة الكلام...
بس هالخصوصا هي مو قليلة؟؟؟؟؟

جيب الزبده لنحطا عالنار

[أسير التشرد]

الحب ع النت إلا كان الواحد بدو يلعب من البداية فهاد اسمو مو حب وهو عبارة عن تسلية وبس
يعني بالاخير بيرجع للشخص اذا بدو يلعب ويتسلى بمشاعر الناس او عنجد حب وبالنهاية رح يكون لبعض ...
المشكلة انو بمجتمعاتنا الشرقية هيك علاقات بتكون ع الاغلب مشبوهة يعني اكتر الشباب بيلعبوا ع البنات والعكس صحيح ... اما لقضاء وقت او لتجربة الحب لفترة فقط... لانو البنت بتخاف ع نفسها ... من بكرا اذا اجى الشب وتقدملها وطلب ايدها من ابوها بطبيعة الحال الاب رح يسأل البنت من وين عرفتي الشب ... والجواب رح يكون ع الصاعقة ع الاب ...
برأيي قبل ما نجرب هيك حالة وهيك حب لازم نوعي ونثقف هالشباب والصبايا ... وبعدين خلينا نحب ع النت لحتى نشبع...
كتير حالات نجحت بالغرب وبكندا وامريكا بالزواج عن طريق النت... وقليل هي الحالات اللي نجحت بالمجتمعات الشرقية... المثخنة بالتقاليد والاعراف التي لا تسمن لا تغني من جوع....

[ليووش]

لك هالعادات والتقاليد يلي ماعم ترضى تتغير وكل جيل بيجي عقلو سميك اكتر من يلي قبلووو

لك استنو علينا 5 سنوات كمان بدنا نرجع للجاهليه وندفن البنت اول ما بتنولد حتى نسلم من العار

وقال شو هم البنات للمات

لك يعني بحياتي بعمري ما شفت شب اجا يقول هالبنت اغتصبتني

يعني كان لازم يقولو هم الشباب للممات

سوري لو طلعت برات الموضوع مع انو مو خروج نهائي باقرار متل يلي بالمنتدى عنا ههههههه
بس يعني حكيي فايت بجو الموضوع الاساسي

[yussefco]

كاتب النص الأصلي : أسير التشرد

الحب ع النت إلا كان الواحد بدو يلعب من البداية فهاد اسمو مو حب وهو عبارة عن تسلية وبس
يعني بالاخير بيرجع للشخص اذا بدو يلعب ويتسلى بمشاعر الناس او عنجد حب وبالنهاية رح يكون لبعض ...
المشكلة انو بمجتمعاتنا الشرقية هيك علاقات بتكون ع الاغلب مشبوهة يعني اكتر الشباب بيلعبوا ع البنات والعكس صحيح ... اما لقضاء وقت او لتجربة الحب لفترة فقط... لانو البنت بتخاف ع نفسها ... من بكرا اذا اجى الشب وتقدملها وطلب ايدها من ابوها بطبيعة الحال الاب رح يسأل البنت من وين عرفتي الشب ... والجواب رح يكون ع الصاعقة ع الاب ...
برأيي قبل ما نجرب هيك حالة وهيك حب لازم نوعي ونثقف هالشباب والصبايا ... وبعدين خلينا نحب ع النت لحتى نشبع...
كتير حالات نجحت بالغرب وبكندا وامريكا بالزواج عن طريق النت... وقليل هي الحالات اللي نجحت بالمجتمعات الشرقية... المثخنة بالتقاليد والاعراف التي لا تسمن لا تغني من جوع....

يمكن أنا أكون معك من ناحية بس من ناحية تانية لا ألا وهي إني التقاليد الشرقية لا تثني ولا تغني من جوع .... بحب أقلك يا سيدي إني حالات الزواج في الشرق الأوسط أنجح بكتير من المجتمعات الغربية ( إذا كانت مبنية على التكافؤ طبعا ) و معاملة الزوجة الشرقية لزوجها وأطفالها أفضل بكتير من الغرب صح إني الغرب متطور عن الشرق الأوسط ولكن التطور للأسف تكنولوجي وليس تطور أخلاقي أو أدبي إلا إذا كان الثقافة بالنسبة لبعض الناس تعني البنت أو الشب من بعد سن ال18 يكونو أحرار لدرجة إنو يرفعو قضايا على أولياء أمورهن بسبب كف صغير أو بهدلة على الماشي إلي بيكون أصلا لصالح تربيتهن أو عقابا على خطأ إرتكبوه بحق نفسن وحق غيرهن
فأنا بعتقد إني هي لا ثقافة ولا تطور وإنما إنحلال في المجتمع الراقي (على أساس)
وأكبر دليل بقدملك إياه إني التطور نجح نجاح كبير في الشرق الأوسط أكتر من الغرب هو إمارة دبي بتشوف مدينة متطورة من كافة الجهات وسبب نجاح هادا الشي هو إنها متطورة مادياً بأخلاق وتقاليد شرقية
آسف للإطالة ومشكورين يا شباب ويا صبايا

[كاليمارو]

انا جداً معارضه لنوع هذا الحب ..وليك فين القلب الي يغامر بهيك مغامره صعبه ..........يمكن في بس قليل .........ويمكن لما الواحد بيشوف الي يحبها مابتعجبه يمكن صوتها حلو بس شكلها بشع والعكس صيحيح...........وفين الي بترضي بهيك حب في هالزمن صعبه صعبه صعبه .......مافي حب حقيقي ......غش ........ كذب............ نفاق .........والي بحب علي هالطريقه الله يكون بعونه

[yussefco]

كاتب النص الأصلي : كاليمارو

انا جداً معارضه لنوع هذا الحب ..وليك فين القلب الي يغامر بهيك مغامره صعبه ..........يمكن في بس قليل .........ويمكن لما الواحد بيشوف الي يحبها مابتعجبه يمكن صوتها حلو بس شكلها بشع والعكس صيحيح...........وفين الي بترضي بهيك حب في هالزمن صعبه صعبه صعبه .......مافي حب حقيقي ......غش ........ كذب............ نفاق .........والي بحب علي هالطريقه الله يكون بعونه

باينتك طاحشة طحشة قوية روقي ولا يهمك

[abosleman]

أجمل حب هو الذي نعثر عليه اثناء بحثنا عن شيء أخر".


بدون تعليق

[بنت الاكارم]

يسلمو ا يارب والله ردودكم كلها روعه وبحترم وجهة نظر كل عضو كتب بهالموضوع

انا برأيي انه الحب ما بيعرف المكان ولا الزمان ولا الظروف ولا بيعرف اي شي سوى انه عم يحب هالانسان اللي ارتاحله ودخل قلبه بغض النظر عن الظروف وعن اي شي عم يعرقل هالحب لانها هاي مشاعر مو بإيدينا وعواطف عم تتحكم فينا ما بنقدر انه نتجاهلها لاجل ظروف معينه او انك ما عم تآمن بالطريقه ياللي حبيت فيها وهالعواطف احلى شي بالدنيا


تحياااااااتي

[عاشقة علي]

الحب شي كتير حلو بس ما بينبني على اني شفت الشخص او لا
لنو انا لما بحب شي بحب فيو روحو واخلاقو معاملتو معي واحساسو اتجاه
بحبو على شخصيتو وعقلو

[فيروزة]

كل شي ممكن
احيانا بكون الحب من دون ما تشوفي الشخص يلي بتحبيه أقوى من لمى بتشوفيه
يعني لما بتكون اخلاقه حلوة رح تحبيه أن شفتيه ولا لاء

[عاشقة علي]

الحب شي كتير حلو ومستحيل انو الكلمات توصفو لنو شي بقلبنا بروحنا شي بحرك مشاعرنا
بخليني نتحدى كل شي على شان خاطر الحب لو شو ما واجهنا
بس اكيد الي بنحبو لازم يكون اد الحب مو انو احبو على شكلو لنو جمال الانسان رايح
انو هلاء حبيتو بسن 18 وبس صار 30 صار بشع ومو سبور وهاي
لما بدنا انحب لازم نبني حبا على شي يدفعنا لقدام اكتر نبني على مشاعر صادقة على اخلاق حلوة على احساس جميل على روح وفكر وعقل
صح الانسان بينجذب على البنت اذا كانت حلوة
بس لما بيحكيها وبيفهم راح تتغير نظرتو لنو ما راح يشوف الي بدو ياه او الي بيتوقعو
فاذا بدنا انحب منحب الشخص من فكرو وشخصيتو وطيبه البو
لنو هدا الي راح ينفعنا مو منظر وبس
وانا حبيت على النت وما شفت الي حبيتو وعلاقتنا طلعت فاشلة مو لنو ما شفتو
لنو ما كان صريح وحكيو كذب واخر شي قال الحقيقة شو راح تنفع بعد ما بنينا علاقتنا
على اشياء وهميه
يعني نحنا بشر منحب يمكن ننجح ويمكن نفشل بس هي مو نهاية الدنيا
وما في بشر ما بحب لنو كلنا من لحم ودم

ما في اجمل من الحب بس اذا كان صريح وحساس

عشوووقة (لولو )رجعت

[blue rose]

طيب بلا هبل ................ شو حب ما حب على النت بدون ما تشوف
هو اصلا ما بيلزم صدقيني
طيب اذا حدا حطلك صحن قلك فيو شيء مش معروف ايش هو بتوكلي بدون ما تعرفي
؟؟؟؟؟؟؟؟؟؟ نووووووب نوووووووو لأ لع

[xena]

اي شو انعدموا الشباب او البنات بحياة الواحد ؟ شو ما عاد في طريقة ناجحة غير النت ؟
سهل الواحد يحب عالنت او التيليفون لأنو ما ببين غير المنيح بالشخص بس لما بتيجي عالحياة الواقعية يا سلااااااااااام , بلاوي زرقا
اي تشاطروا و حبوا عالحقيقة لأنو النت شغلي فاضي و كلها أحلام بأحلام
اصلا شو بدو الواحد من وجع هالراس
بس السبب برأي انو المجتمع العربي مجتمع منغلق يعني ما مألوف كتير انو البنت تحكي شب بالحقيقة فما لقوا غير النت و التيليفون , و هلأ الشباب و البنات بعد ما صار هيك شوية انفتاح , صار كل ما بنت تشوف شب أو شب بشوف بنت و يحكيا فورا بحبوا بعض, يعني مشاعر الاخوة معدومة تقريبا بين الشب و البنت بمجتمعنا, و هادا غلط , يعني البنت و الشب لازم يتعودوا ينظروا لبعض كأخوة , و في شغلات كتير اهم و احلى من الحب, يعني الواحد يحب بس بطريقة مشروعة و صح بحيث ما يضطروا يتخبوا من العالم بالنت و التيليفون, ما هيك ؟

[عيون جريئه]

كاتب النص الأصلي : xena

اي شو انعدموا الشباب او البنات بحياة الواحد ؟ شو ما عاد في طريقة ناجحة غير النت ؟
سهل الواحد يحب عالنت او التيليفون لأنو ما ببين غير المنيح بالشخص بس لما بتيجي عالحياة الواقعية يا سلااااااااااام , بلاوي زرقا
اي تشاطروا و حبوا عالحقيقة لأنو النت شغلي فاضي و كلها أحلام بأحلام
اصلا شو بدو الواحد من وجع هالراس
بس السبب برأي انو المجتمع العربي مجتمع منغلق يعني ما مألوف كتير انو البنت تحكي شب بالحقيقة فما لقوا غير النت و التيليفون , و هلأ الشباب و البنات بعد ما صار هيك شوية انفتاح , صار كل ما بنت تشوف شب أو شب بشوف بنت و يحكيا فورا بحبوا بعض, يعني مشاعر الاخوة معدومة تقريبا بين الشب و البنت بمجتمعنا, و هادا غلط , يعني البنت و الشب لازم يتعودوا ينظروا لبعض كأخوة , و في شغلات كتير اهم و احلى من الحب, يعني الواحد يحب بس بطريقة مشروعة و صح بحيث ما يضطروا يتخبوا من العالم بالنت و التيليفون, ما هيك ؟

بس يا ست احنا ما منقول بتزبط مع الجميع

واحيانا هادا الحب بيكون ناجح اكتر من غيره

واقرب مثال جارنا حب وحده على النت وهيه تزوحها وهيهم مبسوطين